വാച്ച്‌ടവർ വിദ്യാ​ഭ്യാ​സ കേന്ദ്രം മിഷന​റി​മാ​രെ അയയ്‌ക്കു​ന്നു

വാച്ച്‌ടവർ ഗിലെ​യാദ്‌ ബൈബിൾ സ്‌കൂൾ അനേകം വ്യത്യസ്‌ത സ്ഥലങ്ങളിൽ ക്ലാസ്സുകൾ നടത്തി​യി​ട്ടുണ്ട്‌. 1943-നും 1960-നും ഇടയിൽ ഐക്യ​നാ​ടു​ക​ളി​ലെ ന്യൂ​യോർക്കിൽ സൗത്ത്‌ ലാൻസി​ങ്ങി​ലുള്ള സൊ​സൈറ്റി കെട്ടി​ട​ങ്ങ​ളിൽ 35 ക്ലാസ്സുകൾ നടത്തി. അങ്ങനെ 95 രാജ്യ​ങ്ങ​ളിൽനി​ന്നുള്ള വിദ്യാർഥി​കൾക്ക്‌ അതുവഴി പ്രത്യേക പരിശീ​ലനം ലഭിച്ചു. പിന്നീട്‌ സ്‌കൂൾ ന്യൂ​യോർക്കി​ലുള്ള ബ്രുക്ലിൻ ലോകാ​സ്ഥാ​ന​ത്തേക്കു മാറ്റി. 28 വർഷ​ത്തോ​ളം അത്‌ അവിടെ പ്രവർത്തി​ച്ചു. 1988 മുതൽ 1995-ന്റെ ആരംഭം​വരെ ഗിലെ​യാദ്‌ സ്‌കൂൾ ന്യൂ​യോർക്കി​ലെ വാൾക്കി​ലിൽ ക്ലാസ്സുകൾ നടത്തി.

ഈ വർഷങ്ങ​ളിൽ സ്‌കൂ​ളി​ന്റെ പ്രവർത്ത​ന​വ്യാ​പ്‌തി വർധി​ക്കു​ക​യു​ണ്ടാ​യി. അതിന്റെ മാർഗ​നിർദേ​ശ​ത്തിൻ കീഴിൽ, പത്ത്‌ ആഴ്‌ചത്തെ ഒരു പഠിപ്പി​ക്കൽ കോഴ്‌സ്‌ ക്രമീ​ക​രി​ക്ക​പ്പെട്ടു. അത്തരം മൂന്നു ക്ലാസ്സുകൾ മെക്‌സി​ക്കോ​യി​ലും അഞ്ചെണ്ണം ജർമനി​യി​ലും രണ്ടെണ്ണം ഇന്ത്യയി​ലും നടത്ത​പ്പെട്ടു. ശുശ്രൂ​ഷാ പരിശീ​ലന സ്‌കൂൾ എന്ന്‌ അറിയ​പ്പെ​ടുന്ന ഒരു ഉപ സ്‌കൂൾ യോഗ്യ​ത​യുള്ള യുവാ​ക്കൾക്ക്‌ എട്ട്‌ ആഴ്‌ചത്തെ ഒരു പ്രത്യേക പരിശീ​ലന പരിപാ​ടി പ്രദാനം ചെയ്‌തു​കൊണ്ട്‌ 1987 മുതൽ 34 രാജ്യ​ങ്ങ​ളിൽ ക്ലാസ്സുകൾ നടത്തി. ന്യൂ​യോർക്കി​ലെ പാറ്റേ​ഴ്‌സ​നിൽ പുതു​താ​യി നിർമിച്ച വാച്ച്‌ടവർ വിദ്യാ​ഭ്യാ​സ കേന്ദ്ര​ത്തിൽ 99-ാമത്തെ ഗിലെ​യാദ്‌ ക്ലാസ്സിനു നൽകപ്പെട്ട പ്രബോ​ധനം ഒരു ഇരുപ​താ​ഴ്‌ചത്തെ പരിപാ​ടി​യാ​യി​രു​ന്നു. മുഴു ബൈബി​ളി​ന്റെ​യും ഒരു സമഗ്ര പഠനം, യഹോ​വ​യു​ടെ സാക്ഷി​ക​ളു​ടെ ആധുനി​ക​നാ​ളി​ലെ ചരി​ത്ര​ത്തെ​യും സംഘാ​ട​ന​ത്തെ​യും കുറി​ച്ചുള്ള ഒരു ചർച്ച, വിദേശ മിഷനറി വേലയെ സംബന്ധി​ച്ചുള്ള വിപു​ല​മായ ബുദ്ധ്യു​പ​ദേശം എന്നിവ ഉൾപ്പെ​ടു​ന്ന​താ​യി​രു​ന്നു ഈ പരിപാ​ടി.

സെപ്‌റ്റം​ബർ 2-നായി​രു​ന്നു 99-ാമത്തെ ക്ലാസ്സിന്റെ ബിരു​ദ​ദാ​നം. വാച്ച്‌ടവർ വിദ്യാ​ഭ്യാ​സ കേന്ദ്ര​ത്തി​ലെ പുതിയ ഓഡി​റ്റോ​റി​യ​ത്തി​ലാ​യി​രു​ന്നു മൂന്നു മണിക്കൂർ നീണ്ട ബിരു​ദ​ദാന പരിപാ​ടി അരങ്ങേ​റി​യത്‌. ആളുക​ളെ​ക്കൊണ്ട്‌ ഓഡി​റ്റോ​റി​യം നിറഞ്ഞു. പാറ്റേ​ഴ്‌സൻ, വാൾക്കിൽ, ബ്രുക്ലിൻ എന്നിവി​ട​ങ്ങ​ളി​ലുള്ള ബെഥേൽഭ​വ​ന​ങ്ങ​ളി​ലെ മറ്റു സദസ്സു​കളെ ഇല​ക്ട്രോ​ണിക്‌ ഉപകര​ണ​ങ്ങ​ളി​ലൂ​ടെ ബന്ധിച്ചി​രു​ന്നു. ക്ലാസ്സിന്റെ ബിരുദം നേടു​ന്ന​വർക്കും അവരുടെ ബന്ധുക്കൾക്കും ഉറ്റ സുഹൃ​ത്തു​ക്കൾക്കും മാത്രമല്ല, ഈ മനോ​ഹ​ര​മായ പുതിയ സ്‌കൂൾ കെട്ടി​ട​ത്തി​ന്റെ നിർമാ​ണ​ത്തിൽ പങ്കെടുത്ത നൂറു​ക​ണ​ക്കി​നു സ്വമേ​ധയാ സേവകർക്കും അത്‌ ആഹ്ലാദ​ദി​ന​മാ​യി​രു​ന്നു.

ആമുഖ പ്രസം​ഗ​ത്തിൽ, അവിടെ സംഭവി​ച്ചു​കൊ​ണ്ടി​രുന്ന സംഗതി​ക​ളു​ടെ പ്രാധാ​ന്യ​ത്തി​ന്മേൽ ശ്രദ്ധ കേന്ദ്രീ​ക​രി​ച്ചു​കൊണ്ട്‌ ഭരണസം​ഘ​ത്തി​ലെ ക്യാരി ബാർബർ പറഞ്ഞു: “ഇതു ഭൂമി​യിൽ ഇതുവരെ നിർവ​ഹി​ക്ക​പ്പെ​ട്ടി​രി​ക്കു​ന്ന​തി​ലേ​ക്കും വലിയ ദിവ്യ​വി​ദ്യാ​ഭ്യാ​സ പ്രവർത്ത​ന​ത്തി​ന്റെ കേന്ദ്ര​മാ​കേ​ണ്ട​താണ്‌.” സ്‌ത്രീ​യു​ടെ സന്തതി​യും സർപ്പത്തി​ന്റെ സന്തതി​യും തമ്മിലുള്ള പോരാ​ട്ട​ത്തി​ന്റെ പാരമ്യ​ത്തെ സമീപി​ക്കു​ക​യാ​ണു നാമെന്ന്‌ അദ്ദേഹം വിശദ​മാ​ക്കി. (ഉല്‌പത്തി 3:15) വരാനി​രി​ക്കുന്ന മഹോ​പ​ദ്ര​വ​ത്തി​ലെ ഭയജന​ക​മായ ഏറ്റുമു​ട്ട​ലി​നെ അതിജീ​വി​ക്കു​ന്നവർ ദൈവ​വ​ചനം സംബന്ധി​ച്ചു സൂക്ഷ്‌മ പരിജ്ഞാ​നം നേടി അതനു​സ​രി​ച്ചു പ്രവർത്തി​ക്കു​ന്നവർ മാത്ര​മാ​യി​രി​ക്കു​മെ​ന്നും അദ്ദേഹം പ്രകട​മാ​ക്കി.

“എല്ലായി​ട​ത്തു​മുള്ള യഹോ​വ​യു​ടെ ജനത്തെ സദൃശ​വാ​ക്യ​ങ്ങൾ 1:1-4-ൽ വർണി​ച്ചി​രി​ക്കുന്ന, അതായത്‌ ജ്ഞാനവും ശിക്ഷണ​വും അറിയൽ, ഗ്രാഹ്യം വിവേ​ചിച്ച്‌ അറിയാ​നുള്ള പ്രാപ്‌തി​യു​ണ്ടാ​യി​രി​ക്കൽ, ഉൾക്കാ​ഴ്‌ച​യും നീതി​യും ന്യായ​നിർണ​യ​വും പരമാർഥ​ത​യും ചിന്താ​പ്രാ​പ്‌തി​യും നൽകുന്ന ശിക്ഷണം സ്വീക​രി​ക്കൽ എന്നിവ​യുൾക്കൊ​ള്ളുന്ന, ഉത്തമ പക്വതാ​വ​സ്ഥ​യി​ലേക്കു കൊണ്ടു​വ​രാൻ രൂപകൽപ്പന ചെയ്‌തി​രി​ക്കു​ന്ന​താണ്‌ “നമ്മുടെ ഇപ്പോ​ഴത്തെ വിദ്യാ​ഭ്യാ​സ പരിപാ​ടി,” അദ്ദേഹം പ്രഖ്യാ​പി​ച്ചു. അത്തരം ആത്മീയ കരുത​ലു​കൾ ഉണ്ടായി​രി​ക്കു​ന്നത്‌ എന്തൊരു സുരക്ഷ​യാണ്‌!

ബിരുദം നേടുന്ന ക്ലാസ്സി​നുള്ള ബുദ്ധ്യു​പ​ദേ​ശം

ആ പ്രാരംഭ പരാമർശ​ങ്ങൾക്കു​ശേഷം പിന്നീടു നടന്നത്‌ ബിരുദം നേടുന്ന ക്ലാസ്സി​നുള്ള അഞ്ചു ഹ്രസ്വ പ്രസം​ഗ​ങ്ങ​ളു​ടെ ഒരു പരമ്പര​യാ​യി​രു​ന്നു. ഒരു മുൻ ഗിലെ​യാദ്‌ അധ്യാ​പ​ക​നും ഇപ്പോൾ ബ്രുക്ലിൻ ആസ്ഥാന​യം​ഗ​വു​മായ ഹരോൾഡ്‌ ജാക്‌സന്റെ വിഷയം ക്ലാസ്സിനെ ഉദ്‌ബോ​ധി​പ്പി​ക്കു​ന്ന​താ​യി​രു​ന്നു, “ദൈവിക സംതൃ​പ്‌തി​യിൽ ഉറച്ചു​നിൽക്കുക.” ഒരു ദീർഘ​കാല മിഷന​റി​യും ഇപ്പോൾ ഭരണസം​ഘ​ത്തി​ലെ ഒരംഗ​വു​മായ ലോയ്‌ഡ്‌ ബാരി “താഴ്‌മ​യോ​ടെ യഹോ​വയെ സേവിക്കൽ” എന്ന വിഷയ​ത്തെ​ക്കു​റി​ച്ചു പ്രസം​ഗി​ച്ചു. പുതിയ സാഹച​ര്യ​ങ്ങ​ളു​മാ​യി പൊരു​ത്ത​പ്പെ​ട്ടു​പോ​കു​ന്ന​തി​നും, പിന്നെ സഹമി​ഷ​ന​റി​മാ​രോ​ടും തങ്ങൾ സേവി​ക്കുന്ന സഭയോ​ടും പ്രദേ​ശത്തെ ആളുകളോടുമുള്ള ബന്ധങ്ങളി​ലും ഈ ഗുണം പ്രധാ​ന​മാ​ണെന്ന്‌ അദ്ദേഹം വിശദ​മാ​ക്കി.

ഇപ്പോൾ ഗിലെ​യാദ്‌ അധ്യാ​പ​ക​നാ​യി സേവി​ക്കുന്ന കാൾ ആഡംസ്‌ “വിശ്വാ​സം നിങ്ങളെ എന്തു ചെയ്യു​ന്ന​തി​ലേക്കു നയിക്കും?” എന്ന ചോദ്യം സയുക്തി​കം കൈകാ​ര്യം ചെയ്‌തു. മരുഭൂ​മി​യി​ലെ അവസ്ഥക​ളെ​ക്കു​റി​ച്ചു പരാതി​പ്പെ​ടു​ക​യും ഈജി​പ്‌തി​ലേക്കു തിരി​ച്ചു​പോ​കാൻ ആഗ്രഹി​ക്കു​ക​യും ചെയ്‌ത ആ ഇസ്രാ​യേ​ല്യ​രെ​പ്പോ​ലെ ആകാതി​രി​ക്കാ​നും, മറിച്ച്‌ കൽദയ​രു​ടെ ഊർദേ​ശ​ത്തി​ലേക്കു തിരിച്ചു പോകാ​തെ, പ്രശ്‌ന​ങ്ങൾക്കു പരിഹാ​ര​മാ​യി ദൈവ​രാ​ജ്യ​ത്തി​ലേക്കു നോക്കിയ അബ്രഹാ​മി​നെ​പ്പോ​ലെ​യാ​കാ​നും അദ്ദേഹം അവരെ പ്രോ​ത്സാ​ഹി​പ്പി​ച്ചു. (പുറപ്പാ​ടു 16:2, 3; എബ്രായർ 11:10, 15, 16) ബിരു​ദം​നേ​ടുന്ന ക്ലാസ്സി​നുള്ള അനുശാ​സനം കൊടു​ക്കാൻ രജിസ്‌ട്രാ​റായ യുലി​സസ്സ്‌ ഗ്ലാസ്സ്‌ സങ്കീർത്തനം 73-ൽ രേഖ​പ്പെ​ടു​ത്തി​യി​രി​ക്കു​ന്ന​പ്ര​കാ​ര​മുള്ള ആസാഫി​ന്റെ അനുഭവം എടുത്തു​കാ​ട്ടി. “നിങ്ങളു​ടെ അനു​ഗ്ര​ഹങ്ങൾ എണ്ണി​നോ​ക്കു​വിൻ” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. “യഹോവ കരുതു​ന്നു” എന്ന വിഷയ​ത്തെ​ക്കു​റി​ച്ചാ​യി​രു​ന്നു ഭരണസം​ഘ​ത്തിൽനി​ന്നുള്ള ടീച്ചിങ്‌ കമ്മിറ്റി​യം​ഗ​മായ ആൽബർട്ട്‌ ഷ്രോഡർ പ്രസം​ഗി​ച്ചത്‌. അത്തരം കരുത​ലി​ന്റെ തെളി​വാ​യി അദ്ദേഹം ഗിലെ​യാദ്‌ സ്‌കൂ​ളി​നെ​ത്ത​ന്നെ​യും പ്രസംഗ-ശിഷ്യ​രാ​ക്കൽ എന്ന ബൃഹത്‌വേ​ല​യിൽ അതിനുള്ള പങ്കി​നെ​യും ചൂണ്ടി​ക്കാ​ട്ടി.

പിന്നീട്‌, “പരസ്‌പരം ബന്ധപ്പെ​ട്ടി​രി​ക്കുന്ന അംഗങ്ങൾ” എന്ന വിഷയ​ത്തെ​ക്കു​റിച്ച്‌ വാച്ച്‌ടവർ സൊ​സൈ​റ്റി​യു​ടെ പ്രസി​ഡൻറായ മിൽട്ടൻ ഹെൻഷൽ പ്രസം​ഗി​ച്ച​പ്പോൾ സദസ്സ്‌ അതിനു സൂക്ഷ്‌മ ശ്രദ്ധനൽകി. അദ്ദേഹം റോമർ 12-ാം അധ്യായം വായിച്ച്‌ വളരെ​യ​ധി​കം വിശദാം​ശ​ങ്ങ​ളോ​ടെ പരാമർശങ്ങൾ നടത്തി. മറ്റു സംഗതി​ക​ളു​ടെ കൂട്ടത്തിൽ അദ്ദേഹം പറഞ്ഞു: “സഭയിലെ നമ്മുടെ സഹദാ​സ​രു​മാ​യി നമുക്കു വളരെ അടുത്ത ബന്ധമാ​ണു​ള്ള​തെന്നു നാം പരിഗ​ണി​ക്കേ​ണ്ട​തുണ്ട്‌.” പിന്നെ അദ്ദേഹം ഇങ്ങനെ കൂട്ടി​ച്ചേർത്തു: “ഓരോ​രു​ത്ത​രും മറ്റൊ​രാ​ളെ യഹോ​വ​യു​ടെ സ്വത്തായി കരുതു​ന്നത്‌ എല്ലായ്‌പോ​ഴും നല്ലതാണ്‌. വിമർശന മനോ​ഭാ​വ​വും കുറ്റം കണ്ടെത്ത​ലും വെടിഞ്ഞ്‌ നമുക്ക്‌ എല്ലായ്‌പോ​ഴും സഹായി​ക്കു​ന്ന​വ​രാ​യി​രി​ക്കാം. ക്രിസ്‌തീയ സഭയുടെ ആത്മീയ ഐക്യം കാത്തു​സൂ​ക്ഷി​ക്കു​മ്പോൾ നാം നമ്മെത്തന്നെ സഹായി​ക്കു​ന്നു.” മിഷനറി ഭവനങ്ങ​ളിൽ ഭക്ഷണം പാകം ചെയ്യു​മ്പോൾ, സകലർക്കും ഒരേ ഭക്ഷണം​തന്നെ കഴിക്കാൻ സാധി​ക്കി​ല്ലാ​യി​രി​ക്കും എന്ന വസ്‌തുത കണക്കി​ലെ​ടു​ത്തു​കൊണ്ട്‌, അത്തരം സഹായ​മ​നോ​ഭാ​വം കാട്ടാ​വു​ന്ന​തെ​ങ്ങ​നെ​യെന്ന്‌ അദ്ദേഹം പ്രകട​മാ​ക്കി. ദരി​ദ്ര​രായ സഹക്രി​സ്‌ത്യാ​നി​ക​ളോ​ടൊ​പ്പം വയൽസേ​വ​ന​ത്തിൽ പങ്കുപ​റ്റു​മ്പോൾ വിമർശ​ന​മ​നോ​ഭാ​വമല്ല, സഹായ​മ​നോ​ഭാ​വ​മാണ്‌ ഉണ്ടായി​രി​ക്കേ​ണ്ടത്‌ എന്നും അദ്ദേഹം പ്രോ​ത്സാ​ഹി​പ്പി​ച്ചു. നാം യഥാർഥ​മാ​യും പരസ്‌പരം സഹായി​ക്കു​ന്ന​വ​രും കെട്ടു​പ​ണി​ചെ​യ്യു​ന്ന​വ​രും പ്രോ​ത്സാ​ഹി​പ്പി​ക്കു​ന്ന​വ​രു​മാ​ണെ​ങ്കിൽ, “ഇതുനി​മി​ത്തം യഹോവ നമ്മെ സ്‌നേ​ഹി​ക്കും” എന്ന്‌ ഹെൻഷൽ സഹോ​ദരൻ ചൂണ്ടി​ക്കാ​ട്ടി. തങ്ങൾ വിട്ടു​പോ​കുന്ന സ്ഥലങ്ങളിൽനിന്ന്‌ തികച്ചും വ്യത്യ​സ്‌ത​മായ രാജ്യ​ങ്ങ​ളിൽ സേവി​ക്കാൻപോ​കുന്ന മിഷന​റി​മാർക്ക്‌ എന്തൊരു ഉത്‌കൃ​ഷ്ട​മായ അനുശാ​സനം!

ക്ലാസ്സിനെ അടുത്ത​റി​യൽ

99-ാമത്തെ ക്ലാസ്സിലെ 48 വിദ്യാർഥി​കൾ ശരാശരി 32 വയസ്സ്‌ പ്രായ​മു​ള്ള​വ​രും ഇതി​നോ​ടകം 11 വർഷത്തി​ല​ധി​കം മുഴു​സമയ ശുശ്രൂ​ഷ​യിൽ അർപ്പി​ച്ചി​ട്ടു​ള്ള​വ​രു​മാണ്‌.

ബിരു​ദ​ദാ​ന പരിപാ​ടി​യു​ടെ ഭാഗമാ​യി​രുന്ന അഭിമു​ഖ​ങ്ങ​ളി​ലൂ​ടെ അവരിൽ ഏതാനും പേരെ അടുത്ത​റി​യു​ന്ന​തി​നുള്ള അവസരം സദസ്സിനു ലഭിച്ചു. ഐക്യ​നാ​ടു​ക​ളിൽനി​ന്നുള്ള നിക്കി ലീബിൾ, ഇംഗ്ലണ്ടിൽനി​ന്നുള്ള സൈമൻ ബോൾട്ടൻ എന്നിവർ യഹോവ തങ്ങളുടെ ഭൗതി​കാ​വ​ശ്യ​ങ്ങൾ നിറ​വേ​റ്റു​മെന്ന വിശ്വാ​സ​ത്തി​നു പരി​ശോ​ധ​ന​യാ​യി​ത്തീർന്ന സംഭവങ്ങൾ വിവരി​ച്ചു. മുഴു​സമയ ശുശ്രൂഷ ഒന്നാം സ്ഥാനത്തു വെച്ചി​രുന്ന അവർ യഹോ​വ​യു​ടെ പരിപാ​ലനം രുചി​ച്ച​റി​ഞ്ഞ​വ​രാ​യി​രു​ന്നു.

തന്റെ രാജ്യത്ത്‌ അറബി സംസാ​രി​ക്കുന്ന ആളുക​ളോ​ടു സാക്ഷീ​ക​രി​ക്കു​ന്ന​തി​നു താൻ അറബി പഠിച്ചു​വെന്ന്‌ ഫ്രഞ്ച്‌ സംസാ​ര​ഭാ​ഷ​യായ രാജ്യ​ത്തു​നി​ന്നു വരുന്ന ഈസബെൽ കാസാൻ പറഞ്ഞു. 1987-ൽ അവർ അതിനു തുടക്കം​കു​റി​ച്ച​പ്പോൾ, പാരീ​സിൽ ഒരു ചെറു​കൂ​ട്ടം മാത്രമേ ഉണ്ടായി​രു​ന്നു​ള്ളൂ, അതായത്‌ ഈ സഹോ​ദ​രി​യെ​ക്കൂ​ടാ​തെ ആ ഭാഷ പഠിച്ചു​കൊ​ണ്ടി​രി​ക്കു​ക​യാ​യി​രുന്ന വേറൊ​രു സഹോ​ദ​രി​യും അറബി സംസാ​രി​ക്കുന്ന നാലു സഹോ​ദ​ര​ന്മാ​രും മാത്രം. (അത്‌ എളുപ്പ​മാ​യി​രു​ന്നില്ല. ഉത്തരം പറയാൻ പാകത്തിൽ വീക്ഷാ​ഗോ​പു​ര​ത്തി​ന്റെ പഠനഭാ​ഗം തയ്യാറാ​കാൻ അവർ ഓരോ ആഴ്‌ച​യും എട്ടു മണിക്കൂർ ചെലവി​ടു​മാ​യി​രു​ന്നു.) ആ ശ്രമത്തി​നു തക്ക പ്രതി​ഫ​ല​മു​ണ്ടാ​യോ? കൊള്ളാം, അറബി സംസാ​രി​ക്കുന്ന സാക്ഷികൾ ഇന്ന്‌ അഞ്ചു സർക്കി​ട്ടു​ക​ളി​ലാ​യി ഫ്രാൻസി​ലു​ട​നീ​ളം സംഘടി​പ്പി​ക്ക​പ്പെ​ട്ടി​രി​ക്കു​ക​യാണ്‌. തന്റെ രാജ്യ​മായ ഫിൻലൻഡി​ലുള്ള ആഫ്രിക്കൻ അഭയാർഥി​ക​ളോ​ടു പ്രസം​ഗി​ക്കാൻ താൻ സ്‌കൂ​ളിൽവെച്ചു പഠിച്ച ഫ്രഞ്ച്‌ ഭാഷ തന്നെ എങ്ങനെ പ്രാപ്‌ത​നാ​ക്കി​യെ​ന്നും, കൂടാതെ ബെനി​നി​ലെ തന്റെ മിഷനറി നിയമ​ന​ത്തിൽ അത്‌ എങ്ങനെ പ്രയോ​ജ​ന​പ്പെ​ടു​മെ​ന്നും മറ്റൊരു വിദ്യാർഥി​യായ മീക്കോ പുരോ പറഞ്ഞു. കാനഡ​യി​ലെ ക്യൂബ​ക്കിൽ ഫലപ്ര​ദ​മാ​യി സേവി​ക്കു​ന്ന​തി​നു ഫ്രഞ്ച്‌ ഒഴു​ക്കോ​ടെ സംസാ​രി​ക്കാൻ താൻ എത്ര പാടു​പെ​ട്ടു​വെന്ന്‌ ബോണി ബോസ്‌ വിവരി​ച്ചു. ഫെറോ ദ്വീപു​ക​ളിൽ സേവിച്ച വർഷങ്ങ​ളിൽ തനിക്കും ഭാര്യ​ക്കും ഉണ്ടായ അനുഭ​വങ്ങൾ ഡെൻമാർക്കിൽനി​ന്നുള്ള ബ്യാർക്കി രാസ്‌മു​സൻ വിവരി​ച്ചു. അതേ, ഈ പുതിയ മിഷന​റി​മാർ നല്ല അനുഭ​വ​പ​രി​ച​യ​മുള്ള മുഴു​സമയ ശുശ്രൂ​ഷ​ക​രാണ്‌.

ആഫ്രിക്ക, മധ്യ അമേരിക്ക, ദക്ഷിണ അമേരിക്ക, പൂർവ യൂറോപ്പ്‌, പൂർവ​ദേശം എന്നിവി​ട​ങ്ങ​ളി​ലുള്ള 19 രാജ്യ​ങ്ങ​ളി​ലേ​ക്കാ​ണു ബിരു​ദ​ധാ​രി​കൾക്കു നിയമനം ലഭിച്ചി​രി​ക്കു​ന്നത്‌. മുൻ ക്ലാസ്സു​ക​ളിൽനി​ന്നുള്ള ബിരു​ദ​ധാ​രി​കൾ ഇതി​നോ​ടകം 200-ലധികം രാജ്യ​ങ്ങ​ളിൽ സേവി​ച്ചി​ട്ടുണ്ട്‌. ആ ബിരു​ദ​ധാ​രി​ക​ളിൽ അനേക​രും ഇപ്പോ​ഴും തങ്ങളുടെ നിയമ​ന​ങ്ങ​ളിൽ തിര​ക്കോ​ടെ ഏർപ്പെ​ട്ടി​രി​ക്കു​ക​യാണ്‌. ഭൂമി​യു​ടെ അറ്റത്തോ​ളം രാജ്യ​സാ​ക്ഷ്യം ഇനിയും വ്യാപി​പ്പി​ക്കു​ന്ന​തിൽ ഈ പുതിയ മിഷന​റി​മാർ ഇപ്പോൾ അവരോ​ടൊ​പ്പം ചേരു​ക​യാണ്‌.—പ്രവൃ​ത്തി​കൾ 1:8.

[25-ാം പേജിലെ ചിത്രങ്ങൾ]

വാച്ച്‌ടവർ വിദ്യാ​ഭ്യാ​സ കേന്ദ്ര​ത്തി​ലെ ക്ലാസ്സു​മു​റി രംഗങ്ങൾ

[26-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 99-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ഹെഫി എസ്‌.; റൈലി ഇ.; മോർട്ടെൻസൻ ഡി.; ഒനബിൾ എ.; ബോൾട്ടൻ ജെ.; പൂൾ ജെ.; സീമസ്‌ ജി.; സോസ എൽ. (2) പഷ്‌നി​റ്റ്‌സ്‌കി ബി.; ഷെപേർഡ്‌ ഡി.; പഷ്‌നി​റ്റ്‌സ്‌കി ഡബ്ലിയു.; യാർവി​നൻ ജെ.; പോൾസൻ കെ.; രാസ്‌മസൻ ഇ.; ഷ്വേവാ സി.; ഒൾസൻ എൽ. (3) പോൾസൻ ഇ.; സാംസൽ റ്റി.; ബോസ്‌ ബി.; ഹാരിസ്‌ ഇ.; കാസൻ ഐ.; ലീബിൾ എൻ.; സോസ പി.; പുരോ ജെ. (4) ലാഗർ കെ.; ലാഗർ വി.; ഗോൾഡൻ കെ.; ബോൾട്ടൻ എസ്‌.; ജോൺസൻ എം.; ജോൺസൻ എസ്‌.; ലീബിൾ എ.; രാസ്‌മസൻ ബി. (5) ഹാരിസ്‌ ഡി.; സാംസൽ ഡബ്ലിയു.; ഷ്വേവാ ഒ.; ഹെഫി ആർ.; കാസൻ എൽ.; റൈലി റ്റി.; യാർവി​നൻ ഒ.; പുരോ എം. (6) മോർട്ടെൻസൻ ഡി.; ഗോൾഡൻ ആർ.; ഒനബിൾ എൽ.; ഷെപേർഡ്‌ എം.; ബോസ്‌ ആർ.; സീമസ്‌ റ്റി.; പൂൾ ഇ.; ഒൾസൻ ജെ.

[27-ാം പേജിലെ ചിത്രങ്ങൾ]

ഇപ്പോഴും തങ്ങളുടെ നിയമ​ന​ങ്ങ​ളിൽ: (ഇടത്ത്‌) യഥാ​ക്രമം ഒന്നാമ​ത്തെ​യും ആറാമ​ത്തെ​യും ഗിലെ​യാദ്‌ ക്ലാസ്സ്‌ ബിരു​ദ​ധാ​രി​ക​ളായ ചാൾസ്‌ ലീത്‌കോ​യും ഭാര്യ ഫേർനും, ബ്രസീ​ലിൽ; (താഴെ) ഏഴാമത്തെ ഗിലെ​യാദ്‌ ക്ലാസ്സ്‌ ബിരു​ദ​ധാ​രി മാർത്താ ഹെസ്സ്‌, ജപ്പാനിൽ