ഏകാന്തത നിങ്ങളു​ടെ ജീവി​തത്തെ കാർന്നു​തി​ന്നാൻ അനുവ​ദി​ക്ക​രുത്‌

ഏകാന്ത​ത​യ്‌ക്ക്‌ പ്രായ​മാ​യ​വ​രു​ടെ​യും ചെറു​പ്പ​ക്കാ​രു​ടെ​യും ജീവി​തത്തെ ഒരു​പോ​ലെ കാർന്നു​തി​ന്നാൻ കഴിയും. “ഹൃദയ​ത്തിൻമേൽ അമർന്നി​രി​ക്കുന്ന ഒരു കല്ലു​പോ​ലെ​യാണ്‌ ഏകാന്തത. . . . ഏകാന്തത നമ്മിൽ ശൂന്യ​താ​ബോ​ധ​വും നിരാ​ശ​യും ജനിപ്പി​ക്കു​ന്നു. അമ്മയി​ല്ലാത്ത കുട്ടി​യെ​പ്പോ​ലെ​യും വളരെ വിശാ​ല​മായ, യാതൊ​രു കരുത​ലു​മി​ല്ലാത്ത ലോക​ത്തിൽ കൂട്ടം വിട്ടു​പോയ ആടി​നെ​പ്പോ​ലെ​യും ഉള്ള തോന്നൽ ഏകാന്തത നമ്മിൽ ഉളവാ​ക്കു​ന്നു” എന്ന്‌ റെഡ്‌ബുക്ക്‌ എന്ന മാഗസി​നിൽ എഴുത്തു​കാ​ര​നായ ജൂഡിത്ത്‌ വ്യോ​ഴ്‌സ്‌ററ്‌ പറയുന്നു.—സെപ്‌റ​റം​ബർ 1991.

സുഹൃ​ത്തു​ക്ക​ളിൽനി​ന്നുള്ള വേർപാട്‌, അപരി​ചി​ത​മായ ചുററു​പാ​ടു​കൾ, വിവാ​ഹ​മോ​ചനം, മരണവി​യോ​ഗം അല്ലെങ്കിൽ ആശയവി​നി​മ​യ​ത്തി​ലു​ണ്ടാ​കുന്ന വിഘ്‌നം എന്നിങ്ങനെ പലകാ​ര്യ​ങ്ങ​ളും നിങ്ങളിൽ ഏകാന്തത ഉളവാ​ക്കു​ന്നു. മററു​ള്ള​വ​രു​ടെ മധ്യേ​പോ​ലും ചിലർ കഠിന​മായ ഏകാന്തത അനുഭ​വി​ക്കു​ന്ന​വ​രാണ്‌.

നിങ്ങൾക്ക്‌ എന്തു ചെയ്യാൻ കഴിയും?

ഏകാന്തത നിങ്ങളെ ബാധി​ക്കു​മ്പോൾ നിങ്ങൾ കേവലം നിസ്സഹാ​യ​നാ​യി നില​കൊ​ള്ള​ണ​മോ? നിങ്ങളെ പടിപ​ടി​യാ​യി നശിപ്പി​ക്കു​ന്ന​തിൽനിന്ന്‌ അല്ലെങ്കിൽ ജീവി​ക്കു​ന്ന​തി​നുള്ള നിങ്ങളു​ടെ അഭിലാ​ഷത്തെ വററി​ച്ചു​ക​ള​യു​ന്ന​തിൽനിന്ന്‌ ഏകാന്ത​തയെ തടഞ്ഞു​നിർത്താൻ നിങ്ങൾക്ക്‌ എന്തെങ്കി​ലും ചെയ്യാ​നാ​കു​മോ? തീർച്ച​യാ​യും നിങ്ങൾക്ക​തി​നു കഴിയും. സഹായ​ക​മായ അനേകം ഉപദേ​ശങ്ങൾ ലഭ്യമാണ്‌. കൂടാതെ, അനേകം നല്ല ബുദ്ധ്യു​പ​ദേ​ശങ്ങൾ ദൈവ​വ​ച​ന​മായ ബൈബി​ളിൽ നൽകി​യി​രി​ക്കു​ന്നു. ഏകാന്ത​ത​യോ​ടു പൊരു​തു​ന്ന​തിന്‌ നിങ്ങൾക്ക്‌ ആവശ്യ​മാ​യി​രി​ക്കു​ന്നത്‌ അത്തരം പ്രോ​ത്സാ​ഹനം മാത്ര​മാ​യി​രി​ക്കാം.—മത്തായി 11:28, 29.

ദൃഷ്ടാ​ന്ത​ത്തിന്‌, ഏതാണ്ട്‌ 3,000 വർഷത്തി​നു​മുമ്പ്‌ മധ്യപൂർവ​ദേ​ശത്തു ജീവി​ച്ചി​രുന്ന രൂത്ത്‌ എന്ന യുവതി​യെ​ക്കു​റി​ച്ചു വായി​ക്കു​ന്നത്‌ ആശ്വാ​സ​ക​ര​മാ​യി നിങ്ങൾക്കു തോന്നി​യേ​ക്കാം. അവൾക്ക്‌ ഏകാന്തത അനുഭ​വ​പ്പെ​ടു​ന്ന​തി​നുള്ള എല്ലാ സാധ്യ​ത​യു​മു​ണ്ടാ​യി​രു​ന്നു. അവളുടെ ഭർത്താവ്‌ മരിച്ച​പ്പോൾ അപരി​ചി​ത​മായ ചുററു​പാ​ടു​ക​ളിൽ താമസി​ക്കു​ന്ന​തിന്‌ അവൾ അമ്മായി​യ​മ്മ​യോ​ടൊ​പ്പം ഇറങ്ങി​ത്തി​രി​ച്ചു. (രൂത്ത്‌ 2:11) അവൾ തന്റെ കുടും​ബാം​ഗ​ങ്ങ​ളിൽനി​ന്നും സുഹൃ​ത്തു​ക്ക​ളിൽനി​ന്നും ഒററ​പ്പെട്ട്‌ ഒരു അന്യ​ദേ​ശത്ത്‌ പരദേ​ശി​യെ​പ്പോ​ലെ കഴിയു​ക​യാ​യി​രു​ന്നു. എങ്കിൽപ്പോ​ലും ഏകാന്ത​ത​യു​ടെ പിടി​യി​ലാ​കാൻ അവൾ അനുവ​ദി​ച്ച​താ​യി ബൈബി​ളിൽ യാതൊ​രു സൂചന​യു​മില്ല. അവളുടെ കഥ നിങ്ങൾക്ക്‌ രൂത്ത്‌ എന്ന ബൈബിൾ പുസ്‌ത​ക​ത്തിൽ വായി​ക്കാൻ കഴിയും.

രൂത്തി​നെ​പ്പോ​ലെ ഒരു ക്രിയാ​ത്മക വീക്ഷണം നിങ്ങൾക്കു​ണ്ടാ​യി​രി​ക്കണം. കാര്യാ​ദി​ക​ളെ​ക്കു​റി​ച്ചും സംഭവ​ങ്ങ​ളെ​ക്കു​റി​ച്ചും നിങ്ങൾ ചിന്തി​ക്കുന്ന വിധത്തിന്‌ ഏകാന്ത​തയെ ഊട്ടി​വ​ളർത്താൻ കഴിയും. ശക്തിക്ഷയം വരുത്തുന്ന ഒരു രോഗ​ത്തി​നി​ര​യായ തന്റെ പിതാ​വി​നെ നാലു വർഷം പരിര​ക്ഷിച്ച ആൻ ഇതു നേരാ​ണെന്നു തെളി​യി​ക്കു​ന്നു. അദ്ദേഹം മരിച്ച​ശേഷം അവൾക്ക്‌ അത്യധി​കം ഏകാന്തത അനുഭ​വ​പ്പെട്ടു. “ശൂന്യ​സ്ഥ​ലത്തു നിൽക്കു​ന്ന​പോ​ലെ, ഒന്നിനും കൊള്ളാ​ത്തവൾ ആയിരി​ക്കു​ന്ന​തു​പോ​ലെ—ആർക്കും മേലാൽ എന്നെ വേണ്ടാ​ത്ത​പോ​ലെ—എനിക്ക്‌ അനുഭ​വ​പ്പെട്ടു എന്ന്‌ അവൾ പറയുന്നു. “എന്നാൽ എന്റെ ജീവി​ത​ഗ​തിക്ക്‌ ഇപ്പോൾ മാററം വന്നിരി​ക്കു​ന്നു. ആ വസ്‌തു​തയെ ഞാൻ അഭിമു​ഖീ​ക​രി​ച്ചു. എനിക്കി​പ്പോൾ ലഭ്യമാ​യി​ട്ടുള്ള എല്ലാ അവസര​ങ്ങ​ളും ഏററവും മെച്ചമായ രീതി​യിൽ ഉപയോ​ഗി​ച്ചാൽ മാത്രമേ ഏകാന്ത​ത​യോ​ടു പൊരു​താ​നാ​വൂ എന്ന്‌ എനിക്കു ബോധ്യ​മാ​യി.” ചില​പ്പോ​ഴൊ​ക്കെ സാഹച​ര്യ​ങ്ങളെ മാററാൻ നിങ്ങൾക്കു കഴി​ഞ്ഞെ​ന്നു​വ​രില്ല. എന്നാൽ അവ സംബന്ധിച്ച മനോ​ഭാ​വ​ത്തിൽ ഒരുപക്ഷേ മാററം വരുത്താൻ നിങ്ങൾക്കു കഴി​ഞ്ഞേ​ക്കും.

ഫലപ്ര​ദ​മാ​യ പ്രവർത്ത​ന​ത്തിൽ തിരക്കു​ള്ള​വ​രാ​യി​രി​ക്കു​ന്നത്‌ സഹായ​ക​മാ​ണെ​ങ്കി​ലും ഏകാന്ത​ത​യോ​ടു പൊരു​തു​ന്ന​തി​നുള്ള മാർഗം അതു മാത്രമല്ല. വിവാഹം കഴിഞ്ഞ്‌ വെറും ആറു മാസങ്ങൾക്കു​ശേഷം വിധവ​യാ​യി​ത്തീർന്ന ഐറീൻ തന്റെ കാര്യ​ത്തിൽ ഈ സംഗതി ശരിയാ​ണെന്നു കണ്ടെത്തി. “ഒട്ടും തിരക്കി​ല്ലാ​തി​രു​ന്ന​പ്പോൾ ഏകാന്തത എന്നെ ഭരിച്ചു. അതു​കൊണ്ട്‌ മററു​ള്ള​വ​രു​മാ​യി ഇടപഴ​കു​ന്ന​തി​ലും അവരുടെ പ്രശ്‌നങ്ങൾ പരിഹ​രി​ക്കാൻ അവരെ സഹായി​ക്കു​ന്ന​തി​ലും ഞാൻ ശ്രദ്ധ കേന്ദ്രീ​ക​രി​ച്ചു” എന്ന്‌ അവൾ പറയുന്നു. മററു​ള്ള​വരെ സഹായി​ക്കു​ന്നത്‌ സന്തുഷ്ടി കൈവ​രു​ത്തു​ന്നു, ഏകാന്ത​രായ ക്രിസ്‌ത്യാ​നി​കൾക്ക്‌ കർത്താ​വി​ന്റെ വേലയിൽ ധാരാളം ചെയ്യാ​നുണ്ട്‌.—പ്രവൃ​ത്തി​കൾ 20:35; 1 കൊരി​ന്ത്യർ 15:58.

സഹായി​ക്കാൻ സുഹൃ​ത്തു​ക്കളെ അനുവ​ദി​ക്കു​ക

“സുഹൃ​ത്തു​ക്ക​ളി​ല്ലാ​യ്‌മ​യു​ടെ മുറി​വു​ക​ളാൽ” വേദന അനുഭ​വി​ക്കു​ന്ന​വ​രാ​യി ഏകാന്ത​രായ കുട്ടി​കളെ ദ ന്യൂ​യോർക്ക്‌ ടൈംസ്‌ മാഗസിൻ വർണി​ക്കു​ന്നു. (ഏപ്രിൽ 28, 1991) ചെറു​പ്പ​ക്കാ​രും പ്രായം​ചെ​ന്ന​വ​രു​മായ അനേകം ഏകാന്തർ സുഹൃ​ത്തു​ക്ക​ളി​ല്ലായ്‌മ അനുഭ​വി​ക്കു​ന്നു. അതു​കൊണ്ട്‌, കരുത​ലുള്ള ക്രിസ്‌തീയ സഭ പ്രദാ​നം​ചെ​യ്യുന്ന യഥാർഥ സുഹൃ​ദ്‌ബന്ധം ഉണ്ടായി​രി​ക്കുക എന്നത്‌ ഒരു യഥാർഥ നേട്ടമാണ്‌. സഭക്കു​ള്ളി​ലെ സുഹൃ​ദ്‌വ​ലയം വലുതാ​ക്കാൻ കഠിനാ​ധ്വാ​നം ചെയ്യുക. അവർക്കു കഴിയുന്ന രീതി​യി​ലൊ​ക്കെ നിങ്ങളെ സഹായി​ക്കാൻ അവരെ അനുവ​ദി​ക്കുക. സുഹൃ​ത്തു​ക്ക​ളെ​ക്കൊ​ണ്ടുള്ള ഒരു ഉപയോ​ഗം അതാണ്‌—പ്രയാ​സ​ക​ര​മായ സമയങ്ങ​ളിൽ പിന്തുണ നൽകുക.—സദൃശ​വാ​ക്യ​ങ്ങൾ 17:17; 18:24.

വൈകാ​രി​ക വേദന​യു​ടെ ഫലമായി നിങ്ങളെ സഹായി​ക്കു​ന്നതു സുഹൃ​ത്തു​ക്കൾക്കു നിങ്ങൾ യഥാർഥ​ത്തിൽ ദുഷ്‌ക​ര​മാ​ക്കി​ത്തീർത്തേ​ക്കാ​മെന്നു പ്രത്യേ​കം മനസ്സിൽ പിടി​ക്കുക. എങ്ങനെ? “ചർച്ചക​ളിൽ കുത്തകാ​വ​കാ​ശം സ്ഥാപി​ക്കു​ക​യോ അസഹ്യ​മോ അനുചി​ത​മോ ആയ സംഗതി​കൾ പറയു​ക​യോ ചെയ്‌തു​കൊണ്ട്‌ ഏകാന്ത​രായ ചിലർ . . . സുഹൃ​ത്തു​ക്ക​ളാ​യി​ത്തീ​രാൻ സാധ്യ​ത​യു​ള്ള​വരെ തടുക്കു​ന്നു” എന്ന്‌ എഴുത്തു​കാ​ര​നായ ജഫ്‌റി യങ്‌ വിശദീ​ക​രി​ക്കു​ന്നു: “സ്ഥിരമാ​യി ഏകാന്തത അനുഭ​വി​ക്കു​ന്നവർ ഒരു തരത്തിൽ അല്ലെങ്കിൽ മറെറാ​രു തരത്തിൽ ഉററബ​ന്ധ​ങ്ങളെ താറു​മാ​റാ​ക്കു​ന്നു.”—യു.എസ്‌.ന്യൂസ്‌ & വേൾഡ്‌ റിപ്പോർട്ട്‌, സെപ്‌റ​റം​ബർ 17, 1984.

ചില​പ്പോ​ഴൊ​ക്കെ, മററു​ള്ള​വ​രിൽനിന്ന്‌ നിങ്ങ​ളെ​തന്നെ ഒററ​പ്പെ​ടു​ത്തി​ക്കൊണ്ട്‌ നിങ്ങൾ കാര്യങ്ങൾ കൂടുതൽ വഷളാ​ക്കി​യേ​ക്കാം. 50-കളിൽ ജീവി​ക്കുന്ന പീററർ എന്ന വ്യക്തി അങ്ങനെ ചെയ്‌തു. ഭാര്യ​യു​ടെ മരണ​ശേഷം അദ്ദേഹം മററു​ള്ള​വ​രിൽനിന്ന്‌ അകന്നു​നിൽക്കാൻ തുടങ്ങി. എന്നാൽ ഉള്ളിന്റെ ഉള്ളിൽ അദ്ദേഹം അവരുടെ സഹായം ആഗ്രഹി​ച്ചു. “കുറച്ചു ദിവസ​ത്തേ​യ്‌ക്ക്‌ മററു​ള്ള​വ​രു​ടെ സഹവാസം ഞാൻ ഇഷ്ടപ്പെ​ട്ടില്ല. കാല​ക്ര​മേണ മററു​ള്ള​വ​രിൽനിന്ന്‌ എന്നെതന്നെ ഒററ​പ്പെ​ടു​ത്തി​ക്കൊ​ണ്ടു ഞാൻ വളരെ ദൂരം പിന്നി​ട്ട​താ​യി തിരി​ച്ച​റി​ഞ്ഞു.” ഇത്‌ അപകട​ക​ര​മാണ്‌. ഏകാന്ത​ത​യു​ടെ നിമി​ഷങ്ങൾ ചില​പ്പോ​ഴൊ​ക്കെ പ്രയോ​ജ​ന​പ്ര​ദ​മാ​ണെ​ങ്കി​ലും ഒററ​പ്പെ​ടു​ത്തു​ന്നത്‌ ദ്രോ​ഹ​ക​ര​മാണ്‌. (സദൃശ​വാ​ക്യ​ങ്ങൾ 18:1) പീററർ അതു തിരി​ച്ച​റി​ഞ്ഞു. “ഒടുവിൽ ഞാൻ അതു തരണം ചെയ്‌തു. എന്റെ സാഹച​ര്യ​ത്തെ ധൈര്യ​സ​മേതം നേരിട്ടു. എന്റെ സുഹൃ​ത്തു​ക്ക​ളു​ടെ സഹായ​ത്തോ​ടെ എന്റെ ജീവി​തത്തെ പുനർനിർമി​ക്കു​ന്ന​തി​നു കഴിഞ്ഞു” എന്ന്‌ പീററർ പറയുന്നു.

മററു​ള്ള​വർ സഹായി​ക്കാൻ ബാധ്യ​സ്ഥ​രാണ്‌ എന്നു നിരൂ​പി​ക്ക​രുത്‌. അധികാ​ര​പൂർവം ആവശ്യ​പ്പെ​ടാ​തി​രി​ക്കുക. ഏതു ദയാ​പ്ര​വൃ​ത്തി​ക​ളും സസന്തോ​ഷം സ്വീക​രി​ക്കുക. അതിനു വിലമ​തി​പ്പും പ്രകട​മാ​ക്കുക. കൂടാതെ, സദൃശ​വാ​ക്യ​ങ്ങൾ 25:17-ൽ കാണുന്ന ഈ നല്ല ബുദ്ധ്യു​പ​ദേ​ശ​വും മനസ്സിൽ പിടി​ക്കുക: “കൂട്ടു​കാ​രൻ നിന്നെ മടുത്തു നിന്നെ വെറു​ക്കാ​തെ​യി​രി​ക്കേ​ണ്ട​തി​ന്നു അവന്റെ വീട്ടിൽ കൂടക്കൂ​ടെ ചെല്ലരു​തു.” 35 വർഷത്തെ വിവാഹ ജീവി​ത​ത്തി​നു​ശേഷം ഭർത്താവു മരിച്ചു​പോയ ഫ്രാൻസസ്‌ അത്തരം മുന്നറി​യി​പ്പു​കൾ പ്രധാ​ന​മാ​ണെന്നു കരുതു​ന്നു. “ന്യായ​മായ പ്രതീ​ക്ഷ​കളേ പാടുള്ളൂ. മററു​ള്ള​വ​രിൽനി​ന്നു കൂടുതൽ ആവശ്യ​പ്പെ​ടാ​തി​രി​ക്കുക. സഹായം ആവശ്യ​പ്പെ​ട്ടു​കൊ​ണ്ടു മററു​ള്ള​വ​രു​ടെ വീട്ടിൽ കാവൽകി​ട​ക്കാ​തി​രി​ക്കുക” എന്ന്‌ അവൾ പറയുന്നു.

യഹോവ കരുതു​ന്നു

ചില​പ്പോ​ഴൊ​ക്കെ മാനവ സുഹൃ​ത്തു​ക്കൾ നിരാ​ശ​പ്പെ​ടു​ത്തു​മ്പോ​ഴും നിങ്ങളു​ടെ സുഹൃ​ത്താ​യി യഹോവ ഉണ്ട്‌. അവൻ നിങ്ങ​ളെ​ക്കു​റി​ച്ചു കരുത​ലു​ള്ള​വ​നാണ്‌ എന്നതിൽ ഉറപ്പു​ള്ള​വ​രാ​യി​രി​ക്കുക. അവനിൽ ശക്തമായ വിശ്വാ​സം അർപ്പി​ക്കുക. സംരക്ഷ​ണ​പൂർവ​ക​മായ അവന്റെ കരുത​ലിൽ നിരന്തരം ആശ്രയം വെക്കുക. (സങ്കീർത്തനം 27:10; 91:1, 2; സദൃശ​വാ​ക്യ​ങ്ങൾ 3:5, 6) മോവാ​ബ്യ സ്‌ത്രീ​യായ രൂത്ത്‌ അപ്രകാ​രം ചെയ്‌തു. സമൃദ്ധ​മാ​യി അനു​ഗ്ര​ഹി​ക്ക​പ്പെ​ടു​ക​യും ചെയ്‌തു. എന്തിന്‌, അവൾ യേശു​ക്രി​സ്‌തു​വി​ന്റെ പൂർവ​മാ​താ​വു​പോ​ലും ആയിത്തീർന്നു!—രൂത്ത്‌ 2:12; 4:17; മത്തായി 1:5, 16.

യഹോ​വ​യോ​ടു നിരന്തരം പ്രാർഥി​ച്ചു​കൊ​ണ്ടി​രി​ക്കുക. (സങ്കീർത്തനം 34:4; 62:7, 8) ഏകാന്ത​തയെ തരണം ചെയ്യു​ന്ന​തിന്‌ പ്രാർഥന ബലത്തിന്റെ ഒരു വലിയ ഉറവായി മാർഗ​ര​ററ്‌ കണ്ടെത്തി. ഭർത്താവ്‌ മരിക്കു​ന്ന​തു​വരെ അവൾ അദ്ദേഹ​ത്തോ​ടൊ​പ്പം മുഴു​സമയ ശുശ്രൂ​ഷ​യിൽ പങ്കുപ​ററി. യുവ​പ്രാ​യ​ത്തിൽതന്നെ അദ്ദേഹം മരിച്ചു. “യഹോ​വ​യോട്‌ ഉറക്കെ പ്രാർഥി​ച്ചു​കൊണ്ട്‌ എന്റെ ആധിക​ളും വ്യഥക​ളും അങ്ങനെ എല്ലാ കാര്യ​ങ്ങ​ളും പറയു​ന്നത്‌ വളരെ സഹായ​ക​ര​മെന്നു ഞാൻ കണ്ടെത്തി” എന്ന്‌ അവൾ പറയുന്നു. “ഏകാന്തത ബാധി​ച്ച​പ്പോൾ ശരിയായ വീക്ഷണ​ത്തോ​ടെ കാര്യങ്ങൾ ചെയ്‌തു​തീർക്കു​ന്ന​തിന്‌ അതെന്നെ സഹായി​ച്ചു. കൂടാതെ, യഹോവ എന്റെ പ്രാർഥ​ന​കൾക്ക്‌ ഉത്തരം നൽകി​യത്‌ എനിക്ക്‌ ആത്മവി​ശ്വാ​സം പകർന്നു.” അപ്പോ​സ്‌ത​ല​നായ പത്രോ​സി​ന്റെ ഉപദേശം പിൻപ​റ​റു​ന്ന​തിൽനിന്ന്‌ അവൾ വളരെ പ്രയോ​ജനം അനുഭ​വി​ക്കു​ന്നു: “അതു​കൊ​ണ്ടു അവൻ തക്കസമ​യത്തു നിങ്ങളെ ഉയർത്തു​വാൻ ദൈവ​ത്തി​ന്റെ ബലമുള്ള കൈക്കീ​ഴു താണി​രി​പ്പിൻ. അവൻ നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ.”—1 പത്രൊസ്‌ 5:6, 7; സങ്കീർത്തനം 55:22.

ഏകാന്ത​രാ​യ ആളുകൾക്കു മിക്ക​പ്പോ​ഴും നഷ്ടമാ​കുന്ന ഒന്ന്‌—ആത്മാഭി​മാ​നം—വീണ്ടെ​ടു​ക്കാൻ യഹോ​വ​യു​മാ​യുള്ള ഒരു നല്ല ബന്ധം നിങ്ങളെ സഹായി​ക്കും. ഭർത്താവ്‌ കാൻസർ മൂലം മരിച്ച​പ്പോൾ ഉണ്ടായ “താഴ്‌ന്ന ആത്മാഭി​മാ​ന​ത്തെ​യും ഒന്നിനും കൊള്ളുകയില്ല എന്ന തോന്ന​ലി​നെ​യും” കുറിച്ച്‌ പത്ര​പ്ര​വർത്ത​ക​യായ ജനററ്‌ കൂപ്‌ഫർമാൻ എഴുതി. “ഒന്നിനും കൊള്ളില്ല എന്ന ഈ ബോധ​മാണ്‌ അനേകം വിധവ​ക​ളെ​യും ആത്മഹത്യ​യു​ടെ വക്കോ​ള​മെ​ത്തി​ക്കുന്ന വിഷാ​ദ​ത്തി​ലാ​ഴ്‌ത്തു​ന്നത്‌.”

യഹോവ നിങ്ങളെ വിലയു​ള്ള​വ​രാ​യി എണ്ണുന്നു​വെന്ന്‌ ഓർക്കുക. നിങ്ങളെ ഒന്നിനും കൊള്ളു​ക​യി​ല്ലെന്ന്‌ അവൻ വിചാ​രി​ക്കു​ന്നില്ല. (യോഹ​ന്നാൻ 3:16) കഴിഞ്ഞ​കാ​ല​ങ്ങ​ളിൽ ദൈവം തന്റെ ജനമായ ഇസ്രാ​യേ​ല്യ​രെ പിന്തു​ണ​ച്ച​പോ​ലെ നിങ്ങ​ളെ​യും പിന്തു​ണ​ക്കും. അവൻ അവരോ​ടു പറഞ്ഞു: “ഞാൻ നിന്നെ നിരസി​ച്ചു​ക​ള​യാ​തെ തിര​ഞ്ഞെ​ടു​ത്തി​രി​ക്കു​ന്നു . . . നീ ഭയപ്പെ​ടേണ്ടാ; ഞാൻ നിന്നോ​ടു​കൂ​ടെ ഉണ്ടു; ഭ്രമി​ച്ചു​നോ​ക്കേണ്ട, ഞാൻ നിന്റെ ദൈവം ആകുന്നു; ഞാൻ നിന്നെ ശക്തീക​രി​ക്കും; ഞാൻ നിന്നെ സഹായി​ക്കും; എന്റെ നീതി​യുള്ള വല​ങ്കൈ​കൊ​ണ്ടു ഞാൻ നിന്നെ താങ്ങും.”—യെശയ്യാ​വു 41:9, 10.

ദൈവത്തെ പഴിക്ക​രുത്‌

എല്ലാറ​റി​നു​മു​പരി, നിങ്ങളു​ടെ ഏകാന്ത​ത​യ്‌ക്കു കാരണ​മാ​യി ദൈവത്തെ പഴിക്ക​രുത്‌. യഹോവ അതിന്‌ ഉത്തരവാ​ദി​യല്ല. നിങ്ങളും സകല മാനവ​ജാ​തി​യും നല്ലതും സംതൃ​പ്‌തി പകരു​ന്ന​തു​മായ സുഹൃ​ദ്‌ബന്ധം ആസ്വദി​ക്കുക എന്നതാണ്‌ അവന്റെ എന്നത്തേ​യും ഉദ്ദേശ്യം. ദൈവം ആദാമി​നെ സൃഷ്‌ടി​ച്ച​പ്പോൾ അവൻ പറഞ്ഞു: “മനുഷ്യൻ ഏകനായി തുടരു​ന്നത്‌ നന്നല്ല. ഞാൻ അവന്റെ ഒരു പൂരക​മാ​യി അവനു​വേണ്ടി ഒരു സഹായി​യെ നിർമി​ക്കാൻ പോകു​ക​യാണ്‌.” (ഉൽപ്പത്തി 2:18, NW) ആദ്യ സ്‌ത്രീ​യായ ഹവ്വായെ സൃഷ്ടി​ച്ച​പ്പോൾ ദൈവം അതുത​ന്നെ​യാ​ണു ചെയ്‌തത്‌. സാത്താന്യ മത്സരമി​ല്ലാ​യി​രു​ന്നെ​ങ്കിൽ പുരു​ഷ​നും സ്‌ത്രീ​യും അവർ ഉത്‌പാ​ദി​പ്പിച്ച കുടും​ബ​ങ്ങ​ളും ഒരിക്ക​ലും ഏകാന്തത അനുഭ​വി​ക്കു​ക​യി​ല്ലാ​യി​രു​ന്നു.

യഹോവ താത്‌ക്കാ​ലി​ക​മാ​യി ദുഷ്ടത അനുവ​ദി​ച്ചത്‌ ഏകാന്തത വർധി​ക്കു​ന്ന​തി​നും മററു കഷ്ടപ്പാ​ടു​കൾ ഉണ്ടാകു​ന്ന​തി​നും കാരണ​മാ​യി. എന്നാൽ ഇതു താത്‌ക്കാ​ലി​ക​മാ​ണെന്നു വ്യക്തമാ​യി മനസ്സിൽ പിടി​ക്കുക. ദൈവം തന്റെ നീതി​യുള്ള പുതിയ ലോക​ത്തിൽ നിങ്ങൾക്കു വേണ്ടി ചെയ്യാൻപോ​കു​ന്ന​തി​ന്റെ വെളി​ച്ച​ത്തിൽ വീക്ഷി​ക്കു​മ്പോൾ ഏകാന്ത​ത​യെന്ന പരി​ശോ​ധന വളരെ ലഘുവാ​യി തോന്നും. എന്നാൽ അതുവ​രേക്ക്‌ അവൻ നിങ്ങളെ പിന്തു​ണ​ക്കു​ക​യും സാന്ത്വ​നി​പ്പി​ക്കു​ക​യും ചെയ്യും.—സങ്കീർത്തനം 18:2; ഫിലി​പ്പി​യർ 4:6, 7.

ഇത്‌ അറിയു​ന്നതു നിങ്ങളെ ശക്തരാ​ക്കും. നേരത്തേ സൂചി​പ്പിച്ച ഫ്രാൻസസ്‌ വിധവ​യാ​യി​ത്തീർന്ന​പ്പോൾ അവൾ സങ്കീർത്തനം 4:8-ൽ വളരെ​യ​ധി​കം ആശ്വാസം കണ്ടെത്തി, പ്രത്യേ​കി​ച്ചും രാത്രി​യിൽ: “ഞാൻ സമാധാ​ന​ത്തോ​ടെ കിടന്നു​റ​ങ്ങും; നീയല്ലോ യഹോവേ, എന്നെ നിർഭയം വസിക്കു​മാ​റാ​ക്കു​ന്നതു.” സങ്കീർത്ത​ന​ങ്ങ​ളിൽ കാണുന്ന അത്തരം വികാ​ര​വി​ചാ​ര​ങ്ങ​ളെ​ക്കു​റി​ച്ചു ധ്യാനി​ക്കുക. ദൈവം നിങ്ങൾക്കു​വേണ്ടി എങ്ങനെ കരുതു​ന്നു​വെന്നു ചിന്തി​ക്കുക. സങ്കീർത്തനം 23:1-3-ൽ അതു പ്രതി​ഫ​ലി​ച്ചി​ട്ടുണ്ട്‌.

ഏകാന്തത അനുഭ​വി​ക്കു​ന്ന​വരെ എങ്ങനെ സഹായി​ക്കാം?

ഏകാന്തത അനുഭ​വി​ക്കു​ന്ന​വരെ സഹായി​ക്കു​ന്ന​തി​നുള്ള ഒരു പ്രധാന മാർഗം അവരോ​ടു സ്‌നേഹം പ്രകടിപ്പി​ക്കുക എന്നതാണ്‌. പരസ്‌പരം സ്‌നേഹം പ്രകടി​പ്പി​ക്കു​ന്ന​തിന്‌, പ്രത്യേ​കി​ച്ചും പീഡനം അനുഭ​വി​ക്കു​മ്പോൾ, ദൈവ​ജ​ന​ങ്ങളെ ബൈബിൾ വീണ്ടും വീണ്ടും പ്രോ​ത്സാ​ഹി​പ്പി​ക്കു​ന്നു. “സഹോ​ദ​ര​പ്രീ​തി​യിൽ തമ്മിൽ സ്ഥായി​പൂ​ണ്ടു ബഹുമാ​നി​ക്കു”വാൻ അപ്പോ​സ്‌ത​ല​നായ പൗലോസ്‌ എഴുതി. (റോമർ 12:10) വാസ്‌ത​വ​ത്തിൽ, “സ്‌നേഹം ഒരുനാ​ളും ഉതിർന്നു​പോ​ക​യില്ല” എന്ന്‌ ദൈവ​ത്തി​ന്റെ നിശ്വസ്‌ത വചനം പറയുന്നു. (1 കൊരി​ന്ത്യർ 13:8) ഏകാന്തത അനുഭ​വി​ക്കു​ന്ന​വ​രോ​ടു നിങ്ങൾക്ക്‌ എങ്ങനെ സ്‌നേഹം പ്രകട​മാ​ക്കാൻ കഴിയും?

ഏകാന്തത അനുഭ​വി​ക്കു​ന്ന​വരെ നിരസി​ക്കു​ക​യോ അവഗണി​ക്കു​ക​യോ ചെയ്യു​ന്ന​തി​നു പകരം ക്ഷമാപൂർവം അവരെ സഹായി​ച്ചു​കൊണ്ട്‌ സാധി​ക്കു​മ്പോ​ഴെ​ല്ലാം ബന്ധപ്പെട്ട വ്യക്തി​കൾക്ക്‌ തങ്ങളുടെ ആർദ്ര​പ്രി​യം പ്രകട​മാ​ക്കാൻ കഴിയും. അവർക്ക്‌ പിൻവ​രു​ന്ന​വി​ധം പറഞ്ഞ ഇയ്യോ​ബി​നെ​പ്പോ​ലാ​യി​രി​ക്കു​ന്ന​തി​നു കഴിയും: “നിലവി​ളിച്ച എളിയ​വ​നെ​യും അനാഥ​നെ​യും തുണയ​റ​റ​വ​നെ​യും ഞാൻ വിടു​വി​ച്ചു. . . . വിധവ​യു​ടെ ഹൃദയത്തെ ഞാൻ സന്തോഷം കൊണ്ടു ആർക്കു​മാ​റാ​ക്കി.” (ഇയ്യോബ്‌ 29:12, 13) ക്രിസ്‌തീയ സഭയിലെ നിയു​ക്ത​രായ മൂപ്പൻമാർക്കും അനുക​മ്പ​യുള്ള സുഹൃ​ത്തു​ക്കൾക്കും ഇപ്രകാ​രം പരിഗ​ണ​നാ​പൂർവ​ക​മായ വിധത്തിൽ പ്രവർത്തി​ക്കാൻ കഴിയും. സഹാനു​ഭൂ​തി, ഊഷ്‌മളത, സാന്ത്വനം എന്നീ അടിസ്ഥാ​ന​പ​ര​മായ മാനു​ഷി​കാ​വ​ശ്യ​ങ്ങൾ അവർക്കു പകർന്നു​കൊ​ടു​ക്കാൻ കഴിയും. സമാനു​ഭാ​വം പ്രകടി​പ്പി​ക്കാ​വു​ന്ന​താണ്‌. ചില​പ്പോ​ഴൊ​ക്കെ ഒരു സ്വകാര്യ സംസാ​ര​ത്തി​നുള്ള അവരുടെ ആവശ്യം നിവർത്തി​ച്ചു​കൊ​ടു​ക്കാ​വു​ന്ന​താണ്‌.—1 പത്രൊസ്‌ 3:8.

ഏകാന്ത​രാ​യ ആളുകൾക്കു​വേണ്ടി ചെയ്യുന്ന ചെറിയ ചെറിയ കാര്യ​ങ്ങ​ളാ​യി​രി​ക്കും മിക്ക​പ്പോ​ഴും മർമ​പ്ര​ധാ​ന​മായ സംഗതി. ദൃഷ്ടാ​ന്ത​ത്തിന്‌, സഹവി​ശ്വാ​സിക്ക്‌ പ്രിയ​പ്പെട്ട ഒരാളെ മരണത്തിൽ നഷ്ടപ്പെ​ടു​മ്പോൾ യഥാർഥ സുഹൃ​ദ്‌ബ​ന്ധ​ത്തി​ന്റേ​തായ ദയാ​പ്ര​വൃ​ത്തി​ക​ളിൽനിന്ന്‌ ധാരാളം നല്ല കാര്യങ്ങൾ നേടി​യെ​ടു​ക്കാം. ഒരു ഊണിനു ക്ഷണിക്കുക, അനുക​മ്പ​യോ​ടെ ശ്രദ്ധി​ക്കുക, അല്ലെങ്കിൽ കെട്ടു​പ​ണി​ചെ​യ്യുന്ന സംഭാ​ഷ​ണ​ത്തിൽ ഏർപ്പെ​ടുക എന്നിങ്ങ​നെ​യുള്ള ചെറിയ ദയാ​പ്ര​വൃ​ത്തി​കളെ അപ്രധാ​ന​മാ​യി കരുത​രുത്‌. ഏകാന്ത​ത​യോ​ടു പോരാ​ടാൻ ഒരു വ്യക്തിയെ സഹായി​ക്കു​ന്ന​തിന്‌ ഇത്തരം കാര്യങ്ങൾ വളരെ ഫലപ്ര​ദ​മാണ്‌.—എബ്രായർ 13:16.

നാമോ​രോ​രു​ത്ത​രും ഇടയ്‌ക്കി​ട​യ്‌ക്ക്‌ ഏകാന്ത​ത​യു​ടെ ആക്രമ​ണ​ത്തി​നു വിധേ​യ​രാ​കു​ന്ന​തി​നുള്ള സാധ്യ​ത​യുണ്ട്‌. എങ്കിലും ഏകാന്തത ഒരു പീഡയാ​യി​ത്തീ​രേണ്ട ആവശ്യ​മില്ല. നിങ്ങളു​ടെ ജീവിതം അർഥവ​ത്തായ, കെട്ടു​പ​ണി​ചെ​യ്യുന്ന പ്രവർത്തി​ക​ളാൽ നിറയ്‌ക്കുക. സുഹൃ​ത്തു​ക്കൾക്കു സഹായി​ക്കാൻ കഴിയു​മെ​ങ്കിൽ സഹായി​ച്ചു​കൊ​ള്ളട്ടെ. യഹോ​വ​യിൽ ദൃഢവി​ശ്വാ​സം ഉണ്ടായി​രി​ക്കുക. സങ്കീർത്തനം 34:19-ൽ രേഖ​പ്പെ​ടു​ത്തി​യി​രി​ക്കുന്ന പ്രോ​ത്സാ​ഹ​ജ​ന​ക​മായ വാഗ്‌ദത്തം മനസ്സിൽ ചാരേ നിർത്തുക. “നീതി​മാ​ന്റെ അനർത്ഥങ്ങൾ അസംഖ്യ​മാ​കു​ന്നു; അവ എല്ലാറ​റിൽനി​ന്നും യഹോവ അവനെ വിടു​വി​ക്കു​ന്നു.” സഹായ​ത്തി​നാ​യി യഹോ​വ​യി​ലേക്കു തിരി​യുക. ഏകാന്തത നിങ്ങളു​ടെ ജീവി​തത്തെ കാർന്നു​തി​ന്നാൻ അനുവ​ദി​ക്ക​രുത്‌.

[24-ാം പേജിലെ ചതുരം]

ഏകാന്തതയോടു പൊരു​തു​ന്ന​തി​നുള്ള ചില വിധങ്ങൾ

◼ യഹോ​വ​യോ​ടു പററി​നിൽക്കു​ക

◼ ബൈബിൾ വായന​യി​ലൂ​ടെ ആശ്വാസം കണ്ടെത്തുക

◼ ക്രിയാ​ത്മ​ക​മായ ഒരു ക്രിസ്‌തീയ വീക്ഷണം നിലനിർത്തു​ക

◼ അർഥവ​ത്തായ പ്രവർത്ത​ന​ങ്ങ​ളിൽ തിരക്കു​ള്ള​വ​രാ​യി​രി​ക്കുക

◼ നിങ്ങളു​ടെ സുഹൃ​ദ്‌വ​ലയം വിശാ​ല​മാ​ക്കു​ക

◼ സുഹൃ​ത്തു​ക്കൾക്ക്‌ സഹായി​ക്കു​ന്നത്‌ എളുപ്പ​മാ​ക്കി​ത്തീർക്കുക

◼ നിങ്ങ​ളെ​ത്തന്നെ ഒററ​പ്പെ​ടു​ത്താ​തി​രി​ക്കുക പകരം തുറന്ന സ്‌നേഹം നട്ടുവ​ളർത്തു​ക

◼ യഹോവ നിങ്ങൾക്കു​വേണ്ടി കരുതു​ന്നു എന്ന ദൃഢവി​ശ്വാ​സ​മു​ണ്ടാ​യി​രി​ക്കുക

[24-ാം പേജിലെ ചതുരം]

ഏകാന്തത അനുഭ​വി​ക്കു​ന്ന​വരെ നിങ്ങൾക്കു സഹായി​ക്കാൻ കഴിയുന്ന വിധം

◼ സഹാനു​ഭൂ​തി, ഊഷ്‌മളത, സാന്ത്വനം എന്നിവ പ്രദാനം ചെയ്യുക

◼ സ്വകാര്യ സംസാ​ര​ത്തി​നുള്ള അവരുടെ ആവശ്യം നിവർത്തി​ക്കു​ക

◼ സഹായി​ക്കാ​നാ​വുന്ന ചെറിയ കാര്യങ്ങൾ ചെയ്യു​ന്ന​തിൽ ഉററി​രി​ക്കു​ക

[23-ാം പേജിലെ ചിത്രം]

പ്രയാസകരമായ സാഹച​ര്യ​ങ്ങൾ ഉണ്ടായി​രു​ന്നി​ട്ടും ഏകാന്തത തന്റെ ജീവി​തത്തെ കാർന്നു​തി​ന്നാൻ രൂത്ത്‌ അനുവ​ദി​ച്ച​താ​യി യാതൊ​രു സൂചന​യു​മി​ല്ല