യഹോ​വക്കു നിങ്ങളെ ശക്തരാ​ക്കാൻ കഴിയും

“അവൻ ക്ഷീണി​ച്ചി​രി​ക്കു​ന്ന​വന്നു ശക്തി നല്‌കു​ന്നു; ബലമി​ല്ലാ​ത്ത​വന്നു ബലം വർദ്ധി​പ്പി​ക്കു​ന്നു.”—യെശയ്യാ​വു 40:29.

1, 2. യഹോ​വ​യു​ടെ സമൃദ്ധ​മായ ശക്തിയു​ടെ ഏതാനും തെളി​വു​കൾ എന്തെല്ലാം?

“ശക്തിയിൽ സമൃദ്ധി​യുള്ള” ദൈവ​മാ​ണു യഹോവ. ദൈവ​ത്തി​ന്റെ “നിത്യ​ശക്തി”യുടെ​യും “ദിവ്യത്വ”ത്തിന്റെ​യും തെളിവ്‌ അവന്റെ ഭൗതിക സൃഷ്ടി​ക​ളു​ടെ മാഹാ​ത്മ്യ​ത്തിൽ നമുക്കു കാണാൻ സാധി​ക്കും. സൃഷ്ടി​കർത്തൃ​ത്വ​ത്തി​ന്റെ അത്തരം തെളി​വു​കൾ അംഗീ​ക​രി​ക്കാൻ കൂട്ടാ​ക്കാ​ത്ത​വർക്കു യാതൊ​രു ഒഴിക​ഴി​വു​മില്ല.—സങ്കീർത്തനം 147:5, NW; റോമർ 1:19, 20.

² കോടി​ക്ക​ണ​ക്കി​നു പ്രകാ​ശ​വർഷ​ങ്ങ​ളു​ടെ അകലത്തിൽ എണ്ണമററ താരാ​പം​ക്തി​ക​ളുള്ള പ്രപഞ്ച​ത്തി​ന്റെ അനന്തത​യി​ലേക്കു ശാസ്‌ത്ര​ജ്ഞൻമാ​രു​ടെ പഠനം നീളു​ന്ന​ത​നു​സ​രിച്ച്‌ യഹോ​വ​യു​ടെ ശക്തി കൂടു​തൽക്കൂ​ടു​തൽ വ്യക്തമാ​യി വരുക​യാണ്‌. രാത്രി​യു​ടെ ഇരുട്ടിൽ തെളി​മ​യുള്ള ആകാശ​ത്തേ​ക്കൊ​ന്നു കണ്ണോ​ടി​ക്കുക. എന്നിട്ട്‌, “നിന്റെ വിരലു​ക​ളു​ടെ പണിയായ ആകാശ​ത്തെ​യും നീ ഉണ്ടാക്കിയ ചന്ദ്ര​നെ​യും നക്ഷത്ര​ങ്ങ​ളെ​യും നോക്കു​മ്പോൾ, മർത്യനെ നീ ഓർക്കേ​ണ്ട​തി​ന്നു അവൻ എന്തു? മനുഷ്യ​പു​ത്രനെ സന്ദർശി​ക്കേ​ണ്ട​തി​ന്നു അവൻ എന്തുമാത്രം?” എന്ന്‌ ചിന്തിച്ച സങ്കീർത്ത​ന​ക്കാ​ര​നെ​പ്പോ​ലെ നിങ്ങളും ചിന്തി​ച്ചു​പോ​കു​ന്നി​ല്ലേ എന്നു നോക്കുക. (സങ്കീർത്തനം 8:3, 4) യഹോവ മനുഷ്യ​രായ നമ്മെ എത്ര നന്നായി പരിപാ​ലി​ച്ചി​രി​ക്കു​ന്നു! അവൻ ആദ്യ മനുഷ്യ​നും സ്‌ത്രീ​ക്കും മനോ​ഹ​ര​മായ ഒരു ഭൗമി​ക​ഭ​വനം ഉണ്ടാക്കി​ക്കൊ​ടു​ത്തു. പോഷ​ക​പ്ര​ദ​വും മലിനീ​ക​രി​ക്ക​പ്പെ​ടാ​ത്ത​തു​മായ ഫലങ്ങൾ ഉത്‌പാ​ദി​പ്പി​ക്കുന്ന സസ്യവൃ​ക്ഷ​ല​താ​ദി​കൾ വളർത്താ​നുള്ള ശക്തി അതിന്റെ മണ്ണിനു​പോ​ലും ഉണ്ടായി​രു​ന്നു. മനുഷ്യ​നും മൃഗങ്ങൾക്കും ദൈവ​ത്തി​ന്റെ ശക്തിയു​ടെ ഈ പ്രകട​ന​ത്തിൽനി​ന്നു ഭൗതിക ശക്തി ലഭിക്കു​ന്നു.—ഉല്‌പത്തി 1:12; 4:12; 1 ശമൂവേൽ 28:22.

3. പ്രപഞ്ച​ത്തി​ലെ ഭൗതിക വസ്‌തു​ക്കൾ കൂടാതെ, എന്തുകൂ​ടെ ദൈവ​ത്തി​ന്റെ ശക്തി പ്രകടി​പ്പി​ക്കു​ന്നുണ്ട്‌?

³ ആകാശം വശ്യത​യാർന്ന​തും ഭൂമി​യി​ലെ സസ്യവർഗ​വും ജന്തുവർഗ​വും അത്യധി​കം ആഹ്ലാദ​ദാ​യ​ക​വു​മാ​ണെ​ന്ന​തി​ലു​പരി, അവ ദൈവ​ത്തി​ന്റെ ശക്തിയും നമുക്കാ​യി പ്രകടി​പ്പി​ക്കു​ന്നു. “അവന്റെ നിത്യ​ശ​ക്തി​യും ദിവ്യ​ത്വ​വു​മാ​യി അവന്റെ അദൃശ്യ​ല​ക്ഷ​ണങ്ങൾ ലോക​സൃ​ഷ്ടി​മു​തൽ അവന്റെ പ്രവൃ​ത്തി​ക​ളാൽ ബുദ്ധിക്കു തെളി​വാ​യി വെളി​പ്പെ​ട്ടു​വ​രു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (റോമർ 1:20) എന്നാൽ നമ്മുടെ ശ്രദ്ധയും വിലമ​തി​പ്പും അർഹി​ക്കുന്ന അവന്റെ ശക്തിയു​ടെ മറെറാ​രു തെളി​വുണ്ട്‌. നിങ്ങൾ അത്ഭുത​പ്പെ​ടു​ന്നു​ണ്ടാ​വാം, ‘പ്രപഞ്ച​ത്തെ​ക്കാൾ കൂടു​ത​ലാ​യി ദൈവ​ത്തി​ന്റെ ശക്തി പ്രകട​മാ​ക്കു​ന്നത്‌ എന്തായി​രി​ക്കും?’ എന്ന്‌. യേശു​ക്രി​സ്‌തു. അതാണ്‌ ഉത്തരം. വാസ്‌ത​വ​ത്തിൽ, സ്‌തം​ഭ​ത്തിൽ തറയ്‌ക്ക​പ്പെട്ട ക്രിസ്‌തു “ദൈവ​ത്തി​ന്റെ ശക്തിയും ദൈവ​ത്തി​ന്റെ ജ്ഞാനവു​മാണ്‌” എന്ന്‌ അപ്പോ​സ്‌ത​ല​നായ പൗലോസ്‌ നിശ്വ​സ്‌ത​ത​യിൽ പറയുന്നു. (1 കൊരി​ന്ത്യർ 1:24, പി.ഒ.സി. ബൈബിൾ) ‘അത്‌ എന്തു​കൊണ്ട്‌?’ എന്നും ‘അതിന്‌ എന്റെ ഇപ്പോ​ഴത്തെ ജീവി​ത​വു​മാ​യി എന്തു ബന്ധം?’ എന്നും നിങ്ങൾ ചോദി​ച്ചേ​ക്കാം.

പുത്ര​നി​ലൂ​ടെ പ്രകട​മാ​ക്കി​യി​രി​ക്കുന്ന ശക്തി

4. തന്റെ പുത്ര​നോ​ടുള്ള ബന്ധത്തിൽ ദൈവ​ത്തി​ന്റെ ശക്തി പ്രകട​മാ​ക്ക​പ്പെ​ട്ട​തെ​ങ്ങനെ?

⁴ ദൈവ​ത്തി​ന്റെ ശക്തി ആദ്യമാ​യി പ്രകട​മാ​യത്‌ തന്റെ പ്രതി​ച്ഛാ​യ​യിൽ, തന്റെ ഏകജാത പുത്രനെ സൃഷ്ടി​ച്ച​പ്പോ​ഴാ​യി​രു​ന്നു. മറെറല്ലാ സംഗതി​ക​ളെ​യും സൃഷ്ടി​ക്കു​ന്ന​തിൽ ദൈവ​ത്തി​ന്റെ സമൃദ്ധ​മായ ശക്തി ഉപയോ​ഗി​ച്ചു​കൊണ്ട്‌ ഈ ആത്മപു​ത്രൻ യഹോ​വയെ ഒരു “ശില്‌പി”യായി സേവിച്ചു. (സദൃശ​വാ​ക്യ​ങ്ങൾ 8:22, 30) കൊ​ലോ​സ്യ​യി​ലുള്ള ക്രിസ്‌തീയ സഹോ​ദ​ര​ങ്ങൾക്കു പൗലോസ്‌ എഴുതി: “സ്വർഗ്ഗ​ത്തി​ലു​ള്ള​തും ഭൂമി​യി​ലു​ള്ള​തും ദൃശ്യ​മാ​യ​തും അദൃശ്യ​മാ​യ​തും . . . സകലവും അവൻ മുഖാ​ന്തരം സൃഷ്ടി​ക്ക​പ്പെട്ടു; അവൻ മുഖാ​ന്ത​ര​വും അവന്നാ​യി​ട്ടും സകലവും സൃഷ്ടി​ക്ക​പ്പെ​ട്ടി​രി​ക്കു​ന്നു.”—കൊ​ലൊ​സ്സ്യർ 1:15, 16.

5-7. (എ) പണ്ട്‌, ദൈവ​ത്തി​ന്റെ ശക്തി​പ്ര​ക​ട​ന​ങ്ങ​ളിൽ മനുഷ്യർ ഉൾപ്പെ​ട്ടി​രു​ന്ന​തെ​ങ്ങനെ? (ബി) ഇന്നു ക്രിസ്‌ത്യാ​നി​ക​ളു​ടെ കാര്യ​ത്തിൽ ദൈവ​ത്തി​ന്റെ ശക്തി പ്രകട​മാ​കാ​മെന്നു വിശ്വ​സി​ക്കാൻ എന്തു കാരണ​മുണ്ട്‌?

⁵ ‘ഭൂമി​യിൽ സൃഷ്ടി​ക്ക​പ്പെട്ട സംഗതി’കളുടെ ഭാഗമാ​ണു നാം. അപ്പോൾ മനുഷ്യ​രായ നമുക്കു ദൈവ​ത്തി​ന്റെ ശക്തി നീട്ടി​ത്ത​രാ​നാ​വു​മോ? അപൂർണ മനുഷ്യ​രു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളിൽ യഹോവ തന്റെ ദാസൻമാർക്കു ചില​പ്പോ​ഴൊ​ക്കെ അധിക​ശക്തി പ്രദാനം ചെയ്‌തി​ട്ടുണ്ട്‌. അതു തന്റെ ഉദ്ദേശ്യ​ങ്ങൾ നിവർത്തി​ക്കാൻ അവരെ പ്രാപ്‌ത​രാ​ക്കു​ന്ന​തി​നു വേണ്ടി​യാ​യി​രു​ന്നു. പൊതു​വേ, മനുഷ്യർ 70-ഓ 80-ഓ വർഷമേ ജീവി​ക്കു​ക​യു​ള്ളൂ എന്നു മോശ​യ്‌ക്ക്‌ അറിയാ​മാ​യി​രു​ന്നു. (സങ്കീർത്തനം 90:10) മോശ​യു​ടെ​തന്നെ കാര്യ​മെ​ടു​ത്താ​ലോ? അവൻ 120 വയസ്സു​വരെ ജീവിച്ചു. എന്നിട്ടും “അവന്റെ കണ്ണു മങ്ങാ​തെ​യും അവന്റെ ദേഹബലം ക്ഷയിക്കാ​തെ​യും ഇരുന്നു.” (ആവർത്ത​ന​പു​സ്‌തകം 34:7) ദൈവം തന്റെ ഓരോ ദാസൻമാർക്കും അത്രയും ദീർഘ​നാൾ ജീവി​ച്ചി​രി​ക്കാ​നുള്ള പ്രാപ്‌തി​യും അത്തരം ഊർജ്വ​സ്വ​ല​ത​യും കൊടു​ക്കു​ന്നു എന്നൊ​ന്നും ഇത്‌ അർഥമാ​ക്കു​ന്നില്ല. എന്നാൽ മനുഷ്യ​നെ ശക്തീക​രി​ക്കാൻ യഹോ​വക്കു കഴിയു​മെന്ന്‌ ഇതു തീർച്ച​യാ​യും തെളി​യി​ക്കു​ന്നു.

⁶ പുരു​ഷൻമാ​രെ​യും സ്‌ത്രീ​ക​ളെ​യും ശക്തീക​രി​ക്കാ​നുള്ള ദൈവ​ത്തി​ന്റെ പ്രാപ്‌തി പ്രകട​മാ​ക്കുന്ന സംഗതി​കൾ ഇനിയു​മുണ്ട്‌. അബ്രഹാ​മി​ന്റെ ഭാര്യ​യു​ടെ കാര്യ​ത്തിൽ അവൻ പ്രവർത്തി​ച്ചത്‌ അതി​ലൊ​ന്നാണ്‌. ‘സാറാ വാഗ്‌ദത്തം ചെയ്‌ത​വനെ വിശ്വ​സ്‌തൻ എന്നു എണ്ണുക​യാൽ പ്രായം കഴിഞ്ഞി​ട്ടും പു​ത്രോ​ല്‌പാ​ദ​ന​ത്തി​നു ശക്തി പ്രാപി​ച്ചു.’ അല്ലെങ്കിൽ ദൈവം ഇസ്രാ​യേ​ലി​ലെ ന്യായാ​ധി​പൻമാ​രെ​യും മററു​ള്ള​വ​രെ​യും എങ്ങനെ ശക്തീക​രി​ച്ചു​വെന്നു പരിചി​ന്തി​ക്കുക: ‘ഗിദ്യോൻ, ബാരാക്ക്‌, ശിം​ശോൻ, യിപ്‌താഹ്‌, ദാവീദ്‌ എന്നിവ​രും ശമൂവേൽ മുതലായ പ്രവാ​ച​കൻമാ​രും ബലഹീ​ന​ത​യിൽ ശക്തീക​രി​ക്ക​പ്പെട്ടു.’—എബ്രായർ 11:11, 32-34.

⁷ അത്തരം ശക്തിക്കു നമ്മുടെ കാര്യ​ത്തി​ലും പ്രവർത്തി​ക്കാ​നാ​വും. അത്ഭുത​ത്തി​ലൂ​ടെ ഒരു സന്താന​മു​ണ്ടാ​കാൻ നാം ഇപ്പോൾ പ്രതീ​ക്ഷി​ക്കി​ല്ലാ​യി​രി​ക്കാം, അല്ലെങ്കിൽ ശിം​ശോ​നെ​പ്പോ​ലെ നാം ശക്തി പ്രകടി​പ്പി​ക്കി​ല്ലാ​യി​രി​ക്കാം. പക്ഷേ കൊ​ലോ​സ്യ​യി​ലെ സാധാരണ മനുഷ്യ​രോ​ടു പൗലോസ്‌ സൂചി​പ്പി​ച്ച​തു​പോ​ലെ, ശക്തരാ​കാൻ നമുക്കു സാധി​ക്കും. അതേ, ഇന്നു സഭകളിൽ കാണു​ന്ന​തു​പോ​ലുള്ള പുരു​ഷൻമാർക്കും സ്‌ത്രീ​കൾക്കും കുട്ടി​കൾക്കു​മാണ്‌ പൗലോസ്‌ എഴുതി​യത്‌. അവർ “പൂർണ്ണ​ശ​ക്തി​യോ​ടെ ബലപ്പെ​ടേണ”മെന്ന്‌ അവൻ പറയു​ക​യു​ണ്ടാ​യി.—കൊ​ലൊ​സ്സ്യർ 1:11.

8, 9. ഒന്നാം നൂററാ​ണ്ടിൽ, നമ്മെ​പ്പോ​ലുള്ള മനുഷ്യ​രോ​ടുള്ള ബന്ധത്തിൽ യഹോ​വ​യു​ടെ ശക്തി പ്രകട​മാ​യ​തെ​ങ്ങനെ?

⁸ യേശു​വി​ന്റെ ഭൗമി​ക​ശു​ശ്രൂ​ഷ​യ്‌ക്കി​ട​യിൽ, തന്റെ ശക്തി തന്റെ പുത്ര​നി​ലൂ​ടെ പ്രവർത്തി​ക്കു​ന്നു​ണ്ടെന്ന്‌ യഹോവ വ്യക്തമാ​ക്കി. ഉദാഹ​ര​ണ​ത്തിന്‌, കഫർന്ന​ഹൂ​മിൽ ജനക്കൂട്ടം യേശു​വി​ന​ടു​ത്തു തടിച്ചു​കൂ​ടിയ സമയത്ത്‌ “സൌഖ്യ​മാ​ക്കു​വാൻ കർത്താ​വി​ന്റെ ശക്തി അവനോ​ടു​കൂ​ടെ ഉണ്ടായി​രു​ന്നു.”—ലൂക്കൊസ്‌ 5:17.

⁹ തന്റെ പുനരു​ത്ഥാ​ന​ത്തി​നു​ശേഷം ‘പരിശു​ദ്ധാ​ത്മാ​വു അവരു​ടെ​മേൽ വരു​മ്പോൾ അവർക്കു ശക്തി ലഭിക്കു​മെന്ന്‌’ യേശു തന്റെ അനുഗാ​മി​കൾക്ക്‌ ഉറപ്പു​കൊ​ടു​ക്കു​ക​യു​ണ്ടാ​യി. (പ്രവൃ​ത്തി​കൾ 1:8) അത്‌ എത്ര ശരിയാ​യി​രു​ന്നു! പൊ.യു. (പൊതു​യു​ഗം) 33-ലെ പെന്ത​ക്കോ​സ്‌തി​നു​ശേഷം ഏതാനും ദിവസങ്ങൾ കഴിഞ്ഞു​ണ്ടായ സംഭവ​വി​കാ​സങ്ങൾ ഒരു ചരി​ത്ര​കാ​രൻ ഇങ്ങനെ റിപ്പോർട്ടു ചെയ്യുന്നു: “അപ്പൊ​സ്‌ത​ലൻമാർ മഹാശ​ക്തി​യോ​ടെ കർത്താ​വായ യേശു​വി​ന്റെ പുനരു​ത്ഥാ​ന​ത്തി​ന്നു സാക്ഷ്യം പറഞ്ഞു​വന്നു.” (പ്രവൃ​ത്തി​കൾ 4:33) നിർവ​ഹി​ക്കാൻ ദൈവം ഏൽപ്പി​ച്ചു​കൊ​ടുത്ത വേല ചെയ്യാൻ ശക്തീക​രി​ക്ക​പ്പെട്ട ഒരാൾ പൗലോ​സു​ത​ന്നെ​യാ​യി​രു​ന്നു. അവന്റെ പരിവർത്ത​ന​ത്തി​നും കാഴ്‌ച​വീ​ണ്ടു​കി​ട്ട​ലി​നും ശേഷം അവൻ “മേല്‌ക്കു​മേൽ ശക്തി​പ്രാ​പി​ച്ചു, യേശു തന്നേ ക്രിസ്‌തു എന്നു തെളി​യി​ച്ചു ദമസ്‌ക്കൊ​സിൽ പാർക്കുന്ന യെഹൂ​ദൻമാ​രെ മിണ്ടാ​താ​ക്കി.”—പ്രവൃ​ത്തി​കൾ 9:22.

10. ദൈവ​ത്തിൽനി​ന്നുള്ള ശക്തി പൗലോ​സി​ന്റെ കാര്യ​ത്തിൽ സഹായ​ക​മാ​യ​തെ​ങ്ങനെ?

¹⁰ ആയിര​ക്ക​ണ​ക്കി​നു കിലോ​മീ​ററർ താണ്ടി​യുള്ള മൂന്നു മിഷനറി യാത്രകൾ നടത്താൻ ആവശ്യ​മായ ആത്മീയ​വും മാനസി​ക​വു​മായ ശേഷി​യെ​ക്കു​റി​ച്ചു പരിചി​ന്തി​ക്കു​മ്പോൾ പൗലോ​സി​നു കൂടു​ത​ലായ ശക്തി തീർച്ച​യാ​യും ആവശ്യ​മാ​യി​രു​ന്നു. തടവു​ശി​ക്ഷ​ക​ളും പിന്നെ രക്തസാ​ക്ഷി​ത്വ​വും, അങ്ങനെ എല്ലാത്തരം പ്രയാ​സ​ങ്ങ​ളും അവൻ സഹിച്ചു. എങ്ങനെ? അവന്റെ ഉത്തരം ഇതാണ്‌: ‘കർത്താവ്‌ എനിക്കു തുണനി​ന്നു പ്രസംഗം എന്നെ​ക്കൊ​ണ്ടു നിവർത്തി​പ്പാൻ എന്നെ ശക്തീക​രി​ച്ചു.’—2 തിമൊ​ഥെ​യൊസ്‌ 4:6-8, 17; 2 കൊരി​ന്ത്യർ 11:23-27.

11. ദൈവ​ത്തി​ന്റെ ശക്തി​യെ​ക്കു​റി​ച്ചു പറയവേ, പൗലോസ്‌ കൊ​ലോ​സ്യ​യി​ലെ തന്റെ സഹദാ​സൻമാർക്കു​വേണ്ടി ഏതു പ്രത്യാ​ശ​യെ​യാ​ണു പരാമർശി​ച്ചത്‌?

¹¹ കൊ​ലോ​സ്യ​യി​ലുള്ള, ‘ക്രിസ്‌തു​വിൽ വിശ്വസ്‌ത സഹോ​ദ​രൻമാർക്ക്‌’ എഴുതവേ, അവർ ‘സകല സഹിഷ്‌ണു​തെ​ക്കും ദീർഘ​ക്ഷ​മെ​ക്കു​മാ​യി അവന്റെ [യഹോ​വ​യു​ടെ] മഹത്വ​ത്തി​ന്റെ വല്ലഭത്വ​ത്തി​ന്നു ഒത്തവണ്ണം പൂർണ്ണ​ശ​ക്തി​യോ​ടെ ബലപ്പെ​ടട്ടെ’ എന്നു പറഞ്ഞ്‌ പൗലോസ്‌ അവരെ ധൈര്യ​പ്പെ​ടു​ത്തി​യതു നമ്മെ അതിശ​യി​പ്പി​ക്കു​ന്നില്ല. (കൊ​ലൊ​സ്സ്യർ 1:2, 11) ആ വാക്കുകൾ പ്രാഥ​മി​ക​മാ​യി അഭിഷി​ക്തരെ സംബോ​ധന ചെയ്‌തി​ട്ടു​ള്ള​വ​യാ​യി​രു​ന്നെ​ങ്കി​ലും, ക്രിസ്‌തു​വി​ന്റെ കാൽച്ചു​വ​ടു​കൾ പിൻപ​റ​റുന്ന സകലർക്കും പൗലോസ്‌ എഴുതി​യി​രി​ക്കു​ന്ന​തിൽനി​ന്നു കാര്യ​മായ പ്രയോ​ജനം നേടാ​നാ​വും.

കൊ​ലോ​സ്യ​യിൽ ശക്തീക​രി​ക്ക​പ്പെ​ട്ടു

12, 13. കൊ​ലോ​സ്യർക്കുള്ള ലേഖന​ത്തി​ന്റെ പശ്ചാത്ത​ല​മെന്ത്‌, സാധ്യ​ത​യ​നു​സ​രിച്ച്‌ അതി​നോ​ടുള്ള പ്രതി​ക​രണം എന്തായി​രി​ക്കണം?

¹² എപ്പഫ്രാസ്‌ എന്നു പേരായ ഒരു വിശ്വസ്‌ത ക്രിസ്‌ത്യാ​നി​യു​ടെ പ്രസം​ഗ​ത്തി​ലൂ​ടെ​യാ​വാം ഒരുപക്ഷേ ഏഷ്യയി​ലെ റോമൻ പ്രവി​ശ്യ​യിൽ സ്ഥിതി​ചെ​യ്‌തി​രുന്ന കൊ​ലോ​സ്യ സഭ സ്ഥാപി​ത​മാ​യത്‌. പൊ.യു. 58-ൽ പൗലോസ്‌ റോമിൽ തടവി​ലാ​യി​രു​ന്നെന്നു കേട്ട​പ്പോൾ അപ്പോ​സ്‌ത​ലനെ സന്ദർശിച്ച്‌ കൊ​ലോ​സ്യ​യി​ലെ സഹോ​ദ​ര​ങ്ങ​ളു​ടെ സ്‌നേ​ഹ​ത്തെ​യും മനസ്സു​റ​പ്പി​നെ​യും കുറി​ച്ചുള്ള ഒരു ഉത്തമ റിപ്പോർട്ടു നൽകി അവനെ പ്രോ​ത്സാ​ഹി​പ്പി​ക്കാൻ എപ്പഫ്രാസ്‌ നിശ്ചയി​ച്ചു​റ​ച്ച​താ​യി തോന്നു​ന്നു. കൊ​ലോ​സ്യ സഭയിൽ പരിഹ​രി​ക്കാ​നുള്ള ഏതോ പ്രശ്‌ന​ത്തെ​ക്കു​റിച്ച്‌ ഒരു വിശ്വ​സ്‌ത​മായ റിപ്പോർട്ടും എപ്പഫ്രാസ്‌ കൊടു​ത്തി​രി​ക്കാൻ സാധ്യ​ത​യുണ്ട്‌. തിരിച്ച്‌, പ്രോ​ത്സാ​ഹ​ന​ത്തി​ന്റേ​തും മുന്നറി​യി​പ്പി​ന്റേ​തു​മായ ഒരു എഴുത്തു സഭയ്‌ക്കു വിടാൻ പൗലോസ്‌ നിർബ​ന്ധി​ത​നാ​യി. ആ ലേഖന​ത്തി​ന്റെ ഒന്നാം അധ്യാ​യ​ത്തിൽനി​ന്നു നിങ്ങൾക്കും കാര്യ​മായ പ്രോ​ത്സാ​ഹനം ലഭി​ച്ചേ​ക്കാം. എന്തെന്നാൽ അതു യഹോ​വക്കു തന്റെ ദാസൻമാ​രെ എങ്ങനെ ശക്തീക​രി​ക്കാ​നാ​വും എന്നതു​സം​ബ​ന്ധി​ച്ചു വെളിച്ചം വീശുന്നു.

¹³ ‘ക്രിസ്‌തു​വിൽ വിശ്വസ്‌ത സഹോ​ദ​രൻമാർ’ എന്ന്‌ പൗലോസ്‌ അവരെ വർണി​ച്ച​പ്പോൾ കൊ​ലോ​സ്യ​യി​ലെ സഹോ​ദ​രീ​സ​ഹോ​ദ​രൻമാർക്ക്‌ എന്തു തോന്നി​യി​രി​ക്കാ​മെന്നു നിങ്ങൾക്കു വിഭാവന ചെയ്യാ​നാ​വും. ‘സകലവി​ശു​ദ്ധൻമാ​രോ​ടും അവർക്കുള്ള സ്‌നേ​ഹ​ത്തി​നും’ അവർ ക്രിസ്‌ത്യാ​നി​ക​ളായ സമയം​മു​തൽ ‘സുവി​ശേ​ഷ​ത്തി​ന്റെ ഫലം കായി​ച്ച​തി​നും’ അവരെ അഭിന​ന്ദി​ക്കേ​ണ്ടി​യി​രു​ന്നു! നമ്മുടെ സഭയെ​ക്കു​റി​ച്ചും വ്യക്തി​പ​ര​മാ​യി നമ്മെക്കു​റി​ച്ചും ഇങ്ങനെ​തന്നെ പറയാ​നാ​വു​മോ?—കൊ​ലൊ​സ്സ്യർ 1:2-8.

14. കൊ​ലോ​സ്യ​രെ സംബന്ധിച്ച്‌ പൗലോ​സി​ന്റെ ആഗ്രഹം എന്തായി​രു​ന്നു?

¹⁴ റിപ്പോർട്ടു കിട്ടിയ ഉടൻ പൗലോസ്‌ പ്രതി​ക​രി​ച്ചു. അവർ “കർത്താ​വി​ന്നു യോഗ്യ​മാ​കും​വണ്ണം നടന്നു, ആത്മിക​മായ സകല ജ്ഞാനത്തി​ലും വിവേ​ക​ത്തി​ലും അവന്റെ ഇഷ്ടത്തിന്റെ പരിജ്ഞാ​നം​കൊ​ണ്ടു നിറഞ്ഞു​വ​രേണ”മെന്നു യാചി​ച്ചു​കൊണ്ട്‌ അവർക്കു​വേണ്ടി ഇടവി​ടാ​തെ പ്രാർഥി​ക്കു​ക​യാ​യി​രു​ന്നു​വെന്ന്‌ അവൻ കൊ​ലോ​സ്യ​രോ​ടു പറഞ്ഞു. അവർ “സകല സൽപ്ര​വൃ​ത്തി​യി​ലും ഫലം കായിച്ചു ദൈവ​ത്തെ​ക്കു​റി​ച്ചുള്ള പരിജ്ഞാനത്തിൽ വളരേ​ണ​മെ​ന്നും സകല സഹിഷ്‌ണു​തെ​ക്കും ദീർഘ​ക്ഷ​മെ​ക്കു​മാ​യി അവന്റെ മഹത്വ​ത്തി​ന്റെ വല്ലഭത്വ​ത്തി​ന്നു ഒത്തവണ്ണം പൂർണ്ണ​ശ​ക്തി​യോ​ടെ ബലപ്പെ​ടേ​ണ​മെ​ന്നും” അവൻ പ്രാർഥി​ച്ചു.—കൊ​ലൊ​സ്സ്യർ 1:9-11.

ഇന്നും ശക്തീക​രി​ക്ക​പ്പെ​ടു​ന്നു

15. പൗലോസ്‌ കൊ​ലോ​സ്യർക്ക്‌ എഴുതി​യ​തിൽ പ്രതി​ഫ​ലിച്ച അതേ മനോ​ഭാ​വം നമുക്ക്‌ എങ്ങനെ പ്രകടി​പ്പി​ക്കാം?

¹⁵ എന്തൊരു ഉത്തമ മാതൃ​ക​യാ​ണു പൗലോസ്‌ നമുക്കാ​യി വെച്ചത്‌! കഷ്ടപ്പാ​ടു​ക​ളൊ​ന്നും വകവെ​ക്കാ​തെ അതു സഹിച്ച്‌ സന്തോഷം നിലനിർത്താൻ ലോക​മെ​മ്പാ​ടു​മുള്ള സഹോ​ദ​ര​ങ്ങൾക്കു നമ്മുടെ പ്രാർഥന ആവശ്യ​മുണ്ട്‌. മറെറാ​രു സഭയി​ലെ​യോ രാജ്യ​ത്തി​ലെ​യോ സഹോ​ദ​രങ്ങൾ ദുരി​ത​മ​നു​ഭ​വി​ക്കു​ക​യാണ്‌ എന്നു വിവരം ലഭിക്കു​മ്പോൾ പൗലോ​സി​നെ​പ്പോ​ലെ, നാം കൃത്യ​മായ ആവശ്യങ്ങൾ പറഞ്ഞ്‌ പ്രാർഥി​ക്കണം. ചില​പ്പോൾ അടുത്തുള്ള ഒരു സഭ പ്രകൃ​തി​ക്ഷോ​ഭ​ത്തി​നി​ര​യാ​യി​ട്ടു​ണ്ടാ​വാം, അല്ലെങ്കിൽ മറേറ​തെ​ങ്കി​ലും ആത്മീയ ബുദ്ധി​മു​ട്ടു​കൾ നേരി​ടു​ന്നു​ണ്ടാ​വാം. ചില​പ്പോൾ ആഭ്യന്ത​ര​യു​ദ്ധ​ത്താ​ലോ ഗോ​ത്ര​ങ്ങൾക്കി​ട​യി​ലെ പരസ്‌പര കൂട്ടക്കു​രു​തി​യാ​ലോ വീർപ്പു​മു​ട്ടുന്ന ഒരു രാജ്യത്തു ക്രിസ്‌ത്യാ​നി​കൾ സഹിച്ചു​നിൽക്കു​ക​യാ​യി​രി​ക്കാം. ‘കർത്താ​വി​ന്നു യോഗ്യ​മാ​കും​വണ്ണം നടക്കാൻ,’ സഹിച്ചു​നിൽക്ക​വേ​തന്നെ രാജ്യ​ഫലം പുറ​പ്പെ​ടു​വി​ച്ചു മുന്നേ​റാൻ, പരിജ്ഞാ​ന​ത്തിൽ വർധി​ച്ചു​വ​രാൻ നമ്മുടെ സഹോ​ദ​ര​ങ്ങളെ സഹായി​ക്ക​ണ​മെന്നു നാം പ്രാർഥ​ന​യിൽ ദൈവ​ത്തോ​ടു യാചി​ക്കണം. ഈ വിധം ദൈവ​ത്തി​ന്റെ ദാസൻമാർ അവന്റെ ആത്മാവി​ന്റെ ഫലം സ്വീക​രിച്ച്‌ ‘പൂർണ്ണ​ശ​ക്തി​യോ​ടെ ബലപ്പെ​ടു​ന്നു.’ നിങ്ങളു​ടെ പിതാവു നിങ്ങളെ ശ്രദ്ധി​ക്കു​ക​യും അതി​നോ​ടു പ്രതി​ക​രി​ക്കു​ക​യും ചെയ്യു​മെന്നു നിങ്ങൾക്ക്‌ ഉറപ്പു​ള്ള​വ​രാ​യി​രി​ക്കാ​വു​ന്ന​താണ്‌.—1 യോഹ​ന്നാൻ 5:14, 15.

16, 17. (എ) പൗലോസ്‌ എഴുതി​യ​തു​പോ​ലെ, നാം എന്തിനു നന്ദിയു​ള്ള​വ​രാ​യി​രി​ക്കണം? (ബി) ദൈവ​ജനത വിമോ​ചി​ത​രും പാപ​മോ​ചി​ത​രു​മാ​ക്ക​പ്പെ​ട്ടി​രിക്കു​ന്നത്‌ എന്തർഥ​ത്തി​ലാണ്‌?

¹⁶ ‘വിശു​ദ്ധൻമാർക്കു വെളി​ച്ച​ത്തി​ലുള്ള അവകാ​ശ​ത്തി​ന്നാ​യി തങ്ങളെ പ്രാപ്‌തൻമാ​രാ​ക്കിയ പിതാ​വി​നു’ കൊ​ലോ​സ്യർ ‘നന്ദി പറയണ​മെന്ന്‌’ പൗലോസ്‌ എഴുതി. അവന്റെ രാജ്യ​ത്തി​ന്റെ സ്വർഗീ​യ​മോ ഭൗതി​ക​മോ ആയ മേഖല​യിൽ എവി​ടെ​യാ​യി​രു​ന്നാ​ലും, അവന്റെ ക്രമീ​ക​ര​ണ​ത്തിൽ നമുക്ക്‌ ഒരു സ്ഥാനം നൽകി​യ​തി​നു നമുക്കും നമ്മുടെ സ്വർഗീയ പിതാ​വി​നോ​ടു നന്ദി പറയാം. അപൂർണ​രായ മനുഷ്യ​രെ തന്റെ ദൃഷ്ടി​ക​ളിൽ ദൈവം പ്രാപ്‌ത​രാ​ക്കി​യ​തെ​ങ്ങനെ? പൗലോസ്‌ തന്റെ അഭിഷിക്ത സഹോ​ദ​ര​ങ്ങൾക്ക്‌ എഴുതി: ‘പിതാവു നമ്മെ ഇരുട്ടി​ന്റെ അധികാ​ര​ത്തിൽനി​ന്നു വിടു​വി​ച്ചു തന്റെ സ്‌നേ​ഹ​സ്വ​രൂ​പ​നായ പുത്രന്റെ രാജ്യ​ത്തി​ലാ​ക്കി​വെ​ക്കു​ക​യും ചെയ്‌തി​രി​ക്കു​ന്നു. അവനിൽ നമുക്കു പാപ​മോ​ച​ന​മെന്ന വീണ്ടെ​ടു​പ്പു ഉണ്ട്‌.’—കൊ​ലൊ​സ്സ്യർ 1:12-14.

¹⁷ നമ്മുടെ പ്രത്യാശ സ്വർഗീ​യ​മോ ഭൗതി​ക​മോ എന്തായി​രു​ന്നാ​ലും, യഹോ​വ​യു​ടെ പ്രിയ പുത്രന്റെ മറുവി​ലാ​യാ​ഗം എന്ന അമൂല്യ ക്രമീ​ക​ര​ണ​ത്തിൽ വിശ്വാ​സ​മർപ്പി​ക്കു​ന്ന​തി​ലൂ​ടെ സാധ്യ​മാ​കുന്ന, അന്ധകാ​ര​ത്തി​ന്റെ ഈ ദുഷ്ടവ്യ​വ​സ്ഥി​തി​യിൽനി​ന്നുള്ള നമ്മുടെ മോച​ന​ത്തി​നു നാം ദൈവ​ത്തി​നു ദിവസേന സ്‌തോ​ത്രം ചെയ്യുന്നു. (മത്തായി 20:28) മറുവില തങ്ങൾക്കു പ്രത്യേ​ക​മായ വിധത്തിൽ ബാധക​മാ​ക്കി​യ​തിൽനിന്ന്‌ അഭിഷിക്ത ക്രിസ്‌ത്യാ​നി​കൾക്കു പ്രയോ​ജനം ലഭിച്ചി​രി​ക്കു​ന്നു. അങ്ങനെ അവർക്കു ‘സ്‌നേ​ഹ​സ്വ​രൂ​പ​നായ പുത്രന്റെ രാജ്യ​ത്തി​ലാ​വാൻ സാധി​ക്കു​ന്നു.’ (ലൂക്കൊസ്‌ 22:20, 29, 30) എന്നാൽ ഇപ്പോൾപ്പോ​ലും “വേറെ ആടുക”ളും മറുവി​ല​യിൽനി​ന്നു പ്രയോ​ജ​ന​മ​നു​ഭ​വി​ക്കു​ന്നുണ്ട്‌. (യോഹ​ന്നാൻ 10:16) സ്‌നേ​ഹി​തർ എന്നനി​ല​യിൽ തന്റെ മുമ്പാകെ നീതി​നി​ഷ്‌ഠ​മായ ഒരു നിലയു​ണ്ടാ​യി​രി​ക്കാൻ അവർക്കു ദൈവ​ത്തിൽനി​ന്നു പാപ​മോ​ചനം ലഭിക്കാ​നാ​വും. ഈ അന്ത്യകാ​ലത്ത്‌ “രാജ്യ​ത്തി​ന്റെ ഈ സുവാർത്ത” പ്രഘോ​ഷി​ക്കു​ന്ന​തിൽ അവർക്ക്‌ ഒരു വലിയ പങ്കുണ്ട്‌. (മത്തായി 24:14) അതിലു​പരി, ക്രിസ്‌തു​വി​ന്റെ ആയിരം​വർഷ വാഴ്‌ച​യു​ടെ അവസാ​ന​ത്തോ​ടെ സമ്പൂർണ നീതി​നി​ഷ്‌ഠ​രും ശാരീ​രി​ക​മാ​യി പൂർണ​രും ആയിത്തീ​രു​ന്ന​തി​നുള്ള അത്ഭുതാ​വ​ഹ​മായ പ്രത്യാ​ശ​യും അവർക്കുണ്ട്‌. വെളി​പ്പാ​ടു 7:13-17-ലെ വിവരണം വായി​ച്ചിട്ട്‌ മോചി​ത​രാ​യി അനു​ഗ്ര​ഹി​ക്ക​പ്പെ​ടു​ന്ന​തി​നുള്ള തെളി​വല്ലേ ഇതെന്നു നോക്കുക.

18. കൊ​ലോ​സ്സ്യർക്കുള്ള ലേഖന​ത്തിൽ സൂചി​പ്പി​ച്ചി​രി​ക്കുന്ന ഏത്‌ അനുര​ഞ്‌ജ​ന​മാണ്‌ ദൈവം ഇപ്പോ​ഴും നടത്തി​ക്കൊ​ണ്ടി​രി​ക്കു​ന്നത്‌?

¹⁸ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യ​നോ​ടു നാം എത്രമാ​ത്രം കടപ്പെ​ട്ടി​രി​ക്കു​ന്നു എന്നു തിരി​ച്ച​റി​യാൻ പൗലോ​സി​ന്റെ ലേഖനം നമ്മെ സഹായി​ക്കു​ന്നു. ക്രിസ്‌തു​വി​ലൂ​ടെ ദൈവം എന്തു നേടു​ക​യാ​യി​രു​ന്നു? അത്‌ “അവൻ ക്രൂശിൽ ചൊരിഞ്ഞ രക്തം​കൊ​ണ്ടു അവൻമു​ഖാ​ന്തരം സമാധാ​നം ഉണ്ടാക്കി, ഭൂമി​യി​ലു​ള്ള​തോ സ്വർഗ്ഗ​ത്തി​ലു​ള്ള​തോ സകല​ത്തെ​യും അവനെ​ക്കൊ​ണ്ടു തന്നോടു നിരപ്പി​പ്പാ[നായി​രു​ന്നു]”. ഏദെനി​ലെ മത്സരത്തി​നു​മു​മ്പു​ണ്ടാ​യി​രു​ന്ന​തു​പോ​ലെ, മുഴു​സൃ​ഷ്ടി​യെ​യും താനു​മാ​യി സമ്പൂർണ യോജി​പ്പിൽ തിരികെ കൊണ്ടു​വ​രി​ക​യാ​ണു ദൈവ​ത്തി​ന്റെ ഉദ്ദേശ്യം. സകല സംഗതി​ക​ളും സൃഷ്ടി​ക്കാൻ ഉപയോ​ഗിച്ച അതേ വ്യക്തി​യെ​ത്ത​ന്നെ​യാണ്‌ ഈ അനുര​ഞ്‌ജ​ന​വും സാധ്യ​മാ​ക്കാൻ ഉപയോ​ഗി​ക്കു​ന്നത്‌.—കൊ​ലൊ​സ്സ്യർ 1:20.

എന്തിനാ​യി ശക്തീക​രി​ക്ക​പ്പെട്ടു?

19, 20. നാം വിശു​ദ്ധ​രും നിഷ്‌ക​ള​ങ്ക​രും ആയിരി​ക്കു​ന്നത്‌ എന്തിൽ ആശ്രയി​ച്ചി​രി​ക്കു​ന്നു?

¹⁹ ദൈവ​വു​മാ​യി അനുര​ഞ്‌ജ​ന​ത്തി​ലായ നമുക്ക്‌ ഉത്തരവാ​ദി​ത്വ​ങ്ങ​ളുണ്ട്‌. ഒരിക്കൽ നാം പാപി​ക​ളും ദൈവ​ത്തിൽനിന്ന്‌ അന്യാ​ധീ​ന​പ്പെ​ട്ട​വ​രു​മാ​യി​രു​ന്നു. എന്നാൽ ഇപ്പോൾ യേശു​വി​ന്റെ യാഗത്തിൽ വിശ്വാ​സ​മർപ്പിച്ച്‌, മേലാൽ ദുഷ്ടകൃ​ത്യ​ങ്ങ​ളിൽ മനസ്സു​റ​പ്പി​ക്കാ​തെ, നാം അടിസ്ഥാ​ന​പ​ര​മാ​യി “[ദൈവ​ത്തി​ന്റെ മുമ്പിൽ] വിശു​ദ്ധ​രും നിഷ്‌ക​ള​ങ്കരു”മായ ഒരു അവസ്ഥയിൽ “കുററ​മി​ല്ലാ​ത്ത​വ​രാ​യി” നില​കൊ​ള്ളു​ന്നു. (കൊ​ലൊ​സ്സ്യർ 1:21, 22) ഒന്ന്‌ ആലോ​ചി​ച്ചു നോക്കൂ, പുരാതന നാളിലെ വിശ്വസ്‌ത സാക്ഷി​ക​ളെ​ക്കു​റി​ച്ചു ദൈവ​ത്തി​നു ലജ്ജതോ​ന്നി​യി​രു​ന്നില്ല. അതു​പോ​ലെ, നമ്മുടെ ദൈവ​മാ​യി അറിയ​പ്പെ​ടു​ന്ന​തിൽ അവൻ നമ്മെക്കു​റി​ച്ചും ലജ്ജിക്കു​ന്നില്ല. (എബ്രായർ 11:16) ഇന്ന്‌, നാം അവന്റെ വിശ്രു​ത​മായ നാമം വ്യാജ​മാ​യി വഹിക്കു​ക​യാ​ണെന്നു പറഞ്ഞ്‌ ആർക്കും നമ്മെ കുററ​പ്പെ​ടു​ത്താ​നാ​വില്ല. ആ നാമത്തെ ഭൂമി​യു​ടെ അററങ്ങ​ളോ​ളം പരസ്യ​പ്പെ​ടു​ത്താൻ നാം ഭയപ്പെ​ടു​ന്നെ​ന്നും കുററ​പ്പെ​ടു​ത്താ​നാ​വില്ല!

²⁰ എങ്കിലും, കൊ​ലൊ​സ്സ്യർ 1:23-ൽ പൗലോസ്‌ തുടർന്നു​പ​റ​യുന്ന മുന്നറി​യി​പ്പു ശ്രദ്ധി​ക്കുക: “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ ഘോഷി​ച്ചും . . . നിങ്ങൾ കേട്ടു​മി​രി​ക്കുന്ന സുവി​ശേ​ഷ​ത്തി​ന്റെ പ്രത്യാ​ശ​യിൽനി​ന്നു നിങ്ങൾ ഇളകാതെ അടിസ്ഥാ​ന​പ്പെ​ട്ട​വ​രും സ്ഥിരത​യു​ള്ള​വ​രു​മാ​യി വിശ്വാ​സ​ത്തിൽ നിലനി​ന്നു​കൊ​ണ്ടാൽ അങ്ങനെ അവന്റെ മുമ്പിൽ നില്‌ക്കും.” അതു​കൊണ്ട്‌, തന്റെ പ്രിയ​പു​ത്രന്റെ കാൽച്ചു​വ​ടു​കൾ പിൻപ​റ​റി​ക്കൊണ്ട്‌ യഹോ​വ​യോ​ടു വിശ്വ​സ്‌ത​മാ​യി നില​കൊ​ള്ളു​ന്ന​തി​ലാണ്‌ അത്‌ ഏറിയ​പ​ങ്കും ആശ്രയി​ച്ചി​രി​ക്കു​ന്നത്‌. യഹോ​വ​യും യേശു​ക്രി​സ്‌തു​വും നമുക്കു​വേണ്ടി വളരെ​യ​ധി​കം കാര്യങ്ങൾ ചെയ്‌തി​രി​ക്കു​ന്നു! പൗലോ​സി​ന്റെ ബുദ്ധ്യു​പ​ദേശം പിൻപ​റ​റി​ക്കൊണ്ട്‌ നമുക്ക്‌ അവരോ​ടുള്ള സ്‌നേഹം പ്രകടി​പ്പി​ക്കാം.

21. ഇന്നു പുളകി​ത​രാ​യി​രി​ക്കു​ന്ന​തി​നു നമുക്കു വലിയ കാരണ​മു​ള്ളത്‌ എന്തു​കൊണ്ട്‌?

²¹ ‘അവർ കേട്ട സുവി​ശേഷം’ അതി​നോ​ട​കം​തന്നെ “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ ഘോഷി​ച്ചു”കഴിഞ്ഞി​രി​ക്കു​ന്നു​വെന്നു കേട്ടതിൽ കൊ​ലോ​സ്യ ക്രിസ്‌ത്യാ​നി​കൾ പുളകി​ത​രാ​യി​രി​ക്കണം. ഇന്ന്‌ അത്‌ 230-ലധികം രാജ്യ​ങ്ങ​ളി​ലാ​യി 45 ലക്ഷത്തി​ല​ധി​കം വരുന്ന സാക്ഷി​ക​ളാൽ പ്രഘോ​ഷി​ക്ക​പ്പെ​ടു​ന്നു എന്നത്‌ അതിലും വലിയ ആവേശ​മു​ണർത്തു​ന്ന​താണ്‌. എന്തിന്‌, വർഷം​തോ​റും സകല ജനതക​ളിൽനി​ന്നു​മാ​യി ദൈവ​വു​മാ​യി അനുര​ഞ്‌ജ​ന​ത്തി​ലേക്കു വരുന്നത്‌ ഏതാണ്ടു 3,00,000 ആളുക​ളാണ്‌!—മത്തായി 24:14; 28:19, 20.

22. നാം കഷ്ടപ്പാട്‌ അനുഭ​വി​ക്കു​ന്നെ​ങ്കിൽപ്പോ​ലും ദൈവ​ത്തി​നു നമുക്കു​വേണ്ടി എന്തു ചെയ്യാൻ കഴിയും?

²² കൊ​ലോ​സ്യർക്കു ലേഖനം എഴുതു​മ്പോൾ വ്യക്തമാ​യും പൗലോസ്‌ തടവിൽ ഏകാന്ത​മാ​യി കഴിയു​ക​യാ​യി​രു​ന്നു. എന്നിട്ടും, തന്റെ അത്തരം അവസ്ഥ​യെ​ച്ചൊ​ല്ലി അവൻ യാതൊ​രു​ത​ര​ത്തി​ലും വിലപി​ച്ചില്ല. അതിനു​പ​കരം അവൻ ഇതാണു പറഞ്ഞത്‌: “ഇപ്പോൾ ഞാൻ നിങ്ങൾക്കു വേണ്ടി​യുള്ള കഷ്ടാനു​ഭ​വ​ങ്ങ​ളിൽ സന്തോ​ഷി​ക്കു​ന്നു.” “സന്തോ​ഷ​ത്തോ​ടെ സമ്പൂർണ​മാ​യി സഹിച്ചു​നിൽക്കു”ക, “ദീർഘക്ഷമ പ്രകടി​പ്പി​ക്കു”ക എന്നതി​ന്റെ​യെ​ല്ലാം അർഥം പൗലോ​സിന്‌ അറിയാ​മാ​യി​രു​ന്നു. (കൊ​ലൊ​സ്സ്യർ 1:11, 24, NW) എന്നാൽ സ്വന്ത ശക്തിയി​ലല്ല താൻ ഇതു ചെയ്‌തത്‌ എന്ന്‌ അവൻ തിരി​ച്ച​റി​ഞ്ഞി​രു​ന്നു. യഹോവ അവനെ ശക്തീക​രി​ച്ചി​രു​ന്നു! അങ്ങനെ​ത​ന്നെ​യാണ്‌ ഇന്നും. തടവി​ലാ​ക്ക​പ്പെ​ടു​ക​യും പീഡി​പ്പി​ക്ക​പ്പെ​ടു​ക​യും ചെയ്‌തി​ട്ടുള്ള ആയിര​ക്ക​ണ​ക്കി​നു സാക്ഷി​കൾക്കു യഹോ​വയെ സേവി​ക്കു​ന്ന​തി​ലെ സന്തുഷ്ടി നഷ്ടപ്പെ​ട്ടി​ട്ടില്ല. മറിച്ച്‌, “അവൻ ക്ഷീണി​ച്ചി​രി​ക്കു​ന്ന​വനു ശക്തി നൽകുന്നു; . . . യഹോ​വയെ കാത്തി​രി​ക്കു​ന്നവർ ശക്തിയെ പുതു​ക്കും” എന്ന യെശയ്യാ​വു 40:29-31-ൽ കാണുന്ന ദൈവ​ത്തി​ന്റെ വാക്കുകൾ സത്യമാ​ണെന്നു മനസ്സി​ലാ​ക്കാൻ ഇടവന്നി​രി​ക്കു​ന്നു.

23, 24. കൊ​ലൊ​സ്സ്യർ 1:26-ൽ സൂചി​പ്പി​ച്ചി​രി​ക്കുന്ന പാവന​ര​ഹ​സ്യം എന്ത്‌?

²³ ക്രിസ്‌തു​വി​നെ കേന്ദ്രീ​ക​രി​ച്ചുള്ള സുവി​ശേ​ഷ​ശു​ശ്രൂഷ പൗലോ​സി​നു വളരെ പ്രധാ​ന​പ്പെ​ട്ട​താ​യി​രു​ന്നു. ദൈ​വോ​ദ്ദേ​ശ്യ​ത്തിൽ ക്രിസ്‌തു​വി​നുള്ള പങ്കിന്റെ മൂല്യം മററു​ള്ള​വ​രും മനസ്സി​ലാ​ക്ക​ണ​മെന്ന്‌ അവൻ ആഗ്രഹി​ച്ചു. അതു​കൊണ്ട്‌, “പൂർവ്വ​കാ​ല​ങ്ങൾക്കും തലമു​റ​കൾക്കും മറഞ്ഞു​കി​ടന്ന മർമ്മം [‘പാവന​ര​ഹ​സ്യം,’ NW]” എന്നാണ്‌ അവൻ അതിനെ വർണി​ച്ചത്‌. എങ്കിലും അത്‌ എന്നും ഒരു മർമമാ​യി​ത്ത​ന്നെ​യി​രി​ക്കേ​ണ്ട​താ​യി​രു​ന്നില്ല. “ഇപ്പോൾ അവന്റെ വിശു​ദ്ധൻമാർക്കു വെളി​പ്പെ​ട്ടി​രി​ക്കു​ന്നു” എന്നു പൗലോസ്‌ കൂട്ടി​ച്ചേർത്തു. (കൊ​ലൊ​സ്സ്യർ 1:26) ഏദെനിൽ മത്സരം പൊട്ടി​പ്പു​റ​പ്പെ​ട്ട​പ്പോൾ, ‘സ്‌ത്രീ​യു​ടെ സന്തതി സർപ്പത്തി​ന്റെ തല തകർക്കും’ എന്നു മുൻകൂ​ട്ടി​പ്പ​റ​ഞ്ഞു​കൊണ്ട്‌ യഹോവ വരുവാ​നുള്ള മെച്ചപ്പെട്ട സംഗതി​ക​ളു​ടെ ഒരു വാഗ്‌ദാ​നം കൊടു​ക്കു​ക​യു​ണ്ടാ​യി. (ഉല്‌പത്തി 3:15) അതിന്റെ അർഥ​മെ​ന്താ​യി​രു​ന്നു? തലമു​റ​ക​ളോ​ളം, നൂററാ​ണ്ടു​ക​ളോ​ളം അതൊരു പിടി​കി​ട്ടാ​ര​ഹ​സ്യ​മാ​യി അവശേ​ഷി​ച്ചു. അങ്ങനെ​യി​രി​ക്കെ​യാണ്‌ യേശു വന്നത്‌. അവൻ ‘സുവി​ശേ​ഷം​കൊ​ണ്ടു ജീവനും അക്ഷയത​യും വെളി​പ്പെ​ടു​ത്തി.’—2 തിമൊ​ഥെ​യൊസ്‌ 1:10.

²⁴ അതേ, ക്രിസ്‌തു​വി​നെ​യും മിശി​ഹൈക രാജ്യ​ത്തെ​യും കേന്ദ്രീ​ക​രി​ച്ചു​ള്ള​താണ്‌ “പാവന​ര​ഹ​സ്യം.” ക്രിസ്‌തു​വി​നോ​ടൊ​പ്പം രാജ്യ​ഭ​ര​ണ​ത്തിൽ പങ്കുപ​റ​റു​ന്ന​വരെ പരാമർശി​ച്ചു​കൊണ്ട്‌ പൗലോസ്‌ “സ്വർഗ​ത്തി​ലുള്ള”വയെ സൂചിപ്പിക്കുകയുണ്ടായി. ഇവിടെ എന്നെന്നു​മു​ണ്ടാ​യി​രി​ക്കുന്ന പറുദീസ ആസ്വദി​ക്കാ​നി​രി​ക്കുന്ന “ഭൂമി​യി​ലുള്ള”വർക്കു കണക്കററ അനു​ഗ്ര​ഹങ്ങൾ വരുത്തു​ന്നത്‌ ഇവരെ ഉപയോ​ഗി​ച്ചു​കൊ​ണ്ടാ​യി​രി​ക്കും. അപ്പോൾ “ഈ മർമ്മത്തി​ന്റെ മഹിമാ​ധനം” എന്നു പൗലോസ്‌ പരാമർശി​ച്ചത്‌ എത്ര ഉചിത​മാ​യി​രു​ന്നു​വെന്നു നിങ്ങൾക്കു മനസ്സി​ലാ​വും.—കൊ​ലൊ​സ്സ്യർ 1:20, 27.

25. കൊ​ലൊ​സ്സ്യർ 1:29-ൽ സൂചി​പ്പി​ച്ചി​രി​ക്കു​ന്ന​തു​പോ​ലെ, ഇപ്പോൾ നമ്മുടെ മനോ​ഭാ​വം എന്തായി​രി​ക്കണം?

²⁵ ആ രാജ്യ​ത്തിൽ തനിക്കുള്ള സ്ഥാനത്തി​നു​വേണ്ടി പൗലോസ്‌ നോക്കി​പ്പാർത്തി​രു​ന്നു. എങ്കിലും, വെറുതെ ഇരുന്നു​കൊ​ണ്ടു പ്രത്യാ​ശി​ക്കാ​വുന്ന ഒരു സംഗതി​യ​ല്ലാ​യി​രു​ന്നു അത്‌ എന്ന്‌ അവൻ തിരി​ച്ച​റി​ഞ്ഞി​രു​ന്നു. “ഞാൻ എന്നിൽ ബലത്തോ​ടെ വ്യാപ​രി​ക്കുന്ന അവന്റെ വ്യാപാ​ര​ശ​ക്തി​ക്കു ഒത്തവണ്ണം പോരാ​ടി​ക്കൊ​ണ്ടു അദ്ധ്വാ​നി​ക്കു​ന്നു.” (കൊ​ലൊ​സ്സ്യർ 1:29) ജീവര​ക്ഷാ​ക​ര​മായ ഒരു ശുശ്രൂഷ നിറ​വേ​റ​റാൻ യഹോവ പൗലോ​സി​നെ ക്രിസ്‌തു​വി​ലൂ​ടെ ശക്തീക​രിച്ച കാര്യം ശ്രദ്ധി​ക്കുക. ഇന്നു നമുക്കു​വേ​ണ്ടി​യും യഹോ​വക്ക്‌ അതുതന്നെ ചെയ്യാ​നാ​വും. എന്നാൽ ‘ഞാൻ ആദ്യമാ​യി സത്യം പഠിച്ച​പ്പോൾ സുവാർത്താ പ്രസം​ഗ​ത്തിൽ എനിക്കു​ണ്ടാ​യി​രുന്ന അതേ ആത്മാവ്‌ ഇപ്പോ​ഴു​ണ്ടോ?’ എന്നു നാം സ്വയം ചോദി​ക്കണം. എന്താണു നിങ്ങളു​ടെ ഉത്തരം? ‘യഹോ​വ​യു​ടെ വ്യാപാ​ര​ശ​ക്തി​ക്കു ഒത്തവണ്ണം പോരാ​ടി​ക്കൊ​ണ്ടു അദ്ധ്വാ​നി​ക്കു​ന്ന​തിൽ’ തുടരാൻ നമ്മെ ഓരോ​രു​ത്ത​രെ​യും സഹായി​ക്കാൻ എന്തിനു സാധി​ക്കും? അതി​നെ​ക്കു​റി​ച്ചാണ്‌ അടുത്ത ലേഖനം.

നിങ്ങൾ ശ്രദ്ധി​ച്ചു​വോ?

◻ മനുഷ്യർക്കു​വേണ്ടി യഹോ​വക്കു തന്റെ ശക്തി പ്രകടി​പ്പി​ക്കാ​നാ​വു​മെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

◻ കൊ​ലൊ​സ്സ്യർ ഒന്നാം അധ്യാ​യ​ത്തി​ലെ പൗലോ​സി​ന്റെ വാക്കു​ക​ളു​ടെ പശ്ചാത്തലം എന്ത്‌?

◻ കൊ​ലൊ​സ്സ്യർ 1:20-ൽ സൂചി​പ്പി​ച്ചി​രി​ക്കുന്ന അനുര​ഞ്‌ജനം ദൈവം നടത്തു​ന്ന​തെ​ങ്ങനെ?

◻ തന്റെ ശക്തിയാൽ, യഹോ​വക്കു നമ്മിലൂ​ടെ എന്തു നിർവ​ഹി​ക്കാൻ കഴിയും?

[8-ാം പേജിലെ ഭൂപടം/ചിത്രം]

കൊലൊസ്യ