“സകല രാഷ്‌ട്ര​ങ്ങൾക്കും” സാക്ഷ്യം നൽകുന്നു

“രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​മാ​യി നിവസി​ത​ഭൂ​മി​യി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:14, NW.

1. മത്തായി 24:14-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ അവന്റെ ശിഷ്യൻമാ​രെ അതിശ​യി​പ്പി​ച്ചി​രി​ക്കാൻ കാരണ​മെന്ത്‌?

യേശു​വി​ന്റെ മേൽപ്പറഞ്ഞ വാക്കുകൾ അവന്റെ യഹൂദ ശിഷ്യൻമാ​രെ എത്രമാ​ത്രം അതിശ​യി​പ്പി​ച്ചി​രി​ക്കണം! ശുദ്ധീ​ക​രി​ക്ക​പ്പെട്ട യഹൂദർ, “അശുദ്ധ”രായ പുറജാ​തി​ക്കാ​രോട്‌, ‘വിജാ​തീ​യ​രോട്‌’ സംസാ​രി​ക്കു​ന്ന​തു​തന്നെ ഒരു യഹൂദനെ സംബന്ധി​ച്ചി​ട​ത്തോ​ളം അസംബ​ന്ധ​മാണ്‌, വെറു​ക്കത്തക്ക കാര്യം​പോ​ലു​മാണ്‌.a എന്തിന്‌, കാര്യ​ഗൗ​ര​വ​മുള്ള ഒരു യഹൂദൻ ഒരു വിജാ​തീ​യന്റെ വീട്ടിൽ പ്രവേ​ശി​ക്കു​ന്ന​തി​നെ​ക്കു​റി​ച്ചു​പോ​ലും ചിന്തി​ക്കു​ക​യില്ല! ആ യഹൂദ ശിഷ്യൻമാർക്ക്‌ യേശു​വി​നെ​യും അവന്റെ സ്‌നേ​ഹ​ത്തെ​യും നിയോ​ഗ​ത്തെ​യും കുറിച്ച്‌ വളരെ​യേറെ കാര്യങ്ങൾ മനസ്സി​ലാ​ക്കേ​ണ്ട​താ​യി​ട്ടു​ണ്ടാ​യി​രു​ന്നു. യഹോ​വ​യു​ടെ പക്ഷപാ​ത​മി​ല്ലാ​യ്‌മ​യെ​പ്പ​ററി അവർ കൂടുതൽ കാര്യങ്ങൾ പിന്നെ​യും അറി​യേ​ണ്ട​തു​ണ്ടാ​യി​രു​ന്നു.—പ്രവൃ​ത്തി​കൾ 10:28, 34, 35, 45, ഓശാന ബൈബിൾ.

2. (എ) സാക്ഷി​ക​ളു​ടെ ശുശ്രൂഷ എത്ര​ത്തോ​ളം വ്യാപ​ക​മാ​യി​രി​ക്കു​ന്നു? (ബി) സാക്ഷി​ക​ളു​ടെ പുരോ​ഗ​തി​ക്കു കാരണ​മാ​യി​ട്ടുള്ള മൂന്നു ഘടകങ്ങൾ ഏവ?

² യഹോ​വ​യു​ടെ സാക്ഷികൾ ഇസ്രാ​യേൽ ഉൾപ്പെ​ടെ​യുള്ള രാഷ്‌ട്ര​ങ്ങ​ളിൽ സുവാർത്ത പ്രസം​ഗി​ച്ചി​ട്ടുണ്ട്‌. ഇപ്പോൾ എന്നത്തേ​ക്കാ​ള​ധി​ക​മാ​യി കൂടുതൽ രാഷ്‌ട്ര​ങ്ങ​ളിൽ പ്രഘോ​ഷി​ച്ചു​കൊ​ണ്ടു​മി​രി​ക്കു​ന്നു. 1994-ൽ 45 ലക്ഷത്തി​ല​ധി​കം സാക്ഷികൾ ഏതാണ്ടു 230 ദേശങ്ങ​ളി​ലാ​യി പ്രസം​ഗി​ച്ചു​കൊ​ണ്ടി​രി​ക്ക​യാണ്‌. അവർ താത്‌പ​ര്യ​ക്കാ​രോ​ടൊ​പ്പം ഏതാണ്ടു 45 ലക്ഷത്തോ​ളം ഭവന​ബൈ​ബി​ള​ധ്യ​യ​നങ്ങൾ നടത്തി​ക്കൊ​ണ്ടി​രി​ക്കു​ന്നു. ലോക​വ്യാ​പ​ക​മായ മുൻവി​ധി​യെ അഭിമു​ഖീ​ക​രി​ച്ചു​കൊ​ണ്ടാണ്‌ ഇതു ചെയ്യു​ന്ന​തെ​ന്നും​കൂ​ടെ ഓർക്കണം. മുൻവി​ധി​യു​ടെ അടിസ്ഥാ​നം മിക്ക​പ്പോ​ഴും സാക്ഷി​ക​ളു​ടെ പഠിപ്പി​ക്ക​ലു​ക​ളെ​യും ഉദ്ദേശ്യ​ങ്ങ​ളെ​യും​കു​റി​ച്ചുള്ള അറിവി​ല്ലാ​യ്‌മ​യാണ്‌. ആദിമ നൂററാ​ണ്ടി​ലെ ക്രിസ്‌ത്യാ​നി​ക​ളെ​ക്കു​റി​ച്ചു പറഞ്ഞ​പോ​ലെ​തന്നെ അവരെ​ക്കു​റി​ച്ചും പറയാ​വു​ന്ന​താണ്‌: “ഈ മതഭേ​ദ​ത്തി​ന്നു എല്ലായി​ട​ത്തും വിരോ​ധം പറയുന്നു.” (പ്രവൃ​ത്തി​കൾ 28:22) എന്നാൽ, അവരുടെ വിജയ​ക​ര​മായ ശുശ്രൂ​ഷ​യു​ടെ കാരണ​മെ​ന്താണ്‌? കുറഞ്ഞ​പക്ഷം മൂന്നു ഘടകങ്ങ​ളെ​ങ്കി​ലും അവരുടെ പുരോ​ഗ​തി​ക്കു കാരണ​മാ​യുണ്ട്‌—യഹോ​വ​യു​ടെ ആത്മാവി​ന്റെ വഴിന​ട​ത്തി​പ്പി​നെ പിന്തു​ട​രു​ന്നു, യേശു​വി​ന്റെ പ്രാ​യോ​ഗി​ക​മായ രീതികൾ അനുക​രി​ക്കു​ന്നു, ഫലപ്ര​ദ​മായ ആശയവി​നി​മ​യ​ത്തിന്‌ ഏററവും ഉചിത​മായ ഉപകര​ണങ്ങൾ ഉപയോ​ഗി​ക്കു​ന്നു.

യഹോ​വ​യു​ടെ ആത്മാവും സുവാർത്ത​യും

3. നിറ​വേ​റ​റിയ കാര്യ​ങ്ങ​ളെ​ക്കു​റിച്ച്‌ എന്തു​കൊ​ണ്ടു നമുക്കു പൊങ്ങച്ചം പറയാ​നാ​വില്ല?

³ തങ്ങൾക്കുള്ള ഏതെങ്കി​ലും പ്രത്യേക സിദ്ധി​യാ​ണു വിജയ​ത്തി​നു കാരണ​മെന്നു യഹോ​വ​യു​ടെ സാക്ഷികൾ പൊങ്ങച്ചം പറയാ​റു​ണ്ടോ? ഇല്ല, കാരണം യേശു​വി​ന്റെ വാക്കുകൾ പറയു​ന്നത്‌ ഇങ്ങനെ​യാണ്‌: “നിങ്ങ​ളോ​ടു കല്‌പി​ച്ചി​രി​ക്കു​ന്ന​വ​യെ​ല്ലാം ചെയ്‌തു​ക​ഴി​യു​മ്പോൾ ഇങ്ങനെ പറയൂ: ഞങ്ങൾ അയോ​ഗ്യ​രായ ഭൃത്യ​രാണ്‌. ഞങ്ങൾ കടമ നിർവ​ഹി​ച്ചതേ ഉള്ളൂ.” സമർപ്പി​ച്ചു, സ്‌നാ​പ​ന​മേററ ക്രിസ്‌ത്യാ​നി​കൾ എന്നനി​ല​യിൽ യഹോ​വ​യു​ടെ സാക്ഷികൾ, അവരുടെ ചുററു​പാ​ടു​കൾ എന്തുത​ന്നെ​യാ​യി​ക്കൊ​ള്ളട്ടെ, ദൈവത്തെ സേവി​ക്കു​ന്ന​തി​നുള്ള ഉത്തരവാ​ദി​ത്വം സ്വമേ​ധയാ ഏറെറ​ടു​ത്തി​രി​ക്കു​ന്നു. ചിലരെ സംബന്ധി​ച്ചി​ട​ത്തോ​ളം അത്‌ മിഷന​റി​മാർ എന്നനി​ല​യി​ലോ ബ്രാഞ്ച്‌ ഓഫീ​സു​ക​ളി​ലും ക്രിസ്‌തീയ പ്രസി​ദ്ധീ​ക​ര​ണങ്ങൾ അച്ചടി​ക്കു​ന്നി​ട​ങ്ങ​ളി​ലും സ്വമേ​ധയാ സേവകർ എന്നനി​ല​യി​ലോ മുഴു​സമയ സേവന​ത്തി​ലേർപ്പെ​ട്ടി​രി​ക്കു​ന്ന​തി​നെ അർഥമാ​ക്കും. അത്തരം ക്രിസ്‌തീയ മനസ്സൊ​രു​ക്കം മററു​ള്ള​വരെ മതപര​മായ കെട്ടി​ട​ങ്ങ​ളു​ടെ നിർമാണ പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തി​നോ പയനിയർ ശുശ്രൂ​ഷ​ക​രാ​യി മുഴു​സമയ പ്രസം​ഗ​വേ​ല​യിൽ ഏർപ്പെ​ടു​ന്ന​തി​നോ അതുമ​ല്ലെ​ങ്കിൽ സുവാർത്ത​യു​ടെ പ്രസാ​ധ​ക​രെന്ന നിലയിൽ പ്രാ​ദേ​ശിക സഭയോ​ടു ബന്ധപ്പെട്ടു പ്രസം​ഗ​വേ​ല​യിൽ ഭാഗി​ക​മാ​യി ഏർപ്പെടുന്നതിനോ പ്രചോ​ദ​ന​മേ​കും. ‘കടമ നിർവ​ഹി​ച്ച​ശേഷം’ അതേപ്പ​ററി പൊങ്ങച്ചം പറയാൻ നമുക്കാർക്കും യാതൊ​ര​വ​കാ​ശ​വു​മില്ല.—ലൂക്കൊസ്‌ 17:10, ഓശാന ബൈബിൾ; 1 കൊരി​ന്ത്യർ 9:16.

4. ക്രിസ്‌തീയ ശുശ്രൂ​ഷ​യിൻമേൽ വന്നിരി​ക്കുന്ന എതിർപ്പു​കളെ തരണം ചെയ്‌തി​രി​ക്കു​ന്നത്‌ എങ്ങനെ?

⁴ നമുക്കു ലഭിക്കുന്ന ഏതു വിജയ​ത്തി​ന്റെ​യും കാരണം യഹോ​വ​യു​ടെ ആത്മാവ്‌ അഥവാ പ്രവർത്ത​ന​നി​ര​ത​മായ ശക്തിയാണ്‌. സെഖര്യാ പ്രവാ​ച​കന്റെ നാളു​ക​ളി​ലെ​ന്ന​പോ​ലെ ഇന്നും സംഭവി​ക്കു​ന്നു​വെന്നു പറയാൻ തക്ക കാരണ​മുണ്ട്‌: “സെരു​ബ്ബാ​ബേ​ലി​നോ​ടുള്ള യഹോ​വ​യു​ടെ അരുള​പ്പാ​ടാ​വി​തു: സൈന്യ​ത്താ​ലല്ല, ശക്തിയാ​ലു​മല്ല, എന്റെ ആത്മാവി​നാ​ല​ത്രേ എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” അങ്ങനെ, ലോക​വ്യാ​പ​ക​മാ​യി സാക്ഷി​ക​ളു​ടെ പ്രസം​ഗ​വേ​ല​യിൽ ഉണ്ടായി​ട്ടുള്ള എതിർപ്പു​കളെ തരണം ചെയ്‌തി​രി​ക്കു​ന്നതു മനുഷ്യ ഉദ്യമ​ത്താ​ലല്ല മറിച്ച്‌, യഹോ​വ​യു​ടെ മാർഗ​നിർദേ​ശ​വും സംരക്ഷ​ണ​വും മുഖാ​ന്ത​ര​മാണ്‌.—സെഖര്യാ​വു 4:6.

5. രാജ്യ​സ​ന്ദേശം പ്രസം​ഗി​ക്ക​പ്പെ​ടു​ന്ന​തിൽ യഹോവ എന്തു പങ്കുവ​ഹി​ച്ചി​രി​ക്കു​ന്നു?

⁵ രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​ന്ന​വ​രെ​ക്കു​റി​ച്ചു യേശു ഇങ്ങനെ പറഞ്ഞു: “എല്ലാവ​രും ദൈവ​ത്താൽ ഉപദേ​ശി​ക്ക​പ്പെ​ട്ടവർ ആകും എന്നു പ്രവാ​ച​ക​പു​സ്‌ത​ക​ങ്ങ​ളിൽ എഴുതി​യി​രി​ക്കു​ന്നു. പിതാ​വി​നോ​ടു കേട്ടു​പ​ഠി​ച്ചവൻ എല്ലാം എന്റെ അടുക്കൽ വരും. . . . പിതാവു കൃപ നല്‌കീ​ട്ട​ല്ലാ​തെ ആർക്കും എന്റെ അടുക്കൽ വരുവാൻ കഴിക​യില്ല.” (യോഹ​ന്നാൻ 6:45, 65) യഹോ​വക്കു ഹൃദയ​ങ്ങ​ളെ​യും മനസ്സു​ക​ളെ​യും വായി​ക്കു​ന്ന​തി​നു കഴിയും. അവനെ ഇതി​നോ​ടകം അറിഞ്ഞി​ട്ടി​ല്ലെ​ങ്കി​ലും അവന്റെ സ്‌നേ​ഹ​ത്തോ​ടു പ്രതി​ക​രി​ക്കാൻ സാധ്യ​ത​യു​ള്ളവർ ആരാ​ണെന്ന്‌ അവനറി​യാം. ഈ അനുപ​മ​മായ ശുശ്രൂ​ഷക്കു നേതൃ​ത്വം നൽകു​ന്ന​തിന്‌ അവൻ തന്റെ ദൂതൻമാ​രെ​യും ഉപയോ​ഗി​ക്കു​ന്നു. അതു​കൊ​ണ്ടാ​ണു യോഹ​ന്നാൻ ദൂതൻമാ​രു​ടെ പങ്കുപ​ററൽ ദർശന​ത്തിൽ കണ്ടശേഷം ഇങ്ങനെ എഴുതി​യത്‌: “വേറൊ​രു ദൂതൻ ആകാശ​മ​ദ്ധ്യേ പറക്കു​ന്നതു ഞാൻ കണ്ടു; ഭൂവാ​സി​ക​ളായ സകല ജാതി​യും ഗോ​ത്ര​വും ഭാഷയും വംശവും ആയവ​രോ​ടു അറിയി​പ്പാൻ അവന്റെ പക്കൽ ഒരു നിത്യ​സു​വി​ശേഷം ഉണ്ടായി​രു​ന്നു.”—വെളി​പ്പാ​ടു 14:6.

ആത്മീയ ആവശ്യ​ങ്ങ​ളെ​ക്കു​റി​ച്ചു ബോധ​മു​ള്ള​വർ

6. രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​ന്ന​തിന്‌ വ്യക്തി​ക്കു​ണ്ടാ​യി​രി​ക്കേണ്ട അടിസ്ഥാന മനോ​ഭാ​വം എന്ത്‌?

⁶ സുവാർത്ത സ്വീക​രി​ക്കു​ന്ന​തിന്‌ യഹോവ ഒരു വ്യക്തിക്ക്‌ അവസരം നൽകു​ന്ന​തി​ലെ മറെറാ​രു ഘടകം യേശു​വി​ന്റെ പിൻവ​രുന്ന വാക്കു​ക​ളിൽ പ്രകടി​പ്പി​ച്ചി​രി​ക്കു​ന്നു: “തങ്ങളുടെ ആത്മീയ ആവശ്യങ്ങൾ സംബന്ധി​ച്ചു ബോധ​വാൻമാ​രാ​യവർ സന്തുഷ്ടർ. സ്വർഗ​രാ​ജ്യം അവരു​ടേ​താണ്‌.” (മത്തായി 5:3, NW) ആത്മസം​തൃ​പ്‌ത​നായ ഒരു വ്യക്തി​യോ, സത്യം അന്വേ​ഷി​ക്കാ​ത്ത​വ​നോ ആത്മീയ ആവശ്യ​ങ്ങ​ളെ​ക്കു​റി​ച്ചു ബോധ​വാ​നാ​യി​രി​ക്കില്ല. അവൻ അഥവാ അവൾ വെറും ഭൗതി​ക​മായ, ജഡിക​മായ വിധത്തി​ലേ ചിന്തിക്കൂ. ആത്മസം​തൃ​പ്‌തി ഒരു പ്രതി​ബ​ന്ധ​മാ​യി​ത്തീ​രു​ന്നു. അതു​കൊണ്ട്‌, വീടു​തോ​റു​മുള്ള വേലയിൽ നാം കണ്ടുമു​ട്ടുന്ന അനേകർ സന്ദേശം തിരസ്‌ക​രി​ക്കു​മ്പോൾ അവരുടെ അത്തരം പ്രതി​ക​ര​ണ​ത്തി​നുള്ള എല്ലാ വ്യത്യസ്‌ത കാരണ​ങ്ങ​ളും നാം പരിഗ​ണ​ന​യി​ലെ​ടു​ക്കേ​ണ്ട​തുണ്ട്‌.

7. അനേകർ സത്യ​ത്തോ​ടു പ്രതി​ക​രി​ക്കാ​ത്തത്‌ എന്തു​കൊണ്ട്‌?

⁷ അനേകർ സന്ദേശം കൈ​ക്കൊ​ള്ളു​ന്ന​തിൽ വിമു​ഖ​രാണ്‌. തങ്ങളുടെ പരമ്പരാ​ഗത മതത്തോ​ടു പററി​നിൽക്കാൻ പിടി​വാ​ശി കാട്ടു​ന്ന​തും ചർച്ചക്കു തയ്യാറ​ല്ലാ​ത്ത​തു​മാണ്‌ അതിനു കാരണം. മററ​നേകർ തങ്ങളുടെ വ്യക്തി​പ​ര​മായ അഭിരു​ചി​ക്കൊത്ത മതത്താൽ ആകർഷി​ത​രാ​കു​ന്നു. ചിലർക്കാ​വ​ശ്യം ദുർജ്ഞേയ മതമാണ്‌. വികാര വൈശി​ഷ്ട്യ​ത്തി​ലാ​ണു മററു​ചി​ലർക്കു താത്‌പ​ര്യം. വേറെ​ചി​ല​രാ​ണെ​ങ്കി​ലോ, സാമൂ​ഹിക കൂടി​വ​ര​വു​കൾക്കു​വേണ്ടി പള്ളിയിൽ പോകു​ന്നു. അനേക​രും ദൈവ​ത്തി​ന്റെ നിലവാരങ്ങൾക്കു വിരു​ദ്ധ​മായ ജീവി​ത​രീ​തി തിര​ഞ്ഞെ​ടു​ത്തി​രി​ക്കു​ക​യാണ്‌. ഒരുപക്ഷേ അവർ അധാർമിക ജീവിതം നയിക്കു​ന്നു​വെന്ന കാരണ​ത്താ​ലാ​കാം “എനിക്കു താത്‌പ​ര്യ​മില്ല” എന്നു പറയു​ന്നത്‌. ഇനിയും, വിദ്യാ​ഭ്യാ​സ​വും ശാസ്‌ത്ര​സം​ബ​ന്ധ​മായ അറിവു​മു​ണ്ടെന്ന്‌ അവകാ​ശ​പ്പെ​ടു​ന്നവർ ബൈബിൾ അത്യന്തം ലളിത​മാണ്‌ എന്ന കാരണം പറഞ്ഞ്‌ അതു തിരസ്‌ക​രി​ക്കു​ന്നു.—1 കൊരി​ന്ത്യർ 6:9-11; 2 കൊരി​ന്ത്യർ 4:3, 4.

8. മററു​ള്ളവർ തള്ളിക്ക​ള​യു​ന്നു​വെന്ന സംഗതി നമ്മുടെ തീക്ഷ്‌ണ​തക്കു മങ്ങലേൽപ്പി​ക്കാൻ പാടി​ല്ലാ​ത്ത​തെ​ന്തു​കൊണ്ട്‌? (യോഹ​ന്നാൻ 15:18-20)

⁸ ഭൂരി​പ​ക്ഷം​പേ​രും സത്യം തള്ളിക്ക​ള​യു​ന്നു​വെ​ന്നത്‌ ഈ ജീവര​ക്ഷാ​ക​ര​മായ ശുശ്രൂ​ഷ​ക്കുള്ള നമ്മുടെ വിശ്വാ​സ​ത്തി​നും തീക്ഷ്‌ണ​ത​യ്‌ക്കും മങ്ങലേൽപ്പി​ക്ക​ണ​മോ? അപ്പോ​സ്‌ത​ല​നായ പൗലോസ്‌ റോമർക്കെ​ഴു​തിയ പിൻവ​രുന്ന വാക്കു​ക​ളിൽ നമുക്കു സാന്ത്വ​ന​മ​ട​യാ​വു​ന്ന​താണ്‌. ‘ചിലർ വിശ്വ​സി​ച്ചില്ല എങ്കിൽ അവരുടെ അവിശ്വാ​സ​ത്താൽ ദൈവ​ത്തി​ന്റെ വിശ്വ​സ്‌ത​തെക്കു നീക്കം വരുമോ? ഒരുനാ​ളും ഇല്ല! “നിന്റെ വാക്കു​ക​ളിൽ നീ നീതീ​ക​രി​ക്ക​പ്പെ​ടു​വാ​നും നിന്റെ ന്യായ​വി​സ്‌താ​ര​ത്തിൽ ജയിപ്പാ​നും” എന്നു എഴുതി​യി​രി​ക്കു​ന്ന​തു​പോ​ലെ ദൈവം സത്യവാൻ, സകല മനുഷ്യ​രും ഭോഷ്‌കു പറയു​ന്നവർ എന്നേ വരൂ.’—റോമർ 3:3, 4.

9, 10. അനേക രാജ്യ​ങ്ങ​ളി​ലും എതിർപ്പു​കളെ അതിജീ​വി​ച്ചി​രി​ക്കു​ന്നു എന്നതിന്‌ എന്തു തെളി​വാ​ണു​ള്ളത്‌?

⁹ ഒരിക്കൽ ഒട്ടും​തന്നെ പ്രതി​ക​ര​ണ​മി​ല്ലാ​തി​രു​ന്നിട്ട്‌ പിന്നീടു പ്രതി​ക​രണം കാണി​ച്ചി​രി​ക്കുന്ന രാജ്യ​ങ്ങ​ളെ​ക്കു​റി​ച്ചു ലോക​മെ​മ്പാ​ടു​നി​ന്നും ലഭിച്ചി​രി​ക്കുന്ന ഉദാഹ​ര​ണ​ങ്ങ​ളിൽനി​ന്നു നമുക്കു പ്രോ​ത്സാ​ഹനം നേടാ​വു​ന്ന​താണ്‌. സഹൃദ​യ​രായ ആളുകളെ കണ്ടുപി​ടി​ക്കേ​ണ്ട​തു​ണ്ടെന്നു യഹോ​വ​യും ദൂതൻമാ​രും അറിയു​ന്നു. എങ്കിലും യഹോ​വ​യു​ടെ സാക്ഷികൾ തങ്ങളുടെ ശുശ്രൂഷ സ്ഥിരോ​ത്സാ​ഹ​ത്തോ​ടെ, നിർവി​ഘ്‌നം തുട​രേ​ണ്ട​താണ്‌. ഏതാണ്ട്‌ 50 വർഷം മുമ്പ്‌ കത്തോ​ലി​ക്കാ മതം ഒരു അജയ്യ തടസ്സമെന്ന നിലയിൽ പ്രബല​മാ​യി​രുന്ന ചില രാജ്യ​ങ്ങ​ളു​ടെ​തന്നെ ദൃഷ്ടാ​ന്ത​മെ​ടു​ക്കുക—അയർലൻഡ്‌, അർജൻറീന, ഇററലി, കൊളം​ബിയ, പോർച്ചു​ഗൽ, ബ്രസീൽ, മെക്‌സി​ക്കോ, സ്‌പെ​യിൻ. 1943-ൽ സാക്ഷികൾ തുലോം കുറവാ​യി​രു​ന്നു. ലോക​വ്യാ​പ​ക​മാ​യി ആകെ 1,26,000 പേർ മാത്രമേ ഉണ്ടായി​രു​ന്നു​ള്ളൂ. അതിൽ 72,000 പേർ ഐക്യ​നാ​ടു​ക​ളി​ലാ​യി​രു​ന്നു. സാക്ഷികൾ അഭിമു​ഖീ​ക​രിച്ച അവഗണ​ന​യും മുൻവി​ധി​യും, തുളച്ചു കടക്കാൻ സാധി​ക്കാത്ത ഭിത്തി​പോ​ലെ തോന്നി​ച്ചു. എങ്കിലും ഇന്ന്‌ പ്രസം​ഗ​വേ​ല​യി​ലെ ഏററവും വിജയ​ക​ര​മായ ഫലങ്ങൾ ഈ രാജ്യ​ങ്ങ​ളി​ലാണ്‌ ഉണ്ടായി​രി​ക്കു​ന്നത്‌. അനേകം മുൻ കമ്മ്യു​ണി​സ്‌ററു രാജ്യ​ങ്ങ​ളു​ടെ കാര്യ​ത്തി​ലും ഇതു തന്നെയാ​ണു സ്ഥിതി. 1993-ൽ ഉക്രെ​യ്‌നി​ലെ കീവിൽവെ​ച്ചു​നടന്ന 7,402 പേരുടെ സ്‌നാ​പനം ഇതിനു തെളിവു നൽകുന്നു.

¹⁰ തങ്ങളുടെ അയൽക്കാ​രെ സുവാർത്ത അറിയി​ക്കു​ന്ന​തിന്‌ സാക്ഷികൾ എന്തെല്ലാം മാർഗ​ങ്ങ​ളാണ്‌ ഉപയോ​ഗി​ച്ചി​രി​ക്കു​ന്നത്‌? ചിലർ പഴിചാ​രി​യി​രി​ക്കു​ന്ന​തു​പോ​ലെ, ആളുകളെ മതപരി​വർത്തനം ചെയ്യി​ക്കു​ന്ന​തി​നു ഭൗതിക വസ്‌തു​ക്കൾ നൽകി പാട്ടി​ലാ​ക്കുന്ന മാർഗം അവർ സ്വീക​രി​ച്ചി​ട്ടു​ണ്ടോ? മററു ചിലർ അവകാ​ശ​വാ​ദം ചെയ്യു​ന്ന​തു​പോ​ലെ, ദരി​ദ്ര​രെ​യും അനഭ്യ​സ്‌ത​വി​ദ്യ​രെ​യും മാത്ര​മാ​ണോ അവർ സന്ദർശി​ച്ചി​രി​ക്കു​ന്നത്‌?

സുവാർത്ത എത്തിച്ചു​കൊ​ടു​ക്കു​ന്ന​തി​നുള്ള വിജയ​പ്ര​ദ​മായ മാർഗങ്ങൾ

11. യേശു ശുശ്രൂ​ഷ​യിൽ എന്തു മികച്ച ദൃഷ്ടാന്തം വെച്ചു? (കാണുക: യോഹ​ന്നാൻ 4:6-26.)

¹¹ ശിഷ്യ​രു​ള​വാ​ക്കൽവേ​ല​യിൽ യേശു​വും അവന്റെ ശിഷ്യൻമാ​രും നൽകി​യി​രി​ക്കുന്ന മാതൃ​ക​യാ​ണു സാക്ഷികൾ ഈ നാൾവരെ പിന്തു​ട​രു​ന്നത്‌. സമ്പന്നരോ ദരി​ദ്ര​രോ ആരായാ​ലും ശരി എവി​ടെ​ല്ലാം ആളുക​ളു​ണ്ടാ​യി​രു​ന്നോ—വീടുകൾ, പൊതു​സ്ഥ​ലങ്ങൾ, തടാക​ക്ക​രകൾ, കുന്നിൻചെ​രു​വു​കൾ, സിന്ന​ഗോ​ഗു​കൾ—അവി​ടെ​ല്ലാം യേശു പോയി.—മത്തായി 5:1, 2; 8:14; മർക്കൊസ്‌ 1:16; ലൂക്കൊസ്‌ 4:15.

12, 13. (എ) ക്രിസ്‌ത്യാ​നി​കൾക്കു പൗലോസ്‌ ഒരു മാതൃക വെച്ച​തെ​ങ്ങനെ? (ബി) യഹോ​വ​യു​ടെ സാക്ഷികൾ പൗലോ​സി​ന്റെ മാതൃക പിൻപ​റ​റി​യി​രി​ക്കു​ന്ന​തെ​ങ്ങനെ?

¹² തന്റെതന്നെ ശുശ്രൂ​ഷ​യെ​ക്കു​റിച്ച്‌ അപ്പോ​സ്‌ത​ല​നായ പൗലോ​സിന്‌ ഇങ്ങനെ വളരെ കൃത്യ​മാ​യി പറയാൻ കഴിഞ്ഞു: “ഞാൻ ആസ്യയിൽ വന്ന ഒന്നാം നാൾ മുതൽ . . . കർത്താ​വി​നെ സേവിച്ചു വന്നു എന്നും പ്രയോ​ജ​ന​മു​ള്ളതു ഒന്നും മറെച്ചു​വെ​ക്കാ​തെ പരസ്യ​മാ​യും വീടു​തോ​റും നിങ്ങ​ളോ​ടു അറിയി​ക്ക​യും ഉപദേ​ശി​ക്ക​യും ചെയ്‌തു എന്നും . . . നിങ്ങൾ അറിയു​ന്നു​വ​ല്ലോ.”—പ്രവൃ​ത്തി​കൾ 20:18-21.

¹³ അപ്പോ​സ്‌ത​ലൻമാ​രു​ടെ മാതൃക പിന്തു​ടർന്നു​കൊ​ണ്ടുള്ള യഹോ​വ​യു​ടെ സാക്ഷി​ക​ളു​ടെ വീടു​തോ​റു​മുള്ള ശുശ്രൂഷ ലോക​പ്ര​സി​ദ്ധ​മാണ്‌. വളരെ ചെല​വേ​റിയ പൊള്ള​യായ, നിർവ്യ​ക്തി​ക​മായ ടിവി ശുശ്രൂ​ഷ​യിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു പകരം സാക്ഷികൾ സമ്പന്നരും ദരി​ദ്ര​രു​മായ ആളുകളെ സമീപിച്ച്‌ മുഖാ​മു​ഖം സംസാ​രി​ക്കു​ന്നു. ദൈവ​ത്തെ​യും അവന്റെ വചന​ത്തെ​യും​കു​റി​ച്ചു സംസാ​രി​ക്കാൻ അവർ വഴികൾ തേടുന്നു.b ഭൗതിക വസ്‌തു​വ​കകൾ സൗജന്യ​മാ​യി നൽകി​ക്കൊ​ണ്ടു ചോററു ക്രിസ്‌ത്യാ​നി​കളെ ഉളവാ​ക്കാൻ അവർ ആഗ്രഹി​ക്കു​ന്നില്ല. ന്യായ​വാ​ദം ചെയ്യാൻ മനസ്സൊ​രു​ക്കം കാണി​ക്കു​ന്ന​വ​രോട്‌, മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള പരിഹാ​രം ഭൂമി​യി​ലെ അവസ്ഥകൾക്കു മെച്ചമായ രീതി​യിൽ മാററം വരുത്തുന്ന ദൈവ​രാ​ജ്യ​ഭ​രണം മാത്ര​മാണ്‌ എന്ന്‌ അവർ ചൂണ്ടി​ക്കാ​ട്ടു​ന്നു.—യെശയ്യാ​വു 65:17, 21-25; 2 പത്രൊസ്‌ 3:13; വെളി​പ്പാ​ടു 21:1-4.

14. (എ) അനേകം മിഷന​റി​മാ​രും പയനി​യർമാ​രും ഒരു ശക്തമായ അസ്ഥിവാ​ര​മി​ട്ടി​രി​ക്കു​ന്നത്‌ എങ്ങനെ? (ബി) ജപ്പാനി​ലെ യഹോ​വ​യു​ടെ സാക്ഷി​ക​ളു​ടെ അനുഭ​വ​ത്തിൽനി​ന്നു നാം എന്തു പഠിക്കു​ന്നു?

¹⁴ സാധ്യ​മാ​കു​ന്നി​ട​ത്തോ​ളം നാടു​ക​ളിൽ വേലയു​ടെ നടത്തി​പ്പി​നു​വേണ്ടി മിഷന​റി​മാ​രും പയനി​യർമാ​രും പല ദേശങ്ങ​ളി​ലും ആസ്ഥാനങ്ങൾ രൂപീ​ക​രി​ച്ചി​ട്ടുണ്ട്‌. അവർ അസ്ഥിവാ​ര​മി​ടു​ക​യും പിന്നീട്‌ പ്രാ​ദേ​ശിക സാക്ഷികൾ അതിനു നേതൃ​ത്വം വഹിക്കു​ക​യും ചെയ്യുന്നു. തൻമൂലം പ്രസം​ഗ​വേല തുടർന്നു കൊണ്ടു​പോ​കു​ന്ന​തി​നും ക്രമ​പ്പെ​ടു​ത്തു​ന്ന​തി​നും കൂടുതൽ വിദേശ സാക്ഷി​ക​ളു​ടെ ആവശ്യ​മില്ല. അതിനു മകു​ടോ​ദാ​ഹ​ര​ണ​മാ​ണു ജപ്പാൻ. 1940-കളിൽ മുഖ്യ​മാ​യും ഓസ്‌ട്ര​ലേ​ഷ്യ​യിൽനി​ന്നും ബ്രിട്ട​ണിൽനി​ന്നു​മുള്ള മിഷന​റി​മാർ അവി​ടേ​ക്കു​പോ​യി. അവർ ഭാഷ പഠി​ച്ചെ​ടു​ത്തു. യുദ്ധാ​ന​ന്ത​ര​മു​ണ്ടാ​യി​രുന്ന ഏതാണ്ടു പ്രാകൃ​ത​മായ ചുററു​പാ​ടു​ക​ളു​മാ​യി ഒത്തിണങ്ങി, പിന്നീട്‌ വീടു​തോ​റു​മുള്ള സേവന​ത്തിൽ ഏർപ്പെട്ടു. രണ്ടാം ലോക​മ​ഹാ​യു​ദ്ധ​കാ​ലത്തു ജപ്പാനിൽ സാക്ഷി​കളെ നിരോ​ധി​ക്കു​ക​യും പീഡി​പ്പി​ക്കു​ക​യും ചെയ്‌തു. അതു​കൊണ്ട്‌ തീക്ഷ്‌ണ​ത​യുള്ള സാക്ഷി​ക​ളു​ടെ ഒരു ചെറിയ കൂട്ടത്തെ മാത്രമേ മിഷന​റി​മാർക്കു കണ്ടെത്താൻ കഴിഞ്ഞു​ള്ളൂ. എന്നാൽ ഇന്ന്‌ അവരുടെ സംഖ്യ 3,000-ത്തിലധി​കം സഭകളി​ലാ​യി 1,87,000 ആയിത്തീർന്നി​രി​ക്കു​ന്നു! അവരുടെ ആദ്യകാല വിജയ​ത്തി​ന്റെ രഹസ്യ​മെ​ന്താ​യി​രു​ന്നു? 25 വർഷത്തി​ലേറെ സേവന​പ​രി​ച​യ​മുള്ള ഒരു മിഷനറി പറഞ്ഞു: “ആളുക​ളു​മാ​യി സംസാ​രി​ക്കാൻ പഠിക്കുക എന്നതു വളരെ പ്രധാ​ന​മാ​യി​രു​ന്നു. അവരുടെ ഭാഷ അറിയു​ന്നതു മുഖാ​ന്തരം അവരെ തിരി​ച്ച​റി​യു​ന്ന​തി​നും അവരുടെ ജീവി​ത​രീ​തി മനസ്സി​ലാ​ക്കു​ന്ന​തി​നും വിലമ​തി​ക്കു​ന്ന​തി​നും കഴിയും. ഞങ്ങൾ ജപ്പാൻകാ​രെ സ്‌നേ​ഹി​ക്കു​ന്നു​വെന്നു പ്രകട​മാ​ക്കേ​ണ്ട​തു​മു​ണ്ടാ​യി​രു​ന്നു. ഞങ്ങളുടെ ക്രിസ്‌തീയ മൂല്യ​ങ്ങളെ ബലിക​ഴി​ക്കാ​തെ​തന്നെ പ്രാ​ദേ​ശിക സമുദാ​യ​വു​മാ​യി ഇഴുകി​ച്ചേ​രാൻ ഞങ്ങളാ​ലാ​വുന്ന ശ്രമം നടത്തി.”

ക്രിസ്‌തീയ നടത്തയും ഒരു സാക്ഷ്യം

15. സാക്ഷികൾ ക്രിസ്‌തീയ നടത്ത എങ്ങനെ പ്രകട​മാ​ക്കി​യി​രി​ക്കു​ന്നു?

¹⁵ എന്നിരു​ന്നാ​ലും, ബൈബിൾ സന്ദേശം കേട്ടു​മാ​ത്രമല്ല ആളുകൾ പ്രതി​ക​രി​ച്ചി​ട്ടു​ള്ളത്‌. അവർ ക്രിസ്‌ത്യാ​നി​ത്വം പ്രവർത്ത​ന​പ​ഥ​ത്തി​ലും നിരീ​ക്ഷി​ച്ചി​ട്ടുണ്ട്‌. ആഭ്യന്തര യുദ്ധങ്ങൾ, ഗോത്ര കലഹം, വർഗീയ ലഹള എന്നിങ്ങനെ പരി​ശോ​ധ​നാ​ത്മ​ക​മായ ചുററു​പാ​ടു​ക​ളിൽപ്പോ​ലും സാക്ഷി​കൾക്കി​ട​യി​ലെ സ്‌നേഹം, ഒത്തൊ​രുമ, ഐക്യം എന്നീ ഗുണങ്ങൾ ആളുകൾ നിരീ​ക്ഷി​ച്ചി​രി​ക്കു​ന്നു. എല്ലാ യുദ്ധങ്ങ​ളി​ലും സാക്ഷികൾ ക്രിസ്‌തീയ നിഷ്‌പക്ഷത എന്ന വളരെ വ്യക്തമായ നിലപാ​ടു സ്വീക​രി​ച്ചി​രി​ക്കു​ന്നു. അങ്ങനെ അവർ യേശു​വി​ന്റെ വാക്കുകൾ നിവർത്തി​ച്ചി​രി​ക്കു​ന്നു: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യൻമാർ എന്നു എല്ലാവ​രും അറിയും.”—യോഹ​ന്നാൻ 13:34, 35.

16. ക്രിസ്‌തീ​യ​സ്‌നേഹം പ്രവൃ​ത്തി​യിൽ കാണിച്ച ഒരു അനുഭവം ഏത്‌?

¹⁶ തന്നോട്‌ അയൽസ്‌നേഹം കാട്ടി​യ​വ​രെ​ക്കു​റിച്ച്‌ ഒരു പ്രായം​ചെ​ന്ന​യാൾ പ്രാ​ദേ​ശിക പത്രത്തിൽ “നല്ല ദമ്പതി​മാർ” എന്നെഴു​തി. അദ്ദേഹ​ത്തി​ന്റെ ഭാര്യ​യു​ടെ മരണസ​മ​യത്ത്‌ അവർ അദ്ദേഹ​ത്തോ​ടു ദയ കാണി​ച്ച​താ​യി അദ്ദേഹം വിശദീ​ക​രി​ച്ചു. “അവൾ മരിച്ച​തിൽപ്പി​ന്നെ . . . അവരുടെ ഇടപെടൽ അതിഗം​ഭീ​ര​മാ​യി​രു​ന്നു” എന്ന്‌ അദ്ദേഹം എഴുതി. “അന്നുമു​തൽ അവരെന്നെ ‘ദത്തെടു​ത്തു’ . . . , എല്ലാവിധ ജോലി​ക​ളും ചെയ്‌ത്‌ 74 വയസ്സു​ചെന്ന, ഉദ്യോ​ഗ​ത്തിൽനി​ന്നു വിരമിച്ച എന്റെ പ്രശ്‌ന​ങ്ങ​ളെ​ല്ലാം പരിഹ​രി​ക്കാൻ സഹായി​ക്കു​ക​യാണ്‌. എന്നാൽ ഇതിലെ വിചി​ത്ര​മായ സംഗതി അവർ കറുത്ത​വ​രും ഞാൻ വെളു​ത്ത​വ​നു​മാ​ണെ​ന്ന​താണ്‌. അവർ യഹോ​വ​യു​ടെ സാക്ഷി​ക​ളാണ്‌. ഞാൻ കത്തോ​ലി​ക്കാ മതം ഉപേക്ഷി​ച്ചു​പോ​ന്ന​വ​നും.”

17. നാം എന്തു ഗതി ഒഴിവാ​ക്കേ​ണ്ട​തുണ്ട്‌?

¹⁷ നമ്മുടെ ദൈനം​ദിന നടത്ത ഉൾപ്പെടെ പലവി​ധ​ങ്ങ​ളിൽ നമുക്കു സാക്ഷ്യം നൽകാ​നാ​വു​മെ​ന്ന​തി​ന്റെ ദൃഷ്ടാ​ന്ത​മാ​ണിത്‌. നമ്മുടെ നടത്ത ക്രിസ്‌തു​തു​ല്യ​മ​ല്ലെ​ങ്കിൽ നമ്മുടെ ശുശ്രൂഷ കാപട്യം​നി​റ​ഞ്ഞ​തും ഫലപ്രാ​പ്‌തി​യി​ല്ലാ​ത്ത​തും ആയിത്തീ​രും. “അവർ നിങ്ങ​ളോ​ടു പറയു​ന്നതു ഒക്കെയും പ്രമാ​ണി​ച്ചു ചെയ്‌വിൻ; അവരുടെ പ്രവൃ​ത്തി​കൾപോ​ലെ ചെയ്യരു​തു താനും” എന്ന്‌ യേശു പറഞ്ഞവ​രെ​പ്പോ​ലാ​യി​രി​ക്കാൻ നാം ആഗ്രഹി​ക്കു​ന്നില്ല.—മത്തായി 22:37-39; 23:3.

അടിമ​വർഗം ശരിയായ ഉപകര​ണങ്ങൾ വിതരണം ചെയ്യുന്നു

18. പരമാർഥ ഹൃദയ​രായ ആളുകളെ സഹായി​ക്കു​ന്ന​തി​നു ബൈബിൾ സാഹി​ത്യ​ങ്ങൾ നമ്മെ എങ്ങനെ സജ്ജരാ​ക്കു​ന്നു?

¹⁸ സകല രാഷ്‌ട്ര​ങ്ങ​ളി​ലും സുവാർത്ത പ്രസം​ഗി​ക്കു​ന്ന​തി​ലെ മർമ​പ്ര​ധാ​ന​മായ മറെറാ​രു ഘടകം വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി പ്രസി​ദ്ധീ​ക​രി​ച്ചി​രി​ക്കുന്ന ബൈബിൾ സാഹി​ത്യ​ത്തി​ന്റെ ലഭ്യത​യാണ്‌. ആത്മാർഥ​മാ​യി ചോദ്യ​ങ്ങൾ ഉന്നയി​ക്കുന്ന ഏതൊ​രു​വ​നെ​യും തൃപ്‌തി​പ്പെ​ടു​ത്താൻ കഴിയുന്ന പുസ്‌ത​കങ്ങൾ, ലഘു​ലേ​ഖകൾ ലഘുപ​ത്രി​കകൾ, മാസി​കകൾ എന്നിവ നമ്മുടെ പക്കലുണ്ട്‌. മുസ്ലീ​മി​നെ​യോ, ഹൈന്ദ​വ​നെ​യോ ബുദ്ധമ​ത​ക്കാ​ര​നെ​യോ, താവോ​മ​ത​ക്കാ​ര​നെ​യോ യഹൂദ​നെ​യോ കണ്ടുമു​ട്ടി​യാൽ ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം [ഇംഗ്ലീഷ്‌] എന്ന പുസ്‌ത​ക​മോ വൈവി​ധ്യ​മാർന്ന ലഘു​ലേ​ഖ​ക​ളോ ചെറു​പു​സ്‌ത​ക​ങ്ങ​ളോ ഉപയോ​ഗി​ച്ചു​കൊ​ണ്ടു സംഭാ​ഷ​ണ​ത്തി​ലേർപ്പെ​ടു​ന്ന​തി​നും ഒരുപക്ഷേ ബൈബി​ള​ധ്യ​യനം തുടങ്ങു​ന്ന​തി​നും നമുക്കു കഴി​ഞ്ഞേ​ക്കും. ഒരു പരിണാ​മ​വാ​ദി സൃഷ്ടി​യെ​ക്കു​റി​ച്ചു ചോദി​ക്കു​മ്പോൾ നമുക്ക്‌, നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തി​ന്റെ 7-ാം അധ്യാ​യ​ത്തി​ലേക്ക്‌ അയാളു​ടെ ശ്രദ്ധ തിരി​ക്കാം. ‘ജീവി​ത​ത്തി​ന്റെ ഉദ്ദേശ്യ​മെ​ന്താണ്‌?’ എന്ന്‌ ഒരു ചെറു​പ്പ​ക്കാ​രൻ ചോദി​ക്കു​ന്നു​വെ​ങ്കിൽ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തി​ലേക്ക്‌ ശ്രദ്ധതി​രി​ക്കാ​വു​ന്ന​താണ്‌. ഒരുവൻ വിഷാദം, ആരോ​ഗ്യ​ക്ഷയം, ബലാൽസം​ഗം, വിവാ​ഹ​മോ​ചനം എന്നിങ്ങ​നെ​യുള്ള വ്യക്തി​പ​ര​മായ പ്രശ്‌ന​ങ്ങ​ളാൽ നട്ടം തിരി​യു​ക​യാ​ണെ​ങ്കിൽ അത്തരം വിഷയങ്ങൾ പ്രാ​യോ​ഗി​ക​മായ വിധത്തിൽ ചർച്ച ചെയ്‌തിട്ടുള്ള മാസി​കകൾ അയാൾക്കു​വേണ്ടി നമ്മുടെ പക്കലുണ്ട്‌. യേശു മുൻകൂ​ട്ടി​പ്പറഞ്ഞ അടിമ​വർഗം “ഉചിത​മായ സമയത്ത്‌” ഭക്ഷണം പ്രദാനം ചെയ്‌തു​കൊണ്ട്‌ അതിന്റെ പങ്കു നിർവ​ഹി​ക്കു​ക​യാണ്‌.—മത്തായി 24:45-47, NW.

19, 20. അൽബേ​നി​യ​യിൽ രാജ്യ​വേല വേഗത പ്രാപി​ച്ച​തെ​ങ്ങനെ?

¹⁹ ജനതക​ളു​ടെ ഇടയിൽ എത്തി​ച്ചേ​രു​ന്ന​തിന്‌ ഈ സാഹി​ത്യ​ങ്ങൾ വിഭിന്ന ഭാഷക​ളിൽ നിർമി​ക്കേ​ണ്ടത്‌ അത്യാ​വ​ശ്യ​മാ​യി​രു​ന്നി​ട്ടുണ്ട്‌. ബൈബി​ളും തിരു​വെ​ഴു​ത്ത​ധി​ഷ്‌ഠിത സാഹി​ത്യ​ങ്ങ​ളും 200-ലധികം ഭാഷക​ളിൽ എങ്ങനെ പരിഭാ​ഷ​പ്പെ​ടു​ത്താൻ കഴിഞ്ഞു? ഒരു ദൃഷ്ടാന്തം, അൽബേ​നി​യ​യെ​ക്കു​റി​ച്ചു​ള്ളത്‌ ഒന്നു ഹ്രസ്വ​മാ​യി പരിചി​ന്തി​ക്കാം. വളരെ​യേറെ പ്രയാ​സ​ക​ര​മായ ചുററു​പാ​ടു​കൾ. തത്‌ക്ഷണ ഭാഷാ​വ​ര​ത്തിന്‌ ഒരു ആധുനിക പെന്ത​ക്കോ​സ്‌തു​മില്ല. എന്നിട്ടും സുവാർത്ത പ്രഖ്യാ​പി​ക്കു​ന്ന​തി​നു വിശ്വ​സ്‌ത​നും വിവേ​കി​യു​മായ അടിമക്ക്‌ എങ്ങനെ കഴിഞ്ഞു​വെന്ന്‌ ഇതു പ്രകട​മാ​ക്കു​ന്നു.—പ്രവൃ​ത്തി​കൾ 2:1-11.

²⁰ ഏതാനും​ചില വർഷങ്ങൾക്കു മുമ്പു​വരെ യഥാർഥ നിരീ​ശ്വ​ര​വാ​ദി​യാ​യി​ട്ടുള്ള ഏക രാജ്യ​മാ​യി​ട്ടാണ്‌ അൽബേ​നി​യയെ വീക്ഷി​ച്ചു​പോ​ന്നത്‌. 1980-ൽ നാഷനൽ ജിയോ​ഗ്ര​ഫിക്ക്‌ മാഗസിൻ ഇങ്ങനെ പ്രസ്‌താ​വി​ച്ചു: “1967-ൽ ‘ലോക​ത്തി​ലെ ആദ്യത്തെ നിരീ​ശ്വ​ര​രാ​ജ്യം’ എന്നു പ്രഖ്യാ​പി​ച്ചു​കൊണ്ട്‌ അൽബേ​നിയ [മതത്തെ] നിരോ​ധി​ച്ചു. . . . അൽബേ​നി​യ​യി​ലെ പുതു​ത​ല​മു​റ​യ്‌ക്ക്‌ നിരീ​ശ്വ​ര​വാ​ദം മാത്രമേ അറിയാ​വൂ.” ഇപ്പോൾ കമ്മ്യു​ണി​സ്‌ററു ഭരണം അധഃപ​തി​ച്ച​സ്ഥി​തിക്ക്‌ തങ്ങളുടെ ആത്മീയ ആവശ്യം തിരി​ച്ച​റി​യുന്ന അൽബേ​നി​യ​ക്കാർ യഹോ​വ​യു​ടെ സാക്ഷികൾ ചെയ്‌തു​വ​രുന്ന പ്രസം​ഗ​വേ​ല​യോ​ടു പ്രതി​ക​രി​ക്കു​ന്നു. ഇററാ​ലി​യ​നും ഇംഗ്ലീ​ഷും വശമുള്ള യുവ സാക്ഷി​ക​ള​ട​ങ്ങുന്ന ഒരു ചെറിയ പരിഭാ​ഷാ ടീം 1992-ൽ ററിറാ​നീ​യിൽ രൂപീ​ക​രി​ച്ചു. മററു രാജ്യ​ങ്ങ​ളിൽനി​ന്നു യോഗ്യ​രായ സഹോ​ദ​രങ്ങൾ അവരെ സന്ദർശിച്ച്‌ അൽബേ​നി​യൻ അക്ഷരങ്ങൾ ലാപ്‌ടോപ്‌ കമ്പ്യൂ​ട്ട​റു​ക​ളി​ലേക്കു പകർത്തു​ന്ന​തെ​ങ്ങ​നെ​യെന്ന്‌ അവരെ പഠിപ്പി​ച്ചു. അവർ ലഘു​ലേ​ഖ​ക​ളും വീക്ഷാ​ഗോ​പു​ര മാസി​ക​യും പരിഭാ​ഷ​പ്പെ​ടു​ത്തി​ക്കൊണ്ട്‌ തുടക്ക​മി​ട്ടു. അനുഭ​വ​പ​രി​ചയം നേടി​യ​ത​നു​സ​രിച്ച്‌ അവർ മൂല്യ​വ​ത്തായ മററു ബൈബിൾ പ്രസി​ദ്ധീ​ക​ര​ണങ്ങൾ പരിഭാഷ ചെയ്യു​ക​യാണ്‌. ഇപ്പോൾ ആ ചെറിയ രാജ്യത്ത്‌ (ജനസംഖ്യ 32,62,000) ഏതാണ്ട്‌ 200 സജീവ സാക്ഷികൾ ഉണ്ട്‌. കൂടാതെ, 1994-ൽ 1,984 പേർ സ്‌മാ​ര​ക​ത്തി​നു ഹാജരാ​വു​ക​യും ചെയ്‌തു.

നമു​ക്കെ​ല്ലാ​വർക്കും ഉത്തരവാ​ദി​ത്വ​മുണ്ട്‌

21. ഏതുതരം കാലഘ​ട്ട​ത്തി​ലാ​ണു നാം ജീവി​ക്കു​ന്നത്‌?

²¹ ലോക സംഭവങ്ങൾ അതിന്റെ പരിസ​മാ​പ്‌തി​യി​ലേക്കു നീങ്ങു​ക​യാണ്‌. ലോകം അരാജ​ക​ത്വ​ത്തി​ലേക്ക്‌, അനിയ​ന്ത്രി​താ​വ​സ്ഥ​യി​ലേക്കു നീങ്ങു​ന്ന​താ​യി തോന്നു​ന്നു. കാരണം, കുററ​കൃ​ത്യ​ത്തി​ലും അക്രമ​ത്തി​ലും വർധനവ്‌, പ്രാ​ദേ​ശിക യുദ്ധങ്ങ​ളി​ലെ കൂട്ട​ക്കൊ​ല​യും ബലാൽസം​ഗ​വും, കുത്തഴിഞ്ഞ ധാർമി​ക​ത​യും തദ്‌ഫ​ല​മാ​യു​ണ്ടാ​കുന്ന ലൈം​ഗി​ക​മാ​യി പകരുന്ന രോഗ​ങ്ങ​ളും, നിയമാ​നു​സൃ​ത​മായ അധികാ​രി​ക​ളോ​ടുള്ള അനാദ​രവ്‌ എന്നിങ്ങ​നെ​യുള്ള സംഭവ​വി​കാ​സ​ങ്ങ​ളാണ്‌ ഇവിടെ നടമാ​ടു​ന്നത്‌. ഉല്‌പത്തി പുസ്‌ത​ക​ത്തിൽ വിവരി​ച്ചി​രി​ക്കുന്ന ജലപ്ര​ള​യ​ത്തി​നു​മു​മ്പുള്ള കാലങ്ങൾക്കു സമാന​മായ ഒരു കാലയ​ള​വി​ലാ​ണു നാം ഇന്നു ജീവി​ക്കു​ന്നത്‌: “ഭൂമി​യിൽ മമനു​ഷ്യ​ന്റെ ദുഷ്ടത വലിയ​തെ​ന്നും അവന്റെ ഹൃദയ​വി​ചാ​ര​ങ്ങ​ളു​ടെ നിരൂ​പ​ണ​മൊ​ക്കെ​യും എല്ലായ്‌പോ​ഴും ദോഷ​മു​ള്ള​ത​ത്രേ എന്നും യഹോവ കണ്ടു. താൻ ഭൂമി​യിൽ മനുഷ്യ​നെ ഉണ്ടാക്കു​ക​കൊ​ണ്ടു യഹോവ അനുത​പി​ച്ചു; അതു അവന്റെ ഹൃദയ​ത്തി​ന്നു ദുഃഖ​മാ​യി.”—ഉല്‌പത്തി 6:5, 6; മത്തായി 24:37-39.

22. എല്ലാ യഹോ​വ​യു​ടെ സാക്ഷി​കൾക്കും എന്തു ക്രിസ്‌തീയ ഉത്തരവാ​ദി​ത്വ​മാ​ണു​ള്ളത്‌?

²² നോഹ​യു​ടെ​കാ​ല​ത്തേ​തു​പോ​ലെ​തന്നെ യഹോവ നടപടി സ്വീക​രി​ക്കും. എന്നാൽ അവന്റെ നീതി​യും സ്‌നേ​ഹ​വും നിമിത്തം സുവാർത്ത​യും മുന്നറി​യി​പ്പിൻ സന്ദേശ​വും മുമ്പേ മുഴു രാഷ്‌ട്ര​ങ്ങ​ളി​ലും പ്രസം​ഗി​ക്ക​പ്പെ​ടാൻ അവൻ ആഗ്രഹി​ക്കു​ന്നു. (മർക്കൊസ്‌ 13:10) ഈ കാര്യ​ത്തിൽ യഹോ​വ​യു​ടെ സാക്ഷി​കൾക്ക്‌ ഒരു ഉത്തരവാ​ദി​ത്വ​മുണ്ട്‌—ദൈവ​സ​മാ​ധാ​ന​ത്തി​നു യോഗ്യ​രാ​യ​വരെ കണ്ടെത്തി അവരെ സമാധാ​ന​ത്തി​നു​വേ​ണ്ടി​യുള്ള അവന്റെ വഴികൾ പഠിപ്പി​ക്കുക എന്നത്‌. ഉടൻതന്നെ, ദൈവ​ത്തി​ന്റെ നിശ്ചിത സമയത്തു പ്രസംഗ നിയോ​ഗം വിജയ​പ്ര​ദ​മായ രീതി​യിൽ പര്യവ​സാ​നി​ക്കും. “അപ്പോൾ അവസാനം വരും.”—മത്തായി 10:12, 13; 24:14; 28:19, 20.

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ ആധുനി​ക​കാ​ലത്തെ സാക്ഷി​കൾക്കു ശുശ്രൂ​ഷ​യിൽ എന്തു വിജയം കൈവ​ന്നി​രി​ക്കു​ന്നു?

◻ അനേക​രും ക്രിസ്‌തീയ സന്ദേശം തിരസ്‌ക​രി​ക്കു​ന്ന​തി​നു കാരണ​മെന്ത്‌?

◻ പ്രസം​ഗ​വേ​ല​യി​ലെ ഏത്‌ അപ്പോ​സ്‌ത​ലിക രീതി​യാ​ണു സാക്ഷികൾ ഉപയോ​ഗി​ക്കു​ന്നത്‌?

◻ ഫലപ്ര​ദ​മായ സാക്ഷീ​ക​ര​ണ​ത്തി​നു നമ്മുടെ പക്കൽ എന്തെല്ലാം ഉപകര​ണങ്ങൾ ലഭ്യമാണ്‌?

◻ മർക്കോസ്‌ 13:10-നോടുള്ള ചേർച്ച​യിൽ നാമെ​ല്ലാം എന്തു ചെയ്യേ​ണ്ട​തുണ്ട്‌?

[19-ാം പേജിലെ ചതുരം]

രാജ്യം സജീവ​സാ​ക്ഷി​കൾ 1943-ൽ 1993-ൽ

അർജൻറീന 374 1,02,043

ബ്രസീൽ 430 3,66,297

ചിലി 72 44,668

കൊളംബിയ ?? 60,854

ഫ്രാൻസ്‌ രണ്ടാം ലോക​യു​ദ്ധം—രേഖയില്ല 1,22,254

അയർലൻഡ്‌ 150? 4,224

ഇററലി രണ്ടാം ലോക​യു​ദ്ധം—രേഖയില്ല 2,01,440

മെക്‌സിക്കോ 1,565 3,80,201

പെറു പ്രവർത്ത​ന​ത്തി​ന്റെ രേഖയില്ല 45,363

ഫിലിപ്പീൻസ്‌ രണ്ടാം ലോക​യു​ദ്ധം—രേഖയില്ല 1,16,576

പോളണ്ട്‌ രണ്ടാം ലോക​യു​ദ്ധം—രേഖയില്ല 1,13,551

പോർച്ചുഗൽ പ്രവർത്ത​ന​ത്തി​ന്റെ രേഖയില്ല 41,842

സ്‌പെയിൻ പ്രവർത്ത​ന​ത്തി​ന്റെ രേഖയില്ല 97,595

ഉറുഗ്വെ 22 9,144

വെനെസ്വേല പ്രവർത്ത​ന​ത്തി​ന്റെ രേഖയില്ല 64,081

[17-ാം പേജിലെ ചിത്രം]

സ്‌പെയിൻപോലുള്ള അനേകം കത്തോ​ലി​ക്കാ രാജ്യ​ങ്ങ​ളിൽ യഹോ​വ​യു​ടെ സാക്ഷികൾ വർധി​ച്ചു​കൊ​ണ്ടി​രി​ക്കു​ന്നു

[18-ാം പേജിലെ ചിത്രം]

യഹോവയുടെ സാക്ഷികൾ ലോക​ത്തി​നു ചുററു​മുള്ള രാഷ്‌ട്ര​ങ്ങ​ളിൽ സജീവ​രാണ്‌