യേശു ജനിച്ചതു മഞ്ഞുകാ​ല​ത്തോ?

“കനത്ത മഞ്ഞു യെരൂ​ശ​ലേ​മിൽ ഗതാഗ​ത​വും ദൈനം​ദി​ന​ജീ​വി​ത​വും സ്‌തം​ഭി​പ്പി​ക്കു​ന്നു,” “നീണ്ടു​നിൽക്കുന്ന മഞ്ഞുവീഴ്‌ച വടക്കൻ പ്രവി​ശ്യ​യെ അമ്പരപ്പി​ക്കു​ന്നു” എന്നിങ്ങനെ ദ ജെറു​സ​ലേം പോസ്‌റ​റിൽ വന്ന തലക്കെ​ട്ടു​കൾ ഇസ്ര​യേ​ലി​ലെ വായന​ക്കാർക്ക്‌ 1992-ൽ ഒരു പുത്തരി​യ​ല്ലാ​താ​യി. കാരണം ആ വർഷം ഇസ്ര​യേ​ലിന്‌ ഈ നൂററാ​ണ്ടി​ലെ ഏററവും കടുത്ത മഞ്ഞുകാ​ലം അനുഭ​വ​പ്പെട്ടു.

ജനുവരി ആയതോ​ടെ ഹെർമോൻ പർവത​ശൃം​ഗ​ത്തിൽ 22 മുതൽ 40 വരെ അടി കനത്തിൽ മഞ്ഞുമൂ​ടി​യി​രു​ന്നു, മഞ്ഞുകാലമൊട്ടവസാനിക്കാറായതുമില്ലായിരുന്നു. സുന്ദര​കോ​മ​ള​നെ​ങ്കി​ലും കരുത്ത​നായ ഈ സന്ദർശ​കന്റെ ആഗമന​ത്തോ​ടെ ഗോലാൻ കുന്നു​ക​ളും ഉത്തര ഗലീല​യും​മു​തൽ യെരൂ​ശ​ലേ​മി​നി​പ്പു​റത്തു ബെത്‌ല​ഹേ​മി​ന​ടു​ത്തു​വരെ (പുറം​താ​ളിൽ കാണാം), എന്തിന്‌, ഇങ്ങു തെക്കു കിടക്കുന്ന നെജീ​ബു​വരെ ഇസ്ര​യേ​ല്യ​രു​ടെ ദൈനം​ദിന ജീവി​ത​വും ദിന​ക്ര​മ​ങ്ങ​ളും പലവട്ടം നിലച്ചു​പോ​യി​ട്ടുണ്ട്‌. ജെറു​സ​ലേം പോസ്‌റ​റി​ലെ ഒരു ലേഖനം ഇങ്ങനെ പ്രസ്‌താ​വി​ക്കു​ക​യു​ണ്ടാ​യി: “കഴിഞ്ഞ​യാ​ഴ്‌ചത്തെ കററ്യൂ​ഷാ റോക്ക​റ​റാ​ക്ര​മ​ണ​ത്തി​നു കഴിയാ​ഞ്ഞത്‌ ഇന്നലത്തെ കനത്ത മഞ്ഞുവീ​ഴ്‌ചക്കു ചെയ്യാൻ കഴിഞ്ഞു. കാരണം താമസ​ക്കാർക്കു പുറത്തു​ക​ട​ക്കാൻ കഴിയാ​ത്ത​വി​ധം വീടുകൾ മഞ്ഞിൽ മൂടി​പ്പോ​യി​രു​ന്നു.”

ഈ രൂക്ഷമായ മഞ്ഞുകാ​ലം നഗരവാ​സി​കൾക്കു മാത്രമല്ല നാശം വിതച്ചത്‌. രാത്രി ഊഷ്‌മാവ്‌ ഖരാങ്ക​ത്തെ​ക്കാൾ [വെള്ളം കട്ടിയാ​കു​ന്ന​തി​നെ​ക്കാൾ] താഴ്‌ന്ന​പ്പോൾ നൂറു​ക​ണ​ക്കി​നു പശുക്ക​ളും കിടാ​ക്ക​ളും ആയിര​ക്ക​ണ​ക്കി​നു കോഴി​ക​ളും മരവിച്ചു ചത്തൊ​ടു​ങ്ങി​യ​താ​യി റിപ്പോർട്ടു വന്നു. മഞ്ഞു പോരാ​ഞ്ഞി​ട്ടെ​ന്നോ​ണം കുളി​രു​കോ​രുന്ന കനത്ത പേമാ​രി​യും തന്റെ കോപം ചൊരി​ഞ്ഞു. ഒരു ദിവസം, മലവെ​ള്ള​പ്പാ​ച്ച​ലിൽ പെട്ടു​പോയ ഒരു ആട്ടിൻകൂ​ട്ടത്തെ രക്ഷിക്കാൻ പാടു​പെട്ട രണ്ട്‌ ഇടയ​ച്ചെ​റു​ക്കൻമാർ കുത്തൊ​ഴു​ക്കിൽ പെട്ടു മരണമ​ടഞ്ഞു.

ഇതു മധ്യപൂർവ ദേശത്തെ ഒരു സാധാരണ മഞ്ഞുകാ​ല​മ​ല്ലാ​യി​രു​ന്നെ​ങ്കി​ലും ഇറെട്‌സ്‌ എന്ന ഇസ്ര​യേലി മാസിക ഇങ്ങനെ റിപ്പോർട്ടു ചെയ്‌തു: “ഇസ്ര​യേൽദേ​ശത്തു സമാഹ​രി​ക്കു​ക​യും രേഖ​പ്പെ​ടു​ത്തു​ക​യും ചെയ്‌തി​ട്ടുള്ള കഴിഞ്ഞ 130 വർഷത്തെ കാലാ​വ​സ്ഥാ​പഠന വിവരങ്ങൾ വെളി​പ്പെ​ടു​ത്തു​ന്നത്‌ യെരൂ​ശ​ലേ​മി​ലെ മഞ്ഞുവീഴ്‌ച പ്രതീ​ക്ഷി​ക്കാ​വു​ന്ന​തി​നെ​ക്കാൾ കൂടുതൽ സാധാ​ര​ണ​മായ ഒരു പ്രതി​ഭാ​സ​മാണ്‌ എന്നാണ്‌. . . . 1949-നും 1980-നുമി​ട​യിൽ യെരൂ​ശ​ലേം പട്ടണം മഞ്ഞു വർഷിച്ച 24 ശീതകാ​ലം കണ്ടു.” എന്നാൽ ഈ കണക്കു കേവലം കാലാ​വ​സ്ഥാ​പ​ഠ​ന​ത്തി​ലും മാനുഷ താത്‌പ​ര്യ​ങ്ങ​ളി​ലും ഒതുങ്ങി നിൽക്കുന്ന ഒന്നു മാത്ര​മാ​ണോ, അതോ ഇതിനു ബൈബിൾ വിദ്യാർഥി​കളെ സംബന്ധി​ച്ച​ട​ത്തോ​ളം പ്രത്യേക അർഥമു​ണ്ടോ?

ബൈബിൾ വിദ്യാർഥി​കൾക്ക്‌ എത്ര പ്രധാനം

യേശു​വി​ന്റെ ജനന​ത്തെ​ക്കു​റി​ച്ചു ചിന്തി​ക്കു​മ്പോൾ, ക്രിസ്‌മസ്‌ കാലത്തു മിക്ക​പ്പോ​ഴും പ്രദർശി​പ്പി​ക്കാ​റുള്ള, വികാ​രാ​വേശം കൊള്ളി​ക്കുന്ന, പുൽത്തൊ​ട്ടി​യി​ലെ രംഗമാ​ണു അനേക​രു​ടെ​യും ഭാവന​യിൽ വിരി​യു​ന്നത്‌. ചുററു​പാ​ടെ​ല്ലാം ഇളംമ​ഞ്ഞിൽ കുളിച്ചു നിൽക്കു​മ്പോൾ ചൂടേ​കുന്ന ശീലയിൽ പൊതിഞ്ഞ്‌ ഉണ്ണി​യേശു അവി​ടെ​യതാ തൻ മാതാ​വിൻ സംരക്ഷ​ണ​യിൽ കിടക്കു​ന്നു. എന്നാൽ പരക്കെ​യുള്ള ഈ വീക്ഷണം ഈ ചരി​ത്ര​സം​ഭ​വ​ത്തെ​ക്കു​റി​ച്ചുള്ള ബൈബിൾവി​വ​ര​ണ​ത്തി​നു ചേർച്ച​യി​ലാ​ണോ?

യേശു​വി​ന്റെ ജനന​ത്തെ​ക്കു​റിച്ച്‌ അവധാ​ന​പൂർവം വിലയി​രു​ത്തി പഠിച്ച ബൈബി​ളെ​ഴു​ത്തു​കാ​ര​നായ ലൂക്കോസ്‌ വിവരി​ക്കു​ന്ന​തെ​ങ്ങ​നെ​യെ​ന്നോ: “ആ പ്രദേ​ശത്തെ വയലു​ക​ളിൽ, ആടുകളെ രാത്രി കാത്തു​കൊ​ണ്ടി​രുന്ന ഇടയൻമാർ ഉണ്ടായി​രു​ന്നു. കർത്താ​വി​ന്റെ ദൂതൻ അവരുടെ അടു​ത്തെത്തി. കർത്താ​വി​ന്റെ മഹത്വം അവരു​ടെ​മേൽ പ്രകാ​ശി​ച്ചു. അവർ വളരെ ഭയപ്പെട്ടു. ദൂതൻ അവരോ​ടു പറഞ്ഞു: ഇതാ സകല ജനത്തി​നും വേണ്ടി​യുള്ള വലിയ സന്തോ​ഷ​ത്തി​ന്റെ സദ്വാർത്ത ഞാൻ നിങ്ങളെ അറിയി​ക്കു​ന്നു. ദാവീ​ദി​ന്റെ പട്ടണത്തിൽ [ബെത്‌ല​ഹേ​മിൽ] നിങ്ങൾക്കാ​യി ഒരു രക്ഷകൻ, കർത്താ​വായ ക്രിസ്‌തു, ഇന്നു ജനിച്ചി​രി​ക്കു​ന്നു. ഇതായി​രി​ക്കും നിങ്ങൾക്ക്‌ അടയാളം; പിള്ളക്ക​ച്ച​കൊ​ണ്ടു പൊതിഞ്ഞ്‌, പുൽത്തൊ​ട്ടി​യിൽ കിടത്തി​യി​രി​ക്കുന്ന ഒരു ശിശു​വി​നെ നിങ്ങൾ കാണും. പെട്ടെന്നു സ്വർഗ്ഗീയ സൈന്യ​ത്തി​ന്റെ ഒരു വ്യൂഹം ആ ദൂത​നോ​ടു​കൂ​ടെ പ്രത്യ​ക്ഷ​പ്പെട്ട്‌ ദൈവത്തെ സ്‌തു​തി​ച്ചു​കൊ​ണ്ടു പറഞ്ഞു: അത്യു​ന്ന​ത​ങ്ങ​ളിൽ ദൈവ​ത്തി​നു മഹത്വം! ഭൂമി​യിൽ ദൈവ​കൃപ ലഭിച്ച​വർക്കു സമാധാ​നം!”—ലൂക്കാ 2:8-14, പി.ഒ.സി.ബൈ.

ഇന്നു നിങ്ങൾ ഈ വിവരണം ഒരു സാധാരണ ഇസ്ര​യേ​ല്യ​നെ വായി​ച്ചു​കേൾപ്പി​ച്ചിട്ട്‌ വർഷത്തി​ന്റെ ഏതു സമയത്താ​യി​രി​ക്കും ഇതു സംഭവി​ച്ചത്‌ എന്നു ചോദി​ച്ചാൽ “ഏപ്രി​ലി​നും ഒക്‌ടോ​ബ​റി​നും ഇടയ്‌ക്കെ​പ്പ​ഴെ​ങ്കി​ലും” എന്നായി​രി​ക്കാം മറുപടി. എന്തു​കൊണ്ട്‌? കാരണം ലളിത​മാണ്‌. നവംബർമു​തൽ മാർച്ചു​വരെ ഇസ്ര​യേ​ലിൽ തണുപ്പുള്ള മഴക്കാ​ല​മാണ്‌, ഡിസംബർ 25 തീർച്ച​യാ​യും ആ മഞ്ഞുകാ​ല​ത്താണ്‌. ആട്ടിട​യൻമാർ ആ മഞ്ഞുകാ​ലത്തു വയലിൽ തങ്ങളുടെ ആട്ടിൻകൂ​ട്ട​ത്തി​നു കാവൽ കിടക്കു​ന്ന​തി​നു രാത്രി​യിൽ വെളി​മ്പ്ര​ദേ​ശത്തു താമസി​ക്കി​ല്ലാ​യി​രു​ന്നു. ഈ ലേഖന​ത്തി​ന്റെ തുടക്ക​ത്തിൽ കണ്ട റിപ്പോർട്ടു​കൾ പരി​ശോ​ധി​ച്ചാൽ കാരണം നിങ്ങൾക്ക്‌ എളുപ്പം മനസ്സി​ലാ​കും. യേശു ജനിച്ച ബെത്‌ല​ഹേം യെരൂ​ശ​ലേ​മിൽനിന്ന്‌ ഏതാനും മൈലു​കൾ അകലെ​യുള്ള ഉയരം കൂടിയ പ്രദേ​ശ​ത്താ​ണു സ്ഥിതി​ചെ​യ്യു​ന്നത്‌. കാലാവസ്ഥ ഇത്ര​ത്തോ​ളം വഷളാ​കാത്ത വർഷങ്ങ​ളിൽപോ​ലും മഞ്ഞുകാ​ലത്ത്‌ അവിടെ രാത്രി​യിൽ നല്ല തണുപ്പാണ്‌.—മീഖാ 5:2; ലൂക്കൊസ്‌ 2:15.

യേശു ജനിച്ച കാലത്തെ ചരി​ത്ര​ത്തി​ലേ​ക്കൊ​ന്നു കണ്ണോ​ടി​ച്ചാൽ ഡിസം​ബ​റി​ലെ മഞ്ഞുകാ​ലത്തല്ല യേശു ജനിച്ച​തെന്ന വസ്‌തു​ത​യി​ലേക്ക്‌ അതു വെളിച്ചം വീശും. പൂർണ ഗർഭി​ണി​യാ​യി​രു​ന്നെ​ങ്കി​ലും യേശു​വി​ന്റെ മാതാ​വായ മറിയ​യ്‌ക്കു നസറേ​ത്തി​ലുള്ള തന്റെ വീട്ടിൽനി​ന്നു ബെത്‌ല​ഹേ​മി​ലേക്കു യാത്ര ചെയ്യേ​ണ്ടി​വന്നു. പേർവഴി ചാർത്ത​ണ​മെന്ന റോമൻ ഭരണാ​ധി​കാ​രി​യാ​യി​രുന്ന ഔഗു​സ്‌തൊസ്‌ കൈസ​രു​ടെ കൽപ്പന പാലി​ക്കു​ന്ന​തി​നാണ്‌ മറിയ​യും യോ​സേ​ഫും അങ്ങനെ ചെയ്‌തത്‌. (ലൂക്കൊസ്‌ 2:1-7) റോമൻ ഭരണത്തി​നും അതിന്റെ ഭാരിച്ച കരംപി​രി​വി​നു​മെ​തി​രെ അമർഷം​കൊണ്ട യഹൂദ ജനത അപ്പോൾത്തന്നെ വിപ്ലവ​ത്തി​ന്റെ വക്കത്തെ​ത്തി​യി​രു​ന്നു. കഷ്ടതകൾ വരുത്തി​ക്കൂ​ട്ടുന്ന ആ അതി​ശൈ​ത്യ​കാ​ലത്തു യാത്ര ചെയ്‌തു പേർവഴി ചാർത്താൻ ആവശ്യ​പ്പെ​ട്ടു​കൊണ്ട്‌ റോമാ ഭരണകൂ​ടം അവരെ അനാവ​ശ്യ​മാ​യി എന്തിനു വെറു​പ്പി​ക്കണം? യാത്ര​ചെ​യ്യാൻ ഏറെ സൗകര്യ​പ്ര​ദ​മായ വസന്തകാ​ല​മോ ശരത്‌കാ​ല​മോ പോലുള്ള ഒരു സമയത്ത്‌ ഇങ്ങനെ ഒരു കൽപ്പന പുറ​പ്പെ​ടു​വി​ച്ചി​രി​ക്കാം എന്നതല്ലേ ഏറെ യുക്തി​സഹം?

ബൈബി​ള​ധി​ഷ്‌ഠിത കണക്കു​കൂ​ട്ട​ലു​കൾ

ഡിസംബർ മാസം അല്ലെങ്കിൽ മഞ്ഞുകാ​ലത്തെ ഏതെങ്കി​ലു​മൊ​രു മാസം യേശു​വി​ന്റെ ജനന​ത്തെ​ക്കു​റി​ച്ചുള്ള വിവര​ണ​ങ്ങ​ളോ​ടു യോജി​ക്കു​ന്നു എന്നതിനെ ചരി​ത്ര​പ​ര​വും ഭൗതി​ക​വു​മായ തെളിവു സാധൂ​ക​രി​ക്കു​ന്നില്ല. കൂടാതെ, യേശു ജനിച്ചതു വർഷത്തി​ന്റെ ഏതു സമയത്താ​ണെന്നു പ്രവച​ന​ത്തി​ലൂ​ടെ ബൈബിൾ വെളി​പ്പെ​ടു​ത്തു​ന്നു​ണ്ടു​താ​നും. അതെവി​ടെ​യാണ്‌?

മിശി​ഹാ​യെ​ക്കു​റി​ച്ചുള്ള ഏററവും ഉദാത്ത​മായ ഒരു പ്രവചനം നാം ദാനീ​യേൽപു​സ്‌ത​ക​ത്തി​ന്റെ 9-ാമധ്യാ​യ​ത്തിൽ കാണുന്നു. അത്‌ അവിടു​ത്തെ വരവി​നെ​യും മരണത്തിൽ ഛേദി​ക്ക​പ്പെ​ടു​ന്ന​തി​നെ​യും കുറിച്ചു വർണി​ക്കു​ന്നു. പാപപ​രി​ഹാ​രം നൽകു​ന്ന​തി​നും അനുസ​ര​ണ​മുള്ള മനുഷ്യ​വർഗം “നിത്യ​നീ​തി” പ്രാപി​ക്കു​ന്ന​തി​നുള്ള ഒരു അടിസ്ഥാ​ന​മി​ടു​ന്ന​തി​നും മറുവി​ല​യാ​യി ഉതകി​യതു യേശു​വി​ന്റെ ഈ മരണമാണ്‌. (ദാനീ​യേൽ 9:24-27; മത്തായി 20:28 താരത​മ്യം ചെയ്യുക.) ഈ പ്രവച​ന​പ്ര​കാ​രം ഇതെല്ലാം സാധ്യ​മാ​കു​ന്നത്‌ വർഷങ്ങ​ളു​ടെ എഴുപത്‌ ആഴ്‌ച​വട്ടം കൊണ്ടാണ്‌. അതു തുടങ്ങു​ന്നതു യെരൂ​ശ​ലേം പുതു​ക്കി​പ്പ​ണി​യാൻ കൽപ്പന പുറ​പ്പെ​ടു​വിച്ച പൊതു​യു​ഗ​ത്തി​നു മുമ്പ്‌ 455 എന്ന വർഷത്തി​ലാ​യി​രു​ന്നു.a (നെഹെ​മ്യാ​വു 2:1-11) ഈ പ്രവച​ന​ത്തി​ലെ സമയപ്പ​ട്ടി​ക​യിൽനിന്ന്‌, മിശിഹാ പ്രത്യ​ക്ഷ​പ്പെ​ടു​ന്നതു വർഷങ്ങ​ളു​ടെ 70-ാമത്തെ ആഴ്‌ച​യു​ടെ തുടക്ക​ത്തി​ലാ​ണെന്നു നമുക്കു വിവേ​ചി​ക്കാ​വു​ന്ന​താണ്‌. ഇതു സംഭവി​ച്ചതു പൊ.യു. 29-ൽ യേശു സ്‌നാ​പ​ന​മേ​ററ്‌ തന്റെ മിശി​ഹൈക റോൾ ഔപചാ​രി​ക​മാ​യി ആരംഭി​ച്ച​പ്പോ​ഴാ​യി​രു​ന്നു. “ആഴ്‌ച​വ​ട്ട​ത്തി​ന്റെ മദ്ധ്യേ,” അഥവാ മൂന്നര വർഷത്തി​നു​ശേഷം, മോ​ശൈക ന്യായ​പ്ര​മാണ ഉടമ്പടി​യിൻ കീഴിലെ സകല യാഗങ്ങ​ളു​ടെ​യും മൂല്യം അവസാ​നി​പ്പി​ച്ചു​കൊ​ണ്ടു മിശിഹാ മരണത്തിൽ ഛേദി​ക്ക​പ്പെ​ടു​മാ​യി​രു​ന്നു.—എബ്രായർ 9:11-15; 10:1-10.

യേശു​വി​ന്റെ പരസ്യ​ശു​ശ്രൂ​ഷ​യു​ടെ ദൈർഘ്യം മൂന്നര വർഷമാ​യി​രു​ന്നെന്ന്‌ ഈ പ്രവചനം വെളി​പ്പെ​ടു​ത്തു​ന്നു. യേശു മരിച്ചതു (യഹൂദ കലണ്ടർപ്ര​കാ​രം) പൊ.യു. (പൊതു​യു​ഗം) 33-ലെ വസന്തകാ​ലത്തെ പെസഹാ​നാ​ളായ നീസാൻ 14-നായി​രു​ന്നു. ആ വർഷത്തി​നു തത്തുല്യ​മായ തീയതി ഏപ്രിൽ 1 ആണ്‌. (മത്തായി 26:2) മൂന്നര വർഷം പുറ​കോട്ട്‌ എണ്ണിയാൽ അവിടു​ന്നു സ്‌നാ​പ​ന​മേ​റ​റതു പൊ.യു. 29 ഒക്‌ടോ​ബർ ആരംഭ​ത്തി​ലാ​ണെന്നു വരും. സ്‌നാ​പ​ന​മേ​റ​റ​പ്പോൾ യേശു​വി​നു 30 വയസ്സ്‌ പ്രായ​മു​ണ്ടാ​യി​രു​ന്നെന്നു ലൂക്കോസ്‌ നമ്മോടു പറയുന്നു. (ലൂക്കൊസ്‌ 3:21-23) ഇതിന്റെ അർഥം യേശു​വി​ന്റെ ജനനവും ഒക്‌ടോ​ബർ ആരംഭ​ത്തോ​ട​ടുത്ത്‌ ആണെന്നാണ്‌. വർഷത്തി​ന്റെ ആ കാലത്ത്‌, ലൂക്കോ​സി​ന്റെ വിവര​ണ​മ​നു​സ​രിച്ച്‌, “ഇടയൻമാർ രാത്രി​യിൽ ആട്ടിൻകൂ​ട്ടത്തെ കാവൽകാ​ത്തു വെളി​യിൽ പാർത്തി​രു​ന്നു.”—ലൂക്കൊസ്‌ 2:8.

ഏത്‌ ഉറവിൽനിന്ന്‌?

യേശു​വി​ന്റെ ജനനം ഒക്‌ടോ​ബർ തുടക്ക​ത്തി​ലാ​ണെന്നു തെളിവു ചൂണ്ടി​ക്കാ​ട്ടു​മ്പോൾ എന്തു​കൊ​ണ്ടാ​ണതു ഡിസംബർ 25-ന്‌ ആഘോ​ഷി​ക്കു​ന്നത്‌? ഈ ആഘോഷം യേശു​വി​ന്റെ ജനനത്തി​നു നൂററാ​ണ്ടു​കൾക്കു ശേഷമാ​ണു തുടങ്ങി​യ​തെന്നു ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നി​ക്കാ പ്രകട​മാ​ക്കു​ന്നു: “ഡിസംബർ 25-നുള്ള ക്രിസ്‌തു​വി​ന്റെ ജൻമദി​നാ​ഘോ​ഷം മിക്ക പൗരസ്‌ത്യ സഭകളും നാലാം നൂററാ​ണ്ടിൽ ക്രമേണ സ്വീക​രി​ച്ചു തുടങ്ങി. ക്രിസ്‌മ​സി​നോ​ടുള്ള എതിർപ്പ്‌ യെരൂ​ശ​ലേ​മിൽ വളരെ​ക്കാ​ലം നീണ്ടു​നി​ന്നെ​ങ്കി​ലും അവസാനം അതിനെ സ്വാഗതം ചെയ്‌തു.”

ക്രിസ്‌ത്യാ​നി​ക​ളെന്നു സ്വയം വിളി​ച്ചവർ ക്രിസ്‌തു​വിന്‌ അനേകം നൂററാ​ണ്ടു​കൾക്കു ശേഷം എന്തു​കൊ​ണ്ടാണ്‌ ഈ ആചാരം ഇത്ര എളുപ്പം സ്വീക​രി​ച്ചത്‌? ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നി​ക്കാ ഈ വിഷയ​ത്തിൽ കൂടുതൽ വെളിച്ചം വീശുന്നു: “ക്രിസ്‌തു​വി​ന്റെ ജൻമദി​നാ​ഘോ​ഷ​വും മഞ്ഞുകാ​ല​ത്തി​ന്റെ മധ്യത്തിൽ കൃഷി​യോ​ടും സൂര്യ​നോ​ടും ബന്ധപ്പെട്ടു നടത്തപ്പെട്ട പുറജാ​തി ആചാര​ങ്ങ​ളും ആകസ്‌മി​ക​മാ​യി ഒന്നിച്ചു​വ​ന്ന​തു​കൊ​ണ്ടു ക്രിസ്‌മ​സി​നോ​ടു ബന്ധപ്പെട്ട പരമ്പരാ​ഗ​ത​മായ ആചാരങ്ങൾ നിരവധി ഉറവി​ട​ങ്ങ​ളിൽനി​ന്നാ​ണു വികാസം പ്രാപി​ച്ചി​രി​ക്കു​ന്നത്‌. റോമാ ലോകത്ത്‌ ആഘോ​ഷ​ത്തി​ന്റെ​യും സമ്മാന​ക്കൈ​മാ​റ​റ​ത്തി​ന്റെ​യും ഒരു സമയമാ​യി​രു​ന്നു സാററർനേ​ലിയ (ഡിസംബർ 17). ഡിസംബർ 25 ഇറാനി​ലെ നീതി​സൂ​ര്യൻ എന്ന നിഗൂ​ഢ​ദേ​വ​നായ മിത്ര​യു​ടെ ജൻമദി​വ​സ​മാ​യും കണക്കാ​ക്കി​യി​രു​ന്നു.”

ഇതെല്ലാം തികച്ചും ‘ആകസ്‌മിക സംഭവ’മായി​രു​ന്നോ? ഒരിക്ക​ലും ആയിരു​ന്നില്ല! പൊ.യു. നാലാം നൂററാ​ണ്ടിൽ കോൺസ്‌റ​റ​ന്റൈൻ ചക്രവർത്തി​യു​ടെ കീഴിലെ റോമാ സാമ്രാ​ജ്യം ക്രിസ്‌ത്യാ​നി​കളെ പീഡി​പ്പി​ക്കുന്ന അവസ്ഥയിൽനി​ന്നു “ക്രിസ്‌ത്യാ​നി​ത്വ”ത്തെ ഒരു അംഗീ​കൃത മതമായി കണക്കാ​ക്കി​ക്കൊണ്ട്‌ അതിന്റെ വക്താവാ​യി​മാ​റി എന്നത്‌ ഒരു ചരി​ത്ര​വ​സ്‌തു​ത​യാണ്‌. ക്രിസ്‌ത്യാ​നി​ത്വ​ത്തി​ന്റെ യഥാർഥ പൊരു​ള​റി​യാഞ്ഞ പൊതു​ജ​ന​ങ്ങ​ളിൽ അധിക​മ​ധി​കം പേർ ഈ പുതു​വി​ശ്വാ​സം സ്വീക​രി​ച്ച​പ്പോൾ അവർ തങ്ങൾക്കു പരിചി​ത​മായ പുറജാ​തി ആഘോ​ഷങ്ങൾ പുതു​താ​യി കണ്ടെത്തിയ “ക്രിസ്‌തീയ” പേരു​ക​ളിൽ ആഘോ​ഷി​ക്കാൻ തുടങ്ങി. അപ്പോൾ, “നീതി​സൂ​ര്യ”ന്റെ ജൻമദി​വ​സ​മാ​യി അതി​നോ​ട​കം​തന്നെ കണക്കാ​ക്കി​യി​രുന്ന ഡിസംബർ 25 അല്ലാതെ ക്രിസ്‌തു​വി​ന്റെ ജൻമദി​വ​സ​മാ​യി ആഘോ​ഷി​ക്കു​ന്ന​തിന്‌ അതിലും പററിയ മറേറതു ദിവസ​മാണ്‌ ഉണ്ടായി​രി​ക്കുക?

അതൊരു പ്രശ്‌ന​മാ​ണോ?

യഹൂദ പശ്ചാത്ത​ല​ത്തിൽ നിന്നു​ള്ള​വ​രാ​യി​രുന്ന യേശു​വി​ന്റെ ആദ്യാ​നു​ഗാ​മി​കൾ അവിടു​ത്തെ ജൻമദി​നം ആഘോ​ഷി​ച്ചില്ല എന്നതിനു സംശയ​മില്ല. എൻ​സൈ​ക്ലോ​പീ​ഡിയ ജൂഡൈക്ക പറയു​ന്ന​ത​നു​സ​രിച്ച്‌, “ജൻമദി​നാ​ഘോ​ഷം പരമ്പരാ​ഗത യഹൂദ കർമസം​ഹി​ത​യിൽ അജ്ഞാത​മാണ്‌.” ആദിമ ക്രിസ്‌ത്യാ​നി​കൾ അത്തര​മൊ​രു ആഘോഷം കൊണ്ടാ​ടു​ക​യി​ല്ലാ​യി​രു​ന്നു. യേശു​വി​ന്റെ ജനനം ആഘോ​ഷി​ക്കു​ന്ന​തി​നു​പ​കരം, തന്റെ മരണത്തെ അനുസ്‌മ​രി​ക്കാ​നുള്ള അവിടു​ത്തെ കൽപ്പനയെ അവർ ആദരി​ക്കു​മാ​യി​രു​ന്നു, അതിന്‌ അവർക്ക്‌ അവിതർക്കി​ത​മായ തീയതി ഉണ്ടായി​രു​ന്നു​താ​നും, അതായതു നീസാൻ 14.—ലൂക്കൊസ്‌ 22:7, 15, 19, 20; 1 കൊരി​ന്ത്യർ 11:23-26.

ക്രിസ്‌തു​വി​നു നൂററാ​ണ്ടു​കൾക്കു മുമ്പ്‌, ബാബി​ലോ​നിൽ തങ്ങൾ അനുഭ​വി​ക്കാ​നി​രുന്ന പ്രവാ​സ​ത്തി​ന്റെ അന്ത്യ​ത്തെ​ക്കു​റി​ച്ചു ദൈവ​ത്തി​ന്റെ അന്നത്തെ തിര​ഞ്ഞെ​ടു​ക്ക​പ്പെട്ട യഹൂദ ജനത​യോ​ടു പ്രാവ​ച​നി​ക​മാ​യി ഇങ്ങനെ മുന്നറി​യി​പ്പു നൽക​പ്പെട്ടു: “വിട്ടു​പോ​രു​വിൻ; വിട്ടു​പോ​രു​വിൻ; അവി​ടെ​നി​ന്നു പുറ​പ്പെ​ട്ടു​പോ​രു​വിൻ; അശുദ്ധ​മാ​യ​തൊ​ന്നും തൊട​രു​തു; അതിന്റെ നടുവിൽനി​ന്നു പുറ​പ്പെ​ട്ടു​പോ​രു​വിൻ; യഹോ​വ​യു​ടെ ഉപകര​ണ​ങ്ങളെ ചുമക്കു​ന്ന​വരേ, നിങ്ങ​ളെ​ത്തന്നേ നിർമ്മ​ലീ​ക​രി​പ്പിൻ.” (യെശയ്യാ​വു 52:11) അവർ യഹോ​വ​യു​ടെ ശുദ്ധാ​രാ​ധന പുനഃ​സ്ഥാ​പി​ക്കാൻ യെരൂ​ശ​ലേ​മി​ലേക്കു തിരി​ച്ചു​പോ​ക​ണ​മാ​യി​രു​ന്നു. ബാബി​ലോ​നിൽ വച്ചു തങ്ങൾ നിരീ​ക്ഷി​ച്ചി​രുന്ന അശുദ്ധ​മായ പുറജാ​തി ആചാര​ങ്ങ​ളും ആരാധ​നാ​രീ​തി​ക​ളും അവലം​ബി​ക്കുക എന്നത്‌ അവർക്ക്‌ അചിന്ത​നീ​യ​മാ​യി​രി​ക്കു​മാ​യി​രു​ന്നു.

ഇതേ കൽപ്പന ക്രിസ്‌ത്യാ​നി​കൾക്കു​വേണ്ടി 2 കൊരി​ന്ത്യർ 6:14-18-ൽ ആവർത്തി​ച്ചി​രി​ക്കു​ന്നത്‌ ഒട്ടും അതിശ​യമല്ല. ക്രിസ്‌തു​വി​നെ തിരസ്‌ക​രിച്ച യഹൂദ ജനതയു​ടെ സ്ഥാനത്ത്‌ അവിടു​ത്തെ അനുഗാ​മി​കൾ നിർമ​ലാ​രാ​ധ​ന​യു​ടെ പ്രതി​നി​ധി​ക​ളാ​യി​ത്തീർന്നു. ആത്മീയ അന്ധകാ​ര​ത്തിൽനി​ന്നു സത്യത്തി​ന്റെ പ്രകാ​ശ​ത്തി​ലേക്കു വരാൻ മററു​ള്ള​വരെ സഹായി​ക്കാ​നുള്ള ഉത്തരവാ​ദി​ത്വം അവർക്കു​ണ്ടാ​യി​രു​ന്നു. (1 പത്രൊസ്‌ 2:9, 10) പുറജാ​തീയ ഉത്ഭവമുള്ള ആചാര​ങ്ങ​ളും വിശേഷ ദിവസ​ങ്ങ​ളും ക്രിസ്‌തു​വി​ന്റെ പഠിപ്പി​ക്ക​ലു​ക​ളു​മാ​യി കൂട്ടി​ക്കു​ഴ​ച്ചാൽ അവർക്ക്‌ ഇതെങ്ങനെ ചെയ്യാൻ കഴിയു​മാ​യി​രു​ന്നു?

പൊതു​ജ​നാ​ഭി​രു​ചി​കൾ എത്രകണ്ട്‌ ആകർഷ​ക​മാ​യി​രു​ന്നേ​ക്കാ​മെ​ങ്കി​ലും “മഞ്ഞുകാല ക്രിസ്‌മസ്‌” ആഘോ​ഷി​ക്കു​ന്നത്‌ “അശുദ്ധ​മായ”തു “തൊടു”ന്നതിനു തുല്യ​മാണ്‌. (2 കൊരി​ന്ത്യർ 6:17) ദൈവ​ത്തെ​യും ക്രിസ്‌തു​വി​നെ​യും യഥാർഥ​മാ​യി സ്‌നേ​ഹി​ക്കുന്ന ഒരുവൻ അത്‌ ഒഴിവാ​ക്കണം.

ക്രിസ്‌മ​സി​ന്റെ ഉത്ഭവം പുറജാ​തീയ ആഘോ​ഷ​ങ്ങ​ളി​ലാ​ണെന്ന വസ്‌തു​തക്കു പുറമേ, യേശു ജനിച്ചത്‌ ഒക്‌ടോ​ബ​റി​ലാ​യ​തു​കൊണ്ട്‌ അതു സത്യത്തെ പ്രതി​നി​ധാ​നം ചെയ്യു​ന്നി​ല്ലെ​ന്നും നാം മനസ്സി​ലാ​ക്കി​ക്ക​ഴി​ഞ്ഞു. അതേ, ഒരുവന്റെ ഭാവന​യിൽ ഏതു രംഗം വിരി​ഞ്ഞാ​ലും ശരി, യേശു ജനിച്ചത്‌ മഞ്ഞുകാ​ലത്തല്ല.

[അടിക്കു​റിപ്പ്‌]

[4, 5 പേജു​ക​ളി​ലെ ചിത്രം]

മഞ്ഞുമൂടിയ യെരൂ​ശ​ലേം, കിഴക്കു​നി​ന്നുള്ള ദൃശ്യം

[കടപ്പാട്‌]

Garo Nalbandian

[6-ാം പേജിലെ ചിത്രം]

യെരൂശലേം മതിലു​കൾക്ക​രി​കെ മഞ്ഞ്‌

[7-ാം പേജിലെ ചിത്രം]

താഴെ കാണു​ന്ന​തു​പോ​ലെ, ഉഷ്‌ണ​കാ​ല​ത്തു​മാ​ത്രമേ ഇടയൻമാർക്ക്‌ പാറക​ളുള്ള മലയോ​ര​ങ്ങ​ളിൽ ആട്ടിൻകൂ​ട്ട​ങ്ങ​ളോ​ടൊ​പ്പം രാത്രി​യിൽ തങ്ങാൻ കഴിയു​മാ​യി​രു​ന്നു​ള്ളു

[കടപ്പാട്‌]

Garo Nalbandian