മത്സരം വിജയ​ത്തി​നുള്ള താക്കോ​ലോ?

“വിജയി​ച്ചാൽ എല്ലാമാ​യെന്നല്ല, അതാണ്‌ ഏകസം​ഗതി.” ഒരു അമേരി​ക്കൻ ഫുട്‌ബോൾ കോച്ച്‌ ആയ വിൻസ്‌ ലാംബാർഡി പറഞ്ഞതാ​യി പലപ്പോ​ഴും ഉദ്ധരി​ക്കാ​റുള്ള ഈ വാക്കു​കളെ അന്വർഥ​മാ​ക്കി​ക്കൊ​ണ്ടാണ്‌ ഇന്നു പലരും ജീവി​ക്കു​ന്നത്‌. മത്സരവ്യ​വ​സ്ഥയെ പൊക്കി​പ്പി​ടി​ക്കു​ന്ന​തിൽ ഇപ്പോൾ മുൻ കമ്യൂ​ണി​സ്‌ററ്‌ രാജ്യ​ങ്ങ​ളും ഒത്തു​ചേർന്നി​രി​ക്കു​ന്നു. തങ്ങളുടെ കമ്പോ​ള​ങ്ങ​ളിൽ മത്സരം സംജാ​ത​മാ​കണം, അതാണ്‌ സമൃദ്ധി​യി​ലേ​ക്കുള്ള ടിക്കററ്‌ എന്ന്‌ അവർ പറയുന്നു. പൂർവ​ദേ​ശ​രാ​ജ്യ​ങ്ങ​ളിൽ അനേകം മാതാ​പി​താ​ക്കൾ തങ്ങളുടെ കുട്ടി​കളെ മററു​ള്ള​വർക്കെ​തി​രെ മത്സരി​പ്പി​ക്കു​ക​യും പ്രവേ​ശ​ന​പ്പ​രീ​ക്ഷകൾ കടന്നു​പ​റ​റാ​നുള്ള തന്ത്രങ്ങൾ ഹ്രസ്വ​കാ​ലം​കൊണ്ട്‌ തീവ്ര​മാ​യി പഠിപ്പി​ക്കുന്ന സ്‌കൂ​ളു​ക​ളിൽ അയയ്‌ക്കു​ക​യും ചെയ്യുന്നു. പേരു​കേട്ട ഒരു സ്‌കൂ​ളിൽ പ്രവേ​ശനം ലഭിക്കു​ന്ന​താ​ണു വരാനുള്ള ഐശ്വ​ര്യ​ത്തി​ന്റെ താക്കോൽ എന്ന്‌ ഉറച്ചു​വി​ശ്വ​സി​ക്കു​ന്ന​വ​രാണ്‌ ഇക്കാര്യ​ത്തിൽ കമ്പം കാണി​ക്കുന്ന മാതാ​പി​താ​ക്കൾ.

മത്സരം വിജയ​ത്തി​നുള്ള താക്കോ​ലാണ്‌ എന്ന്‌ അനേക​രും അടിയു​റച്ചു വിശ്വ​സി​ക്കു​ന്നു. അവരുടെ വിശ്വാ​സ​പ്ര​കാ​രം, പരസ്‌പരം മത്സരി​ക്കു​ന്നതു മുഖേ​ന​യാ​ണു മനുഷ്യർ പുരോ​ഗതി പ്രാപി​ച്ചി​ട്ടു​ള്ളത്‌. വൻകിട കമ്പനി​ക​ളു​ടെ എക്‌സി​ക്യൂ​ട്ടി​വു​ക​ളു​മാ​യി ജപ്പാനി​ലെ ഫെഡ​റേഷൻ ഓഫ്‌ ഇക്കണോ​മിക്‌ ഓർഗ​നൈ​സേഷൻ അഭിമു​ഖം നടത്തി​യ​പ്പോൾ അവരിൽ 65.9 ശതമാനം പേർ പറഞ്ഞതു “സ്ഥാനക്ക​യ​റ​റ​ത്തി​നു​വേ​ണ്ടി​യുള്ള മത്സരമാ​ണു ജപ്പാനി​ലെ കമ്പനി​ക​ളു​ടെ ഓജസ്സിന്‌ ഉറവിടം” എന്നാണ്‌. ജപ്പാനി​ലെ കമ്പനികൾ കുറെ നാള​ത്തേക്കു വിജയി​ച്ചു​കൊ​ണ്ടി​രു​ന്ന​താ​യി കാണ​പ്പെ​ടു​ക​യും ചെയ്യുന്നു. എന്നിരു​ന്നാ​ലും, മത്സരം വാസ്‌ത​വ​ത്തിൽ വിജയ​ത്തി​നുള്ള താക്കോ​ലാ​ണോ?

വാസ്‌ത​വ​ത്തിൽ പ്രതി​ഫ​ല​ദാ​യ​ക​മോ?

മററു​ള്ള​വർക്കെ​തി​രെ മത്സരി​ക്കു​ന്നവർ സ്വാർഥ​മായ, ഞാൻ-മുമ്പൻ മനോ​ഭാ​വം പ്രകടി​പ്പി​ക്കു​ന്നു. മററു​ള്ളവർ മോശ​മാ​യി ചെയ്യു​മ്പോൾ അവർക്കു സന്തോ​ഷ​മാണ്‌, അതു തങ്ങളുടെ പ്രകട​നത്തെ മികവു​റ​റ​താ​ക്കു​മെന്ന്‌ അവർ വിചാ​രി​ക്കു​ന്നു. തങ്ങളുടെ സ്വാർഥ​ലാ​ഭ​ത്തി​നാ​യി അവർ മററു​ള്ള​വർക്കു ഹാനി​ക​ര​മായ തന്ത്രങ്ങൾ ആവിഷ്‌ക​രി​ച്ചേ​ക്കാം. മത്സരത്തി​ലൂ​ടെ വിജയം നേടാ​നുള്ള അത്തരം ചെയ്‌തി​കൾ എന്തി​ലേ​ക്കാ​യി​രി​ക്കും നയിക്കുക? തന്റെ കമ്പനി​യി​ലെ ഉന്നത പടവു​ക​ളി​ലെ​ത്തണം എന്നു ലക്ഷ്യം​വെ​ച്ചു​കൊ​ണ്ടുള്ള പരക്കം​പാ​ച്ചി​ലിൽ ആമഗ്നനാ​യി​ത്തീർന്ന യാസൂ​വോ തന്റെ മുൻകാല ഗതിയെ അനുസ്‌മ​രി​ച്ചു​കൊണ്ട്‌ ഇങ്ങനെ പറയുന്നു: “മത്സരത്തി​ന്റേ​തായ ആത്മാവും സ്‌ഥാ​ന​ക്ക​യററ ചിന്തയു​മാ​യി​രു​ന്നു എന്നെ ഭരിച്ചി​രു​ന്നത്‌, മററു​ള്ള​വ​രു​മാ​യി എന്നേത്തന്നെ താരത​മ്യ​പ്പെ​ടു​ത്തിയ ഞാൻ അവരെ​ക്കാൾ ശ്രേഷ്‌ഠ​നാ​ണെന്നു തോന്നി. ആളുകൾക്ക്‌ എനിക്കു​ള്ള​തി​നെ​ക്കാൾ മികച്ച ഒരു സ്ഥാനം ലഭിച്ചാൽ കമ്പനി​യു​ടെ ഉദ്യോ​ഗസ്ഥ കാര്യാ​ദി​ക​ളെ​ക്കു​റി​ച്ചു ദിവസ​വും കുററം പറയു​ക​യാ​യി പിന്നെ എന്റെ പതിവ്‌. സുഹൃ​ത്തു​ക്കൾ എന്നു ശരിക്കും പറയാൻ എനിക്കാ​രു​മി​ല്ലാ​യി​രു​ന്നു.”

മത്സരത്തി​ന്റേ​താ​യ ആത്മാവിന്‌ അകാല മരണത്തി​നി​ട​യാ​ക്കാ​നും കഴിയും. എങ്ങനെ? കാറോ​ഷി​യെ അഥവാ അമിതാ​ധ്വാ​നം​മൂ​ലം സംഭവി​ക്കുന്ന മരണത്തെ ടൈപ്പ്‌-എ പെരു​മാ​റ​റ​വു​മാ​യാ​ണു ജപ്പാന്റെ മൈനീ​ച്ചീ ഡെയ്‌ലി ന്യൂസ്‌ ബന്ധപ്പെ​ടു​ത്തു​ന്നത്‌. സമയം കാര്യ​ക്ഷ​മ​മാ​യി ഉപയോ​ഗി​ച്ചു മത്സര മനോ​ഭാ​വ​ത്തോ​ടെ​യും പകയോ​ടെ​യും സമ്മർദത്തെ നേരി​ടുന്ന ഒരു പെരു​മാ​ററ ശൈലി​യെ​യാ​ണു ടൈപ്പ്‌-എ വരച്ചു​കാ​ണി​ക്കു​ന്നത്‌. കൊ​റോ​ണറി ഹൃദയ​രോ​ഗ​ത്തി​നു ടൈപ്പ്‌-എ പെരു​മാ​റ​റ​വു​മാ​യി ബന്ധമു​ണ്ടെന്ന്‌ അമേരി​ക്ക​യി​ലെ കാർഡി​യോ​ള​ജി​സ്‌റ​റു​ക​ളായ ഫ്രീഡ്‌മാ​നും റോസൻമാ​നും പറയുന്നു. അതേ, മത്സരത്തി​ന്റേ​തായ ആത്മാവു​ണ്ടാ​യി​രി​ക്കു​ന്നതു മാരക​മായ ഫലങ്ങൾ ഉളവാ​ക്കി​യേ​ക്കാം.

ജോലി​സ്ഥ​ല​ത്തെ മത്സരത്തി​നു ശാരീ​രി​ക​വും മാനസി​ക​വു​മായ മററു ക്രമ​ക്കേ​ടു​ക​ളി​ലേ​ക്കും നയിക്കാ​നാ​വും. കയ്‌നോ​സ്‌കെ തന്നെ ഒരു ഉദാഹ​രണം. അദ്ദേഹം ജപ്പാനി​ലെ വൻകിട കാർ ഇടപാ​ടു​കാ​രിൽ മുൻപ​ന്തി​യിൽ നിന്നി​രുന്ന സെയിൽസ്‌മാ​നാ​യി​രു​ന്നു. മൊത്തം 1,250 കാറുകൾ വിററ്‌ അദ്ദേഹം ഒരു റക്കോഡ്‌ സ്ഥാപിച്ചു. കമ്പനി ആസ്ഥാനത്തെ ഡയറക്ടർ ബോർഡ്‌ അംഗങ്ങ​ളു​ടെ മുറി​യിൽ അദ്ദേഹ​ത്തി​ന്റെ ചിത്രം ഫ്രെയിം​ചെ​യ്‌തു തൂക്കി​യി​രു​ന്നു. സ്ഥാനക്ക​യ​റ​റ​ങ്ങൾക്കു​വേണ്ടി തന്റെ സഹപ്ര​വർത്ത​കരെ ചവിട്ടു​ക​ല്ലാ​യി ഉപയോ​ഗി​ക്കു​ന്നത്‌ അദ്ദേഹ​ത്തി​നു വെറു​പ്പാ​യി​രു​ന്നെ​ങ്കി​ലും അദ്ദേഹ​ത്തി​നു കമ്പനി​യിൽനി​ന്നുള്ള സമ്മർദം മത്സരി​ക്കാ​നാ​യി​രു​ന്നു. അതിന്റെ ഫലമായി അദ്ദേഹ​ത്തി​നു ഒരു വർഷത്തി​നു​ള്ളിൽ ഉദരത്തി​ന്റെ ഉൾഭി​ത്തി​യി​ലും ചെറു​കു​ട​ലി​ലും അൾസർ പിടി​പെട്ടു. അതേവർഷം അദ്ദേഹ​ത്തി​ന്റെ കമ്പനി​യി​ലെ 15 എക്‌സി​ക്യൂ​ട്ടി​വു​കൾ ആശുപ​ത്രി​യി​ലാ​യി, ഒരാൾ ആത്മഹത്യ ചെയ്‌തു.

വീട്ടി​ലാ​ണെ​ങ്കി​ലോ, അയൽക്കാർക്കുള്ള സകലതും തനിക്കും​വേ​ണ​മെന്ന മനോ​ഭാ​വം ഒരിക്ക​ലും അവസാനി​ക്കാത്ത മത്സരമ​നോ​ഭാ​വ​ത്തോ​ടെ വസ്‌തു​വ​ക​കൾകൊ​ണ്ടു ജാട കാണി​ക്കാൻ ആളുകളെ പ്രേരി​പ്പി​ക്കു​ന്നു. (1 യോഹ​ന്നാൻ 2:16) പണമൊ​ഴു​കു​ന്നതു ഭൂമി​യി​ലെ വ്യാപാ​രി​ക​ളി​ലേ​ക്കാണ്‌ എന്നതി​നാൽ ഇതു​കൊ​ണ്ടുള്ള മെച്ചം വാണി​ജ്യ​വ്യ​വ​സ്ഥക്കു മാത്ര​മാണ്‌.—വെളി​പ്പാ​ടു 18:11 താരത​മ്യ​പ്പെ​ടു​ത്തുക.

കിടമ​ത്സ​ര​വും മത്സരത്തി​ന്റേ​തായ ആത്മാവും ജോലി​യിൽ കാര്യ​ക്ഷമത ഉളവാ​ക്കു​മെ​ങ്കി​ലും ശലോ​മോൻ ഇങ്ങനെ നിരീ​ക്ഷി​ച്ച​തിൽ ഒട്ടും അതിശ​യ​മില്ല: “എല്ലാ കഠിന​പ്ര​യ​ത്‌ന​വും ജോലി​യി​ലെ എല്ലാ കാര്യ​ക്ഷ​മ​ത​യും ഒരുവനു മറെറാ​രു​വ​നോ​ടുള്ള മത്സരത്തെ അർഥമാ​ക്കു​ന്നു എന്നു ഞാൻ കണ്ടു; അതും മായയും കാററി​നെ പിടി​ക്കാ​നുള്ള ശ്രമവും അത്രേ.” (സഭാ​പ്ര​സം​ഗി 4:4, NW) അതു​കൊ​ണ്ടു മത്സരാത്മക സമൂഹ​ത്തിൽ ജീവി​ക്കുന്ന നമുക്ക്‌ എങ്ങനെ​യാ​ണു മനസ്സമാ​ധാ​നം കാത്തു​സൂ​ക്ഷി​ക്കാ​നാ​വുക? ഉത്തരം ലഭിക്കാ​നാ​യി മത്സരത്തി​ന്റെ ആശയം ആദ്യമാ​യി എവി​ടെ​യാണ്‌ ആരംഭി​ച്ചത്‌ എന്നു നമുക്കു നോക്കാം.