മോഷ്ടാ​ക്ക​ളി​ല്ലാത്ത ഒരു ലോകം

അതു സംഭവി​ച്ചതു പെട്ടെ​ന്നാ​യി​രു​ന്നു. ബ്രസീ​ലി​ലെ സാവോ പോ​ളോ​യിൽ തന്റെ വീടിനു മുമ്പിൽവച്ച്‌ അന്റോണിയോയുടെa തലയ്‌ക്കു​നേരെ ഒരു തോക്കു ചൂണ്ടി​ക്കൊണ്ട്‌ മാന്യ​മാ​യി വസ്‌ത്ര​ധാ​രണം ചെയ്‌ത ഒരു മനുഷ്യൻ അയാളു​ടെ കാറിന്റെ താക്കോ​ലും രേഖക​ളും ആവശ്യ​പ്പെ​ടു​ക​യും പെട്ടെന്നു കാറി​ലേ​റി​പ്പോ​കു​ക​യും ചെയ്‌തു.

റയോ ഡി ജനെയ്‌റോ​യിൽ തന്റെ പത്തു വയസ്സുള്ള മകളുടെ മുമ്പിൽവച്ചു പൗലോ എന്നു പേരുള്ള ഒരു മനുഷ്യ​നെ സായു​ധ​രായ നാലു​പേർ വന്നു കീഴ്‌പ്പെ​ടു​ത്തി. എന്നിട്ട്‌, ആ കള്ളൻമാർ അദ്ദേഹ​ത്തി​ന്റെ വീട്ടി​ലേ​ക്കോ​ടി​ച്ചു​പോ​യി അവി​ടെ​ക്ക​യറി തങ്ങൾക്കു വേണ്ട​തെ​ല്ലാം കവർന്നെ​ടു​ത്തു പൗലോ​യു​ടെ രണ്ടു കാറു​ക​ളിൽ നിറച്ചു. കൊല്ലു​മെന്നു ഭീഷണി​പ്പെ​ടു​ത്തി അവർ അയാളു​ടെ ഭാര്യ​യെ​യും ഒരു ജോലി​ക്കാ​ര​നെ​യും തടവു​കാ​രാ​യി പിടിച്ച്‌ പട്ടണത്തി​ലുള്ള പൗലോ​യു​ടെ സ്വർണ​ക്ക​ട​യിൽ ചെന്ന്‌ വിലയു​ള്ള​തെ​ല്ലാം തൂത്തു​വാ​രി​ക്കൊ​ണ്ടു​പോ​യി. എങ്കിലും പ്രതീ​ക്ഷക്കു വിരു​ദ്ധ​മാ​യി, തങ്ങൾ കാറുകൾ ഉപേക്ഷി​ച്ചി​രി​ക്കു​ന്നത്‌ എവി​ടെ​യെന്ന്‌ ആ മോഷ്ടാ​ക്കൾ ഫോൺ വിളി​ച്ചു​പ​റഞ്ഞു.

കഠിന​മാ​യി പ്രയത്‌നി​ച്ചു​ണ്ടാ​ക്കിയ പണവും വസ്‌തു​ക്ക​ളും കവർച്ച ചെയ്യ​പ്പെ​ടു​ന്നത്‌ എത്രമാ​ത്രം അന്ധാളി​പ്പി​ക്കുന്ന ഒരു കാര്യ​മാണ്‌! അന്റോ​ണി​യോ​യോ പൗലോ​യോ നിയമം കൈയി​ലെ​ടു​ത്തി​ല്ലെ​ങ്കി​ലും മററു​പ​ല​രും അങ്ങനെ ചെയ്യുന്നു. മോഷ്ടാ​വു വലിയ വില​യൊ​ടു​ക്കാൻ അവർ ഇടയാ​ക്കി​യേ​ക്കാം, അല്ലെങ്കിൽ അവരുടെ സ്വന്തം ജീവൻ നഷ്ടമാ​യേ​ക്കാം. ഉദാഹ​ര​ണ​ത്തിന്‌, ബ്രസീ​ലു​കാ​രി​യായ ഒരു സ്‌ത്രീ​യു​ടെ വാച്ച്‌ ഒരു യുവാവു പൊട്ടി​ച്ചെ​ടു​ത്ത​പ്പോൾ കോപാ​കു​ല​യായ അവർ തന്റെ ബാഗിൽനി​ന്നു തോ​ക്കെ​ടുത്ത്‌ ആ കവർച്ച​ക്കാ​രനെ വെടി​വെച്ചു കൊന്നു. ഫലമോ? ഓ എസ്‌റ​റ​ഡോ ഡ സാവൂ പൗലോ റിപ്പോർട്ടു ചെയ്യുന്നു: “ഈ സംഭവം കണ്ട ആളുകൾ ആ അജ്ഞാത സ്‌ത്രീ​യു​ടെ പെരു​മാ​റ​റത്തെ പുകഴ്‌ത്തി​പ്പ​റഞ്ഞു, അവരെ പൊലീ​സി​നു കാട്ടി​ക്കൊ​ടു​ക്കാൻ ആരും ആഗ്രഹി​ച്ച​തു​മില്ല.” ക്രിസ്‌ത്യാ​നി​കൾ മോഷ്ടാ​ക്കൾ ഇല്ലാത്ത ഒരു ലോക​ത്തി​നു​വേണ്ടി കാത്തി​രി​ക്കു​ന്നെ​ങ്കി​ലും ആ സ്‌ത്രീ ചെയ്‌ത​തു​പോ​ലെ പകരം വീട്ടു​ക​യില്ല. പ്രതി​കാ​രം ദൈവ​ത്തി​നു​ള്ള​താ​യ​തു​കൊണ്ട്‌ “ദുഷ്‌പ്ര​വൃ​ത്തി​ക്കാർ നിമിത്തം മുഷി​യ​രു​തു; ദുഷ്ടൻമാ​രോ​ടു അസൂയ​പ്പെ​ടു​ക​യും അരുതു. ദോഷി​ക്കു പ്രതി​ഫ​ല​മു​ണ്ടാ​ക​യില്ല” എന്നു സദൃശ​വാ​ക്യ​ങ്ങൾ 24:19, 20-ൽ പറഞ്ഞി​രി​ക്കുന്ന വാക്കുകൾ അവർ അനുസ​രി​ക്കു​ന്നു.

എന്നാൽ ആക്രമി​ക്ക​പ്പെ​ട്ടാൽ നിങ്ങൾക്കെന്തു ചെയ്യാൻ കഴിയും? റയോ ഡി ജനെയ്‌റോ​യി​ലെ ഒരു സംഭവം, ശാന്തനാ​യി​രി​ക്കേ​ണ്ട​തി​ന്റെ പ്രാധാ​ന്യം വിളി​ച്ച​റി​യി​ക്കു​ന്നു. എലോ​യിസ എന്നു പേരുള്ള ഒരു ക്രിസ്‌തീയ സ്‌ത്രീ ബൈബി​ള​ധ്യ​യനം നടത്താൻ ബസ്സിൽ പോകു​ക​യാ​യി​രു​ന്നു. രണ്ടു പുരു​ഷൻമാർ യാത്ര​ക്കാ​രെ കവർച്ച ചെയ്യാൻ തുടങ്ങി. തനിക്കി​റ​ങ്ങേണ്ട ബസ്‌റേ​റാ​പ്പാ​യ​പ്പോൾ, താൻ ഒരു യഹോ​വ​യു​ടെ സാക്ഷി​യാ​ണെ​ന്നും ഒരു ബൈബി​ള​ധ്യ​യനം നടത്താൻ പോകു​ക​യാ​ണെ​ന്നും എലോ​യിസ അവരോ​ടു പറഞ്ഞു. അവർ തന്റെ ബൈബി​ളും പഠന സഹായി​യും കാട്ടി​ക്കൊ​ടു​ത്തു. കവർച്ച ചെയ്യാതെ അവരെ ഇറങ്ങി​പ്പോ​കാൻ അവർ അനുവ​ദി​ച്ചു. എന്നാൽ മറെറാ​രു യാത്ര​ക്കാ​രനെ ഇറങ്ങി​പ്പോ​കാൻ അവർ അനുവ​ദി​ച്ചില്ല. ഇതു​പോ​ലൊ​ന്നു താൻ ഒരിക്ക​ലും കണ്ടിട്ടി​ല്ലെന്നു ഡ്രൈവർ പിന്നീടു പറഞ്ഞു.

തന്റെ കാറി​ലേക്കു കയറാൻ രണ്ടു സായു​ധ​രായ ആളുകൾ റെജീ​ന​യോട്‌ ആജ്ഞാപി​ച്ച​പ്പോൾ അവരും ശാന്തയാ​യി​രു​ന്നു. ഉണരുക! മാസി​ക​യു​ടെ സ്വന്തം പ്രതി കാട്ടി റെജീന ഒരു സാക്ഷ്യം നൽകി. അവരുടെ ധൈര്യം ചോർന്നു​പോ​യ​തി​നാൽ റെജീന കുറച്ചു കൽക്കണ്ടം സൂക്ഷി​ച്ചി​രുന്ന ഡാഷ്‌ബോർഡി​ലെ പെട്ടി തുറക്കാൻ അവരോട്‌ ആവശ്യ​പ്പെട്ടു. എന്നാൽ രാജ്യ സംഗീ​ത​ങ്ങ​ളു​ടെ കാസെ​ററ്‌ ടേപ്പ്‌ കണ്ടപ്പോൾ അവർ ആ സംഗീതം ശ്രവി​ക്കാൻ തുടങ്ങി. അന്തരീക്ഷം ഇപ്പോൾ ഏറെ സൗഹൃ​ദ​മു​ള്ള​താ​യ​പ്പോൾ, തന്നെ സഹായി​ക്കാൻ മനസ്സുള്ള ഒരാളെ അവർ കണ്ടെത്തു​മെന്ന്‌ ആശംസി​ച്ചു​കൊണ്ട്‌ കവർച്ച​ക്കാർ റെജീ​നയെ യാതൊ​രു​പ​ദ്ര​വ​വും ഏൽപ്പി​ക്കാ​തെ വഴിയിൽ വിട്ടി​ട്ടു​പോ​യി. പത്തു മിനി​ററു നടന്ന​പ്പോൾ അവർ ഒരു വീടു കണ്ടെത്തി. എന്നാൽ വീട്ടു​കാ​രന്‌ അവരുടെ കഥ വിശ്വ​സി​ക്കാൻ കഴിയാ​ഞ്ഞ​തി​നാൽ ഇങ്ങനെ പറഞ്ഞു, “നിങ്ങളെ ആക്രമി​ച്ച​താ​യി തോന്നു​ന്നേ​യി​ല്ല​ല്ലോ; നിങ്ങൾ എത്ര ശാന്തയാ​യി​രി​ക്കു​ന്നു.”

ഇരയായ വ്യക്തി ശാരീ​രി​ക​മാ​യി ഹനിക്ക​പ്പെ​ട്ടി​ല്ലെ​ങ്കി​ലും മനസ്സിനെ പിടി​ച്ചു​ല​യ്‌ക്കുന്ന ഇത്തര​മൊ​രു അനുഭ​വ​ത്തിന്‌ ഗുരു​ത​ര​മായ അനന്തര​ഫ​ല​ങ്ങൾക്കു കാരണ​മാ​കാൻ കഴിയും. ‘ഇരയായ വ്യക്തി സുരക്ഷി​ത​ത്വ​ബോ​ധ​മി​ല്ലാ​ത്ത​വ​നോ കുടും​ബാം​ഗ​ങ്ങ​ളോ​ടോ തന്നെ സഹായി​ക്കാൻ ശ്രമി​ക്കു​ന്ന​വ​രോ​ടോ വിദ്വേ​ഷം പുലർത്തു​ന്ന​വ​നോ, മററു​ള്ള​വ​രിൽ ആശ്രയി​ക്കാൻ കഴിയാ​ത്ത​വ​നോ, വിശദ​മായ വ്യവസ്ഥകൾ വെക്കണ​മെന്ന നിരന്തര ചിന്തയു​ള്ള​വ​നോ, ലോകം നീതി​ര​ഹി​ത​മാ​ണെന്നു തോന്നു​ന്ന​വ​നോ ആയിത്തീർന്നേ​ക്കാം,’ എന്ന്‌ ഓ എസ്‌റ​റ​ഡോ ഡ സാവൂ പൗലോ റിപ്പോർട്ടു ചെയ്യുന്നു. ഇതിനു വിപരീ​ത​മാ​യി, യഹോ​വ​യാം ദൈവ​ത്തിൽ ആശ്രയി​ക്കുന്ന ഒരു വ്യക്തി ശാരീ​രി​ക​മാ​യും വൈകാ​രി​ക​മാ​യും ഹനിക്ക​പ്പെ​ടാ​തെ ഇത്തരം സാഹച​ര്യ​ങ്ങളെ വിജയ​ക​ര​മാ​യി അതിജീ​വി​ക്കാൻ സാധ്യത ഏറെയുണ്ട്‌. എന്നിരു​ന്നാ​ലും, കുററ​കൃ​ത്യ​മോ ഭയപ്പെ​ടു​ത്തുന്ന എന്തെങ്കി​ലു​മോ മേലാൽ ഇല്ലായി​രു​ന്നെ​ങ്കിൽ അതൊരു അനു​ഗ്ര​ഹ​മാ​യി​രി​ക്കു​മെന്നു നിങ്ങൾ സമ്മതി​ക്കി​ല്ലേ?

“മോഷ്ടാ​വു മേലാൽ മോഷ്ടി​ക്കാ​തി​രി​ക്കട്ടെ”

പലരും അത്യാർത്തി​പൂണ്ട ജീവി​ത​രീ​തി ഇഷ്ടപ്പെ​ടു​ന്നെ​ങ്കി​ലും തങ്ങളുടെ ആഗ്രഹ​ങ്ങ​ളെ​യും വ്യക്തി​ത്വ​ങ്ങ​ളെ​യും മാററാൻ മോഷ്ടാ​ക്കളെ ദൈവ​വ​ചനം സഹായി​ച്ചി​ട്ടുണ്ട്‌. (എഫെസ്യർ 4:23) ജീവി​ത​ത്തിൽ ഒരു യഥാർഥ, ബൈബി​ള​ധി​ഷ്‌ഠിത, ഉദ്ദേശ്യം ഉണ്ടായി​രി​ക്കു​ന്ന​തി​നാൽ അവർ “അനീതി​യോ​ടു​കൂ​ടിയ വലിയ വരുമാ​ന​ത്തെ​ക്കാൾ നീതി​യോ​ടു​കൂ​ടിയ അല്‌പ​മാണ്‌ ഉത്തമം” എന്ന വാക്കു​കൾക്കു ശ്രദ്ധ കൊടു​ക്കു​ന്നു. (സദൃശ​വാ​ക്യ​ങ്ങൾ 16:8, ഓശാന ബൈ.) ക്ലോഡ്‌യൂ പറയുന്നു: “എന്റെ കുടും​ബ​ത്തിൽ മിക്കവ​രും​തന്നെ സാക്ഷി​ക​ളാ​യി​രു​ന്നു, എന്നാൽ യഹോ​വ​യെ​യും അവിടു​ത്തെ ഉദ്ദേശ്യ​ങ്ങ​ളെ​യും​കു​റിച്ച്‌ അവർക്കു പറയാ​നു​ണ്ടാ​യി​രു​ന്നതു ഞാൻ ഒരിക്ക​ലും ശ്രദ്ധി​ച്ചില്ല. മോഷ്ടി​ച്ചെ​ടുത്ത ഒരു പിക്കപ്പ്‌ വാനിൽ ഏതാണ്ട്‌ 2,000 കിലോ​മീ​ററർ യാത്ര ചെയ്‌ത​ശേഷം തിരി​ച്ചു​പോ​രു​മ്പോൾ നിരവധി പൊലീസ്‌ ചെക്ക്‌ പോസ്‌റ​റു​കൾ എനിക്കു കടക്കേ​ണ്ട​തു​ണ്ടാ​യി​രു​ന്നു. ആ പ്രക്രി​യ​യിൽ, ഞാൻ എന്റെ ജീവി​ത​രീ​തി മാറേ​റ​ണ്ട​തു​ണ്ടെന്നു തിരി​ച്ച​റി​ഞ്ഞു. അതു ചെയ്യാൻ ഞാൻ മുമ്പു ശ്രമി​ച്ചി​രു​ന്നു, എന്നാൽ വിജയി​ച്ചില്ല. ഇത്തവണ, ഞാൻ യഹോ​വ​യു​ടെ സാക്ഷി​ക​ളായ എന്റെ ബന്ധുക്കൾ എത്ര ആനന്ദവും സന്തോ​ഷ​വും സമാധാ​ന​വും ഉള്ളവരാ​ണെ​ന്നും അവർ എത്ര വ്യത്യ​സ്‌ത​രാ​ണെ​ന്നും ചിന്തി​ക്കാൻ തുടങ്ങി.” തത്‌ഫ​ല​മാ​യി ക്ലോഡ്‌യൂ ദൈവ​വ​ചനം പഠിക്കാൻ തുടങ്ങി, മയക്കു​മ​രു​ന്നു​കൾ ഉപേക്ഷി​ച്ചു, മുൻ സുഹൃ​ത്തു​ക്കളെ ഉപേക്ഷി​ച്ചു, അങ്ങനെ ഒരു ക്രിസ്‌തീയ ശുശ്രൂ​ഷ​ക​നാ​യി​ത്തീ​രു​ക​യും ചെയ്‌തു.

മററു ചിലരും “ചൂഷണ​ത്തിൽ ആശ്രയി​ക്ക​രുത്‌, കവർച്ച​യിൽ വ്യർത്ഥ​മാ​യി ആശ വയ്‌ക്ക​രുത്‌” എന്ന വാക്കു​കൾക്ക്‌ ഇപ്പോൾ ശ്രദ്ധ കൊടു​ക്കു​ന്നു. (സങ്കീർത്ത​നങ്ങൾ 62:10, പി.ഒ.സി.ബൈ.) മോഷണം നടത്തി​യ​പ്പോൾ കൊല​പാ​ത​ക​ശ്രമം നടത്തി​യ​തി​നു ജയിൽശിക്ഷ അനുഭ​വി​ച്ച​ശേഷം മയക്കു​മ​രു​ന്ന​ടി​മ​യും മയക്കു​മ​രു​ന്നു കള്ളക്കട​ത്തു​കാ​ര​നു​മായ ജൂസ്‌ തന്റെ അളിയ​നു​മൊ​ത്തുള്ള ഒരു ബൈബി​ള​ധ്യ​യ​ന​ത്തിൽനി​ന്നു പ്രയോ​ജനം നേടി. അയാൾ മയക്കു​മ​രു​ന്നു​പേ​ക്ഷിച്ച്‌ ഇപ്പോൾ ഒരു തീക്ഷ്‌ണ​ത​യുള്ള സാക്ഷി​യാണ്‌.

എന്നിരു​ന്നാ​ലും, പുതിയ വ്യക്തി​ത്വം പൊടു​ന്ന​നെ​യോ അത്ഭുത​വി​ധ​ങ്ങ​ളി​ലോ ഉണ്ടാകു​ന്നില്ല. മയക്കു​മ​രു​ന്നി​ലും മോഷ​ണ​ത്തി​ലും ആഴത്തിൽ ആമഗ്നനാ​യി​രുന്ന ഓസ്‌കാർ പറയു​ന്നതു ശ്രദ്ധിക്കൂ: “എന്റെ കണ്ണുനീ​രു​കൊ​ണ്ടു തറ ഒരു ചെറു തടാക​മാ​യ​താ​യി തോന്നു​മാറ്‌ അത്ര വികാര തീക്ഷ്‌ണ​ത​യോ​ടെ ഞാൻ യഹോ​വ​യോ​ടു പ്രാർഥി​ച്ചു.” അതേ, ദൈവ​വ​ച​ന​ത്തി​ന്റെ ഉത്സാഹ​പൂർവ​ക​മായ പഠനത്തി​നു പുറമേ, ഹൃദയം​ഗ​മ​മായ നിരന്തര പ്രാർഥന ആവശ്യ​മാണ്‌. പിൻവ​രുന്ന പ്രാർഥ​നാ​പ​ര​മായ വീക്ഷണ​ത്തി​ല​ട​ങ്ങിയ ജ്ഞാനം ശ്രദ്ധി​ക്കുക: “ദാരി​ദ്ര്യ​വും സമ്പത്തും എനിക്കു തരാതെ നിത്യ​വൃ​ത്തി തന്നു എന്നെ പോഷി​പ്പി​ക്കേ​ണമേ. ഞാൻ തൃപ്‌ത​നാ​യി​ത്തീർന്നി​ട്ടു: യഹോവ ആർ എന്നു നിന്നെ നിഷേ​ധി​പ്പാ​നും ദരി​ദ്ര​നാ​യി​ത്തീർന്നി​ട്ടു മോഷ്ടി​ച്ചു എന്റെ ദൈവ​ത്തി​ന്റെ നാമത്തെ തീണ്ടി​പ്പാ​നും സംഗതി വരരുതേ.”—സദൃശവാക്യങ്ങൾ30:8, 9.

സ്വാർഥ താത്‌പ​ര്യ​ത്തി​ന്റെ സ്ഥാനം യഥാർഥ സ്‌നേ​ഹ​ത്തി​നു നൽകണം: “മോഷ്ടാ​വു മേലാൽ മോഷ്ടി​ക്കാ​തി​രി​ക്കട്ടെ, മറിച്ച്‌ അയാൾ ആവശ്യ​മു​ള്ള​വ​രു​മാ​യി പങ്കുവ​യ്‌ക്കാൻ എന്തെങ്കി​ലും ഉണ്ടായി​രി​ക്കാൻ തക്കവണ്ണം സ്വന്തം കൈകൾകൊണ്ട്‌ മാന്യ​മാ​യി കഠിനാ​ദ്ധ്വാ​നം ചെയ്യട്ടെ.” (എഫേസ്യർ 4:28, NW) ഒന്നാം നൂററാ​ണ്ടി​ലെ, മുമ്പു ‘മോഷ്ടാ​ക്ക​ളോ അത്യാ​ഗ്ര​ഹി​ക​ളോ’ ആയിരുന്ന ചില ക്രിസ്‌ത്യാ​നി​ക​ളു​ടെ കാര്യ​ത്തി​ലെ​ന്ന​പോ​ലെ, അനുത​പി​ക്കു​ന്ന​വ​രോ​ടു യഹോവ യേശു​ക്രി​സ്‌തു​വി​ന്റെ മറുവില മുഖാ​ന്തരം കരുണാ​പൂർവം ക്ഷമിക്കു​ന്നു. (1 കൊരി​ന്ത്യർ 6:9-11) നമ്മുടെ കഴിഞ്ഞ കാലം എന്തുത​ന്നെ​യാ​യി​രു​ന്നാ​ലും നമുക്കു നമ്മുടെ ജീവി​ത​രീ​തി മാററി ദൈവ​ത്തി​ന്റെ അനു​ഗ്രഹം നേടാൻ കഴിയു​മെ​ന്നത്‌ എത്ര ആശ്വാ​സ​മാണ്‌!—യോഹ​ന്നാൻ 3:16.

ദൈവ​ത്തി​ന്റെ പുതിയ ലോക​ത്തി​ലെ സുരക്ഷി​ത​ത്വം

മോഷ്ടാ​ക്കൾ ഇല്ലാത്ത ഒരു ലോക​ത്തെ​ക്കു​റി​ച്ചു വിഭാ​വനം ചെയ്യൂ. അപ്പോൾ ന്യായാ​ധി​പൻമാ​രും അഭിഭാ​ഷ​ക​രും പൊലീ​സും ജയിലു​ക​ളും അടങ്ങുന്ന ചെല​വേ​റിയ ഒരു നിയമ​നിർവഹണ സംവി​ധാ​ന​ത്തി​ന്റെ ആവശ്യം ഉണ്ടായി​രി​ക്കില്ല. അത്‌ ഓരോ​രു​ത്ത​രും മററു​ള്ള​വ​രെ​യും അവരുടെ വസ്‌തു​ക്ക​ളെ​യും ബഹുമാ​നി​ക്കുന്ന ഒരു ഐശ്വ​ര്യ​സ​മ്പ​ന്ന​മായ ലോക​മാ​യി​രി​ക്കും! അത്‌ അവിശ്വ​സ​നീ​യ​മാ​യി തോന്നു​ന്നു​വോ? ദൈവം യഥാർഥ​ത്തിൽ മാനു​ഷിക കാര്യ​ങ്ങ​ളിൽ ഇടപെട്ട്‌ അധർമ​ത്തിന്‌ അറുതി വരുത്തു​മോ? ബൈബിൾ ദൈവ​വ​ച​ന​മാ​ണെ​ന്നും അതിലെ പ്രവച​നങ്ങൾ ആശ്രയ​യോ​ഗ്യ​മാ​ണെ​ന്നും ഉള്ള തെളിവു പരി​ശോ​ധി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. ഭാവി​യിൽ ഒരു മാററ​മു​ണ്ടാ​കു​മെന്നു വിശ്വ​സി​ക്കു​ന്ന​തി​നു നിങ്ങൾ ശക്തമായ അടിസ്ഥാ​നം കണ്ടെത്തും. നീതിയെ സ്‌നേ​ഹി​ക്കുന്ന എല്ലാവർക്കും വേണ്ടി വാഗ്‌ദത്തം ചെയ്‌തി​രി​ക്കുന്ന മോചനം കൈവ​രു​ത്തു​ന്ന​തിൽനി​ന്നു ദൈവത്തെ തടയാൻ ആർക്കും കഴിയില്ല: “ദുഷ്‌പ്ര​വൃ​ത്തി​ക്കാ​രു​ടെ നിമിത്തം നീ മുഷി​യ​രു​തു; നീതി​കേടു ചെയ്യു​ന്ന​വ​രോ​ടു അസൂയ​പ്പെ​ടു​ക​യു​മ​രു​തു. അവർ പുല്ലു​പോ​ലെ വേഗത്തിൽ ഉണങ്ങി പച്ചച്ചെ​ടി​പോ​ലെ വാടി​പ്പോ​കു​ന്നു.” (സങ്കീർത്തനം 37:1, 2) വളരെ​ക്കാ​ലം മുമ്പെ​ഴു​ത​പ്പെട്ട ആ വാക്കുകൾ താമസി​യാ​തെ പൂർണ​മാ​യി നിറ​വേ​റ​റ​പ്പെ​ടും.

ഇത്ര​ത്തോ​ളം നിരാ​ശ​ക്കും അനിശ്ചി​ത​ത്വ​ത്തി​നും ഇടയാ​ക്കുന്ന കഷ്ടപ്പാ​ടും അനീതി​യും ദൈവ​രാ​ജ്യം അവസാ​നി​പ്പി​ക്കും. മോഷ്ടി​ക്കാ​നുള്ള സമ്മർദം അനുഭ​വ​പ്പെ​ടാൻ തക്കവണ്ണം ആർക്കും ഒന്നിനും ഒരു കുറവു​ണ്ടാ​യി​രി​ക്കില്ല. പ്രവച​ന​ത്തിൽ നമുക്കി​ങ്ങനെ ഉറപ്പു നൽകി​യി​രി​ക്കു​ന്നു: “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും; അതിന്റെ വിളവു ലെബാ​നോ​നെ​പ്പോ​ലെ ഉലയും; നഗരവാ​സി​കൾ ഭൂമി​യി​ലെ സസ്യം​പോ​ലെ തഴെക്കും.” (സങ്കീർത്തനം 72:16) വാസ്‌ത​വ​ത്തിൽ പുനഃ​സ്ഥാ​പി​ക്ക​പ്പെട്ട പറുദീ​സ​യിൽ, സത്യ​ദൈ​വത്തെ അറിഞ്ഞ്‌ ആരാധി​ക്കുന്ന മനുഷ്യ​രു​ടെ സമാധാ​നത്തെ യാതൊ​ന്നും ഭഞ്‌ജി​ക്കില്ല.—യെശയ്യാ​വു 32:18.

ഈ അത്യാ​ഗ്രഹം പൂണ്ട ലോക​ത്തി​ന്റെ വഴികളെ ചെറു​ത്തു​നി​ന്ന​തി​ന്റെ എന്തൊരു പ്രതി​ഫ​ല​മാ​യി​രി​ക്കും അത്‌! സദൃശ​വാ​ക്യ​ങ്ങൾ 11:19 പറയുന്നു: “നീതി​യിൽ സ്ഥിര​പ്പെ​ട്ടി​രി​ക്കു​ന്നവൻ ജീവനെ പ്രാപി​ക്കു​ന്നു; ദോഷത്തെ പിന്തു​ട​രു​ന്ന​വ​നോ തന്റെ മരണത്തി​ന്നാ​യി പ്രവർത്തി​ക്കു​ന്നു.” അതേ, ദുഷ്ടൻമാർ ഛേദി​ക്ക​പ്പെ​ട്ട​തി​നു​ശേഷം തന്റെ ജീവനോ വസ്‌തു​ക്ക​ളോ ഓർത്തു ഭയപ്പെ​ടാൻ ആർക്കും കാരണ​മു​ണ്ടാ​യി​രി​ക്കില്ല. സങ്കീർത്തനം 37:11 നമുക്ക്‌ ഈ വാഗ്‌ദാ​നം നൽകുന്നു: “എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”

[അടിക്കു​റിപ്പ്‌]

[5-ാം പേജിലെ ചതുരം]

മോഷണമെന്ന യാഥാർഥ്യ​ത്തെ അതിജീ​വി​ക്കൽ

ഭവനത്തിൽ—നിങ്ങൾ ഭവനത്തിൽ ഉണ്ടെങ്കി​ലും ഇല്ലെങ്കി​ലും മോഷ്ടാ​ക്കൾ കടന്നാ​ക്ര​മി​ച്ചേ​ക്കാ​മെ​ന്ന​തി​നാൽ വാതി​ലു​കൾ അടച്ചു പൂട്ടി​യി​ടുക. ആപത്സൂചന നൽകാ​നുള്ള ക്രമീ​ക​ര​ണ​മോ കാവൽ നായയോ ഉണ്ടായി​രി​ക്കാൻ വിദഗ്‌ധർ ശുപാർശ ചെയ്യുന്നു. നിങ്ങൾ അവധിക്കു ദൂരെ​യാ​യി​രി​ക്കു​മ്പോൾ ആശ്രയ​യോ​ഗ്യ​നായ ഒരു അയൽക്കാ​രനെ അറിയി​ക്കുക. ശാന്തത പാലി​ക്കുക—മോഷ്ടാ​ക്കൾ അപ്രതീ​ക്ഷി​ത​മായ വിധങ്ങ​ളിൽ പെട്ടെന്നു പ്രവർത്തി​ക്കു​ന്നു, ധൈര്യം ചോർന്നു​പോ​യാൽ പദ്ധതി ഉടൻ മാററി​യേ​ക്കാം. നിങ്ങൾ ഒരു യഹോ​വ​യു​ടെ സാക്ഷി​യാ​ണെ​ങ്കിൽ സ്വയം തിരി​ച്ച​റി​യി​ക്ക​യും ഒരു സാക്ഷ്യം നൽകാൻ ശ്രമി​ക്ക​യും ചെയ്യുക. നിങ്ങൾ പ്രതി​യോ​ഗി​യു​ടെ സൗഹൃ​ദ​ത്തി​നോ കനിവി​നോ പാത്ര​മാ​യേ​ക്കാം. ശാരീ​രി​ക​മാ​യി ആക്രമി​ക്കു​ന്നി​ല്ലെ​ങ്കിൽ ചെറു​ക്ക​രുത്‌.

പൊതു​സ്ഥ​ലത്ത്‌—ആരെങ്കി​ലും നിങ്ങളെ പിന്തു​ട​രു​ന്നു​ണ്ടോ​യെന്നു ശ്രദ്ധി​ക്കാൻ ജാഗ്രത കാട്ടുക. നടപ്പാ​ത​യു​ടെ നടുവി​ലൂ​ടെ നടക്കുക. ഇരുട്ടു​ള്ള​തും ആൾസഞ്ചാ​ര​മി​ല്ലാ​ത്ത​തു​മായ തെരുവ്‌ ഒഴിവാ​ക്കുക. നിങ്ങളു​ടെ പേഴ്‌സോ വിലപി​ടി​പ്പുള്ള വസ്‌തു​ക്ക​ളോ സുരക്ഷി​ത​മാ​യി സൂക്ഷി​ക്കുക. നിങ്ങൾ എവി​ടെ​യോ പോകു​ന്നെന്ന നാട്യ​ത്തിൽ ധൃതി​യിൽ നടക്കുക. വിലപി​ടി​പ്പുള്ള വസ്‌ത്ര​ങ്ങ​ളോ അധികം വെട്ടി​ത്തി​ള​ങ്ങുന്ന ആഭരണ​ങ്ങ​ളോ അണിയാ​തി​രി​ക്കുക. സ്ഥിതി​ഗ​തി​കൾ ആവശ്യ​മാ​ക്കി​ത്തീർക്കു​ന്ന​പക്ഷം, സാധനങ്ങൾ വാങ്ങു​ന്നത്‌ ഒരു സുഹൃ​ത്തി​നോ​ടൊ​പ്പം ആയിരി​ക്കട്ടെ. പല പോക്ക​റ​റു​ക​ളി​ലോ സ്ഥലങ്ങളി​ലോ ആയി ആവശ്യ​ത്തി​നുള്ള പണം മാത്രം കൊണ്ടു​പോ​കുക.

കാറിൽ—ആളെയും​കൊ​ണ്ടു കാർ തട്ടി​ക്കൊ​ണ്ടു​പോ​കു​ന്നതു നിങ്ങളു​ടെ പ്രദേ​ശത്തു സാധാ​ര​ണ​മാ​ണെ​ങ്കിൽ, നിർത്തി​യി​ട്ടി​രി​ക്കുന്ന നിങ്ങളു​ടെ കാറിൽ ഇരിക്ക​രുത്‌. ജോലി​സ്ഥ​ല​ത്തേ​ക്കും അവിടന്നു തിരി​ച്ചു​മുള്ള നിങ്ങളു​ടെ റൂട്ടു മാററി​ക്കൊ​ണ്ടി​രി​ക്കുക. അല്‌പം വളഞ്ഞതാ​ണെ​ങ്കി​ലും സുരക്ഷി​ത​ത്വ​മേ​റെ​യുള്ള മാർഗം തിര​ഞ്ഞെ​ടു​ക്കുക. പാർക്ക്‌ ചെയ്യു​ന്ന​തി​നു​മുമ്പ്‌, സംശയാ​സ്‌പ​ദ​മാ​യി തോന്നുന്ന എന്തെങ്കി​ലും ഉണ്ടോ​യെന്നു ചുററും നോക്കുക. ആൾസഞ്ചാ​ര​മി​ല്ലാത്ത ഒരു സ്ഥലത്തു​വെച്ചു ഡിക്കി തുറക്കാ​തി​രി​ക്കുക. കാറി​നു​ള്ളിൽ വിലപി​ടി​പ്പുള്ള സാധനങ്ങൾ കാണാ​വു​ന്ന​തു​പോ​ലെ ഇട്ടിട്ടു​പോ​ക​രുത്‌. കാണത്ത​ക്ക​വി​ധ​മുള്ള ഒരു പൂട്ടി​യിട്ട ചങ്ങലയോ മോഷ​ണത്തെ ചെറു​ക്കു​ന്ന​തി​നുള്ള മററു മാർഗ​ങ്ങ​ളോ സാധാരണ മോഷ്ടാ​ക്കളെ നിരാ​ശ​പ്പെ​ടു​ത്തി​യേ​ക്കാം.

[6-ാം പേജിലെ ചതുരം]

“പുഴു​വും തുരു​മ്പും കെടു​ക്ക​യും കള്ളൻമാർ തുരന്നു മോഷ്ടി​ക്ക​യും ചെയ്യുന്ന ഈ ഭൂമി​യിൽ നിങ്ങൾ നിക്ഷേപം സ്വരൂ​പി​ക്ക​രു​തു. പുഴു​വും തുരു​മ്പും കെടു​ക്കാ​തെ​യും കള്ളൻമാർ തുരന്നു മോഷ്ടി​ക്കാ​തെ​യു​മി​രി​ക്കുന്ന സ്വർഗ്ഗ​ത്തിൽ നിക്ഷേപം സ്വരൂ​പി​ച്ചു​കൊൾവിൻ.”—മത്തായി 6:19, 20