പുറത്താ​ക്കൽ—സ്‌നേ​ഹ​നിർഭ​ര​മായ ഒരു കരുത​ലോ?

“സർവ്വശ​ക്തി​യുള്ള കർത്താ​വായ [“യഹോ​വ​യാം,” NW] ദൈവം പരിശു​ദ്ധൻ, പരിശു​ദ്ധൻ, പരിശു​ദ്ധൻ.” (വെളി​പ്പാ​ടു 4:8) ആ വിവര​ണ​ത്തി​നു ചേർച്ച​യിൽ, പരിശുദ്ധ പ്രമാ​ണ​ങ്ങ​ളു​ടെ ഉറവി​ട​മാ​ണു യഹോവ. ഇവ “വിശുദ്ധ ലിഖി​ത​ങ്ങ​ളിൽ” രേഖ​പ്പെ​ടു​ത്തി​യി​ട്ടുണ്ട്‌, ഈ മാർഗ​നിർദേ​ശങ്ങൾ പിൻപ​റ്റാൻ ക്രിസ്‌ത്യാ​നി​കൾ കടപ്പാ​ടു​ള്ള​വ​രു​മാണ്‌. വാസ്‌ത​വ​ത്തിൽ, യഹോ​വ​യു​ടെ ദൃഷ്ടി​യിൽ അശുദ്ധ​മാ​യ​തെ​ന്തും അവർ വർജി​ക്കണം.—2 തിമോ​ത്തി 3:15, NW; യെശയ്യാ​വു 52:11.

ബൈബിൾ വ്യക്തമാ​യി ഇങ്ങനെ കൽപ്പി​ക്കു​ന്നു: ‘നിങ്ങളെ വിളിച്ച വിശു​ദ്ധന്നു ഒത്തവണ്ണം അനുസ​ര​ണ​മുള്ള മക്കളായി എല്ലാന​ട​പ്പി​ലും വിശു​ദ്ധ​രാ​കു​വിൻ. “ഞാൻ വിശുദ്ധൻ ആകയാൽ നിങ്ങളും വിശു​ദ്ധ​രാ​യി​രി​പ്പിൻ” എന്നു എഴുതി​യി​രി​ക്കു​ന്നു​വ​ല്ലോ.’ (1 പത്രൊസ്‌ 1:15, 16) 19 നൂറ്റാ​ണ്ടു​കൾക്കു​മു​മ്പു സത്യ​ക്രി​സ്‌ത്യാ​നി​ത്വം നിലവിൽ വന്നതു മുതൽ ആത്മീയ​വും ധാർമി​ക​വു​മായ അശുദ്ധി​യിൽനിന്ന്‌ അതിനെ സംരക്ഷി​ക്കു​ന്ന​തി​നു സത്യ​ക്രി​സ്‌ത്യാ​നി​കൾ കഠിന​മാ​യി പോരാ​ടി​യി​രി​ക്കു​ന്നു.—യൂദാ 3.

സംരക്ഷണം ആവശ്യ​മാ​യി​രി​ക്കു​ന്ന​തി​ന്റെ കാരണം

ധാർമി​ക​വും ആത്മീയ​വു​മാ​യി ശുദ്ധി​യു​ള്ള​വ​രാ​യി​രി​ക്കുക എന്ന പ്രയാ​സ​ക​ര​മായ കൃത്യത്തെ ദൈവ​ത്തി​ന്റെ സകല ദാസൻമാ​രും അഭിമു​ഖീ​ക​രി​ക്കു​ന്നു. അതിനു ശക്തരായ മൂന്ന്‌ എതിരാ​ളി​ക​ളോ​ടു ചെറു​ത്തു​നിൽക്കേ​ണ്ട​തുണ്ട്‌—സാത്താൻ, അവന്റെ ലോകം, നമ്മുടെ പാപപ​ങ്കി​ല​മായ ജഡിക അഭിലാ​ഷങ്ങൾ. (റോമർ 5:12; 2 കൊരി​ന്ത്യർ 2:11; 1 യോഹ​ന്നാൻ 5:19) അധാർമി​ക​രാ​യി​രി​ക്കു​ന്ന​തി​നു മാത്രമല്ല അതിന്റെ വഴികൾ പിന്തു​ട​രു​ന്ന​തി​നും സാത്താന്റെ ലോകം നിങ്ങളെ പ്രലോ​ഭി​പ്പി​ക്കും. അതു നിങ്ങൾക്കു ഭൗതിക സമ്പത്തും പ്രശസ്‌തി​യും സ്ഥാനമാ​ന​ങ്ങ​ളും അധികാ​ര​വും വാഗ്‌ദാ​നം ചെയ്യും. എങ്കിലും, സത്യാ​രാ​ധന പിന്തു​ട​രാൻ ദൃഢനി​ശ്ചയം ചെയ്‌തി​രി​ക്കു​ന്നവർ സാത്താന്റെ വാഗ്‌ദാ​ന​ങ്ങൾക്കെ​തി​രെ ചെറു​ത്തു​നിൽക്കു​ക​യും “ലോക​ത്താ​ലുള്ള കളങ്കം പറ്റാത​വണ്ണം” നില​കൊ​ള്ളു​ക​യും ചെയ്യും. എന്തു​കൊണ്ട്‌? എന്തു​കൊ​ണ്ടെ​ന്നാൽ അവർ യഹോ​വ​യു​ടെ ശുദ്ധമായ സ്ഥാപന​ത്തി​ന്റെ സംരക്ഷ​ണാ​ത്മ​ക​വും സ്‌നേ​ഹ​നിർഭ​ര​വു​മായ പരിപാ​ല​ന​ത്തിൻ കീഴിൽ നില​കൊ​ള്ളാൻ ആഗ്രഹി​ക്കു​ന്നു.—യാക്കോബ്‌ 1:27; 1 യോഹ​ന്നാൻ 2:15-17.

മാനുഷ ബലഹീ​ന​തകൾ നിമിത്തം സാത്താന്റെ പ്രലോ​ഭ​ന​ങ്ങൾക്കു വഴി​പ്പെ​ടുന്ന ക്രിസ്‌തീയ സഭയിലെ ഏതൊ​രം​ഗ​ത്തി​നും യഹോവ സഹായം പ്രദാനം ചെയ്‌തി​ട്ടുണ്ട്‌. സഭയെ സംരക്ഷി​ക്കു​ന്ന​തി​നും തെറ്റു​ചെ​യ്‌തവർ തങ്ങളുടെ പാപത്തി​നെ​തി​രെ അനുത​പി​ക്കേ​ണ്ട​തി​നു സ്‌നേ​ഹ​പു​ര​സ്സ​ര​മായ സഹായം നൽകു​ന്ന​തി​നും പൂർവ​സ്ഥി​തി പ്രാപി​ക്കു​ന്ന​തിന്‌ ആവശ്യ​മായ ക്രമ​പ്പെ​ടു​ത്ത​ലു​കൾ നടത്തു​ന്ന​തി​നും​വേണ്ടി ആത്മീയ യോഗ്യ​ത​യുള്ള മൂപ്പൻമാർ നിയമി​ക്ക​പ്പെ​ട്ടി​രി​ക്കു​ന്നു. ദുഷ്‌പ്ര​വൃ​ത്തി​യിൽ ഏർപ്പെ​ടുന്ന ഏതൊരു ക്രിസ്‌ത്യാ​നി​യും അനുത​പി​ക്കു​ക​യും തന്റെ വഴികൾക്കു മാറ്റം​വ​രു​ത്തു​ക​യും ചെയ്യേ​ണ്ട​തിന്‌ അയാൾക്കു ക്ഷമാപൂർവം സഹായം നൽകേ​ണ്ട​താണ്‌.—ഗലാത്യർ 6:1, 2; യാക്കോബ്‌ 5:13-16.

പുറത്താ​ക്കൽ സ്‌നേ​ഹ​പു​ര​സ്സ​ര​മാ​യി​രി​ക്കുന്ന വിധം

മനഃപൂർവം ദുഷ്ടമായ ഒരു ഗതി പിന്തു​ട​രു​ക​യും മാറ്റം​വ​രു​ത്താൻ വിസമ്മ​തി​ക്കു​ക​യും ചെയ്യുന്ന സ്‌നാ​പ​ന​മേറ്റ യഹോ​വ​യു​ടെ ദാസർ അനുതാ​പ​മി​ല്ലാ​ത്ത​വ​രാ​യും തന്മൂലം ക്രിസ്‌തീയ സഹവാ​സ​ത്തിന്‌ അയോ​ഗ്യ​രാ​യും കണക്കാ​ക്ക​പ്പെ​ടണം. (താരത​മ്യം ചെയ്യുക: 1 യോഹ​ന്നാൻ 2:19.) ശുദ്ധമായ ക്രിസ്‌തീയ സഭയിൽ നില​കൊ​ള്ളു​ന്ന​തി​നും അങ്ങനെ അതിനെ ദുഷി​പ്പി​ക്കു​ന്ന​തി​നും അത്തരം വ്യക്തി​കളെ അനുവ​ദി​ച്ചു​കൂ​ടാ. അവരെ പുറത്താ​ക്കു​ക​തന്നെ വേണം.

ദുഷ്‌കൃ​ത്യ​ങ്ങ​ളി​ലേർപ്പെ​ടു​ന്ന​വരെ പുറത്താ​ക്കു​ന്ന​തി​ലെ ഔചി​ത്യം പിൻവ​രുന്ന സാഹച​ര്യ​ത്തി​ലൂ​ടെ ചിത്രീ​ക​രി​ക്കാ​വു​ന്ന​താണ്‌: വിദ്യാർഥി​കൾക്കു​നേ​രെ​യുള്ള അക്രമ​ത്തി​ന്റെ​യും കുറ്റകൃ​ത്യ​ത്തി​ന്റെ​യും വർധനവു നിമിത്തം ചില സ്‌കൂ​ളു​കൾ ഒരു നയം സ്വീക​രി​ച്ചി​രി​ക്കു​ന്നു. “ആയുധങ്ങൾ ഉപയോ​ഗി​ക്കു​ക​യോ ഉപയോ​ഗി​ക്കു​മെന്നു ഭീഷണി​പ്പെ​ടു​ത്തു​ക​യോ ചെയ്യുന്ന വിദ്യാർഥി​കളെ എന്നേക്കു​മാ​യി സ്‌കൂ​ളിൽനി​ന്നു പുറത്താ​ക്കാൻ” ആ നയം അനുശാ​സി​ക്കു​ന്ന​താ​യി കാനഡ​യിൽ, ടൊ​റൊ​ന്റോ​യി​ലുള്ള ഒരു വാർത്താ​പ​ത്ര​മായ ദ ഗ്ലോബ്‌ ആൻഡ്‌ മെയിൽ റിപ്പോർട്ടു ചെയ്യുന്നു. അക്രമ പ്രവർത്ത​ന​ങ്ങൾക്കു വിധേ​യ​രാ​കാ​തെ വിദ്യാ​ഭ്യാ​സ പരിപാ​ടി​യിൽനി​ന്നു പ്രയോ​ജ​ന​മ​നു​ഭ​വി​ക്കാൻ ആഗ്രഹി​ക്കുന്ന വിദ്യാർഥി​കളെ സംരക്ഷി​ക്കു​ക​യാണ്‌ ഈ പുറത്താ​ക്ക​ലു​കൊണ്ട്‌ ഉദ്ദേശി​ക്കു​ന്നത്‌.

അനുത​പി​ക്കാ​ത്ത ഒരു ദുഷ്‌പ്ര​വൃ​ത്തി​ക്കാ​രനെ സഭയിൽനി​ന്നു പുറത്താ​ക്കു​ന്നതു സ്‌നേ​ഹ​നിർഭ​ര​മാ​യി​രി​ക്കു​ന്നത്‌ എന്തു​കൊണ്ട്‌? അപ്രകാ​രം ചെയ്യു​ന്നതു യഹോ​വ​യോ​ടും അവന്റെ വഴിക​ളോ​ടു​മുള്ള സ്‌നേ​ഹ​ത്തി​ന്റെ ഒരു പ്രകട​ന​മാണ്‌. (സങ്കീർത്തനം 97:10) നീതി​നി​ഷ്‌ഠ​മായ മാർഗം പിന്തു​ട​രാൻ ആഗ്രഹി​ക്കു​ന്ന​വ​രോ​ടുള്ള സ്‌നേ​ഹ​പ്ര​ക​ട​ന​മാണ്‌ ഈ പ്രവൃത്തി, കാരണം അത്‌ അവരു​ടെ​മേൽ മോശ​മായ സ്വാധീ​നം ചെലു​ത്താൻ ഇടയു​ള്ള​വരെ അവരുടെ ഇടയിൽനി​ന്നു നീക്കി​ക്ക​ള​യു​ക​യാണ്‌. അതു സഭയുടെ ശുദ്ധി​യും കാത്തു​സൂ​ക്ഷി​ക്കു​ന്നു. (1 കൊരി​ന്ത്യർ 5:1-13) കടുത്ത അധാർമി​ക​ത​യോ ആത്മീയ അശുദ്ധി​യോ സഭയിൽ നില​കൊ​ള്ളാൻ അനുവ​ദി​ച്ചാൽ അത്‌ ദുഷി​പ്പി​ക്ക​പ്പെ​ടു​ക​യും പരിശു​ദ്ധ​നായ യഹോ​വക്കു വിശുദ്ധ സേവനം അർപ്പി​ക്കാ​നുള്ള ഔചി​ത്യം നഷ്ടമാ​ക്കു​ക​യും ചെയ്യും. കൂടാതെ, ദുഷ്‌പ്ര​വൃ​ത്തി​ക്കാ​രന്റെ പുറത്താ​ക്കൽ തന്റെ വഴിപി​ഴച്ച പെരു​മാ​റ്റ​ഗ​തി​യു​ടെ ഗൗരവം തിരി​ച്ച​റി​യു​ന്ന​തി​നും അനുത​പി​ക്കു​ന്ന​തി​നും ആവശ്യ​മായ മാറ്റങ്ങൾ വരുത്തു​ന്ന​തി​നും അങ്ങനെ സഭയിൽ തിരികെ സ്വീക​രി​ക്ക​പ്പെ​ടു​ന്ന​തി​നും അയാളെ സഹായി​ച്ചേ​ക്കാം.

മറ്റുള്ള​വ​രിൽ ചെലു​ത്തുന്ന പ്രഭാവം

സഭയിലെ ഒരംഗം വ്യഭി​ചാ​രം പോലെ ഗുരു​ത​ര​മായ പാപം ചെയ്യു​മ്പോൾ അയാൾ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​കയല്ല ചെയ്യു​ന്നത്‌. (സദൃശ​വാ​ക്യ​ങ്ങൾ 27:11) ലൈം​ഗിക അധാർമി​ക​തക്കു വഴി​പ്പെ​ടുന്ന ഏതൊരു ക്രിസ്‌ത്യാ​നി​യും, തന്നോ​ടൊ​പ്പം ലൈം​ഗിക ബന്ധത്തി​ലേർപ്പെ​ടാൻ പോത്തീ​ഫ​റി​ന്റെ ഭാര്യ യോ​സേ​ഫി​നെ കരുവാ​ക്കാൻ ശ്രമി​ച്ച​പ്പോൾ യോ​സേഫ്‌ ചിന്തി​ച്ച​പോ​ലെയല്ല ചിന്തി​ക്കു​ന്നത്‌ എന്നതു തീർച്ച​യാണ്‌. “ഞാൻ ഈ മഹാ​ദോ​ഷം പ്രവർത്തി​ച്ചു ദൈവ​ത്തോ​ടു പാപം ചെയ്യു​ന്നതു എങ്ങനെ?” എന്നായി​രു​ന്നു യോ​സേ​ഫി​ന്റെ പ്രതി​ക​രണം. (ഉല്‌പത്തി 39:6-12) യോ​സേഫ്‌ യഹോ​വ​യു​ടെ വിശുദ്ധ പ്രമാ​ണ​ങ്ങളെ ആദരി​ക്കു​ക​യും ആ രംഗത്തു​നിന്ന്‌ ഓടി രക്ഷപ്പെ​ടു​ക​യും ചെയ്‌തു. നേരേ​മ​റിച്ച്‌, ഒരു വ്യഭി​ചാ​രി​ക്കു തന്റെ ജഡിക അഭിലാ​ഷത്തെ തൃപ്‌തി​പ്പെ​ടു​ത്തു​ന്ന​തിൽനി​ന്നു തന്നെ തടഞ്ഞു​നിർത്തത്തക്ക ദൈവ​സ്‌നേഹം ഇല്ലാത്ത​താ​യി തോന്നു​ന്നു.—ഗലാത്യർ 5:19-21.

ദൈവ കൽപ്പനകൾ ലംഘി​ക്കുന്ന സ്‌നാ​പ​ന​മേററ ഒരു വ്യക്തി താൻ വിശ്വാ​സി​ക​ളായ തന്റെ ബന്ധുക്കൾക്കു വരുത്താൻ പോകുന്ന വൈകാ​രിക ആഘാത​ത്തെ​ക്കു​റി​ച്ചു ചിന്തയു​ള്ള​വനല്ല. ഈ വൈകാ​രിക സമ്മർദം ചിലർക്കു വഹിക്കാ​വു​ന്ന​തി​ലു​മ​ധി​ക​മാണ്‌. തന്റെ മകൻ അധാർമി​ക​നാ​ണെന്നു കണ്ടെത്തി​യ​ശേഷം ഒരു ക്രിസ്‌തീയ സ്‌ത്രീ ഇപ്രകാ​രം വിലപി​ച്ചു: “ഞങ്ങൾ എത്രമാ​ത്രം മുറി​വേ​റ്റ​വ​രും ആകുല​ചി​ത്ത​രു​മാ​ണെന്നു മനസ്സി​ലാ​ക്കുന്ന സഹോ​ദ​രീ​സ​ഹോ​ദ​രൻമാർ ഉണ്ടെങ്കിൽത്തന്നെ വളരെ ചുരു​ക്ക​മാണ്‌. . . . ഞങ്ങൾ ഹൃദയം തകർന്ന നിലയി​ലാണ്‌.” ഒരു മുഴു കുടും​ബ​ത്തി​ന്റെ​യും സൽപ്പേ​രി​നു കളങ്കം ചാർത്ത​പ്പെ​ട്ടെ​ന്നു​വ​രാം. വിഷാ​ദ​വും ഒരളവിൽ കുറ്റ​ബോ​ധ​വും വിശ്വ​സ്‌ത​രായ കുടും​ബാം​ഗ​ങ്ങളെ വേട്ടയാ​ടി​യേ​ക്കാം. അങ്ങനെ ദുഷ്‌പ്ര​വൃ​ത്തി​ക്കാ​രന്റെ ദുഷ്ട ജീവി​ത​ഗതി കുടും​ബാം​ഗ​ങ്ങൾക്കു ഹൃദയ​വേദന വരുത്തു​ന്നു.

കുടും​ബാം​ഗ​ങ്ങൾക്കു സ്‌നേ​ഹ​പു​ര​സ്സ​ര​മായ സഹായം

പുറത്താ​ക്ക​പ്പെട്ട വ്യക്തി​ക​ളു​ടെ കുടും​ബാം​ഗങ്ങൾ അവശ്യം ഓർത്തി​രി​ക്കേണ്ട ഒരു കാര്യ​മുണ്ട്‌: പുറത്താ​ക്കൽ സ്‌നേ​ഹ​പു​ര​സ്സ​ര​വും സംരക്ഷ​ക​വു​മാ​ണെ​ന്നത്‌. ദുഷ്‌പ്ര​വൃ​ത്തി​ക്കാ​രനെ സഹായി​ക്കേ​ണ്ട​തി​നു സാധ്യ​മായ എല്ലാ ശ്രമങ്ങ​ളും ചെയ്യു​ന്നുണ്ട്‌. എന്നാൽ അയാൾ ദൈവ​ത്തോട്‌ അനുസ​ര​ണ​ക്കേടു കാണി​ക്കു​ക​യും ശാഠ്യ​പൂർവം അനുത​പി​ക്കാ​തി​രി​ക്കു​ക​യും ചെയ്യു​ന്നു​വെന്നു തെളി​യു​ന്ന​പക്ഷം സഭ സംരക്ഷി​ക്ക​പ്പെ​ടേണ്ട ആവശ്യ​മുണ്ട്‌. അപ്പോൾ, “ആ ദുഷ്ടനെ നിങ്ങളു​ടെ ഇടയിൽനി​ന്നു നീക്കി​ക്ക​ള​വിൻ” എന്നു ദൈവ​വ​ചനം പിൻവ​രു​ന്ന​പ്ര​കാ​രം നിഷ്‌കർഷി​ക്കു​ന്ന​തു​പോ​ലെ ചെയ്യു​ക​യ​ല്ലാ​തെ നിർവാ​ഹ​മില്ല. (1 കൊരി​ന്ത്യർ 5:13) ഒരു സാക്ഷി പറഞ്ഞതു​പോ​ലെ, “പുറത്താ​ക്ക​പ്പെടൽ യഹോ​വ​യോ​ടുള്ള വിശ്വ​സ്‌ത​ത​യു​ടെ പ്രശ്‌ന​മാണ്‌.”

കുടും​ബ​ത്തി​ലെ ഒരംഗം പുറത്താ​ക്ക​പ്പെ​ടു​മ്പോൾ ക്രിസ്‌ത്യാ​നി​ക​ളായ ബന്ധുക്കൾ വേദന അനുഭ​വി​ക്കു​ന്നു. അതു​കൊണ്ട്‌ അവർക്ക്‌ ആത്‌മീ​യ​മാ​യി ഉണർവേ​കു​ന്ന​വ​രാ​യി​രി​ക്കാൻ നിയമിത മൂപ്പൻമാർ തങ്ങളുടെ പരമാ​വധി ശ്രമി​ക്കണം. (1 തെസ്സ​ലൊ​നീ​ക്യർ 5:14) അവർക്കു​വേ​ണ്ടി​യും അവരോ​ടൊ​പ്പ​വും മൂപ്പൻമാർക്കു പ്രാർഥി​ക്കാ​വു​ന്ന​താണ്‌. കെട്ടു​പ​ണി​ചെ​യ്യുന്ന തിരു​വെ​ഴു​ത്തു​പ​ര​മായ ആശയങ്ങൾ ചർച്ച ചെയ്യാൻ ഈ വിശ്വസ്‌ത ക്രിസ്‌ത്യാ​നി​കളെ മിക്ക​പ്പോ​ഴും സന്ദർശി​ക്കാ​വു​ന്ന​താണ്‌. പ്രിയ​പ്പെട്ട ഇവരെ ക്രിസ്‌തീയ യോഗ​ങ്ങൾക്കു മുമ്പും പിമ്പും ആത്മീയ​മാ​യി ബലപ്പെ​ടു​ത്തു​ന്ന​തിന്‌ ആട്ടിൻകൂ​ട്ട​ത്തി​ലെ ഇടയൻമാർ ഓരോ അവസര​വും പ്രയോ​ജ​ന​പ്പെ​ടു​ത്തണം. അവരോ​ടൊ​പ്പം വയൽസേ​വ​ന​ത്തിൽ പങ്കെടു​ത്തു​കൊ​ണ്ടു കൂടു​ത​ലായ പ്രോ​ത്സാ​ഹനം നൽകാ​വു​ന്ന​താണ്‌. (റോമർ 1:11, 12) യഹോ​വ​യു​ടെ ഈ വിശ്വസ്‌ത ദാസൻമാർക്ക്‌ അവർ അർഹി​ക്കുന്ന സ്‌നേ​ഹ​വും ശ്രദ്ധയും ആത്മീയ ഇടയൻമാർ നൽകേ​ണ്ട​താണ്‌.—1 തെസ്സ​ലൊ​നീ​ക്യർ 2:7, 8.

ഒരു വ്യക്തി​യു​ടെ പാപപ​ങ്കി​ല​മായ ജീവി​ത​ഗതി, അയാളു​ടെ കുടും​ബ​ത്തിൽ യഹോ​വ​യു​ടെ സേവന​ത്തിൽ വിശ്വ​സ്‌ത​യോ​ടെ നില​കൊ​ള്ളുന്ന ഏതെങ്കി​ലും അംഗത്തെ അവഗണി​ക്കു​ന്ന​തി​നു തക്ക കാരണ​മാ​കു​ന്നില്ല. ഇസ്രാ​യേ​ലി​ലെ ദുഷ്ട രാജാ​വാ​യി​രുന്ന ശൗലിനെ ദൈവം തള്ളിക്ക​ള​ഞ്ഞി​രു​ന്നു, എന്നാൽ ശൗലിന്റെ പുത്ര​നായ യോനാ​ഥാ​നോ​ടുള്ള തന്റെ വാത്സല്യ​ത്തി​നു കോട്ടം​ത​ട്ടാൻ ദാവീദ്‌ അതിനെ അനുവ​ദി​ച്ചില്ല. വാസ്‌ത​വ​ത്തിൽ ദാവീ​ദും യോനാ​ഥാ​നും തമ്മിലുള്ള ബന്ധം വളരെ ദൃഢമാ​യി​ത്തീ​രു​ക​യാ​യി​രു​ന്നു. (1 ശമൂവേൽ 15:22, 23; 18:1-3; 20:41) അതു​കൊണ്ട്‌, യഹോ​വ​ക്കെ​തി​രെ പാപം ചെയ്യുന്ന ഒരുവന്റെ ബന്ധുക്ക​ളായ ക്രിസ്‌ത്യാ​നി​കൾക്കു സഭയി​ലുള്ള സകലരും പിന്തു​ണ​നൽകു​ക​യും സ്‌നേഹം പ്രകടി​പ്പി​ക്കു​ക​യും വേണം.

വിശ്വ​സ്‌ത​രാ​യ അത്തരക്കാ​രെ അവഗണി​ക്കു​ക​യോ അവരോ​ടു ദയയി​ല്ലാ​തെ പെരു​മാ​റു​ക​യോ ചെയ്യു​ന്നത്‌ എത്ര സ്‌നേ​ഹ​മി​ല്ലാ​യ്‌മ​യാണ്‌! വിശ്വ​സ്‌ത​രായ കുടും​ബാം​ഗ​ങ്ങൾക്കു പ്രോ​ത്സാ​ഹ​ന​ത്തി​ന്റെ പ്രത്യേക ആവശ്യ​മുണ്ട്‌. അവർക്ക്‌ ഏകാന്തത തോന്നു​ക​യോ തങ്ങളുടെ സാഹച​ര്യ​ങ്ങൾ വളരെ ദുഷ്‌ക​ര​മാ​യി അനുഭ​വ​പ്പെ​ടു​ക​യോ ചെയ്‌തേ​ക്കാം. ഒരുപക്ഷേ നിങ്ങൾക്കു ടെല​ഫോ​ണി​ലൂ​ടെ അവരോ​ടൊ​പ്പം ഒരു ആത്‌മീയ നുറു​ങ്ങോ കെട്ടു​പ​ണി​ചെ​യ്യുന്ന അനുഭ​വ​മോ പങ്കുവ​യ്‌ക്കാ​വു​ന്ന​താണ്‌. പുറത്താ​ക്ക​പ്പെട്ട വ്യക്തി​യാ​ണു ഫോൺ എടുക്കു​ന്ന​തെ​ങ്കിൽ ക്രിസ്‌ത്യാ​നി​യായ ബന്ധുവി​നോ​ടു സംസാ​രി​ക്ക​ണ​മെ​ന്നു​മാ​ത്രം പറയുക. അത്തരം കുടും​ബ​ങ്ങ​ളി​ലുള്ള വിശ്വസ്‌ത അംഗങ്ങളെ നിങ്ങളു​ടെ വീട്ടിൽ ഒരു സാമൂ​ഹിക കൂടി​വ​ര​വി​നോ ഊണി​നോ നിങ്ങൾക്കു ക്ഷണിക്കാ​വു​ന്ന​താണ്‌. സാധനങ്ങൾ വാങ്ങാൻ പോകു​മ്പോൾ നിങ്ങൾ അവരെ കണ്ടുമു​ട്ടു​ന്നു​വെ​ങ്കിൽ ഏതെങ്കി​ലും വിധത്തിൽ കെട്ടു​പ​ണി​ചെ​യ്യുന്ന സഹവാ​സ​ത്തി​നു​വേണ്ടി ആ സന്ദർഭം നിങ്ങൾ പ്രയോ​ജ​ന​പ്പെ​ടു​ത്തി​യേ​ക്കാം. പുറത്താ​ക്ക​പ്പെട്ട ബന്ധുക്ക​ളുള്ള വിശ്വസ്‌ത ക്രിസ്‌ത്യാ​നി​കൾ ഇപ്പോ​ഴും യഹോ​വ​യു​ടെ ശുദ്ധമായ സ്ഥാപന​ത്തി​ന്റെ ഭാഗമാണ്‌ എന്നോർമി​ക്കുക. അവർ ഒറ്റപ്പെ​ടു​ന്ന​തി​നോ നിരു​ത്സാ​ഹി​ത​രാ​കു​ന്ന​തി​നോ വളരെ എളുപ്പ​മാണ്‌. അതു​കൊണ്ട്‌, അവരോ​ടു ദയയും സ്‌നേ​ഹ​വും കാണി​ക്കു​ന്ന​തിന്‌ ഉത്സുക​രാ​യി​രി​ക്കുക. ‘സകല സഹവി​ശ്വാ​സി​കൾക്കും’ നൻമ​ചെ​യ്യു​ന്ന​തിൽ തുടരുക.—ഗലാത്യർ 6:10.

യഹോ​വ​യു​ടെ കരുത​ലു​കളെ വിലമ​തി​ക്കു​ക

ലോക​വ്യാ​പ​ക​മായ തന്റെ ആരാധ​ക​രു​ടെ കുടും​ബ​ത്തി​ലുള്ള ഓരോ​രു​ത്ത​രോ​ടും യഹോ​വ​യാം ദൈവം ആർദ്ര​മായ പരിഗണന കാണി​ക്കു​ന്നു​വെ​ന്ന​തിൽ നമുക്ക്‌ എത്ര നന്ദിയു​ള്ള​വ​രാ​യി​രി​ക്കാൻ കഴിയും. അവന്റെ മുമ്പാകെ നീതി​നി​ഷ്‌ഠ​മായ പാതയിൽ നടക്കാൻ നമ്മെ സഹായി​ക്കേ​ണ്ട​തി​നു തന്റെ സ്ഥാപനം മുഖാ​ന്തരം അവൻ സ്‌നേ​ഹ​പു​ര​സ്സരം ഒരു ക്രമീ​ക​രണം പ്രദാനം ചെയ്‌തി​ട്ടുണ്ട്‌. ഒരു കുടും​ബാം​ഗം മനഃപൂർവം പാപം ചെയ്യു​ക​യും അയാളെ സഭയിൽനി​ന്നു പുറത്താ​ക്കേണ്ടി വരിക​യും ചെയ്യു​ന്നെ​ങ്കിൽപ്പോ​ലും യഥാർഥ​മാ​യി അനുത​പി​ക്കു​ന്ന​പക്ഷം അയാൾക്കു സഭയിൽ തിരികെ വരാവു​ന്ന​താണ്‌. പിൻവ​രുന്ന ഉദാഹ​ര​ണ​ത്തി​ലൂ​ടെ അതു ദൃഷ്ടാ​ന്തീ​ക​രി​ക്ക​പ്പെ​ടു​ന്നു:

അന്ന എന്നു നാം പേർ വിളി​ക്കുന്ന ഒരു വ്യക്തിയെ മൂപ്പൻമാർ സഹായി​ക്കാൻ ശ്രമി​ച്ചെ​ങ്കി​ലും അവൾ പുകവലി, കുടി, മയക്കു​മ​രുന്ന്‌ എന്നിവ​യി​ലേക്കു തിരിഞ്ഞു. അവൾ അനുത​പി​ച്ചി​ല്ലെന്നു മാത്രമല്ല സഭയിൽ നിന്നതു​മില്ല. എന്നിരു​ന്നാ​ലും, യഹോ​വ​യു​ടെ ശുദ്ധമായ സഭയിലെ സഹവാ​സ​ത്തി​ന്റെ അഭാവം പെട്ടെ​ന്നു​തന്നെ ഖേദ​ത്തോ​ടെ അന്ന തിരി​ച്ച​റി​ഞ്ഞു, സഹായ​ത്തി​നാ​യി അവനോ​ടു പ്രാർഥി​ക്കു​ക​യും ചെയ്‌തു. വഴി​തെ​റ്റി​പ്പോ​കു​ന്ന​വ​രു​ടെ കാര്യ​ത്തിൽ മൂപ്പന്മാർ എത്രമാ​ത്രം താത്‌പ​ര്യ​മെ​ടു​ക്കു​ന്നു എന്നതു താൻ മുഴു​വ​നാ​യി വിലമ​തി​ച്ചില്ല എന്ന്‌ അവൾ സമ്മതിച്ചു പറയുന്നു. അന്ന വീണ്ടും യോഗ​ങ്ങൾക്കു ഹാജരാ​കാൻ തുടങ്ങി, അത്‌ അവളെ അനുതാ​പ​ത്തി​ലേക്കു നയിച്ചു. അതിനു​ശേഷം അവൾ സ്‌നേ​ഹ​പു​ര​സ്സ​ര​മായ, സംരക്ഷ​കാ​ത്മ​ക​മായ സഭയി​ലേക്കു തിരികെ സ്വീക​രി​ക്ക​പ്പെ​ടു​ക​യു​ണ്ടാ​യി. വീണ്ടും അന്ന യഹോ​വ​യു​ടെ ഉന്നതമായ ധാർമിക പ്രമാ​ണ​ങ്ങളെ ഉയർത്തി​പ്പി​ടി​ക്കു​ക​യാണ്‌. മൂപ്പൻമാർ കാണിച്ച സ്‌നേ​ഹ​ത്തിന്‌ അവൾ നന്ദിയു​ള്ള​വ​ളാണ്‌. അവൾ ഇങ്ങനെ​യും അഭി​പ്രാ​യ​പ്പെ​ടു​ന്നു: “ക്രിസ്‌തീയ പ്രസി​ദ്ധീ​ക​ര​ണങ്ങൾ എനിക്ക്‌ എത്ര സഹായ​ക​മാ​യി​രു​ന്നു​വെന്നു നിങ്ങൾക്ക്‌ ഊഹി​ക്കാ​നേ കഴിയില്ല. യഹോവ തീർച്ച​യാ​യും നമ്മുടെ ആവശ്യങ്ങൾ നല്ലവണ്ണം നിവർത്തി​ച്ചു തരുന്നു.”

അതേ, സഭയിൽനി​ന്നു പുറത്താ​ക്ക​പ്പെ​ടു​ക​യും എന്നാൽ പിന്നീട്‌ അനുത​പി​ക്കു​ക​യും ചെയ്യു​ന്ന​വർക്കു ദൈവം ഒരു വഴി​യൊ​രു​ക്കി​യി​രി​ക്കു​ന്നു. പുറത്താ​ക്കൽപോ​ലും സ്‌നേ​ഹ​നിർഭ​ര​മായ ഒരു കരുത​ലാ​ണെന്നു നാം കണ്ടുക​ഴി​ഞ്ഞു. എങ്കിലും നമ്മുടെ പരിശു​ദ്ധ​നായ ദൈവ​ത്തി​ന്റെ നീതി​നി​ഷ്‌ഠ​മായ വഴിക​ളിൽ എല്ലായ്‌പോ​ഴും പറ്റിനി​ന്നു​കൊണ്ട്‌ ഈ ദാരു​ണ​മായ അനുഭവം ഒഴിവാ​ക്കു​ന്നത്‌ എത്ര മെച്ചമാ​യി​രി​ക്കും! യഹോ​വ​യു​ടെ ശുദ്ധവും സ്‌നേ​ഹ​നിർഭ​ര​വും സംരക്ഷ​ണാ​ത്മ​ക​വു​മായ സ്ഥാപന​ത്തി​ന്റെ ഭാഗമാ​യി അവനെ സ്‌തു​തി​ക്കു​ന്ന​തി​നു നമുക്കു ലഭിച്ച പദവി​ക്കാ​യി നമുക്ക്‌ എന്നും നന്ദിയു​ള്ള​വ​രാ​യി​രി​ക്കാം.

[26-ാം പേജിലെ ചിത്രം]

സഭയിൽനിന്നു പുറത്താ​ക്ക​പ്പെ​ട്ട​വ​രു​ടെ വിശ്വ​സ്‌ത​രായ ബന്ധുക്ക​ളോ​ടു നിങ്ങൾ സ്‌നേഹം പ്രകടി​പ്പി​ക്കു​ന്നു​ണ്ടോ?