“എവിടു​ന്നാ ഇതി​നൊ​ക്കെ​യുള്ള പണം?”

വാച്ച്‌ ടവർ സൊ​സൈറ്റി നിർമിച്ച “യഹോ​വ​യു​ടെ സാക്ഷികൾ—ആ പേരിനു പിമ്പിലെ സ്ഥാപനം” എന്ന വീഡി​യോ കണ്ടവരിൽ അതു മതിപ്പു​ള​വാ​ക്കി. വ്യത്യസ്‌ത ജാതി​ക​ളിൽനി​ന്നും പശ്ചാത്ത​ല​ങ്ങ​ളിൽനി​ന്നു​മുള്ള അരോ​ഗ​ദൃ​ഢ​ഗാ​ത്ര​രായ സ്‌ത്രീ​പു​രു​ഷ​ന്മാർ മന്ദസ്‌മി​തം​തൂ​കി ഒരുമ​യോ​ടെ ഒന്നിച്ചു ജോലി​ചെ​യ്യു​ന്നത്‌ അവർ അതിൽ കാണുന്നു. സന്തുഷ്ട​രായ ആയിര​ക്ക​ണ​ക്കി​നു ജോലി​ക്കാർ മാത്രമല്ല, ന്യൂ​യോർക്കിൽ സൊ​സൈ​റ്റി​യു​ടെ ബ്രുക്ലിൻ ആസ്ഥാന​ങ്ങ​ളി​ലെ​യും വാൾക്കിൽ ഫാമു​ക​ളി​ലെ​യും കൂറ്റൻ കെട്ടി​ട​സ​മു​ച്ച​യ​ങ്ങ​ളും അവരുടെ ശ്രദ്ധ പിടി​ച്ചു​പ​റ്റു​ന്നു. ഈ കെട്ടി​ട​ങ്ങ​ളിൽ, മാസം​തോ​റും അനേക ലക്ഷക്കണ​ക്കി​നു പ്രസി​ദ്ധീ​ക​ര​ണങ്ങൾ ഉത്‌പാ​ദി​പ്പി​ക്കുന്ന, അതിശീ​ഘ്രം അച്ചടി​യും ബൈൻഡി​ങ്ങും നിർവ​ഹി​ക്കുന്ന യന്ത്രങ്ങ​ളി​ലും കമ്പ്യൂട്ടർ ഉപകര​ണ​ങ്ങ​ളു​ടെ വൻശേ​ഖ​ര​ങ്ങ​ളി​ലും ഇവയെ പിന്തു​ണ​യ്‌ക്കുന്ന മറ്റു സേവന​വി​ഭാ​ഗ​ങ്ങ​ളി​ലു​മെ​ല്ലാം ഉൾക്കൊ​ണ്ടി​രി​ക്കുന്ന അതിനൂ​തന സാങ്കേ​തി​ക​വി​ദ്യ ഈ വീഡി​യോ​യി​ലൂ​ടെ ദൃശ്യ​മാണ്‌.

ഇതു വിഭവ​ങ്ങ​ളു​ടെ ഒരു വൻമു​ട​ക്കു​മു​ത​ലി​നെ വിളി​ച്ച​റി​യി​ക്കു​ന്നു. അതു​കൊണ്ട്‌ ചിലർ ചോദി​ക്കാ​റുണ്ട്‌, “എവിടു​ന്നാ ഇതി​നൊ​ക്കെ​യുള്ള പണം?”

സൊ​സൈ​റ്റി​യു​ടെ ലോക ആസ്ഥാന​ത്തേക്കു വരുന്ന സന്ദർശ​ക​രി​ലും സമാന​മായ മതിപ്പു​ള​വാ​കു​ന്നു. അവിടെ ജോലി​ചെ​യ്യുന്ന 3,000-ത്തിലധി​കം വരുന്ന സ്വമേ​ധ​യാ​ശു​ഷ്രൂ​ഷ​കരെ താമസി​പ്പി​ക്കാൻ ഉപയോ​ഗി​ക്കുന്ന പല കെട്ടി​ട​ങ്ങ​ളി​ലൊ​ന്നായ ഒരു പുതിയ 30-നില കെട്ടിടം കാണാ​നാ​യി സന്ദർശകർ എത്തി​നോ​ക്കാ​റുണ്ട്‌. ബ്രുക്ലി​നു 110 കിലോ​മീ​റ്റർ വടക്കുള്ള പുതിയ വാച്ച്‌ടവർ വിദ്യാ​ഭ്യാ​സ കേന്ദ്ര​ത്തിൽ സന്ദർശ​ന​ത്തി​നു വരുന്ന അനേക​രും വിസ്‌മ​യം​കൊ​ള്ളാ​റുണ്ട്‌. ഇപ്പോ​ഴും പണി നടന്നു​കൊ​ണ്ടി​രി​ക്കു​ക​യാ​ണെ​ങ്കി​ലും, 1,200-ഓളം പേർ അതിൽ താമസി​ക്കു​ന്നുണ്ട്‌. വർഷം​തോ​റും മിഷന​റി​മാർക്കുള്ള രണ്ടു ക്ലാസ്സുകൾ നടത്തി വിദേ​ശ​നി​യ​മനം നൽകി അയയ്‌ക്കു​ന്നത്‌ അവി​ടെ​നി​ന്നാണ്‌. ഐക്യ​നാ​ടു​ക​ളി​ലുള്ള യഹോ​വ​യു​ടെ സാക്ഷി​ക​ളു​ടെ 10,000-ത്തിലധി​കം വരുന്ന സഭകൾക്കുള്ള നിർദേ​ശങ്ങൾ നൽകു​ന്ന​തും അവി​ടെ​നി​ന്നു​തന്നെ. ലോക​മെ​മ്പാ​ടു​മുള്ള അനേകം ബ്രാഞ്ചു​ക​ളും ഈയിടെ തങ്ങളുടെ സൗകര്യ​ങ്ങൾ വികസി​പ്പി​ച്ചി​ട്ടുണ്ട്‌, അല്ലെങ്കിൽ അങ്ങനെ ചെയ്യുന്ന പ്രക്രി​യ​യി​ലാണ്‌. ഈ പ്രവർത്ത​ന​ങ്ങ​ളെ​ല്ലാം നിർവ​ഹി​ക്കു​ന്ന​തി​നു നല്ലൊരു സംഖ്യ പണം ആവശ്യ​മാണ്‌. അതിനാൽ ആളുകൾ ചോദി​ക്കു​ന്നു, “എവിടു​ന്നാ ഇതി​നൊ​ക്കെ​യുള്ള പണം?”

ഉത്തരം ഇതാണ്‌, പണം വരുന്നത്‌ നമ്മിൽ ഓരോ​രു​ത്ത​രെ​യും പോലുള്ള സാധാരണ വ്യക്തി​ക​ളിൽനി​ന്നാണ്‌. പ്രസംഗ-പഠിപ്പി​ക്കൽവേല എന്ന ജീവത്‌പ്ര​ധാ​ന​മായ ക്രിസ്‌തീ​യ​വേ​ലയെ ഉന്നമി​പ്പി​ക്കാൻ തങ്ങളാ​ലാ​വുന്ന സകലതും ചെയ്യാൻ ആഗ്രഹി​ക്കുന്ന ലോക​മെ​മ്പാ​ടു​മുള്ള വ്യക്തി​ക​ളാ​ണവർ. സ്‌നേ​ഹ​ത്താൽ പ്രചോ​ദി​ത​മായ ഹൃദയ​മു​ള്ളവർ. മനസ്സൊ​രു​ക്ക​ത്തി​ന്റേ​തായ അത്തരം മനോ​ഭാ​വം പണ്ടും ഉണ്ടായി​രു​ന്നു.

പുരാതന ഇസ്രാ​യേൽ വെച്ച മാതൃക

3,500 വർഷങ്ങൾക്കു​മുമ്പ്‌, ഔദാ​ര്യ​പൂർവം സംഭാവന നടത്തേ​ണ്ട​തി​ന്റെ ആവശ്യ​മു​യർന്നു. ആരാധ​ന​യിൽ ഉപയോ​ഗി​ക്കേ​ണ്ട​തിന്‌ ഒരു “സമാഗ​മ​ന​കൂ​ടാ​രം” നിർമി​ക്കാൻ യഹോവ മോശ​യോട്‌ ആവശ്യ​പ്പെ​ട്ടി​രു​ന്നു. ദൈവം കൊടുത്ത രൂപസം​വി​ധാ​ന​പ്ര​കാ​രം പണിയ​ണ​മെ​ങ്കിൽ വിലപി​ടി​പ്പുള്ള പല സാധന​ങ്ങ​ളും വേണമാ​യി​രു​ന്നു. യഹോവ ഇപ്രകാ​രം കൽപ്പിച്ചു: “നിങ്ങളു​ടെ ഇടയിൽനി​ന്നു യഹോ​വെക്കു ഒരു വഴിപാ​ടു [“സംഭാവന,” NW] എടുപ്പിൻ. നല്ല മനസ്സു​ള്ള​വ​നെ​ല്ലാം യഹോ​വെക്കു വഴിപാ​ടു കൊണ്ടു​വ​രേണം.” (പുറപ്പാ​ടു 35:4-9) ആളുക​ളു​ടെ പ്രതി​ക​രണം എങ്ങനെ​യാ​യി​രു​ന്നു? “ഹൃദയ​ത്തിൽ ഉത്സാഹ​വും മനസ്സിൽ താല്‌പ​ര്യ​വും തോന്നി​യവൻ എല്ലാം സമാഗ​മ​ന​കൂ​ടാ​ര​ത്തി​ന്റെ പ്രവൃ​ത്തി​ക്കും അതിന്റെ സകലശു​ശ്രൂ​ഷെ​ക്കും വിശു​ദ്ധ​വ​സ്‌ത്ര​ങ്ങൾക്കും വേണ്ടി യഹോ​വെക്കു വഴിപാ​ടു [“സംഭാവന,” NW] കൊണ്ടു​വന്നു” എന്നു വിവരണം നമ്മോടു പറയുന്നു. “യഹോവ ചെയ്യാൻ കല്‌പിച്ച ശുശ്രൂ​ഷ​യു​ടെ പ്രവൃ​ത്തി​ക്കു വേണ്ടതി​ല​ധിക”മാകു​മാറ്‌ അത്രയ്‌ക്കു കുന്നു​കൂ​ടി ഈ “സ്വമേ​ധാ​ദാ​നം.” (പുറപ്പാ​ടു 35:21-29; 36:3-5) ആ ആളുകൾ എന്തൊരു നിസ്വാർഥ​മായ, ഔദാ​ര്യ​മായ മനോ​ഭാ​വ​മാ​യി​രു​ന്നു പ്രകട​മാ​ക്കി​യത്‌!

അതിന്‌ ഏതാണ്ട്‌ 500 വർഷങ്ങൾക്കു​ശേഷം, ഇസ്രാ​യേ​ല്യർ ഔദാ​ര്യ​പൂർവം സംഭാവന ചെയ്യണ​മെ​ന്നൊ​രു അഭ്യർഥന വീണ്ടു​മു​ണ്ടാ​യി. യെരു​ശ​ലേ​മിൽ യഹോ​വ​യ്‌ക്കു സ്ഥിരമാ​യൊ​രു ആലയം നിർമി​ക്കാ​നുള്ള ദാവീദ്‌ രാജാ​വി​ന്റെ ആഗ്രഹം തന്റെ പുത്ര​നായ ശലോ​മോ​നി​ലൂ​ടെ സാക്ഷാൽക്ക​രി​ക്ക​പ്പെ​ടാൻപോ​കു​ക​യാ​യി​രു​ന്നു. ആവശ്യ​മാ​യി​രുന്ന സംഗതി​ക​ളു​ടെ നല്ലൊരു പങ്കു ദാവീ​ദു​തന്നെ സ്വരൂ​പി​ച്ചു സംഭാവന ചെയ്‌തു. “യഹോ​വെക്കു കരപൂ​രണം [“ഒരു ദാനം, NW]” കൊണ്ടു​വ​രാ​നാ​യി ദാവീദ്‌ ഒരു ആഹ്വാനം നടത്തി​യ​പ്പോൾ മറ്റുള്ളവർ അത്‌ അനുസ​രി​ച്ചു. ഫലമോ? “ജനം മനഃപൂർവ്വ​മാ​യി [“സ്വമേ​ധ​യാ​യി,” NW] കൊടു​ത്ത​തു​കൊ​ണ്ടു അവർ സന്തോ​ഷി​ച്ചു; ഏകാ​ഗ്ര​ഹൃ​ദ​യ​ത്തോ​ടെ [“പൂർണ​ഹൃ​ദ​യ​ത്തോ​ടെ,” NW] മനഃപൂർവ്വ​മാ​യി​ട്ടാ​യി​രു​ന്നു അവർ യഹോ​വെക്കു കൊടു​ത്തതു. ദാവീദ്‌ രാജാ​വും അത്യന്തം സന്തോ​ഷി​ച്ചു.” (1 ദിനവൃ​ത്താ​ന്തം 22:14; 29:3-9) വെള്ളി​ക്കും സ്വർണ​ത്തി​നും മാത്രം ഇപ്പോ​ഴത്തെ വിലയ​നു​സ​രിച്ച്‌ ഏതാണ്ട്‌ 5,000 കോടി ഡോളർ വിലവ​രും!—2 ദിനവൃ​ത്താ​ന്തം 5:1.

ഈ മാതൃ​ക​ക​ളി​ലെ​ല്ലാം നമുക്ക്‌ ഒരു പ്രത്യേ​കത കാണാ​നാ​വും. കൊടു​ക്കാൻവേണ്ടി ആരും ആരെയും നിർബ​ന്ധി​ച്ചില്ല. കൊടു​ക്കൽ തികച്ചും “സ്വമേ​ധയാ”യും “പൂർണ​ഹൃ​ദ​യ​ത്തോ​ടെ”യുമാ​യി​രു​ന്നു. അല്ലാ​യെ​ങ്കിൽ യഹോവ അതിൽ പ്രീതി​പ്പെ​ടു​മാ​യി​രു​ന്നില്ല. അതു​പോ​ലെ, ദരി​ദ്ര​രായ ക്രിസ്‌ത്യാ​നി​കൾക്കു​വേണ്ടി പണം സംഭാവന ചെയ്യേണ്ട ആവശ്യം വന്നപ്പോൾ, അതു “നിർബ​ന്ധം​മൂല”മായി​രി​ക്കാൻ പാടി​ല്ലാ​യി​രു​ന്നു എന്നു പൗലോസ്‌ എഴുതി. എന്നാൽ അവൻ ഇങ്ങനെ കൂട്ടി​ച്ചേർത്തു: “ഓരോ​രു​ത്ത​രും സ്വന്തം തീരു​മാ​ന​മ​നു​സ​രി​ച്ചു​വേണം പ്രവർത്തി​ക്കാൻ, വൈമ​ന​സ്യ​ത്തോ​ടെ​യോ നിർബ​ന്ധ​ത്തി​നു കീഴ്‌വ​ഴ​ങ്ങി​യോ ആകരുത്‌. സന്തോ​ഷ​പൂർവം നല്‌കു​ന്ന​വ​നെ​യാണ്‌ ദൈവം സ്‌നേ​ഹി​ക്കു​ന്നത്‌.”—2 കോറി​ന്തോസ്‌ 9:5, 7, പി.ഒ.സി. ബൈബിൾ.

ഇന്നത്തെ ആവശ്യം

ഇന്നു സംഭാ​വ​ന​ക​ളു​ടെ ആവശ്യ​മു​ണ്ടോ? തീർച്ച​യാ​യും ഉണ്ട്‌. സമയം കടന്നു​പോ​കു​ന്ന​തോ​ടെ ഇനിയും ആവശ്യ​മേ​റും. എന്തു​കൊണ്ട്‌?

അന്ത്യകാ​ല​ത്തെ ക്രിസ്‌ത്യാ​നി​കൾക്കു സ്‌പഷ്ട​മായ നിർദേ​ശങ്ങൾ ലഭിച്ചി​ട്ടുണ്ട്‌. “പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു [“പഠിപ്പിച്ചുംകൊണ്ട്‌, NW) സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്നു യേശു തന്റെ ശിഷ്യ​ന്മാ​രോ​ടു കൽപ്പിച്ചു.—മത്തായി 28:19, 20.

“വ്യവസ്ഥി​തി​യു​ടെ സമാപന”ത്തിന്റെ അവസാ​ന​ത്തോ​ടു നാം എന്നത്തെ​ക്കാ​ളേറെ അടുത്തു​കൊ​ണ്ടി​രി​ക്കു​മ്പോൾ, പ്രസംഗ-പഠിപ്പി​ക്കൽ എന്ന ഈ വലിയ വേല പൂർത്തീ​ക​രി​ക്കു​ന്ന​തി​നു ഗണ്യമായ സമയവും വിഭവ​ങ്ങ​ളും ആവശ്യ​മാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ‘ഭൂമി​യു​ടെ അറ്റത്തോ​ളം’ ദൈവ​രാ​ജ്യ​ത്തി​ന്റെ സന്ദേശം എത്തിക്കണം. (പ്രവൃ​ത്തി​കൾ 1:8) അതു ചെല​വേ​റിയ സംഗതി​യാണ്‌. ഒന്നാം നൂറ്റാ​ണ്ടി​ലെ യഹൂദ​ന്മാ​രെ​പ്പോ​ലെ, മിക്കയാ​ളു​ക​ളും തിരു​വെ​ഴു​ത്തു​കൾ സംബന്ധിച്ച്‌ അത്ര പ്രാവീ​ണ്യ​രല്ല. വാസ്‌ത​വ​ത്തിൽ, ഭൂവാ​സി​ക​ളിൽ ഗണ്യമായ ഒരു വിഭാ​ഗ​ത്തി​നു ബൈബി​ളു​മാ​യി നല്ല പരിച​യം​പോ​ലു​മില്ല, അതിനെ ദൈവ​വ​ച​ന​മാ​യി കരുതു​ന്നു​മില്ല. പ്രസം​ഗ​കരെ പരിശീ​ലി​പ്പി​ച്ചു വിദൂര നാടു​ക​ളി​ലേക്ക്‌ അയയ്‌ക്കേ​ണ്ട​തുണ്ട്‌. (റോമർ 10:13-15) ഉൾപ്പെ​ട്ടി​രി​ക്കുന്ന ഭാഷക​ളു​ടെ എണ്ണമൊ​ന്നു നോക്കുക! പ്രസംഗം കേൾക്കു​ന്ന​വർക്കു തങ്ങളുടെ സ്വന്തം ഭാഷയിൽ വായി​ച്ചു​പ​ഠി​ക്കാൻ ബൈബി​ളും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും ഉണ്ടായി​രി​ക്കണം. എല്ലാവ​രി​ലേ​ക്കും ആസൂ​ത്രി​ത​മാ​യി എത്തി​ച്ചേ​രു​ന്ന​തി​നും അവർക്കു മറ്റുള്ള​വരെ സഹായി​ക്കാൻ കഴി​യേ​ണ്ട​തിന്‌ അവരെ ക്രമാ​നു​ഗ​ത​മാ​യി ആത്മീയ പക്വത​യി​ലേക്കു കൊണ്ടു​വ​രു​ന്ന​തി​നും വിപു​ല​മായ തോതി​ലുള്ള സംഘാ​ടനം ആവശ്യ​മാണ്‌.—2 തിമൊ​ഥെ​യൊസ്‌ 2:2.

“രാജ്യ​ത്തി​ന്റെ . . . സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെട”ണമെന്നാ​ണു യേശു പറഞ്ഞി​രി​ക്കു​ന്നത്‌. (മത്തായി 24:14) അതു​കൊണ്ട്‌, ആ ജീവത്‌പ്ര​ധാന വേല പൂർത്തീ​ക​രി​ക്കാൻ നമ്മളാ​ലാ​വുന്ന സകലവും അർപ്പി​ക്കാ​നുള്ള സമയം ഇപ്പോ​ഴാണ്‌. ഭൗതിക സമ്പത്തിനു പ്രാ​യോ​ഗിക മൂല്യ​മി​ല്ലാ​താ​യി​ത്തീ​രു​ന്ന​തി​നു​മു​മ്പാ​യി നമ്മുടെ വിഭവ​ങ്ങളെ ഇതി​നെ​ക്കാൾ മികച്ച രീതി​യിൽ വിനി​യോ​ഗി​ക്കാ​നാ​വില്ല.—യെഹെ​സ്‌കേൽ 7:19; ലൂക്കൊസ്‌ 16:9.

പണം എങ്ങോട്ടു പോകു​ന്നു?

വാച്ച്‌ ടവർ സൊ​സൈറ്റി 230-ലധികം ഭാഷക​ളിൽ ബൈബിൾ സാഹി​ത്യ​ങ്ങൾ പ്രസി​ദ്ധീ​ക​രി​ക്കു​ന്നുണ്ട്‌. കൂടാതെ അന്ധർക്കു​വേണ്ടി ബ്രയി​ലി​ലും ബധിരർക്കു​വേണ്ടി ആംഗ്യ​ഭാ​ഷ​യി​ലുള്ള വീഡി​യോ​യും നിർമി​ക്കു​ന്നുണ്ട്‌. അതിനാ​യി ഓരോ ഭാഷയി​ലും പരിഭാ​ഷ​ക​രു​ടെ​യും പ്രൂഫ്‌വാ​യ​ന​ക്കാ​രു​ടെ​യും സംഘങ്ങളെ ആവശ്യ​മാണ്‌. വിശേ​ഷിച്ച്‌ മാസം​തോ​റും 101 ഭാഷക​ളിൽ ഏകകാ​ലി​ക​മാ​യി, എന്നാൽ മൊത്തം 121 ഭാഷക​ളിൽ വീക്ഷാ​ഗോ​പു​രം പ്രസി​ദ്ധീ​ക​രി​ക്കുന്ന വേലയു​ടെ കാര്യം​മാ​ത്രം കണക്കി​ലെ​ടു​ത്താൽത്തന്നെ, അതു നമ്മുടെ ഭാവന​യ്‌ക്കു വഴങ്ങാൻ പ്രയാ​സ​മാ​യി​രി​ക്കും. എന്നാൽ അത്‌ അവശ്യ സംഗതി​തന്നെ. കാരണം ഭൂവ്യാ​പ​ക​മാ​യി ആളുകൾക്ക്‌ ഒരേ വിവരം​തന്നെ ലഭിക്കു​ന്ന​തി​നും വായി​ക്കു​ന്ന​തി​നും സാധി​ക്കു​ന്നു. (1 കൊരി​ന്ത്യർ 1:10) രാജ്യ​സ​ന്ദേശം അച്ചടി​ച്ചോ, ഓഡി​യോ, വീഡി​യോ പോലുള്ള റെക്കോ​ഡി​ങ്ങു​ക​ളു​ടെ രൂപത്തി​ലോ നിർമി​ക്കു​ന്ന​തി​നാ​വ​ശ്യ​മായ കടലാ​സ്സു​ക​ളു​ടെ​യും മറ്റു സാധന​ങ്ങ​ളു​ടെ​യും വിലയിൽ വർഷം​തോ​റും വർധന​വു​ണ്ടാ​വു​ന്നു. അത്തരം ചെലവു​കൾ നിക​ത്തേ​ണ്ടതു സഹോ​ദ​ര​ങ്ങ​ളിൽനി​ന്നുള്ള സംഭാ​വ​നകൾ ഉപയോ​ഗി​ച്ചു​കൊ​ണ്ടാണ്‌.

യഹോ​വ​യു​ടെ സാക്ഷി​ക​ളു​ടെ ലോക​വ്യാ​പ​ക​മാ​യുള്ള 75,000-ത്തിലധി​കം​വ​രുന്ന സഭകൾ തങ്ങളുടെ ചുറ്റു​പാ​ടു​മുള്ള പ്രദേ​ശ​ങ്ങ​ളിൽ പ്രസംഗ-പഠിപ്പി​ക്കൽവേല നിർവ​ഹി​ക്കു​ക​യാണ്‌. അവരെ ഏകോ​പി​പ്പി​ക്കാ​നും പ്രോ​ത്സാ​ഹി​പ്പി​ക്കാ​നും പരിശീ​ലനം ലഭിച്ച സഞ്ചാര​മേൽവി​ചാ​ര​ക​ന്മാർ ഓരോ സഭയെ​യും വർഷത്തിൽ രണ്ടു​പ്രാ​വ​ശ്യം സന്ദർശി​ക്കു​ന്നു. പ്രബോ​ധ​നങ്ങൾ പ്രദാ​നം​ചെ​യ്യു​ന്ന​തിൽ സമ്മേള​ന​ങ്ങ​ളും ഒരു മർമ​പ്ര​ധാന പങ്കു വഹിക്കു​ന്നുണ്ട്‌. വിശ്വാ​സത്തെ അത്യധി​കം ബലിഷ്‌ഠ​മാ​ക്കുന്ന കൺ​വെൻ​ഷ​നു​കൾക്കു​വേണ്ടി വലിയ ഹാളുകൾ വാടക​യ്‌ക്കെ​ടു​ക്കണം. ഈ ആവശ്യ​ങ്ങൾക്കു​വേ​ണ്ടി​യും നിങ്ങളു​ടെ സംഭാവന ഉപയോ​ഗ​പ്പെ​ടു​ത്തു​ന്നു.

വർഷം​തോ​റും സാധാ​ര​ണ​മാ​യി മൂന്നു സമ്മേള​ന​ങ്ങളേ നടത്ത​പ്പെ​ടു​ന്നു​ള്ളൂ​വെ​ങ്കി​ലും, പ്രാ​ദേ​ശിക സഭകൾ വാരത്തിൽ അഞ്ചു​പ്രാ​വ​ശ്യം സമ്മേളി​ക്കു​ന്നു. (പുറപ്പാ​ടു 34:23, 24 താരത​മ്യം ചെയ്യുക.) സുവാർത്ത​യോ​ടു പ്രതി​ക​രി​ച്ചെ​ത്തുന്ന പുതി​യ​വ​രു​ടെ പ്രവാഹം നിമിത്തം വർഷം​തോ​റും കൂടു​ത​ലാ​യി ആയിര​ക്ക​ണ​ക്കി​നു പുതിയ സഭകൾ സ്ഥാപി​ക്കേ​ണ്ടി​വ​രു​ന്നു. സൊ​സൈറ്റി ലഭ്യമാ​ക്കുന്ന കോടി​ക്ക​ണ​ക്കി​നു രൂപയു​ടെ വായ്‌പാ സൗകര്യം ഉപയോ​ഗിച്ച്‌ നൂറു​ക​ണ​ക്കി​നു പുതിയ രാജ്യ​ഹാ​ളു​കൾ വർഷം​തോ​റും നിർമി​ക്ക​പ്പെ​ടു​ന്നു, മറ്റനേകം രാജ്യ​ഹാ​ളു​കൾ പുതു​ക്ക​പ്പെ​ടു​ക​യോ വിപു​ലീ​ക​രി​ക്ക​പ്പെ​ടു​ക​യോ ചെയ്യുന്നു. ഒരേ ഫണ്ടു തന്നെ ആവർത്തി​ച്ചാ​വർത്തി​ച്ചാണ്‌ ഉപയോ​ഗി​ക്കു​ന്ന​തെ​ങ്കി​ലും, ആവശ്യം സദാ വർധി​ച്ചു​കൊ​ണ്ടി​രി​ക്കു​ക​യാണ്‌.

അഭൂത​പൂർവ​മാ​യ വളർച്ച​യുള്ള ഒരു പ്രദേ​ശ​മാണ്‌ മുൻസോ​വി​യറ്റ്‌ യൂണി​യന്റെ അധീന​ത​യി​ലാ​യി​രുന്ന പൂർവ​യൂ​റോ​പ്യൻ രാഷ്ട്രങ്ങൾ. ഈ പ്രദേ​ശങ്ങൾ വേലയ്‌ക്കാ​യി തുറന്നു​കി​ട്ടി​യ​തി​ന്റെ വാർത്തകൾ ഒന്നിനു​പി​റകെ ഒന്നായി കേൾക്കാ​റാ​യത്‌ എത്ര സന്തോ​ഷ​കരം! ഈ രാജ്യ​ങ്ങ​ളിൽ പലതി​ലേ​ക്കും ഇപ്പോൾ മിഷന​റി​മാ​രെ അയയ്‌ക്കു​ക​യാണ്‌. ചില രാജ്യ​ങ്ങ​ളിൽ പുതിയ ബ്രാഞ്ചു​ക​ളും സ്ഥാപി​ച്ചി​രി​ക്കു​ന്നു. അങ്ങനെ ലോക​വ്യാ​പ​ക​മായ ബെഥേൽ കുടും​ബാം​ഗ​ങ്ങ​ളായ സ്വമേ​ധയാ ശുശ്രൂ​ഷ​ക​രു​ടെ എണ്ണം 15,000-ത്തിലധി​ക​മാ​യി വർധി​ച്ചി​രി​ക്കു​ന്നു. തീർച്ച​യാ​യും, അവരെ താമസി​പ്പി​ക്കാൻ ബ്രാഞ്ച്‌ കെട്ടി​ടങ്ങൾ വാങ്ങു​ക​യോ നിർമി​ക്കു​ക​യോ വേണം. ഈ ആവശ്യം നിറ​വേ​റ്റു​ന്നതു നിങ്ങളു​ടെ സംഭാ​വ​ന​യാണ്‌.

ഈ വേലക​ളെ​ല്ലാം സാത്താ​ന്റെ​യും അവന്റെ ഭൂതങ്ങ​ളു​ടെ​യും ശ്രദ്ധയിൽപ്പെ​ടാ​തെ പോയി​ട്ടില്ല. യഹോ​വ​യു​ടെ വിശ്വസ്‌ത ദാസന്മാ​രു​ടെ ഉദ്യമ​ങ്ങളെ തടസ്സ​പ്പെ​ടു​ത്താൻ, അല്ലെങ്കിൽ അവർക്കു പ്രശ്‌ന​ങ്ങ​ളു​ണ്ടാ​ക്കാൻ തങ്ങളാ​ലാ​വു​ന്ന​തെ​ല്ലാം അവർ ചെയ്യു​ന്നുണ്ട്‌. (വെളി​പ്പാ​ടു 12:17) അതിനർഥം പ്രസം​ഗി​ക്കാ​നും ദൈവ​ത്തി​ന്റെ നീതി​നി​ഷ്‌ഠ​മായ നിയമ​ങ്ങൾക്കു ചേർച്ച​യിൽ ജീവി​ക്കാ​നു​മുള്ള ദൈവ​ജ​ന​ത​യു​ടെ അവകാ​ശങ്ങൾ സംരക്ഷി​ക്കാൻ നടത്തേ​ണ്ടി​വ​രുന്ന നിയമ​യു​ദ്ധ​ങ്ങ​ളു​ടെ വർധി​ച്ചു​വ​രുന്ന ഭാരവും പേറണ​മെ​ന്നാണ്‌. അതോ​ടൊ​പ്പം, സാത്താന്റെ വ്യവസ്ഥി​തി​യി​ലെ യുദ്ധക്കെടു​തി​കൾ, പ്രകൃതി വിപത്തു​കൾ എന്നിവ​നി​മി​ത്തം കഷ്ടപ്പെ​ടുന്ന നമ്മുടെ സഹോ​ദ​രീ​സ​ഹോ​ദ​ര​ന്മാർക്കും അവരോ​ടൊ​പ്പ​മുള്ള മറ്റുള്ള​വർക്കും പലപ്പോ​ഴും ദുരി​താ​ശ്വാ​സ സാധനങ്ങൾ എത്തി​ക്കേ​ണ്ടി​വ​രു​ന്നു. ഈ മർമ​പ്ര​ധാ​ന​മായ സഹായം സാധ്യ​മാ​ക്കു​ന്ന​തും നിങ്ങളു​ടെ സംഭാ​വ​ന​തന്നെ.

യഹോവ നിങ്ങൾക്കു പ്രതി​ഫലം തരും

കർത്താ​വി​ന്റെ വേലയെ ഉന്നമി​പ്പി​ക്കു​ന്ന​തി​നു നമ്മുടെ സമയവും വിഭവ​ങ്ങ​ളും ഔദാ​ര്യ​പൂർവം ഉപയോ​ഗി​ക്കു​ന്നതു മഹത്തര​മായ അനു​ഗ്ര​ഹങ്ങൾ കൈവ​രു​ത്തും. അതെങ്ങനെ? ആത്യന്തി​ക​മാ​യി സകലതും ദൈവ​ത്തി​ന്റേ​താണ്‌. അവൻ നമുക്കു പ്രതി​ഫലം നൽകും. “ഔദാ​ര്യ​മാ​നസൻ പുഷ്ടി പ്രാപി​ക്കും; തണുപ്പി​ക്കു​ന്ന​വനു തണുപ്പു കിട്ടും” എന്നു സദൃശ​വാ​ക്യ​ങ്ങൾ 11:25 പ്രസ്‌താ​വി​ക്കു​ന്നു. യഹോ​വ​യു​ടെ ആരാധന ഉന്നമി​പ്പി​ക്കു​ന്ന​തിൽ നാം നമ്മുടെ പങ്കു നിർവ​ഹി​ക്കു​മ്പോൾ യഹോവ അതിൽ തീർച്ച​യാ​യും സംപ്രീ​ത​നാ​വും. (എബ്രായർ 13:15, 16) ന്യായ​പ്ര​മാ​ണ​ത്തിൻ കീഴിൽ ആവശ്യ​മാ​യി​രുന്ന സംഭാ​വ​നകൾ കൊണ്ടു​വ​രേ​ണ്ടി​യി​രുന്ന പുരാതന ഇസ്രാ​യേ​ല്യ​രോട്‌ അവൻ ഇങ്ങനെ വാഗ്‌ദാ​നം ചെയ്‌തു: “ഞാൻ നിങ്ങൾക്കു ആകാശ​ത്തി​ന്റെ കിളി​വാ​തി​ലു​കളെ തുറന്നു, സ്ഥലം പോരാ​തെ​വ​രു​വോ​ളം നിങ്ങളു​ടെ​മേൽ അനു​ഗ്രഹം പകരു​ക​യി​ല്ല​യോ? എന്നിങ്ങനെ നിങ്ങൾ ഇതിനാൽ എന്നെ പരീക്ഷി​പ്പിൻ എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” (മലാഖി 3:10) ദൈവം തന്റെ വാഗ്‌ദാ​നം നിറ​വേ​റ്റു​ന്നു എന്നതി​നുള്ള തെളി​വാണ്‌ യഹോ​വ​യു​ടെ ദാസന്മാർ ഇന്ന്‌ ആസ്വദി​ക്കുന്ന ആത്മീയ അഭിവൃ​ദ്ധി.

രക്ഷാദി​വ​സ​ത്തെ​ക്കു​റി​ച്ചു സകല​രോ​ടും പ്രഖ്യാ​പി​ക്കു​ക​യും ജീവനി​ലേ​ക്കുള്ള വഴിയിൽ പരമാർഥ​ഹൃ​ദ​യരെ സഹായി​ക്കു​ക​യും ചെയ്യുന്ന ഈ മഹത്തായ വേല എക്കാല​ത്തും തുടരാൻപോ​കു​ന്നില്ല. (മത്തായി 7:14; 2 കൊരി​ന്ത്യർ 6:2) എന്നാൽ കർത്താ​വി​ന്റെ “വേറെ ആടുകളി”ൽപ്പെട്ട എല്ലാവ​രും കൂട്ടി​വ​രു​ത്ത​പ്പെ​ടണം. (യോഹ​ന്നാൻ 10:16) ഇന്ന്‌ ആ വെല്ലു​വി​ളി​യെ നേരി​ടേ​ണ്ടത്‌ എത്ര അത്യാ​വ​ശ്യ​മാണ്‌! നൈതി​ക​മായ ആ പുതിയ ലോക​ത്തിൽനി​ന്നു​കൊണ്ട്‌ പിന്നോ​ട്ടു നോക്കി, ‘അവസാ​നത്തെ കൂട്ടി​വ​രു​ത്തൽവേ​ല​യിൽ ഞാൻ മുഴു​വ​നാ​യി പങ്കു​കൊ​ണ്ടു’ എന്നു നമുക്കു പറയാൻ കഴിയു​ന്നെ​ങ്കിൽ, നാം ഓരോ​രു​ത്ത​രും എത്ര സന്തുഷ്ട​രാ​യി​രി​ക്കും!—2 പത്രൊസ്‌ 3:13.

[30, 31 പേജു​ക​ളി​ലെ ചതുരം]

ചിലർ രാജ്യ​പ്ര​സം​ഗ​വേ​ലക്കു സംഭാവന കൊടു​ക്കുന്ന വിധം

ലോക​വ്യാ​പ​ക​വേ​ല​ക്കുള്ള സംഭാ​വ​നകൾ: “സൊ​സൈ​റ​റി​യു​ടെ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ—മത്തായി 24:14” എന്ന ലേബലുള്ള സംഭാ​വ​ന​പ്പെ​ട്ടി​ക​ളിൽ ഇടുന്ന​തിന്‌ അനേകർ ഒരു തുക നീക്കി​വെ​ക്കു​ന്നു അഥവാ ബജററിൽ ഉൾപ്പെ​ടു​ത്തു​ന്നു. ഓരോ​മാ​സ​വും സഭകൾ ഈ തുക ഏററവും അടുത്തുള്ള വാച്ച്‌ടവർ സൊ​സൈറ്റി ബ്രാഞ്ച്‌ ഓഫീ​സി​ലേക്ക്‌ അയയ്‌ക്കു​ന്നു.

ദാനങ്ങൾ: സ്വമേ​ധ​യാ​ദാ​ന​മാ​യുള്ള പണം Watch Tower Bible and Tract Society-ലേക്കു നേരിട്ട്‌ അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളോ വില​യേ​റിയ മററു വസ്‌തു​ക്ക​ളോ സംഭാവന ചെയ്യാ​വു​ന്ന​താണ്‌. ഈ സംഭാ​വ​ന​ക​ളോ​ടൊ​പ്പം അവ നിരു​പാ​ധി​ക​മായ ഒരു ദാനമാ​ണെന്നു ചുരു​ക്ക​മാ​യി പ്രസ്‌താ​വി​ക്കുന്ന ഒരു കത്തും അയയ്‌ക്കേ​ണ്ട​താണ്‌.

സോപാ​ധിക സംഭാ​വനാ ക്രമീ​ക​രണം: വ്യക്തി​പ​ര​മായ ആവശ്യം വരുന്ന​പക്ഷം തിരി​ച്ചു​ത​ര​ണ​മെ​ന്നുള്ള വ്യവസ്ഥ​യിൽ, ദാതാ​വി​ന്റെ മരണം​വരെ പണം ഒരു ട്രസ്‌റ​റാ​യി സൂക്ഷി​ക്കാൻ വാച്ച്‌ ടവർ സൊ​സൈ​റ​റി​യെ ഏൽപ്പി​ക്കാ​വു​ന്ന​താണ്‌.

ഇൻഷ്വ​റൻസ്‌: ഇൻഷ്വ​റൻസ്‌ പോളി​സി​യു​ടെ​യോ റിട്ടയർമെൻറ്‌⁄പെൻഷൻ പദ്ധതി​യു​ടെ​യോ അവകാ​ശി​യാ​യി വാച്ച്‌ ടവർ സൊ​സൈ​റ​റി​യു​ടെ പേർ വയ്‌ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ​റി​യെ അറിയി​ച്ചി​രി​ക്കണം.

ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്കു​നി​യ​മ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേ​പ​സർട്ടി​ഫി​ക്ക​റ​റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ വാച്ച്‌ ടവർ സൊ​സൈ​റ​റി​യിൽ ട്രസ്‌റ​റാ​യി അല്ലെങ്കിൽ മരണത്തി​ങ്കൽ ലഭിക്കാ​വു​ന്ന​താ​യി ഏൽപ്പിക്കാവുന്നതാണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ​റി​യെ അറിയി​ച്ചി​രി​ക്കണം.

സ്‌റേ​റാ​ക്കു​ക​ളും ബോണ്ടു​ക​ളും: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻകീ​ഴി​ലോ സ്‌റേ​റാ​ക്കു​ക​ളും ബോണ്ടു​ക​ളും വാച്ച്‌ ടവർ സൊ​സൈ​റ​റി​ക്കു ദാനമാ​യി നൽകാ​വു​ന്ന​താണ്‌.

സ്ഥാവര​വ​സ്‌തു: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ ആയുഷ്‌ക്കാ​ലാ​വ​കാ​ശം നിലനിർത്തി​ക്കൊ​ണ്ടോ, വിൽക്കാ​വുന്ന സ്ഥാവര​വ​സ്‌തു വാച്ച്‌ ടവർ സൊ​സൈ​റ​റി​ക്കു ദാനം ചെയ്യാ​വു​ന്ന​താണ്‌, ദാതാ​വി​ന്റെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കാം. ഏതെങ്കി​ലും സ്ഥാവര​വ​സ്‌തു സൊ​സൈ​റ​റിക്ക്‌ ആധാരം ചെയ്യു​ന്ന​തി​നു​മു​മ്പാ​യി സൊ​സൈ​റ​റി​യു​മാ​യി സമ്പർക്കം പുലർത്തണം.

വിൽപ്പ​ത്ര​ങ്ങ​ളും ട്രസ്‌റ​റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തരം വസ്‌തു​വോ പണമോ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റിക്ക്‌ ഒസ്യത്താ​യി നൽകാ​വു​ന്ന​താണ്‌. അല്ലെങ്കിൽ ഒരു ട്രസ്‌ററ്‌ ക്രമീ​ക​ര​ണ​ത്തി​ന്റെ അവകാ​ശി​യാ​യി സൊ​സൈ​റ​റി​യു​ടെ പേർ കൊടു​ക്കാ​വു​ന്ന​താണ്‌. ഒരു മതസ്ഥാ​പ​ന​ത്തി​നു വേണ്ടി​യുള്ള ട്രസ്‌ററ്‌ ചില നികു​തി​യി​ള​വു​കൾ പ്രദാനം ചെയ്‌തേ​ക്കാം. വിൽപ്പ​ത്ര​ത്തി​ന്റെ അല്ലെങ്കിൽ ട്രസ്‌റ​റ്‌ക​രാ​റി​ന്റെ ഒരു പകർപ്പു സൊ​സൈ​റ​റിക്ക്‌ അയച്ചു​കൊ​ടു​ക്കേ​ണ്ട​താണ്‌.

[ഇന്ത്യയിൽ ബാധക​മ​ല്ലാ​ത്ത​തി​നാൽ പരിഭാ​ഷ​പ്പെ​ടു​ത്തി​യി​ട്ടില്ല]

ഇങ്ങനെ​യുള്ള കാര്യങ്ങൾ സംബന്ധി​ച്ചു കൂടുതൽ വിവരത്തിന്‌, Watch Tower Bible and Tract Society of India, H-58 Old Khandala Road, Lonavla 410401, Mah., India-യിലേക്കോ നിങ്ങളു​ടെ രാജ്യത്തെ ബ്രാഞ്ച്‌ ഓഫീ​സി​ലേ​ക്കോ എഴുതുക.