പാരമ്പ​ര്യം സത്യവു​മാ​യി ഏറ്റുമു​ട്ട​ണ​മോ?

തന്റെ വിശ്വാ​സം ശരിയാ​ണെന്ന ബോധ്യ​മാ​യി​രു​ന്നു മാർട്ടിൻ ലൂഥറിന്‌. തനിക്കു ബൈബി​ളി​ന്റെ പിൻബ​ല​മു​ണ്ടെന്ന്‌ അദ്ദേഹം വിശ്വ​സി​ച്ചു. അതേസ​മയം, അന്നാളി​ലെ ആ പാരമ്പര്യ വിശ്വാ​സം തെറ്റാ​യി​രു​ന്നു​വെ​ന്നാ​യി​രു​ന്നു പോളീഷ്‌ ജ്യോ​തി​ശ്ശാ​സ്‌ത്ര​ജ്ഞ​നായ കോപ്പർനി​ക്ക​സി​ന്റെ ചിന്ത.

ഏതു വിശ്വാ​സം? പ്രപഞ്ച​ത്തി​ന്റെ കേന്ദ്ര​ബി​ന്ദു ഭൂമി​യാ​ണെ​ന്നും സകലവും അതിനെ ചുറ്റി​ക്കൊ​ണ്ടി​രി​ക്കു​ക​യാ​ണെ​ന്നു​മുള്ള വിശ്വാ​സം. ഭൂമി സൂര്യനെ ചുറ്റു​ന്നു​വെ​ന്ന​താ​ണു സത്യം എന്നു കോപ്പർനി​ക്കസ്‌ പറഞ്ഞു. എന്നാൽ ലൂഥർ ഈ ആശയത്തെ തള്ളി. അദ്ദേഹം പറഞ്ഞു: “ആകാശ​മോ നഭസ്സോ സൂര്യ​ച​ന്ദ്ര​ന്മാ​രോ അല്ല, ഭൂമി​യാ​ണു ചുറ്റു​ന്ന​തെന്നു പ്രകട​മാ​ക്കാൻ പാടു​പെട്ട ഒരു പുതു​ജ്യോ​തി​ശ്ശാ​സ്‌ത്ര​ജ്ഞ​നെ​യാണ്‌ ആളുകൾ ശ്രദ്ധി​ക്കു​ന്നത്‌.”—പാശ്ചാത്യ തത്ത്വശാ​സ്‌ത്ര ചരിത്രം (ഇംഗ്ലീഷ്‌).

പരമ്പരാ​ഗത വിശ്വാ​സങ്ങൾ പലപ്പോ​ഴും വസ്‌തു​ത​ക​ളു​മാ​യി, സത്യവു​മാ​യി ഏറ്റുമു​ട്ടി​യി​ട്ടുണ്ട്‌. അതിന്‌ ആളുക​ളെ​ക്കൊ​ണ്ടു ദോഷ​ക​ര​മായ കാര്യ​ങ്ങൾവരെ ചെയ്യി​ക്കാ​നാ​വും.

തീർച്ച​യാ​യും, ഇതിനർഥം പാരമ്പ​ര്യം എല്ലായ്‌പോ​ഴും സത്യവു​മാ​യി ഏറ്റുമു​ട്ടു​ന്നു​വെന്നല്ല. വാസ്‌ത​വ​ത്തിൽ, പൗലോസ്‌ അപ്പോ​സ്‌തലൻ തന്റെ നാളിലെ ക്രിസ്‌ത്യാ​നി​കൾക്കു താൻ കൈമാ​റി​ക്കൊ​ടുത്ത പാരമ്പ​ര്യ​ങ്ങളെ പിൻപ​റ്റി​ക്കൊ​ണ്ടി​രി​ക്കാൻ അവരെ പ്രോ​ത്സാ​ഹി​പ്പി​ക്കു​ക​യു​ണ്ടാ​യി: ‘ഞാൻ നല്‌കിയ പാരമ്പ​ര്യം അതേപടി സംരക്ഷി​ക്കു​ന്ന​തി​നാൽ ഞാൻ നിങ്ങളെ പ്രശം​സി​ക്കു​ന്നു.’—1 കോറി​ന്തോസ്‌ 11:2, പി.ഒ.സി. ബൈബിൾ; 2 തെസ്സ​ലൊ​നീ​ക്യർ 2:15-ഉം 3:16-ഉം കൂടെ കാണുക.

“പാരമ്പ​ര്യം” എന്നതി​നാൽ പൗലോസ്‌ അർഥമാ​ക്കി​യ​തെ​ന്താ​യി​രു​ന്നു? “പാരമ്പ​ര്യം” എന്നതിന്‌ അവൻ ഉപയോ​ഗിച്ച ഗ്രീക്കു പദമായ പരദോ​സിസ്‌ എന്നതിന്റെ അർഥം “വാചി​ക​മാ​യോ ലിഖി​ത​മാ​യോ കൈമാ​റി​ക്കി​ട്ടിയ” എന്തെങ്കി​ലു​മാ​ണെന്നു തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌), 2-ാം വാല്യം 1118-ാം പേജ്‌ പറയുന്നു.a തത്തുല്യ ഇംഗ്ലീഷ്‌ പദമായ “ട്രഡീഷൻ” എന്നതിന്റെ അർഥം “മാതാ​പി​താ​ക്ക​ളിൽനി​ന്നു കുട്ടി​കൾക്കു കൈമാ​റി​ക്കി​ട്ടിയ വിവര​ങ്ങ​ളോ പഠിപ്പി​ക്ക​ലു​ക​ളോ ആചാര​ങ്ങ​ളോ, അല്ലെങ്കിൽ വ്യവസ്ഥാ​പി​ത​മാ​യി​ത്തീർന്നി​രി​ക്കുന്ന ചിന്താ​രീ​തി​യോ പ്രവർത്ത​ന​രീ​തി​യോ” എന്നാണ്‌. പൗലോസ്‌ കൈമാ​റിയ പാരമ്പ​ര്യ​ങ്ങ​ളു​ടെ ഉറവിടം നല്ലതാ​യി​രു​ന്നു എന്നതി​നാൽ അവയോ​ടു പറ്റിനി​ന്നതു ക്രിസ്‌ത്യാ​നി​കൾക്കു പ്രയോ​ജ​ന​ക​ര​മാ​യി​രു​ന്നു.

എന്നാൽ, പാരമ്പ​ര്യം സത്യമോ വ്യാജ​മോ നല്ലതോ മോശ​മോ ആകാ​മെ​ന്നതു വ്യക്തമാണ്‌. പാരമ്പര്യ വിശ്വാ​സ​ങ്ങളെ ചോദ്യം​ചെ​യ്യാ​നുള്ള പരമാർഥ​ത​യും ധൈര്യ​വും കാട്ടിയ 16-ാം നൂറ്റാ​ണ്ടു​കാ​ര​നായ കോപ്പർനി​ക്ക​സി​നെ​പ്പോ​ലുള്ള ആളുകളെ ബ്രിട്ടീഷ്‌ തത്ത്വചി​ന്ത​ക​നായ ബർട്രൻറ്‌ റസ്സൽ പ്രശം​സി​ക്കു​ന്നു. “പുരാതന നാളു​കൾമു​തൽ വിശ്വ​സി​ച്ചു​പോ​ന്നി​രു​ന്നതു തെറ്റാ​യി​രി​ക്കാം” എന്നൊരു “ചിന്താ​ഗതി” അവർ വളർത്തി​യെ​ടു​ത്തി​രു​ന്നു. പാരമ്പ​ര്യ​ത്തെ അന്ധമായി പിൻപ​റ്റാ​തി​രി​ക്കു​ന്നതു ജ്ഞാനമാ​ണെന്നു നിങ്ങൾക്കും തോന്നു​ന്നു​ണ്ടോ?—മത്തായി 15:1-9, 14 താരത്യം ചെയ്യുക.

അപ്പോൾ മതപര​മായ വിശ്വാ​സ​ങ്ങ​ളു​ടെ​യും ആചാര​രീ​തി​ക​ളു​ടെ​യും കാര്യ​മോ? അവ ശരിയും നിരു​പ​ദ്ര​വ​ക​ര​ങ്ങ​ളു​മാ​ണെന്നു നമുക്കു കണ്ണുമ​ടച്ചു വിശ്വ​സി​ക്കാ​നാ​വു​മോ? നമ്മളെ​ങ്ങനെ അറിയും? മതപാ​ര​മ്പ​ര്യ​ങ്ങൾ വാസ്‌ത​വ​ത്തിൽ സത്യവു​മാ​യി ഏറ്റുമു​ട്ടു​ന്നു​വെന്നു നമ്മൾ മനസ്സി​ലാ​ക്കു​ന്നെ​ങ്കിൽ, നമ്മൾ എന്തു ചെയ്യണം? അടുത്ത ലേഖന​ത്തിൽ ഈ ചോദ്യ​ങ്ങൾ പരി​ശോ​ധി​ക്കു​ന്ന​താ​യി​രി​ക്കും.

[അടിക്കു​റിപ്പ്‌]

[മുഖ ചിത്ര​ത്തി​ന്റെ കടപ്പാട്‌

Cover: Jean-Leon Huens © National Geographic Society

[3-ാം പേജിലെ ചിത്ര​ത്തിന്‌ കടപ്പാട്‌]

Universität Leipzig