മരിച്ച​വ​രു​ടെ​അവസ്ഥ എന്താണ്‌?

മരിച്ച വ്യക്തിക്ക്‌ മരണത്തെ അതിജീ​വി​ക്കുന്ന ഒരു ദേഹി അല്ലെങ്കിൽ ആത്മാവ്‌ ഉണ്ടെന്ന അനുമാ​ന​ത്തി​ലാ​ണു മരിച്ച​വ​രി​ലുള്ള ഭയം വേരൂ​ന്നി​യി​രി​ക്കു​ന്നത്‌. ഈ ധാരണ തെററാ​ണെന്നു ബൈബിൾ വ്യക്തമാ​യി പഠിപ്പി​ക്കു​ന്നു​വെ​ങ്കിൽ, മരിച്ച​വർക്കു നിങ്ങളെ ഉപദ്ര​വി​ക്കാൻ കഴിയു​മോ എന്ന ചോദ്യം ഉദിക്കു​ന്നേ​യില്ല. എങ്കിൽപ്പി​ന്നെ ബൈബിൾ എന്താണു പറയു​ന്നത്‌?

മരിച്ച​വ​രു​ടെ അവസ്ഥ സംബന്ധി​ച്ചു ബൈബിൾ പറയുന്നു: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല; മേലാൽ അവർക്കു ഒരു പ്രതി​ഫ​ല​വും ഇല്ല; അവരെ ഓർമ്മ വിട്ടു​പോ​കു​ന്നു​വ​ല്ലോ. അവരുടെ സ്‌നേ​ഹ​വും ദ്വേഷ​വും അസൂയ​യും നശിച്ചു​പോ​യി; സൂര്യന്നു കീഴെ നടക്കുന്ന യാതൊ​ന്നി​ലും അവർക്കു ഇനി ഒരിക്ക​ലും ഓഹരി​യില്ല.”—സഭാ​പ്ര​സം​ഗി 9:5, 6.

ഇതിന്റെ അടിസ്ഥാ​ന​ത്തിൽ മരിച്ച​വർക്കു നിങ്ങളെ സഹായി​ക്കാ​നോ ഉപദ്ര​വി​ക്കാ​നോ കഴിയു​മോ? ഇല്ല എന്നാണു തിരു​വെ​ഴു​ത്തു​കൾ പറയു​ന്നത്‌. മരിച്ചവർ അബോ​ധാ​വ​സ്ഥ​യി​ലാണ്‌. അവർ നിശബ്ദ​രാണ്‌. ജീവി​ച്ചി​രി​ക്കു​ന്ന​വ​രു​മാ​യി ആശയവി​നി​യമം നടത്തു​ന്ന​തി​നോ സ്‌നേ​ഹ​മോ വെറു​പ്പോ പോലെ ഏതെങ്കി​ലും വികാരം പ്രകടി​പ്പി​ക്കു​ന്ന​തി​നോ അവർക്കു കഴിവില്ല. ഒരു നടപടി​യും സ്വീക​രി​ക്കാൻ അവരെ​ക്കൊ​ണ്ടാ​വില്ല. അവരെ നിങ്ങൾ ഒരുവി​ധ​ത്തി​ലും ഭയപ്പെ​ടേണ്ട ആവശ്യ​മില്ല.

‘കൊള്ളാം, ജഡത്തിന്റെ മരണ​ത്തെ​യാ​ണു നിങ്ങൾ പരാമർശി​ക്കു​ന്ന​തെ​ങ്കിൽ ഒരുപക്ഷേ അതു ശരിയാ​ണെന്നു വരാം’ എന്നു ചിലർ പറഞ്ഞേ​ക്കാം. ‘എന്നാൽ ഒരു ജഡിക മരണം ജീവന്റെ അന്ത്യമല്ല; അത്‌ ആത്മാവി​നെ ശരീര​ത്തിൽനി​ന്നു വിടു​വി​ക്കുക മാത്ര​മാ​ണു ചെയ്യു​ന്നത്‌. അങ്ങനെ വിടു​വി​ക്ക​പ്പെ​ടുന്ന ആത്മാവിന്‌ ജീവി​ച്ചി​രി​ക്കു​ന്ന​വരെ സഹായി​ക്കു​ന്ന​തി​നോ ഉപദ്ര​വി​ക്കു​ന്ന​തി​നോ കഴിയും.’ ഭൂവ്യാ​പ​ക​മാ​യി ലക്ഷക്കണ​ക്കിന്‌ ആളുകൾക്ക്‌ അങ്ങനെ തോന്നു​ന്നു.

ദൃഷ്ടാ​ന്ത​ത്തിന്‌, ജീവിതം കേവലം സ്ഥിതി​മാ​റ​റ​മാ​ണെ​ന്നാ​ണു മഡഗാ​സ്‌ക​റിൽ കരുതി​പ്പോ​രു​ന്നത്‌. അതു​കൊണ്ട്‌ ശവസം​സ്‌കാ​ര​വും ശവം​തോ​ണ്ട​ലും വിവാ​ഹ​ത്തെ​ക്കാൾ പ്രധാ​ന​മാ​യി പരിഗ​ണി​ക്ക​പ്പെ​ടു​ന്നു. തന്റെ പൂർവി​കൻമാ​രു​ടെ അടുത്തു​നി​ന്നു വന്ന വ്യക്തി മരണത്തിൽ അവരുടെ സമീപ​ത്തേക്കു തിരി​കെ​പ്പോ​കു​ക​യാ​ണെന്നു കരുതി​പ്പോ​രു​ന്നു. തൻമൂലം ജീവി​ച്ചി​രി​ക്കു​ന്ന​വ​രു​ടെ ഭവനങ്ങൾ കാല​ക്ര​മേണ ചെതു​ക്കു​പി​ടി​ക്കുന്ന തടിയും ഇഷ്ടിക​യും കൊണ്ടാണ്‌ നിർമി​ക്കു​ന്നത്‌. എന്നാൽ കുഴി​മാ​ടം, മരിച്ച​വ​രു​ടെ “വീട്‌” സാധാ​ര​ണ​ഗ​തി​യിൽ കൂടുതൽ പരിഷ്‌കാ​രം വരുത്തി​യ​തും ഈടു​നിൽക്കു​ന്ന​തു​മാണ്‌. ഒരു ശവം​തോ​ണ്ടൽ കർമം നടത്തു​മ്പോൾ കുടും​ബാം​ഗ​ങ്ങ​ളും സുഹൃ​ത്തു​ക്ക​ളും കരുതു​ന്നത്‌ തങ്ങൾക്ക്‌ അനു​ഗ്രഹം ലഭിക്കു​മെ​ന്നാണ്‌. മരിച്ച ബന്ധുവി​ന്റെ അസ്ഥികൾ തൊട്ടാൽ തങ്ങൾ സന്താന​പു​ഷ്ടി​യു​ള്ള​വ​രാ​യി​ത്തീ​രു​മെന്നു സ്‌ത്രീ​കൾ കരുതു​ന്നു. എന്നാൽ വീണ്ടും, ദൈവ​വ​ചനം എന്താണു പറയു​ന്നത്‌?

മനുഷ്യ​വർഗം മരിക്ക​ണ​മെന്ന ഉദ്ദേശ്യ​മി​ല്ലാ​യി​രു​ന്നു

ജീവി​ക്കു​ന്ന​തി​നു​വേ​ണ്ടി​യാണ്‌ മനുഷ്യ​നെ യഹോ​വ​യാം ദൈവം സൃഷ്ടി​ച്ചത്‌ എന്നു മനസ്സി​ലാ​ക്കു​ന്നതു രസകര​മാണ്‌. അനുസ​ര​ണ​ക്കേ​ടി​ന്റെ ഫലമായി മാത്ര​മാണ്‌ അവൻ മരണ​ത്തെ​ക്കു​റി​ച്ചു സംസാ​രി​ച്ചത്‌. (ഉല്‌പത്തി 2:17) ദുഃഖ​ക​ര​മെന്നു പറയട്ടെ, ആദ്യമ​നു​ഷ്യ​നും സ്‌ത്രീ​യും പാപം ചെയ്യു​ക​ത​ന്നെ​യു​ണ്ടാ​യി. തത്‌ഫ​ല​മാ​യി മരണക​ര​മായ അവകാ​ശ​മെന്ന നിലയിൽ പാപം സകലരി​ലേ​ക്കും വ്യാപി​ച്ചു. (റോമർ 5:12) അതു​കൊണ്ട്‌, ആദ്യ മനുഷ്യ​ജോ​ഡി പാപം ചെയ്‌ത​തു​മു​തൽ മരണം ഒരു ജീവിത യാഥാർഥ്യ​മാ​യി​രി​ക്കു​ന്നു​വെന്നു നിങ്ങൾക്കു പറയാൻ കഴിയും. അതേ, കയ്‌പേ​റിയ ഒരു ജീവിത യാഥാർഥ്യം​തന്നെ. നാം ജീവി​ക്കു​ന്ന​തി​നു​വേ​ണ്ടി​യാ​ണു സൃഷ്ടി​ക്ക​പ്പെ​ട്ടത്‌. ദശലക്ഷ​ങ്ങളെ സംബന്ധി​ച്ചി​ട​ത്തോ​ളം മരണത്തെ അന്ത്യമെന്ന നിലയിൽ അഭിമു​ഖീ​ക​രി​ക്കു​ന്നതു പ്രയാ​സ​ക​ര​മാ​യി​രി​ക്കു​ന്ന​തി​നു കാരണ​മെ​ന്താണ്‌ എന്നത്‌ ഈ വസ്‌തുത വിശദീ​ക​രി​ക്കു​ന്നു.

ബൈബിൾ വിവരണം പറയു​ന്ന​ത​നു​സ​രിച്ച്‌, അനുസ​ര​ണ​ക്കേടു മരണത്തിൽ കലാശി​ക്കു​മെ​ന്നുള്ള ദൈവ​ത്തി​ന്റെ മുന്നറി​യി​പ്പി​നു വിരു​ദ്ധ​മാ​യി പറഞ്ഞു​കൊ​ണ്ടു സാത്താൻ ആദ്യ മനുഷ്യ​ജോ​ഡി​യെ ചതിക്കാൻ ശ്രമിച്ചു. (ഉല്‌പത്തി 3:4) കാലം കടന്നു​പോ​കവേ സംഗതി വ്യക്തമാ​യി—മനുഷ്യർക്കു സംഭവി​ക്കു​മെന്നു ദൈവം പറഞ്ഞതു​പോ​ലെ​തന്നെ അവർ മരിക്കു​ന്നു എന്ന്‌. അങ്ങനെ, നൂററാ​ണ്ടു​ക​ളാ​യി സാത്താൻ വേറൊ​രു നുണ​കൊണ്ട്‌ പ്രതി​ക​രി​ക്കു​ന്നു: മരിക്കു​മ്പോൾ മമനു​ഷ്യ​ന്റെ എന്തോ ആത്മീയ ഭാഗം ശരീരത്തെ വിട്ടു​പോ​കു​ന്നു എന്ന്‌. ‘ഭോഷ്‌കി​ന്റെ അപ്പൻ’ എന്ന്‌ യേശു വർണിച്ച സാത്താനു ചേർന്ന ഒന്നാണ്‌ അത്തരം വഞ്ചിക്കൽ. (യോഹ​ന്നാൻ 8:44) എന്നാൽ അതിനു നേരെ​വി​പ​രീ​ത​മാ​യി, മരണത്തി​നു ബദലായി ദൈവം നൽകു​ന്നത്‌ പ്രോ​ത്സാ​ഹ​ജ​ന​ക​മായ ഒരു വാഗ്‌ദ​ത്ത​മാണ്‌.

എന്തു വാഗ്‌ദത്തം?

അനേകർക്കും ലഭിക്കാൻപോ​കുന്ന പുനരു​ത്ഥാ​നം എന്ന വാഗ്‌ദ​ത്ത​മാ​ണത്‌. “പുനരു​ത്ഥാ​നം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദം അനസ്‌താ​സിസ്‌ ആണ്‌. അതിന്റെ അക്ഷരീയ അർഥം “വീണ്ടു​മുള്ള എണീററു നിൽപ്പ്‌” എന്നാണ്‌. അത്‌ മരണത്തിൽനിന്ന്‌ ഉയിർപ്പി​ക്കു​ന്ന​തി​നെ പരാമർശി​ക്കു​ന്നു. അതേ, മനുഷ്യൻ മരിച്ചു​കി​ട​ക്കു​ന്നു എന്നാൽ, ദൈവ​ത്തിന്‌ തന്റെ ശക്തിയാൽ ഒരു വ്യക്തിയെ വീണ്ടും ഉയിർപ്പി​ക്കാൻ കഴിയും. മനുഷ്യ​നു ജീവൻ നഷ്ടപ്പെ​ടു​ന്നു എന്നാൽ, അവനു വീണ്ടും ജീവൻ നൽകാൻ ദൈവ​ത്തി​നു കഴിയും. “കല്ലറക​ളിൽ ഉള്ളവർ എല്ലാവ​രും അവന്റെ ശബ്ദം കേട്ടു, . . . പുനരു​ത്ഥാ​നം ചെയ്‌വാ​നുള്ള നാഴിക വരുന്നു” എന്ന്‌ ദൈവ​പു​ത്ര​നായ യേശു​ക്രി​സ്‌തു പറഞ്ഞു. (യോഹ​ന്നാൻ 5:28, 29) അപ്പോ​സ്‌ത​ല​നായ പൗലോസ്‌ “നീതി​മാ​ന്‌മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും എന്നു . . . ദൈവ​ത്തി​ങ്കൽ ആശവെ​ച്ചി​രി​ക്കു​ന്നു” എന്നു പ്രകട​മാ​ക്കി. (പ്രവൃ​ത്തി​കൾ 24:15) ക്രിസ്‌തീ​യ​യു​ഗ​ത്തി​നു മുമ്പു​ണ്ടാ​യി​രുന്ന, ദൈവ​ത്തി​ന്റെ ഒരു വിശ്വസ്‌ത ദാസനാ​യി​രുന്ന ഇയ്യോ​ബും പുനരു​ത്ഥാ​ന​ത്തി​ലുള്ള തന്റെ വിശ്വാ​സം ഇങ്ങനെ പ്രഖ്യാ​പി​ച്ചു: “മനുഷ്യൻ മരിച്ചാൽ വീണ്ടും ജീവി​ക്കു​മോ? എന്നാൽ എനിക്കു മാററം വരു​വോ​ളം എന്റെ യുദ്ധകാ​ല​മൊ​ക്കെ​യും കാത്തി​രി​ക്കാ​മാ​യി​രു​ന്നു. നീ [ദൈവം] വിളി​ക്കും; ഞാൻ നിന്നോ​ടു ഉത്തരം പറയും.”—ഇയ്യോബ്‌ 14:14, 15.

മരിച്ചവർ ആത്മ രൂപത്തിൽ ജീവി​ച്ചി​രി​ക്കു​ന്നു​വെ​ന്നതു നുണയാ​ണെന്ന്‌ പുനരു​ത്ഥാ​ന​ത്തെ​ക്കു​റി​ച്ചുള്ള വ്യക്തമായ വാഗ്‌ദാ​നം തെളി​യി​ക്കു​ന്നി​ല്ലേ? മരിച്ചവർ സ്വർഗ​ത്തി​ലോ ഏതെങ്കി​ലും ആത്മീയ ലോക​ത്തി​ലോ ജീവി​ച്ചി​രുന്ന്‌ അവിടത്തെ അസ്‌തി​ത്വം ആസ്വദി​ക്കു​ക​യാ​ണെ​ങ്കിൽ പുനരു​ത്ഥാ​നം​കൊ​ണ്ടുള്ള പ്രയോ​ജ​ന​മെ​ന്താ​യി​രി​ക്കും? അവർ അതി​നോ​ട​കം​തന്നെ തങ്ങളുടെ പ്രതി​ഫലം നേടു​ക​യോ നിർദിഷ്ട സ്ഥാനത്ത്‌ എത്തി​ച്ചേ​രു​ക​യോ ചെയ്‌തി​രി​ക്കി​ല്ലേ? ദൈവ​വ​ച​ന​ത്തി​ന്റെ പഠനം വെളി​പ്പെ​ടു​ത്തു​ന്നത്‌ മരിച്ചവർ യഥാർഥ​ത്തിൽ മരിച്ചി​രി​ക്കു​ന്നു, അബോ​ധാ​വ​സ്ഥ​യി​ലാണ്‌, നിദ്ര​യി​ലാണ്‌ എന്നും നമ്മുടെ സ്‌നേ​ഹ​നി​ധി​യായ യഹോ​വ​യാം ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ ലോക​ത്തിൽ—ഒരു പറുദീ​സ​യിൽ—പുനരു​ത്ഥാ​നം മുഖേന എഴു​ന്നേൽപ്പി​ക്ക​പ്പെ​ടു​ന്ന​തു​വരെ അവർ അതേ അവസ്ഥയിൽ തുടരു​മെ​ന്നു​മാണ്‌. എന്നാൽ, മരണത്തി​ന്റെ അർഥം ജഡത്തി​ന്റെ​യും ആത്മാവി​ന്റെ​യും വേർതി​രി​ക്കൽ അല്ലാതി​രി​ക്ക​യും, ആത്മാവ്‌ തുടർന്നു ജീവി​ക്കാ​തി​രി​ക്ക​യും ചെയ്യു​ന്നെ​ങ്കിൽ ആത്മലോ​ക​ത്തിൽനിന്ന്‌ ആശയവി​നി​യമം നടത്തു​ന്നു​വെന്നു തോന്നി​ക്കു​ന്ന​പോ​ലത്തെ സംഭവങ്ങൾ സംബന്ധി​ച്ചെന്ത്‌?

ആത്മമണ്ഡ​ല​ത്തിൽ നിന്നുള്ള ആശയവി​നി​മ​യം

ആത്മമണ്ഡ​ല​ത്തിൽനി​ന്നു ലഭിച്ചു​വെന്നു കരുത​പ്പെ​ടുന്ന ആശയവി​നി​മ​യ​ങ്ങ​ളെ​ക്കു​റിച്ച്‌ അസംഖ്യം കേസുകൾ റിപ്പോർട്ടു​ചെ​യ്യ​പ്പെ​ട്ടി​ട്ടുണ്ട്‌. വാസ്‌ത​വ​ത്തിൽ അവയുടെ തുടക്കം എന്താണ്‌? “സാത്താൻതാ​നും പ്രഭാ​പൂർണ​നായ ദൈവ​ദൂ​ത​നാ​യി വേഷം​കെ​ട്ടാ​റുണ്ട്‌. അതിനാൽ അവന്റെ ശുശ്രൂ​ഷ​ക​രും നൻമയു​ടെ പ്രതി​നി​ധി​ക​ളാ​യി വേഷം​കെ​ട്ടു​ന്ന​തിൽ അതിശ​യി​ക്കാ​നില്ല” എന്നു ബൈബിൾ മുന്നറി​യി​പ്പു നൽകുന്നു. (2 കൊരി​ന്ത്യർ 11:14, 15, ദ ന്യൂ ഇംഗ്ലീഷ്‌ ബൈബിൾ) മനുഷ്യ​രെ എളുപ്പ​ത്തിൽ വഞ്ചിക്കു​ന്ന​തി​നും വഴി​തെ​റ​റി​ക്കു​ന്ന​തി​നും ഭൂതങ്ങൾ (മത്സരി​ക​ളായ ദൂതൻമാർ) ജീവി​ച്ചി​രി​ക്കു​ന്ന​വ​രു​മാ​യി ചില​പ്പോ​ഴെ​ല്ലാം സഹായി​ക​ളെന്നു നടിച്ച്‌ ആശയവി​നി​യമം നടത്തി​യി​ട്ടുണ്ട്‌.

ഈ വഞ്ചനാ​ത്മ​ക​മായ പ്രചാ​ര​ണ​ത്തെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ കൂടുതൽ മുന്നറി​യി​പ്പു നൽകുന്നു: “ചിലർ വ്യാജാ​ത്മാ​ക്ക​ളെ​യും ഭൂതങ്ങ​ളു​ടെ ഉപദേ​ശ​ങ്ങ​ളെ​യും [“പഠിപ്പി​ക്ക​ലു​ക​ളെ​യും,” NW] ആശ്രയി​ച്ചു . . . വിശ്വാ​സം ത്യജി​ക്കും.” (1 തിമൊ​ഥെ​യൊസ്‌ 4:1) അതു​കൊണ്ട്‌ മരിച്ച​വ​രിൽനി​ന്നു ലഭിച്ച​താ​യി പറയ​പ്പെ​ടുന്ന ഏതു പ്രതി​ക​ര​ണ​വും “നൻമയു​ടെ പ്രതി​നി​ധി​ക​ളാ​യി” വേഷം​കെ​ട്ടു​ക​യും മതപര​മായ ഒരു നുണയ്‌ക്കു പിന്തുണ നൽകു​ക​യും ചെയ്യുന്ന ഭൂതങ്ങ​ളിൽനിന്ന്‌ ആയിരി​ക്കാ​നേ സാധ്യ​ത​യു​ള്ളൂ. അങ്ങനെ അന്ധവി​ശ്വാ​സ​ങ്ങൾക്ക്‌ അടിമ​ക​ളാ​ക്കി​ക്കൊണ്ട്‌ ആളുകളെ അവർ ദൈവ​വ​ച​ന​ത്തി​ന്റെ സത്യത്തിൽനിന്ന്‌ അകററി​ക്ക​ള​യു​ക​യാ​ണു ചെയ്യു​ന്നത്‌.

മരിച്ച​വർക്ക്‌ എന്തെങ്കി​ലും പറയു​ന്ന​തി​നോ ചെയ്യു​ന്ന​തി​നോ അനുഭ​വി​ക്കു​ന്ന​തി​നോ കഴിയു​ക​യി​ല്ലെന്ന്‌ ഉറപ്പു​നൽകി​ക്കൊ​ണ്ടു സങ്കീർത്തനം 146:3, 5 ഇങ്ങനെ പ്രസ്‌താ​വി​ക്കു​ന്നു: “നിങ്ങൾ പ്രഭു​ക്ക​ന്‌മാ​രിൽ ആശ്രയി​ക്ക​രു​തു, സഹായി​പ്പാൻ കഴിയാത്ത മനുഷ്യ​പു​ത്ര​നി​ലും അരുതു. അവന്റെ ശ്വാസം പോകു​ന്നു [“ആത്മാവ്‌ പുറത്തു​പോ​കു​ന്നു,” NW]; അവൻ മണ്ണി​ലേക്കു തിരി​യു​ന്നു; അന്നു തന്നെ അവന്റെ നിരൂ​പ​ണങ്ങൾ നശിക്കു​ന്നു.” “പുറത്തു​പോ​കുന്ന”ത്‌ എന്ത്‌ ആത്മാവ്‌ ആണ്‌? അത്‌ ഒരു വ്യക്തിയെ ശ്വസന​ത്തി​ലൂ​ടെ നിലനിർത്തുന്ന ജീവശ​ക്തി​യാണ്‌. അതു​കൊണ്ട്‌, ശ്വാ​സോ​ച്ഛ്വാ​സം നിലയ്‌ക്കു​ന്ന​തോ​ടെ മരിച്ച വ്യക്തി​യു​ടെ ഇന്ദ്രി​യ​ങ്ങ​ളു​ടെ പ്രവർത്ത​ന​വും നിലയ്‌ക്കു​ന്നു. അയാൾ ഒരു പൂർണ അബോ​ധാ​വ​സ്ഥ​യി​ലാ​യി​ത്തീ​രു​ന്നു. അതു​കൊണ്ട്‌, ജീവി​ച്ചി​രി​ക്കു​ന്ന​വ​രു​ടെ​മേൽ ആധിപ​ത്യം ചെലു​ത്തു​ന്ന​തിന്‌ അയാൾക്കു സാധി​ക്കു​ക​യില്ല.

അക്കാര​ണ​ത്താ​ലാണ്‌ ബൈബിൾ മമനു​ഷ്യ​ന്റെ മരണത്തെ മൃഗത്തി​ന്റെ മരണ​ത്തോ​ടു താരത​മ്യം ചെയ്യു​ന്നത്‌. മരണത്തിൽ ഇരുവ​രും അബോ​ധാ​വ​സ്ഥ​യിൽ എത്തി​ച്ചേ​രു​ന്നു​വെ​ന്നും അവർ നിർമി​ക്ക​പ്പെട്ട പൊടി​യി​ലേക്കു തിരികെ പോകു​ന്നു​വെ​ന്നും അതു പ്രസ്‌താ​വി​ക്കു​ന്നു. “മനുഷ്യർക്കു ഭവിക്കു​ന്നതു മൃഗങ്ങൾക്കും ഭവിക്കു​ന്നു; രണ്ടിന്നും ഗതി ഒന്നു തന്നേ; അതു മരിക്കു​ന്ന​തു​പോ​ലെ അവനും മരിക്കു​ന്നു; രണ്ടിന്നും ശ്വാസം ഒന്നത്രേ; മനുഷ്യ​ന്നു മൃഗ​ത്തെ​ക്കാൾ വിശേ​ഷ​ത​യില്ല; സകലവും മായയ​ല്ലോ. എല്ലാം ഒരു സ്ഥലത്തേക്കു തന്നേ പോകു​ന്നു; എല്ലാം പൊടി​യിൽനി​ന്നു​ണ്ടാ​യി, എല്ലാം വീണ്ടും പൊടി​യാ​യ്‌തീ​രു​ന്നു” എന്നു സഭാ​പ്ര​സം​ഗി 3:19, 20 പറയുന്നു.

മരിച്ച​വ​രു​മാ​യി ആശയവി​നി​യമം നടത്തു​ന്ന​തി​നും അവരാൽ സ്വാധീ​നി​ക്ക​പ്പെ​ടു​ന്ന​തി​നും കഴിയു​മെന്ന്‌ ചിന്തി​ക്ക​ത്ത​ക്ക​വി​ധം ആളുകളെ വഞ്ചിക്കാൻ ഭൂതങ്ങൾക്കു കഴിയു​മെന്ന്‌ അറിഞ്ഞു​കൊണ്ട്‌ യഹോ​വ​യാം ദൈവം തന്റെ ജനമാ​യി​രുന്ന പുരാതന ഇസ്രാ​യേ​ല്യർക്കു മുന്നറി​യി​പ്പു നൽകി: “പ്രശ്‌ന​ക്കാ​രൻ, മുഹൂർത്ത​ക്കാ​രൻ, ആഭിചാ​രകൻ, ക്ഷുദ്ര​ക്കാ​രൻ, മന്ത്രവാ​ദി, വെളി​ച്ച​പ്പാ​ടൻ, ലക്ഷണം പറയു​ന്നവൻ, അഞ്‌ജ​ന​ക്കാ​രൻ എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വക്കു വെറുപ്പു ആകുന്നു.”—ആവർത്ത​ന​പു​സ്‌തകം 18:10-12.

സ്‌പഷ്ട​മാ​യും, മരിച്ച​വർക്ക്‌ ജീവി​ച്ചി​രി​ക്കു​ന്ന​വരെ ഉപദ്ര​വി​ക്കാ​നാ​കു​മെന്ന ആശയം ദൈവ​ത്തിൽനി​ന്നു​ള്ളതല്ല. അവൻ സത്യ​ദൈ​വ​മാണ്‌. (സങ്കീർത്തനം 31:5; യോഹ​ന്നാൻ 17:17) തന്നെ “ആത്മാവി​ലും സത്യത്തി​ലും” ആരാധി​ക്കുന്ന സത്യസ്‌നേ​ഹി​കൾക്കു​വേണ്ടി അവൻ ഒരു മഹനീയ ഭാവി​യാ​ണു കരുതി​യി​രി​ക്കു​ന്നത്‌.—യോഹ​ന്നാൻ 4:23, 24.

യഹോവ, സത്യവും സ്‌നേ​ഹ​വു​മുള്ള ദൈവം

മരിച്ച്‌ അടക്കപ്പെട്ട ദശലക്ഷങ്ങൾ നീതി​യുള്ള പുതിയ ലോക​ത്തി​ലേക്ക്‌ നിത്യ​ജീ​വന്റെ പ്രത്യാ​ശ​യോ​ടെ പുനരു​ത്ഥാ​നം ചെയ്യ​പ്പെ​ടു​മെന്ന്‌ “ഭോഷ്‌ക്കു പറയാൻ കഴിയാത്ത” നമ്മുടെ സ്‌നേ​ഹ​വാ​നായ സ്വർഗീയ പിതാവ്‌, വാഗ്‌ദത്തം ചെയ്‌തി​രി​ക്കു​ന്നു! (തീത്തോസ്‌ 1:1, 2, NW; യോഹ​ന്നാൻ 5:28) പുനരു​ത്ഥാ​ന​ത്തെ​ക്കു​റി​ച്ചുള്ള സ്‌നേ​ഹ​നിർഭ​ര​മായ ഈ വാഗ്‌ദത്തം യഹോ​വക്കു തന്റെ സൃഷ്ടി​യായ മമനു​ഷ്യ​ന്റെ ക്ഷേമത്തിൽ ആഴമായ താത്‌പ​ര്യ​മു​ണ്ടെന്നു തെളി​യി​ക്കു​ന്നു. മരണം, ദുഃഖം, വേദന എന്നിവ തുടച്ചു​മാ​റ​റു​ന്ന​തിന്‌ അവനു ഹൃദയം​ഗ​മ​മായ താത്‌പ​ര്യ​മു​ണ്ടെ​ന്നും ഇതു പ്രകട​മാ​ക്കു​ന്നു. അതു​കൊണ്ട്‌ മരിച്ച​വരെ ഭയപ്പെ​ടേ​ണ്ട​തി​ന്റെ​യോ അവരെ​യും അവരുടെ ഭാവി​യെ​യും​കു​റിച്ച്‌ അനാവ​ശ്യ​മാ​യി വ്യാകു​ല​പ്പെ​ടേ​ണ്ട​തി​ന്റെ​യോ യാതൊ​രാ​വ​ശ്യ​വു​മില്ല. (യെശയ്യാ​വു 25:8, 9; വെളി​പ്പാ​ടു 21:3, 4) നമ്മുടെ സ്‌നേ​ഹ​വാ​നും നീതി​യു​ള്ള​വ​നു​മായ ദൈവ​ത്തിന്‌ അവരെ ഉയിർപ്പി​ക്കാൻ കഴിയും. അവൻ അങ്ങനെ ചെയ്യു​ക​തന്നെ ചെയ്യും. അങ്ങനെ മരണ​വേദന അവൻ തുടച്ചു​മാ​റ​റും.

വാഗ്‌ദത്തം ചെയ്യപ്പെട്ട ആ പുതിയ ലോക​ത്തി​ലെ ഭൂമി​യു​ടെ അവസ്ഥകൾ സംബന്ധി​ച്ചുള്ള വിവര​ണങ്ങൾ ദൈവ​വ​ച​ന​മായ ബൈബി​ളി​ന്റെ ഏടുക​ളിൽ ജ്വലി​ച്ചു​നിൽക്കു​ന്നു. (സങ്കീർത്തനം 37:29; 2 പത്രൊസ്‌ 3:13) അത്‌ സമാധാ​ന​ത്തി​ന്റെ​യും സന്തോ​ഷ​ത്തി​ന്റെ​യും സഹമനു​ഷ്യ​രോ​ടുള്ള സ്‌നേ​ഹ​ത്തി​ന്റെ​യും സമയമാ​യി​രി​ക്കും. (സങ്കീർത്തനം 72:7; യെശയ്യാ​വു 9:7; 11:6-9; മീഖാ 4:3, 4) സകലർക്കും സുരക്ഷി​ത​മായ നല്ല ഭവനങ്ങ​ളും സന്തുഷ്ടി​ദാ​യ​ക​മായ വേലയും ഉണ്ടായി​രി​ക്കും. (യെശയ്യാ​വു 65:21-23) എല്ലാവർക്കും ഭക്ഷിക്കാൻ ധാരാളം നല്ല വസ്‌തു​ക്കൾ ഉണ്ടായി​രി​ക്കും. (സങ്കീർത്തനം 67:6; 72:16) സകലരും സമ്പൂർണ ആരോ​ഗ്യം ആസ്വദി​ക്കും. (യെശയ്യാ​വു 33:24; 35:5, 6) അപ്പോ​സ്‌ത​ലൻമാ​രും വേറെ ഒരു പരിമിത സംഖ്യ​യും സ്വർഗ​ത്തിൽ യേശു​വി​നോ​ടൊ​പ്പം വാഴു​മ്പോൾ മററു​ള്ള​വ​രു​ടെ ദേഹികൾ മരണത്തി​നു ശേഷം സ്വർഗ​ത്തിൽ അനുഗൃ​ഹീ​ത​മായ അവസ്ഥയി​ലാ​യി​രി​ക്കു​ന്ന​തി​നെ​ക്കു​റിച്ച്‌ ബൈബിൾ യാതൊ​രു സൂചന​യും നൽകു​ന്നില്ല. (വെളി​പ്പാ​ടു 5:9, 10; 20:6) മരിച്ചു​പോയ കോടി​ക്ക​ണ​ക്കി​നാ​ളു​കൾ മരണാ​ന​ന്തരം ജീവി​ക്കു​ന്നു​വെ​ങ്കിൽ അത്‌ തികച്ചും വിചി​ത്ര​മാ​യി​രി​ക്കും.

എന്നാൽ മരിച്ചവർ ജീവനുള്ള ദേഹി​ക​ളാ​യി മേലാൽ സ്ഥിതി​ചെ​യ്യു​ന്നില്ല എന്ന ബൈബി​ളി​ന്റെ സ്‌പഷ്ട​മായ പഠിപ്പി​ക്കൽ മനസ്സി​ലാ​ക്കു​മ്പോൾ അതു വിചി​ത്രം എന്നു നാം പറയില്ല. അവർക്കു നിങ്ങളെ ഉപദ്ര​വി​ക്കാ​നാ​വില്ല. സ്‌മാ​ര​ക​ക്ക​ല്ല​റ​ക​ളി​ലു​ള്ളവർ പുനരു​ത്ഥാ​ന​ത്തി​നുള്ള ദൈവ​ത്തി​ന്റെ സമയം വരുന്ന​തു​വരെ അബോ​ധാ​വ​സ്ഥ​യിൽ കേവലം വിശ്ര​മി​ക്ക​യാണ്‌. (സഭാ​പ്ര​സം​ഗി 9:10; യോഹ​ന്നാൻ 11:11-14, 38-44) പിന്നെ നമ്മുടെ പ്രത്യാ​ശ​ക​ളും അഭിലാ​ഷ​ങ്ങ​ളും ദൈവ​ത്തി​ന്റെ കരങ്ങളി​ലാണ്‌. “അവന്റെ രക്ഷയിൽ നമുക്കു ആനന്ദിച്ചു സന്തോ​ഷി​ക്കാം.”—യെശയ്യാ​വു 25:9.

[7-ാം പേജിലെ ചിത്രം]

ദൈവവചനം സ്‌പഷ്ട​മാ​യി കാണി​ക്കു​ന്ന​പ്ര​കാ​രം മരിച്ചവർ പുനരു​ത്ഥാ​നം​വരെ തികച്ചും നിഷ്‌ക്രി​യാ​വ​സ്ഥ​യി​ലാണ്‌