നിങ്ങൾക്ക്‌ എത്രകാ​ലം ജീവി​ക്കാ​നാ​കും?

ജീവി​ത​ത്തി​ന്റെ വഴിത്താ​ര​യിൽ പ്രശ്‌നങ്ങൾ ഉണ്ടെന്നു നമ്മിൽ മിക്കവ​രും അനായാ​സം സമ്മതി​ക്കും. എങ്കിലും ജീവി​ച്ചി​രി​ക്കു​ന്ന​തിൽ നാം സന്തുഷ്ട​രാണ്‌. കേവലം നമ്മുടെ കുട്ടി​ക്കാ​ല​മോ ഹ്രസ്വ​മായ ജീവാ​യു​സ്സോ​കൊ​ണ്ടു നാം സംതൃ​പ്‌തരല്ല; അനേക വർഷങ്ങൾ ജീവി​ക്കാൻ നാം ആഗ്രഹി​ക്കും. എന്നിരു​ന്നാ​ലും മരണം അനിവാ​ര്യ​മാ​ണെന്നു തോന്നി​പ്പോ​കു​ന്നു. അങ്ങനെ​യാ​ണോ?

മരണത്തെ വൈകി​പ്പി​ക്കുക സാധ്യ​മാ​ണോ? നമ്മുടെ ആയുസ്സി​നെ ദീർഘി​പ്പി​ക്കാൻ കഴിയു​മോ?

ദീർഘി​പ്പി​ക്കാ​വുന്ന ആയുർ​ദൈർഘ്യം?

മനുഷ്യാ​യുസ്സ്‌ “ഇരുപ​തി​റ​റ​ഞ്ചും പത്തും വർഷങ്ങളാ”യി (നൂററി​പ്പത്തു വർഷം) ദീർഘി​പ്പി​ക്കാ​നുള്ള സാധ്യ​ത​യെ​പ്പ​ററി ഒരു വാർത്താ റിപ്പോർട്ട്‌ 1990-ൽ പ്രസ്‌താ​വി​ച്ചു. ഇതു സംശയ​ലേ​ശ​മെ​ന്യേ ബൈബിൾ സങ്കീർത്ത​ന​ക്കാ​ര​നായ മോശ​യു​ടെ പിൻവ​രുന്ന വാക്കു​ക​ളു​ടെ ഒരു പരോ​ക്ഷ​മായ പരാമർശ​മാ​യി​രു​ന്നു: “ഞങ്ങളുടെ ആയുഷ്‌കാ​ലം ഇരുപ​തി​ററ്‌ മൂന്നും പത്തും വർഷങ്ങ​ളാണ്‌; കായ​ശേഷി നിമിത്തം അവ ഇരുപ​തി​ററ്‌ നാലു വർഷങ്ങ​ളാ​യേ​ക്കാം, എങ്കിലും അവയുടെ പ്രഭാവം അധ്വാ​ന​വും ദുഃഖ​വു​മ​ത്രേ; എന്തു​കൊ​ണ്ടെ​ന്നാൽ അതു പെട്ടെന്നു അററു​പോ​കു​ന്നു, ഞങ്ങൾ പറന്നു​പോ​കു​ക​യും ചെയ്യുന്നു.” (സങ്കീർത്തനം 90:10, ജയിംസ്‌ രാജാ​വി​ന്റെ ഭാഷാ​ന്തരം) അതു​കൊണ്ട്‌, ബൈബിൾ മനുഷ്യാ​യു​സ്സി​ന്റെ ശരാശരി ദൈർഘ്യ​മാ​യി നൽകു​ന്നത്‌ 70-ഓ 80-ഓ വർഷമാണ്‌. എന്നാൽ ഇന്ന്‌ ഒരു വ്യക്തിക്കു ജീവി​ക്കാൻ പ്രതീ​ക്ഷി​ക്കു​ന്ന​തി​നു സാധ്യ​ത​യുള്ള വർഷങ്ങൾ എത്രയാണ്‌?

ലോകാ​രോ​ഗ്യ സംഘടന (WHO) 1992-ൽ പ്രസി​ദ്ധീ​ക​രിച്ച ഒരു റിപ്പോർട്ട്‌, ലോക​മൊ​ട്ടാ​കെ ശരാശരി ആയുഷ്‌കാ​ലം 65 വർഷമാ​ക്കി നിശ്ചയി​ച്ചു. ലോകാ​രോ​ഗ്യ സംഘടന പറയുന്ന പ്രകാരം “ശൈശവ മരണം കുറഞ്ഞു​വ​രു​ന്നു​വെന്ന പ്രധാ​ന​കാ​ര​ണ​ത്താൽ ഇതു വർഷം​തോ​റും ഏതാണ്ടു നാലു​മാ​സ​മെന്ന നിരക്കിൽ അടുത്ത അഞ്ചു വർഷം വർധി​ക്കാൻ പ്രതീ​ക്ഷി​ച്ചി​രു​ന്ന​താണ്‌.” എന്നിരു​ന്നാ​ലും, വൈദ്യ​ശാ​സ്‌ത്ര​പ​ര​മായ ഒരു അത്ഭുതം ഒരുവന്‌ 50 വയസ്സാ​കു​ന്ന​തി​നു മുമ്പു​ണ്ടാ​യേ​ക്കാ​വുന്ന മരണത്തെ തടഞ്ഞാൽപോ​ലും ടൈം മാസിക പറയുന്ന പ്രകാരം ഐക്യ​നാ​ടു​ക​ളിൽ “ശരാശരി ആയുർ​ദൈർഘ്യ​ത്തി​ലെ വർധനവ്‌ വെറും 3¹⁄₂ വർഷം മാത്ര​മാ​യി​രി​ക്കും.”

ജീവിതം എന്തു​കൊ​ണ്ടാണ്‌ ഇത്ര ഹ്രസ്വ​മാ​യി​രി​ക്കു​ന്നത്‌?

ചില രോഗങ്ങൾ മനുഷ്യ ശരീര​കോ​ശ​ങ്ങ​ളു​ടെ ഘടനാ​വൈ​ക​ല്യ​ങ്ങ​ളോ​ടു ബന്ധപ്പെ​ട്ടി​രി​ക്കു​ന്ന​തു​പോ​ലെ വാർധ​ക്യം പ്രാപി​ക്കുക എന്ന പ്രക്രിയ ജനിതക ഘടകങ്ങ​ളാൽ സ്വാധീ​നി​ക്ക​പ്പെ​ട്ടി​രി​ക്കു​ന്ന​താ​യി കാണ​പ്പെ​ടു​ന്നു​വെന്ന്‌ നെതർലൻഡ്‌സി​ന്റെ വാർധ​ക്യം സംബന്ധിച്ച പരീക്ഷ​ണ​പ​ഠ​ന​കേ​ന്ദ്ര​ത്തി​ലെ ഡോ. യാൻ ഫേക്‌ വാദി​ക്കു​ന്നു. നാം വാർധ​ക്യം പ്രാപി​ക്കു​ന്ന​ത​നു​സ​രിച്ച്‌ “ഒരു കൈപ്പി​ടി​യി​ലൊ​തു​ങ്ങുന്ന കുറെ അടിസ്ഥാന ജീനു​കളെ” പകരം സ്ഥാപി​ക്കാൻ കഴിഞ്ഞാൽ നമുക്കു ദീർഘ​കാ​ലം ജീവി​ക്കാൻ കഴിയു​മാ​യി​രു​ന്നെന്നു ചില ഗവേഷകർ വിശ്വ​സി​ക്കു​ന്നു. അത്തര​മൊ​രു നിർദേ​ശത്തെ മററു​ചി​ലർ “കഥയി​ല്ലായ്‌മ” എന്നു മുദ്ര​യ​ടി​ക്കു​ന്നു.

എന്തായാ​ലും “മനുഷ്യ ശരീര​ത്തി​ലെ കോശ​ങ്ങൾക്കു​ള്ളിൽ ഒരു ജീവപ​രി​ധി സംവി​ധാ​നം ചെയ്യ​പ്പെ​ട്ടി​ട്ടു​ള്ള​താ​യി” ശാസ്‌ത്രജ്ഞർ സമ്മതി​ക്കു​ന്നു​വെന്നു ടൈം മാസിക റിപ്പോർട്ടു ചെയ്യുന്നു. “നാം ജീവ​നോ​ടെ നിലനിൽക്കാൻ സംവി​ധാ​നം ചെയ്യ​പ്പെ​ട്ടി​രി​ക്കു​ന്നു” എന്നു വാദി​ക്കുന്ന ചിലർപോ​ലും “എന്തോ പിശകു സംഭവി​ക്കുന്ന”തായി സമ്മതി​ക്കു​ന്നു. വാസ്‌ത​വ​മാ​യും 65-ഓ 70-ഓ 80-ഓ അല്ലെങ്കിൽ ഏതാനും വർഷങ്ങൾ കൂടെ​യോ കഴിയു​മ്പോൾ ബൈബിൾ പറയുന്ന പ്രകാരം നമ്മുടെ ജീവിതം “പെട്ടെന്ന്‌ അററു​പോ​കു​ന്നു.”

എന്നിരു​ന്നാ​ലും പൊ.യു. (പൊതു​യു​ഗം) ഒന്നാം നൂററാ​ണ്ടി​ലെ ക്രിസ്‌തീയ അപ്പോ​സ്‌ത​ല​നായ പൗലോസ്‌ ആത്മവി​ശ്വാ​സ​ത്തോ​ടെ പ്രവചി​ച്ചു: “നശിപ്പി​ക്ക​പ്പെ​ടേണ്ട അവസാ​നത്തെ ശത്രു മരണമാണ്‌.” (1 കോറി 15:26, ഓശാന ബൈ.) എങ്ങനെ മരണത്തിന്‌ അറുതി വരുത്താൻ കഴിയും? അതിന്‌ അറുതി​വ​രു​ത്തി​യാൽത്ത​ന്നെ​യും പ്രിയ​പ്പെ​ട്ട​വ​രു​ടെ മരണത്തെ ഇന്നു നമുക്ക്‌ എങ്ങനെ നേരി​ടാം?