ഭയം എപ്പോൾ അവസാ​നി​ക്കും?

യഥാർഥ സുരക്ഷി​ത​ത്വ​ത്തി​നു 2,000 വർഷം​മു​മ്പു ജീവി​ച്ചി​രുന്ന ഒരു മനുഷ്യ​നു​മാ​യി ബന്ധമുണ്ട്‌ എന്ന്‌ അറിയു​ന്നതു നിങ്ങളെ അതിശ​യി​പ്പി​ക്കു​മോ? സ്‌നേ​ഹ​ത്തി​ന്റെ ആവശ്യം പ്രകട​മാ​ക്കി​ക്കൊണ്ട്‌, യേശു ഒരു മികച്ച ഉപമ പറഞ്ഞു: “ഒരു മനുഷ്യൻ യെരൂ​ശ​ലേ​മിൽനി​ന്നു യെരീ​ഹോ​വി​ലേക്കു പോകു​മ്പോൾ കള്ളന്മാ​രു​ടെ കയ്യിൽ അകപ്പെട്ടു; അവർ അവനെ വസ്‌ത്രം അഴിച്ചു മുറി​വേ​ല്‌പി​ച്ചു അർദ്ധ​പ്രാ​ണ​നാ​യി വിട്ടേച്ചു പോയി.” രണ്ടു യാത്ര​ക്കാർ ആ ഹതഭാ​ഗ്യ​നെ അവഗണി​ച്ചു​വെ​ങ്കി​ലും, ദയാലു​വായ ഒരു ശമര്യ​ക്കാ​രൻ കരുണ കാട്ടി. എന്നാൽ കുറ്റകൃ​ത്യ​ത്തിന്‌ ഇരയാ​കു​ന്ന​വർക്ക്‌ ആവശ്യ​മായ പരിപാ​ലന ഇന്നു ചെയ്യു​ന്ന​താ​രാണ്‌? നമുക്കു ഭയത്തിൽനിന്ന്‌ എന്ത്‌ ആശ്വാസം പ്രതീ​ക്ഷി​ക്കാ​നാ​വും?—ലൂക്കൊസ്‌ 10:30-37.

ദൈവ​ത്തിൽ വിശ്വ​സി​ക്കു​ന്നു​വെന്ന്‌ അവകാ​ശ​പ്പെ​ടു​മ്പോൾത്തന്നെ, ക്രമസ​മാ​ധാന നില ഉറപ്പു​വ​രു​ത്തേ​ണ്ടതു മനുഷ്യ​നാ​ണെന്ന്‌ അനേക​രും വിശ്വ​സി​ക്കു​ന്നു. എന്നാൽ കൂടുതൽ കടുത്ത തടവു ശിക്ഷക​ളോ കൂടുതൽ ശമ്പളം പറ്റുന്ന പൊലീ​സി​നെ ഇറക്കു​ന്ന​തോ അക്രമാ​സ​ക്ത​മായ കുറ്റകൃ​ത്യ​ങ്ങൾക്ക്‌ അന്തം വരുത്തു​മോ? ഒരള​വോ​ളം സുരക്ഷി​ത​ത്വം പ്രദാനം ചെയ്യാ​നുള്ള ആത്മാർഥ​മായ ശ്രമങ്ങ​ളു​ണ്ടാ​യി​രു​ന്നാ​ലും, നിയമം നടപ്പാ​ക്കുന്ന ഏജൻസി​കൾ മയക്കു​മ​രു​ന്നു ദുരു​പ​യോ​ഗം, സംഘടി​ത​കു​റ്റ​കൃ​ത്യം, ദാരി​ദ്ര്യം എന്നിവ നിർമാർജനം ചെയ്യു​മെന്നു നിങ്ങൾ വാസ്‌ത​വ​ത്തിൽ വിശ്വ​സി​ക്കു​ന്നു​ണ്ടോ? എന്നിരു​ന്നാ​ലും, നീതി​ക്കു​വേ​ണ്ടി​യുള്ള നമ്മുടെ വിശപ്പും ദാഹവും വ്യർഥ​മാ​ക​ണ​മെ​ന്നില്ല.—മത്തായി 5:6.

സങ്കീർത്ത​നം 46:1 പറയുന്നു: “ദൈവം നമ്മുടെ സങ്കേത​വും ബലവും ആകുന്നു; കഷ്ടങ്ങളിൽ അവൻ ഏറ്റവും അടുത്ത തുണയാ​യി​രി​ക്കു​ന്നു.” ഹൃദ്യ​മായ കേവല​മൊ​രു കവിതയല്ല ഈ വാക്കു​ക​ളെന്നു നാം മനസ്സി​ലാ​ക്കാൻ പോകു​ക​യാണ്‌.

നിങ്ങൾക്ക്‌ അറിയാ​വു​ന്ന​തു​പോ​ലെ, ആഭ്യന്തര യുദ്ധങ്ങ​ളി​ലും തീവ്ര​വാ​ദി​ക​ളു​ടെ ആക്രമ​ണ​ങ്ങ​ളി​ലും സംഭവി​ക്കുന്ന വിവേ​ച​നാ​ര​ഹി​ത​മായ കൊല​ക​ളെ​ക്കു​റി​ച്ചു വാർത്താ​മാ​ധ്യ​മങ്ങൾ ദിവസേന റിപ്പോർട്ടു​ചെ​യ്യു​ന്നുണ്ട്‌. ലോക​ത്തി​ന്റെ ചില ഭാഗങ്ങ​ളിൽ, അനാഥ​രായ യുവ​പ്രാ​യ​ക്കാ​രെ​യോ ദൃക്‌സാ​ക്ഷി​ക​ളെ​യോ വധിച്ചു​ക​ള​യു​ന്നതു സർവസാ​ധാ​ര​ണ​മാ​യി​ത്തീർന്നി​ട്ടുണ്ട്‌. ജീവൻ ഇത്രമാ​ത്രം വിലകു​റ​ഞ്ഞ​താ​യി​ത്തീർന്നി​രി​ക്കു​ന്നത്‌ എന്തു​കൊണ്ട്‌? അത്തരം അക്രമ​ങ്ങൾക്കു വ്യത്യസ്‌ത കാരണങ്ങൾ ഉണ്ടായി​രി​ക്കാ​മെ​ങ്കി​ലും, നാം അവഗണി​ക്ക​രു​താത്ത ഒരു കാരണ​മുണ്ട്‌.

ദൈവ​വ​ച​ന​മാ​യ ബൈബിൾ പറയു​ന്ന​ത​നു​സ​രിച്ച്‌, “സർവ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) വാസ്‌ത​വ​ത്തിൽ, യേശു​ക്രി​സ്‌തു സാത്താനെ വ്യാജം​പ​റ​യു​ന്ന​വ​നാ​യി​മാ​ത്രമല്ല, “കുലപാ​തക”നായി​ട്ടു​കൂ​ടി തിരി​ച്ച​റി​യി​ക്കു​ന്നു. (യോഹ​ന്നാൻ 8:44) വ്യത്യസ്‌ത വിധങ്ങ​ളിൽ മനുഷ്യ​വർഗത്തെ സ്വാധീ​നി​ച്ചു​കൊണ്ട്‌, ശക്തനായ ഈ ആത്മസൃഷ്ടി അക്രമ​ങ്ങ​ളു​ടെ ഇന്നത്തെ വർധന​വി​നെ ഊട്ടി​വ​ളർത്തി​ക്കൊ​ണ്ടി​രി​ക്കു​ക​യാണ്‌. “ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു,” വെളി​പ്പാ​ടു 12:12 പറയുന്നു. എങ്കിലും സന്തോ​ഷ​ക​ര​മെന്നു പറയട്ടെ, “നീതി വസിക്കുന്ന” ഒരു “പുതിയ ആകാശ”ത്താലും “പുതിയ ഭൂമി”യാലും ഈ ദുഷ്ടവ്യ​വ​സ്ഥി​തി​യെ നീക്കു​ന്ന​താ​യി​രി​ക്കും.—2 പത്രൊസ്‌ 3:13.

ഒരു പുതിയ ലോക​ത്തെ​ക്കു​റി​ച്ചുള്ള വിസ്‌മ​യാ​വ​ഹ​മായ ഈ പ്രത്യാ​ശ​യ്‌ക്കു​പു​റമേ, ഇപ്പോൾത്തന്നെ നമുക്ക്‌ എന്തു സഹായ​മുണ്ട്‌?

അതിനുള്ള ആശാവ​ഹ​മായ ഉത്തരത്തി​ലേക്കു നോക്കു​ന്ന​തി​നു​മു​മ്പാ​യി, കുറ്റകൃ​ത്യ​ങ്ങ​ളിൽനി​ന്നു സംരക്ഷി​ക്ക​പ്പെ​ടു​മെ​ന്ന​തി​നു യഥാർഥ ക്രിസ്‌ത്യാ​നി​കൾക്കു​പോ​ലും ഉറപ്പി​ല്ലെന്ന്‌ ഓർക്കു​ന്നതു നല്ലതാണ്‌. താൻ വ്യക്തി​പ​ര​മാ​യി അഭിമു​ഖീ​ക​രിച്ച ഏതാനും അപകടങ്ങൾ പൗലോസ്‌ അപ്പോ​സ്‌തലൻ വർണി​ക്കു​ക​യു​ണ്ടാ​യി. “നദിക​ളി​ലെ ആപത്തു, കള്ളന്മാ​രാ​ലുള്ള ആപത്തു, സ്വജന​ത്താ​ലുള്ള ആപത്തു, ജാതി​ക​ളാ​ലുള്ള ആപത്തു, പട്ടണത്തി​ലെ ആപത്തു, കാട്ടിലെ ആപത്തു, കടലിലെ ആപത്തു” എന്നിവ​യി​ലെ​ല്ലാം അവൻ അകപ്പെ​ടു​ക​യു​ണ്ടാ​യി. (2 കൊരി​ന്ത്യർ 11:26) എന്നിട്ടും പൗലോസ്‌ ഈ അപകട​ങ്ങ​ളെ​യെ​ല്ലാം അതിജീ​വി​ച്ചു. ഇന്നും സംഗതി അങ്ങനെ​ത​ന്നെ​യാണ്‌. ജാഗ്ര​ത​യോ​ടെ​യി​രി​ക്കു​ന്നെ​ങ്കിൽ, നമ്മുടെ ഉദ്യമങ്ങൾ സാധ്യ​മാ​വു​ന്നത്ര സാധാ​ര​ണ​മ​ട്ടിൽ നമുക്കു നിർവ​ഹി​ക്കാ​നാ​വും. അതിനു സഹായി​ക്കുന്ന ചില സംഗതി​കൾ നമുക്കു പരിചി​ന്തി​ക്കാം.

ഒരുവൻ താമസി​ക്കു​ന്നത്‌ അപകട​ക​ര​മായ പരിസ​ര​ത്താ​ണെ​ങ്കിൽ, നല്ല നടത്ത ഒരു സംരക്ഷ​ണ​മാ​യി ഉതകും. ആളുകൾ മറ്റുള്ള​വരെ സസൂക്ഷ്‌മം നിരീ​ക്ഷി​ക്കുന്ന പ്രകൃ​ത​ക്കാ​രാണ്‌ എന്നതു​തന്നെ കാരണം. കൊള്ള​ക്കാർ കുറ്റകൃ​ത്യ​ങ്ങൾ ആസൂ​ത്രണം ചെയ്‌തു നടപ്പാ​ക്കു​ന്ന​വ​രാ​ണെ​ങ്കി​ലും, അനേക​രും സ്വയം വീക്ഷി​ക്കു​ന്നതു സാധാ​ര​ണ​ക്കാ​രാ​യി​ട്ടു​ത​ന്നെ​യാണ്‌. അവർ ചെയ്യു​ന്ന​തി​നെ വിമർശി​ക്കു​ന്നത്‌ ഒഴിവാ​ക്കുക, അവർ എന്തിലുൾപ്പെ​ട്ടി​രി​ക്കു​ന്നു​വെന്നു കണ്ടുപി​ടി​ക്കാൻ ശ്രമി​ക്ക​രുത്‌. അങ്ങനെ, അവരുടെ പ്രതി​കാര നടപടി​ക്കു നിങ്ങൾ ലക്ഷ്യമാ​യി​ത്തീ​രാ​നുള്ള സാധ്യത കുറക്കാ​നാ​വും. എന്തെങ്കി​ലും പുതി​യതു വാങ്ങി​യി​രി​ക്കു​ന്നത്‌ ആരാ​ണെ​ന്നോ അവധി​യിൽ പോകു​ന്നത്‌ ആരാ​ണെ​ന്നോ, അങ്ങനെ വീട്ടി​ലി​ല്ലാ​ത്തവർ ആരാ​ണെ​ന്നോ കണ്ടുപി​ടി​ക്കാൻ കള്ളന്മാർ ശ്രമി​ക്കു​മെന്ന കാര്യം ഓർക്കുക. അതു​കൊ​ണ്ടു നിങ്ങൾ മറ്റുള്ള​വ​രോ​ടു പറയുന്ന കാര്യ​ങ്ങ​ളിൽ വിവേകം പ്രകട​മാ​ക്കണം.

ശുശ്രൂ​ഷ​ക​രാ​ണെന്ന തങ്ങളുടെ സൽപ്പേ​രു​നി​മി​ത്തം ശ്രദ്ധേ​യ​മായ അളവിൽ തങ്ങൾക്കു സംരക്ഷണം ലഭിച്ചി​ട്ടു​ണ്ടെന്ന്‌ അനേകം യഹോ​വ​യു​ടെ സാക്ഷി​ക​ളും മനസ്സി​ലാ​ക്കി​യി​രി​ക്കു​ന്നു. ചുറ്റു​പാ​ടു​മുള്ള ആളുകളെ പക്ഷഭേ​ദ​ര​ഹി​ത​മാ​യി സഹായി​ക്കു​ന്ന​തിൽ അർപ്പണ​മ​നോ​ഭാ​വം കാട്ടുന്ന അത്തരം ക്രിസ്‌ത്യാ​നി​കളെ തങ്ങൾ ബഹുമാ​നി​ക്കു​ന്നു​വെന്നു കുറ്റവാ​ളി​കൾ പലപ്പോ​ഴും പ്രകട​മാ​ക്കി​യി​ട്ടുണ്ട്‌. സാക്ഷികൾ കൊല​പാ​ത​കി​ക​ളോ കള്ളന്മാ​രോ ‘പരകാ​ര്യ​ത്തിൽ ഇടപെ​ടു​ന്ന​വ​രോ’ അല്ല. അതു​കൊ​ണ്ടു​തന്നെ അവർ ആർക്കും ഒരു ഭീഷണി​യല്ല.—1 പത്രൊസ്‌ 4:15.

ദൈവ​ത്തി​ന്റെ പുതിയ ലോക​ത്തി​ലെ സുരക്ഷി​ത​ത്വം

“നിയമ​രാ​ഹി​ത്യ​ത്തി​ന്റെ വർധന”വിൽ നമുക്കു ദുഃഖ​മുണ്ട്‌, യേശു അതു മുൻകൂ​ട്ടി​പ്പ​റ​ഞ്ഞി​രു​ന്ന​താണ്‌. എന്നാൽ അമിത​മാ​യി ഉത്‌ക​ണ്‌ഠാ​കു​ല​രാ​കു​ന്ന​തി​നു​പ​കരം ദൈവം ഈ ദുഷ്ടവ്യ​വ​സ്ഥി​തി​യെ തുടച്ചു​നീ​ക്കു​മെ​ന്ന​തിൽ നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും. “രാജ്യ​ത്തി​ന്റെ ഈ സുവി​ശേഷം” ലോക​വ്യാ​പ​ക​മാ​യി പ്രസം​ഗി​ക്ക​പ്പെ​ടു​മെന്നു മുൻകൂ​ട്ടി​പ്പ​റ​ഞ്ഞ​തു​കൂ​ടാ​തെ, യേശു തന്റെ അനുഗാ​മി​കളെ ഇങ്ങനെ അനുസ്‌മ​രി​പ്പി​ക്കു​ക​യും ചെയ്‌തു: “അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും.”—മത്തായി 24:12-14.

മറ്റുള്ള​വ​രെ കൊള്ള​യ​ടി​ക്കു​ന്നവർ—ചില​പ്പോ​ഴൊ​ക്കെ അവിശ്വ​സ​നീ​യ​മായ വിധത്തി​ലുള്ള ക്രൂര​ത​യോ​ടെ​യും—നീക്കം​ചെ​യ്യ​പ്പെ​ടു​മെ​ന്ന​തിൽ നമുക്ക്‌ ഉറപ്പു​ള്ള​വ​രാ​യി​രി​ക്കാൻ സാധി​ക്കും. സദൃശ​വാ​ക്യ​ങ്ങൾ 22:22, 23 പറയുന്നു: “എളിയ​വ​നോ​ടു അവൻ എളിയ​വ​നാ​ക​കൊ​ണ്ടു കവർച്ച ചെയ്യരു​തു; അരിഷ്ടനെ പടിവാ​തി​ല്‌ക്കൽവെച്ചു പീഡി​പ്പി​ക്ക​യും അരുതു. യഹോവ അവരുടെ വ്യവഹാ​രം നടത്തും; അവരെ കൊള്ള​യി​ട്ട​വ​രു​ടെ ജീവനെ കൊള്ള​യി​ടും.” കൊള്ള​ക്കാർ, കൊല​പാ​ത​കി​കൾ, ലൈം​ഗിക വികട​ത്ത്വം പ്രവർത്തി​ക്കു​ന്നവർ എന്നിങ്ങ​നെ​യുള്ള ദുഷ്ടന്മാ​രെ യഹോവ നീക്കി​ക്ക​ള​യും. മാത്ര​വു​മല്ല, അത്തരം കുറ്റകൃത്യങ്ങൾക്ക്‌ ഇരയാ​യ​വരെ അവൻ അവഗണി​ക്കു​ക​യു​മില്ല. അവൻ അവർക്ക്‌ നഷ്ടപൂ​രണം നടത്തു​ക​യും അവരുടെ ആരോ​ഗ്യം പൂർണ​മാ​യി വീണ്ടെ​ടു​ത്തു​കൊ​ടു​ക്കു​ക​യും ചെയ്യും.

തീർച്ച​യാ​യും, ‘ദോഷം വിട്ടൊ​ഴി​ഞ്ഞു ഗുണം ചെയ്യുന്ന’വർക്കു നിത്യ​ജീ​വൻ ലഭിക്കും, സംഭവി​ക്കാ​നി​രി​ക്കുന്ന മഹോ​പ​ദ്ര​വത്തെ അതിജീ​വി​ക്കു​ന്ന​തി​നാ​ലോ മരിച്ച​വ​രിൽനി​ന്നു പുനരു​ത്ഥാ​നം പ്രാപി​ക്കു​ന്ന​തി​നാ​ലോ ആയിരി​ക്കും അവർക്കതു ലഭിക്കുക. “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:27-29) യേശു​വി​ന്റെ മറുവി​ലാ​യാ​ഗം നിമി​ത്ത​മാണ്‌ അത്തരം പ്രയോ​ജ​നങ്ങൾ ലഭ്യമാ​ക്ക​പ്പെ​ടു​ന്നത്‌. (യോഹ​ന്നാൻ 3:16) എന്നാൽ പുനഃ​സ്ഥി​തീ​ക​രി​ക്ക​പ്പെ​ടുന്ന പറുദീ​സ​യി​ലെ ജീവിതം എങ്ങനെ​യു​ള്ള​താ​യി​രി​ക്കും?

യഥാർഥ സുഖമു​ള്ള​താ​യി​രി​ക്കും ദൈവ​രാ​ജ്യ​ത്തിൻ കീഴിലെ ജീവിതം. യഹോവ ഇങ്ങനെ മുൻകൂ​ട്ടി​പ്പ​റ​യു​ന്നു: “എന്റെ ജനം സമാധാ​ന​നി​വാ​സ​ത്തി​ലും നിർഭ​യ​വ​സ​തി​ക​ളി​ലും സ്വൈ​ര​മുള്ള വിശ്രാ​മ​സ്ഥ​ല​ങ്ങ​ളി​ലും പാർക്കും.” (യെശയ്യാ​വു 32:18) നിത്യ​ജീ​വൻ ലഭിക്കുന്ന എല്ലാവ​രും തങ്ങളുടെ വ്യക്തി​ത്വ​ത്തി​നു മാറ്റം​വ​രു​ത്തി​യി​ട്ടു​ണ്ടാ​യി​രി​ക്കും. ആരും​തന്നെ ദുഷ്ടനോ അനീതി​യു​ള്ള​വ​നോ ആയിരി​ക്കു​ക​യില്ല, ആരും​തന്നെ അത്തര​മൊ​രു വ്യക്തിക്ക്‌ ഇരയാ​കു​ക​യു​മില്ല. പ്രവാ​ച​ക​നായ മീഖാ പറയുന്നു: “അവർ ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തി​ന്റെ കീഴി​ലും പാർക്കും; ആരും അവരെ ഭയപ്പെ​ടു​ത്തു​ക​യില്ല.” (മീഖാ 4:4; യെഹെ​സ്‌കേൽ 34:28) അപകട​ക​ര​മായ ഇന്നത്തെ പരിസ​ര​വു​മാ​യി നോക്കു​മ്പോൾ എന്തൊരു വ്യത്യാ​സം!

[6-ാം പേജിലെ ചതുരം]

ജാഗ്രതയുള്ളവരായിരിക്കുവിൻ

കുറ്റകൃ​ത്യ​ങ്ങ​ളി​ലേർപ്പെ​ടു​ന്നത്‌ അനേകം കുറ്റവാ​ളി​ക​ളും തങ്ങളുടെ മുഴു​സമയ ജീവി​ത​വൃ​ത്തി​യാ​ക്കു​ക​യാണ്‌. നിങ്ങൾക്കു​നേരെ തോക്കു ചൂണ്ടു​ന്നത്‌ ഒരാളാ​യി​രി​ക്കാ​മെ​ങ്കി​ലും രണ്ടോ മൂന്നോ പേരുൾപ്പെട്ട കൂട്ടങ്ങ​ളാ​യി​ട്ടാ​വാം അവർ പ്രവർത്തി​ക്കു​ന്നത്‌. കുറ്റവാ​ളി പ്രായം​കു​റ​ഞ്ഞ​വ​നാ​യി​രി​ക്കു​ന്തോ​റും അപകട സാധ്യത ഏറിയി​രി​ക്കു​മെ​ന്നതു കൂടുതൽ വ്യക്തമാണ്‌. നിങ്ങൾ ഒരു ഇരയാ​യി​ത്തീ​രു​ന്ന​പക്ഷം, നിങ്ങൾക്ക്‌ എന്തു ചെയ്യാൻ കഴിയും?

കള്ളൻ പരി​ഭ്രാ​ന്ത​നാ​കാ​തി​രി​ക്കാൻ സംയമനം പാലി​ക്കുക—അയാളു​ടെ അനുഭ​വ​ക്കു​റ​വു​നി​മി​ത്തം നിങ്ങൾ വധിക്ക​പ്പെ​ട്ടു​കൂ​ടെ​ന്നില്ല. നിങ്ങൾ ഒരു യഹോ​വ​യു​ടെ സാക്ഷി​യാ​ണെ​ങ്കിൽ അതു തുറന്നു പറയുക. എന്നാൽ അതേസ​മയം കള്ളൻ ആവശ്യ​പ്പെ​ടു​ന്നതു കൊടു​ക്കാൻ തയ്യാറാ​വു​ക​യും ചെയ്യുക. താമസി​ക്കു​ന്തോ​റും അപകട സാധ്യത കൂടും. നിങ്ങളു​ടെ സർട്ടി​ഫി​ക്ക​റ്റു​ക​ളോ ബസ്‌ യാത്ര​യ്‌ക്കുള്ള പണമോ തിരി​ച്ചു​ത​രാൻ പിന്നീട്‌ ആവശ്യ​പ്പെ​ടാ​വു​ന്ന​താണ്‌.

കുറ്റവാ​ളി ആരാണ്‌ എന്നൊ​ന്നും പലപ്പോ​ഴും വിവേ​ചി​ക്കാ​നൊ​ക്കില്ല. ചില കള്ളന്മാർ മയക്കു​മ​രു​ന്നാ​സ​ക്ത​രോ മോഷണം ജീവി​ത​വൃ​ത്തി​യാ​ക്കി​യ​വ​രോ ആയിരി​ക്കും, മറ്റുചി​ലർ കേവലം ഭക്ഷണത്തി​നു​വേണ്ടി മോഷ്ടി​ക്കു​ന്ന​വ​രും. സംഗതി എന്തുമാ​യി​ക്കൊ​ള്ളട്ടെ, അധികം പണം കൈവശം കൊണ്ടു​ന​ട​ക്ക​രുത്‌. ആഭരണ​ങ്ങ​ളോ സ്വർണ​മോ​തി​ര​ങ്ങ​ളോ വിലകൂ​ടിയ വാച്ചു​ക​ളോ അവരുടെ കണ്ണിൽപ്പെ​ടാ​തെ സൂക്ഷി​ക്കുക. സാധാ​ര​ണ​മ​ട്ടിൽ നടക്കു​ക​യും യാത്ര​ചെ​യ്യു​ക​യും ചെയ്യുക, യാതൊ​രു ഭയവും കാട്ടരുത്‌. സംശയം ജനിപ്പി​ക്കും​വി​ധം ആളുകളെ തുറി​ച്ചു​നോ​ക്ക​രുത്‌. തെരു​വിൽ വെടി​വെപ്പു നടക്കു​ന്ന​യ​വ​സ​ര​ത്തിൽ, നിങ്ങൾ പെട്ടെന്നു നില​ത്തേക്കു വീണു​കി​ട​ക്കുക; വസ്‌ത്രം പിന്നീടു വൃത്തി​യാ​ക്കാ​വു​ന്ന​തേ​യു​ള്ളൂ.—റിയോ ഡെ ജനി​റോ​യി​ലെ ഒരു മുൻ പൊലീ​സു​കാ​രൻ.

[5-ാം പേജിലെ ചിത്രം]

സംയമനം പാലി​ക്കു​ക​യും കള്ളൻ ആവശ്യ​പ്പെ​ടു​ന്നതു കൊടു​ക്കു​ക​യും ചെയ്യുക. താമസി​ക്കു​ന്തോ​റും അപകട സാധ്യത കൂടും