കത്താരി​കൾ—അവർ ക്രിസ്‌തീയ രക്തസാ​ക്ഷി​ക​ളാ​യി​രു​ന്നു​വോ?

“അവറ്റക​ളെ​യെ​ല്ലാം കൊന്നു​ക​ളയൂ; ദൈവം തന്റേതി​നെ തിരി​ച്ച​റി​ഞ്ഞു​കൊ​ള്ളും.” 1209-ലെ ആ വേനൽക്കാല ദിവസം ദക്ഷിണ ഫ്രാൻസി​ലുള്ള ബേസ്യേ​യി​ലെ ജനതതി കൂട്ട​ക്കൊ​ല​ചെ​യ്യ​പ്പെട്ടു. കത്തോ​ലി​ക്കാ കുരി​ശു​യു​ദ്ധ​ക്കാ​രു​ടെ തലവനാ​യി നിയമി​ക്ക​പ്പെട്ട, പാപ്പാ​പ്ര​തി​നി​ധി​യാ​യി​രുന്ന അർനോൾഡ്‌ അമൾറീക്‌ സന്ന്യാസി അൽപ്പം​പോ​ലും കരുണ കാണി​ച്ചില്ല. കത്തോ​ലി​ക്ക​രെ​യും പാഷണ്ഡി​ക​ളെ​യും എങ്ങനെ തിരി​ച്ച​റി​യു​മെന്ന്‌ അയാളു​ടെ ആളുകൾ ചോദി​ച്ച​പ്പോൾ മുകളിൽ ഉദ്ധരിച്ച കുപ്ര​സി​ദ്ധ​മായ മറുപടി അയാൾ നൽകി​യ​താ​യി അറിയ​പ്പെ​ടു​ന്നു. കത്തോ​ലി​ക്കാ ചരി​ത്ര​കാ​ര​ന്മാർ അതിൽ വെള്ളം ചേർത്ത്‌ ഇപ്രകാ​ര​മാ​ക്കു​ന്നു: “വിഷമി​ക്കേണ്ട, ചുരുക്കം ചിലരേ മതപരി​വർത്തനം ചെയ്‌തി​ട്ടു​ള്ളൂ എന്നാണ്‌ എന്റെ ധാരണ.” അയാളു​ടെ മറുപടി എന്തുത​ന്നെ​യാ​യി​രു​ന്നാ​ലും കത്തോ​ലി​ക്കാ സഭയുടെ പുരോ​ഹി​ത​ശ്രേ​ഷ്‌ഠർ നയിച്ച 3,00,000 കുരി​ശു​യു​ദ്ധ​ക്കാ​രു​ടെ കൈക​ളാൽ നടന്ന, കുറഞ്ഞത്‌ 20,000 പുരു​ഷ​ന്മാ​രു​ടെ​യും സ്‌ത്രീ​ക​ളു​ടെ​യും കുട്ടി​ക​ളു​ടെ​യും അരു​ങ്കൊ​ല​യാ​യി​രു​ന്നു അതിന്റെ ഫലം.

ഈ കൂട്ട​ക്കൊ​ല​യ്‌ക്കു കാരണ​മെ​ന്താ​യി​രു​ന്നു? ദക്ഷിണ-മധ്യ ഫ്രാൻസി​ലെ ലങ്കഡാക്ക്‌ പ്രവി​ശ്യ​യിൽ പാഷണ്ഡി​ക​ളെന്നു പറയ​പ്പെ​ടു​ന്ന​വർക്കെ​തി​രെ ഇന്നസെൻറ്‌ III-ാമൻ പാപ്പാ തുടങ്ങി​വെച്ച അൽബീ​ജെൻസി​യൻ കുരി​ശു​യു​ദ്ധ​ത്തി​ന്റെ തുടക്കം മാത്ര​മാ​യി​രു​ന്നു അത്‌. ഏതാണ്ട്‌ 20 വർഷത്തി​നു​ശേഷം അത്‌ അവസാ​നി​ക്കു​ന്ന​തി​നു​മു​മ്പാ​യി സാധ്യ​ത​യ​നു​സ​രിച്ച്‌ പത്തുലക്ഷം ആളുകൾക്ക്‌—കത്താരി​കൾക്കും, വാൾഡെൻസു​കാർക്കും അനേകം കത്തോ​ലി​ക്കർക്കു​പോ​ലും—തങ്ങളുടെ ജീവൻ നഷ്ടപ്പെട്ടു.

മധ്യകാല യൂറോ​പ്പിൽ മതഭി​ന്നിപ്പ്‌

പൊ.യു. (പൊതു​യു​ഗം) 11-ാം നൂറ്റാ​ണ്ടിൽ വാണി​ഭ​ത്തി​ലു​ണ്ടായ ത്വരി​ത​ഗ​തി​യി​ലുള്ള വളർച്ച മധ്യകാല യൂറോ​പ്പിൽ സാമൂ​ഹിക-സാമ്പത്തിക ഘടനക​ളിൽ വലിയ മാറ്റങ്ങൾ കൈവ​രു​ത്തി. അധിക​മ​ധി​കം ശില്‌പി​ക​ളെ​യും കച്ചവട​ക്കാ​രെ​യും പാർപ്പി​ക്കാൻ പട്ടണങ്ങൾ മുളച്ചു​പൊ​ന്തി. ഇതു പുതിയ ആശയങ്ങൾക്കു വഴിതു​റന്നു. യൂറോ​പ്പിൽ മറ്റെങ്ങു​മി​ല്ലാ​ത്ത​പോ​ലെ ഗണ്യമായ സഹനശ​ക്തി​യും പുരോ​ഗ​മ​ന​ചി​ന്താ​ഗ​തി​യു​മുള്ള നാഗരി​കത അഭിവൃ​ദ്ധി പ്രാപിച്ച ലങ്കഡാ​ക്കിൽ മതപര​മായ അഭി​പ്രാ​യ​വ്യ​ത്യാ​സം ഉടലെ​ടു​ത്തു. യൂറോ​പ്പി​ലെ ഏറ്റവും സമ്പന്നമായ മുഖ്യ​ന​ഗ​രി​ക​ളിൽ മൂന്നാ​മ​ത്ത​താ​യി​രു​ന്നു ലങ്കഡാ​ക്കി​ലെ ടുളൂസ്‌ നഗരം. ധീരോ​ദാത്ത പ്രണയ​ഭാ​വ​കാ​വ്യ​പ്ര​സ്ഥാ​ന​ക്കാർ ഉന്നതി പ്രാപിച്ച സമയമാ​യി​രു​ന്നു അത്‌, അവരിൽ ചിലരു​ടെ ഭാവകാ​വ്യ​ങ്ങൾ രാഷ്ട്രീയ-മത അനുഭാ​വി​കളെ പരാമർശി​ച്ചു​ള്ള​വ​യാ​യി​രു​ന്നു.

11-ഉം 12-ഉം നൂറ്റാ​ണ്ടി​ലെ മതപര​മായ അവസ്ഥ​യെ​പ്പറ്റി വർണി​ച്ചു​കൊണ്ട്‌ റവ്യൂ ഡിസ്റ്റ്‌വാർ യേ ഡ ഫീലൊ​സൊ​ഫീ റെലീ​ഴി​യോസ്‌ ഇങ്ങനെ പ്രസ്‌താ​വി​ക്കു​ന്നു: “12-ാം നൂറ്റാ​ണ്ടിൽ, മുൻ നൂറ്റാ​ണ്ടി​ലെ​പ്പോ​ലെ, വൈദി​ക​രു​ടെ സാന്മാർഗി​കത, ധനസമ്പത്ത്‌, ദ്രവ്യാ​ധീ​നത, അധാർമി​കത എന്നിവ തുടർന്നും ചോദ്യം​ചെ​യ്യ​പ്പെട്ടു. എങ്കിലും, അവരുടെ സമ്പത്തും അധികാ​ര​വും വഞ്ചനയ്‌ക്കാ​യി മതേതര അധികാ​രി​ക​ളു​മാ​യുള്ള കൂട്ടു​കെ​ട്ടും ഒത്താശ​യു​മാ​ണു പ്രമു​ഖ​മാ​യി വിമർശി​ക്ക​പ്പെ​ട്ടത്‌.”

സഞ്ചാര​പ്ര​സം​ഗ​കർ

യൂറോ​പ്പിൽ, പ്രത്യേ​കി​ച്ചും ദക്ഷിണ ഫ്രാൻസി​ലും ഉത്തര ഇറ്റലി​യി​ലും വിമത​രായ, സഞ്ചാര​പ്ര​സം​ഗ​ക​രു​ടെ വർധന​വി​നു പഴിചാ​രേ​ണ്ടതു സഭയ്‌ക്കു​ള്ളിൽ നടമാ​ടിയ ക്രമാ​തീ​ത​മായ അഴിമ​തി​യെ​യാ​ണെന്ന്‌ ഇന്നസെൻറ്‌ III-ാമൻ പാപ്പാ പോലും തിരി​ച്ച​റി​ഞ്ഞി​രു​ന്നു. ഇവരിൽ ഭൂരി​പ​ക്ഷ​വും ഒന്നുകിൽ കത്താരി​കൾ അല്ലെങ്കിൽ വാൾഡെൻസു​കാർ ആയിരു​ന്നു. “നിങ്ങൾ പങ്കിടാൻ ആഗ്രഹി​ക്കാത്ത അപ്പമാണു ജനങ്ങൾക്കാ​വ​ശ്യം” എന്നു പറഞ്ഞു​കൊണ്ട്‌ അദ്ദേഹം പുരോ​ഹി​ത​ന്മാ​രെ പ്രസം​ഗി​ക്കാ​ത്ത​തിന്‌ അങ്ങേയറ്റം ശകാരി​ച്ചു. എങ്കിലും, ബൈബിൾ വിദ്യാ​ഭ്യാ​സ​ത്തിൽ പുരോ​ഗ​മി​ക്കു​ന്ന​തി​നു ജനത്തെ സഹായി​ക്കു​ന്ന​തി​നു പകരം, “ലളിത ജീവിതം നയിക്കു​ന്ന​വർക്കും അനഭ്യ​സ്‌തർക്കും മാത്രമല്ല ബുദ്ധി​കൂർമ​ത​യും അറിവു​മു​ള്ള​വർക്കു​പോ​ലും മുഴു​വ​നാ​യി ഗ്രഹി​ക്കാ​നാ​വാ​ത്ത​വി​ധം അത്രമാ​ത്രം ആഴമു​ള്ള​താ​ണു തിരു​വെ​ഴു​ത്തി​ലെ ദിവ്യ അറിവ്‌” എന്ന്‌ ഇന്നസെൻറ്‌ അവകാ​ശ​പ്പെട്ടു. വൈദി​കർക്കൊ​ഴി​കെ ആർക്കും ബൈബിൾ വായി​ക്കാൻ അധികാ​ര​മി​ല്ലാ​യി​രു​ന്നു, അതും ലത്തീൻ ഭാഷയിൽ.

അഭി​പ്രാ​യ​വ്യ​ത്യാ​സ​മുള്ള സഞ്ചാര​പ്ര​സം​ഗ​കരെ എതിർക്കു​ന്ന​തി​നു​വേണ്ടി സന്ന്യാ​സി​മാ​രായ പ്രസം​ഗ​ക​രു​ടെ അല്ലെങ്കിൽ ഡൊമി​നി​ക്ക​രു​ടെ സംഘടന സ്ഥാപി​ക്കാൻ പാപ്പാ അനുമതി നൽകി. ധനിക​രായ വൈദി​ക​രിൽനി​ന്നു വ്യത്യ​സ്‌ത​മാ​യി ഈ സന്ന്യാ​സി​മാർ ദക്ഷിണ ഫ്രാൻസി​ലുള്ള “പാഷണ്ഡി​കൾ”ക്കെതിരെ കത്തോ​ലി​ക്കാ ശാസ്‌ത്ര​നി​ഷ്‌ഠ​യ്‌ക്കു​വേണ്ടി പ്രതി​വാ​ദം ചെയ്യു​ന്ന​തി​നു സഞ്ചാര​പ്ര​സം​ഗ​ക​രാ​യി​രി​ക്ക​ണ​മാ​യി​രു​ന്നു. കത്താരി​ക​ളു​മാ​യി ന്യായ​വാ​ദം ചെയ്‌ത്‌ അവരെ കത്തോ​ലി​ക്കാ തൊഴു​ത്തി​ലേക്കു തിരികെ കൊണ്ടു​വ​രു​ന്ന​തി​നാ​യി പാപ്പാ തന്റെ പ്രതി​നി​ധി​ക​ളെ​യും അയയ്‌ക്കു​ക​യു​ണ്ടാ​യി. ഈ ശ്രമങ്ങൾ പരാജ​യ​പ്പെ​ടു​ക​യും പാഷണ്ഡി​യാ​യി​രി​ക്കാ​നി​ട​യുള്ള ഒരുവ​നാൽ തന്റെ പ്രതി​നി​ധി​ക​ളിൽ ഒരാൾ കൊല്ല​പ്പെ​ടു​ക​യും ചെയ്‌ത​പ്പോൾ ഇന്നസെൻറ്‌ III-ാമൻ 1209-ൽ അൽബീ​ജെൻസി​യൻ കുരി​ശു​യു​ദ്ധ​ത്തി​നു കൽപ്പന പുറ​പ്പെ​ടു​വി​ച്ചു. അൽബീ കത്താരി​കൾ അധിക​മു​ണ്ടാ​യി​രുന്ന പട്ടണങ്ങ​ളിൽ ഒന്നായി​രു​ന്നു. തന്മൂലം സഭാ ചരി​ത്ര​കാ​ര​ന്മാർ കത്താരി​കളെ അൽബീ​ജെൻസസ്‌ (ഫ്രഞ്ചിൽ അൽബീ​ജി​യോ​യിസ്‌) എന്നു പരാമർശി​ക്കു​ക​യും വാൾഡെൻസു​കാർ ഉൾപ്പെടെ ആ പ്രദേ​ശ​ത്തുള്ള സകല “പാഷണ്ഡി​കളെ”യും പരാമർശി​ക്കാൻ ആ പദപ്ര​യോ​ഗം നടത്തു​ക​യും ചെയ്‌തു. (താഴെ​യുള്ള ചതുരം കാണുക.)

കത്താരി​കൾ ആരായി​രു​ന്നു?

“കത്താർ” എന്ന പദം “ശുദ്ധമായ” എന്നർഥ​മുള്ള കാത്ത​രോസ്‌ എന്ന ഗ്രീക്കു പദത്തിൽനിന്ന്‌ ഉരുവാ​യ​താണ്‌. 11 മുതൽ 14 വരെയുള്ള നൂറ്റാ​ണ്ടു​ക​ളിൽ കത്താരി​മതം ബാർഡീ, വടക്കേ ഇറ്റലി, ലങ്കഡാക്ക്‌ എന്നിവി​ട​ങ്ങ​ളിൽ പ്രത്യേ​കി​ച്ചും പ്രചരി​ക്കു​ക​യു​ണ്ടാ​യി. ഒരുപക്ഷേ വിദേശ വ്യാപാ​രി​ക​ളും മിഷന​റി​മാ​രും ഇറക്കു​മ​തി​ചെയ്‌ത പൗരസ്‌ത്യ ദ്വൈ​ത​വാ​ദ​ത്തി​ന്റെ​യും ജ്ഞേയവാ​ദ​ത്തി​ന്റെ​യും ഒരു മിശ്രി​ത​മാ​യി​രു​ന്നു കത്താർ വിശ്വാ​സങ്ങൾ. ദി എൻ​സൈ​ക്ലോ​പീ​ഡിയ ഓഫ്‌ റിലിജൻ കത്താരി ദ്വൈ​ത​വാ​ദത്തെ നിർവ​ചി​ക്കു​ന്നത്‌ “രണ്ടു തത്ത്വങ്ങളി”ലുള്ള വിശ്വാ​സ​മാ​യി​ട്ടാണ്‌: “ഒന്നാമ​ത്തേത്‌ ആത്മീയ​മായ സകല​ത്തെ​യും നയിക്കുന്ന നന്മ, രണ്ടാമ​ത്തേത്‌, മനുഷ്യ ശരീര​മുൾപ്പെ​ടെ​യുള്ള സകല ഭൗതിക ലോക​ത്തി​നും ഉത്തരവാ​ദി​യായ തിന്മ.” നാശത്തി​നു സുനി​ശ്ചി​ത​മാ​യി കുറ്റം​വി​ധി​ക്ക​പ്പെ​ട്ടി​രി​ക്കുന്ന ഭൗതി​ക​ലോ​കത്തെ സൃഷ്ടി​ച്ചതു സാത്താ​നാ​ണെന്നു കത്താരി​കൾ വിശ്വ​സി​ച്ചു. ഈ തിന്മനി​റഞ്ഞ, ഭൗതിക ലോക​ത്തു​നി​ന്നു രക്ഷപ്പെ​ടാ​മെ​ന്നാ​യി​രു​ന്നു അവരുടെ പ്രത്യാശ.

കത്താരി​കൾ പുരോ​ഹി​തർ, അൽമായർ എന്നിങ്ങനെ രണ്ടു വിഭാ​ഗ​ങ്ങ​ളാ​യി വിഭജി​ക്ക​പ്പെ​ട്ടി​രു​ന്നു. പുരോ​ഹി​ത​ന്മാർ കൊൺസോ​ലാ​മെന്റം എന്നു വിളി​ക്ക​പ്പെ​ട്ടി​രുന്ന പ്രഥമ​കർമ​മായ ഒരു ആത്മീയ സ്‌നാ​പനം ഏറ്റിരു​ന്നു. ഒരു വർഷത്തെ പരീക്ഷ​ണ​ഘ​ട്ട​ത്തി​നു​ശേഷം തലയിൽ കൈകൾ വച്ചു​കൊ​ണ്ടാണ്‌ ഇതു നിർവ​ഹി​ച്ചി​രു​ന്നത്‌. ഈ ആചാര​ന​ട​പടി അപേക്ഷ​കനെ സാത്താന്റെ ഭരണത്തിൽനി​ന്നു വിടു​വി​ക്കു​ക​യും അയാളെ സകല പാപങ്ങ​ളിൽനി​ന്നും ശുദ്ധീ​ക​രി​ക്കു​ക​യും അയാളു​ടെ​മേൽ പരിശു​ദ്ധാ​ത്മാ​വി​നെ പകരു​ക​യും ചെയ്യു​മെ​ന്നാ​ണു കരുതി​പ്പോ​ന്നത്‌. വിശ്വാ​സി​ക​ളു​ടെ ശുശ്രൂ​ഷ​ക​രാ​യി പ്രവർത്തി​ക്കുന്ന പ്രമാ​ണി​വർഗ​ത്തി​ന്റെ ഒരു ചെറിയ വിഭാ​ഗ​ത്തിന്‌ “പുരോ​ഹി​തർ” എന്ന സ്ഥാന​പ്പേരു നൽകാൻ ഇതു കാരണ​മാ​യി. പുരോ​ഹി​തർ മദ്യപാ​ന​വർജനം, പാതി​വ്ര​ത്യം, നിർധ​ന​ത്വം എന്നിവ​യ്‌ക്കു​വേണ്ടി വ്രത​മെ​ടു​ത്തു. വിവാഹം ചെയ്യു​ന്നവർ തങ്ങളുടെ ഇണയെ ഉപേക്ഷി​ക്ക​ണ​മാ​യി​രു​ന്നു, കാരണം ആദ്യപാ​പം ലൈം​ഗി​ക​ബ​ന്ധ​മാ​യി​രു​ന്നെന്നു കത്താരി​കൾ വിശ്വ​സി​ച്ചി​രു​ന്നു.

സന്ന്യാ​സ​ജീ​വി​തം നയിച്ചി​ല്ലെ​ന്നു​വ​രി​കി​ലും കത്താർ പഠിപ്പി​ക്ക​ലു​കൾ അംഗീ​ക​രിച്ച വ്യക്തി​ക​ളാ​യി​രു​ന്നു അൽമായർ. പുരോ​ഹി​തന്റെ മുമ്പാകെ ആദര​വോ​ടെ മുട്ടു​മ​ടക്കി മെലി​യോ​രാ​മെന്റം എന്ന കർമത്തി​ലൂ​ടെ ക്ഷമയ്‌ക്കാ​യും അനു​ഗ്ര​ഹ​ത്തി​നാ​യും അൽമായൻ യാചി​ക്കു​മാ​യി​രു​ന്നു. സാധാ​ര​ണ​ജീ​വി​തം നയിക്കാൻ തങ്ങളെ പ്രാപ്‌ത​രാ​ക്കു​ന്ന​തിന്‌ അൽമായർ മരണക്കി​ട​ക്ക​യിൽവെ​ച്ചുള്ള ആത്മീയ സ്‌നാ​പ​ന​കർമം അഥവാ കൊൺസോ​ലാ​മെന്റം നിർവ​ഹി​ക്കു​ന്ന​തി​നു പുരോ​ഹി​ത​ന്മാ​രു​മാ​യി ഒരു കോൺവെ​നെൻസാ​യിൽ അഥവാ ഒരു കരാറിൽ ഏർപ്പെ​ട്ടി​രു​ന്നു.

ബൈബി​ളി​നോ​ടുള്ള മനോ​ഭാ​വം

കത്താരി​കൾ ബൈബിൾ വിപു​ല​മാ​യി ഉദ്ധരി​ച്ചു​വെ​ങ്കി​ലും അവർ അതിനെ പ്രമു​ഖ​മാ​യും ദൃഷ്ടാന്ത കഥകളും കെട്ടു​ക​ഥ​ക​ളു​മാ​യി​ട്ടാ​ണു വീക്ഷി​ച്ചത്‌. എബ്രായ തിരു​വെ​ഴു​ത്തു​ക​ളു​ടെ അധിക​ഭാ​ഗ​വും പിശാ​ചിൽനി​ന്നു വന്നതായി അവർ കണക്കാക്കി. ജഡത്തെ​യും ആത്മാവി​നെ​യും വേർതി​രി​ച്ചു പറയു​ന്ന​തു​പോ​ലെ​യുള്ള ഗ്രീക്കു തിരു​വെ​ഴു​ത്തു​ക​ളിൽനി​ന്നുള്ള ഭാഗങ്ങൾ അവർ തങ്ങളുടെ ദ്വൈ​ത​വാദ തത്ത്വശാ​സ്‌ത്ര​ത്തി​നു താങ്ങായി ഉപയോ​ഗി​ച്ചു. അവർ കർത്താ​വി​ന്റെ പ്രാർഥ​ന​യിൽ “അന്നന്നു​വേണ്ട ആഹാരം” എന്നതിനു പകരം “അത്യന്തം ശ്രേഷ്‌ഠ​മായ ആഹാര”മെന്നു (ആത്മീയ ആഹാര​മെന്ന അർഥത്തിൽ) പ്രാർഥി​ച്ചു, കാരണം ഭൗതിക ആഹാരം അവരുടെ ദൃഷ്ടി​യിൽ അവശ്യം തിന്മയാ​യി​രു​ന്നു.

പല കത്താർ പഠിപ്പി​ക്ക​ലു​ക​ളും ബൈബി​ളി​നു നേർവി​പ​രീ​ത​മാ​യി​രു​ന്നു. ദൃഷ്ടാ​ന്ത​ത്തിന്‌, അവർ ആത്മാവി​ന്റെ അമർത്ത്യ​ത​യി​ലും പുനർജ​ന്മ​ത്തി​ലും വിശ്വ​സി​ച്ചി​രു​ന്നു. (സഭാ​പ്ര​സം​ഗി 9:5, 10-ഉം യെഹെ​സ്‌കേൽ 18:4, 20-ഉം താരത​മ്യം ചെയ്യുക.) അവർ ഉത്തര കാനോ​നിക ഗ്രന്ഥങ്ങ​ളി​ലും തങ്ങളുടെ വിശ്വാ​സം അർപ്പിച്ചു. എന്നുവ​രി​കി​ലും, കത്താരി​കൾ നാട്ടു​ഭാ​ഷ​യി​ലേക്കു പരിഭാ​ഷ​പ്പെ​ടു​ത്തിയ തിരു​വെ​ഴു​ത്തു ഭാഗങ്ങൾ ഒരു പരിധി​വരെ മധ്യയു​ഗ​ങ്ങ​ളിൽ ബൈബി​ളി​നെ സുവി​ദി​ത​മായ ഒരു പുസ്‌ത​ക​മാ​ക്കി​ത്തീർത്തു.

ക്രിസ്‌ത്യാ​നി​കളല്ല

അപ്പോ​സ്‌ത​ലൻമാ​രു​ടെ പിൻഗാ​മി​ക​ളാ​ണു തങ്ങളെന്നു പുരോ​ഹി​തർ സ്വയം കരുതി​ക്കൊണ്ട്‌ “സത്യ” അല്ലെങ്കിൽ “നല്ല” എന്ന പദം ചേർത്തു​കൊണ്ട്‌ തങ്ങളെ​ത്തന്നെ “ക്രിസ്‌ത്യാ​നി​കൾ” എന്നു വിളിച്ചു. വാസ്‌ത​വ​ത്തിൽ അനേക കത്താർ വിശ്വാ​സ​ങ്ങ​ളും ക്രിസ്‌ത്യാ​നി​ത്വ​ത്തിന്‌ അന്യമാ​യി​രു​ന്നു. കത്താരി​കൾ യേശു​വി​നെ ദൈവ​പു​ത്ര​നെന്നു തിരി​ച്ച​റി​ഞ്ഞി​രു​ന്നെ​ങ്കി​ലും അവൻ ജഡത്തിൽ ഭൂമി​യിൽ വന്നു​വെ​ന്നും വിടു​ത​ലി​നുള്ള ബലിയാ​യി തന്റെ ജീവൻ അർപ്പി​ച്ചെ​ന്നു​മുള്ള വസ്‌തുത അവർ തള്ളിക്ക​ളഞ്ഞു. ജഡത്തെ​യും ലോക​ത്തെ​യും സംബന്ധി​ച്ചുള്ള ബൈബി​ളി​ന്റെ കുറ്റം​വി​ധി​യെ തെറ്റി​ദ്ധ​രി​ച്ചു​കൊ​ണ്ടു സകലവും തിന്മയിൽനിന്ന്‌ ഉരുത്തി​രി​യു​ന്നു​വെന്ന്‌ അവർ കണക്കാക്കി. തന്മൂലം, യേശു​വിന്‌ ആത്മീയ ശരീരം മാത്രമേ ഉണ്ടായി​രു​ന്നി​രി​ക്കാൻ ഇടയു​ള്ളു​വെ​ന്നും ഭൂമി​യി​ലാ​യി​രു​ന്ന​പ്പോൾ ജഡിക​ശ​രീ​ര​മു​ള്ള​താ​യി കേവലം പ്രത്യ​ക്ഷ​പ്പെ​ടുക മാത്ര​മാ​യി​രു​ന്നു​വെ​ന്നു​മുള്ള നിലപാട്‌ അവർ സ്വീക​രി​ച്ചു. ഒന്നാം നൂറ്റാ​ണ്ടി​ലെ വിശ്വാ​സ​ത്യാ​ഗി​ക​ളെ​പ്പോ​ലെ കത്താരി​കൾ “യേശു​ക്രി​സ്‌തു​വി​നെ ജഡത്തിൽ വന്നവൻ എന്നു സ്വീക​രി​ക്കാത്ത”വർ ആയിരു​ന്നു.—2 യോഹ​ന്നാൻ 7.

എം. ഡി. ലാമ്പർട്ട്‌ മധ്യകാല പാഷണ്ഡത (ഇംഗ്ലീഷ്‌) എന്ന തന്റെ ഗ്രന്ഥത്തിൽ, കത്താരി​മതം “ഒരു നിർബ​ന്ധിത സന്ന്യാ​സ​ത്തി​ലൂ​ടെ ക്രിസ്‌തീയ ധാർമി​ക​ത​യ്‌ക്കു പകരം വേറൊ​ന്നു സ്ഥാപിച്ചു, . . . [ക്രിസ്‌തു​വി​ന്റെ മരണ]ത്തിന്റെ രക്ഷാശ​ക്തി​യെ അംഗീ​ക​രി​ക്കാൻ വിസമ്മ​തി​ച്ചു​കൊ​ണ്ടു വിടു​ത​ലി​നെ ഇല്ലായ്‌മ​ചെ​യ്‌തു” എന്ന്‌ എഴുതി. “പൗരസ്‌ത്യ​ദേ​ശത്തെ യോഗീ​വ​ര്യ​ന്മാ​രാ​യി​ട്ടോ ചൈന​യി​ലെ അല്ലെങ്കിൽ ഇന്ത്യയി​ലെ ബുദ്ധമ​ത​പു​രോ​ഹി​ത​രും ഭിക്ഷു​ക്ക​ളു​മാ​യി​ട്ടോ ഓർഫി​യൻ നിഗൂ​ഢ​ത​ക​ളു​ടെ വിദഗ്‌ധ​രാ​യി​ട്ടോ ജ്ഞേയവാ​ദ​ത്തി​ന്റെ ഉപദേ​ഷ്ടാ​ക്ക​ന്മാ​രു​മാ​യി​ട്ടോ പുരോ​ഹി​ത​ന്മാർക്കു നല്ല സാമ്യ​മു​ള്ള​താ​യി” അദ്ദേഹം കണക്കാ​ക്കു​ന്നു. കത്താർ വിശ്വാ​സ​ത്തിൽ രക്ഷ ആശ്രയി​ച്ചി​രു​ന്നത്‌ യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തി​ലാ​യി​രു​ന്നില്ല മറിച്ച്‌ കൊൺസോ​ലാ​മെ​ന്റ​ത്തിൽ അഥവാ പരിശു​ദ്ധാ​ത്മാ​വി​നാ​ലുള്ള സ്‌നാ​പ​ന​ത്തി​ലാ​യി​രു​ന്നു. അങ്ങനെ ശുദ്ധീ​ക​രി​ക്ക​പ്പെ​ട്ട​വർക്കു മരണം ജഡത്തിൽനി​ന്നുള്ള മോച​ന​മേ​കും.

ഒരു അവിശുദ്ധ കുരി​ശു​യു​ദ്ധം

വൈദി​ക​രു​ടെ ബലാത്‌കാ​ര​പൂർവ​ക​മായ ആവശ്യ​ങ്ങ​ളി​ലും വിപു​ല​വ്യാ​പ​ക​മായ അധോ​ഗ​തി​യി​ലും മനംമ​ടുത്ത ജനങ്ങൾ കത്താരി​ക​ളു​ടെ ജീവി​ത​രീ​തി​യിൽ ആകർഷി​ത​രാ​യി. കത്തോ​ലി​ക്കാ സഭയെ​യും അതിന്റെ പുരോ​ഹിത സമ്പ്രദാ​യ​ത്തെ​യും വെളി​പ്പാ​ടു 3:9-ലും 17:5-ലും പരാമർശി​ച്ചി​രി​ക്കുന്ന “സാത്താന്റെ പള്ളി”യും ‘വേശ്യ​മാ​രു​ടെ മാതാവു’മായി ഈ പുരോ​ഹി​ത​ന്മാർ തിരി​ച്ച​റി​യി​ച്ചു. കത്താരി​മതം അഭിവൃ​ദ്ധി പ്രാപി​ക്കു​ക​യും ദക്ഷിണ ഫ്രാൻസി​ലുള്ള സഭയുടെ സ്ഥാനം കവർന്നെ​ടു​ക്കു​ക​യു​മാ​യി​രു​ന്നു. അൽബീ​ജെൻസി​യൻ എന്നു പറയ​പ്പെ​ടുന്ന കുരി​ശു​യു​ദ്ധം നടത്തു​ക​യും അതിനു​വേണ്ട ചെലവു വഹിക്കു​ക​യും ചെയ്‌തു​കൊ​ണ്ടാണ്‌ ഇന്നസെൻറ്‌ III-ാമൻ പാപ്പാ പ്രതി​ക​രി​ച്ചത്‌. ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ട​വർക്ക്‌ എതിരാ​യി ക്രൈ​സ്‌ത​വ​ലോ​ക​ത്തി​നു​ള്ളിൽ സംഘടി​പ്പിച്ച ഒന്നാമത്തെ കുരി​ശു​യു​ദ്ധ​മാ​യി​രു​ന്നു അത്‌.

കത്തുക​ളി​ലൂ​ടെ​യും പാപ്പാ​പ്ര​തി​നി​ധി​ക​ളി​ലൂ​ടെ​യും കത്തോ​ലി​ക്കാ രാജാ​ക്ക​ന്മാ​രെ​യും ഇടപ്ര​ഭു​ക്ക​ളെ​യും നാടു​വാ​ഴി​ക​ളെ​യും പ്രഭു​ക്ക​ളെ​യും പാപ്പാ ബുദ്ധി​മു​ട്ടി​പ്പി​ച്ചു. “ഏതു വിധേ​ന​യും” പാഷണ്ഡത തുടച്ചു​നീ​ക്കാൻ പോരാ​ടുന്ന ഏവർക്കും അദ്ദേഹം പാപ​മോ​ച​ന​പ​ത്ര​ങ്ങ​ളും ലങ്കഡാ​ക്കി​ലെ സമ്പത്തു​ക​ളും വാഗ്‌ദാ​നം​ചെ​യ്‌തു. അദ്ദേഹ​ത്തി​ന്റെ അഭ്യർഥന ശ്രദ്ധി​ക്കാ​തെ പോയില്ല. കത്തോ​ലി​ക്കാ പുരോ​ഹി​ത​ശ്രേ​ഷ്‌ഠ​രു​ടെ​യും സന്ന്യാ​സി​മാ​രു​ടെ​യും കീഴി​ല​ണി​നി​രന്ന, ഫ്രാൻസി​ന്റെ വടക്കു​നി​ന്നും ഫ്‌ളണ്ടർസ​യിൽനി​ന്നും ജർമനി​യിൽനി​ന്നു​മുള്ള കുരി​ശു​യു​ദ്ധ​ക്കാ​രു​ടെ വിവിധ സൈന്യ​ങ്ങൾ തെക്ക്‌ റോൺ താഴ്‌വ​ര​യി​ലേക്കു യാത്ര​പു​റ​പ്പെട്ടു.

ബേസ്യേ​യിൽ നടന്ന വിനാശം ലങ്കഡാ​ക്കി​നെ അഗ്നിയു​ടെ​യും രക്തത്തി​ന്റെ​യും ഉന്മത്തോ​ത്സ​വ​ത്തിൽ തുടച്ചു​നീ​ക്കിയ യുദ്ധത്തി​ന്റെ തുടക്ക​മാ​യി​രു​ന്നു. അൽബീ, കാർക്ക​സോൻ, കാസ്‌ട്ര, ഫ്വാ, നാർബാൻ, ടേർമ, ടുളൂസ്‌ എന്നിവി​ട​ങ്ങ​ളെ​ല്ലാം രക്തദാ​ഹി​ക​ളായ കുരി​ശു​യു​ദ്ധ​ക്കാ​രു​ടെ കരാള​ഹ​സ്‌ത​ങ്ങ​ളി​ല​മർന്നു. കത്താരി​ക​ളു​ടെ പ്രമുഖ നഗരങ്ങ​ളാ​യി​രുന്ന കാസേ, മീനെർവ, ലവോർ എന്നിവി​ട​ങ്ങ​ളിൽ നൂറു​ക​ണ​ക്കി​നു പുരോ​ഹി​ത​ന്മാ​രെ സ്‌തം​ഭ​ത്തിൽ ചുട്ടെ​രി​ച്ചു. സന്ന്യാസ-ചരി​ത്ര​കാ​ര​നായ പിയർ ഡെ വോഡ​സെർണേ പറയു​ന്ന​ത​നു​സ​രിച്ച്‌, കുരി​ശു​യു​ദ്ധ​ക്കാർ ‘ആനന്ദാ​തി​രേ​ക​ത്തോ​ടെ പുരോ​ഹി​ത​ന്മാ​രെ സ്‌തം​ഭ​ത്തിൽ ജീവ​നോ​ടെ ചുട്ടെ​രി​ച്ചു.’ 20 വർഷത്തെ പോരാ​ട്ട​ത്തി​നും വിനാ​ശ​ത്തി​നും ശേഷം 1229-ൽ ലങ്കഡാക്ക്‌ ഫ്രഞ്ച്‌ ഗവൺമെൻറി​ന്റെ അധീന​ത​യി​ലാ​യി. എങ്കിലും, അരു​ങ്കൊല അപ്പോ​ഴും അവസാ​നി​ച്ചി​രു​ന്നില്ല.

മതവി​ചാ​രണ മാരകാ​ഘാ​തം ഏൽപ്പി​ക്കു​ന്നു

1231-ൽ ഗ്രിഗറി IX-ാമൻ പാപ്പാ സായുധ പോരാ​ട്ട​ത്തി​നു പിന്തുണ നൽകു​ന്ന​തി​നു പാപ്പാ-മതവി​ചാ​രണ എന്നൊ​ന്നി​നു തുടക്കം കുറിച്ചു.a മതവി​ചാ​രണാ സമ്പ്രദാ​യം ആദ്യ​മൊ​ക്കെ കുറ്റാ​രോ​പ​ണ​ത്തി​ലും ബലാത്‌കാ​ര​ത്തി​ലും പിന്നീട്‌ ക്രമാ​നു​ഗ​ത​മായ പീഡന​ത്തി​ലും പര്യവ​സാ​നി​ച്ചു. വാളാൽ നശിപ്പി​ക്കാ​നാ​കാ​തെ​പോ​യ​വരെ തുടച്ചു​നീ​ക്കു​ക​യാ​യി​രു​ന്നു അതിന്റെ ലക്ഷ്യം. മതവി​ചാ​ര​ണ​യി​ലെ ന്യായാ​ധി​പൻമാർക്കു—കൂടു​ത​ലും ഡൊമി​നി​ക്കൻ, ഫ്രാൻസി​സ്‌കൻ സന്ന്യാ​സി​മാർ—പാപ്പാ​യോ​ടു​മാ​ത്രം കണക്കു​ബോ​ധി​പ്പി​ച്ചാൽ മതിയാ​യി​രു​ന്നു. പാഷണ്ഡ​ത​യ്‌ക്കുള്ള ഔദ്യോ​ഗിക ശിക്ഷ എരിച്ചു കൊല്ല​ലാ​യി​രു​ന്നു. മതവി​ചാ​ര​ണ​ക്കാ​രു​ടെ മതഭ്രാ​ന്തും മൃഗീ​യ​ത​യും കൂടി​പ്പോ​യ​തി​നാൽ മറ്റുസ്ഥ​ല​ങ്ങൾക്കു പുറമേ അൽബീ, ടുളൂസ്‌ എന്നിവി​ട​ങ്ങ​ളി​ലും ലഹളകൾ പൊട്ടി​പ്പു​റ​പ്പെട്ടു. അവി​ന്യോ​ണേ​യിൽ മതവി​ചാ​ര​ണ​സ​ഭ​യി​ലെ അംഗങ്ങ​ളെ​ല്ലാം കൂട്ട​ക്കൊ​ല​യ്‌ക്ക്‌ ഇരകളാ​യി.

1244-ൽ പുരോ​ഹി​ത​ന്മാ​രിൽ അനേക​രു​ടെ​യും ഒടുവി​ലത്തെ സങ്കേത​സ്ഥ​ല​മാ​യി​രുന്ന മോണ്ട്‌സേ​ഗ്വ​റി​ലുള്ള പർവത​കോട്ട കീഴട​ങ്ങി​യ​തോ​ടെ കത്താരി​മ​ത​ത്തി​ന്റെ മരണമണി മുഴങ്ങി. 200-ഓളം സ്‌ത്രീ-പുരു​ഷ​ന്മാ​രെ​യാണ്‌ അവി​ടെ​വെച്ചു സ്‌തം​ഭ​ത്തിൽ കൂട്ട​ത്തോ​ടെ ചുട്ടെ​രി​ച്ചത്‌. മതവി​ചാ​രണ വർഷങ്ങ​ളി​ലു​ട​നീ​ളം, ശേഷി​ച്ചി​രുന്ന കത്താരി​കളെ സങ്കേത​സ്ഥ​ല​ത്തു​നി​ന്നു തുരത്തു​ക​യു​ണ്ടാ​യി. ഒടുവി​ലത്തെ കത്താരി 1330-ൽ ലങ്കഡാ​ക്കിൽ സ്‌തം​ഭ​ത്തിൽ ചുട്ടെ​രി​ക്ക​പ്പെ​ട്ട​താ​യി റിപ്പോർട്ടു​ചെ​യ്യ​പ്പെ​ടു​ന്നു. “മതവി​ചാ​ര​ണ​യു​ടെ ഏറ്റവും പ്രമുഖ നേട്ടം കത്താരി​ക​ളു​ടെ പതനമാ​ണെന്നു” മധ്യകാല പാഷണ്ഡത എന്ന പുസ്‌തകം അഭി​പ്രാ​യ​പ്പെ​ടു​ന്നു.

കത്താരി​കൾ തീർച്ച​യാ​യും സത്യ​ക്രി​സ്‌ത്യാ​നി​ക​ള​ല്ലാ​യി​രു​ന്നു. എന്നാൽ കത്തോ​ലി​ക്കാ സഭയ്‌ക്കെ​തി​രെ അവർ നടത്തിയ വിമർശനം ക്രിസ്‌ത്യാ​നി​ക​ളെന്നു പറയ​പ്പെ​ടു​ന്ന​വ​രാൽ നടത്തപ്പെട്ട അവരുടെ ക്രൂര​മായ ഉന്മൂല നാശത്തെ ന്യായീ​ക​രി​ച്ചോ? പതിനാ​യി​ര​ക്ക​ണ​ക്കി​നു പ്രതി​ഷേ​ധ​കരെ പീഡി​പ്പി​ക്കു​ക​യും കൊ​ന്നൊ​ടു​ക്ക​യും ചെയ്യു​ക​വഴി അവരുടെ പീഡക​രും കൊല​പാ​ത​കി​ക​ളു​മായ കത്തോ​ലി​ക്കർ ദൈവ​ത്തോ​ടും ക്രിസ്‌തു​വി​നോ​ടും അനാദ​രവു കാണി​ക്കു​ക​യും സത്യ​ക്രി​സ്‌ത്യാ​നി​ത്വ​ത്തെ തെറ്റായി പ്രതി​നി​ധീ​ക​രി​ക്കു​ക​യു​മാ​ണു ചെയ്‌തത്‌.

[അടിക്കു​റിപ്പ]

[28-ാം പേജിലെ ചതുരം]

വാൾഡെൻസുകാർ

പൊ.യു. 12-ാം നൂറ്റാ​ണ്ടി​ന്റെ ഒടുവിൽ, ലീയോ​ണി​ലു​ണ്ടാ​യി​രുന്ന ഒരു സമ്പന്ന വ്യാപാ​രി പീയർ വാൾഡെസ്‌ അഥവാ പീറ്റർ വാൾഡോ സംസ്ഥാ​നത്തെ വ്യത്യസ്‌ത ഭാഷയി​ലേക്ക്‌, ദക്ഷിണ ഫ്രാൻസി​ലും തെക്കു​കി​ഴക്കൻ ഫ്രാൻസി​ലും സംസാ​രി​ച്ചി​രുന്ന പ്രൊ​വെൻകാൾ എന്ന പ്രാ​ദേ​ശിക ഭാഷയു​ടെ ഉപഭാ​ഷ​ക​ളി​ലേക്കു ബൈബി​ളി​ന്റെ ചില ഭാഗങ്ങൾ തർജമ ചെയ്യു​ന്ന​തി​നുള്ള ചെലവു​വ​ഹി​ച്ചു. ഒരു ആത്മാർഥ കത്തോ​ലി​ക്ക​നാ​യി​രുന്ന അദ്ദേഹം തന്റെ ബിസി​നസ്‌ ഉപേക്ഷി​ക്കു​ക​യും സുവി​ശേഷം പ്രസം​ഗി​ക്കു​ന്ന​തി​നാ​യി ജീവിതം സമർപ്പി​ക്കു​ക​യും ചെയ്‌തു. അഴിമ​തി​ക്കാ​രായ വൈദി​ക​രെ​ക്കൊ​ണ്ടു സഹിക്ക​വ​യ്യാ​താ​യ​പ്പോൾ മറ്റനേകം കത്തോ​ലി​ക്കർ അദ്ദേഹത്തെ അനുഗ​മി​ക്കു​ക​യും സഞ്ചാര​പ്ര​സം​ഗ​ക​രാ​യി​ത്തീ​രു​ക​യും ചെയ്‌തു.

വാൾഡോ​യു​ടെ പരസ്യ സാക്ഷീ​ക​രണം നിരോ​ധി​ക്കാൻ തക്കവണ്ണം പാപ്പായെ വശത്താ​ക്കിയ പ്രാ​ദേ​ശിക വൈദി​ക​രിൽനി​ന്നുള്ള എതിർപ്പി​നെ അദ്ദേഹം പെട്ടെ​ന്നു​തന്നെ അഭിമു​ഖീ​ക​രി​ച്ചു. “ഞങ്ങൾ മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു” എന്ന്‌ അദ്ദേഹം മറുപടി നൽകി​യ​താ​യി റിപ്പോർട്ടു​ചെ​യ്യ​പ്പെ​ടു​ന്നു. (പ്രവൃ​ത്തി​കൾ 5:29 താരത​മ്യം ചെയ്യുക.) നിർബന്ധം പിടി​ച്ച​തി​നാൽ വാൾഡോ സമുദാ​യ​ഭ്ര​ഷ്ട​നാ​ക്ക​പ്പെട്ടു. വാൾഡെൻസു​കാർ അഥവാ ലീയോ​ണി​ലെ ദരിദ്രർ എന്നു വിളി​ക്ക​പ്പെ​ടുന്ന അദ്ദേഹ​ത്തി​ന്റെ അനുഗാ​മി​കൾ ഈരണ്ടാ​യി ആളുക​ളു​ടെ വീടു​ക​ളിൽ പ്രസം​ഗി​ച്ചു​കൊണ്ട്‌ അദ്ദേഹ​ത്തി​ന്റെ മാതൃക പിൻപ​റ്റാൻ കഠിന​ശ്രമം ചെലുത്തി. തത്‌ഫ​ല​മാ​യി ഫ്രാൻസി​ന്റെ തെക്കും കിഴക്കും മുഴു​വ​നാ​യും, വടക്കൻ ഫ്രാൻസി​ന്റെ ചില ഭാഗങ്ങ​ളി​ലും വടക്കൻ ഇറ്റലി​യി​ലും അവരുടെ പഠിപ്പി​ക്ക​ലു​കൾ പെട്ടെന്നു പരക്കാൻ തുടങ്ങി.

കൂടു​ത​ലാ​യും അവർ ആദിമ ക്രിസ്‌ത്യാ​നി​ത്വ​ത്തി​ന്റെ വിശ്വാ​സ​ങ്ങ​ളി​ലേ​ക്കും ആചാര​ങ്ങ​ളി​ലേ​ക്കും തിരികെ വരുന്ന​തി​നു പ്രോ​ത്സാ​ഹി​പ്പി​ച്ചു. മറ്റു പല പഠിപ്പി​ക്ക​ലു​കൾക്കും പുറമേ ശുദ്ധീ​ക​ര​ണ​സ്ഥലം, മരിച്ച​വർക്കു​വേ​ണ്ടി​യുള്ള പ്രാർഥന, മറിയാ​രാ​ധന, “പുണ്യാ​ളന്മാ”രോടുള്ള പ്രാർഥന, കുരി​ശാ​രാ​ധന, പാപ​മോ​ച​ന​പ​ത്രങ്ങൾ, കുർബാന, ശിശു​സ്‌നാ​നം എന്നിവയെ അവർ എതിർത്തു.b

വാൾഡെൻസു​കാ​രു​ടെ പഠിപ്പി​ക്ക​ലു​കൾ കത്താരി​ക​ളു​ടെ അ​ക്രൈ​സ്‌തവ ദ്വൈ​ത​വാദ പഠിപ്പി​ക്ക​ലു​ക​ളിൽനി​ന്നു തികച്ചും വ്യത്യ​സ്‌ത​മാ​യി​രു​ന്നു, എന്നാൽ മിക്ക​പ്പോ​ഴും അവരെ കത്താരി​ക​ളെന്നു തെറ്റി​ദ്ധ​രി​ച്ചി​ട്ടുണ്ട്‌. വാൾഡെൻസു​കാ​രു​ടെ പ്രസം​ഗത്തെ അൽബീ​ജെൻസു​കാ​രു​ടെ അല്ലെങ്കിൽ കത്താരി​ക​ളു​ടെ പഠിപ്പി​ക്ക​ലാ​ണെന്നു കാണി​ക്കാൻ മനഃപൂർവം ശ്രമിച്ച കത്തോ​ലി​ക്കാ വേദോ​പ​ദേ​ശ​ക​രാണ്‌ ഈ തെറ്റി​ദ്ധാ​ര​ണ​യ്‌ക്കു പ്രഥമ കാരണ​ക്കാർ.

[അടിക്കു​റിപ്പ്‌]

[29-ാം പേജിലെ ചിത്രം]

കുരിശുയുദ്ധക്കാർ ബേസ്യേ​യിൽ 20,000 പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും കൊ​ന്നൊ​ടു​ക്കി, അവി​ടെ​യുള്ള വിശുദ്ധ മഗ്‌ദ​ല​ന​മ​റി​യ​ത്തി​ന്റെ പള്ളിയിൽവെ​ച്ചു​തന്നെ ഏഴായി​രം പേർ മരിച്ചു​പോ​യി