നിങ്ങൾ ക്ഷമിക്കു​ന്ന​വ​രാ​ണോ?

ബിൽ എന്നയാ​ളി​നു തന്റെ 16 വയസ്സു​കാ​രി മകൾ ലിസയു​മാ​യി ഒത്തു​പോ​കുക ബുദ്ധി​മു​ട്ടാ​യി. നിസ്സാ​ര​മായ അഭി​പ്രാ​യ​വ്യ​ത്യാ​സ​ങ്ങളേ അവർക്കി​ട​യിൽ ഉണ്ടായി​രു​ന്നു​ള്ളൂ. പക്ഷേ അതൊക്കെ വലിയ വാക്കേ​റ​റ​ങ്ങ​ളാ​യി മാറു​ക​യാ​യി​രു​ന്നു. അവസാനം അവളോട്‌ വീട്ടിൽനിന്ന്‌ ഇറങ്ങി​പ്പോ​കാൻ പറഞ്ഞു. അത്രക്കു രൂക്ഷമാ​യി അവർക്കി​ട​യി​ലെ പ്രശ്‌നം.a

കുറച്ചു നാളുകൾ കഴിഞ്ഞ്‌, തന്റെ ഭാഗത്താ​ണു തെറെ​റന്നു മനസ്സി​ലാ​ക്കി​യ​പ്പോൾ ലിസ പിതാ​വി​നോ​ടു മാപ്പ്‌ അപേക്ഷി​ച്ചു. എന്നാൽ ലിസയു​ടെ കഴിഞ്ഞ​കാല തെററു​കൾ ക്ഷമിക്കു​ന്ന​തി​നു​പ​കരം രമ്യത​യി​ലാ​കാ​നുള്ള അവളുടെ ശ്രമത്തെ ആ പിതാവ്‌ പകയോ​ടെ തള്ളി. ഒന്നാ​ലോ​ചി​ച്ചു നോക്കൂ! സ്വന്തം മകളോ​ടു കരുണ കാണി​ക്കാൻ അദ്ദേഹ​ത്തി​നു മനസ്സി​ല്ലാ​യി​രു​ന്നു!

നൂററാ​ണ്ടു​കൾക്കു മുമ്പ്‌, താൻ ചെയ്‌തി​ട്ടി​ല്ലാത്ത ഒരു കുററ​ത്തിന്‌ നിർദോ​ഷി​യായ ഒരു മനുഷ്യ​നെ വധിക്കാൻ വിധിച്ചു. സാക്ഷി​ക​ളൊ​ക്കെ​യും കള്ളസാ​ക്ഷ്യം കൊടു​ത്തു. രാഷ്‌ട്രീയ അധികാ​രി​കൾ ആ വശത്തേക്കു ശ്രദ്ധി​ച്ച​തേ​യില്ല. നീതി നടപ്പാ​ക്കാൻ അവർ മനഃപൂർവം വിസമ്മ​തി​ച്ചു. ആ നിഷ്‌ക​ള​ങ്ക​നായ മനുഷ്യൻ യേശു​ക്രി​സ്‌തു​വാ​യി​രു​ന്നു. മരിക്കു​ന്ന​തി​നു തൊട്ടു മുമ്പ്‌ അവൻ ദൈവ​ത്തോ​ടു പ്രാർഥ​നാ​പൂർവം യാചിച്ചു: “പിതാവേ, ഇവർ ചെയ്യു​ന്നതു ഇന്നതു എന്നു അറിയാ​യ്‌ക​കൊ​ണ്ടു ഇവരോ​ടു ക്ഷമി​ക്കേ​ണമേ.”—ലൂക്കൊസ്‌ 23:34.

യേശു ഹൃദയ​ത്തിൽനി​ന്നു സൗജന്യ​മാ​യി ക്ഷമിച്ചു. ഇക്കാര്യ​ത്തിൽ അവനെ അനുക​രി​ക്കാൻ അവന്റെ അനുഗാ​മി​ക​ളോട്‌ ആവശ്യ​പ്പെട്ടു. (എഫെസ്യർ 4:32) എങ്കിലും ബില്ലി​നെ​പ്പോ​ലെ നിഷ്‌കാ​രു​ണ്യം കാട്ടുന്ന അനേക​രുണ്ട്‌. ക്ഷമിക്കാൻ അവർക്കു മനസ്സില്ല. ഇക്കാര്യ​ത്തിൽ നിങ്ങൾ എവിടെ നില​കൊ​ള്ളു​ന്നു? മററു​ള്ളവർ നിങ്ങ​ളോ​ടു തെററു ചെയ്യു​മ്പോൾ അവരോ​ടു ക്ഷമിക്കാ​നുള്ള മനസ്സു​ണ്ടോ നിങ്ങൾക്ക്‌? ഗുരു​ത​ര​മായ തെററാ​ണെ​ങ്കി​ലോ? അതും ക്ഷമിക്ക​ണ​മോ?

ക്ഷമ ഒരു വെല്ലു​വി​ളി

ക്ഷമിക്കു​ക​യെ​ന്നത്‌ എല്ലായ്‌പോ​ഴും എളുപ്പമല്ല. ഈ പ്രയാ​സ​മേ​റിയ കാലത്ത്‌, മനുഷ്യ​ബ​ന്ധങ്ങൾ കൂടു​തൽക്കൂ​ടു​തൽ പ്രശ്‌ന​ങ്ങ​ളി​ല​ക​പ്പെ​ടു​ക​യാണ്‌. വിശേ​ഷി​ച്ചും കുടും​ബ​ജീ​വി​തം. പലവിധ ഞെരു​ക്ക​ങ്ങ​ളും സമ്മർദ​ങ്ങ​ളും കുന്നു​കൂ​ടു​ക​യാ​ണ​തിൽ. ഇതായി​രി​ക്കും “അന്ത്യകാല”ത്തെ സ്ഥിതി​വി​ശേ​ഷ​മെന്നു ക്രിസ്‌തീയ അപ്പോ​സ്‌ത​ല​നായ പൗലോസ്‌ വളരെ നാളു​കൾക്കു​മു​മ്പു​തന്നെ പ്രസ്‌താ​വി​ച്ചി​രു​ന്നു. അദ്ദേഹം പറഞ്ഞു: “മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും . . . സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി”രിക്കും.—2 തിമൊ​ഥെ​യൊസ്‌ 3:1-4.

അപ്പോൾ, മററു​ള്ള​വ​രോ​ടു ക്ഷമിക്കാ​നുള്ള നമ്മുടെ കഴിവി​നെ പരി​ശോ​ധി​ക്കുന്ന ബാഹ്യ​സ​മ്മർദങ്ങൾ നാമെ​ല്ലാം അഭിമു​ഖീ​ക​രി​ക്കേ​ണ്ടി​വ​രു​മെ​ന്നത്‌ ഒഴിച്ചു​കൂ​ടാ​നാ​വാത്ത സംഗതി​യാണ്‌. അതിലു​മു​പരി, ആന്തരിക സമ്മർദ​ങ്ങ​ളോ​ടും നാം പോരാ​ടു​ന്നു. “ഞാൻ ചെയ്‌വാൻ ഇച്ഛിക്കുന്ന നൻമ ചെയ്യു​ന്നി​ല്ല​ല്ലോ; ഇച്ഛിക്കാത്ത തിൻമ​യ​ത്രേ പ്രവർത്തി​ക്കു​ന്നതു. ഞാൻ ഇച്ഛിക്കാ​ത്ത​തി​നെ ചെയ്യുന്നു എങ്കിലോ അതിനെ പ്രവർത്തി​ക്കു​ന്നതു ഞാനല്ല എന്നിൽ വസിക്കുന്ന പാപമ​ത്രേ” എന്ന്‌ പൗലോസ്‌ വിലപി​ക്കു​ക​യു​ണ്ടാ​യി. (റോമർ 7:19, 20) തത്‌ഫ​ല​മാ​യി, നമ്മൾ ആഗ്രഹി​ക്കു​ന്നത്ര ക്ഷമിക്കു​ന്ന​വ​രാ​കാൻ നമുക്കാ​വു​ന്നില്ല. എന്തൊ​ക്കെ​യാ​യാ​ലും, അവകാ​ശ​പ്പെ​ടു​ത്തിയ അപൂർണ​ത​യും പാപവും നമ്മുടെ എല്ലാവ​രു​ടെ​യും​മേൽ ശക്തമായ സ്വാധീ​നം ചെലു​ത്തു​ന്നുണ്ട്‌. അതു ചില​പ്പോ​ഴൊ​ക്കെ സഹമനു​ഷ്യ​രോ​ടുള്ള അനുക​മ്പ​യെ​യും അപഹരി​ക്കു​ന്നു.

നിസ്സാര തെററു​കു​റ​റങ്ങൾ ക്ഷമിക്ക​ണ​മെന്നു പറഞ്ഞ​പ്പോൾ ഒരു സ്‌ത്രീ​യു​ടെ പ്രതി​ക​രണം ഇങ്ങനെ​യാ​യി​രു​ന്നു: “ക്ഷമിക്കാ​നാ​വ​ശ്യ​മായ ശ്രമത്തി​നു​തക്ക വില​യൊ​ന്നും ആർക്കു​മില്ല.” പുറമേ നോക്കു​മ്പോൾ അത്തരം ഒരു അഭി​പ്രാ​യം നിർവി​കാ​ര​വും മരവി​ച്ച​തും ദോ​ഷൈ​ക​ദൃ​ഷ്ടി​യു​ള്ള​തു​പോ​ലും ആണെന്നു തോന്നി​യേ​ക്കാം. എങ്കിലും ആഴത്തിൽ നോക്കു​മ്പോൾ, സ്വാർഥ​രു​ടെ​യും ശ്രദ്ധയി​ല്ലാ​ത്ത​വ​രു​ടെ​യും പകയു​ള്ള​വ​രു​ടെ​യും ലോകത്തെ അഭിമു​ഖീ​ക​രി​ക്കു​മ്പോൾ ആളുകൾക്ക്‌ അനുഭ​വ​പ്പെ​ടുന്ന ആശാഭം​ഗ​ത്തെ​യാണ്‌ അതു വെളി​പ്പെ​ടു​ത്തു​ന്ന​തെന്നു കാണാം. “ആളുക​ളോ​ടു ക്ഷമിക്കു​മ്പോൾ അവർ നിങ്ങളെ മുത​ലെ​ടു​ക്കാൻ ശ്രമി​ക്കും. പിന്നെ അവർ തോള​ത്താ​വും ചവുട്ടി​നിൽക്കുക” എന്നാണ്‌ വേറൊ​രാൾ പറഞ്ഞത്‌.

അപ്പോൾ, ക്ഷമിക്കാ​നുള്ള ഒരു മനോ​ഭാ​വം നട്ടുവ​ളർത്തു​ക​യെ​ന്നത്‌ ഈ അന്ത്യനാ​ളു​ക​ളിൽ പ്രയാ​സ​ക​ര​മാ​യി​രി​ക്കു​ന്ന​തിൽ ഒട്ടും അതിശ​യി​ക്കാ​നില്ല. എന്നാലും, ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നതു ദയാപൂർവം ക്ഷമിക്കാ​നാണ്‌. (താരത​മ്യം ചെയ്യുക: 2 കൊരി​ന്ത്യർ 2:7.) നാം ക്ഷമിക്കു​ന്ന​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

[അടിക്കു​റിപ്പ്‌]