അതിവി​ശുദ്ധ വിശ്വാ​സ​ത്തി​ലുള്ള ഗിലെ​യാദ്‌ പരിശീ​ല​നം

“നമ്മുടെ വിദ്യാർഥി​കൾക്ക്‌ അതിവി​ശുദ്ധ വിശ്വാ​സ​ത്തിൽ ശരിയാം​വ​ണ്ണ​മുള്ള പരിശീ​ലനം സിദ്ധി​ച്ചി​രി​ക്കു​ന്നു.” ഈ വാക്കു​ക​ളോ​ടെ​യാ​യി​രു​ന്നു 1993 സെപ്‌റ​റം​ബർ 12 ഞായറാഴ്‌ച നടന്ന വാച്ച്‌ ടവർ ബൈബിൾ ഗിലെ​യാദ്‌ സ്‌കൂ​ളി​ന്റെ 95-ാമത്തെ ബിരു​ദ​ദാന ചടങ്ങിന്‌ ആരംഭം കുറി​ച്ചത്‌. രാവിലെ ജേഴ്‌സി സിററി അസംബ്ലി​ഹാ​ളിൽ സന്നിഹി​ത​രാ​യി​രുന്ന ക്ഷണിക്ക​പ്പെട്ട 4,614 അതിഥി​കൾക്കും ബെഥേൽ കുടും​ബാം​ഗ​ങ്ങൾക്കും വേണ്ടി പ്രാരം​ഭ​പ്രാർഥന അർപ്പി​ച്ചത്‌ ജോർജ്‌ ഗാൻജസ്‌ ആയിരു​ന്നു. 97 വയസ്സുള്ള ഗാൻജസ്‌ സഹോ​ദരൻ 65 വർഷമാ​യി ബെഥേൽ കുടും​ബാം​ഗ​മാണ്‌, ഭരണസം​ഘ​ത്തി​ലെ ഏററവും പ്രായം​ചെന്ന അംഗവും അദ്ദേഹം​തന്നെ.

ഭരണസം​ഘ​ത്തിൽനി​ന്നു​ത​ന്നെ​യുള്ള ആൽബർട്ട്‌ ഷ്രോഡർ ആയിരു​ന്നു പരിപാ​ടി​യു​ടെ ചെയർമാൻ. അദ്ദേഹം ഇങ്ങനെ പ്രസ്‌താ​വി​ച്ചു: “അഞ്ചു മാസ​ത്തോ​ള​മു​ണ്ടാ​യി​രുന്ന ഗിലെ​യാദ്‌ കോഴ്‌സ്‌ അതിവി​ശുദ്ധ വിശ്വാ​സത്തെ അടിസ്ഥാ​ന​മാ​ക്കി​യാ​യി​രു​ന്നു.” എന്നാൽ “അതിവി​ശുദ്ധ വിശ്വാ​സം” എന്താണ്‌? യൂദാ 20-ൽ സൂചി​പ്പി​ച്ചി​രി​ക്കുന്ന ഈ “അതിവി​ശുദ്ധ വിശ്വാ​സം” മുഴു ബൈബിൾസ​ത്യ​ങ്ങ​ളു​മാണ്‌. അതു​കൊണ്ട്‌ ഗിലെ​യാദ്‌ കോഴ്‌സിന്‌ അവലം​ബ​മാ​യി​രി​ക്കുന്ന മുഖ്യ പാഠപു​സ്‌തകം യഹോ​വ​യു​ടെ വചനമായ ബൈബിൾ ആണ്‌.

വിദ്യാർഥി​കൾ കൂടു​ത​ലായ പ്രബോ​ധനം സ്വീക​രി​ക്കു​ന്നു

“ബുദ്ധി​ശാ​ലി​ക​ളായ വ്യക്തി​ക​ളു​ടെ സ്വാധീ​ന​ത്തിൽനി​ന്നു പ്രയോ​ജനം നേടൽ” എന്ന വിഷയ​ത്തെ​ക്കു​റി​ച്ചു പ്രസം​ഗിച്ച വാച്ച്‌ടവർ ഫാംസ്‌ കമ്മിറ​റി​യിൽനി​ന്നുള്ള ജോൺ സ്‌ററൂ​ഫ്‌ളോ​ററൻ ആയിരു​ന്നു ആദ്യ പ്രസം​ഗകൻ. “ജ്ഞാനി​ക​ളോ​ടു​കൂ​ടെ നടക്കു”ന്നവർ “ജ്ഞാനി”കളാകും എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 13:20) ഗിലെ​യാദ്‌ കോഴ്‌സിൽ വിദ്യാർഥി​കൾ ബൈബിൾ പഠിക്കു​ന്ന​തി​നു ചെലവി​ട്ടത്‌ 900-ത്തിലധി​കം മണിക്കൂ​റു​ക​ളാ​യി​രു​ന്നു. സ്‌ററൂ​ഫ്‌ളോ​ററൻ സഹോ​ദരൻ വിദ്യാർഥി​ക​ളോ​ടാ​യി ചോദി​ച്ചു: “എങ്ങനെ​യാ​യി​രി​ക്കും യഹോ​വ​യു​ടെ സ്വാധീ​നം നിങ്ങളെ ഭാവി​യിൽ ബാധി​ക്കുക? ആകെ 17 കോടി​യോ​ളം ജനങ്ങളുള്ള 18 രാജ്യ​ങ്ങ​ളി​ലേ​ക്കാ​ണു നിങ്ങൾ പോകു​ന്നത്‌. അതു​കൊണ്ട്‌ ആ ജനങ്ങളെ നിങ്ങൾ എങ്ങനെ സ്വാധീ​നി​ക്കും?” യഹോ​വ​യു​ടെ ജ്ഞാനം പ്രതി​ഫ​ലി​പ്പി​ച്ചു​കൊണ്ട്‌ സീമാ​തീ​ത​ജ്ഞാ​ന​ത്തി​ന്റെ ഉറവി​ട​മായ യഹോ​വ​യു​ടെ ആരാധ​ക​രാ​യി​ത്തീ​രാൻ മററു​ള്ള​വരെ സഹായി​ക്കാൻ പുതു​മി​ഷ​ന​റി​മാർ പ്രാപ്‌ത​രാ​യി​ത്തീ​രും.

“എല്ലാ മനുഷ്യർക്കും​വേണ്ടി എല്ലാമാ​യി​ത്തീ​രൽ” എന്നതാ​യി​രു​ന്നു അടുത്ത പ്രസംഗം അവതരി​പ്പിച്ച ഭരണസം​ഘ​ത്തിൽനി​ന്നുള്ള ലോയ്‌ഡ്‌ ബാരി​യു​ടെ വിഷയം. (1 കൊരി​ന്ത്യർ 9:22, ജയിംസ്‌ രാജാ​വി​ന്റെ ഭാഷാ​ന്തരം) 45 വർഷം മുമ്പ്‌, 11-ാമത്തെ ഗിലെ​യാദ്‌ സ്‌കൂ​ളിൽ ബാരി സഹോ​ദ​രൻതന്നെ ഒരു വിദ്യാർഥി​യാ​യി​രു​ന്നു. ഒരു വിദേശ രാജ്യത്തു വർഷങ്ങ​ളു​ടെ അനുഭ​വ​പ​രി​ച​യ​മുള്ള ഒരു മുൻമി​ഷ​ന​റി​യിൽനി​ന്നുള്ള പ്രാ​യോ​ഗിക ബുദ്ധ്യു​പ​ദേശം സ്വീക​രി​ക്കു​ന്നത്‌ ഇപ്പോൾ 95-ാമത്തെ ക്ലാസ്സ്‌ വിലമ​തി​ച്ചു. തങ്ങളുടെ പുതിയ വിദേശ രാജ്യത്തെ പ്രാ​ദേ​ശിക സംസ്‌കാ​രം അറിയാൻ ശ്രമി​ച്ചു​കൊ​ണ്ടും അവിടത്തെ പ്രാ​ദേ​ശിക ഭാഷ പഠിച്ചു​കൊ​ണ്ടും ജനങ്ങളു​മാ​യി ശീഘ്രം താദാ​ത്മ്യം പ്രാപി​ക്കാൻ അദ്ദേഹം വിദ്യാർഥി​കളെ പ്രോ​ത്സാ​ഹി​പ്പി​ച്ചു. ആളുക​ളു​മാ​യി അടുത്ത്‌ ഇടപഴകി അവരോ​ടൊ​ത്തു വേല ചെയ്‌തു​കൊ​ണ്ടും അവരുടെ ആചാരങ്ങൾ പഠിച്ച്‌ ഉചിത​മാ​യി​രി​ക്കു​മ്പോ​ഴെ​ല്ലാം അതുമാ​യി പൊരു​ത്ത​പ്പെ​ട്ടു​കൊ​ണ്ടും ഇത്‌ ഏററവും നന്നായി ചെയ്യാ​വു​ന്ന​താ​ണെന്ന്‌ അദ്ദേഹം പറഞ്ഞു.

അടുത്ത​താ​യി, “കർത്തവ്യ​വി​മു​ക്ത​രാ​ക്ക​പ്പെ​ട്ടി​രി​ക്കു​ന്നു” എന്ന രസാവ​ഹ​മായ വിഷയ​മാ​യി​രു​ന്നു. ഈ പ്രസംഗം നിർവ​ഹി​ച്ച​താ​കട്ടെ ഫാക്ടറി കമ്മിറ​റി​യം​ഗം ഡീൻ സോങ്ക​റും. സങ്കീർണ​ത​ക​ളോ ശ്രദ്ധാ​ശൈ​ഥി​ല്യ​മോ കൂടാതെ, ഭൗതി​ക​മായ ആശങ്കക​ളിൽനി​ന്നു വിമു​ക്ത​മാ​യി ഏൽപ്പി​ക്ക​പ്പെ​ട്ടി​രി​ക്കുന്ന ജോലി​യിൽ സകല ശ്രദ്ധയും അർപ്പി​ച്ചു​കൊ​ണ്ടു ജീവിതം നയിക്കുക എന്നാൽ എന്താണ്‌ അർഥമാ​ക്കു​ന്ന​തെന്നു 35 വർഷത്തി​ല​ധി​കം മുഴു​സമയ സേവന​ത്തി​ലാ​യി​രി​ക്കുന്ന സോങ്കർ സഹോ​ദ​രന്‌ അറിയാം. അതായി​രു​ന്നു വിദ്യാർഥി​കൾക്കുള്ള അദ്ദേഹ​ത്തി​ന്റെ ബുദ്ധ്യു​പ​ദേ​ശ​ത്തി​ന്റെ കാതൽ. മററു ലേവ്യർക്കു പൊതു​വി​ലു​ണ്ടാ​യി​രുന്ന കർത്തവ്യ​ങ്ങ​ളിൽനി​ന്നു യഹോ​വ​യു​ടെ ആലയത്തി​ലെ ഗായകരെ ഒഴിവാ​ക്കി​യി​രു​ന്നു. ഇതു തങ്ങളുടെ പ്രത്യേക നിയമ​ന​ങ്ങൾക്കു തങ്ങളെ​ത്തന്നേ മുഴു​വ​നാ​യി സമർപ്പി​ക്കാൻ അവർക്കു കഴി​യേ​ണ്ട​തി​നാ​യി​രു​ന്നു. (1 ദിനവൃ​ത്താ​ന്തം 9:33) അതു​പോ​ലെ ഭൗതിക ജോലി​പോ​ലുള്ള സാധാരണ സംഗതി​ക​ളിൽനി​ന്നു ഗിലെ​യാദ്‌ മിഷന​റി​മാ​രും ഒഴിവാ​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌ തങ്ങളുടെ പ്രത്യേക സേവന​ത്തിൽ ശ്രദ്ധ കേന്ദ്രീ​ക​രി​ക്കാൻ അവർക്കാ​കും. സോങ്കർ സഹോ​ദരൻ ഈ അനുശാ​സ​ന​ത്തോ​ടെ​യാ​യി​രു​ന്നു ഉപസം​ഹ​രി​ച്ചത്‌: “നിങ്ങളു​ടെ ജീവി​ത​വീ​ക്ഷണം ഏകത്ര കേന്ദ്രീ​ക​രി​ക്കു​ക​യും ലളിത ജീവിതം നയിക്കു​ക​യും ചെയ്യുക. കർത്തവ്യ​വി​മു​ക്ത​രെന്ന നിലയി​ലുള്ള നിങ്ങളു​ടെ ഉത്തരവാ​ദി​ത്വം യഹോ​വയെ സ്‌തു​തി​ച്ചു​കൊണ്ട്‌ വേലയിൽ രാപകൽ ഉണ്ടായി​രി​ക്കുക എന്നതാണ്‌.”

അതേത്തു​ടർന്ന്‌, “ജീവി​ത​ത്തിൽനിന്ന്‌ ഏററവും മെച്ചമാ​യത്‌ എങ്ങനെ നേടാ​മെന്നു മററു​ള്ള​വരെ പഠിപ്പി​ക്കൽ” എന്ന വിഷയ​വു​മാ​യി ഭരണസം​ഘാം​ഗ​മായ ഡാനി​യേൽ സിഡ്‌ലിക്‌ രംഗത്തു​വന്നു. “തത്ത്വങ്ങൾ പഠിപ്പി​ക്കാൻ മാത്രമല്ല, ആളുകൾ തങ്ങളുടെ ജീവി​തത്തെ ദൈ​വേ​ഷ്ട​ത്തി​നു ചേർച്ച​യിൽ കൊണ്ടു​വ​രാൻ അവർ എന്തു ചെയ്യണ​മെന്നു കാണി​ച്ചു​കൊ​ടു​ക്കാൻതക്ക ധൈര്യ​മു​ള്ള​വ​രാ​യി​രി​ക്കാ​നും” അദ്ദേഹം വിദ്യാർഥി​കളെ പ്രോ​ത്സാ​ഹി​പ്പി​ച്ചു. ഉത്തമ ഉപദേ​ഷ്ടാ​ക്കൾ പ്രചോ​ദി​പ്പി​ക്കു​ക​യും പ്രേരി​പ്പി​ക്കു​ക​യും വേണം. “കേവലം നിയമ​ങ്ങ​ളോ നിബന്ധ​ന​ക​ളോ പഠിപ്പി​ക്കു​ന്ന​തി​ലല്ല, മറിച്ച്‌ ക്രിസ്‌തീയ മൂല്യങ്ങൾ പടുത്തു​യർത്തു​ന്ന​തിൽ ബോധ​മു​ള്ള​വ​രാ​യി​രി​പ്പിൻ എന്ന്‌ അദ്ദേഹം പറഞ്ഞു. “പ്രിയ സഹോ​ദ​ര​ങ്ങളേ, എല്ലാറ​റി​ലും ഉപരി​യാ​യി എങ്ങനെ സ്‌നേ​ഹി​ക്കാ​മെന്നു സ്വയം പഠിക്കു​ക​യും മററു​ള്ള​വരെ പഠിപ്പി​ക്കു​ക​യും ചെയ്യു​വിൻ, എന്തു​കൊ​ണ്ടെ​ന്നാൽ അത്‌ ഐക്യ​ത്തി​ന്റെ ഒരു സമ്പൂർണ ബന്ധമാ​കു​ന്നു” എന്നു പറഞ്ഞു​കൊണ്ട്‌ അദ്ദേഹം ഉപസം​ഹ​രി​ച്ചു.—1 കൊരി​ന്ത്യർ 13:1-3; കൊ​ലോ​സ്യർ 3:14, NW.

മാസങ്ങ​ളു​ടെ പരിശീ​ല​ന​ത്തോ​ടെ രണ്ടു ഗിലെ​യാദ്‌ അധ്യാ​പകർ വിദ്യാർഥി​കൾക്കു വിശേ​ഷി​ച്ചു പ്രിയ​പ്പെ​ട്ട​വ​രാ​യി. ഒരു മുൻ മിഷന​റി​യായ ജാക്ക്‌ റെഡ്‌ഫോർഡ്‌ ആദ്യം പ്രസം​ഗി​ച്ചു, “നിങ്ങൾ ശരിയായ തിര​ഞ്ഞെ​ടു​പ്പു നടത്തി​യി​രി​ക്കു​ന്നു” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. ഒരു ക്രിസ്‌തീയ അപ്പോ​സ്‌ത​ല​നാ​യി​ത്തീ​രു​ന്ന​തി​നു മുമ്പ്‌, പുരാതന യഹൂദ​രു​ടെ ലോക​ത്താ​യി​രുന്ന പൗലോ​സി​നു സ്ഥാനമാ​നം, അന്തസ്സ്‌, സ്വാധീ​നം, സാമ്പത്തിക സുരക്ഷി​ത​ത്വം എന്നിവ​യൊ​ക്കെ ഉണ്ടായി​രു​ന്നു. പക്ഷേ ഫിലി​പ്‌സി​ന്റെ തർജമ​യ​നു​സ​രി​ച്ചാ​ണെ​ങ്കിൽ ഫിലി​പ്പി​യർ 3:8-ൽ പൗലോസ്‌ ഇതി​നെ​യെ​ല്ലാം വർണി​ച്ചത്‌ “ഒരു കൂട്ടം ഉച്ഛിഷ്ടം” അഥവാ “പാഴ്‌വ​സ്‌തു​ക്കൾ” എന്നാണ്‌. ശുശ്രൂ​ഷ​യി​ലാ​യി​രു​ന്നു അദ്ദേഹ​ത്തി​ന്റെ ഹൃദയം, അദ്ദേഹം ശരിയായ തിര​ഞ്ഞെ​ടു​പ്പു നടത്തി. ഇതിനു നേർവി​പ​രീ​ത​മാ​യി​ട്ടാ​ണു മനുഷ്യ​വർഗ​ത്തിൽ ഭൂരി​ഭാ​ഗ​വും ചിന്തി​ക്കു​ന്നത്‌, ജീവി​ത​ത്തിൽ തങ്ങളുടെ തിര​ഞ്ഞെ​ടു​പ്പു​ക​ളാൽ അവർ പ്രകട​മാ​ക്കു​ന്നത്‌ നിത്യ​ജീ​വ​നെ​ക്കാൾ കൂടുതൽ മൂല്യം ഭൗതിക സ്വത്തു​ക്കൾക്കാണ്‌ എന്നാണ്‌. ഗിലെ​യാദ്‌ മിഷന​റി​മാർ ശരിയായ തിര​ഞ്ഞെ​ടു​പ്പു നടത്തി​യി​രി​ക്കു​ന്നു. ജാക്ക്‌ റെഡ്‌ഫോർഡ്‌ ഇങ്ങനെ ഉപസം​ഹ​രി​ച്ചു: “മിഷന​റി​സേ​വ​ന​വു​മാ​യി താരത​മ്യ​പ്പെ​ടു​ത്താ​വുന്ന ഒന്നും​തന്നെ നിങ്ങൾക്കു വെച്ചു​നീ​ട്ടാൻ സാത്താന്റെ ലോക​ത്തി​നാ​കില്ല. ഈ വിലതീ​രാത്ത പദവിയെ കാത്തു​കൊ​ള്ളു​വിൻ, ലോകം അതിന്റെ പാഴ്‌വ​സ്‌തു​ക്കളെ കാത്തു​കൊ​ള്ളട്ടെ!”

യുളീ​സീസ്‌ ഗ്ലാസ്‌ കഴിഞ്ഞ 32 വർഷമാ​യി ഗിലെ​യാദ്‌ അധ്യാ​പ​ക​നാണ്‌. “ദൈവ​ത്തി​നു മാത്രമേ ഒരു വൃക്ഷമു​ണ്ടാ​ക്കാ​നാ​വൂ” എന്ന വിഷയത്തെ ആസ്‌പ​ദ​മാ​ക്കി വിടപ​റ​യു​ന്ന​വർക്ക്‌ ഏതാനും ബുദ്ധ്യു​പ​ദേശം അദ്ദേഹം നൽകി, സങ്കീർത്തനം 1:3-നെ കേന്ദ്രീ​ക​രി​ച്ചാ​യി​രു​ന്നു അദ്ദേഹ​ത്തി​ന്റെ പ്രസംഗം. ദൈവം രൂപകൽപ്പന ചെയ്‌ത ഒരു വൃക്ഷത്തി​ന്റെ നിർമാ​ണത്തെ വെല്ലു​വി​ളി​ക്കാൻ ആധുനിക സാങ്കേ​തി​ക​വി​ദ്യക്ക്‌ ഒരിക്ക​ലും കഴിഞ്ഞി​ട്ടില്ല. ഒരർഥ​ത്തിൽ സത്യ​ക്രി​സ്‌ത്യാ​നി​കൾ വൃക്ഷങ്ങ​ളെ​പ്പോ​ലെ​യാണ്‌, നടുന്ന​തും നനയ്‌ക്കു​ന്ന​തും യഹോ​വ​യാണ്‌. അഞ്ചു മാസ​ത്തേക്ക്‌ ഒരു ആത്മീയ തോട്ട​ത്തി​ലെ അഥവാ പറുദീ​സ​യി​ലെ വൃക്ഷങ്ങ​ളെ​പ്പോ​ലെ വിദ്യാർഥി​കൾ “ദൈവ​വ​ച​ന​ത്തി​ലെ ജീവദാ​യക ജലത്തിന്റെ ഉറവിൽനി​ന്നു ക്രമമാ​യി നനയ്‌ക്ക​പ്പെ​ടു​ക​യാ​യി​രു​ന്നു” എന്നു ഗ്ലാസ്‌ സഹോ​ദരൻ നിരീ​ക്ഷി​ച്ചു. എന്നിരു​ന്നാ​ലും, മിഷന​റി​മാർ “തങ്ങളുടെ ആത്മീയ മൂലവ്യ​വ​സ്ഥ​യ്‌ക്ക്‌ (root system) എന്തെങ്കി​ലും കേടു​പ​റ​റു​ന്ന​തി​നെ​തി​രെ” സൂക്ഷി​ക്കണം. ‘ദൈവ​ത്തി​നു മാത്രമേ ഒരു വൃക്ഷമു​ണ്ടാ​ക്കാ​നാ​വൂ എന്നതി​നാൽ യഹോ​വ​യിൽനി​ന്നുള്ള ജീവജലം കുടി​ക്കു​ന്ന​തിൽ തുടരാൻ’ അവർ ഉദ്‌ബോ​ധി​പ്പി​ക്ക​പ്പെട്ടു.

ഭരണസം​ഘ​ത്തി​ലെ ഒരംഗ​മായ ക്യാരി ബാർബ​റു​ടേ​താ​യി​രു​ന്നു അവസാ​നത്തെ പ്രസംഗം. 70 വർഷത്തെ മുഴു​സമയ സേവന​ത്തി​നു ശേഷം ബാർബർ സഹോ​ദ​രന്‌ ഉറപ്പോ​ടെ പ്രസം​ഗി​ക്കാൻ കഴിഞ്ഞ ഒരു വിഷയ​മാ​യി​രു​ന്നു, “യഹോ​വക്ക്‌ അനന്യ​ഭക്തി കൊടു​ക്കുക” എന്നത്‌. ജനപദ​ങ്ങ​ളിൽ ഒട്ടുമി​ക്ക​വ​രും യഹോ​വക്ക്‌ അനന്യ​ഭക്തി കൊടു​ത്തി​ട്ടില്ല. (ആവർത്ത​ന​പു​സ്‌തകം 5:9) എന്നുവ​രി​കി​ലും, ബാർബർ സഹോ​ദരൻ സൂചി​പ്പി​ച്ച​തു​പോ​ലെ, നാം അപൂർണ​രെ​ങ്കി​ലും “ദൈവ​ത്തി​നു പൂർണ​മാ​യും അർപ്പി​ത​രാ​യി​രി​ക്കാൻ തീർത്തും സാധ്യ​മാണ്‌.” “‘പിശാച്‌ എന്നെ​ക്കൊണ്ട്‌ അതു ചെയ്യി​പ്പി​ച്ചു’ എന്ന്‌ ആർക്കും വാസ്‌ത​വ​ത്തിൽ പറയാ​നാ​വില്ല’” എന്ന്‌ അദ്ദേഹം കൂട്ടി​ച്ചേർത്തു. പക്ഷേ നാം അവനോട്‌ എതിരി​ടാൻ പരാജ​യ​പ്പെ​ടു​ന്നെ​ങ്കിൽ പിശാ​ചി​നു നമ്മെ തോൽപ്പി​ക്കാ​നാ​വും. (യാക്കോബ്‌ 4:7) സാത്താ​നോ​ടും അവന്റെ ലോക​ത്തോ​ടും എതിർത്തു​നിൽക്കാ​നും യഹോ​വക്ക്‌ അനന്യ​ഭക്തി കൊടു​ക്കാ​നു​മുള്ള ഏററവും പ്രമു​ഖ​മായ മാർഗം യഹോ​വ​യു​ടെ വേലയിൽ തിര​ക്കോ​ടെ ഏർപ്പെ​ടു​ന്ന​താണ്‌.

മിഷന​റി​മാ​രാ​യി നിയമി​തർ

വിദ്യാർഥി​ക​ളാ​യി​രുന്ന 46 പേരെ​യും മിഷന​റി​മാ​രാ​യി ഔദ്യോ​ഗി​ക​മാ​യി നിയമി​ച്ച​തോ​ടെ പ്രഭാത പരിപാ​ടി അവസാ​നി​ച്ചു. 23 ദമ്പതി​കൾക്കു ബിരുദം ലഭിച്ചു, അതിലെ ഒരു ഭാഗം ഇങ്ങനെ വായി​ക്കു​ന്നു: ബിരു​ദ​ധാ​രി​കൾ “രമ്യത പരി​പോ​ഷി​പ്പി​ച്ചു​കൊ​ണ്ടും സകല ആളുകൾക്കി​ട​യി​ലും ശാശ്വത സമാധാ​നം, ശരിയായ ക്രമത്തി​ന്റെ​യും നീതി​യു​ടെ​യും നിയമം എന്നിവ​യ്‌ക്കു​വേണ്ടി പ്രയത്‌നി​ച്ചു​കൊ​ണ്ടും വിദ്യാ​ഭ്യാ​സ​വേ​ല​യിൽ ഏർപ്പെ​ടാൻ വിശേ​ഷാൽ യോഗ്യത നേടി​യി​രി​ക്കു​ന്നു.” 18 രാജ്യ​ങ്ങ​ളി​ലേക്കു നിയമി​ച്ച​യ​യ്‌ക്ക​പ്പെ​ടുന്ന ഗിലെ​യാ​ദി​ന്റെ 95-ാമത്തെ ക്ലാസ്സി​ലു​ള്ളവർ തീർച്ച​യാ​യും ഈ ഉത്‌കൃ​ഷ്ട​മായ ദൗത്യം നേടി​യെ​ടു​ക്കാൻ ശ്രമി​ക്കും. അവരുടെ നിയമ​നങ്ങൾ ലോക​ത്തി​ന്റെ ഒരററം മുതൽ മറേറ അററം വരെ നീളുന്നു. ഏഷ്യ, ആഫ്രിക്ക, യൂറോപ്പ്‌, ലാററിൻ അമേരിക്ക, കരീബി​യൻ എന്നീ രാജ്യങ്ങൾ അതിൽ വരും.

ഉച്ചതി​രിഞ്ഞ്‌, സർവീസ്‌ ഡിപ്പാർട്ടു​മെൻറ്‌ കമ്മിറ​റി​യിൽനി​ന്നുള്ള ചാൾസ്‌ വൂഡി നിർവ​ഹിച്ച വീക്ഷാ​ഗോ​പുര അധ്യയ​ന​സം​ഗ്ര​ഹ​ത്തി​നു ശേഷം പുതിയ ഗിലെ​യാദ്‌ ബിരു​ദ​ധാ​രി​കൾ വിദ്യാർഥി​ക​ളു​ടെ പരിപാ​ടി കാഴ്‌ച​വെച്ചു. “മിഷന​റി​മാ​രെന്ന നിലയിൽ പഠിപ്പി​ക്കാൻ ഗിലെ​യാദ്‌ ഞങ്ങളെ സജ്ജരാ​ക്കി​യി​രി​ക്കു​ന്നു” എന്നായി​രു​ന്നു അതിന്റെ വിഷയം. “ഞങ്ങൾ അഭിമു​ഖീ​ക​രി​ക്കുന്ന തിര​ഞ്ഞെ​ടു​പ്പു​കൾ” എന്ന നാടക​ത്തോ​ടെ പരിപാ​ടി സമാപി​ക്കു​ക​യും ചെയ്‌തു.

ഈ ആവേശ​മു​ണർത്തുന്ന പരിപാ​ടി​ക്കു ശേഷം, “അതിവി​ശുദ്ധ വിശ്വാ​സം” മററു​ള്ള​വ​രു​മാ​യി പങ്കു​വെ​ക്കാൻ ലോക​ത്തി​ന്റെ നാലു കോണി​ലേ​ക്കും പോകാൻ ഈ പുതിയ മിഷന​റി​മാർ അപ്പോ​ഴേ​ക്കും തയ്യാറാ​യി​ക്ക​ഴി​ഞ്ഞി​രു​ന്നു.

[26-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണ​ക്കു​കൾ

പ്രതിനിധാനം ചെയ്‌ത രാജ്യ​ങ്ങ​ളു​ടെ എണ്ണം: 7

നിയമിച്ചയയ്‌ക്കപ്പെട്ട രാജ്യ​ങ്ങ​ളു​ടെ എണ്ണം: 18

വിദ്യാർഥികളുടെ എണ്ണം: 46

വിവാഹിത ദമ്പതി​ക​ളു​ടെ എണ്ണം: 23

ശരാശരി പ്രായം: 30.06

സത്യത്തിലെ ശരാശരി വർഷം: 12.92

മുഴുസമയ ശുശ്രൂ​ഷ​യി​ലെ ശരാശരി വർഷം: 9.4

[26-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 95-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ബ്യൂളോ ഡി.; ഡോൺസാ വി.; ഐനസ്‌ എസ്‌.; ഫൽക്‌ എൻ.; ബിലി​ങ്‌സ്‌ബി എം.; ഹോഡ്‌നോ​ററ്‌ എൽ.; നൂഗ്രാൻ ബി.; എറിക്‌സോൻ എൽ. (2) ബോക്കർ ജെ.; തോമസ്‌ എം.; സ്‌ററ​ഡ്‌മൻ എസ്‌.; ബിലി​ങ്‌സ്‌ബി ഡി.; വോ ഐ.; പെർവിസ്‌ എം.; ലട്രൽ എം. (3) യാക്കോ​ബ്‌സൺ ററി.; ബോക്കർ ജെ.; മാർട്ടി​നെസ്‌ എൽ.; നീൽസൺ ഇ.; പെർവിസ്‌ പി.; ഹോൾട്ട്‌ എൽ.; ലാർസെൺ എം.; ജോൺസ്‌ എൽ. (4) നൂമിനൻ പി.; നൂമിനൻ എച്ച്‌.; ബ്യൂളോ എം.; ഓൾസൻ ഡബ്ലിയു.; ഹോൾട്ട്‌ എസ്‌.; ഡോൺസാ ജി.; ഡാഴർഡാൻ സി.; ഡാഴർഡാൻ ഡി. (5) ലാർസെൺ കെ.; മാർട്ടി​നെസ്‌ ഡി.; നൂഗ്രാൻ പി.; വോ പി.; ജോൺസ്‌ ഡി.; ഹോഡ്‌നോ​ററ്‌ ജെ.; തോമസ്‌ ജി. (6) ഐനസ്‌ ബി.; ഫൽക്‌ ആർ.; എറിക്‌സോൻ എ.; നീൽസൺ എസ്‌.; സ്‌ററ​ഡ്‌മൻ ജെ.; ഓൾസൻ കെ.; യാക്കോ​ബ്‌സൺ എഫ്‌.; ലട്രൽ ജെ.