ഒരു മെച്ചപ്പെട്ട ജീവിതം—ഉടൻ!

ഒരു കാലാ​വസ്ഥാ നിരീ​ക്ഷകൻ നടത്തിയ പ്രവച​ന​ങ്ങ​ളെ​ല്ലാം മിക്കവാ​റും എല്ലായ്‌പോ​ഴും ശരിയാ​ണെന്നു സങ്കല്‌പി​ക്കുക. പിറ്റേന്നു മഴയു​ണ്ടാ​കു​മെന്ന്‌ സായാഹ്ന വാർത്ത​യിൽ അദ്ദേഹം പ്രവചി​ക്കു​ന്നെ​ങ്കിൽ, പിറ്റേന്നു രാവിലെ വീടു വിട്ടി​റ​ങ്ങു​മ്പോൾ കുട എടുക്കാൻ നിങ്ങൾ മറക്കില്ല. അദ്ദേഹ​ത്തി​ന്റെ മുൻകാ​ല​പ്ര​സ്‌താ​വങ്ങൾ നിങ്ങളു​ടെ വിശ്വാ​സം നേടി​യി​രി​ക്കു​ന്നു. അദ്ദേഹം പറയു​ന്ന​തു​പോ​ലെ നിങ്ങൾ പ്രവർത്തി​ക്കു​ന്നു.

കൊള്ളാം, പറുദീ​സാ ഭൂമി​യി​ലെ ഒരു മെച്ചപ്പെട്ട ജീവി​ത​ത്തെ​ക്കു​റി​ച്ചുള്ള യഹോ​വ​യു​ടെ വാഗ്‌ദാ​നം എത്രകണ്ട്‌ വിശ്വ​സ​നീ​യ​മാണ്‌? ആകട്ടെ, അവന്റെ മുൻകാ​ല​പ്ര​സ്‌താ​വങ്ങൾ എന്താണു സൂചി​പ്പി​ക്കു​ന്നത്‌? ബൈബിൾ പ്രവച​ന​ങ്ങ​ളു​ടെ നിവൃത്തി യഹോ​വ​യു​ടെ പ്രസ്‌താ​വ​ങ്ങളെ വ്യക്തമാ​യി ഉറപ്പി​ക്കു​ന്നു. തെറ്റു​പ​റ്റാത്ത കൃത്യ​ത​യും സത്യത​യു​മുള്ള ഒരു ദൈവ​മാണ്‌ അവൻ. (യോശുവ 23:14; യെശയ്യാ​വു 55:11) യഹോ​വ​യാം ദൈവ​ത്തി​ന്റെ പ്രവച​നങ്ങൾ അങ്ങേയറ്റം വിശ്വ​സ​നീ​യ​മാണ്‌. കാരണം ഭാവി​യിൽ നടക്കു​മെന്നു പറഞ്ഞി​രി​ക്കുന്ന സംഭവങ്ങൾ അതി​നോ​ട​കം​തന്നെ സംഭവി​ച്ചു കഴിഞ്ഞ​പോ​ലെ​യാണ്‌ വാസ്‌ത​വ​ത്തിൽ അവൻ അതേക്കു​റി​ച്ചു ചില​പ്പോ​ഴൊ​ക്കെ സംസാ​രി​ക്കാറ്‌. ഉദാഹ​ര​ണ​ത്തിന്‌, മേലാൽ മരണവും വിലാ​പ​വും ഉണ്ടായി​രി​ക്കു​ക​യി​ല്ലാത്ത ഒരു പുതിയ ലോക​ത്തെ​ക്കു​റി​ച്ചുള്ള തന്റെ വാഗ്‌ദാ​ന​ത്തി​നു​ശേഷം, നാം ഇങ്ങനെ വായി​ക്കു​ന്നു: “അവ [വാഗ്‌ദത്ത അനു​ഗ്ര​ഹങ്ങൾ] സംഭവി​ച്ചു​തീർന്നു!” മറ്റു വാക്കു​ക​ളിൽ പറഞ്ഞാൽ, “അവ ഒരു വസ്‌തു​ത​യാണ്‌!”—വെളി​പാട്‌ 21:5, 6, NW, അടിക്കു​റിപ്പ്‌.

അതേ, യഹോ​വ​യു​ടെ മുൻകാല പ്രവച​ന​ങ്ങ​ളു​ടെ നിവൃത്തി മനുഷ്യ​വർഗ​ത്തിന്‌ ഒരു മെച്ചപ്പെട്ട ജീവിതമുണ്ടാകു​മെന്ന അവന്റെ വാഗ്‌ദാ​നം നിവർത്തി​ക്കു​മെന്ന ദൃഢവി​ശ്വാ​സം നമുക്കു നൽകുന്നു. എന്നാൽ ഈ മെച്ചപ്പെട്ട ജീവിതം എപ്പോൾ വരും?

ഒരു മെച്ചപ്പെട്ട ജീവിതം—എപ്പോൾ?

വളരെ​യ​ധി​കം മെച്ചപ്പെട്ട ഒരു ജീവിതം ഉടൻ വരും! അതി​നെ​ക്കു​റി​ച്ചു നമുക്കു തീർച്ച​യാ​യും ഉറപ്പു​ള്ള​വ​രാ​യി​രി​ക്കാൻ കഴിയും, കാരണം പറുദീ​സ​യി​ലെ മെച്ചപ്പെട്ട ജീവിതം വരുന്ന​തി​നു തൊട്ടു​മു​മ്പാ​യി ഭൂമി​യിൽ അനേകം മോശ​മായ സംഗതി​കൾ അരങ്ങേ​റു​മെന്നു ബൈബിൾ പറയുന്നു. ഇപ്പോൾ ആ മോശ​മായ സംഗതി​കൾ സംഭവി​ച്ചു​കൊ​ണ്ടി​രി​ക്കു​ക​യാണ്‌.

ഉദാഹ​ര​ണ​ത്തിന്‌, വലിയ യുദ്ധങ്ങൾ ഉണ്ടായി​രി​ക്കു​മെന്നു യേശു മുൻകൂ​ട്ടി​പ്പ​റഞ്ഞു. “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും,” അവൻ പറഞ്ഞു. (മത്തായി 24:7) ഈ പ്രവചനം സത്യമാ​യി​ത്തീർന്നു. 1914 മുതൽ 1945 വരെയുള്ള വർഷങ്ങ​ളിൽ രണ്ടു ലോക​മ​ഹാ​യു​ദ്ധ​ങ്ങ​ളും അതേത്തു​ടർന്ന്‌ ജനതകൾ പരസ്‌പരം പോരാ​ടിയ മറ്റനവധി യുദ്ധങ്ങ​ളും ഉണ്ടായി. “പ്രതി​വർഷ ശരാശ​രി​യു​ടെ അടിസ്ഥാ​ന​ത്തിൽ, [രണ്ടാം ലോക​മ​ഹാ​യു​ദ്ധ​ത്തി​നു​ശേ​ഷ​മുള്ള] ഈ കാലഘ​ട്ട​ത്തി​ലെ യുദ്ധങ്ങ​ളിൽ മരിച്ച​വ​രു​ടെ എണ്ണം 19-ാം നൂറ്റാ​ണ്ടിൽ സംഭവി​ച്ച​തി​ന്റെ ഇരട്ടി​യി​ല​ധി​ക​വും 18-ാം നൂറ്റാ​ണ്ടിൽ സംഭവി​ച്ച​തി​ന്റെ ഏഴിര​ട്ടി​യു​മാ​യി​രു​ന്നു.”—വേൾഡ്‌ മിലി​ട്ടറി ആൻഡ്‌ സോഷ്യൽ എക്‌സ്‌പെൻഡി​ച്ചേ​ഴ്‌സ്‌ 1993.

പറുദീ​സ​യി​ലെ ഒരു മെച്ചപ്പെട്ട ജീവിതം അടുത്തു​വ​രു​ന്നു​വെ​ന്ന​തി​ന്റെ മറ്റൊരു തെളി​വാ​ണു രോഗ​ങ്ങ​ളു​ടെ വ്യാപനം. ‘മഹാവ്യാ​ധി​കൾ അവിട​വി​ടെ ഉണ്ടാകു’മെന്ന്‌ യേശു മുൻകൂ​ട്ടി​പ്പ​റഞ്ഞു. (ലൂക്കൊസ്‌ 21:11) ഈ പ്രവചനം സത്യമാ​യോ? സത്യമാ​യി. ഒന്നാം ലോക​മ​ഹാ​യു​ദ്ധ​ത്തി​നു​ശേഷം, സ്‌പാ​നീഷ്‌ ഫ്‌ളൂ നിമിത്തം മരിച്ചത്‌ രണ്ടു കോടി​യി​ല​ധി​കം ആളുക​ളാ​യി​രു​ന്നു. അതിനു​ശേഷം, അർബുദം, ഹൃ​ദ്രോ​ഗങ്ങൾ, മലേറിയ, എയ്‌ഡ്‌സ്‌ എന്നിവ​യും മറ്റു രോഗ​ങ്ങ​ളും ദശലക്ഷ​ക്ക​ണ​ക്കിന്‌ ആളുക​ളു​ടെ ജീവന​പ​ഹ​രി​ച്ചി​രി​ക്കു​ന്നു. വികസ്വര രാജ്യ​ങ്ങ​ളിൽ, (അതിസാ​രം, കുടലി​ലെ വിരശ​ല്യം എന്നിവ​യുൾപ്പെടെ) മലിന​ജലം വരുത്തുന്ന രോഗങ്ങൾ വർഷം​തോ​റും ലക്ഷക്കണ​ക്കി​നു ജീവന​പ​ഹ​രി​ക്കു​ന്നു.

‘ക്ഷാമമു​ണ്ടാ​കു’മെന്നും യേശു പറഞ്ഞു. (മത്തായി 24:7) മുൻലേ​ഖ​ന​ത്തിൽ ശ്രദ്ധി​ച്ച​തു​പോ​ലെ, ലോക​ത്തി​ലെ ദരി​ദ്രർക്കു ഭക്ഷിക്കാൻ വേണ്ടു​വോ​ള​മില്ല. പറുദീ​സ​യി​ലെ ഏറെ മെച്ചപ്പെട്ട ഒരു ജീവിതം പെട്ടെന്നു വരു​മെ​ന്നുള്ള തെളി​വി​ന്റെ മറ്റൊരു ഭാഗമാ​ണിത്‌.

‘വലിയ ഭൂകമ്പങ്ങൾ ഉണ്ടായി​രി​ക്കു’മെന്നു യേശു പറഞ്ഞു. (ലൂക്കൊസ്‌ 21:11) ഇതും നമ്മുടെ കാലത്തു സത്യമാ​യി. വിപത്‌ക​ര​മായ ഭൂകമ്പങ്ങൾ 1914 മുതൽ വരുത്തിയ നാശത്തിൽ ലക്ഷക്കണ​ക്കി​നാ​ളു​കൾക്കു ജീവാ​പാ​യം നേരിട്ടു.

ആളുക​ളിൽ സംഭവി​ക്കുന്ന മാറ്റവും “അന്ത്യകാല”ത്തിന്റെ അടയാ​ള​മാ​യി​രി​ക്കു​മെന്നു ബൈബിൾ പറയുന്നു. അവർ “സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും” കുട്ടികൾ “അമ്മയപ്പ​ന്മാ​രെ അനുസ​രി​ക്കാ​ത്ത​വ​രും” ആയിരി​ക്കും. ആളുകൾ പൊതു​വേ “ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി”രിക്കും. (2 തിമൊ​ഥെ​യൊസ്‌ 3:1-5) ഈ വിവരണം അനേകർക്കും യോജി​ക്കു​ന്നു​വെന്നു നിങ്ങൾ സമ്മതി​ക്കി​ല്ലേ?

മോശ​മാ​യ കാര്യങ്ങൾ ചെയ്യു​ന്നതു ശീലമാ​ക്കി​മാ​റ്റു​ന്ന​വ​രു​ടെ എണ്ണം പെരു​കു​മ്പോൾ, നിയമ​രാ​ഹി​ത്യ​ത്തി​ന്റെ വർധന​വു​ണ്ടാ​വും. ഇതും മുൻകൂ​ട്ടി​പ്പ​റ​ഞ്ഞി​രു​ന്ന​തു​തന്നെ. മത്തായി 24:12 പ്രകാരം, “അധർമ്മം പെരു​കുന്ന”തിനെ​ക്കു​റി​ച്ചു യേശു പറഞ്ഞു. മുൻവർഷ​ങ്ങളെ അപേക്ഷിച്ച്‌ ഇപ്പോൾ കുറ്റകൃ​ത്യ​ങ്ങൾ വഷളാ​യി​രി​ക്കു​ക​യാ​ണെന്നു നിങ്ങൾ സമ്മതി​ച്ചേ​ക്കാം. എല്ലായി​ട​ത്തു​മുള്ള ആളുകൾ, തങ്ങൾ കൊള്ള​യ​ടി​ക്ക​പ്പെ​ടു​ക​യോ വഞ്ചിക്ക​പ്പെ​ടു​ക​യോ ഏതെങ്കി​ലും വിധത്തിൽ ദോഷ​മ​നു​ഭ​വി​ക്കു​ക​യോ ചെയ്യു​മെന്ന ഭീതി​യി​ലാണ്‌.

യുദ്ധങ്ങൾ, വ്യാപ​ക​മായ രോഗങ്ങൾ, ഭക്ഷ്യക്ഷാ​മങ്ങൾ, ഭൂകമ്പങ്ങൾ, വർധി​ച്ചു​വ​രുന്ന കുറ്റകൃ​ത്യ​ങ്ങൾ, വഷളാ​യി​ക്കൊ​ണ്ടി​രി​ക്കുന്ന മാനു​ഷിക ബന്ധങ്ങൾ—ഇവയെ​ല്ലാം, ബൈബിൾ മുൻകൂട്ടിപ്പറഞ്ഞിരു​ന്ന​തു​പോ​ലെ, ഇന്നു വ്യക്തമാ​യി​രി​ക്കു​ന്നു. ‘എന്നാൽ ഇവയെ​ല്ലാം മനുഷ്യ ചരി​ത്ര​ത്തി​ലു​ട​നീ​ളം സംഭവി​ച്ചി​ട്ടി​ല്ലേ?’ എന്നു നിങ്ങൾ ഒരുപക്ഷേ ചോദി​ച്ചേ​ക്കാം. ‘നമ്മുടെ നാളു​ക​ളു​ടെ കാര്യ​ത്തിൽ വ്യത്യാ​സ​മെ​ന്താണ്‌?’

ഇന്നു സംഭവി​ച്ചു​കൊ​ണ്ടി​രി​ക്കുന്ന കാര്യ​ങ്ങൾക്കു വളരെ പ്രധാ​ന​പ്പെട്ട ചില സവി​ശേ​ഷ​ത​ക​ളുണ്ട്‌. നാം അന്ത്യകാ​ല​ത്താണ്‌, മെച്ചപ്പെട്ട ഒരു ജീവിതം അടുത്തി​രി​ക്കു​ക​യാണ്‌ എന്നതി​നെ​ല്ലാ​മുള്ള തെളി​വാണ്‌ ഭക്ഷ്യക്ഷാ​മം പോലുള്ള ഏതെങ്കി​ലും ഒരു ഘടകം എന്നൊ​ന്നും ബൈബിൾ പറയു​ന്നില്ല. എന്നാൽ ഭക്തികെട്ട ഒരു തലമു​റ​യി​ലാണ്‌ അന്ത്യകാ​ല​ത്തെ​ക്കു​റി​ച്ചുള്ള ബൈബിൾ പ്രവച​നങ്ങൾ നിറ​വേ​റുക.—മത്തായി 24:34-39; ലൂക്കൊസ്‌ 17:26, 27.

അതിലു​പ​രി, യേശു​വി​ന്റെ പ്രവച​ന​ത്തി​ന്റെ ചില സവി​ശേ​ഷ​തകൾ—വിശേ​ഷി​ച്ചും ഭക്ഷ്യക്ഷാ​മ​ത്തെ​യും വ്യാപ​ക​മായ രോഗ​ങ്ങ​ളെ​യും സംബന്ധി​ച്ചു​ള്ളവ—ഇന്നു സത്യമാ​യി​ക്കൊ​ണ്ടി​രി​ക്കു​ന്നതു തികച്ചും അസാധാ​ര​ണ​മായ സംഗതി​യാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ, ശാസ്‌ത്രീയ നേട്ടങ്ങൾ മുമ്പെ​ങ്ങും ഇത്ര മഹത്തര​മാ​യി​രു​ന്നി​ട്ടില്ല. വൈദ്യ​ശാ​സ്‌ത്ര​പ​ര​മായ ജ്ഞാനവും ചികി​ത്സാ​രീ​തി​ക​ളും മുമ്പെ​ങ്ങും ഇത്രമാ​ത്രം പുരോ​ഗതി കൈവ​രി​ക്കു​ക​യോ വ്യാപ​ക​മാ​യി​ത്തീ​രു​ക​യോ ചെയ്‌തി​ട്ടില്ല. അത്തര​മൊ​രു കാലഘ​ട്ട​ത്തിൽ രോഗ​വും ക്ഷാമവും മെച്ച​പ്പെ​ടു​ന്ന​തി​നു​പ​കരം വഷളാ​വു​ക​യേ​യു​ള്ളൂ​വെന്ന്‌ തന്റെ വചനമായ ബൈബി​ളിൽ മുൻകൂ​ട്ടി​പ്പ​റ​യാൻ ദൈവ​ത്തി​നേ കഴിയൂ.

അന്ത്യകാ​ല​ത്തെ​ക്കു​റി​ച്ചുള്ള അഥവാ “അവസാന നാളു​കളെ”ക്കുറി​ച്ചുള്ള [NW], ബൈബിൾ പ്രവച​ന​ങ്ങ​ളെ​ല്ലാം നിറ​വേ​റു​ന്ന​തു​കൊണ്ട്‌, നമു​ക്കെന്തു നിഗമനം ചെയ്യാൻ കഴിയും? ഒരു മെച്ചപ്പെട്ട ജീവിതം സമീപി​ച്ചി​രി​ക്കു​ന്നു എന്നുതന്നെ! എന്നാൽ അതെങ്ങനെ വരും?

ഒരു മെച്ചപ്പെട്ട ജീവിതം—എങ്ങനെ?

പറുദീസ കൊണ്ടു​വ​രാൻ മനുഷ്യർക്കു കഴിയു​മെന്നു നിങ്ങൾ വിചാ​രി​ക്കു​ന്നു​ണ്ടോ? ചരി​ത്ര​ത്തി​ലു​ട​നീ​ളം ഇന്നുവരെ അനേകം തരത്തി​ലുള്ള മാനു​ഷിക ഗവൺമെൻറു​കൾ ഉണ്ടായി​രു​ന്നി​ട്ടുണ്ട്‌. ആളുക​ളു​ടെ ആവശ്യങ്ങൾ തൃപ്‌തി​പ്പെ​ടു​ത്താൻ ചില ഗവൺമെൻറു​കൾ കഠിന ശ്രമങ്ങൾ നടത്തി​യി​ട്ടുണ്ട്‌. എന്നിട്ടും, അനേകം പ്രശ്‌ന​ങ്ങ​ളും വഷളാ​കു​ക​യാണ്‌. മയക്കു​മ​രു​ന്നു ദുരു​പ​യോ​ഗം, മോശ​മായ പാർപ്പി​ട​സൗ​ക​ര്യ​ങ്ങൾ, ദാരി​ദ്ര്യം, കുറ്റകൃ​ത്യ​ങ്ങൾ, തൊഴി​ലി​ല്ലായ്‌മ, യുദ്ധം എന്നിവ മൂലം സമ്പന്ന രാജ്യ​ങ്ങ​ളി​ലെ​യും ദരിദ്ര നാടു​ക​ളി​ലെ​യും ഗവൺമെൻറു​കൾ നട്ടംതി​രി​യു​ക​യാണ്‌.

ഇവയിൽ ചില പ്രശ്‌നങ്ങൾ പരിഹ​രി​ക്കാൻ ഗവൺമെൻറു​കൾക്കു കഴിഞ്ഞാൽത്തന്നെ, രോഗ​ങ്ങ​ളിൽനി​ന്നുള്ള പരിപൂർണ സ്വാത​ന്ത്ര്യം നേടി​ത്ത​രാൻ അവയ്‌ക്ക്‌ ഒരിക്ക​ലും സാധി​ക്കു​ക​യില്ല. വാർധ​ക്യ​ത്തി​നും മരണത്തി​നും അറുതി​വ​രു​ത്താ​നും അവർക്കാ​കില്ല. ഈ ഭൂമി​യിൽ മനുഷ്യർ ഒരിക്ക​ലും പറുദീസ കൊണ്ടു​വ​രി​ല്ലെന്നു വ്യക്തം.

ജ്ഞാനപൂർവം ബൈബിൾ പറയുന്നു: “നിങ്ങൾ പ്രഭു​ക്ക​ന്മാ​രിൽ ആശ്രയി​ക്ക​രു​തു, സഹായി​പ്പാൻ കഴിയാത്ത മനുഷ്യ​പു​ത്ര​നി​ലും അരുതു.” അപ്പോൾപ്പി​ന്നെ നാം ആരിൽ ആശ്രയി​ക്കും? ബൈബിൾ ഇങ്ങനെ ഉത്തരം നൽകുന്നു: “യാക്കോ​ബി​ന്റെ ദൈവം സഹായ​മാ​യി തന്റെ ദൈവ​മായ യഹോ​വ​യിൽ പ്രത്യാ​ശ​യു​ള്ളവൻ ഭാഗ്യ​വാൻ.” (സങ്കീർത്തനം 146:3, 5) നമ്മുടെ പ്രത്യാശ നാം യഹോ​വ​യാം ദൈവ​ത്തിൽ വെക്കു​ന്നെ​ങ്കിൽ, നാം ഒരിക്ക​ലും നിരാ​ശ​രാ​യി​ത്തീ​രു​ക​യില്ല.

തീർച്ച​യാ​യും ഭൂമി​യെ​യും സൂര്യ​നെ​യും നക്ഷത്ര​ങ്ങ​ളെ​യും സൃഷ്ടി​ക്കാ​നുള്ള ജ്ഞാനവും ശക്തിയു​മുള്ള ഒരുവനു ഭൂമിയെ ഒരു പറുദീ​സ​യാ​ക്കാ​നും കഴിയും. ഒരു മെച്ചപ്പെട്ട ജീവിതം ആസ്വദി​ക്കാൻ മനുഷ്യ​രെ പ്രാപ്‌ത​രാ​ക്കാൻ അവനു കഴിയും. യഹോ​വ​യാം ദൈവം ചെയ്യാൻ തുനി​യു​ന്ന​തെ​ന്തും പൂർത്തി​യാ​ക്കാ​നുള്ള കഴിവ്‌ അവനുണ്ട്‌, അതു പൂർത്തി​യാ​ക്കു​ക​യും ചെയ്യും. “ദൈവ​ത്തി​ന്നു ഒരു കാര്യ​വും അസാദ്ധ്യ​മല്ല,” അവന്റെ വചനം പറയുന്നു. (ലൂക്കൊസ്‌ 1:37) എന്നാൽ മെച്ചപ്പെട്ട ഒരു ജീവിതം ദൈവം എങ്ങനെ കൊണ്ടു​വ​രും?

തന്റെ രാജ്യം മുഖാ​ന്ത​ര​മാ​ണു യഹോവ മനുഷ്യ​വർഗ​ത്തിന്‌ ഏറെ മെച്ചപ്പെട്ട ഒരു ജീവിതം കൊണ്ടു​വ​രു​ന്നത്‌. എന്താണ്‌ ദൈവ​രാ​ജ്യം? ദൈവ​ത്താൽ നിയമി​ത​നായ യേശു​ക്രി​സ്‌തു ഭരണാ​ധി​പ​നാ​യുള്ള ഒരു യഥാർഥ ഗവൺമെൻറാണ്‌ അത്‌. ദൈവ​രാ​ജ്യം സ്ഥാപി​ത​മാ​യി​രി​ക്കു​ന്നതു സ്വർഗ​ത്തി​ലാണ്‌. എന്നാൽ പറുദീ​സാ ഭൂമി​യി​ലെ നിവാ​സി​കൾക്ക്‌ അത്‌ ഉടൻതന്നെ അത്ഭുതാ​വ​ഹ​മായ അനു​ഗ്ര​ഹ​ങ്ങ​ളും ഏറെ മെച്ചപ്പെട്ട ഒരു ജീവി​ത​വും കൈവ​രു​ത്തും.—യെശയ്യാ​വു 9:6, 7.

ബൈബി​ളിൽ മത്തായി 6:9-13-ൽ കാണുന്ന ക്രിസ്‌തു​വി​ന്റെ മാതൃകാ പ്രാർഥ​ന​യു​മാ​യി നിങ്ങൾക്കു നേര​ത്തെ​തന്നെ പരിച​യ​മു​ണ്ടാ​യി​രി​ക്കു​മ​ല്ലോ. ദൈവ​ത്തോ​ടുള്ള ആ പ്രാർഥ​ന​യു​ടെ ഒരു ഭാഗം ഇങ്ങനെ പറയുന്നു: “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.” ആ പ്രാർഥ​ന​യ്‌ക്കു ചേർച്ച​യിൽ, ഭൂമി​യു​ടെ കാര്യ​ത്തി​ലുള്ള യഹോ​വ​യാം ദൈവ​ത്തി​ന്റെ ഉദ്ദേശ്യം നിവർത്തി​ക്കാൻ ദൈവ​ത്തി​ന്റെ രാജ്യം ‘വരിക’തന്നെ ചെയ്യും. കാരണം ഭൂമി ഒരു പറുദീസ ആയിത്തീ​ര​ണ​മെ​ന്നത്‌ അവന്റെ ഉദ്ദേശ്യ​മാണ്‌.

വരാനി​രി​ക്കു​ന്ന പറുദീ​സ​യിൽ ഒരു മെച്ചപ്പെട്ട ജീവിതം ആസ്വദി​ക്കാൻ നിങ്ങൾ എന്തു ചെയ്യണം? എന്നതാണ്‌ അവസാ​ന​മാ​യി ഉദിക്കുന്ന ചോദ്യം.

നിങ്ങൾ ചെയ്യേ​ണ്ടത്‌

തന്റെ ഇഷ്ടം ചെയ്യുന്ന സകലർക്കും യഹോ​വ​യാം ദൈവം പറുദീ​സ​യി​ലെ ഒരു മെച്ചപ്പെട്ട ജീവി​ത​ത്തി​ന്റെ പ്രതീക്ഷ സ്‌നേ​ഹ​പു​ര​സ്സരം വച്ചുനീ​ട്ടു​ന്നു. ബൈബിൾ നമ്മോട്‌ ഇങ്ങനെ പറയുന്നു: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:29) എന്നാൽ ദൈവ​ത്തി​ന്റെ ദൃഷ്ടി​യിൽ ഒരു വ്യക്തിയെ നീതി​മാ​നാ​ക്കു​ന്നത്‌ എന്താണ്‌?

യഹോ​വ​യെ പ്രീതി​പ്പെ​ടു​ത്തു​ന്ന​തിന്‌, നാം എന്തു ചെയ്യാൻ അവൻ ആഗ്രഹി​ക്കു​ന്നു എന്നതു സംബന്ധിച്ച്‌ നാം കൂടുതൽ പഠി​ക്കേ​ണ്ട​യാ​വ​ശ്യ​മുണ്ട്‌. നാം ദൈവ​ത്തെ​ക്കു​റി​ച്ചു പരിജ്ഞാ​നം സമ്പാദി​ക്കു​ക​യും അതു നമ്മുടെ ജീവി​ത​ത്തിൽ ബാധക​മാ​ക്കു​ക​യും ചെയ്‌താൽ, നമുക്ക്‌ എന്നേക്കും ജീവി​ക്കാൻ കഴിയും. ദൈവ​ത്തോ​ടുള്ള പ്രാർഥ​ന​യിൽ യേശു പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറിച്ചു നമ്മോടു പറയുന്ന പുസ്‌ത​ക​മാ​ണു ദൈവ​വ​ച​ന​മായ ബൈബിൾ. യഹോ​വ​യു​ടെ ഏറ്റവും അമൂല്യ​മായ സമ്മാന​ങ്ങ​ളി​ലൊ​ന്നാ​ണത്‌. സ്‌നേ​ഹ​വാ​നായ പിതാ​വിൽനി​ന്നു മക്കൾക്കുള്ള ഒരു എഴുത്തു​പോ​ലെ​യാ​ണു ബൈബിൾ. അതു മനുഷ്യ​വർഗ​ത്തിന്‌ ഒരു മെച്ചപ്പെട്ട ജീവിതം കൊണ്ടു​വ​രാ​നുള്ള ദൈവ​ത്തി​ന്റെ വാഗ്‌ദ​ത്ത​ത്തെ​ക്കു​റി​ച്ചു നമ്മോടു പറയു​ക​യും നമുക്ക്‌ അത്‌ എങ്ങനെ ലഭി​ച്ചേ​ക്കാ​മെന്നു കാണി​ച്ചു​ത​രി​ക​യും ചെയ്യുന്നു. കഴിഞ്ഞ കാലങ്ങ​ളിൽ ദൈവം എന്തു ചെയ്‌തി​രി​ക്കു​ന്നു​വെ​ന്നും ഭാവി​യിൽ അവൻ എന്തു ചെയ്യു​മെ​ന്നും ബൈബിൾ നമ്മെ അറിയി​ക്കു​ന്നു. നമ്മുടെ പ്രശ്‌ന​ങ്ങളെ വിജയ​ക​ര​മാ​യി എങ്ങനെ നേരി​ടാ​മെ​ന്നതു സംബന്ധിച്ച്‌ അതു നമുക്കു പ്രാ​യോ​ഗിക ഉപദേശം തരിക​യും ചെയ്യുന്നു. നിശ്ചയ​മാ​യും, കുഴപ്പ​ങ്ങൾനി​റഞ്ഞ ഈ ലോക​ത്തിൽ ഇപ്പോൾ ഒരളവു​വരെ സന്തുഷ്ടി എങ്ങനെ കണ്ടെത്താ​മെ​ന്നും ദൈവ​വ​ചനം നമ്മെ പഠിപ്പി​ക്കു​ന്നു.—2 തിമൊ​ഥെ​യൊസ്‌ 3:16, 17.

നിങ്ങൾക്ക്‌ ഒരു സൗജന്യ ബൈബി​ള​ധ്യ​യനം ക്രമീ​ക​രി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളു. ഇപ്പോൾ കൂടുതൽ സന്തുഷ്ട​മായ ഒരു ജീവി​ത​വും സമീപ ഭാവി​യി​ലെ ഏറെ മെച്ചപ്പെട്ട ഒരു ജീവി​ത​ത്തി​ന്റെ പ്രതീ​ക്ഷ​യും നേടാൻ നിങ്ങൾക്കെ​ങ്ങനെ സാധി​ക്കു​മെന്നു പഠിക്കുക.

[5-ാം പേജിലെ ചിത്രം]

ഒരു മെച്ചപ്പെട്ട ജീവിതം സമീപി​ച്ചി​രി​ക്കു​ന്നു​വെന്നു ബൈബിൾ പ്രവച​നങ്ങൾ സൂചി​പ്പി​ക്കു​ന്നു

[7-ാം പേജിലെ ചിത്രം]

ദൈവരാജ്യം മനുഷ്യ​വർഗ​ത്തിന്‌ ഒരു മെച്ചപ്പെട്ട ജീവിതം ആനയി​ക്കും