രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

പ്രക്ഷു​ബ്ധ​മായ സമയത്തു പ്രസം​ഗി​ക്കൽ

“അവസാന നാളു​ക​ളിൽ ഇടപെ​ടാൻ പ്രയാ​സ​മായ ദുർഘ​ട​സ​മ​യങ്ങൾ ഉണ്ടായി​രി​ക്കു”മെന്ന്‌ അപ്പോ​സ്‌ത​ല​നായ പൗലോസ്‌ മുൻകൂ​ട്ടി​പ്പ​റ​യു​ക​യു​ണ്ടാ​യി. (2 തിമോ​ത്തി 3:1, NW) ആ വാക്കുകൾ എത്ര കൃത്യ​മാ​ണെന്നു തെളി​ഞ്ഞി​രി​ക്കു​ന്നു! മധ്യ അമേരി​ക്ക​യി​ലെ എൽ സാൽവ​ഡോ​റി​ലെ ആളുകൾക്ക്‌ ഇതിന്റെ തിക്താ​നു​ഭവം ഉണ്ടാവാൻ തുടങ്ങി​യിട്ട്‌ നാളു​ക​ളേ​റെ​യാ​യി. അനേകാ​യി​ര​ങ്ങൾക്കു ദുരി​ത​വും മരണവും കൈവ​രു​ത്തിയ ആഭ്യന്ത​ര​യു​ദ്ധ​ത്തിൽ ആ രാജ്യം വീർപ്പു​മു​ട്ടാൻ തുടങ്ങി​യിട്ട്‌ ഒരു പതിറ​റാ​ണ്ടി​ല​ധി​ക​മാ​യി. യുദ്ധം തീർന്നു, പക്ഷേ ദുരിതം ഇപ്പോ​ഴും തുടരു​ക​യാണ്‌. യുദ്ധത്തി​നു​ശേഷം കുററ​കൃ​ത്യ​ങ്ങ​ളു​ടെ എണ്ണം കുത്തനെ ഉയർന്നു. പ്രദേ​ശത്തെ ഒരു ടിവി കമന്റേ​ററർ ഈയിടെ ഇങ്ങനെ പ്രസ്‌താ​വി​ച്ചു: “അക്രമ​വും കവർച്ച​യു​മാണ്‌ ഇപ്പോൾ ഞങ്ങൾക്ക്‌ അന്നന്നേ​ക്കുള്ള അപ്പം.”

കുററ​കൃ​ത്യ​ങ്ങ​ളു​ടെ ഈ തരംഗ​ങ്ങ​ളിൽനി​ന്നു യഹോ​വ​യു​ടെ സാക്ഷി​ക​ളും മുക്തരല്ല. കവർച്ച​ക്കാർ അനേകം രാജ്യ​ഹാ​ളു​കൾ കുത്തി​ത്തു​റന്നു ശബ്ദസാ​മ​ഗ്രി​കൾ മോഷ്ടി​ച്ചി​ട്ടുണ്ട്‌. ക്രിസ്‌തീയ യോഗങ്ങൾ നടന്നു​കൊ​ണ്ടി​രി​ക്കു​മ്പോൾ സായു​ധ​രായ യുവാ​ക്ക​ളു​ടെ കൂട്ടം രാജ്യ​ഹാ​ളു​ക​ളി​ലേക്ക്‌ ഇരച്ചു​ക​യറി അവിടെ സന്നിഹി​ത​രാ​യി​രി​ക്കു​ന്ന​വ​രു​ടെ പണവും വാച്ചും മററു വിലപി​ടി​പ്പുള്ള സാധന​ങ്ങ​ളും മോഷ്ടിച്ച എത്രയോ സംഭവങ്ങൾ ഉണ്ടായി​ട്ടുണ്ട്‌. ദൈനം​ദിന പ്രവർത്ത​ന​ങ്ങൾക്കു​വേണ്ടി പോകവേ, അനേകം സാക്ഷികൾ കൊള്ള​ക്കാ​രു​ടെ കയ്യിൽപ്പെട്ട്‌ കൊല്ല​പ്പെ​ട്ടി​ട്ടു​പോ​ലു​മുണ്ട്‌.

ഈ പ്രതി​ബ​ന്ധ​ങ്ങ​ളൊ​ക്കെ​യു​ണ്ടാ​യി​ട്ടും, എൽ സാൽവ​ഡോ​റി​ലെ യഹോ​വ​യു​ടെ സാക്ഷികൾ സുവാർത്ത പ്രസം​ഗി​ക്കാൻ കഠിന​മാ​യി പ്രയത്‌നി​ക്കു​ന്ന​തിൽ തുടരു​ക​യാണ്‌. “സുവി​ശേഷം മുമ്പെ സകലജാ​തി​ക​ളോ​ടും പ്രസം​ഗി​ക്കേ​ണ്ട​താ​കു​ന്നു” എന്ന തിരു​വെ​ഴു​ത്തു കൽപ്പന അനുസ​രി​ച്ചാണ്‌ അവർ ഇതു ചെയ്യു​ന്നത്‌. (മർക്കൊസ്‌ 13:10) ബൈബിൾ വെച്ചു​നീ​ട്ടുന്ന രാജ്യ​പ്ര​ത്യാ​ശ​യ്‌ക്കു​വേണ്ടി വാഞ്‌ഛി​ക്കുന്ന അനേക​മാ​ളു​കൾ ഈ രാജ്യത്ത്‌ ഇനിയു​മുണ്ട്‌. അവരിൽ ഓരോ​രു​ത്ത​രെ​യും സമീപി​ക്കാൻ സാക്ഷികൾ പാടു​പെ​ടു​ക​യാണ്‌. അനൗപ​ചാ​രിക സാക്ഷീ​ക​രണം ഒരു ഫലപ്ര​ദ​മായ വിധമാ​ണെന്നു തെളി​യു​ക​യാണ്‌.

ആശുപ​ത്രി​യിൽ ചികി​ത്സ​യി​ലാ​യി​രു​ന്ന​പ്പോൾ ഒരു സാക്ഷി ബൈബി​ളിൽ കാണുന്ന, ഭാവി​യെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​ന​ങ്ങ​ളെ​ക്കു​റി​ച്ചു മററുള്ള രോഗി​ക​ളോ​ടു പറയാൻ കിട്ടിയ അവസര​ങ്ങ​ളെ​ല്ലാം ഉപയോ​ഗി​ച്ചു. ഗുരു​ത​രാ​വ​സ്ഥ​യി​ലാ​യി​രുന്ന ഒരു രോഗി സങ്കട​ത്തോ​ടെ ഇങ്ങനെ വിലപി​ച്ചു: “ഞാൻ ഉടനെ മരിക്കും!” എന്നാൽ രോഗി​യു​ടെ ഇരുളടഞ്ഞ ആ കാഴ്‌ച​പ്പാ​ടൊ​ന്നും ദൈവ​രാ​ജ്യ​സു​വാർത്ത പങ്കു​വെ​ക്കു​ന്ന​തിന്‌ ആ സാക്ഷിക്ക്‌ ഒരു തടസ്സമാ​യില്ല. അതിനു​പ​കരം, യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തിൽനി​ന്നു സാക്ഷി ആ വ്യക്തിയെ വായി​ച്ചു​കേൾപ്പി​ച്ചു. മരണക്കി​ട​ക്ക​യി​ലാ​യി​രുന്ന ആ മനുഷ്യ​നെ ഓർത്തു​കൊണ്ട്‌ ഏതാനും ദിവസ​ങ്ങൾക്കു​ശേഷം ആ സാക്ഷി ആശുപ​ത്രി വിട്ടു.

നാലു വർഷം കഴിഞ്ഞ്‌ ആ സാക്ഷിക്കു മറെറാ​രു ആശുപ​ത്രി​യിൽ ചികി​ത്സ​യ്‌ക്കു പോ​കേ​ണ്ടി​വന്നു. അവി​ടെ​യെ​ത്തിയ അദ്ദേഹത്തെ ഒരു രോഗി സമീപി​ച്ചിട്ട്‌ ചോദി​ച്ചു: “താങ്കൾക്ക്‌ എന്നെ ഓർമ​യു​ണ്ടോ?” അതു നാലു വർഷം​മു​മ്പു മരിക്കാൻപോ​കുന്ന അവസ്ഥയിൽ അദ്ദേഹം കണ്ട മനുഷ്യ​നാ​യി​രു​ന്നു! “ഇപ്പോൾ ഞാനും ഒരു യഹോ​വ​യു​ടെ സാക്ഷി​യാണ്‌” എന്ന്‌ അദ്ദേഹത്തെ കെട്ടി​പ്പി​ടി​ച്ചു​കൊണ്ട്‌ പറഞ്ഞ​പ്പോൾ എന്തോരു സന്തോ​ഷ​വും വിസ്‌മ​യ​വു​മാ​യി​രു​ന്നു! ഭാവി​യെ​ക്കു​റി​ച്ചുള്ള ബൈബിൾ പ്രത്യാശ സ്വീക​രിച്ച അദ്ദേഹം യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിച്ച്‌ തന്റെ ജീവിതം യഹോ​വക്കു സമർപ്പി​ച്ചു. അദ്ദേഹം ഒരു സാക്ഷി മാത്രമല്ല, രണ്ടു വർഷമാ​യിട്ട്‌ ഒരു നിരന്തര പയനി​യ​റാ​യി മുഴു​സ​മ​യ​സേ​വ​ന​ത്തിൽ പങ്കെടു​ത്തു​കൊ​ണ്ടി​രി​ക്കു​ക​യു​മാ​യി​രു​ന്നു.

ഈ സംഭവ​ത്തിൽ, ഒരു അനൗപ​ചാ​രിക പശ്ചാത്ത​ല​ത്തിൽ വിതച്ച സത്യത്തി​ന്റെ വിത്ത്‌ എത്തിയത്‌ പ്രതി​ക​രി​ക്കുന്ന ഒരു ഹൃദയ​ത്തി​ലാ​യി​രു​ന്നു. സത്യ​ത്തെ​ക്കു​റി​ച്ചുള്ള പരിജ്ഞാ​ന​ത്തിൽ എത്താൻ ആളുകളെ സഹായി​ക്കു​ന്ന​തി​നുള്ള ഈ പദവി “ഇടപെ​ടാൻ പ്രയാ​സ​മായ” ഈ “ദുർഘട സമയങ്ങ”ളെയൊ​ന്നും ഗൗനി​ക്കാ​തെ പ്രസം​ഗ​വേ​ല​യിൽ തുടരാൻ സത്യ​ക്രി​സ്‌ത്യാ​നി​കളെ പ്രേരി​പ്പി​ക്കു​ന്നു.