ലോക​മ​ത​ങ്ങ​ളു​ടെ പാർല​മെൻറ്‌—അതു വിജയി​ക്കു​മോ?

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​മൂ​ന്നി​ലെ വേനൽക്കാ​ലത്ത്‌ അമേരി​ക്കൻ ഐക്യ​നാ​ടു​ക​ളി​ലെ ഇല്ലി​നോ​യി​സി​ലുള്ള ചിക്കാ​ഗോ​യിൽവെച്ചു നടത്തപ്പെട്ട ലോക​മ​ത​ങ്ങ​ളു​ടെ രണ്ടാം പാർല​മെൻറിൽ നൂറു​ക​ണ​ക്കി​നു മതനേ​താ​ക്കൾ ഒരുമി​ച്ചു​കൂ​ടി. ബുദ്ധമതം, ക്രൈ​സ്‌ത​വ​മതം, ഹിന്ദു​മതം, യഹൂദ​മതം, ഇസ്ലാം​മതം എന്നിവ​യു​ടെ​യെ​ല്ലാം പ്രതി​നി​ധി​കൾ ഉണ്ടായി​രു​ന്നു. മന്ത്രവാ​ദി​നി​ക​ളും ദേവതാ​രാ​ധ​ക​രും സന്നിഹി​ത​രാ​യി​രു​ന്നു. അവരെ​ല്ലാം യുദ്ധം അവസാ​നി​പ്പി​ക്കു​ന്ന​തിൽ തങ്ങൾക്കുള്ള പങ്കി​നെ​പ്പ​ററി ചർച്ച​ചെ​യ്‌തു. “ഇന്നു ലോക​ത്തിൽ നടക്കുന്ന വൻപോ​രാ​ട്ട​ങ്ങ​ളിൽ മൂന്നിൽ രണ്ടിനും മതത്തിന്റെ കൂട്ടുണ്ട്‌” എന്നു പാർല​മെൻറി​ന്റെ അധ്യക്ഷൻ സമ്മതി​ച്ചു​പ​റഞ്ഞു.

നൂറു വർഷം മുമ്പ്‌

പാർല​മെൻറ്‌ വിജയ​ക​ര​മാ​യി​രു​ന്നു​വോ? നൂറു വർഷം മുമ്പു നടന്ന ലോക​മ​ത​ങ്ങ​ളു​ടെ ആദ്യ പാർല​മെൻറിൽ എന്തു സംഭവി​ച്ചു​വെന്നു നോക്കുക. 1893-ലെ വേനൽക്കാ​ലത്തു ചിക്കാ​ഗോ​യിൽത്തന്നെ ആയിരു​ന്നു അതും നടന്നത്‌, 40-ലധികം മതങ്ങളാണ്‌ അന്നു പ്രതി​നി​ധാ​നം ചെയ്യ​പ്പെ​ട്ടത്‌. ലോക​മ​ത​ങ്ങ​ളു​ടെ പാർല​മെൻറ്‌ സമിതി ഇങ്ങനെ സമ്മതി​ക്കു​ന്നു: 1893-ൽ പങ്കെടു​ത്തവർ “പരസ്‌പ​ര​ധാ​രണ, സമാധാ​നം, പുരോ​ഗതി എന്നിവയെ പരിപു​ഷ്ടി​പ്പെ​ടു​ത്താൻ ഉതകുന്ന സാർവ​ദേ​ശീയ മിശ്ര​വി​ശ്വാ​സ യോഗ​ങ്ങ​ളു​ടെ പരമ്പര​യിൽ ആദ്യ​ത്തേ​താണ്‌ ഇതെന്നു വിശ്വ​സി​ച്ചു. പക്ഷേ, സംഭവി​ച്ചത്‌ അങ്ങനെ ആയിരു​ന്നില്ല. മതപര​മായ അസഹി​ഷ്‌ണു​ത​യും അക്രമ​വും കഴിഞ്ഞ 100 വർഷത്തെ യുദ്ധങ്ങ​ളു​ടെ ഭാഗമാ​യി​രു​ന്നു, ഇന്നും അങ്ങനെ​തന്നെ തുടരു​ന്നു.” എന്തു​കൊ​ണ്ടാ​ണീ പരാജയം? മിശ്ര​വി​ശ്വാ​സ​മെന്ന ആശയ​ത്തെ​ത്തന്നെ ദൈവം അംഗീ​ക​രി​ക്കു​ന്നില്ല എന്നതാണ്‌ അതിനുള്ള കാരണം. ബൈബിൾ പറയുന്നു: “നിങ്ങൾ അവിശ്വാ​സി​ക​ളു​മാ​യി ഇണയി​ല്ലാ​പ്പിണ കൂടരുത്‌.”—2 കൊരി​ന്ത്യർ 6:14-17.

ഉചിത​മാ​യി​ത്ത​ന്നെ, 1893 സെപ്‌റ​റം​ബ​റി​ലെ സീയോ​ന്റെ വീക്ഷാ​ഗോ​പു​രം [ഇംഗ്ലീഷ്‌] ലോക​മ​ത​ങ്ങ​ളു​ടെ പാർല​മെൻറി​നു തിരു​വെ​ഴു​ത്തു​പ​ര​മായ പിന്തു​ണ​യി​ല്ലെന്നു വിശേ​ഷ​വി​ധ​മാ​യി വിവരിച്ച്‌ ഇങ്ങനെ പറഞ്ഞ​പ്പോൾ അതു കളിത​മാശ പറയു​ക​യാ​യി​രു​ന്നില്ല: “ബാബി​ലോ​ന്റെ നാശാ​വ​ശി​ഷ്ട​ങ്ങ​ളിൽനി​ന്നും മററു പുരാതന നഗരങ്ങ​ളിൽനി​ന്നും വിസ്‌മ​യം​കൊ​ള്ളി​ക്കുന്ന ഒട്ടനവധി ചുട്ട മൺ-സിലി​ണ്ട​റു​കൾ അവർ കുഴി​ച്ചെ​ടു​ത്തി​ട്ടുണ്ട്‌, എന്നാൽ ഇനിയും കണ്ടെത്തി​യി​ട്ടി​ല്ലാത്ത ചിലതു​മുണ്ട്‌. . . . മോവാ​ബ്യ​രു​ടെ​യും അമോ​ന്യ​രു​ടെ​യും ഏദോ​മ്യ​രു​ടെ​യും . . . ‘മതങ്ങളു​ടെ പാർല​മെൻറ്‌’ മോശ​യും യോശു​വ​യും വിളി​ച്ചു​കൂ​ട്ടി​യ​താ​യി പറയുന്ന എന്തെങ്കി​ലു​മൊന്ന്‌ അവർ കണ്ടെത്തി​യി​ട്ടില്ല. പ്രായം​ചെ​ന്ന​വ​നും ദൃഢഗാ​ത്ര​നു​മായ ശമുവേൽ ആളയച്ചു ദാഗോ​ന്റെ പുരോ​ഹി​ത​പ്ര​തി​നി​ധി​കളെ ഗത്തിൽനി​ന്നും എക്രോ​നിൽനി​ന്നും ശീലോ​വിൽ കൂട്ടി​വ​രു​ത്തി യഹോ​വ​യു​ടെ പുരോ​ഹി​തൻമാ​രു​മാ​യി ഒരു ചർച്ചാ​സ​മ്മേ​ളനം നടത്താൻ തുനി​ഞ്ഞ​തി​ന്റെ സൂചന നൽകുന്ന ഒന്നും​തന്നെ അവർ കണ്ടെത്തി​യില്ല. . . . ഓരോ​രു​ത്ത​രു​ടെ​യും മതത്തോ​ടുള്ള ഒരു പരസ്‌പര ആദരവു വളർത്തി​യെ​ടു​ക്കണം എന്ന കാഴ്‌ച​പ്പാ​ടിൽ അവരവ​രു​ടെ വിശ്വാ​സ​പ്ര​മാ​ണ​ങ്ങ​ളെ​ക്കു​റി​ച്ചുള്ള ഒരാഴ്‌ചത്തെ ചർച്ചക്കാ​യി ബാലി​ന്റെ​യും മോ​ലേ​ക്കി​ന്റെ​യും പുരോ​ഹി​ത​രു​മൊ​ത്തുള്ള ഒരു ‘സമ്മേളനം’ നടത്താൻ തുകൽപ​ട്ട​യ​ണിഞ്ഞ ഏലിയാവ്‌ നിർദേ​ശി​ച്ചു എന്നു പറയുന്ന എന്തെങ്കി​ലു​മൊന്ന്‌ അവർ കണ്ടെത്തി​യില്ല.”

ദൈവ​രാ​ജ്യം—ഒരേ​യൊ​രു പ്രത്യാശ

ലോക​മ​ത​ങ്ങ​ളു​ടെ പാർല​മെൻറ്‌ വിജയി​ക്കു​ക​യില്ല. “ക്രമരാ​ഹി​ത്യം,” “കോലാ​ഹലം,” “ഭ്രാന്താ​ലയം,” പാർല​മെൻറി​നോ​ടുള്ള ബന്ധത്തിൽ പത്രങ്ങ​ളും പ്രതി​നി​ധി​ക​ളും ഉപയോ​ഗിച്ച ചില പദങ്ങളാ​ണിവ. ഒരു റിപ്പോർട്ട​നു​സ​രിച്ച്‌, രാഷ്‌ട്രീയ ഭിന്നത​ക​ളു​ടെ പേരിൽ ഉടലെ​ടുത്ത രണ്ടു ലഹളകൾ ശാന്തമാ​ക്കാൻ പൊലീസ്‌ രംഗത്തി​റ​ങ്ങേ​ണ്ടി​വന്നു. “ലോക​സ​മാ​ധാ​നം നേടു​ന്ന​തി​നും സകല ആളുകൾക്കു​മി​ട​യിൽ ഒരു ധാരണ​യു​ണ്ടാ​ക്കു​ന്ന​തി​നും ഐക്യ​രാ​ഷ്‌ട്ര​ങ്ങ​ളോട്‌ ഒപ്പം പ്രവർത്തി​ക്കാൻ മതങ്ങളു​ടെ സ്ഥിരമായ ഒരു ലോക​പാർല​മെൻറ്‌ സ്ഥാപി​ക്കുക”യാണു തങ്ങളുടെ ഉദ്ദേശ്യ​ങ്ങ​ളി​ലൊന്ന്‌ എന്ന്‌ അതിന്റെ പാർല​മെൻറ്‌ 1952-ലെ ഒരു പ്രമാ​ണ​രേ​ഖ​യിൽ പട്ടിക​പ്പെ​ടു​ത്തു​ക​യു​ണ്ടാ​യി. ഇതിനു നേർവി​പ​രീ​ത​മാ​യി​ട്ടാ​ണു യേശു പറഞ്ഞത്‌, തന്റെ രാജ്യം ഈ ലോക​ത്തി​ന്റെ ഭാഗമല്ല എന്ന്‌. മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള ഒരേ​യൊ​രു പരിഹാ​രം എന്നനി​ല​യിൽ ബൈബിൾ ചൂണ്ടി​ക്കാ​ട്ടു​ന്നതു ദൈവ​രാ​ജ്യ​ത്തെ​യാണ്‌.—ദാനീ​യേൽ 2:44; യോഹ​ന്നാൻ 18:36.