സ്വാത​ന്ത്ര്യം കുറഞ്ഞ വിശാ​ല​മായ പാത

അച്ഛനും അമ്മയും കൊച്ചു​പെൺകു​ട്ടി​യു​മ​ട​ങ്ങുന്ന ഒരു മൂന്നംഗ കുടും​ബം. അവർ ഓസ്‌​ട്രേ​ലി​യ​യി​ലെ സിഡ്‌നി​യി​ലുള്ള തങ്ങളുടെ വീട്ടി​ലി​രി​ക്കു​മ്പോ​ഴാ​ണു വീടിനു തീ പിടി​ച്ചത്‌. ജനലു​ക​ളി​ലൂ​ടെ പുറത്തു​ചാ​ടാൻ അവർ ശ്രമിച്ചു, എന്നാൽ അവയ്‌ക്ക്‌ അഴികൾ പിടി​പ്പി​ച്ച​താ​യി​രു​ന്നു. ഈ സുരക്ഷാ അഴികൾ നിമിത്തം അഗ്നിശ​മ​ന​ക്കാർക്ക്‌ അവരെ രക്ഷിക്കാ​നാ​യില്ല. അമ്മയും അച്ഛനും പുകയും തീയും​മൂ​ലം മരിച്ചു. മകൾ പിന്നീട്‌ ആശുപ​ത്രി​യിൽവെച്ചു മരിച്ചു.

തങ്ങളെ സംരക്ഷി​ക്കാൻ ഉദ്ദേശി​ച്ചു​ണ്ടാ​ക്കിയ സാമ​ഗ്രി​കൾ നിമി​ത്ത​മാണ്‌ ആ കുടും​ബം മരിച്ചത്‌ എന്നത്‌ എത്ര ദുഃഖ​ക​ര​മായ സംഗതി​യാണ്‌! അഴിക​ളാ​ലും സുരക്ഷാ പൂട്ടു​ക​ളാ​ലും വീടു കാത്തു​സം​ര​ക്ഷി​ക്കുന്ന ഒറ്റപ്പെട്ട കുടും​ബ​മ​ല്ലിത്‌ എന്നതു നമ്മുടെ നാളിന്റെ സവി​ശേ​ഷ​ത​യാണ്‌. നമ്മുടെ അയൽക്കാ​രിൽ അനേകർക്കും കോട്ട സമാന​മായ വീടു​ക​ളും വസ്‌തു​വ​ക​ക​ളു​മുണ്ട്‌. എന്തു​കൊണ്ട്‌? അവർ സുരക്ഷ​യും മനസ്സമാ​ധാ​ന​വും തേടു​ന്ന​തി​നാൽ. സ്വന്തം ഭവനത്തിൽ ജയിലി​ലി​ട്ട​പോ​ലത്തെ നിലയി​ലാ​യി​രി​ക്കു​മ്പോൾ മാത്രം ജനങ്ങൾക്കു സുരക്ഷ അനുഭ​വ​പ്പെ​ടു​ന്നത്‌ ഒരു “സ്വതന്ത്ര” സമുദാ​യ​ത്തിന്‌ എന്തൊരു കുറച്ചി​ലാണ്‌! കുട്ടി​കൾക്ക്‌ അടുത്തുള്ള ഒരു ഉദ്യാ​ന​ത്തിൽ കളിക്കു​ന്ന​തി​നോ മാതാ​പി​താ​ക്ക​ളിൽ ഒരാളോ മുതിർന്ന മറ്റൊ​രാ​ളോ കൂടെ​യി​ല്ലാ​തെ തനിയെ സ്‌കൂ​ളിൽ പോകു​ന്ന​തി​നോ മേലാൽ സുരക്ഷി​ത​ത്വം തോന്നു​ന്നി​ല്ലാത്ത സ്ഥലങ്ങളു​ടെ എണ്ണം വർധി​ച്ചു​കൊ​ണ്ടി​രി​ക്കു​ക​യാണ്‌. ജീവി​ത​ത്തി​ന്റെ പല വശങ്ങളി​ലും സ്വാത​ന്ത്ര്യം പ്രഭാ​ത​ത്തി​ലെ തുഷാ​ര​ക​ണം​പോ​ലെ അപ്രത്യ​ക്ഷ​മാ​കു​ക​യാണ്‌.

വ്യതി​യാ​നം ഭവിച്ച ഒരു ജീവി​ത​രീ​തി

നമ്മുടെ മുത്തശ്ശീ​മു​ത്ത​ശ്ശ​ന്മാ​രു​ടെ നാളുകൾ വ്യത്യ​സ്‌ത​മാ​യി​രു​ന്നു. കുട്ടി​ക​ളെന്ന നിലയിൽ തങ്ങൾക്കു തോന്നി​യി​ടത്ത്‌, ഭയം കൂടാതെ കളിക്കാൻ അവർക്കു കഴിഞ്ഞി​രു​ന്നു. പ്രായ​പൂർത്തി​യാ​യ​വ​രെന്ന നിലയിൽ തങ്ങളുടെ ഭവനങ്ങ​ളിൽ പൂട്ടു​ക​ളു​ടെ​യും അഴിക​ളു​ടെ​യും പ്രശ്‌ന​മി​ല്ലാ​യി​രു​ന്നു. അവർക്കു സ്വാത​ന്ത്ര്യം തോന്നി, ഒരു പരിധി​വരെ അവർ സ്വത​ന്ത്ര​രാ​യി​രു​ന്നു​താ​നും. എന്നാൽ തങ്ങളുടെ ജീവി​ത​കാ​ല​ത്തു​തന്നെ സമുദാ​യ​ത്തി​ന്റെ മനോ​ഭാ​വ​ത്തി​നു മാറ്റം വന്നതായി നമ്മുടെ മുത്തശ്ശീ​മു​ത്ത​ശ്ശ​ന്മാർ കണ്ടിരി​ക്കു​ന്നു. അതിനു സൗഹൃ​ദ​മ​നോ​ഭാ​വം കുറഞ്ഞു​പോ​യി​രി​ക്കു​ന്നു, അതു കൂടുതൽ സ്വാർഥ​മാ​യി മാറി​യി​രി​ക്കു​ന്നു; പലയി​ട​ങ്ങ​ളി​ലും അയൽസ്‌നേ​ഹ​ത്തി​നു പകരം അയൽക്കാ​രെ​ക്കു​റി​ച്ചുള്ള ഭയമാ​ണി​പ്പോൾ. മേൽപ്പറഞ്ഞ ദാരുണ സംഭവ​ങ്ങൾക്കു കാരണം അതാണ്‌. സ്വാത​ന്ത്ര്യ​ത്തി​ന്റെ വലിയ​തോ​തി​ലുള്ള അഭാവ​ത്തോ​ടൊ​പ്പം ധാർമിക മൂല്യ​ങ്ങ​ളും തുടർച്ച​യാ​യി അധഃപ​തി​ച്ചു​കൊ​ണ്ടി​രി​ക്കു​ക​യാണ്‌. സമുദാ​യം ഇപ്പോൾ ഒരു “പുത്തൻ ധാർമി​കത”യിൽ അനുര​ക്ത​മാ​യി​രി​ക്കു​ക​യാണ്‌, എന്നാൽ യാതൊ​രു ധാർമി​ക​ത​യും കണ്ടെത്താ​നാ​വാത്ത നിലയിൽ എത്തി​ച്ചേർന്നി​രി​ക്കു​ക​യാണ്‌ എന്നതാണു വാസ്‌തവം.

ക്വീൻസ്‌ലൻഡ്‌ സർവക​ലാ​ശാ​ല​യി​ലെ വിദ്യാ​ഭ്യാ​സ ലെക്‌ച്ചറർ ഡോ. റൂപെർട്ട്‌ ഗുഡ്‌മാൻ ഇങ്ങനെ എഴുതു​ന്നു: “യുവജ​നങ്ങൾ ഇപ്പോൾ വ്യത്യ​സ്‌ത​മായ, സുഖ​ഭോ​ഗാ​സ​ക്ത​മായ . . . ഒരു ജീവി​ത​രീ​തി​ക്കു വിധേ​യ​രാണ്‌. അവിടെ ‘അഹം’ ആണു കേന്ദ്ര​ബി​ന്ദു: ആത്മനിഷ്‌ഠ [സുഖ​ലോ​ലു​പത], ആത്മബോ​ധം, ആത്മനിർവൃ​തി, ആത്മംഭ​രി​തം [സ്വാർഥ താത്‌പ​ര്യം], എന്നിവ കൊടി​കു​ത്തി വാഴുന്നു.” അദ്ദേഹം ഇങ്ങനെ​യും പറയുന്നു: “ആത്മനി​യ​ന്ത്രണം, ആത്മത്യാ​ഗം, കഠിനാ​ധ്വാ​നം, മിതവ്യ​യം, അധികാ​രി​ക​ളോ​ടുള്ള ആദരവ്‌, മാതാ​പി​താ​ക്ക​ളോ​ടുള്ള സ്‌നേ​ഹ​ബ​ഹു​മാ​നം . . . എന്നിവ​യെ​ല്ലാം അനേക​രെ​യും സംബന്ധി​ച്ചി​ട​ത്തോ​ളം അന്യമാണ്‌.”

വാസ്‌ത​വ​മാ​യും ഒരു വിശാ​ല​മായ പാത

ബൈബിൾ പ്രവച​ന​വു​മാ​യി സുപരി​ചി​ത​രാ​യി​രി​ക്കു​ന്നവർ വ്യാപ​ക​മായ ഈ സ്വാർഥ​ത​ത്‌പ​ര​ത​യിൽ ആശ്ചര്യ​പ്പെ​ടു​ന്നില്ല. കാരണം, യേശു​ക്രി​സ്‌തു തന്റെ ശിഷ്യ​ന്മാർക്കു മുന്നറി​യി​പ്പു നൽകി: “ഇടുക്കു​വാ​തി​ലി​ലൂ​ടെ അകത്തു കടപ്പിൻ; നാശത്തി​ലേക്കു പോകുന്ന വാതിൽ വീതി​യു​ള്ള​തും വഴി വിശാ​ല​വും അതിൽകൂ​ടി കടക്കു​ന്നവർ അനേക​രും ആകുന്നു. ജീവങ്ക​ലേക്കു പോകുന്ന വാതിൽ ഇടുക്ക​വും വഴി ഞെരു​ക്ക​വു​മു​ള്ളതു; അതു കണ്ടെത്തു​ന്നവർ ചുരു​ക്ക​മ​ത്രേ.” (മത്തായി 7:13, 14) ആദ്യത്തെ വഴി, അനേക യാത്ര​ക്കാ​രെ ഉൾക്കൊ​ള്ളാൻ പോന്ന​വണ്ണം “വിശാല”മാണ്‌, കാരണം അത്‌ സദാചാ​ര​ത്തെ​യും ദൈനം​ദിന ജീവി​ത​ത്തെ​യും നിയ​ന്ത്രി​ക്കുന്ന ബൈബിൾ തത്ത്വങ്ങ​ളാൽ നിയ​ന്ത്രി​ക്ക​പ്പെ​ടു​ന്നില്ല. തന്നിഷ്ട​പ്ര​കാ​രം ചിന്തി​ക്കു​ന്ന​തി​നും ജീവി​ക്കു​ന്ന​തി​നും ആഗ്രഹി​ക്കു​ന്ന​വർക്ക്‌ അത്‌ ആകർഷ​ക​മാണ്‌, കാരണം അവിടെ നിയമ​ങ്ങ​ളു​മില്ല പ്രതി​ബ​ദ്ധ​ത​ക​ളു​മില്ല.

വീതി​യു​ള്ള പാത തിര​ഞ്ഞെ​ടു​ത്തി​ട്ടുള്ള അനേകർ തങ്ങൾ ജീവിതം ആസ്വദി​ക്കു​ന്നു​വെന്ന്‌ അവകാ​ശ​പ്പെ​ടു​ന്നു​വെ​ന്നതു ശരിതന്നെ. എങ്കിലും അവരി​ല​ധി​കം​പേ​രെ​യും നയിക്കു​ന്നതു സ്വാർഥത എന്ന പൊതു മനോ​ഭാ​വ​മാണ്‌. അവർ, “അനുസ​ര​ണ​ക്കേ​ടി​ന്റെ മക്കളിൽ ഇപ്പോൾ വ്യാപ​രി​ക്കുന്ന ആത്മാവി”നാൽ നിയ​ന്ത്രി​ക്ക​പ്പെ​ട്ടി​രി​ക്കു​ന്നു​വെന്നു ബൈബിൾ പറയുന്നു. അധാർമി​ക​ത​യോ മയക്കു​മ​രു​ന്നു ദുരു​പ​യോ​ഗ​മോ സമ്പത്തി​നു​വേ​ണ്ടി​യുള്ള നിർദ​യ​മായ അനുധാ​വ​ന​മോ പ്രശസ്‌തി​യോ അധികാ​ര​മോ എന്തുത​ന്നെ​യാ​യാ​ലും “ജഡമോ​ഹ​ങ്ങ​ളിൽ നടന്നു . . . ജഡത്തിന്നു. . . ഇഷ്ടമാ​യതു ചെയ്‌തും​കൊ​ണ്ടു” ജീവി​ക്കാൻ ആ ആത്മാവ്‌ അവരെ പ്രേരി​പ്പി​ക്കു​ന്നു.—എഫെസ്യർ 2:2, 3.

വിശാ​ല​മായ പാത വിനാ​ശ​ത്തി​ലേക്കു നയിക്കു​ന്നു

വിശാ​ല​മായ പാതയി​ലൂ​ടെ സഞ്ചരി​ക്കു​ന്ന​വരെ നയിക്കു​ന്നതു ‘ജഡത്തിന്‌ ഇഷ്ടമാ​യതു’ ചെയ്യാ​നുള്ള പ്രേര​ണ​യാ​ണെ​ന്നതു ശ്രദ്ധി​ക്കുക. അതു കാണി​ക്കു​ന്നത്‌ അവർ ഒരു വിധത്തി​ലും സ്വത​ന്ത്ര​ര​ല്ലെ​ന്നാണ്‌—അവർക്ക്‌ ഒരു യജമാ​ന​നുണ്ട്‌. അവർ ജഡത്തിന്റെ അടിമ​ക​ളാണ്‌. ഈ യജമാ​നനെ സേവി​ക്കു​ന്നത്‌ അനേകം പ്രശ്‌ന​ങ്ങ​ളി​ലേക്കു നയി​ച്ചേ​ക്കാം: സമസ്‌ത​വ്യാ​പ​ക​മായ ലൈം​ഗി​ക​മാ​യി പകരുന്ന രോഗങ്ങൾ, തകർന്ന കുടും​ബങ്ങൾ, മയക്കു​മ​രുന്ന്‌-മദ്യ ദുരു​പ​യോ​ഗ​ത്താൽ രോഗ​ബാ​ധി​ത​മായ ശരീര​വും മനസ്സും എന്നിവ അവയിൽ ചിലതു മാത്ര​മാണ്‌. അക്രമം, ഭവന​ഭേ​ദനം, ബലാൽസം​ഗം എന്നീ കൃത്യങ്ങൾ സ്വാർഥ​താ​ത്‌പര്യ ചിന്താ​ഗ​തി​യെ പോറ്റി​പ്പു​ലർത്തുന്ന അനുവാ​ദാ​ത്മ​ക​മായ ഈ വീതി​യുള്ള പാതയിൽനിന്ന്‌ ഉരുത്തി​രി​യു​ന്നു. “നാശത്തി​ലേക്കു പോകുന്ന” ഈ പാത തുടർന്നു നിലനിൽക്കു​ന്നി​ട​ത്തോ​ളം​കാ​ലം അതു കൂടുതൽ ദ്രോ​ഹ​ക​ര​മായ ഫലങ്ങൾ ഉത്‌പാ​ദി​പ്പി​ക്കും.—സദൃശ​വാ​ക്യ​ങ്ങൾ 1:22, 23; ഗലാത്യർ 5:19-21; 6:7.

ഓസ്‌​ട്രേ​ലി​യ​യിൽനി​ന്നുള്ള യഥാർഥ ജീവി​താ​നു​ഭ​വങ്ങൾ പരിചി​ന്തി​ക്കുക. മേരീ പ്രലോ​ഭ​ന​ത്തി​നു വശംവ​ദ​യാ​യി മയക്കു​മ​രു​ന്നു ദുരു​പ​യോ​ഗം ചെയ്യു​ക​യും അധാർമി​ക​ത​യിൽ ഏർപ്പെ​ടു​ക​യും ചെയ്‌തു.a എന്നാൽ താൻ തേടിയ സന്തുഷ്ടി അവളിൽനി​ന്നു തെന്നി​യ​കന്നു. രണ്ടു മക്കളു​ണ്ടാ​യ​ശേ​ഷ​വും ജീവിതം ശൂന്യ​മാ​ണെന്ന്‌ അവൾക്കു തോന്നി. തന്നെ എയ്‌ഡ്‌സ്‌ ബാധി​ച്ചി​രി​ക്കു​ന്നു​വെന്നു മനസ്സി​ലാ​ക്കി​യ​പ്പോൾ അവൾ ആകെ തകർന്നു​പോ​യി.

റ്റോം മറ്റൊരു വിധത്തിൽ വ്രണി​ത​നാ​യി​രു​ന്നു. “ഉത്തര ക്വീൻസ്‌ലൻഡി​ലുള്ള ഒരു സഭയുടെ മിഷൻ പ്രസ്ഥാ​ന​ത്തി​ലാ​ണു ഞാൻ വളർന്നു​വ​ന്നത്‌,” അദ്ദേഹം എഴുതു​ന്നു. “16 വയസ്സു​ള്ള​പ്പോൾ ഞാൻ അമിത​മാ​യി കുടി തുടങ്ങി. എന്റെ അച്ഛനും അമ്മാവ​ന്മാ​രും സുഹൃ​ത്തു​ക്ക​ളു​മെ​ല്ലാം അമിത​മാ​യി കുടി​ക്കു​ന്ന​വ​രാ​യി​രു​ന്നു, തന്മൂലം അതു സ്വാഭാ​വി​ക​മാ​ണെന്നു ഞാൻ കരുതി. ഞാൻ എന്തും, ബിയർ തുടങ്ങി മീഥൈൻ കലർത്തിയ സ്‌പി​രി​റ്റു​വരെ കുടി​ക്കുന്ന നിലയിൽ എത്തി. ഞാൻ കുതി​ര​പ്പ​ന്ത​യ​ത്തി​ലും ഏർപ്പെ​ടാൻ തുടങ്ങി, ചില​പ്പോ​ഴൊ​ക്കെ എന്റെ കഠിനാ​ധ്വാ​ന​ഫ​ല​ത്തി​ന്റെ ഏറിയ പങ്കും നഷ്ടപ്പെ​ടു​ത്തി​ക്കൊ​ണ്ടു​തന്നെ. അതു നിസ്സാര തുക​യൊ​ന്നു​മാ​യി​രു​ന്നില്ല, കാരണം കരിമ്പു​വെ​ട്ടുന്ന എന്റെ തൊഴി​ലി​നു നല്ല വേതനം ലഭിച്ചി​രു​ന്നു.

“പിന്നീടു ഞാൻ വിവാ​ഹി​ത​നാ​യി, ഞങ്ങൾക്കു കുട്ടി​ക​ളു​മു​ണ്ടാ​യി. ഉത്തരവാ​ദി​ത്വ​ങ്ങൾ നിറ​വേ​റ്റു​ന്ന​തി​നു പകരം സുഹൃ​ത്തു​ക്കൾ ചെയ്‌ത സംഗതി​തന്നെ ഞാനും ചെയ്‌തു—കുടി, ചൂതു​കളി, വഴക്കിടൽ. എന്നെ പലപ്പോ​ഴും സ്ഥലത്തെ ജയിലി​ല​ട​യ്‌ക്കു​ക​യു​ണ്ടാ​യി. എന്നാൽ അതു​കൊ​ണ്ടൊ​ന്നും ഒരു മെച്ചവു​മു​ണ്ടാ​യില്ല. എന്റെ ജീവിതം അധഃപ​തി​ച്ചു​വ​രി​ക​യാ​യി​രു​ന്നു. അത്‌ ആകെ കുഴഞ്ഞു​മ​റി​ഞ്ഞു കിടക്കു​ക​യാ​യി​രു​ന്നു.”

അതേ, തെറ്റായ മോഹ​ങ്ങൾക്കു വഴി​പ്പെ​ട്ടു​കൊ​ണ്ടു റ്റോമും മേരീ​യും തങ്ങളെ മാത്രമല്ല തങ്ങളുടെ കുടും​ബ​ങ്ങ​ളെ​യും വേദന​യി​ലാ​ഴ്‌ത്തി. ദുഃഖ​ക​ര​മെന്നു പറയട്ടെ, ചെറു​പ്പ​ക്കാ​രായ മറ്റനേകം യുവാക്കൾ വീതി​യുള്ള വഴി വാഗ്‌ദാ​നം ചെയ്യുന്ന, സ്വാത​ന്ത്ര്യ​ത്തി​ന്റെ സ്വേച്ഛ​യായ, തെറ്റി​ദ്ധ​രി​ക്ക​പ്പെട്ട മനോ​ഗ​ത​ത്താൽ വഴി​തെ​റ്റി​ക്ക​പ്പെ​ടു​ന്ന​തി​നുള്ള ഒരു പ്രവണ​ത​യും കണ്ടുവ​രു​ന്നു. അതിന്റെ തിളക്ക​ത്തി​ന്റെ പിന്നിലെ വഞ്ചനാ​ത്മകത വിവേ​ചി​ച്ച​റി​യാൻ, യുവജ​ന​ങ്ങൾക്കു കഴിഞ്ഞി​രു​ന്നെ​ങ്കിൽ. വീതി​യുള്ള പാതയു​ടെ യാഥാർഥ്യം—അതിലൂ​ടെ സഞ്ചരി​ക്കു​ന്നവർ ഒടുവിൽ നൽകേ​ണ്ടി​വ​രുന്ന ഗുരു​ത​ര​മായ പരിണ​ത​ഫലം—അവർക്കു കാണാൻ കഴിഞ്ഞി​രു​ന്നെ​ങ്കിൽ. അതു വീതി​യു​ള്ള​താ​ണെ​ന്ന​തും ഉള്ളിൽക​ട​ക്കാൻ എളുപ്പ​മാ​ണെ​ന്ന​തും ശരിതന്നെ. എന്നാൽ അതിന്റെ വിശാ​ല​ത​ത​ന്നെ​യാണ്‌ അതിന്റെ ശാപവും. ബുദ്ധി​പൂർവ​ക​മായ ഗതി, “ജഡത്തിൽ വിതെ​ക്കു​ന്നവൻ ജഡത്തിൽനി​ന്നു നാശം കൊയ്യും” എന്ന നിരസ്സി​ക്കാ​നാ​വാത്ത സത്യം ഹൃദയ​ത്തിൽ ഉൾക്കൊ​ള്ളു​ന്ന​താണ്‌.—ഗലാത്യർ 6:8.

എന്നിരു​ന്നാ​ലും മെച്ചമായ ഒരു തിര​ഞ്ഞെ​ടു​പ്പുണ്ട്‌. ഇടുങ്ങിയ പാതയാണ്‌ അത്‌. എന്നാൽ എത്രമാ​ത്രം നിയ​ന്ത്ര​ണ​മേർപ്പെ​ടു​ത്തു​ന്ന​തും ഇടുങ്ങി​യ​തു​മാണ്‌ ഈ പാത? അത്‌ എങ്ങോ​ട്ടാ​ണു നയിക്കു​ന്നത്‌?

[അടിക്കു​റിപ്പ]