പാരമ്പ​ര്യം സത്യവു​മാ​യി ഏറ്റുമു​ട്ടു​മ്പോൾ

അപകടം—വെള്ളം കുടി​ക്കാൻ കൊള്ളില്ല. നമുക്ക്‌ അത്തരം മുന്നറി​യി​പ്പു​കൾ കണ്ടു പരിച​യ​മു​ണ്ടാ​വാം. ഏതു വെള്ളം കുടി​ക്കു​ന്നു എന്നതു സംബന്ധി​ച്ചു പല സ്ഥലങ്ങളി​ലെ​യും ആളുകൾ ശ്രദ്ധയു​ള്ള​വ​രാണ്‌. കാരണം രാസമാ​ലി​ന്യ​ങ്ങ​ളാൽ വിഷലി​പ്‌ത​മാ​ണു ചിലതരം വെള്ള​മെന്ന്‌ അവർക്ക​റി​യാം. അതു​കൊ​ണ്ടു “ദുർമ​ന്ത്ര​വാ​ദി​നി​യു​ടെ മദ്യം” എന്നാണ്‌ അത്തരം വെള്ളം അറിയ​പ്പെ​ടു​ന്ന​തു​തന്നെ. ഈ മലിനീ​ക​ര​ണ​ത്തി​ന്റെ ഫലമായി, “ജീവനെ നിലനിർത്തു​ന്ന​തും സംരക്ഷി​ക്കു​ന്നതു”മായ ജലത്തിനു “രോഗാ​ണു​ക്ക​ളു​ടെ​യും . . . രാസമാ​ലി​ന്യ​ങ്ങ​ളു​ടെ​യും ഒരു വാഹിനി”യായി​ത്തീ​രാ​നാ​വു​മെന്ന്‌ ഒരു പഠനം പറയുന്നു.—ജലമലി​നീ​ക​രണം (ഇംഗ്ലീഷ്‌).

സത്യത്തി​ന്റെ ജലത്തെ മലിനീ​ക​രി​ക്കൽ

സത്യവു​മാ​യി ഏറ്റുമു​ട്ടുന്ന പാരമ്പ​ര്യ​ങ്ങൾ മലിന​ജലം പോ​ലെ​യാണ്‌. തലമു​റ​ത​ല​മു​റ​യാ​യി കൈമാ​റി​ക്കി​ട്ടിയ വിവര​ങ്ങ​ളോ അഭി​പ്രാ​യ​ങ്ങ​ളോ വിശ്വാ​സ​ങ്ങ​ളോ ആചാര​ങ്ങ​ളോ ആയ പാരമ്പ​ര്യ​ങ്ങ​ളിൽ നാം നിഷ്‌ക​ള​ങ്ക​മാ​യി ഉറച്ചു​നി​ന്നേ​ക്കാം. എന്നാൽ വാസ്‌ത​വ​ത്തിൽ അവ വ്യാജ​വും തെറ്റി​ധ​രി​പ്പി​ക്കു​ന്ന​തു​മായ ആശയങ്ങ​ളും തത്ത്വചി​ന്ത​ക​ളു​മെന്ന “ദുർമ​ന്ത്ര​വാ​ദി​നി​യു​ടെ മദ്യ”ത്താൽ മലിന​മാ​യ​വ​യാ​വാം. മലിന​ജലം പോ​ലെ​തന്നെ, ഇവയ്‌ക്കു കണക്കറ്റ ദോഷം വരുത്തി​വെ​ക്കാ​നാ​വും—ആത്മീയ ദോഷം.

നമ്മുടെ പാരമ്പര്യ മതവി​ശ്വാ​സങ്ങൾ ബൈബി​ള​ധി​ഷ്‌ഠി​ത​മാ​ണെന്നു തോന്നി​യാൽപ്പോ​ലും, നാമെ​ല്ലാ​വ​രും ബൈബിൾ ശ്രദ്ധാ​പൂർവം പരി​ശോ​ധി​ക്കാൻ സമയമെടു​ക്കണം. അന്നാളി​ലെ പാരമ്പര്യ വിശ്വാ​സം മുറു​കെ​പ്പി​ടി​ച്ചു​കൊണ്ട്‌ കോപ്പർനി​ക്ക​സി​നെ കുറ്റ​പ്പെ​ടു​ത്തി​യ​പ്പോൾ തനിക്കു ബൈബി​ളി​ന്റെ പിൻബലം ഉണ്ടായി​രു​ന്നു​വെന്ന്‌ മാർട്ടിൻ ലൂഥർ വിശ്വ​സി​ച്ചു​വെന്ന്‌ ഓർക്കുക. എങ്കിലും, ‘സംഗതി​കൾ അങ്ങനെ​ത​ന്നെ​യോ എന്ന്‌ അറിയു​ന്ന​തി​നു​വേണ്ടി അനുദി​നം തിരു​വെ​ഴു​ത്തു​കൾ ശ്രദ്ധാ​പൂർവം പരി​ശോ​ധി​ക്കു​ന്ന​തിൽ കുലീ​ന​മാ​ന​സ്സ​രാ​യി​രുന്ന’ പുരാതന ബെരോ​വ​ക്കാ​രു​ടെ ഉത്തമ മാതൃക പിൻപ​റ്റാൻ ലൂഥർ പരാജ​യ​പ്പെട്ടു.—പ്രവൃ​ത്തി​കൾ 17:10, 11, NW.

പാരമ്പര്യ വിശ്വാ​സ​ങ്ങൾനി​മി​ത്തം യേശു​വി​ന്റെ നാളിലെ ചില യഹൂദ​ന്മാർക്കു നേരിട്ട ദോഷ​ത്തെ​ക്കു​റി​ച്ചു ചിന്തി​ക്കുക. അവർക്കു തങ്ങളുടെ പാരമ്പ​ര്യ​ങ്ങൾ സത്യമാ​ണെന്ന ഒരു അമിത​വി​ശ്വാ​സ​മു​ണ്ടാ​യി​രു​ന്നു. യേശു​വി​ന്റെ ശിഷ്യ​ന്മാർ പാരമ്പ​ര്യ​ങ്ങൾ അനുഷ്‌ഠി​ച്ചി​ല്ലെന്ന പ്രതി​ഷേ​ധ​മു​യർന്ന​പ്പോൾ, യേശു അവരെ ഈ ചോദ്യം​കൊ​ണ്ടു വെല്ലു​വി​ളി​ച്ചു: “നിങ്ങളു​ടെ പാരമ്പ​ര്യ​ത്തി​ന്റെ പേരിൽ നിങ്ങൾ ദൈവ​ത്തി​ന്റെ പ്രമാണം ലംഘി​ക്കു​ന്ന​തെ​ന്തു​കൊണ്ട്‌?” (മത്തായി 15:1-3, പി.ഒ.സി. ബൈബിൾ) എവി​ടെ​യാ​യി​രു​ന്നു തകരാറ്‌? യെശയ്യാ പ്രവാ​ച​കന്റെ ഈ വാക്കുകൾ ഉദ്ധരി​ച്ചു​കൊണ്ട്‌ യേശു പ്രശ്‌നത്തെ തിരി​ച്ച​റി​യി​ച്ചു: “അവർ മാനു​ഷി​ക​നി​യ​മങ്ങൾ പ്രമാ​ണ​ങ്ങ​ളാ​യി പഠിപ്പി​ക്കു​ന്ന​തു​കൊണ്ട്‌ വ്യർത്ഥ​മാ​യി എന്നെ ആരാധി​ക്കു​ന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.)—മത്തായി 15:9, പി.ഒ.സി. ബൈ; യെശയ്യാ​വു 29:13.

അതേ, ദൈവിക സത്യങ്ങ​ളു​ടെ സ്ഥാനത്ത്‌, അവർ മാനു​ഷിക അല്ലെങ്കിൽ അതി​നെ​ക്കാൾ മോശ​മാ​യി, ഭൂതങ്ങ​ളിൽനിന്ന്‌ ഉത്ഭവിച്ച ആശയങ്ങൾ പകരം​വെച്ചു. ഉദാഹ​ര​ണ​ത്തിന്‌, തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) 1-ാം വാല്യം, 506-ാം പേജിൽ ഇങ്ങനെ വിശദീ​ക​രി​ക്കു​ന്നു: “ഒരു വ്യക്തി തന്റെ സമ്പത്ത്‌ ഒരിക്കൽ ‘കൊർബാൻ,’ അതായത്‌ ദൈവ​ത്തി​നു സമർപ്പി​ച്ചി​രി​ക്കുന്ന ഒരു ദാനം എന്നു പ്രഖ്യാ​പി​ച്ചാൽപ്പി​ന്നെ മാതാ​പി​താ​ക്ക​ളു​ടെ ആവശ്യങ്ങൾ എത്ര വലിയ​വ​യാ​യി​രു​ന്നാ​ലും, നിറ​വേ​റ്റാ​നാ​യി അയാൾക്ക്‌ അവ ഉപയോ​ഗി​ക്കാ​നാ​വു​മാ​യി​രു​ന്നില്ല. എന്നാൽ വേണ​മെ​ങ്കിൽ, തന്റെ മരണ​ത്തോ​ളം ആ സമ്പത്തു സ്വന്തം ആവശ്യ​ങ്ങൾക്കാ​യി ഉപയോ​ഗി​ക്കാം എന്ന്‌ അക്കാലത്തു പരീശ​ന്മാർ പഠിപ്പി​ച്ചി​രു​ന്നു.” സത്യത്തി​ന്റെ ജലത്തെ മലിന​മാ​ക്കിയ മാനു​ഷ​ജ്ഞാ​നം യഹൂദ​ന്മാർക്ക്‌ ആത്മീയ​മാ​യി ദോഷം​വ​രു​ത്തി​വെച്ചു. ദീർഘ​നാ​ളാ​യി പ്രത്യാ​ശി​ച്ചി​രുന്ന മിശി​ഹാ​യെ ഭൂരി​പ​ക്ഷം​പേ​രും തള്ളിക്ക​ള​യു​ക​പോ​ലും ചെയ്‌തു.

ക്രൈ​സ്‌ത​വ​ലോ​കം മലിനീ​ക​രണം കൂട്ടുന്നു

യേശു​വി​ന്റെ മരണത്തി​നു​ശേഷം, അതു​പോ​ലുള്ള ആത്മീയ ദോഷം അരങ്ങേറി. അവന്റെ അനുഗാ​മി​കൾ എന്ന്‌ അവകാ​ശ​പ്പെ​ട്ടി​രുന്ന അനേക​രും പുതു​പ​ഠി​പ്പി​ക്ക​ലി​നുള്ള പ്രാമാ​ണി​ക​ത​യ്‌ക്കു വാമൊ​ഴി​യാ​യുള്ള പാരമ്പ​ര്യ​ത്തി​ലേക്കു തിരിഞ്ഞു. മക്ലി​ന്റോ​ക്കി​ന്റെ​യും സ്‌​ട്രോം​ഗി​ന്റെ​യും സൈ​ക്ലോ​പീ​ഡിയ ഓഫ്‌ ബിബ്ലിക്കൽ, തിയ​ളോ​ജി​ക്കൽ, ആൻഡ്‌ എക്ലേസി​യാ​സ്റ്റി​ക്കൽ ലിറ്റ​റേച്ചർ പറയു​ന്ന​പ്ര​കാ​രം “ആദ്യ ക്രിസ്‌തീയ സഭകളി​ലെ അപ്പോ​സ്‌ത​ല​ന്മാ​രു​ടെ വാമൊ​ഴി​യാ​യി ലഭിച്ച്‌, അപ്പോ​സ്‌ത​ലിക യുഗത്തി​ലൂ​ടെ കൈമാ​റി​വന്ന്‌, അവരുടെ കാലം​വരെ ശുദ്ധമാ​യി പരിര​ക്ഷി​ക്ക​പ്പെ​ട്ടു​പോന്ന പ്രബോ​ധന”മായി​രു​ന്നു അത്തരം പാരമ്പ​ര്യ​മെ​ന്നാ​ണു ക്രിസ്‌ത്യാ​നി​ക​ളെന്നു പറയപ്പെട്ട ചിലർ വിശ്വ​സി​ച്ചത്‌.—ചെരി​ച്ചെ​ഴു​ത്തു ഞങ്ങളു​ടേത്‌.

ഈ പാരമ്പ​ര്യ​ങ്ങ​ളിൽ അനേക​വും യഥാർഥ​ത്തിൽ അശുദ്ധ​മായ, തെറ്റായ ആശയങ്ങ​ളാ​യി​രു​ന്നു. ആ സൈ​ക്ലോ​പീ​ഡിയ വിശദീ​ക​രി​ക്കു​ന്ന​തു​പോ​ലെ, ഈ പുതിയ തത്ത്വചി​ന്ത​കൾക്കു “മറ്റു പാരമ്പ​ര്യ​ങ്ങ​ളു​മാ​യി മാത്രമല്ല, അവരു​ടെ​തന്നെ കൈവ​ശ​മു​ണ്ടാ​യി​രുന്ന അപ്പോ​സ്‌ത​ല​ന്മാ​രു​ടെ ലേഖന​ങ്ങ​ളു​മാ​യും വ്യത്യാ​സ​മു​ണ്ടാ​യി​രു​ന്നു.” ഇത്‌ അത്ര അപ്രതീ​ക്ഷി​ത​മാ​യി​രു​ന്നില്ല. കാരണം “ക്രിസ്‌തു​വി​നു യോജി​ക്കാ​ത്ത​തും പ്രപഞ്ച​ത്തി​ന്റെ മൂലഭൂ​ത​ങ്ങൾക്കും മാനു​ഷി​ക​പാ​ര​മ്പ​ര്യ​ത്തി​നും​മാ​ത്രം ചേർന്ന​തു​മായ വ്യർഥ​പ്ര​ലോ​ഭ​ന​ത്തി​നും തത്വചി​ന്ത​യ്‌ക്കും ആരും നിങ്ങളെ ഇരയാ​ക്കാ​തി​രി​ക്കാൻ ശ്രദ്ധി​ക്കണം” എന്നു പൗലോസ്‌ അപ്പോ​സ്‌തലൻ ക്രിസ്‌ത്യാ​നി​കൾക്കു മുന്നറി​യി​പ്പു കൊടു​ത്തി​രു​ന്നു.—കൊ​ളോ​സോസ്‌ 2:8, പി.ഒ.സി. ബൈ.

ഇന്നും, അനേകം പാരമ്പര്യ വിശ്വാ​സ​ങ്ങൾക്കും ‘അപ്പോ​സ്‌ത​ല​ന്മാ​രു​ടെ ലേഖന​ങ്ങ​ളു​മാ​യി​ത്തന്നെ വ്യത്യാ​സ​മുണ്ട്‌.’ ത്രിത്വം, നരകാഗ്നി, മനുഷ്യ​ദേ​ഹി​യു​ടെ അമർത്ത്യത, ദേശീ​യ​വാ​ദം, വിഗ്ര​ഹാ​രാ​ധന എന്നിങ്ങ​നെ​യുള്ള എണ്ണമറ്റ ഭൂതനി​ശ്വസ്‌ത ആശയങ്ങൾകൊ​ണ്ടു ക്രൈ​സ്‌ത​വ​ലോ​കം സത്യത്തി​ന്റെ ജലത്തിൽ വിഷം​ക​ലർത്തി​യി​രി​ക്കു​ക​യാണ്‌.a (1 തിമൊ​ഥെ​യൊസ്‌ 4:1-3) ക്രൈ​സ്‌ത​വ​ലോ​ക​ത്തി​ന്റെ പാരമ്പര്യ പഠിപ്പി​ക്ക​ലു​ക​ളാ​യി​ത്തീർന്നി​രി​ക്കുന്ന ഭൂതപ​ഠി​പ്പി​ക്ക​ലു​കൾക്ക്‌ ഇരയാ​യി​ത്തീർന്ന ആളുകളെ പിടി​കൂ​ടി​യി​രി​ക്കുന്ന ആത്മീയ രോഗ​ത്തി​നു ചരിത്രം സാക്ഷ്യം​പ​റ​യു​ന്നുണ്ട്‌.—യെശയ്യാ​വു 1:4-7 താരത​മ്യം ചെയ്യുക.

വാസ്‌ത​വ​ത്തിൽ, അങ്ങനെ​യുള്ള സത്യത്തി​ന്റെ മലിനീ​ക​രണം മനുഷ്യ​ന്റെ ആരംഭ​കാ​ലം​മു​തലേ ഉണ്ടായി​രു​ന്നു. നുണക​ളാ​ലും ചതിയാ​ലും ആളുക​ളു​ടെ മനസ്സു​കളെ വിഷലി​പ്‌ത​മാ​ക്കുന്ന, സാത്താൻ ഏദെനിൽ തുടങ്ങി​വെച്ച ആ പ്രക്രിയ അവൻ തുടർന്നി​രി​ക്കു​ന്നു. (യോഹ​ന്നാൻ 8:44; 2 കൊരി​ന്ത്യർ 11:3) നോഹ​യു​ടെ നാളിലെ പ്രളയ​ത്തി​നു​ശേഷം, മനുഷ്യ​കു​ടും​ബം ഭൂമി​യി​ലെ​ല്ലാ​യി​ട​ത്തേ​ക്കും വ്യാപി​ച്ച​പ്പോൾ, മനുഷ്യ ജ്ഞാനത്തി​ന്റെ ഉറവുകൾ ഭൂതനി​ശ്വസ്‌ത തത്ത്വശാ​സ്‌ത്ര​ങ്ങ​ളാ​ലും ആശയങ്ങ​ളാ​ലും മനഃപൂർവം വിഷലി​പ്‌ത​മാ​ക്ക​പ്പെട്ടു. അങ്ങനെ എല്ലാ സംസ്‌കാ​ര​ങ്ങ​ളി​ലെ​യും ആളുകൾ അതിന്റെ ഇരകളാ​യി​ത്തീർന്നു.

ആത്മീയ മലിനീ​ക​ര​ണ​ത്തി​ന്റെ ഭവിഷ്യ​ത്തു​കൾ

അത്തരം ആത്മീയ മലിനീ​ക​ര​ണ​ത്തിന്‌ എന്തു ദോഷം വരുത്താ​നാ​വും? മലിന ജലം നമ്മുടെ ശാരീ​രി​കാ​രോ​ഗ്യ​ത്തിൽ വരുത്തുന്ന ദൂഷ്യ​ഫ​ല​ങ്ങ​ളോ​ടു നമുക്ക്‌ അതിനെ താരത​മ്യം ചെയ്യാ​നാ​വും. ഒരു വിദഗ്‌ധൻ ഇതേക്കു​റിച്ച്‌ ഇങ്ങനെ പറയുന്നു: “ത്വക്കിന്റെ മലിന​ജ​ല​സ​മ്പർക്കം ഹേതു​വാ​യു​ണ്ടാ​കുന്ന ഷിസ്റ്റോ​സോ​മിയ രോഗ​ബാ​ധ​യ്‌ക്ക്‌ (ബിൽഹർസിയ) [രക്തക്കു​റവ്‌, അസ്വാ​സ്ഥ്യം, പൊതു​വായ ആരോ​ഗ്യ​ക്കു​റവ്‌ എന്നിവ​യ്‌ക്കും ചില​പ്പോൾ മരണത്തി​നും ഇടയാ​ക്കുന്ന ഒച്ചുപനി] ഇരകളാ​യി​രി​ക്കു​ന്നത്‌ 20 കോടി​യോ​ളം ആളുക​ളാണ്‌. അന്ധതയു​ടെ പ്രധാന കാരണ​ങ്ങ​ളി​ലൊ​ന്നായ ട്രക്കോമ അമ്പതു കോടി ആളുകൾക്കാ​ണു ബാധി​ച്ചി​രി​ക്കു​ന്നത്‌. അഴുക്കു​വെ​ള്ള​ത്തി​ന്റെ ഉപയോ​ഗ​മാ​ണു കാരണം. . . . മനുഷ്യ​വർഗ​ത്തിൽ 200 കോടി​യോ​ളം ആളുകൾക്കും ശുദ്ധമായ കുടി​വെള്ളം ലഭിക്കു​ന്നില്ല.” (ഗ്രഹം, നമ്മുടെ രാജ്യം, ഇംഗ്ലീഷ്‌) വ്യാജ, ഭൂത പഠിപ്പി​ക്ക​ലു​ക​ളാൽ മായം​ക​ലർന്ന പാരമ്പ​ര്യ​ങ്ങൾ പിൻപ​റ്റി​യ​തി​നാൽ കോടി​ക്ക​ണ​ക്കിന്‌ ആളുകൾ ആത്മീയ​മാ​യി ദുർബ​ല​രും അന്ധരു​മാ​ക്ക​പ്പെ​ടു​ക​മാ​ത്രമല്ല, വധിക്ക​പ്പെ​ടു​ക​പോ​ലും ചെയ്‌തി​ട്ടുണ്ട്‌.—1 കൊരി​ന്ത്യർ 10:20, 21; 2 കൊരി​ന്ത്യർ 4:3, 4.

ഉദാഹ​ര​ണ​ത്തിന്‌, യേശു​ക്രി​സ്‌തു​വും അവന്റെ പിതാ​വായ യഹോ​വ​യാം ദൈവ​വും തമ്മിലുള്ള ബന്ധത്തെ സംബന്ധിച്ച്‌ അനേക​രും ആശയക്കു​ഴ​പ്പ​ത്തി​ലാണ്‌, അല്ലെങ്കിൽ അന്ധരാണ്‌. ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽനി​ന്നു ദൈവ​ത്തി​ന്റെ പരിപാ​വന നാമം എടുത്തു​ക​ള​യു​ക​യെ​ന്നതു ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ട്ടി​രുന്ന ചിലർക്കി​ട​യിൽ ഒരു രീതി​യാ​യി​ത്തീർന്നു. ജേർണൽ ഓഫ്‌ ബിബ്ലിക്കൽ ലിറ്റ​റേ​ച്ച​റിൽ ജോർജ്‌ ഹോവാർഡ്‌ പറയുന്നു: “ഈ ചതുര​ക്ഷ​രി​യെ ഇങ്ങനെ നീക്കം​ചെ​യ്‌തത്‌, ഞങ്ങളുടെ അഭി​പ്രാ​യ​ത്തിൽ, ആദിമ വിജാ​തീയ ക്രിസ്‌ത്യാ​നി​ക​ളു​ടെ മനസ്സിൽ ‘കർത്താ​വായ ദൈവ’വും ‘കർത്താ​വായ ക്രിസ്‌തു’വും തമ്മിലുള്ള ബന്ധം സംബന്ധിച്ച്‌ ഒരു ആശയക്കു​ഴപ്പം സൃഷ്ടിച്ചു.”

മനുഷ്യ​ദേ​ഹി അമർത്ത്യ​മാ​ണെന്ന തിരു​വെ​ഴു​ത്തു​വി​രു​ദ്ധ​മായ പാരമ്പ​ര്യം വരുത്തി​വെച്ച ആശയക്കു​ഴപ്പം, അന്ധവി​ശ്വാ​സം, ഭയം എന്നിവ​യെ​ക്കു​റി​ച്ചു ചിന്തി​ക്കുക. (സഭാ​പ്ര​സം​ഗി 9:5-ഉം യെഹെ​സ്‌കേൽ 18:4-ഉം താരത​മ്യം ചെയ്യുക.) എത്ര​യെത്ര ആളുക​ളാ​ണു പൂർവിക ആരാധ​ന​യു​ടെ ബന്ധനത്തിൽ അല്ലെങ്കിൽ മരിച്ച​യാ​ളു​കൾ തങ്ങളെ ഉപദ്ര​വി​ക്കാൻ തിരി​ച്ചു​വ​രു​മെന്ന ഭയത്തിൽ കഴിയു​ന്നത്‌? ഈ വിശ്വാ​സം​നി​മി​ത്തം ആത്മഹത്യ ചെയ്യാ​നും മറ്റുള്ള​വരെ കൊല്ലാ​നും ആളുകൾ പ്രേരി​ത​രാ​യി​ട്ടുണ്ട്‌.

മരണത്തിൽ വേർപെ​ട്ടു​പോ​കുന്ന ആത്മാക്കൾ പരലോ​ക​ത്തു​വെച്ചു സന്ധിക്കു​മെന്ന്‌ അനേകം ജപ്പാൻകാ​രും വിശ്വ​സി​ക്കു​ന്നു. അതു​കൊണ്ട്‌, ആത്മഹത്യ ചെയ്യുന്ന ചില മാതാ​പി​താ​ക്കൾ തങ്ങളുടെ കുട്ടി​ക​ളെ​ക്കൂ​ടി കൊല്ലു​ന്നത്‌ ഏറ്റവും നല്ല കാര്യ​മാ​യി കരുതു​ന്നു. ജപ്പാൻകാ​രു​ടെ ചിന്താ​രീ​തി​ക​ളെ​ക്കു​റി​ച്ചുള്ള ഒരു ഇംഗ്ലീഷ്‌ നിഘണ്ടു (ഇംഗ്ലീഷ്‌) ഇങ്ങനെ വിശദ​മാ​ക്കു​ന്നു: “ജപ്പാനിൽ ആത്മഹത്യ​യെ എല്ലായ്‌പോ​ഴും തെറ്റായി കണക്കാ​ക്കാ​റില്ല, മറിച്ച്‌ . . . ഒരാളു​ടെ ഗൗരവ​മായ തെറ്റിനു പ്രായ​ശ്ചി​ത്തം ചെയ്യാ​നുള്ള സ്വീകാ​ര്യ​മായ ഒരു വിധമാ​യാണ്‌ അതിനെ വീക്ഷി​ക്കു​ന്നത്‌. കുടുംബ ആത്മഹത്യ​കൾപോ​ലും സഹതാ​പ​വാ​ക്കു​ക​ളോ​ടെ​യാ​ണു റിപ്പോർട്ടു ചെയ്യ​പ്പെ​ടു​ന്നത്‌.”

പാരമ്പ​ര്യ​ങ്ങൾ പരി​ശോ​ധി​ക്കു​ക

പാരമ്പര്യ വിശ്വാ​സ​ങ്ങ​ളും ആചാര​ങ്ങ​ളും അന്ധമായി പിൻപ​റ്റു​ന്ന​തിൽ ഉൾപ്പെ​ട്ടി​രി​ക്കുന്ന അപകട​ങ്ങളെ കണക്കി​ലെ​ടുത്ത്‌ നാം എന്തു ചെയ്യേ​ണ്ട​തുണ്ട്‌? ഒന്നാം നൂറ്റാ​ണ്ടി​ന്റെ അവസാ​ന​ത്തോ​ടെ, യോഹ​ന്നാൻ അപ്പോ​സ്‌തലൻ സഹക്രി​സ്‌ത്യാ​നി​കൾക്ക്‌ ഈ ഉപദേശം കൊടു​ത്തു: “കള്ളപ്ര​വാ​ച​ക​ന്മാർ പലരും ലോക​ത്തി​ലേക്കു പുറ​പ്പെ​ട്ടി​രി​ക്ക​യാൽ ഏതു ആത്മാവി​നെ​യും വിശ്വ​സി​ക്കാ​തെ ആത്മാക്കൾ ദൈവ​ത്തിൽനി​ന്നു​ള്ള​വ​യോ [ശുദ്ധജ​ല​മാ​ണോ എന്നു നിങ്ങൾ പരി​ശോ​ധി​ക്കു​ന്ന​തു​പോ​ലെ] എന്നു ശോധന ചെയ്‌വിൻ.” (1 യോഹ​ന്നാൻ 4:1; 1 തെസ്സ​ലൊ​നീ​ക്യർ 5:21-ഉം കാണുക.) ഒരു പാരമ്പ​ര്യം ദോഷ​ക​ര​മാ​ണോ എന്നു നിങ്ങൾ എങ്ങനെ അറിയും? നിങ്ങൾ വിശ്വ​സി​ക്കുന്ന സംഗതി പരി​ശോ​ധി​ച്ചു​നോ​ക്കു​ന്ന​തി​നു നിർമലത സംബന്ധിച്ച്‌ എന്തെങ്കി​ലും പ്രാമാ​ണി​കത, എന്തെങ്കി​ലും നിലവാ​രം നിങ്ങൾക്ക്‌ ആവശ്യ​മാണ്‌.

അത്തര​മൊ​രു പ്രാമാ​ണിക ഗ്രന്ഥമാ​ണു ബൈബിൾ. യേശു​ക്രി​സ്‌തു പ്രസ്‌താ​വി​ച്ചു: “സത്യത്താൽ അവരെ വിശു​ദ്ധീ​ക​രി​ക്കേ​ണമേ; നിന്റെ വചനം സത്യമാ​കു​ന്നു.” (യോഹ​ന്നാൻ 17:17) അവൻ ഇങ്ങനെ​യും പറഞ്ഞി​രു​ന്നു: “സത്യന​മ​സ്‌കാ​രി​കൾ പിതാ​വി​നെ ആത്മാവി​ലും സത്യത്തി​ലും നമസ്‌ക​രി​ക്കുന്ന നാഴിക വരുന്നു; ഇപ്പോൾ വന്നുമി​രി​ക്കു​ന്നു.” (യോഹ​ന്നാൻ 4:23) ദൈവ​ത്തി​ന്റെ നിശ്വ​സ്‌ത​വ​ചനം ഉപയോ​ഗി​ക്കു​മ്പോൾ നിങ്ങൾ സമ്പർക്ക​ത്തി​ലാ​വു​ന്നതു സത്യത്തി​ന്റെ നിർമ​ല​ജ​ല​വു​മാ​യാണ്‌, അല്ലാതെ മനുഷ്യ​ന്റെ​യും ഭൂതങ്ങ​ളു​ടെ​യും തത്ത്വശാ​സ്‌ത്ര​മെന്ന മലിന​ജ​ല​വു​മാ​യല്ല.—യോഹ​ന്നാൻ 8:31, 32; 2 തിമൊ​ഥെ​യൊസ്‌ 3:16.

മാലി​ന്യ​ത്തി​ന്റെ ചെറു​ക​ണി​ക​കൾക്കു​പോ​ലും ഭയങ്കര പ്രത്യാ​ഘാ​തങ്ങൾ ഉളവാ​ക്കാ​നാ​വു​മെന്ന്‌ ഓർക്കുക. ഫലങ്ങൾ കണ്ടുതു​ട​ങ്ങാൻ ചില​പ്പോൾ വർഷങ്ങ​ളെ​ടു​ത്തേ​ക്കാം. “അഴുക്കു​വെള്ളം ലോക​ത്തി​ലെ ഏറ്റവും അപകട​കാ​രി​യായ ഘാതക​നാ​യി​ത്തീർന്നി​രി​ക്കു​ന്നു” എന്നു വേൾഡ്‌ കൺസർവേഷൻ യൂണി​യന്റെ മുൻ പ്രസി​ഡൻറായ ഷ്രീഡാത്ത്‌ റാംഫൽ പറയുന്നു. ഇതിന്റെ ഉപയോ​ഗം​മൂ​ലം ചുരു​ങ്ങി​യത്‌ ഇരുപ​ത്ത​യ്യാ​യി​രം ആളുകൾ പ്രതി​ദി​നം മരിക്കു​ന്നുണ്ട്‌.” അതി​നെ​ക്കാൾ കൂടുതൽ അപകട​ക​ര​മാണ്‌ ആത്മീയ​മാ​യി മലിനീ​കൃ​ത​മായ പാരമ്പ​ര്യ​ങ്ങൾ.

നിങ്ങൾ വർഷങ്ങ​ളാ​യി പിന്തു​ടർന്നി​രി​ക്കാ​വുന്ന പാരമ്പര്യ വിശ്വാ​സങ്ങൾ സത്യവു​മാ​യി ഏറ്റുമു​ട്ടു​ന്ന​പക്ഷം അവയെ വലി​ച്ചെ​റി​ഞ്ഞു സ്വത​ന്ത്ര​രാ​വാൻ നിങ്ങൾക്കു ധൈര്യ​മു​ണ്ടോ? മുന്നറി​യി​പ്പു​കൾ അനുസ​രി​ക്കുക. നിങ്ങളു​ടെ പാരമ്പ​ര്യ​ങ്ങൾ ദൈവ​ത്തി​ന്റെ നിർമല സത്യവ​ച​ന​വു​മാ​യി യോജി​പ്പി​ലാ​ണെന്ന്‌ ഉറപ്പാ​ക്കി​ക്കൊണ്ട്‌ നിങ്ങ​ളെ​യും നിങ്ങളു​ടെ കുടും​ബ​ത്തെ​യും സംരക്ഷി​ക്കുക.—സങ്കീർത്തനം 19:8-11; സദൃശ​വാ​ക്യ​ങ്ങൾ 14:15; പ്രവൃ​ത്തി​കൾ 17:11.

[അടിക്കു​റിപ്പ്‌]

[7-ാം പേജിലെ ചിത്രം]

ദൈവത്തിന്റെ സത്യവ​ചനം നിർമ​ല​വും ശുദ്ധവു​മായ വെള്ളമുള്ള നദി പോ​ലെ​യാണ്‌