വായന​ക്കാ​രിൽനി​ന്നുള്ള ചോദ്യ​ങ്ങൾ

“സഹോ​ദ​ര​ന്മാ​രേ, അധികം ശിക്ഷാ​വി​ധി വരും എന്നു അറിഞ്ഞു നിങ്ങളിൽ അനേകർ ഉപദേ​ഷ്ടാ​ക്ക​ന്മാർ ആകരുതു” എന്നു ശിഷ്യ​നായ യാക്കോബ്‌ പറഞ്ഞ​പ്പോൾ അവൻ എന്താണ്‌ അർഥമാ​ക്കി​യത്‌?—യാക്കോബ്‌ 3:1.

മറ്റുള്ള​വരെ സത്യം പഠിപ്പി​ക്കു​ന്ന​തിൽനി​ന്നു യാക്കോബ്‌ ക്രിസ്‌ത്യാ​നി​കളെ തീർച്ച​യാ​യും നിരു​ത്സാ​ഹ​പ്പെ​ടു​ത്തു​ക​യാ​യി​രു​ന്നില്ല. “ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്നു മത്തായി 28:19, 20-ൽ യേശു തന്റെ ശിഷ്യ​ന്മാ​രോ​ടു കൽപ്പിച്ചു. തന്മൂലം, ക്രിസ്‌ത്യാ​നി​ക​ളെ​ല്ലാം ഉപദേ​ഷ്ടാ​ക്കൾ ആയിരി​ക്കണം. എബ്രായ ക്രിസ്‌ത്യാ​നി​കൾ അതുവ​രെ​യും ഉപദേ​ഷ്ടാ​ക്കൾ ആയിരി​ക്കാ​ഞ്ഞ​തി​നാൽ അപ്പോ​സ്‌ത​ല​നായ പൗലോസ്‌ അവരെ ബുദ്ധ്യു​പ​ദേ​ശി​ച്ചു. “കാലം നോക്കി​യാൽ ഇപ്പോൾ ഉപദേ​ഷ്ടാ​ക്ക​ന്മാർ ആയിരി​ക്കേ​ണ്ടുന്ന നിങ്ങൾക്കു ദൈവ​ത്തി​ന്റെ അരുള​പ്പാ​ടു​ക​ളു​ടെ ആദ്യപാ​ഠ​ങ്ങളെ തന്നേ വീണ്ടും ഉപദേ​ശി​ച്ചു​ത​രു​വാൻ ആവശ്യ​മാ​യി​രി​ക്കു​ന്നു” എന്ന്‌ അവൻ എഴുതി.—എബ്രായർ 5:12.

അപ്പോൾപ്പി​ന്നെ, യാക്കോബ്‌ എന്തി​നെ​പ്പ​റ്റി​യാ​യി​രു​ന്നു സംസാ​രി​ച്ചത്‌? സഭയിൽ പഠിപ്പി​ക്കു​ന്ന​തി​നു പ്രത്യേക പദവി​ക​ളു​ള്ള​വരെ അവൻ പരാമർശി​ക്കു​ക​യാ​യി​രു​ന്നു. എഫെസ്യർ 4:11-ൽ നാം ഇങ്ങനെ വായി​ക്കു​ന്നു: “അവൻ [സഭയുടെ ശിരസ്സായ യേശു​ക്രി​സ്‌തു] ചിലരെ അപ്പൊ​സ്‌ത​ല​ന്മാ​രാ​യും ചിലരെ പ്രവാ​ച​ക​ന്മാ​രാ​യും ചിലരെ സുവി​ശേ​ഷ​ക​ന്മാ​രാ​യും ചിലരെ ഇടയന്മാ​രാ​യും ഉപദേ​ഷ്ടാ​ക്ക​ന്മാ​രാ​യും നിയമി​ച്ചി​രി​ക്കു​ന്നു.” ഇന്നുള്ള​തു​പോ​ലെ ഒന്നാം നൂറ്റാ​ണ്ടി​ലെ സഭകളി​ലും പഠിപ്പി​ക്കു​ന്ന​തി​നുള്ള പ്രത്യേക പദവികൾ ഉണ്ടായി​രു​ന്നു. ദൃഷ്ടാ​ന്ത​ത്തിന്‌, “വിശ്വ​സ്‌ത​നും വിവേ​കി​യു​മായ അടിമ”യെ പ്രതി​നി​ധീ​ക​രി​ക്കു​ന്നതു ഭരണസം​ഘ​മാണ്‌. ലോക​വ്യാ​പക സഭയുടെ പഠിപ്പി​ക്ക​ലി​ന്റെ മേൽനോ​ട്ടം വഹിക്കു​ന്ന​തി​നുള്ള പ്രത്യേക ഉത്തരവാ​ദി​ത്വം അതിനാണ്‌. (മത്തായി 24:45) സഞ്ചാര​മേൽവി​ചാ​ര​ക​ന്മാർ, സഭാ മൂപ്പന്മാർ എന്നിവർക്കും പഠിപ്പി​ക്കു​ന്ന​തി​നുള്ള പ്രത്യേക ഉത്തരവാ​ദി​ത്വ​ങ്ങ​ളുണ്ട്‌.

ദൈവ​ത്തി​ന്റെ ഭാരിച്ച ന്യായ​വി​ധി​യെ ഭയന്ന്‌ ഉപദേ​ഷ്ടാ​ക്ക​ന്മാ​രു​ടെ സ്ഥാനം അലങ്കരി​ക്ക​രുത്‌ എന്നു യാക്കോബ്‌ യോഗ്യ​ത​യുള്ള ക്രിസ്‌തീയ പുരു​ഷ​ന്മാ​രോ​ടു പറയു​ക​യാ​യി​രു​ന്നോ? തീർച്ച​യാ​യും അല്ല. 1 തിമൊ​ഥെ​യൊസ്‌ 3:1 സൂചി​പ്പി​ക്കു​ന്ന​പ്ര​കാ​രം മൂപ്പൻസ്ഥാ​നം ഒരു വലിയ പദവി​യാണ്‌. അവിടെ ഇങ്ങനെ പറയുന്നു: “ഒരുവൻ അദ്ധ്യക്ഷ​സ്ഥാ​നം കാംക്ഷി​ക്കു​ന്നു എങ്കിൽ നല്ലവേല ആഗ്രഹി​ക്കു​ന്നു.” ഒരു സഭാമൂ​പ്പ​നാ​യുള്ള നിയമ​ന​ത്തിന്‌ ആവശ്യ​മാ​യി​രി​ക്കുന്ന കാര്യ​ങ്ങ​ളിൽ ഒന്ന്‌ ഒരുവൻ “ഉപദേ​ശി​പ്പാൻ സമർത്ഥൻ” ആയിരി​ക്ക​ണ​മെ​ന്ന​താണ്‌. (1 തിമൊ​ഥെ​യൊസ്‌ 3:2) യാക്കോബ്‌ പൗലോ​സി​ന്റെ നിശ്വസ്‌ത പ്രസ്‌താ​വ​നയെ എതിർത്തില്ല.

എന്നിരു​ന്നാ​ലും, പൊ.യു. (പൊതു​യു​ഗം) ഒന്നാം നൂറ്റാ​ണ്ടിൽ ചിലർ യോഗ്യത പ്രാപി​ച്ചു നിയോ​ഗി​ക്ക​പ്പെ​ടാ​തെ​തന്നെ ഉപദേ​ഷ്ടാ​ക്ക​ളാ​യി സ്വയം ആക്കി​വെ​ച്ച​താ​യി തോന്നു​ന്നു. ആ സ്ഥാനത്തിന്‌ എന്തോ പ്രാമു​ഖ്യ​ത​യു​ള്ള​താ​യി അവർക്കു തോന്നി​യി​രി​ക്കാൻ ഇടയുണ്ട്‌, തന്നെയു​മല്ല അവർ വ്യക്തി​പ​ര​മായ മാഹാ​ത്മ്യ​വും കാംക്ഷി​ച്ചി​രു​ന്നു. (മർക്കൊസ്‌ 12:38-40-ഉം 1 തിമൊ​ഥെ​യൊസ്‌ 5:17-ഉം താരത​മ്യം ചെയ്യുക.) ‘യോഹ​ന്നാ​ന്റെ അധികാ​രത്തെ അംഗീ​ക​രി​ക്കാത്ത,’ ‘ഒന്നാമ​നാ​കാൻ മോഹി​ക്കുന്ന’ ദിയൊ​ത്രെ​ഫെ​സി​നെ​പ്പറ്റി അപ്പോ​സ്‌ത​ല​നായ യോഹ​ന്നാൻ സൂചി​പ്പി​ച്ചു. (3 യോഹ​ന്നാൻ 9) ‘ധർമ്മോ​പ​ദേ​ഷ്ടാ​ക്ക​ന്മാ​രാ​യി​രി​പ്പാൻ ഇച്ഛിക്കു​ക​യും തങ്ങൾ പറയു​ന്നതു ഇന്നതു എന്നും സ്ഥാപി​ക്കു​ന്നതു ഇന്നതു എന്നും ഗ്രഹി​ക്കു​ക​യും ചെയ്യാത്ത’ ചില​രെ​പ്പറ്റി 1 തിമൊ​ഥെ​യൊസ്‌ 1:7 പറയുന്നു. തെറ്റായ ആന്തര​ത്തോ​ടെ ഉപദേ​ഷ്ടാ​ക്ക​ന്മാ​രാ​യി​രി​ക്കാൻ കാംക്ഷി​ക്കു​ന്ന​വ​രു​ടെ കാര്യ​ത്തിൽ യാക്കോബ്‌ 3:1-ലെ വാക്കുകൾ വിശേ​ഷി​ച്ചും ഉചിത​മാണ്‌. അത്തരക്കാർ ആടുകൾക്കു ഗുരു​ത​ര​മായ വിധത്തിൽ ദ്രോഹം ചെയ്യു​ക​യും അതിനു​ചേർച്ച​യിൽ ഭാരിച്ച ന്യായ​വി​ധി​ക്കു പാത്ര​മാ​വു​ക​യും ചെയ്യും.—റോമർ 2:17-21; 14:12.

ഉപദേ​ഷ്ടാ​ക്ക​ളാ​യി​രി​ക്കാൻ യോഗ്യ​ത​യു​ള്ള​വർക്കും ഉപദേ​ഷ്ടാ​ക്ക​ളാ​യി സേവന​മ​നു​ഷ്‌ഠി​ക്കു​ന്ന​വർക്കും യാക്കോബ്‌ 3:1 ഒരു നല്ല ഓർമി​പ്പി​ക്ക​ലാണ്‌. അവരെ കൂടുതൽ ഏൽപ്പി​ച്ചി​രി​ക്കു​ന്ന​തി​നാൽ അവരിൽനി​ന്നു കൂടുതൽ ആവശ്യ​പ്പെ​ടു​ന്ന​താണ്‌. (ലൂക്കൊസ്‌ 12:48) “മനുഷ്യർ പറയുന്ന ഏതു നിസ്സാര വാക്കി​ന്നും ന്യായ​വി​ധി​ദി​വ​സ​ത്തിൽ കണക്കു ബോധി​പ്പി​ക്കേ​ണ്ടി​വ​രും” എന്ന്‌ യേശു പറഞ്ഞു. (മത്തായി 12:36) കൂടുതൽ സ്വാധീ​ന​മു​ള്ള​വ​രു​ടെ, നിയുക്ത മൂപ്പന്മാ​രു​ടെ കാര്യ​ത്തിൽ ഇതു പ്രത്യേ​കി​ച്ചും സത്യമാണ്‌.

യഹോ​വ​യു​ടെ ആടുക​ളോട്‌ ഇടപെ​ടുന്ന വിധം സംബന്ധി​ച്ചു മൂപ്പന്മാർ കണക്കു​ബോ​ധി​പ്പി​ക്കേ​ണ്ടി​വ​രും. (എബ്രായർ 13:17) അവർ പറയുന്ന കാര്യങ്ങൾ ജീവനെ ബാധി​ക്കു​ന്നു. തന്മൂലം ഒരു മൂപ്പൻ പരീശ​ന്മാർ ചെയ്‌ത​പോ​ലെ സ്വന്തം ആശയങ്ങൾ പ്രചരി​പ്പി​ക്കാ​തി​രി​ക്കാൻ അല്ലെങ്കിൽ ആടുക​ളോ​ടു മോശ​മാ​യി പെരു​മാ​റാ​തി​രി​ക്കാൻ ശ്രദ്ധയു​ള്ള​വ​നാ​യി​രി​ക്കണം. യേശു പ്രകടി​പ്പി​ച്ച​തു​പോ​ലെത്തെ ആഴമായ സ്‌നേഹം പ്രകടി​പ്പി​ക്കാൻ അദ്ദേഹം കഠിന​ശ്രമം ചെലു​ത്തണം. പഠിപ്പി​ക്കുന്ന ഏതു സാഹച​ര്യ​ത്തി​ലും, പ്രത്യേ​കി​ച്ചു നീതി​ന്യാ​യ കാര്യങ്ങൾ ഉൾപ്പെ​ട്ടി​രി​ക്കു​മ്പോൾ, ഒരു മൂപ്പൻ വീണ്ടു​വി​ചാ​ര​മി​ല്ലാത്ത വാചകങ്ങൾ ഉപയോ​ഗി​ക്കു​ക​യോ തികച്ചും വ്യക്തി​പ​ര​മായ ആശയങ്ങൾ അവതരി​പ്പി​ക്കു​ക​യോ ചെയ്യാതെ തന്റെ വാക്കുകൾ തൂക്കി​നോ​ക്കണം. യഹോ​വ​യി​ലും അവന്റെ വചനത്തി​ലും തന്റെ സ്ഥാപനം മുഖാ​ന്ത​ര​മുള്ള അവന്റെ മാർഗ​ദർശ​ന​ങ്ങ​ളി​ലും ശക്തമായ ആശ്രയം വയ്‌ക്കു​ന്ന​തി​ലൂ​ടെ ഇടയനു ദൈവ​ത്തി​ന്റെ സമൃദ്ധ​മായ അനു​ഗ്ര​ഹങ്ങൾ ലഭിക്കും, “അധികം ശിക്ഷാ​വി​ധി”യല്ല.