വ്യാജ ഉപദേ​ഷ്ടാ​ക്കൻമാർക്കെ​തി​രെ​യുള്ള യഹോ​വ​യു​ടെ ന്യായ​വി​ധി

“യരൂശ​ലേ​മി​ലെ പ്രവാ​ച​കൻമാ​രി​ലോ ഞാൻ അതിഭ​യ​ങ്ക​ര​മാ​യു​ള്ളതു കണ്ടിരി​ക്കു​ന്നു; അവർ വ്യഭി​ചാ​രം ചെയ്‌തു വ്യാജ​ത്തിൽ നടക്കുന്നു; . . . അവരെ​ല്ലാ​വ​രും എനിക്കു സൊ​ദോം​പോ​ലെ​യും, അതിലെ നിവാ​സി​കൾ ഗൊ​മോറ പോ​ലെ​യും ഇരിക്കു​ന്നു.”—യിരെ​മ്യാ​വു 23:14.

1. ദിവ്യ പഠിപ്പി​ക്ക​ലിൽ ഏർപ്പെ​ടുന്ന ഏതൊ​രാ​ളും ഗൗരവ​ത​ര​മായ ഒരു ഉത്തരവാ​ദി​ത്വ​മാണ്‌ ഏറെറ​ടു​ക്കു​ന്നത്‌, എന്തു​കൊണ്ട്‌?

ദിവ്യ പഠിപ്പി​ക്ക​ലിൽ ഏർപ്പെ​ടുന്ന ഏതൊ​രാ​ളും ഗൗരവ​ത​ര​മായ ഒരു ഉത്തരവാ​ദി​ത്വ​മാണ്‌ ഏറെറ​ടു​ക്കു​ന്നത്‌. “സഹോ​ദ​രൻമാ​രേ, അധികം ശിക്ഷാ​വി​ധി വരും എന്നു അറിഞ്ഞു നിങ്ങളിൽ അനേകർ ഉപദേ​ഷ്ടാ​ക്കൻമാർ ആകരുതു” എന്നു യാക്കോബ്‌ 3:1 മുന്നറി​യി​പ്പു നൽകുന്നു. അതേ, സ്വീകാ​ര്യ​മായ വിധത്തിൽ കണക്കു​ബോ​ധി​പ്പി​ക്കു​ന്ന​തിൽ, പൊതു​വേ​യുള്ള ക്രിസ്‌ത്യാ​നി​ക​ളെ​ക്കാൾ കൂടുതൽ ഗൗരവ​മായ ഉത്തരവാ​ദി​ത്വ​ത്തിൻകീ​ഴി​ലാ​ണു ദൈവ​വ​ച​ന​ത്തി​ന്റെ ഉപദേ​ഷ്ടാ​ക്കൻമാർ. വ്യാജ ഉപദേ​ഷ്ടാ​ക്കൻമാർ എന്നു തെളി​യു​ന്ന​വർക്ക്‌ ഇത്‌ എന്തർഥ​മാ​ക്കും? യിരെ​മ്യാ​യു​ടെ നാളിലെ സാഹച​ര്യം നമു​ക്കൊ​ന്നു നോക്കാം. അത്‌ ഇന്നു സംഭവി​ച്ചു​കൊ​ണ്ടി​രി​ക്കു​ന്ന​തി​നെ എങ്ങനെ മുൻനി​ഴ​ലാ​ക്കി എന്നു നമുക്കു നോക്കാം.

2, 3. യരുശ​ലേ​മി​ലെ വ്യാജ ഉപദേ​ഷ്ടാ​ക്കൻമാ​രെ സംബന്ധിച്ച്‌ ഏതു ന്യായ​വി​ധി​യാ​ണു യിരെ​മ്യാ​യി​ലൂ​ടെ യഹോവ നൽകി​യത്‌?

² യോശി​യാ രാജാ​വി​ന്റെ ഭരണത്തി​ന്റെ 13-ാം വർഷത്തിൽ, പൊ.യു.മു. (പൊതു​യു​ഗ​ത്തി​നു​മുമ്പ്‌) 647-ൽ യിരെ​മ്യാ യഹോ​വ​യു​ടെ പ്രവാ​ച​ക​നാ​യി നിയോ​ഗി​ക്ക​പ്പെട്ടു. യഹൂദ​ക്കെ​തി​രെ യഹോ​വക്ക്‌ ഒരു പരാതി​യു​ണ്ടാ​യി​രു​ന്നു. അതു​കൊണ്ട്‌ അതു പ്രഖ്യാ​പി​ക്കു​ന്ന​തിന്‌ അവിടുന്ന്‌ യിരെ​മ്യാ​വി​നെ വിട്ടു. യരുശ​ലേ​മി​ലെ വ്യാജ പ്രവാ​ചകർ അഥവാ ഉപദേ​ഷ്ടാ​ക്കൻമാർ ദൈവ​ത്തി​ന്റെ ദൃഷ്ടി​യിൽ “അതിഭ​യ​ങ്ക​ര​മാ​യു​ള്ളതു” ചെയ്യു​ക​യാ​യി​രു​ന്നു. യരുശ​ലേ​മി​നെ​യും യഹൂദ​യെ​യും ദൈവം സോ​ദോ​മി​നോ​ടും ഗൊ​മോ​റ​യോ​ടും ഉപമി​ക്കാൻ തക്കവണ്ണം അവരുടെ വഷളത്തം അത്ര വലുതാ​യി​രു​ന്നു. യിരെ​മ്യാ​വു 23-ാം അധ്യായം ഇതി​നെ​ക്കു​റി​ച്ചു നമ്മോടു പറയുന്നു. 14-ാം വാക്യം പറയുന്നു:

³ “യെരൂ​ശ​ലേ​മി​ലെ പ്രവാ​ച​കൻമാ​രിൽ ഞാൻ അതിഭ​യ​ങ്ക​ര​മാ​യു​ള്ളതു [“ഭയങ്കര കാര്യങ്ങൾ,” NW] കണ്ടിരി​ക്കു​ന്നു. അവർ വ്യഭി​ചാ​രം ചെയ്‌തു വ്യാജ​ത്തിൽ നടക്കുന്നു; ആരും തന്റെ ദുഷ്ടത വിട്ടു​തി​രി​യാ​ത​വണ്ണം അവർ ദുഷ്‌പ്ര​വൃ​ത്തി​ക്കാ​രെ ധൈര്യ​പ്പെ​ടു​ത്തു​ന്നു; അവരെ​ല്ലാ​വ​രും എനിക്കു സൊ​ദോം​പോ​ലെ​യും, അതിലെ നിവാ​സി​കൾ ഗൊ​മോറ പോ​ലെ​യും ഇരിക്കു​ന്നു.”

4. യരുശ​ലേ​മി​ലെ ഉപദേ​ഷ്ടാ​ക്കൻമാ​രു​ടെ വളരെ മോശ​മായ ധാർമിക മാതൃക ഇന്നത്തെ ക്രൈ​സ്‌ത​വ​ലോ​ക​ത്തി​ന്റേ​തി​നോ​ടു സമാന്ത​ര​മാ​യി​രി​ക്കു​ന്ന​തെ​ങ്ങനെ?

⁴ അതേ, ഈ പ്രവാ​ചകർ അഥവാ ഉപദേ​ഷ്ടാ​ക്കൻമാർ സ്വയം ധാർമി​ക​മാ​യി വളരെ മോശ​മായ ദൃഷ്ടാ​ന്തങ്ങൾ വെച്ചു, ഫലത്തിൽ അതുതന്നെ ചെയ്യാൻ ജനങ്ങളെ പ്രോ​ത്സാ​ഹി​പ്പി​ച്ചു. ഇന്നത്തെ ക്രൈ​സ്‌ത​വ​ലോ​ക​ത്തി​ലെ അവസ്ഥകൾ നോക്കൂ! അവ യിരെ​മ്യാ​യു​ടെ നാളിലുണ്ടായിരുന്നവയെ​പ്പോ​ലെ തന്നെയല്ലേ? പുരോ​ഹി​തൻമാർ വ്യഭി​ചാ​രി​ക​ളെ​യും സ്വവർഗ​ര​തി​ക്കാ​രെ​യും തങ്ങളുടെ സ്ഥാനങ്ങ​ളിൽ നിലനിൽക്കാ​നും സഭാശു​ശ്രൂ​ഷ​ക​ളിൽ ഔദ്യോ​ഗിക സ്ഥാനങ്ങൾ വഹിക്കാൻപോ​ലും അനുവ​ദി​ക്കു​ന്നു. ആ സ്ഥിതിക്ക്‌, സഭാം​ഗ​ങ്ങ​ളാ​യി പേർ ചാർത്തി​യി​ട്ടുള്ള ഒട്ടധികം പേരും അധാർമി​ക​രാ​യി​രി​ക്കു​ന്ന​തിൽ എന്തെങ്കി​ലും അതിശ​യി​ക്കാ​നു​ണ്ടോ?

5. ക്രൈ​സ്‌ത​വ​ലോ​ക​ത്തി​ന്റെ അധാർമി​കാ​വസ്ഥ സോ​ദോ​മി​ന്റേ​തി​നെ​ക്കാ​ളും ഗൊ​മോ​റ​യു​ടേ​തി​നെ​ക്കാ​ളും വഷളാ​യി​രി​ക്കു​ന്ന​തെ​ന്തു​കൊണ്ട്‌?

⁵ യരുശ​ലേ​മി​ലെ നിവാ​സി​കളെ യഹോവ സോ​ദോ​മി​ലും ഗൊ​മോ​റ​യി​ലും ഉണ്ടായി​രു​ന്ന​വ​രോട്‌ ഉപമിച്ചു. എന്നാൽ ക്രൈ​സ്‌ത​വ​ലോ​ക​ത്തി​ന്റെ അധാർമി​കാ​വസ്ഥ സോ​ദോ​മി​ന്റേ​തി​നെ​ക്കാ​ളും ഗൊ​മോ​റ​യു​ടേ​തി​നെ​ക്കാ​ളും വഷളാണ്‌. അതേ, അതു യഹോ​വ​യു​ടെ ദൃഷ്ടി​യിൽ ഏറെ അപലപ​നീ​യ​മാണ്‌. അവളുടെ ഉപദേ​ഷ്ടാ​ക്കൻമാർ ക്രിസ്‌തീയ ധാർമിക നിയമ​ങ്ങളെ പരിഹ​സി​ക്കു​ക​യാണ്‌. അങ്ങനെ വഷളത്തം പ്രവർത്തി​ക്കാ​നുള്ള വഞ്ചകമായ സകലതരം വശീക​ര​ണ​ങ്ങ​ളും പതിയി​രി​ക്കുന്ന ധാർമിക അധഃപ​ത​ന​ത്തി​ന്റെ ഒരു അന്തരീക്ഷം ഉളവാ​ക്കു​ന്നു. വഷളത്തം ഇന്നു വെറും സാധാ​ര​ണ​മാ​ണെന്നു വീക്ഷി​ക്കാൻ തക്കവണ്ണം ഈ ധാർമി​കാ​വസ്ഥ അത്ര പ്രബല​മാണ്‌.

“വ്യാജ​ത്തിൽ നടക്കുന്നു”

6. യരുശ​ലേ​മി​ലെ പ്രവാ​ച​ക​രു​ടെ വഷളത്ത​ത്തെ​ക്കു​റി​ച്ചു യിരെ​മ്യാ എന്താണു പറഞ്ഞത്‌?

⁶ ഇനി 14-ാം വാക്യം യരുശ​ലേ​മി​ലെ പ്രവാ​ച​ക​രെ​ക്കു​റി​ച്ചു പറയു​ന്ന​തെ​ന്തെന്നു ശ്രദ്ധി​ക്കുക. അവർ “വ്യാജ​ത്തിൽ നടക്കു”കയായി​രു​ന്നു. കൂടാതെ 15-ാം വാക്യ​ത്തി​ന്റെ അവസാ​ന​ഭാ​ഗം ഇങ്ങനെ പറയുന്നു: “യെരൂ​ശ​ലേ​മി​ലെ പ്രവാ​ച​കൻമാ​രിൽനി​ന്ന​ല്ലോ വഷളത്തം [“വിശ്വാ​സ​ത്യാ​ഗം,” NW] ദേശ​ത്തെ​ല്ലാ​ട​വും പരന്നി​രി​ക്കു​ന്നത്‌.” പിന്നെ 16-ാം വാക്യം ഇതുകൂ​ടി പറയുന്നു: “സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു: നിങ്ങ​ളോ​ടു പ്രവചി​ക്കുന്ന പ്രവാ​ച​കൻമാ​രു​ടെ വാക്കു കേൾക്ക​രു​തു; അവർ നിങ്ങളെ വ്യാജം ഉപദേ​ശി​ക്കു​ന്നു; യഹോ​വ​യു​ടെ വായിൽനി​ന്നു​ള്ളതല്ല സ്വന്തഹൃ​ദ​യ​ത്തി​ലെ ദർശന​മ​ത്രേ അവർ പ്രവചി​ക്കു​ന്നതു.”

7, 8. യരുശ​ലേ​മി​ലെ വ്യാജ​പ്ര​വാ​ച​ക​രെ​പ്പോ​ലെ​ത​ന്നെ​യാണ്‌ ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാ​രും, എന്തു​കൊണ്ട്‌, പള്ളിയിൽപോ​ക്കു​കാ​രെ ഇത്‌ എങ്ങനെ​യാ​ണു ബാധി​ച്ചി​രി​ക്കു​ന്നത്‌?

⁷ യരുശ​ലേ​മി​ലെ വ്യാജ​പ്ര​വാ​ച​ക​രെ​പ്പോ​ലെ ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാ​രും വിശ്വാ​സ​ത്യാ​ഗ​പ​ര​മായ പഠിപ്പി​ക്ക​ലു​കളെ, ദൈവ​വ​ച​ന​ത്തിൽ ഇല്ലാത്ത പഠിപ്പി​ക്ക​ലു​കളെ പ്രചരി​പ്പി​ച്ചു​കൊ​ണ്ടു വ്യാജ​ത്തിൽ നടക്കുന്നു. ഈ വ്യാജ പഠിപ്പി​ക്ക​ലു​ക​ളിൽ ചിലത്‌ എന്താണ്‌? ദേഹി​യു​ടെ അമർത്ത്യത, ത്രിത്വം, ശുദ്ധീ​ക​ര​ണ​സ്ഥലം, എന്നേക്കും ആളുകളെ ദണ്ഡിപ്പി​ക്കു​ന്ന​തി​നുള്ള തീനരകം. ആളുകൾ കേൾക്കാൻ ഇഷ്ടപ്പെ​ടു​ന്നത്‌ അവർ പ്രസം​ഗി​ച്ചു​കൊ​ണ്ടു തങ്ങളുടെ കേൾവി​ക്കാ​രു​ടെ കർണങ്ങൾക്ക്‌ ഇക്കിളി​കൂ​ട്ടു​ക​യും ചെയ്യുന്നു. ക്രൈ​സ്‌ത​വ​ലോ​ക​ത്തി​നു ദൈവ​സ​മാ​ധാ​നം ഉള്ളതി​നാൽ അവളെ യാതൊ​രു ആപത്തും അഭിമു​ഖീ​ക​രി​ക്കു​ന്നി​ല്ലെന്ന്‌ അവർ ഓതി​ക്കൊ​ണ്ടി​രി​ക്കു​ന്നു. എന്നാൽ ഈ പുരോ​ഹി​തൻമാർ “സ്വന്തഹൃ​ദ​യ​ത്തി​ലെ ദർശന​മ​ത്രേ” സംസാ​രി​ക്കു​ന്നത്‌. അതു വ്യാജ​മാണ്‌. ഇത്തരം നുണകൾ വിശ്വ​സി​ക്കു​ന്നവർ ആത്മീയ​മാ​യി വിഷലി​പ്‌ത​മാ​ക്ക​പ്പെ​ടു​ക​യാണ്‌. അവർ തങ്ങളുടെ നാശത്തി​ലേക്കു വഴി​തെ​റ​റി​ക്ക​പ്പെ​ടു​ക​യാണ്‌!

⁸ ഈ വ്യാജ ഉപദേ​ഷ്ടാ​ക്കൻമാ​രെ​ക്കു​റിച്ച്‌ 21-ാം വാക്യ​ത്തിൽ യഹോവ പറയു​ന്നതു പരിചി​ന്തി​ക്കുക: “ഞാൻ ഈ പ്രവാ​ച​കൻമാ​രെ അയക്കാ​തി​രു​ന്നി​ട്ടും അവർ ഓടി; ഞാൻ അവരോ​ടു അരുളി​ച്ചെ​യ്യാ​തി​രു​ന്നി​ട്ടും അവർ പ്രവചി​ച്ചു.” അതു​കൊണ്ട്‌ ഇന്ന്‌, പുരോ​ഹി​തൻമാർ ദൈവ​ത്താൽ അയയ്‌ക്ക​പ്പെ​ട്ടി​ട്ടില്ല, അവർ അവിടു​ത്തെ സത്യം ഒട്ടു പഠിപ്പി​ക്കു​ന്നു​മില്ല. ഫലമോ? പള്ളിയിൽപോ​ക്കു​കാ​രു​ടെ ഇടയിലെ ഞെട്ടി​ക്കുന്ന ബൈബിൾ അജ്ഞത. എന്തു​കൊ​ണ്ടെ​ന്നാൽ അവരുടെ ശുശ്രൂ​ഷകർ അവർക്കു ലൗകിക തത്ത്വശാ​സ്‌ത്ര​ങ്ങ​ളാ​ണു വിളമ്പി​ക്കൊ​ടു​ക്കു​ന്നത്‌.

9, 10. (എ) ഏതുതരം സ്വപ്‌ന​ങ്ങ​ളാ​യി​രു​ന്നു യരുശ​ലേ​മി​ലെ വ്യാജ ഉപദേ​ഷ്ടാ​ക്കൻമാർക്ക്‌ ഉണ്ടായി​രു​ന്നത്‌? (ബി) സമാന​മാ​യി ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാർ “വ്യാജ സ്വപ്‌നങ്ങൾ” പഠിപ്പി​ച്ചി​രി​ക്കു​ന്ന​തെ​ങ്ങനെ?

⁹ കൂടു​ത​ലാ​യി, പുരോ​ഹി​തൻമാർ ഇന്നു വ്യാജ പ്രത്യാ​ശകൾ വിളം​ബരം ചെയ്യു​ക​യാണ്‌. 25-ാം വാക്യം ശ്രദ്ധി​ക്കുക: “ഞാൻ സ്വപ്‌നം കണ്ടു, സ്വപ്‌നം കണ്ടു എന്നു പറഞ്ഞു എന്റെ നാമത്തിൽ ഭോഷ്‌കു പ്രവചി​ക്കുന്ന പ്രവാ​ച​കൻമാ​രു​ടെ വാക്കു ഞാൻ കേട്ടി​രി​ക്കു​ന്നു.” അവ ഏതുതരം സ്വപ്‌ന​ങ്ങ​ളാണ്‌? 32-ാം വാക്യം നമ്മോടു പറയുന്നു; “വ്യാജ​സ്വ​പ്‌ന​ങ്ങളെ പ്രവചി​ച്ചു വിവരി​ച്ചു ഭോഷ്‌കു​കൊ​ണ്ടും വ്യർഥ​പ്ര​ശം​സ​കൊ​ണ്ടും എന്റെ ജനത്തെ തെററി​ച്ചു​ക​ള​യു​ന്ന​വർക്കു ഞാൻ വിരോ​ധ​മാ​കു​ന്നു എന്നു യഹോ​വ​യു​ടെ അരുള​പ്പാ​ടു; ഞാൻ അവരെ അയച്ചി​ട്ടില്ല, അവരോ​ടു കല്‌പി​ച്ചി​ട്ടില്ല, അവർ ഈ ജനത്തിന്നു ഒട്ടും പ്രയോ​ജ​ന​മാ​യി​രി​ക്ക​യു​മില്ല എന്നു യഹോ​വ​യു​ടെ അരുള​പ്പാ​ടു.”

¹⁰ ഈ പുരോ​ഹി​തൻമാർ എന്തു വ്യാജ സ്വപ്‌നങ്ങൾ അഥവാ പ്രത്യാ​ശ​ക​ളാ​ണു പഠിപ്പി​ച്ചി​രി​ക്കു​ന്നത്‌? എന്തിന്‌, ഇന്നു സമാധാ​ന​ത്തി​നും സുരക്ഷി​ത​ത്വ​ത്തി​നു​മുള്ള മമനു​ഷ്യ​ന്റെ ഏക പ്രത്യാശ ഐക്യ​രാ​ഷ്‌ട്രങ്ങൾ ആണെന്നു​തന്നെ. സമീപ വർഷങ്ങ​ളിൽ അവർ യു.എൻ.-നെ “ഐകമ​ത്യ​ത്തി​ന്റെ​യും സമാധാ​ന​ത്തി​ന്റെ​യും അവസാന പ്രതീക്ഷ,” “സമാധാ​ന​ത്തി​ന്റെ​യും നീതി​യു​ടെ​യും പരമോ​ന്നത വേദി,” “ലോക​സ​മാ​ധാ​ന​ത്തി​നു​വേ​ണ്ടി​യുള്ള ലോ​കോ​ത്ത​ര​മായ ആശാ​കേ​ന്ദ്രം” എന്നൊക്കെ വിളി​ച്ചി​രി​ക്കു​ന്നു. എന്തൊരു മിഥ്യാ​ബോ​ധം! മനുഷ്യ​വർഗ​ത്തി​ന്റെ ഏക പ്രത്യാശ ദൈവ​രാ​ജ്യ​മാണ്‌. എന്നാൽ യേശു​വി​ന്റെ പ്രസം​ഗ​ത്തി​ന്റെ കേന്ദ്ര വിഷയ​മാ​യി​രുന്ന ആ സ്വർഗീയ ഗവൺമെൻറി​നെ​ക്കു​റി​ച്ചുള്ള സത്യം പുരോ​ഹി​തൻമാർ പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്നില്ല.

11. (എ) യരുശ​ലേ​മി​ലെ വ്യാജ​പ്ര​വാ​ചകർ ദൈവ​ത്തി​ന്റെ​തന്നെ നാമത്തിൻമേൽ എന്തു മോശ​മായ ഫലമു​ള​വാ​ക്കി? (ബി) യിരെ​മ്യാ​വർഗ​ത്തിൽനി​ന്നു വ്യത്യ​സ്‌ത​മാ​യി വ്യാജമത ഉപദേ​ഷ്ടാ​ക്കൻമാർ ദിവ്യ​നാ​മ​ത്തോട്‌ എന്തു ചെയ്‌തി​രി​ക്കു​ന്നു?

¹¹ 27-ാം വാക്യം നമ്മോടു കൂടുതൽ കാര്യങ്ങൾ പറയുന്നു: “അവരുടെ പിതാ​ക്കൻമാർ ബാൽനി​മി​ത്തം എന്റെ നാമം മറന്നു​ക​ള​ഞ്ഞ​തു​പോ​ലെ ഇവർ അന്യോ​ന്യം വിവരി​ച്ചു​പ​റ​യുന്ന സ്വപ്‌ന​ങ്ങൾകൊ​ണ്ടു എന്റെ ജനം എന്റെ നാമം മറന്നു​ക​ള​യേ​ണ്ട​തി​ന്നു ഇടവരു​ത്തു​വാൻ വിചാ​രി​ക്കു​ന്നു.” ആളുകൾ ദൈവ​ത്തി​ന്റെ നാമം മറന്നു​ക​ള​യാൻ യരുശ​ലേ​മി​ലെ വ്യാജ​പ്ര​വാ​ചകർ ഇടയാക്കി. ഇന്നത്തെ വ്യാജമത ഉപദേ​ഷ്ടാ​ക്കൻമാ​രും അതുതന്നെ ചെയ്‌തി​ട്ടി​ല്ലേ? അതിലും വഷളായി, അവർ യഹോവ എന്ന ദൈവ​നാ​മം മറച്ചു​വെ​ക്കു​ന്നു. അത്‌ ഉപയോ​ഗി​ക്കേ​ണ്ട​തി​ന്റെ ആവശ്യ​മി​ല്ലെന്ന്‌ അവർ പഠിപ്പി​ക്കു​ക​യും തങ്ങളുടെ ബൈബിൾ പരിഭാ​ഷ​ക​ളിൽനിന്ന്‌ അതു മാററു​ക​യും ചെയ്യുന്നു. ദൈവ​ത്തി​ന്റെ നാമം യഹോ​വ​യാ​ണെന്ന്‌ ആളുകളെ പഠിപ്പി​ക്കുന്ന ആരെയും അവർ ശക്തമായി എതിർക്കു​ന്നു. എന്നാൽ തങ്ങളുടെ സഹകാ​രി​ക​ളോ​ടൊ​പ്പം യിരെ​മ്യാ​വർഗം, ആത്മാഭി​ഷിക്ത ക്രിസ്‌ത്യാ​നി​ക​ളു​ടെ ശേഷിപ്പ്‌, യേശു ചെയ്‌ത​തു​പോ​ലെ​തന്നെ ചെയ്‌തി​രി​ക്കു​ന്നു. അവർ ലക്ഷക്കണ​ക്കി​നാ​ളു​കളെ ദൈവ​നാ​മം പഠിപ്പി​ച്ചി​രി​ക്കു​ന്നു.—യോഹ​ന്നാൻ 17:6.

അവരുടെ അപലപ​നീ​യ​തയെ വെളി​പ്പെ​ടു​ത്തു​ന്നു

12. (എ) വ്യാജമത ഉപദേ​ഷ്ടാ​ക്കൻമാർക്കു വലിയ രക്തപാ​ത​ക​ക്കു​ററം ഉള്ളതെ​ന്തു​കൊണ്ട്‌? (ബി) രണ്ടു ലോക​മ​ഹാ​യു​ദ്ധ​ങ്ങ​ളിൽ പുരോ​ഹി​ത​വർഗ​ത്തി​ന്റെ പങ്ക്‌ എന്തായി​രു​ന്നു?

¹² പുരോ​ഹി​തൻമാർ ആടുകളെ നാശത്തി​ലേ​ക്കുള്ള വിശാ​ല​മായ പാതയി​ലൂ​ടെ നയിക്കുന്ന വ്യാജ ഉപദേ​ഷ്ടാ​ക്കൻമാ​രാ​ണെന്നു യിരെ​മ്യാ​വർഗം ആവർത്തി​ച്ചു തുറന്നു​കാ​ട്ടി​യി​ട്ടുണ്ട്‌. അതേ, ആ സ്വപ്‌ന​ക്കാർ യഹോ​വ​യു​ടെ പ്രതി​കൂല ന്യായ​വി​ധി അർഹി​ക്കു​ന്നത്‌ എന്തു​കൊണ്ട്‌ എന്ന്‌ ഈ ശേഷിപ്പു വ്യക്തമാ​ക്കി​യി​ട്ടുണ്ട്‌. ഉദാഹ​ര​ണ​ത്തിന്‌, “ഭൂമി​യിൽവെച്ചു കൊന്നു​കളഞ്ഞ എല്ലാവ​രു​ടെ​യും” രക്തം മഹാബാ​ബി​ലോ​നി​ലാ​ണു കണ്ടെത്ത​പ്പെ​ട്ടത്‌ എന്നു പറയുന്ന വെളി​പ്പാ​ടു 18:24-ലേക്കു യഹോ​വ​യു​ടെ ദാസൻമാർ പലപ്പോ​ഴും ശ്രദ്ധ ക്ഷണിച്ചി​ട്ടുണ്ട്‌. മതപര​മായ ഭിന്നതകൾ കാരണം അരങ്ങേ​റിയ യുദ്ധങ്ങ​ളെ​ക്കു​റി​ച്ചെ​ല്ലാം ഒന്നു ചിന്തി​ച്ചു​നോ​ക്കൂ. വ്യാജമത ഉപദേ​ഷ്ടാ​ക്കൻമാ​രു​ടെ രക്തപാ​ത​ക​ക്കു​ററം എത്ര വലുതാണ്‌! അവരുടെ പഠിപ്പി​ക്ക​ലു​കൾ ഭിന്നതക്ക്‌ ഇടയാ​ക്കു​ക​യും വിഭിന്ന വിശ്വാ​സ​ങ്ങ​ളി​ലും ദേശീയ സമൂഹ​ങ്ങ​ളി​ലും ഉള്ളവരു​ടെ വിദ്വേ​ഷത്തെ വർധി​പ്പി​ക്കു​ക​യും ചെയ്‌തി​രി​ക്കു​ന്നു. ഒന്നാം ലോക​മ​ഹാ​യു​ദ്ധ​ത്തെ​ക്കു​റി​ച്ചു പ്രസം​ഗകർ ആയുധം സമ്മാനി​ക്കു​ന്നു [ഇംഗ്ലീഷ്‌] എന്ന പുസ്‌തകം ഇങ്ങനെ പറയുന്നു: “യുദ്ധത്തിന്‌ അതിന്റെ വികാ​ര​തീ​വ്ര​മായ ആത്മീയ പ്രാധാ​ന്യ​വും ആവേശ​വും നൽകി​യതു പുരോ​ഹി​തൻമാർ ആണ്‌. . . . അങ്ങനെ സഭ യുദ്ധപ​രി​പാ​ടി​ക​ളിൽ ആഴത്തിൽ ആമഗ്നമാ​യി.” രണ്ടാം ലോക​മ​ഹാ​യു​ദ്ധ​ത്തി​ലും ഇതേ സംഗതി സത്യമാ​യി​രു​ന്നു. യുദ്ധം ചെയ്യുന്ന രാഷ്‌ട്ര​ങ്ങളെ പുരോ​ഹി​തൻമാർ പൂർണ​മാ​യും പിന്താ​ങ്ങു​ക​യും അവരുടെ സൈന്യ​ങ്ങളെ അനു​ഗ്ര​ഹി​ക്കു​ക​യും ചെയ്‌തു. ഒരേ മതക്കാർ പരസ്‌പരം കശാപ്പു ചെയ്‌ത രണ്ടു ലോക​മ​ഹാ​യു​ദ്ധങ്ങൾ ക്രൈ​സ്‌ത​വ​ലോ​ക​ത്തിൽ തുടങ്ങി. ക്രൈ​സ്‌ത​വ​ലോ​ക​ത്തി​നു​ള്ളി​ലെ മതേത​ര​വും മതപര​വു​മായ കക്ഷികൾ ഇന്നുവ​രെ​യും രക്തച്ചൊ​രി​ച്ചി​ലിന്‌ ഇടവരു​ത്തു​ന്ന​തിൽ തുടർന്നു​കൊ​ണ്ടി​രി​ക്കു​ന്നു. അവരുടെ വ്യാജ പഠിപ്പി​ക്ക​ലി​ന്റെ ഫലം, എത്ര ഭയാനകം!

13. ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാർക്കു യഹോ​വ​യു​മാ​യി ഒരു ബന്ധവു​മി​ല്ലെന്നു യിരെ​മ്യാ​വു 23:22 തെളി​യി​ക്കു​ന്ന​തെ​ങ്ങനെ?

¹³ ദയവായി യിരെ​മ്യാ​വു 23-ാം അധ്യായം 22-ാം വാക്യം ശ്രദ്ധി​ക്കുക: “അവർ എന്റെ ആലോ​ച​ന​സ​ഭ​യിൽ നിന്നി​രു​ന്നു​വെ​ങ്കിൽ, എന്റെ വചനങ്ങളെ എന്റെ ജനത്തെ കേൾപ്പി​ച്ചു അവരെ അവരുടെ ആകാത്ത​വ​ഴി​യിൽനി​ന്നും അവരുടെ പ്രവൃ​ത്തി​ക​ളു​ടെ ദോഷ​ത്തിൽനി​ന്നും തിരി​പ്പി​ക്കു​മാ​യി​രു​ന്നു.” ക്രൈ​സ്‌ത​വ​ലോ​ക​ത്തി​ലെ മതപ്ര​വാ​ചകർ യഹോ​വ​യു​ടെ ഉററവ​രു​ടെ കൂട്ടത്തിൽ, വിശ്വ​സ്‌ത​നും വിവേ​കി​യു​മായ അടിമ​യെ​പ്പോ​ലെ യഹോ​വ​യു​മാ​യി അടുത്ത ബന്ധത്തിൽ നിൽക്കു​ക​യാ​യി​രു​ന്നെ​ങ്കിൽ, അപ്പോൾ അവരും ദൈവ​ത്തി​ന്റെ നിലവാ​ര​ങ്ങൾക്കൊ​ത്തു ജീവി​ക്കു​മാ​യി​രു​ന്നു. അവരും ക്രൈ​സ്‌ത​വ​ലോ​ക​ത്തി​ലെ ആളുകളെ ദൈവ​ത്തി​ന്റെ സ്വന്തം വചനങ്ങൾ കേൾപ്പി​ക്കു​മാ​യി​രു​ന്നു. മറിച്ച്‌, ആധുനി​ക​കാല വ്യാജ ഉപദേ​ഷ്ടാ​ക്കൻമാർ തങ്ങളുടെ അനുഗാ​മി​കളെ ദൈവ​ത്തി​ന്റെ പ്രതി​യോ​ഗി​യായ പിശാ​ചായ സാത്താന്റെ, അന്ധത ബാധിച്ച ദാസൻമാ​രാ​ക്കി​ത്തീർത്തി​രി​ക്കു​ന്നു.

14. 1958-ൽ ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാ​രെ​ക്കു​റിച്ച്‌ ഏതു ശക്തമായ തുറന്നു​കാ​ട്ടൽ നടത്തി?

¹⁴ പുരോ​ഹി​ത​വർഗ​ത്തെ​ക്കു​റി​ച്ചുള്ള യിരെ​മ്യാ​വർഗ​ത്തി​ന്റെ തുറന്നു​കാ​ട്ടൽ ശക്തമാ​യി​രു​ന്നി​ട്ടുണ്ട്‌. ഉദാഹ​ര​ണ​ത്തിന്‌, 1958-ൽ ന്യൂ​യോർക്കു നഗരത്തിൽവെച്ചു നടത്തിയ യഹോ​വ​യു​ടെ സാക്ഷി​ക​ളു​ടെ ദിവ്യേഷ്ട അന്തർദേ​ശീയ സമ്മേള​ന​ത്തിൽ വാച്ച്‌ ടവർ സൊ​സൈ​റ​റി​യു​ടെ വൈസ്‌ പ്രസി​ഡൻറ്‌ ഭാഗി​ക​മാ​യി ഇങ്ങനെ ഒരു പ്രസ്‌താ​വന അവതരി​പ്പി​ച്ചു: “സകല കുററ​കൃ​ത്യ​ങ്ങ​ളു​ടെ​യും ദുഷ്‌പെ​രു​മാ​റ​റ​ങ്ങ​ളു​ടെ​യും വിദ്വേ​ഷ​ത്തി​ന്റെ​യും സ്‌പർധ​യു​ടെ​യും മുൻവി​ധി​ക​ളു​ടെ​യും . . . ഭ്രാന്ത​മായ അന്ധാളി​പ്പി​ന്റെ​യും കാരണം തെററായ മതം, വ്യാജ​മതം ആണെന്ന്‌ അർഥശ​ങ്ക​യു​ടെ ധ്വനി​യോ സങ്കോ​ച​മോ കൂടാതെ ഞങ്ങൾ പ്രഖ്യാ​പി​ക്കു​ന്നു; അവയ്‌ക്കു പിന്നിൽ മമനു​ഷ്യ​ന്റെ അദൃശ്യ ശത്രു​വായ പിശാ​ചായ സാത്താ​നാ​ണു​ള്ളത്‌. ലോകാ​വ​സ്ഥക്ക്‌ ഏററവും ഉത്തരവാ​ദി​ക​ളായ മനുഷ്യർ മത ഉപദേ​ഷ്ടാ​ക്കൻമാ​രും നേതാ​ക്കൻമാ​രും ആണ്‌; ഇവരിൽ ഏററവും അപലപി​ക്ക​പ്പെ​ടേ​ണ്ടവർ ക്രൈ​സ്‌ത​വ​ലോ​ക​ത്തി​ലെ മതപു​രോ​ഹി​തൻമാ​രാണ്‌. . . . ഒന്നാം ലോക​മ​ഹാ​യു​ദ്ധം കഴിഞ്ഞ്‌ ഇത്രയും വർഷങ്ങൾക്കു​ശേ​ഷ​വും ദൈവ​ത്തോ​ടുള്ള ബന്ധത്തിൽ ക്രൈ​സ്‌ത​വ​ലോ​കം നിൽക്കു​ന്നതു യിരെ​മ്യാ​യു​ടെ നാളിലെ ഇസ്രാ​യേ​ലി​നെ​പ്പോ​ലെ​യാണ്‌. അതേ, യരുശ​ലേ​മി​നു സംഭവി​ച്ച​താ​യി യിരെ​മ്യാ കണ്ടതി​നെ​ക്കാൾ വളരെ​യ​ധി​കം ഭയാന​ക​വും വിനാ​ശ​ക​ര​വു​മായ ഒരു നാശ​ത്തെ​യാ​ണു ക്രൈ​സ്‌ത​വ​ലോ​കം അഭിമു​ഖീ​ക​രി​ക്കു​ന്നത്‌.”

വ്യാജ ഉപദേ​ഷ്ടാ​ക്കൻമാ​രു​ടെ ന്യായ​വി​ധി

15. സമാധാ​നത്തെ സംബന്ധിച്ച്‌ ഏതു പ്രവച​ന​ങ്ങ​ളാ​ണു പുരോ​ഹി​ത​വർഗം നടത്തി​യി​ട്ടു​ള്ളത്‌? അവ നിവർത്തി​ക്ക​പ്പെ​ടു​മോ?

¹⁵ ഈ മുന്നറി​യി​പ്പു​ണ്ടാ​യി​രു​ന്നി​ട്ടും അതിനു​ശേഷം പുരോ​ഹി​തൻമാർ എങ്ങനെ​യാ​ണു പ്രവർത്തി​ച്ചി​രി​ക്കു​ന്നത്‌? 17-ാം വാക്യം പ്രസ്‌താ​വി​ക്കു​ന്ന​തു​പോ​ലെ​തന്നെ: “എന്നെ നിരസി​ക്കു​ന്ന​വ​രോ​ടു അവർ: നിങ്ങൾക്കു സമാധാ​നം ഉണ്ടാകും എന്നു യഹോവ അരുളി​ച്ചെ​യ്‌തി​രി​ക്കു​ന്നു എന്നു പറയുന്നു; തങ്ങളുടെ ഹൃദയ​ത്തി​ലെ ശാഠ്യ​പ്ര​കാ​രം നടക്കു​ന്ന​വ​രോ​ടൊ​ക്കെ​യും: നിങ്ങൾക്കു ഒരു ദോഷ​വും വരിക​യില്ല എന്നു പറയുന്നു.” ഇതു സത്യമാ​ണോ? അല്ല! പുരോ​ഹി​ത​വർഗ​ത്തി​ന്റെ ഈ പ്രവച​ന​ങ്ങ​ളി​ലെ പൊള്ള​ത്തരം യഹോവ തുറന്നു​കാ​ട്ടും. അവിടു​ത്തെ നാമത്തിൽ അവർ സംസാ​രി​ക്കു​ന്നത്‌ അവിടുന്ന്‌ നിവർത്തി​ക്കു​ക​യില്ല. എന്നിരു​ന്നാ​ലും, ദൈവ​വു​മാ​യി തങ്ങൾക്കുള്ള സമാധാ​നം സംബന്ധി​ച്ചു പുരോ​ഹി​ത​വർഗം നൽകുന്ന വ്യാജ ഉറപ്പു വളരെ വഞ്ചകമാണ്‌!

16. (എ) ഈ ലോക​ത്തി​ന്റെ ധാർമി​കാ​വസ്ഥ എന്താണ്‌, ആരുകൂ​ടെ അതിന്‌ ഉത്തരവാ​ദി​യാണ്‌? (ബി) ഈ ലോക​ത്തി​ന്റെ തരംതാഴ്‌ന്ന ധാർമിക വീക്ഷണ​ങ്ങളെ സംബന്ധി​ച്ചു യിരെ​മ്യാ​വർഗം എന്തു ചെയ്‌തു​കൊ​ണ്ടി​രി​ക്കു​ന്നു?

¹⁶ നിങ്ങൾ ഇങ്ങനെ ചിന്തി​ക്കു​ന്നു​ണ്ടോ: ‘എന്ത്‌, പുരോ​ഹി​ത​വർഗ​ത്തി​ന്റെ വ്യാജ പഠിപ്പി​ക്ക​ലു​കൾക്ക്‌ എന്നെ വിഡ്‌ഢി​യാ​ക്കാ​നാ​കു​മെ​ന്നോ? ഒരിക്ക​ലു​മില്ല!’ കൊള്ളാം, അത്രക്ക്‌ ഉറപ്പു പറയേണ്ട! പുരോ​ഹി​തൻമാ​രു​ടെ വ്യാജ ഉപദേ​ശങ്ങൾ കുടി​ല​മായ ഒരു ഭയങ്കര ധാർമി​കാ​ന്ത​രീ​ക്ഷ​ത്തെ​യാണ്‌ ഊട്ടി​വ​ളർത്തി​യി​രി​ക്കു​ന്നത്‌ എന്ന്‌ ഓർക്കുക. അവരുടെ അനുവാ​ദാ​ത്മക പഠിപ്പി​ക്ക​ലു​കൾ മിക്കവാ​റും എന്തി​നെ​യും, എത്ര അധാർമി​ക​മാ​യ​വ​യെ​യും, നീതീ​ക​രി​ക്കു​ന്നു. അതോ​ടൊ​പ്പം ഈ അധഃപ​തിച്ച ധാർമി​കാ​വസ്ഥ ചലച്ചി​ത്രങ്ങൾ, ടിവി, മാഗസി​നു​കൾ, സംഗീതം എന്നിങ്ങനെ വിനോ​ദ​ങ്ങ​ളു​ടെ എല്ലാ രംഗങ്ങ​ളി​ലേ​ക്കും വ്യാപി​ക്കു​ന്നു. അതു​കൊ​ണ്ടു നാം അതീവ ജാഗ്രത പാലി​ക്കേ​ണ്ട​തുണ്ട്‌, ഇല്ലെങ്കിൽ അധഃപ​തി​ച്ച​തെ​ങ്കി​ലും കൗശല​പൂർവം വശീക​രി​ക്കുന്ന ധാർമി​കാ​ന്ത​രീ​ക്ഷ​ത്തി​ന്റെ സ്വാധീ​ന​ത്തിൽ നാം വീണു​പോ​കും. ചെറു​പ്പ​ക്കാർ തരംതാഴ്‌ന്ന വീഡി​യോ​ക​ളി​ലും സംഗീ​ത​ത്തി​ലും കുടു​ങ്ങി​പ്പോ​യേ​ക്കാം. എന്തും ആകാം എന്ന ആളുക​ളു​ടെ ഇന്നത്തെ ഈ മനോ​ഭാ​വം പുരോ​ഹി​ത​വർഗ​ത്തി​ന്റെ വ്യാ​ജോ​പ​ദേ​ശ​ങ്ങ​ളു​ടെ​യും ദൈവ​ത്തി​ന്റെ നീതി​യുള്ള നിലവാ​രങ്ങൾ ഉയർത്തി​പ്പി​ടി​ക്കു​ന്ന​തിൽ അവർ പരാജ​യ​പ്പെ​ടു​ന്ന​തി​ന്റെ​യും നേരി​ട്ടുള്ള ഫലമാണ്‌ എന്നോർക്കുക. യിരെ​മ്യാ​വർഗം ഈ അധാർമിക വീക്ഷണ​ങ്ങ​ളോ​ടു പോരാ​ടു​ക​യും ക്രൈ​സ്‌ത​വ​ലോ​കത്തെ ഗ്രസി​ച്ചു​ക​ള​യുന്ന ചീത്തത്തത്തെ തള്ളിക്ക​ള​യാൻ യഹോ​വ​യു​ടെ ദാസരെ സഹായി​ക്കു​ക​യും ചെയ്യു​ക​യാണ്‌.

17. (എ) യിരെ​മ്യാ പറയു​ന്ന​ത​നു​സ​രിച്ച്‌, ദുഷ്ട യരുശ​ലേ​മി​നു​മേൽ എന്തു ന്യായ​വി​ധി വരുമാ​യി​രു​ന്നു? (ബി) ഉടൻ ക്രൈ​സ്‌ത​വ​ലോ​ക​ത്തിന്‌ എന്തു സംഭവി​ക്കും?

¹⁷ ക്രൈ​സ്‌ത​വ​ലോ​ക​ത്തി​ലെ വ്യാജ ഉപദേ​ഷ്ടാ​ക്കൻമാർക്കു വലിയ ന്യായാ​ധി​പ​നായ യഹോ​വ​യിൽനിന്ന്‌ എന്തു ന്യായ​വി​ധി​യാ​യി​രി​ക്കും ലഭിക്കുക? 19, 20, 39, 40 എന്നീ വാക്യങ്ങൾ ഉത്തരം തരുന്നു: “യഹോ​വ​യു​ടെ ക്രോധം എന്ന വലിയ കൊടു​ങ്കാ​ററു, വലിയ ചുഴലി​ക്കാ​റ​റു​തന്നേ, പുറ​പ്പെ​ട്ടി​രി​ക്കു​ന്നു; അതു ദുഷ്ടൻമാ​രു​ടെ തലമേൽ ചുററി​യ​ടി​ക്കും. തന്റെ ഹൃദയ​ത്തി​ലെ ഉദ്ദേശ്യ​ങ്ങളെ നടത്തി​ത്തീ​രു​വോ​ളം യഹോ​വ​യു​ടെ കോപം മാറു​ക​യില്ല; . . . ഞാൻ നിങ്ങളെ എടുത്തു നിങ്ങ​ളെ​യും നിങ്ങൾക്കും നിങ്ങളു​ടെ പിതാ​ക്കൻമാർക്കും ഞാൻ തന്നിട്ടുള്ള നഗര​ത്തെ​യും എന്റെ മുമ്പിൽനി​ന്നു എറിഞ്ഞു​ക​ള​യും. അങ്ങനെ ഞാൻ നിങ്ങൾക്കു നിത്യ​നി​ന്ദ​യും മറന്നു​പോ​കാത്ത നിത്യ​ല​ജ്ജ​യും വരുത്തും.” അതെല്ലാം ദുഷ്ട യരുശ​ലേ​മി​നും അതിന്റെ ആലയത്തി​നും സംഭവി​ച്ചു, ഇപ്പോൾ സമാന​മായ ഒരു വിനാശം പെട്ടെ​ന്നു​തന്നെ ദുഷ്ട ക്രൈ​സ്‌ത​വ​ലോ​ക​ത്തി​നും ഭവിക്കും!

“യഹോ​വ​യു​ടെ ഭാരം” പ്രഖ്യാ​പി​ക്കൽ

18, 19. യഹൂദ​യോ​ടു യിരെ​മ്യാ പ്രഖ്യാ​പിച്ച “യഹോ​വ​യു​ടെ ഭാരം” എന്താണ്‌, അതിന്റെ വിവക്ഷ എന്താണ്‌?

¹⁸ അതു​കൊണ്ട്‌, യിരെ​മ്യാ​വർഗ​ത്തി​ന്റെ​യും അവരുടെ സഹകാ​രി​ക​ളു​ടെ​യും ഉത്തരവാ​ദി​ത്വ​മെ​ന്താണ്‌? 33-ാം വാക്യം നമ്മോടു പറയുന്നു: “ഈ ജനമോ ഒരു പ്രവാ​ച​ക​നോ പുരോ​ഹി​ത​നോ യഹോ​വ​യു​ടെ ഭാരം എന്തു എന്നു നിന്നോ​ടു ചോദി​ക്കു​ന്നു​വെ​ങ്കിൽ, നീ അവരോ​ടു; നിങ്ങൾ ആകുന്നു ഭാരം; ഞാൻ നിങ്ങളെ എറിഞ്ഞു​ക​ള​യും എന്നു യഹോ​വ​യു​ടെ അരുള​പ്പാ​ടു എന്നു പറക.”

¹⁹ “ഭാരം” എന്നതിന്റെ എബ്രായ പദത്തിനു രണ്ടർഥം ഉണ്ട്‌. അതിന്‌ അതി​പ്ര​ധാ​ന​മായ ദിവ്യ അരുള​പ്പാ​ടി​നെ​യോ ഒരുവനെ ഭാര​പ്പെ​ടു​ത്തു​ക​യും ക്ഷീണി​പ്പി​ക്കു​ക​യും ചെയ്യുന്ന എന്തി​നെ​യെ​ങ്കി​ലു​മോ പരാമർശി​ക്കാൻ കഴിയും. ഇവിടെ “യഹോ​വ​യു​ടെ ഭാരം” എന്ന പ്രയോ​ഗം ഒരു അതി​പ്ര​ധാ​ന​മായ പ്രവച​നത്തെ—യരുശ​ലേം നാശത്തി​നു വിധി​ക്ക​പ്പെ​ട്ടി​രി​ക്കു​ന്നു എന്ന പ്രഖ്യാ​പ​നത്തെ—പരാമർശി​ക്കു​ന്നു. എന്നാൽ യിരെ​മ്യാ യഹോ​വ​യിൽനിന്ന്‌ അവർക്ക്‌ ആവർത്തി​ച്ചു നൽകിയ ഇത്തരം കടുത്ത പ്രവച​ന​മൊ​ഴി​കൾ കേൾക്കാൻ ജനങ്ങൾ ഇഷ്ടപ്പെ​ട്ടോ? ഇല്ല, ജനങ്ങൾ യിരെ​മ്യാ​യെ പുച്ഛിച്ചു, ‘എന്തു പ്രവചനം (ഭാരം) ആണ്‌ ഇപ്പോൾ നിനക്കു​ള്ളത്‌? നിന്റെ പ്രവചനം അസുഖ​ക​ര​മായ മറെറാ​രു ഭാരമാ​യി​രി​ക്കു​മെന്നു ഞങ്ങൾക്ക്‌ ഉറപ്പുണ്ട്‌!’ എന്നാൽ യഹോവ അവരോട്‌ എന്താണു പറഞ്ഞത്‌? “നിങ്ങൾ ആകുന്നു ഭാരം; ഞാൻ നിങ്ങളെ എറിഞ്ഞു​ക​ള​യും” എന്ന്‌. അതേ, ഈ ആളുകൾ യഹോ​വക്ക്‌ ഒരു ഭാരമാ​യി​രു​ന്നു, അതിനാൽ മേലാൽ തന്നെ ഭാര​പ്പെ​ടു​ത്താ​തി​രി​ക്കേ​ണ്ട​തിന്‌ അവിടുന്ന്‌ അവരെ നീക്കാൻ പോകു​ക​യാ​യി​രു​ന്നു.

20. ഇന്നു “യഹോ​വ​യു​ടെ ഭാരം” എന്താണ്‌?

²⁰ ഇന്നു “യഹോ​വ​യു​ടെ ഭാരം” എന്താണ്‌? അതു ദൈവ​വ​ച​ന​ത്തിൽനി​ന്നുള്ള അതി​പ്ര​ധാ​ന​മായ പ്രാവ​ച​നിക സന്ദേശ​മാണ്‌. അതു ക്രൈ​സ്‌ത​വ​ലോ​ക​ത്തി​ന്റെ ഉറപ്പായ നാശ​പ്ര​ഖ്യാ​പ​ന​മാ​കുന്ന ശിക്ഷാ​വി​ധി​യാൽ ഭാരി​ച്ച​താണ്‌. യഹോ​വ​യു​ടെ ജനത്തെ സംബന്ധി​ച്ചാ​ണെ​ങ്കി​ലോ, നമുക്കു “യഹോ​വ​യു​ടെ” ഈ “ഭാരം” പ്രഖ്യാ​പി​ക്കാ​നുള്ള ഭാരിച്ച ഉത്തരവാ​ദി​ത്വ​മുണ്ട്‌. അന്ത്യം അടുക്കു​ന്തോ​റും ക്രൈ​സ്‌ത​വ​ലോ​ക​ത്തി​ലെ വഴി​തെ​റ​റിയ ആളുകൾ യഹോ​വ​യാം ദൈവ​ത്തിന്‌ ഒരു “ഭാരം,” “അതിഭ​യങ്കര ഭാരം” [NW] ആണെന്നും ക്രൈ​സ്‌ത​വ​ലോ​കത്തെ വിനാ​ശ​ത്തി​നാ​യി തള്ളിക്ക​ള​ഞ്ഞു​കൊണ്ട്‌ ഈ “ഭാര”ത്തെ അവിടുന്ന്‌ പെട്ടെ​ന്നു​തന്നെ നീക്കം ചെയ്യു​മെ​ന്നും നാം എല്ലാവ​രോ​ടും പറയേ​ണ്ട​തുണ്ട്‌.

21. (എ) പൊ.യു.മു. 607-ൽ യരുശ​ലേം നശിപ്പി​ക്ക​പ്പെ​ട്ടത്‌ എന്തു​കൊ​ണ്ടാ​യി​രു​ന്നു? (ബ) യരുശ​ലേ​മി​ന്റെ നാശ​ത്തെ​ത്തു​ടർന്നു വ്യാജ പ്രവാ​ച​കർക്കും യഹോ​വ​യു​ടെ യഥാർഥ പ്രവാ​ച​ക​നും എന്തു സംഭവി​ച്ചു, അത്‌ ഇന്നു നമുക്ക്‌ എന്ത്‌ ഉറപ്പു​ത​രു​ന്നു?

²¹ പൊ.യു.മു. 607-ൽ ബാബി​ലോ​ന്യർ യരുശ​ലേ​മി​നെ നശിപ്പി​ച്ച​പ്പോൾ യഹോ​വ​യു​ടെ ന്യായ​വി​ധി യിരെ​മ്യാ​യു​ടെ നാളിൽ നിർവ​ഹി​ക്ക​പ്പെട്ടു. പ്രവചി​ക്ക​പ്പെ​ട്ടി​രു​ന്ന​തു​പോ​ലെ, അതു ശാഠ്യ​ക്കാ​രും അവിശ്വ​സ്‌ത​രു​മായ ഇസ്രാ​യേ​ല്യർക്ക്‌ ഒരു ‘നിന്ദയും അപമാന’വുമാ​യി​രു​ന്നു. (യിരെ​മ്യാ​വു 23:39, 40) അത്‌, യഹോ​വയെ തങ്ങൾ ആവർത്തി​ച്ചു ധിക്കരി​ച്ച​തി​നാൽ തങ്ങളുടെ തിൻമ​യു​ടെ പരിണ​ത​ഫ​ല​ങ്ങൾക്കൊ​ത്ത​വണ്ണം യഹോവ അന്തിമ​മാ​യി തങ്ങളെ കൈവി​ട്ടി​രി​ക്കു​ന്നു എന്ന്‌ അവർക്കു കാണി​ച്ചു​കൊ​ടു​ത്തു. ഇത്‌ അവരുടെ അഹങ്കാ​രി​ക​ളായ വ്യാജ​പ്ര​വാ​ച​ക​രു​ടെ വായടച്ചു. അപ്പോ​ഴും യിരെ​മ്യാ​യു​ടെ വായ്‌ പ്രവചി​ച്ചു​കൊ​ണ്ടേ​യി​രു​ന്നു. യഹോവ അദ്ദേഹത്തെ കൈവി​ട്ടില്ല. ഈ പ്രതി​മാ​തൃ​കക്കു ചേർച്ച​യാ​യി, യഹോ​വ​യു​ടെ അതി​പ്ര​ധാന തീരു​മാ​നം ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാ​രു​ടെ​യും അവരുടെ നുണകൾ വിശ്വ​സി​ച്ച​വ​രു​ടെ​യും ജീവനെ തകർത്തു​ക​ള​യു​മ്പോൾ യിരെ​മ്യാ​വർഗത്തെ അവിടു​ന്നു കൈവി​ടു​ക​യില്ല.

22. യഹോ​വ​യു​ടെ ന്യായ​വി​ധി​ക​ളാൽ ക്രൈ​സ്‌ത​വ​ലോ​കം ഏത്‌ അവസ്ഥയി​ലാ​കും?

²² അതേ, പൊ.യു.മു. 607-നു ശേഷമുള്ള യരുശ​ലേ​മി​ന്റെ ശൂന്യ​മാ​യും പാഴാ​യു​മുള്ള അവസ്ഥ പോ​ലെ​ത​ന്നെ​യാ​യി​രി​ക്കും ക്രൈ​സ്‌ത​വ​ലോ​ക​മ​ത​ത്തി​ന്റെ സമ്പത്ത്‌ അവളിൽനി​ന്നു പറിച്ചു​മാ​റ​റു​ക​യും ലജ്ജാക​ര​മാ​യി അവളെ തുറന്നു​കാ​ട്ടു​ക​യും ചെയ്‌ത​തി​നു​ശേ​ഷ​മുള്ള അവളുടെ അവസ്ഥയും. ഇതാണു വ്യാജ ഉപദേ​ഷ്ടാ​ക്കൻമാർക്കെ​തി​രെ യഹോവ പ്രഖ്യാ​പി​ച്ചി​രി​ക്കുന്ന അർഹമായ ന്യായ​വി​ധി. ഈ വിധി പരാജ​യ​പ്പെ​ടു​ക​യില്ല. കഴിഞ്ഞ കാലത്തു യിരെ​മ്യാ​യു​ടെ നിശ്വസ്‌ത മുന്നറി​യി​പ്പിൻ സന്ദേശ​ങ്ങ​ളെ​ല്ലാം സത്യമാ​യി ഭവിച്ച​തു​പോ​ലെ​തന്നെ അവയുടെ ആധുനി​ക​കാല നിവൃ​ത്തി​യി​ലും അതു സത്യമാ​യി ഭവിക്കും. അതു​കൊ​ണ്ടു നമുക്കു യിരെ​മ്യാ​യെ​പ്പോ​ലെ​യാ​കാം. യഹോ​വ​യു​ടെ പ്രവാചക ഭാരം ആളുക​ളോ​ടു നമുക്കു നിർഭയം പ്രഖ്യാ​പി​ക്കാം. അങ്ങനെ, അവിടു​ത്തെ നീതി​യുള്ള വിധി​യു​ടെ മുഴു​ഭാ​ര​വും സകല വ്യാജമത ഉപദേ​ഷ്ടാ​ക്കൻമാ​രു​ടെ​മേ​ലും വരാൻ പോകു​ന്ന​തെ​ന്തു​കൊ​ണ്ടെന്ന്‌ അവർ അറിയട്ടെ!

പുനരവലോകന ചോദ്യ​ങ്ങൾ

◻ യഹോ​വ​യു​ടെ വീക്ഷണ​ത്തിൽ പുരാതന യരുശ​ലേം എത്ര വഷളാ​യി​രു​ന്നു?

◻ ഏതു വിധങ്ങ​ളി​ലാ​ണു ക്രൈ​സ്‌ത​വ​ലോ​കം ‘വ്യാജ​ത്തിൽ നടന്നി​രി​ക്കു​ന്നത്‌’?

◻ ആധുനി​ക​നാ​ളി​ലെ പുരോ​ഹി​ത​വർഗ​ത്തി​ന്റെ അപലപ​നീ​യത തുറന്നു​കാ​ട്ട​പ്പെ​ട്ടി​രി​ക്കു​ന്ന​തെ​ങ്ങനെ?

◻ ഇപ്പോൾ “യഹോ​വ​യു​ടെ ഭാരം” പ്രഖ്യാ​പി​ക്ക​പ്പെ​ടു​ക​യാണ്‌, എന്താണത്‌?

[8-ാം പേജിലെ ചിത്രം]

യിരെമ്യാ “ഭയങ്കര കാര്യങ്ങൾ” തുറന്നു​കാ​ട്ടി

[9-ാം പേജിലെ ചിത്രം]

“സ്വന്തഹൃ​ദ​യ​ത്തി​ലെ ദർശന​മ​ത്രേ അവർ പ്രവചി​ക്കു​ന്നതു”

[10-ാം പേജിലെ ചിത്രം]

നാശത്തിനുശേഷമുള്ള യരുശ​ലേ​മി​ന്റെ അവസ്ഥ ക്രൈ​സ്‌ത​വ​ലോ​ക​ത്തി​നു സംഭവി​ക്കാ​നി​രി​ക്കുന്ന ഗതിയെ ചിത്രീ​ക​രി​ക്കു​ന്നു