സ്വാത​ന്ത്ര്യ​ത്തി​ലേ​ക്കുള്ള ഇടുങ്ങിയ പാത

പ്രപഞ്ചം പ്രകൃതി നിയമ​ങ്ങ​ളാൽ ഭരിക്ക​പ്പെ​ടു​ന്നു​വെന്ന കാര്യ​ത്തിൽ ബുദ്ധി​യുള്ള ആർക്കും​തന്നെ തർക്കമില്ല. സൂക്ഷ്‌മ​മായ പരമാ​ണു​ക്കൾ മുതൽ കോടാ​നു​കോ​ടി നക്ഷത്രങ്ങൾ ഉൾക്കൊ​ള്ളുന്ന ഭീമാ​കാ​ര​മായ നക്ഷത്ര​വ്യൂ​ഹങ്ങൾ വരെയുള്ള സകല​ത്തെ​യും ഈ നിയമങ്ങൾ നിയ​ന്ത്രി​ക്കു​ന്നു. പ്രകൃതി നിയമങ്ങൾ ഇല്ലായി​രു​ന്നെ​ങ്കിൽ യാതൊ​രു ആസൂ​ത്ര​ണ​മോ അറിവോ ഉണ്ടായി​രി​ക്കു​മാ​യി​രു​ന്നില്ല; ജീവൻത​ന്നെ​യും അസ്‌തി​ത്വ​ത്തിൽ ഉണ്ടാകു​മാ​യി​രു​ന്നില്ല. പ്രകൃതി നിയമ​ങ്ങ​ളെ​പ്പറ്റി പഠിക്കു​ക​യും അതിനു നിരക്കു​ന്ന​വണ്ണം പ്രവർത്തി​ക്കു​ക​യും ചെയ്‌തു​കൊ​ണ്ടു മനുഷ്യൻ വിസ്‌മ​യാ​വ​ഹ​മായ കൃത്യങ്ങൾ ചെയ്‌തി​രി​ക്കു​ന്നു. ചന്ദ്രനിൽ നടക്കുക, ഭൂമി​യു​ടെ ഏതൊരു ഭാഗത്തു​നി​ന്നും അല്ലെങ്കിൽ ഭൂമണ്ഡ​ല​ത്തിന്‌ അപ്പുറ​ത്തു​നി​ന്നു​പോ​ലും നമ്മുടെ ഭവനങ്ങ​ളി​ലെ ടെലി​വി​ഷൻ സ്‌ക്രീ​നി​ലേക്കു വർണചി​ത്രങ്ങൾ പ്രക്ഷേ​പണം ചെയ്യുക, ഇതെല്ലാം അവയിൽ ചിലതാണ്‌.

എന്നാൽ ധാർമിക നിയമ​ങ്ങ​ളെ​പ്പറ്റി എന്ത്‌? അവയോ​ടു പറ്റിനിൽക്കു​ന്നതു പ്രയോ​ജ​ന​പ്ര​ദ​വും ഫലദാ​യ​ക​വു​മാ​ണോ? ധാർമിക നിയമ​ങ്ങൾതന്നെ ഇല്ലെന്ന ധാരണ അനേകർക്കു​മു​ള്ള​തു​പോ​ലെ തോന്നു​ന്നു, തന്മൂലം തങ്ങളുടെ മോഹ​ങ്ങൾക്ക്‌ അനു​യോ​ജ്യ​മായ അനുവാ​ദാ​ത്മ​ക​മായ തത്ത്വശാ​സ്‌ത്ര​മോ മതമോ അവർ തിര​ഞ്ഞെ​ടു​ക്കു​ന്നു.

എങ്കിലും, ബൈബി​ളിൽ പ്രതി​പാ​ദി​ച്ചി​രി​ക്കുന്ന ഒരു വഴി, ‘ജീവനി​ലേക്കു നയിക്കുന്ന ഇടുങ്ങിയ വഴി’ തിര​ഞ്ഞെ​ടു​ക്കുന്ന ചിലരുണ്ട്‌. ഒരു ന്യൂന​പ​ക്ഷമേ ഇതു തിര​ഞ്ഞെ​ടു​ക്കു​ന്നു​ള്ളൂ എന്നതിൽ നമുക്ക്‌ അതിശയം തോന്ന​രുത്‌, കാരണം ഇടുങ്ങിയ വഴി​യെ​പ്പറ്റി യേശു ഇങ്ങനെ പറഞ്ഞു: “അതു കണ്ടെത്തു​ന്നവർ ചുരു​ക്ക​മ​ത്രേ.” (മത്തായി 7:14, NW) ചുരു​ക്ക​മാ​യി​രി​ക്കു​ന്നത്‌ എന്തു​കൊണ്ട്‌?

എന്തു​കൊ​ണ്ടെ​ന്നാൽ ഇടുങ്ങിയ പാത ദൈവ​നി​യ​മ​ങ്ങ​ളാ​ലും തത്ത്വങ്ങ​ളാ​ലും നിയ​ന്ത്രി​ക്ക​പ്പെ​ട്ടി​രി​ക്കു​ന്നു. ദൈവ​പ്ര​മാ​ണ​ങ്ങൾക്കൊ​ത്ത​വണ്ണം ജീവി​ക്കാൻ ആത്മാർഥ​മാ​യി ആഗ്രഹി​ക്കുന്ന ഒരുവനെ മാത്രമേ അത്‌ ആകർഷി​ക്കു​ക​യു​ള്ളൂ. സ്വാത​ന്ത്ര്യ​ത്തി​ന്റെ മിഥ്യാ​ധാ​രണ പകരു​ന്ന​തെ​ങ്കി​ലും, യഥാർഥ​ത്തിൽ അടിമ​ത്ത​ത്തി​ലാ​ക്കുന്ന വീതി​യുള്ള പാതയിൽനി​ന്നും തികച്ചും വ്യത്യ​സ്‌ത​മാ​യി നിയ​ന്ത്രി​ക്കു​ന്ന​തെന്നു തോന്നി​ക്കുന്ന ഇടുങ്ങിയ പാത ഒരു വ്യക്തിയെ സുപ്ര​ധാ​ന​മായ എല്ലാ കാര്യ​ങ്ങ​ളി​ലും സ്വത​ന്ത്ര​നാ​ക്കു​ന്നു. “സ്വാത​ന്ത്ര്യ​ത്തി​ന്റെ തികഞ്ഞ ന്യായ​പ്ര​മാണ”മാണ്‌ അതിന്റെ അതിരു​കൾ.—യാക്കോബ്‌ 1:25.

ഇടുങ്ങിയ പാത സ്വത​ന്ത്ര​മാ​ക്കുന്ന വിധം

ഇടുങ്ങിയ പാതയിൽ നില​കൊ​ള്ളു​ന്നത്‌ എല്ലായ്‌പോ​ഴും സുകരമല്ല എന്നതു ശരിതന്നെ. ജീവ​നോ​ടി​രി​ക്കുന്ന സകല മനുഷ്യ​രും അപൂർണ​രും തെറ്റു​ചെ​യ്യു​ന്ന​തി​നുള്ള പ്രവണത അവകാ​ശ​മാ​ക്കി​യി​രി​ക്കു​ന്ന​വ​രു​മാണ്‌. തന്മൂലം ഒരു വ്യക്തി കുറ​ച്ചൊ​ക്കെ വഴി​തെ​റ്റി​പ്പോ​കാൻ ചായ്‌വു​ള്ള​വ​നാ​ണെ​ന്നു​വ​രാം. എന്നിരു​ന്നാ​ലും, ‘ഞെരു​ക്ക​മുള്ള വഴി’യിലൂടെ നീങ്ങു​ന്ന​തു​കൊ​ണ്ടുള്ള പ്രയോ​ജനം ആവശ്യ​മായ ഏതൊരു ആത്മശി​ക്ഷ​ണ​ത്തി​നോ പൊരു​ത്ത​പ്പെ​ടു​ത്ത​ലി​നോ തക്ക മൂല്യ​മു​ള്ള​താണ്‌, കാരണം ദൈവം ‘ശുഭക​ര​മാ​യി പ്രവർത്തി​പ്പാൻ നമ്മെ അഭ്യസി​പ്പി​ക്കു​ന്നു.’—യെശയ്യാ​വു 48:17; റോമർ 3:23.

ദൃഷ്ടാന്തം പറഞ്ഞാൽ, ബുദ്ധി​യുള്ള മാതാ​പി​താ​ക്കൾ തങ്ങളുടെ കുട്ടി​കൾക്കു​വേണ്ടി ‘നിയന്ത്രണ’ങ്ങളുള്ള ആഹാര​രീ​തി ക്രമീ​ക​രി​ക്കു​ന്നു. ഭക്ഷണസ​മ​യത്തു ചില​പ്പോ​ഴൊ​ക്കെ കർശന​മു​ള്ള​വ​രാ​യി​രി​ക്കു​ക​യെന്ന്‌ അത്‌ അർഥമാ​ക്കു​ന്നു. എന്നാൽ കുട്ടികൾ വലുതാ​കു​മ്പോൾ മാതാ​പി​താ​ക്ക​ളു​ടെ സ്‌നേ​ഹ​നിർഭ​ര​മായ ശിക്ഷണത്തെ അവർ വിലമ​തി​ക്കും. പ്രായ​പൂർത്തി​യാ​യ​വ​രെന്ന നിലയിൽ ആരോ​ഗ്യാ​വ​ഹ​മായ ഭക്ഷണത്തിൽ അവർ രുചി വികസി​പ്പി​ച്ചെ​ടു​ത്തി​ട്ടു​ണ്ടാ​കും. ലഭ്യമായ പോഷ​ക​സ​മൃ​ദ്ധ​മായ ആഹാര​ത്തി​ന്റെ വൈവി​ധ്യം നിമിത്തം തങ്ങൾ നിയ​ന്ത്രി​ക്ക​പ്പെ​ടു​ന്നു​വെന്ന്‌ ഒരിക്ക​ലും അവർക്കു തോന്നാൻ ഇടവരു​ന്നില്ല.

ആത്മീയ​മാ​യ അർഥത്തിൽ, ജീവനി​ലേക്കു നയിക്കുന്ന ഇടുങ്ങിയ പാതയി​ലു​ള്ള​വ​രു​ടെ കാര്യ​ത്തി​ലും ദൈവം അതുത​ന്നെ​യാ​ണു ചെയ്യു​ന്നത്‌. സന്തോ​ഷ​ത്തി​ലേ​ക്കും യഥാർഥ സ്വാത​ന്ത്ര്യ​ത്തി​ലേ​ക്കും നയിക്കുന്ന ആരോ​ഗ്യാ​വ​ഹ​മായ താത്‌പ​ര്യ​ങ്ങൾ സൗമ്യ​രിൽ അവൻ നട്ടുവ​ളർത്തു​ന്നു. തന്റെ വചനമായ ബൈബിൾ പ്രദാ​നം​ചെ​യ്‌തു​കൊണ്ട്‌ അവൻ അതു ചെയ്യുന്നു. അതിനു​പു​റമേ, നമ്മെ സഹായി​ക്കു​ന്ന​തിന്‌ അവന്റെ ആത്മാവി​നു​വേണ്ടി പ്രാർഥി​ക്കാൻ അവൻ നമ്മെ ക്ഷണിക്കു​ക​യും ഇടുങ്ങിയ പാതയിൽ നില​കൊ​ള്ളു​ന്ന​തി​നു പ്രോ​ത്സാ​ഹനം ലഭി​ക്കേ​ണ്ട​തി​നു സഹക്രി​സ്‌ത്യാ​നി​ക​ളു​മാ​യി സഹവസി​ക്കാൻ നമ്മോടു കൽപ്പി​ക്കു​ക​യും ചെയ്യുന്നു. (എബ്രായർ 10:24, 25) അതേ, ദൈവം സ്‌നേ​ഹം​തന്നെ, ഈ അത്യുന്നത ഗുണം അവന്റെ ലക്ഷ്യങ്ങൾക്കും എല്ലാ വിധങ്ങൾക്കും അടിവ​ര​യി​ടു​ന്നു.—1 യോഹ​ന്നാൻ 4:8.

സ്‌നേഹം, സമാധാ​നം, നന്മ, ആത്മനി​യ​ന്ത്രണം എന്നിവ​യും ദൈവാ​ത്മാ​വി​ന്റെ മറ്റു ഗുണങ്ങ​ളും പ്രബല​മാ​യി​രി​ക്കു​മ്പോൾ ഇടുക്ക​മുള്ള പാത നിയ​ന്ത്ര​ണ​മു​ള്ള​താ​യി തോന്നു​ക​യില്ല. തിരു​വെ​ഴു​ത്തു പറയുന്ന പ്രകാരം, “ഈ വകെക്കു വിരോ​ധ​മാ​യി ഒരു ന്യായ​പ്ര​മാ​ണ​വു​മില്ല.” (ഗലാത്യർ 5:22, 23) “കർത്താ​വി​ന്റെ ആത്മാവു​ള്ളേ​ടത്തു സ്വാത​ന്ത്ര്യ​മുണ്ട്‌.” (2 കൊരി​ന്ത്യർ 3:17) ഇപ്പോൾപോ​ലും യഥാർഥ ക്രിസ്‌ത്യാ​നി​കൾക്ക്‌ ഈ സ്വാത​ന്ത്ര്യ​ത്തി​ന്റെ രുചി ലഭിക്കു​ന്നുണ്ട്‌. ഇന്ന്‌ അനേക​രെ​യും ബാധി​ക്കുന്ന അനേക ഭയങ്ങളിൽനി​ന്നു സ്വത​ന്ത്ര​രാ​ണവർ. ഭാവി​യെ​പ്പ​റ്റി​യുള്ള ഭയം, മരണ​ത്തെ​പ്പ​റ്റി​യുള്ള അന്ധവി​ശ്വാ​സം നിമിത്തം ഉളവാ​കുന്ന ഭയം എന്നിവ അവയിൽ ചിലതാണ്‌. “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ​മാ​യി​രി​ക്കു”ന്ന ഭാവി​യെ​പ്പറ്റി പര്യാ​ലോ​ചി​ക്കു​ന്നത്‌ എത്ര രോമാ​ഞ്ച​ജ​ന​ക​മാണ്‌! (യെശയ്യാ​വു 11:9) അപ്പോൾ കുററ​കൃ​ത്യ​ഭീ​തി​പോ​ലും ഉണ്ടായി​രി​ക്കു​ക​യില്ല. താഴു​ക​ളും തഴുതു​ക​ളും എന്നേക്കു​മാ​യി പൊയ്‌പോ​യി​രി​ക്കും. സകലർക്കും രാവും പകലും വീട്ടി​നു​ള്ളി​ലും പുറത്തും സ്വാത​ന്ത്ര്യ​വും സുരക്ഷി​ത​ത്വ​വും അനുഭ​വ​പ്പെ​ടും. അതു വാസ്‌ത​വ​മാ​യും സ്വാത​ന്ത്ര്യം​തന്നെ!

ദൈവ​സ​ഹാ​യം നമുക്ക്‌ ഉറപ്പാ​ക്ക​പ്പെ​ട്ടി​രി​ക്കു​ന്നു

ദൈവ​ത്തി​ന്റെ പ്രമാ​ണ​ങ്ങ​ള​നു​സ​രി​ച്ചു ജീവി​ക്കു​ന്ന​തി​നു ശ്രമം ചെലു​ത്തേണ്ട ആവശ്യ​മു​ണ്ടെ​ന്നതു ശരിതന്നെ. എങ്കിലും, അപൂർണ മനുഷ്യർക്കു​പോ​ലും “അവന്റെ കല്‌പ​നകൾ ഭാരമു​ള്ള​വയല്ല.” (1 യോഹ​ന്നാൻ 5:3) നാം ഇടുങ്ങിയ പാതയു​മാ​യി പൊരു​ത്ത​പ്പെട്ട്‌ അതിലൂ​ടെ നടക്കു​ന്ന​തി​ന്റെ പ്രയോ​ജ​നങ്ങൾ അനുഭ​വി​ക്കു​മ്പോൾ വീതി​യുള്ള പാതയി​ലു​ള്ള​വ​രു​ടെ സ്വതഃ​സി​ദ്ധ​മായ പ്രവർത്ത​ന​ങ്ങ​ളെ​യും ചിന്തക​ളെ​യും നമ്മൾ അപ്പാടെ വെറു​ക്കും. (സങ്കീർത്തനം 97:10) ദൈവ​കൽപ്പ​നകൾ അനുസ​രി​ക്കു​ന്നതു നമ്മുടെ ദൈവദത്ത മനസ്സാ​ക്ഷി​ക്കു പ്രിയ​മാണ്‌. “മനോ​വ്യ​സന”ത്തിനും “മനോ​വ്യഥ”യ്‌ക്കും പകരം “എന്റെ ദാസന്മാർ ഹൃദയാ​ന​ന്ദം​കൊ​ണ്ടു ഘോഷി​ക്കും” എന്നു ദൈവം വാഗ്‌ദാ​നം ചെയ്യുന്നു. അതേ, യഹോ​വ​യാൽ പരിശീ​ലി​പ്പി​ക്ക​പ്പെട്ട ഹൃദയം സന്തുഷ്ട​വും സ്വത​ന്ത്ര​വു​മാണ്‌.—യെശയ്യാ​വു 65:14.

നമുക്കു യഥാർഥ സ്വാത​ന്ത്ര്യം സാധ്യ​മാ​ക്കു​ന്ന​തിന്‌ യേശു മരിച്ചു. “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു” എന്നു ബൈബിൾ പറയുന്നു. (യോഹ​ന്നാൻ 3:16) ഇപ്പോൾ ദൈവ​ത്തി​ന്റെ സ്വർഗീയ രാജ്യ​ത്തി​ന്റെ രാജാ​വെന്ന നിലയിൽ യേശു ആ ബലിയു​ടെ പ്രയോ​ജ​നങ്ങൾ പ്രാബ​ല്യ​ത്തിൽ വരുത്തു​ക​യാണ്‌. വിശാ​ല​മായ പാതയും അതിലുള്ള സകലരും നശിപ്പി​ക്ക​പ്പെ​ടുന്ന “മഹോ​പ​ദ്രവം” ഉണ്ടാകുന്ന ഉടൻതന്നെ അവൻ ഇടുങ്ങിയ പാതയി​ലുള്ള ശേഷി​ച്ച​വ​രോ​ടൊ​പ്പം അനുസ​ര​ണ​യുള്ള മനുഷ്യ​വർഗത്തെ ക്ഷമാപൂർവം ആ പാതയു​ടെ അവസാ​ന​ത്തേക്ക്‌—മാനുഷ പൂർണ​ത​യി​ലേക്ക്‌—നയിക്കാൻ തുടങ്ങും. (വെളി​പ്പാ​ടു 7:14-17; മത്തായി 24:21, 29-31, NW) ഒടുവിൽ നമ്മൾ ഈ മഹത്തായ വാഗ്‌ദ​ത്ത​ത്തി​ന്റെ നിവൃത്തി അനുഭ​വി​ക്കും: “സൃഷ്ടി ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടു​ത​ലും ദൈവ​മ​ക്ക​ളു​ടെ തേജസ്സാ​കുന്ന സ്വാത​ന്ത്ര്യ​വും പ്രാപി​ക്കും.” ഈ ദൈവദത്ത സ്വാത​ന്ത്ര്യ​ത്തെ വെല്ലാ​നാ​വില്ല. മരണം​പോ​ലും പൊയ്‌പോ​യി​രി​ക്കും.—റോമർ 8:21; വെളി​പ്പാ​ടു 21:3, 4.

ഇടുങ്ങിയ പാത എങ്ങോ​ട്ടാ​ണു നയിക്കു​ന്നത്‌ എന്നു വ്യക്തമാ​യി കാണു​ക​യും മനസ്സി​ലാ​ക്കു​ക​യും ചെയ്യു​ന്ന​തി​ലൂ​ടെ ഒരു വ്യക്തിക്കു തന്റെ പാത തിര​ഞ്ഞെ​ടു​ക്കു​ന്ന​തി​നും അതിലൂ​ടെ തുടർന്നു നടക്കു​ന്ന​തി​നും കഴിയും. യുവജ​നങ്ങൾ പ്രത്യേ​കി​ച്ചും ഹ്രസ്വ​ദൃ​ഷ്ടി ഉള്ളവരാ​കാ​തി​രി​ക്കു​ന്ന​തി​നും ദൈവ​ത്തി​ന്റെ പ്രമാ​ണ​ങ്ങ​ളാൽ ചുമത്ത​പ്പെ​ടുന്ന നിയ​ന്ത്ര​ണ​ങ്ങ​ളാ​യി തങ്ങൾ കണക്കാ​ക്കുന്ന കാര്യ​ങ്ങ​ളിൽ അരോ​ച​ക​ത്വം തോന്നാ​തി​രി​ക്കു​ന്ന​തി​നും സഹായി​ക്ക​പ്പെ​ടു​ന്നു. ദൈവ​സ്‌നേ​ഹ​ത്തി​ന്റെ തെളി​വും വീതി​യുള്ള പാതയിൽ തിന്മയ്‌ക്കെ​തി​രെ​യുള്ള പരിച​യു​മാ​യി അവയെ കാണാൻ അവർ പഠിക്കു​ന്നു. (എബ്രായർ 12:5, 6) ഫലം കായ്‌ക്കു​ന്ന​തിന്‌ ഒരു വൃക്ഷത്തി​നു സമയം ആവശ്യ​മാ​യി​രി​ക്കു​ന്ന​തു​പോ​ലെ​തന്നെ ദൈവിക ഗുണങ്ങ​ളും താത്‌പ​ര്യ​ങ്ങ​ളും വികസി​ക്കു​ന്ന​തി​നു സമയ​മെ​ടു​ക്കു​മെന്ന്‌ ഓർത്തു​കൊണ്ട്‌ ഒരുവൻ തീർച്ച​യാ​യും ക്ഷമ പ്രകടി​പ്പി​ക്കണം. എന്നാൽ ഒരു വൃക്ഷത്തെ വേണ്ടവണ്ണം പരിപാ​ലി​ക്കു​ക​യും നനയ്‌ക്കു​ക​യും ചെയ്‌താൽ അതു ഫലം ഉത്‌പാ​ദി​പ്പി​ക്കു​ക​ത​ന്നെ​ചെ​യ്യും.

തന്മൂലം ദൈവ​വ​ചനം പഠിക്കുക, മറ്റു ക്രിസ്‌ത്യാ​നി​ക​ളു​മാ​യി സഹവസി​ക്കുക, പരിശു​ദ്ധാ​ത്മാ​വി​നു​വേണ്ടി “ഇടവി​ടാ​തെ പ്രാർത്ഥി”ക്കുക. (1 തെസ്സ​ലൊ​നീ​ക്യർ 5:17) ‘നിങ്ങളു​ടെ പാതകളെ നേരെ​യാ​ക്കു’ന്നതിനു സഹായ​ത്തി​നാ​യി ദൈവ​ത്തിൽ ആശ്രയി​ക്കുക. (സദൃശ​വാ​ക്യ​ങ്ങൾ 3:5, 6) എന്നാൽ ഇതെല്ലാം പ്രാ​യോ​ഗി​ക​മാ​ണോ? അതു പ്രാവർത്തി​ക​മാ​കു​മോ? ഉവ്വ്‌, മുൻ ലേഖന​ത്തിൽ പരാമർശിച്ച റ്റോമി​ന്റെ​യും മേരീ​യു​ടെ​യും കാര്യ​ത്തിൽ അതു പ്രാവർത്തി​ക​മാ​യി.

വിശാ​ല​മായ പാതയി​ലൂ​ടെ നടക്കു​ന്നത്‌ അവർ നിർത്തി

റ്റോം എഴുതു​ന്നു: “70-കളുടെ മധ്യത്തിൽ യഹോ​വ​യു​ടെ സാക്ഷി​ക​ളി​ലൊ​രാൾ ഞങ്ങളുടെ വീടു സന്ദർശി​ച്ച​പ്പോൾ ഞങ്ങൾ അവരു​മാ​യി സമ്പർക്ക​ത്തി​ലാ​യി. ചർച്ച ഒരു ബൈബി​ള​ധ്യ​യ​ന​ത്തി​ലേക്കു നയിച്ചു. പടിപ​ടി​യാ​യി ഞാൻ എന്റെ ജീവിതം വെടി​പ്പാ​ക്കാൻ തുടങ്ങി. 1982-ൽ ഞാൻ സ്‌നാ​പ​ന​മേറ്റു, ഇപ്പോൾ പ്രാ​ദേ​ശിക സഭയിൽ സേവി​ക്കു​ക​യാണ്‌. ഞങ്ങളുടെ മകനും ഇപ്പോൾ സ്‌നാ​പ​ന​മേ​റ്റി​രി​ക്കു​ന്നു. ഞാൻ സത്യം പഠിക്കു​ന്ന​തി​നു മുമ്പുള്ള വർഷങ്ങ​ളി​ലെ​ല്ലാം ദീർഘ​ക്ഷ​മ​യോ​ടെ എന്നോ​ടൊ​പ്പം കഴിഞ്ഞു​കൂ​ടിയ ഭാര്യ​യ്‌ക്കു ഞാൻ നന്ദി പറയുന്നു. സർവോ​പരി, യഹോ​വ​യും അവന്റെ പുത്ര​നായ യേശു​ക്രി​സ്‌തു​വും ഞങ്ങൾക്കു നൽകിയ സകലത്തി​നു​വേ​ണ്ടി​യും ഭാവി​യെ​പ്പറ്റി ഞങ്ങൾക്കുള്ള പ്രത്യാ​ശ​യ്‌ക്കു​വേ​ണ്ടി​യും ഞാൻ അവർക്കു നന്ദി കരേറ്റു​ന്നു.”

മേരീയെ സംബന്ധി​ച്ചോ? കൊള്ളാം, ദൈവം ഒരുനാ​ളും തന്നോടു പൊറു​ക്കു​ക​യി​ല്ലെന്ന്‌ അവൾക്കു തോന്നി. എന്നാൽ തന്റെ കുട്ടി​ക​ളെ​പ്രതി അവനെ​ക്കു​റിച്ച്‌ അറിയാൻ അവൾക്ക്‌ ആഗ്രഹ​മു​ണ്ടാ​യി​രു​ന്നു. യഹോ​വ​യു​ടെ സാക്ഷികൾ തന്റെ അയലത്തു ബൈബിൾ പഠിപ്പി​ക്കു​ന്നു​വെന്നു കേട്ട​പ്പോൾ സഹായ​ത്തി​നാ​യി അവളും അഭ്യർഥി​ച്ചു. എന്നിരു​ന്നാ​ലും, അവളുടെ കൂടപ്പി​റ​പ്പായ ശീലങ്ങൾ പുരോ​ഗ​തി​ക്കു തടസ്സമാ​യി. അധ്യയനം പുരോ​ഗ​തി​യു​ടെ കയറ്റി​റ​ക്ക​ങ്ങ​ളി​ലൂ​ടെ കടന്നു​പോ​യി. എങ്കിലും, അവളുടെ ഏഴു വയസ്സുള്ള മകൾ അവൾക്കു പ്രോ​ത്സാ​ഹനം നൽകി​ക്കൊ​ണ്ടി​രു​ന്നു. “ഒന്നു ശ്രമിക്കു മമ്മീ, മമ്മിക്കതു ചെയ്യാൻ കഴിയും!” എന്ന്‌ അവൾ പറയു​മാ​യി​രു​ന്നു. അപ്പോൾ മേരീ കഠിന​മാ​യി ശ്രമി​ക്കും.

അവളുടെ ഭർത്താ​വും മയക്കു​മ​രുന്ന്‌ ഉപയോ​ഗി​ച്ചി​രു​ന്നു, വീട്ടിൽ തിരി​ച്ചെ​ത്തി​യ​പ്പോൾ അദ്ദേഹ​വും അധ്യയ​ന​ത്തി​നി​രു​ന്നു. ഒടുവിൽ ഇരുവ​രും തങ്ങളുടെ ദുശ്ശീ​ല​ങ്ങളെ കീഴടക്കി. പിന്നീട്‌, അവരുടെ വിവാഹം നിയമ​പ​ര​മാ​ക്കു​ക​യും സ്‌നാ​പ​ന​മേൽക്കു​ക​യും ചെയ്‌ത​പ്പോൾ അവർക്ക്‌ അതിയായ സന്തോ​ഷ​മ​നു​ഭ​വ​പ്പെട്ടു, തങ്ങളുടെ കുടും​ബം ഒരു യഥാർഥ കുടും​ബ​മാ​ണെന്ന്‌ ആദ്യമാ​യി അവർക്ക്‌ അനുഭ​വ​പ്പെ​ടു​ക​യു​മു​ണ്ടാ​യി. ദുഃഖ​ക​ര​മെന്നു പറയട്ടെ, എയ്‌ഡ്‌സ്‌ ഒടുവിൽ മേരീ​യു​ടെ ജീവൻ കാർന്നു​തി​ന്നു. എങ്കിലും പുനരു​ത്ഥാ​ന​ത്തെ​ക്കു​റി​ച്ചും വിശാ​ല​മായ പാതയു​ടെ സകല മാലി​ന്യ​ങ്ങ​ളിൽനി​ന്നും ശുദ്ധീ​ക​രി​ക്ക​പ്പെട്ട ഒരു പറുദീസ ഭൂമിയെ കുറി​ച്ചു​മുള്ള ബൈബിൾ വാഗ്‌ദ​ത്ത​ങ്ങ​ളിൽ ഹൃദയം ഏകാ​ഗ്ര​മാ​ക്കി​ക്കൊ​ണ്ടാണ്‌ അവൾ മരിച്ചത്‌.

അതേ, നാശത്തി​ലേക്കു നയിക്കുന്ന വീതി​യും വിശാ​ല​വു​മായ പാതയിൽനി​ന്നു പുറത്തു​വ​രുക സാധ്യ​മാണ്‌. “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു” എന്ന്‌ ക്രിസ്‌തു​യേശു പറഞ്ഞു. (യോഹ​ന്നാൻ 17:3) എങ്കിൽപ്പി​ന്നെ, ജീവനി​ലേക്കു നയിക്കുന്ന ഇടുക്ക​മുള്ള പാതയിൽ എന്തു​കൊ​ണ്ടു നിങ്ങൾക്കു നടന്നു​കൂ​ടാ? ദൈവ​വ​ച​ന​ത്തിൽനി​ന്നു പഠിക്കുന്ന കാര്യങ്ങൾ ഹൃദയ​ത്തി​ലേ​റ്റു​കൊ​ള്ളു​ക​യും ബാധക​മാ​ക്കു​ക​യും ചെയ്യു​ന്ന​തി​ലൂ​ടെ ബൈബി​ളിൽ നൽകി​യി​രി​ക്കുന്ന പിൻവ​രുന്ന ഹൃദ​യോ​ഷ്‌മ​ള​മായ പ്രത്യാശ നിങ്ങൾ വ്യക്തി​പ​ര​മാ​യി അനുഭ​വി​ക്കും: “സത്യം അറിക​യും സത്യം നിങ്ങളെ സ്വത​ന്ത്ര​ന്മാ​രാ​ക്കു​ക​യും ചെയ്യും.”—യോഹ​ന്നാൻ 8:32.