ക്രൈ​സ്‌ത​വ​ലോ​ക​ത്തി​ന്റെ ആരാധ​നയെ ദൈവം എങ്ങനെ വീക്ഷി​ക്കു​ന്നു?

‘എന്നോടു കർത്താവേ, കർത്താവേ, എന്നു പറയു​ന്നവൻ ഏവനുമല്ല, സ്വർഗ്ഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്നവൻ അത്രേ സ്വർഗ്ഗ​രാ​ജ്യ​ത്തിൽ കടക്കു​ന്നതു. കർത്താവേ, കർത്താവേ, നിന്റെ നാമത്തിൽ ഞങ്ങൾ വളരെ വീര്യ​പ്ര​വൃ​ത്തി​കൾ പ്രവർത്തി​ച്ചി​ല്ല​യോ എന്നു പലരും ആ നാളിൽ എന്നോടു പറയും. അന്നു ഞാൻ അവരോ​ടു: ഞാൻ ഒരുനാ​ളും നിങ്ങളെ അറിഞ്ഞി​ട്ടില്ല; അധർമ്മം പ്രവർത്തി​ക്കു​ന്ന​വരേ, എന്നെ വിട്ടു പോകു​വിൻ എന്നു തീർത്തു​പ​റ​യും’ എന്നു യേശു​ക്രി​സ്‌തു പറഞ്ഞു.—മത്തായി 7:21-23.

തന്റെ ഹിതം എന്താ​ണെന്നു തന്റെ പവിത്ര വചനമായ വിശുദ്ധ ബൈബി​ളി​ലൂ​ടെ ദൈവം വ്യക്തമാ​ക്കി​യി​രി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ സഭകൾ ദൈവ​ഹി​തം ചെയ്യു​ന്നു​ണ്ടോ? അതോ അവർ യേശു, ‘അധർമ്മം പ്രവർത്തി​ക്കു​ന്നവർ’ എന്നു വിളി​ച്ച​വ​രാ​ണോ?

രക്തച്ചൊ​രി​ച്ചിൽ

തന്റെ യജമാ​നന്റെ മരണത്തി​ന്റെ തലേ രാത്രി, യേശു​വി​നെ അറസ്റ്റു ചെയ്യാൻ അയയ്‌ക്ക​പ്പെട്ട ഒരു സംഘം പട്ടാള​ക്കാ​രു​മാ​യി പത്രോസ്‌ ഒരു സായുധ പോരാ​ട്ടം തുടങ്ങി​വെച്ചു. (യോഹ​ന്നാൻ 18:3, 10) എന്നാൽ യേശു ശാന്തത പുനഃ​സ്ഥാ​പി​ച്ചിട്ട്‌ പത്രോ​സിന്‌ ഇങ്ങനെ മുന്നറിയിപ്പു നൽകി: “വാൾ എടുക്കു​ന്നവർ ഒക്കെയും വാളാൽ നശിച്ചു​പോ​കും.” (മത്തായി 26:52) ഈ വ്യക്തമായ മുന്നറി​യിപ്പ്‌ വെളി​പ്പാ​ടു 13:10-ലും ആവർത്തി​ച്ചി​രി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ സഭകൾ അതിനു ചെവി​കൊ​ടു​ത്തി​ട്ടു​ണ്ടോ? അതോ, അവർ ഭൂമി​യു​ടെ വിവിധ ഭാഗങ്ങ​ളിൽ നടക്കുന്ന യുദ്ധങ്ങ​ളു​ടെ ഉത്തരവാ​ദി​ത്വം വഹിക്കു​ന്നു​ണ്ടോ?

രണ്ടാം ലോക​മ​ഹാ​യു​ദ്ധ​കാ​ലത്ത്‌, ലക്ഷക്കണ​ക്കി​നു സെർബി​യ​ക്കാ​രും ക്രൊ​യേ​ഷ്യ​ക്കാ​രും മതത്തിന്റെ പേരിൽ കൊല്ല​പ്പെട്ടു. “ക്രൊ​യേ​ഷ്യ​യിൽ തദ്ദേശീയ ഫാസിസ്റ്റ്‌ ഭരണകൂ​ടം ‘വർഗീയ ശുദ്ധീ​ക​രണം’ എന്ന ഒരു നയം നടപ്പി​ലാ​ക്കാൻ തുടങ്ങി. അതു നാസി​ക​ളു​ടെ നടപടി​ക​ളെ​പ്പോ​ലും കടത്തി​വെ​ട്ടു​ന്ന​താ​യി​രു​ന്നു. . . . സെർബി​യൻ ജനങ്ങളിൽ മൂന്നി​ലൊ​ന്നി​നെ നാടു​ക​ട​ത്തു​മെ​ന്നും മൂന്നി​ലൊ​ന്നി​നെ കത്തോ​ലി​ക്കാ മതത്തി​ലേക്കു പരിവർത്തനം ചെയ്യി​ക്കു​മെ​ന്നും മൂന്നി​ലൊ​ന്നി​നെ നിർമൂ​ലനം ചെയ്യു​മെ​ന്നും പ്രഖ്യാ​പി​ക്ക​പ്പെട്ടു. . . . ഈ നടപടി​ക​ളി​ലുള്ള കത്തോ​ലി​ക്കാ വൈദി​ക​രു​ടെ ഭാഗി​ക​മായ കൂട്ടു​പ്ര​വർത്തനം യുദ്ധാ​ന​ന്തരം സഭയും രാഷ്ട്ര​വും തമ്മിലുള്ള ബന്ധങ്ങളെ ഗൗരവ​മാ​യി അപകട​ത്തി​ലാ​ക്കി” എന്ന്‌ ദ ന്യൂ എൻ​സൈ​ക്ലോ​പീ​ഡി​യാ ബ്രിട്ടാ​നി​ക്കാ റിപ്പോർട്ടു ചെയ്യുന്നു. അനവധി​യാ​ളു​കൾ കത്തോ​ലി​ക്കാ മതം സ്വീക​രി​ക്കു​ന്ന​തിന്‌ അല്ലെങ്കിൽ മരിക്കു​ന്ന​തി​നു നിർബ​ന്ധി​ത​രാ​ക്ക​പ്പെട്ടു; ആയിര​ക്ക​ണ​ക്കി​നു മറ്റുള്ള​വർക്കു തിര​ഞ്ഞെ​ടു​ക്കാ​നുള്ള സ്വാത​ന്ത്ര്യം പോലും ലഭിച്ചില്ല. പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളു​മ​ടക്കം ഗ്രാമ​ങ്ങ​ളി​ലുള്ള മുഴുവൻ ആളുക​ളെ​യും നിർബ​ന്ധ​പൂർവം പള്ളിക​ളി​ലേക്കു കൊണ്ടു​പോ​യി കൊന്നു​ക​ളഞ്ഞു. ശത്രു​ക്ക​ളാ​യി​രുന്ന കമ്മ്യു​ണിസ്റ്റ്‌ സേനക​ളു​ടെ കാര്യ​മോ? അവർക്കും മതപി​ന്തു​ണ​യു​ണ്ടാ​യി​രു​ന്നോ?

“ചില പുരോ​ഹി​ത​ന്മാർ വിപ്ലവ​സേ​ന​ക​ളു​ടെ പക്ഷത്തു യുദ്ധത്തിൽ പങ്കെടു​ത്തു” എന്ന്‌ യൂഗോ​സ്ലാ​വി​യ​യു​ടെ ചരിത്രം (ഇംഗ്ലീഷ്‌) എന്ന പുസ്‌തകം റിപ്പോർട്ടു ചെയ്യുന്നു. “പക്ഷാവ​ലം​ബി​യായ സൈന്യ​ങ്ങ​ളിൽ സെർബി​യൻ ഓർത്ത​ഡോ​ക്‌സ്‌ സഭയിൽനി​ന്നും റോമൻ കത്തോ​ലി​ക്കാ സഭയിൽനി​ന്നു​മുള്ള പുരോ​ഹി​ത​ന്മാർ പോലും ഉൾപ്പെ​ട്ടി​രുന്ന”തായി യൂഗോ​സ്ലാ​വി​യ​യും പുതിയ കമ്മ്യു​ണി​സ​വും (ഇംഗ്ലീഷ്‌) എന്ന ഗ്രന്ഥം പ്രസ്‌താ​വി​ക്കു​ന്നു. മതപര​മായ ഭിന്നതകൾ ബാൾക്കൻ യുദ്ധത്തെ ആളിക്ക​ത്തി​ക്കു​ന്ന​തിൽ തുടരു​ന്നു.

റുവാ​ണ്ട​യു​ടെ കാര്യ​മോ? അന്തർദേ​ശീയ ബന്ധങ്ങൾക്കുള്ള കത്തോ​ലി​ക്കാ ഇൻസ്റ്റി​റ്റ്യൂ​ട്ടി​ന്റെ ജനറൽ സെക്ര​ട്ട​റി​യായ ഇയാൻ ലിൻഡെൻ ദ മന്ത്‌ എന്ന പത്രി​ക​യിൽ പിൻവ​രു​ന്ന​പ്ര​കാ​രം സമ്മതിച്ചു പറഞ്ഞു: “തദ്ദേശീയ കത്തോ​ലി​ക്കാ, ആംഗ്ലിക്കൻ, ബാപ്‌റ്റിസ്റ്റ്‌ സഭകളി​ലെ നേതാ​ക്ക​ന്മാർ നിസ്സം​ഗ​ത​യാ​ലോ പ്രേര​ണ​യാ​ലോ സൈനിക കൊല​ക​ളിൽ ഉൾപ്പെ​ട്ട​തി​ന്റെ ഒന്നോ രണ്ടോ ദൃഷ്ടാ​ന്തങ്ങൾ ആഫ്രിക്കൻ റൈറ്റ്‌സ്‌ എന്ന സംഘടന ലണ്ടനിൽ നടത്തിയ അന്വേ​ഷ​ണങ്ങൾ പ്രദാനം ചെയ്യുന്നു. . . . ഇടവക​ക​ളി​ലെ പ്രമുഖ ക്രിസ്‌ത്യാ​നി​ക​ളിൽ നല്ലൊരു ഭാഗം കൊല​ക​ളിൽ ഉൾപ്പെ​ട്ടി​രു​ന്നു​വെ​ന്ന​തി​നു ലവലേശം സംശയ​മില്ല.” ദുഃഖ​ക​ര​മെന്നു പറയട്ടെ, ക്രിസ്‌ത്യാ​നി​കൾ എന്നു വിളി​ക്ക​പ്പെ​ടു​ന്നവർ തമ്മിലുള്ള പോരാ​ട്ടം മധ്യ ആഫ്രി​ക്കയെ ഒരു മഹാമാ​രി​പോ​ലെ ബാധി​ച്ചു​കൊ​ണ്ടി​രി​ക്കു​ന്നു.

പരസം​ഗ​വും വ്യഭി​ചാ​ര​വും

ദൈവ​വ​ച​ന​മ​നു​സ​രിച്ച്‌, ലൈം​ഗി​ക​ത​യ്‌ക്കു മാന്യ​മായ ഒരു ക്രമീ​ക​ര​ണമേ ഉള്ളൂ, വിവാ​ഹ​ബ​ന്ധ​ത്തി​നു​ള്ളിൽ മാത്രം. “വിവാഹം എല്ലാവർക്കും മാന്യ​വും കിടക്ക നിർമ്മ​ല​വും ആയിരി​ക്കട്ടെ; എന്നാൽ ദുർന്ന​ട​പ്പു​കാ​രെ​യും [“പരസം​ഗ​ക്കാ​രെ​യും,” NW] വ്യഭി​ചാ​രി​ക​ളെ​യും ദൈവം വിധി​ക്കും.” (എബ്രായർ 13:4) സഭാ​നേ​താ​ക്ക​ന്മാർ ദൈവ​ത്തി​ന്റെ ഈ പഠിപ്പി​ക്കൽ ഉയർത്തി​പ്പി​ടി​ക്കു​ന്നു​ണ്ടോ?

1989-ൽ ഓസ്‌​ട്രേ​ലി​യ​യി​ലെ ആംഗ്ലിക്കൻ സഭ ലൈം​ഗി​കത സംബന്ധിച്ച ഒരു ഔദ്യോ​ഗിക പ്രമാണം പുറത്തി​റക്കി. ഇരുവ​രും പൂർണ​മാ​യും പ്രതി​ബ​ദ്ധ​ത​യു​ള്ള​വ​രാ​ണെ​ങ്കിൽ വിവാ​ഹ​പൂർവ ലൈം​ഗി​കത തെറ്റ​ല്ലെന്ന്‌ അതു സൂചി​പ്പി​ച്ചു. കുറേ​ക്കൂ​ടെ അടുത്ത​കാ​ലത്തു സ്‌കോ​ട്ട്‌ലൻഡി​ലെ ആംഗ്ലിക്കൻ സഭാ​നേ​താവ്‌ ഇങ്ങനെ പ്രസ്‌താ​വി​ച്ചു: “അവിഹിത ബന്ധങ്ങളെ പാപപൂർണ​മെ​ന്നോ തെറ്റെ​ന്നോ സഭ കുറ്റം വിധി​ക്ക​രുത്‌. വ്യഭി​ചാ​ര​ത്തി​നു കാരണം നമ്മുടെ ജനിത​ക​ഘ​ട​ന​യാ​ണെന്നു സഭ അംഗീ​ക​രി​ക്കേ​ണ്ട​തുണ്ട്‌.”

ദക്ഷിണാ​ഫ്രി​ക്ക​യിൽ നിരവധി പുരോ​ഹി​ത​ന്മാർ സ്വവർഗ​ര​തിക്ക്‌ അനുകൂ​ല​മാ​യി തുറന്നു സംസാ​രി​ക്കു​ക​യു​ണ്ടാ​യി. ഉദാഹ​ര​ണ​ത്തിന്‌, 1990-ൽ ദക്ഷിണാ​ഫ്രി​ക്ക​യി​ലെ ഒരു മാസി​ക​യായ യൂ ഒരു പ്രമുഖ ആംഗ്ലിക്കൻ ശുശ്രൂ​ഷകൻ ഇങ്ങനെ പറഞ്ഞതാ​യി ഉദ്ധരിച്ചു: “തിരു​വെ​ഴുത്ത്‌ എന്നേക്കും പ്രാബ​ല്യ​മു​ള്ളതല്ല. . . . സ്വവർഗ​ര​തി​ക്കാ​രോ​ടുള്ള സഭയുടെ മനോ​ഭാ​വ​ത്തി​ലും നയത്തി​ലും മാറ്റങ്ങൾ ഉണ്ടാകു​മെന്നു ഞാൻ വിശ്വ​സി​ക്കു​ന്നു.”—റോമർ 1:26, 27-മായി വിപരീത താരത​മ്യം ചെയ്യുക.

1994-ലെ ബ്രിട്ടാ​നി​ക്കാ ബുക്ക്‌ ഓഫ്‌ ദി ഇയർ പറയു​ന്ന​ത​നു​സ​രിച്ച്‌, അമേരി​ക്കൻ സഭകളിൽ ലൈം​ഗി​കത ഒരു പ്രമുഖ വിവാ​ദ​വി​ഷ​യ​മാ​യി​ത്തീർന്നി​രി​ക്കു​ക​യാണ്‌. പ്രത്യേ​കി​ച്ചും “പ്രഖ്യാ​പിത സ്വവർഗ​സം​ഭോ​ഗി​കൾക്കും സ്വവർഗ​സം​ഭോ​ഗി​നി​കൾക്കും ശുശ്രൂ​ഷാ പട്ടം​കൊ​ടു​ക്കൽ, സ്വവർഗ​സം​ഭോ​ഗി​ക​ളു​ടെ അവകാ​ശങ്ങൾ സംബന്ധിച്ച മതപര​മായ ഗ്രാഹ്യം, ‘സ്വവർഗ​സം​ഭോ​ഗി​ക​ളു​ടെ വിവാഹ’ത്തെ ആശീർവ​ദി​ക്കൽ, സ്വവർഗ​സം​ഭോ​ഗ​ത്തോ​ടു ബന്ധപ്പെട്ട ജീവി​ത​രീ​തി​കളെ നിയമ​പ​ര​മാ​ക്കു​ക​യോ കുറ്റം വിധി​ക്കു​ക​യോ ചെയ്യൽ” തുടങ്ങിയ കാര്യങ്ങൾ. മുഖ്യ​ധാ​രാ സഭാവി​ഭാ​ഗ​ങ്ങ​ളിൽ മിക്കവ​യും, കൂടു​ത​ലായ ലൈം​ഗിക സ്വാത​ന്ത്ര്യ​ത്തി​നു വേണ്ടി പോരാ​ടുന്ന വൈദി​കരെ വെച്ചു​പൊ​റു​പ്പി​ക്കു​ന്നു. “സ്വവർഗ​സം​ഭോ​ഗി​കൾക്കു പട്ടം​കൊ​ടു​ക്കു​ന്ന​തി​നും സ്വവർഗ​സം​ഭോ​ഗ​ത്തി​ലേർപ്പെ​ടു​ന്ന​തി​നു​മുള്ള സ്വീകാ​ര്യ​തയെ ഉറപ്പാ​ക്കി​ക്കൊ​ണ്ടുള്ള” ഒരു പ്രഖ്യാ​പ​ന​ത്തിൽ 55 എപ്പിസ്‌കോ​പ്പാ​ലി​യൻ ബിഷപ്പു​മാർ ഒപ്പു​വെ​ച്ച​താ​യി 1995-ലെ ബ്രിട്ടാ​നി​ക്കാ ബുക്ക്‌ ഓഫ്‌ ദി ഇയർ പറയുന്നു.

യേശു ഒരിക്ക​ലും സ്വവർഗ​ര​തി​ക്കെ​തി​രാ​യി സംസാ​രി​ച്ചില്ല എന്നു പറഞ്ഞു​കൊ​ണ്ടു ചില വൈദി​കർ അതിന്‌ അനുകൂ​ല​മാ​യി വാദി​ക്കു​ന്നു. എന്നാൽ അതു വാസ്‌ത​വ​ത്തിൽ അങ്ങനെ​യാ​ണോ? ദൈവ​വ​ചനം സത്യമാ​ണെന്നു യേശു​ക്രി​സ്‌തു പ്രഖ്യാ​പി​ച്ചു. (യോഹ​ന്നാൻ 17:17) “സ്‌ത്രീ​യോ​ടു എന്നപോ​ലെ പുരു​ഷ​നോ​ടു​കൂ​ടെ ശയിക്ക​രു​തു; അതു മ്ലേച്ഛത” എന്നു പറയുന്ന ലേവ്യ​പു​സ്‌തകം 18:22-ൽ വിവരി​ച്ചി​രി​ക്കുന്ന, സ്വവർഗ​രതി സംബന്ധിച്ച ദൈവ​ത്തി​ന്റെ വീക്ഷണത്തെ അവൻ അംഗീ​ക​രി​ച്ചു എന്നാണ്‌ അതിന്റെ അർഥം. മാത്രമല്ല, ‘അകത്തു​നി​ന്നു പുറ​പ്പെട്ടു മനുഷ്യ​നെ അശുദ്ധ​നാ​ക്കുന്ന ദോഷ​ങ്ങളു’ടെ കൂട്ടത്തിൽ പരസം​ഗ​വും വ്യഭി​ചാ​ര​വും യേശു പട്ടിക​പ്പെ​ടു​ത്തി. (മർക്കൊസ്‌ 7:21-23) പരസംഗം എന്നതിന്റെ ഗ്രീക്കു​പദം വ്യഭി​ചാ​ര​ത്തെ​ക്കാൾ കൂടുതൽ വിശാ​ല​മായ ഒരു പദമാണ്‌. സ്വവർഗ​രതി ഉൾപ്പെടെ, നിയമ​പ​ര​മായ വിവാ​ഹ​ത്തി​നു വെളി​യി​ലുള്ള എല്ലാത്തരം ലൈം​ഗി​ക​ബ​ന്ധ​ങ്ങ​ളെ​യും അതു വിശദീ​ക​രി​ക്കു​ന്നു. (യൂദാ 7, NW) പരസം​ഗ​ത്തി​ന്റെ ഗൗരവത്തെ കുറച്ചു​കാ​ട്ടുന്ന, ക്രിസ്‌ത്യാ​നി​യെന്ന്‌ അവകാ​ശ​പ്പെ​ടുന്ന ഒരു ഉപദേ​ഷ്ടാ​വി​നെ​യും വെച്ചു​പൊ​റു​പ്പി​ക്ക​രു​തെന്നു യേശു​ക്രി​സ്‌തു തന്റെ അനുഗാ​മി​കൾക്കു മുന്നറി​യി​പ്പു നൽകി.—വെളി​പ്പാ​ടു 1:1; 2:14, 20.

സ്വവർഗ​സം​ഭോ​ഗി​കൾക്കും സ്വവർഗ​സം​ഭോ​ഗി​നി​കൾക്കും പട്ടം​കൊ​ടു​ക്കു​ന്ന​തി​നു മതനേ​താ​ക്ക​ന്മാർ പ്രചാ​രണം നടത്തു​മ്പോൾ, അതിന്‌ അവരുടെ സഭാം​ഗ​ങ്ങ​ളു​ടെ​മേൽ എന്തു ഫലമാ​ണു​ള്ളത്‌, പ്രത്യേ​കി​ച്ചും യുവജ​ന​ങ്ങ​ളു​ടെ​മേൽ? വിവാ​ഹ​ത്തി​നു വെളി​യി​ലുള്ള ലൈം​ഗി​കത പരീക്ഷി​ച്ചു നോക്കാ​നുള്ള പ്രചോ​ദ​ന​മല്ലേ അത്‌? അതിനു വിരു​ദ്ധ​മാ​യി, “ദുർന്ന​ടപ്പു [“പരസംഗം,” NW] വിട്ട്‌ ഓടു​വിൻ” എന്നു ദൈവ​വ​ചനം ക്രിസ്‌ത്യാ​നി​കളെ ഉദ്‌ബോ​ധി​പ്പി​ക്കു​ന്നു. (1 കൊരി​ന്ത്യർ 6:18) ഒരു സഹവി​ശ്വാ​സി അത്തരം പാപത്തി​ലേക്കു വീണു​പോ​കു​ക​യാ​ണെ​ങ്കിൽ, ആ വ്യക്തിയെ ദൈവ​പ്രീ​തി​യി​ലേക്കു പുനഃ​സ്ഥി​തീ​ക​രി​ക്കു​ക​യെന്ന ഉദ്ദേശ്യ​ത്തോ​ടെ സ്‌നേ​ഹ​പൂർവ​ക​മായ സഹായം നൽകുന്നു. (യാക്കോബ്‌ 5:16, 19, 20) ഈ സഹായം നിരസ്സി​ക്ക​പ്പെ​ടു​ന്നെ​ങ്കി​ലോ? അങ്ങനെ​യു​ള്ളവർ അനുത​പി​ക്കാ​ത്ത​പക്ഷം, അവർ ‘ദൈവ​രാ​ജ്യം അവകാ​ശ​മാ​ക്കു​ക​യില്ല’ എന്നു ബൈബിൾ പ്രസ്‌താ​വി​ക്കു​ന്നു.—1 കൊരി​ന്ത്യർ 6:9, 10.

‘വിവാഹം വിലക്കൽ’

“പരസം​ഗ​ത്തി​ന്റെ വ്യാപനം” നിമിത്തം “വികാ​ര​ത്താൽ ജ്വലി​ക്കു​ന്ന​തി​നെ​ക്കാൾ വിവാഹം കഴിക്കു​ന്നതു നല്ലത്‌” എന്നു ബൈബിൾ പറയുന്നു. (1 കൊരി​ന്ത്യർ 7:2, 9, NW) ജ്ഞാനപൂർവ​ക​മായ ഈ ബുദ്ധ്യു​പ​ദേ​ശ​മു​ണ്ടാ​യി​രു​ന്നി​ട്ടും, ബ്രഹ്മചാ​രി​ക​ളാ​യി, അതായത്‌ അവിവാ​ഹി​ത​രാ​യി, നില​കൊ​ള്ളാൻ വൈദി​ക​രിൽ അനേക​രും നിർബ​ന്ധി​ത​രാ​യി​ത്തീ​രു​ന്നു. “ഒരു പുരോ​ഹി​ത​നോ സന്ന്യാ​സി​യോ കന്യാ​സ്‌ത്രീ​യോ ലൈം​ഗി​ക​ബ​ന്ധ​ങ്ങ​ളിൽ ഏർപ്പെ​ടു​ന്നെ​ങ്കിൽ ബ്രഹ്മച​ര്യ​വ്രതം ലംഘി​ക്ക​പ്പെ​ടു​ന്നില്ല. . . . കുമ്പസാ​ര​ക്കൂ​ട്ടിൽ സത്യസ​ന്ധ​മായ ഒരു പ്രഖ്യാ​പനം നടത്തു​ക​വഴി ലൈം​ഗി​ക​ബ​ന്ധ​ങ്ങൾക്കുള്ള ക്ഷമ ലഭ്യമാണ്‌, എന്നാൽ ഏതെങ്കി​ലും പുരോ​ഹി​തൻ വിവാഹം കഴിക്കു​ന്ന​തി​നെ സഭ അംഗീ​ക​രി​ക്കു​ന്നില്ല,” ദ വറ്റിക്കാൻ പേപ്പേ​ഴ്‌സ്‌ എന്ന തന്റെ ഗ്രന്ഥത്തിൽ നിനോ ലോ ബെല്ലോ വിശദീ​ക​രി​ക്കു​ന്നു. ഈ പഠിപ്പി​ക്കൽ സത്‌ഫ​ല​മാ​ണോ ദുഷ്‌ഫ​ല​മാ​ണോ ഉളവാ​ക്കി​യി​രി​ക്കു​ന്നത്‌?—മത്തായി 7:15-19.

പല പുരോ​ഹി​ത​ന്മാ​രും ധാർമി​ക​മാ​യി ശുദ്ധമായ ജീവി​ത​മാ​ണു നയിക്കു​ന്നത്‌ എന്നതിൽ സംശയ​മില്ല, എന്നാൽ അനേക​രും അങ്ങനെയല്ല. “വൈദി​ക​രു​ടെ ലൈം​ഗിക ദുരുപ​യോ​ഗം സംബന്ധിച്ച കേസുകൾ പരിഹ​രി​ക്കു​ന്ന​തി​നു റോമൻ കത്തോ​ലി​ക്കാ സഭ 300 ദശലക്ഷം ഡോളർ കൊടു​ത്ത​താ​യി റിപ്പോർട്ടു ചെയ്യ​പ്പെട്ടു” എന്ന്‌ 1992-ലെ ബ്രിട്ടാ​നി​ക്കാ ബുക്ക്‌ ഓഫ്‌ ദി ഇയർ പറയുന്നു. പിന്നീട്‌ അതിന്റെ 1994-ലെ പതിപ്പ്‌ ഇങ്ങനെ പറഞ്ഞു: “എയ്‌ഡ്‌സ്‌ നിമി​ത്ത​മുള്ള അനേകം വൈദി​ക​രു​ടെ മരണം സ്വവർഗ​ഭോ​ഗി​ക​ളായ പുരോ​ഹി​ത​ന്മാർ ഉള്ളതായി വെളി​പ്പെ​ടു​ത്തി​യി​രി​ക്കു​ന്നു. മാത്രമല്ല, ഒട്ടുവ​ളരെ സ്വവർഗ​ഭോ​ഗി​കൾ പൗരോ​ഹി​ത്യ​ത്തി​ലേക്ക്‌ എടുക്ക​പ്പെ​ടു​ന്ന​താ​യി . . . അഭി​പ്രാ​യ​ങ്ങ​ളുണ്ട്‌.” ‘വിവാഹം വിലക്കു​ന്നത്‌’ “ഭൂതങ്ങ​ളു​ടെ ഉപദേശ”മാണെന്നു ബൈബിൾ പ്രസ്‌താ​വി​ക്കു​ന്ന​തിൽ അതിശ​യി​ക്കാ​നില്ല. (1 തിമൊ​ഥെ​യൊസ്‌ 4:1-3) ക്രിസ്‌തു​വി​ന്റെ വികാ​രി​കൾ (ഇംഗ്ലീഷ്‌) എന്ന പുസ്‌ത​ക​ത്തിൽ പീറ്റർ ഡേ റോസാ ഇങ്ങനെ എഴുതു​ന്നു: “ചില ചരി​ത്ര​കാ​ര​ന്മാ​രു​ടെ അഭി​പ്രാ​യ​ത്തിൽ, വേശ്യാ​വൃ​ത്തി ഉൾപ്പെടെ പാശ്ചാ​ത്യ​ലോ​ക​ത്തുള്ള ഏതൊരു ക്രമീ​ക​ര​ണ​ത്തെ​ക്കാ​ളും ധാർമി​ക​ത​യ്‌ക്ക്‌ ഒരുപക്ഷേ കൂടുതൽ ഹാനി വരുത്തി​യി​ട്ടു​ള്ളത്‌ [പൗരോ​ഹി​ത്യ ബ്രഹ്മച​ര്യ​മാണ്‌]. . . . [അത്‌] ഒട്ടുമി​ക്ക​പ്പോ​ഴും ക്രിസ്‌ത്യാ​നി​ത്വം എന്ന നാമത്തി​ന്മേ​ലുള്ള ഒരു കളങ്കമാണ്‌. . . . നിർബ​ന്ധിത ബ്രഹ്മച​ര്യം എല്ലായ്‌പോ​ഴും പുരോ​ഹി​ത​ന്മാർക്കി​ട​യി​ലെ കാപട്യ​ത്തി​ലേക്കു നയിച്ചി​രി​ക്കു​ന്നു. . . . ഒരു പുരോ​ഹി​തന്‌ ആയിരം പ്രാവ​ശ്യം അധാർമിക പ്രവൃ​ത്തി​യിൽ ഏർപ്പെ​ടാം, എന്നാൽ ഒരിക്ക​ലും വിവാഹം കഴിക്കാൻ സഭാനി​യമം അദ്ദേഹത്തെ അനുവ​ദി​ക്കു​ന്നില്ല.”

ബാൽ ആരാധന സംബന്ധിച്ച ദൈവ​ത്തി​ന്റെ വീക്ഷണം പരിചി​ന്തി​ച്ചു​ക​ഴി​യു​മ്പോൾ, ക്രൈ​സ്‌ത​വ​ലോ​ക​ത്തി​ലെ ഭിന്നിച്ച സഭകളെ അവൻ എങ്ങനെ വീക്ഷി​ക്ക​ണ​മെന്നു വിവേ​ചി​ക്കുക ദുഷ്‌ക​രമല്ല. ബൈബി​ളി​ലെ അവസാ​നത്തെ പുസ്‌തകം എല്ലാത്തരം വ്യാജാ​രാ​ധ​ന​ക​ളെ​യും “മഹതി​യാം ബാബി​ലോൻ; വേശ്യ​മാ​രു​ടെ​യും മ്ലേച്ഛത​ക​ളു​ടെ​യും മാതാവു” എന്ന നാമത്തിൻ കീഴിൽ ഒന്നിപ്പി​ക്കു​ന്നു. “പ്രവാ​ച​ക​ന്മാ​രു​ടെ​യും വിശു​ദ്ധ​ന്മാ​രു​ടെ​യും ഭൂമി​യിൽവെച്ചു കൊന്നു​കളഞ്ഞ എല്ലാവ​രു​ടെ​യും രക്തം അവളിൽ അല്ലോ കണ്ടതു” എന്നു ബൈബിൾ കൂട്ടി​ച്ചേർക്കു​ന്നു.—വെളി​പ്പാ​ടു 17:5; 18:24.

അതു​കൊണ്ട്‌ തന്റെ ആരാധ​ക​രാ​യി​രി​ക്കാൻ ആഗ്രഹി​ക്കുന്ന എല്ലാവ​രെ​യും ബൈബിൾ ഇങ്ങനെ ഉദ്‌ബോ​ധി​പ്പി​ക്കു​ന്നു: “എന്റെ ജനമാ​യു​ള്ളോ​രെ, അവളുടെ പാപങ്ങ​ളിൽ കൂട്ടാ​ളി​ക​ളാ​കാ​തെ​യും അവളുടെ ബാധക​ളിൽ ഓഹരി​ക്കാ​രാ​കാ​തെ​യു​മി​രി​പ്പാൻ അവളെ വിട്ടു​പോ​രു​വിൻ. . . . മരണം, ദുഃഖം, ക്ഷാമം എന്നിങ്ങനെ അവളുടെ ബാധകൾ ഒരു ദിവസ​ത്തിൽ തന്നേ വരും; അവളെ തീയിൽ ഇട്ടു ചുട്ടു​ക​ള​യും; അവളെ ന്യായം​വി​ധിച്ച ദൈവ​മായ കർത്താവു [“യഹോ​വ​യാം ദൈവം,” NW] ശക്തനല്ലോ.”—വെളി​പ്പാ​ടു 18:4, 8.

ഇപ്പോൾ ഉദിക്കുന്ന ചോദ്യ​മി​താണ്‌: വ്യാജ​മ​ത​ത്തിൽനി​ന്നു പുറത്തു​വ​ന്ന​ശേഷം ഒരു വ്യക്തി എങ്ങോട്ടു പോകണം? ഏതുതരം ആരാധ​ന​യാ​ണു ദൈവ​ത്തി​നു സ്വീകാ​ര്യം?

[5-ാം പേജിലെ ചതുരം/ചിത്രം]

വിഗ്രഹാരാധന

ബാൽ ആരാധ​ന​യിൽ വിഗ്ര​ഹ​ങ്ങ​ളു​ടെ ഉപയോ​ഗം ഉൾപ്പെ​ട്ടി​രു​ന്നു. യഹോ​വാ​രാ​ധ​നയെ ബാലാ​രാ​ധ​ന​യു​മാ​യി കൂട്ടി​ക്ക​ലർത്താൻ ഇസ്രാ​യേ​ല്യർ ശ്രമിച്ചു. അവർ യഹോ​വ​യു​ടെ ആലയത്തി​ലേക്കു വിഗ്ര​ഹങ്ങൾ കൊണ്ടു​വ​രി​ക​പോ​ലും ചെയ്‌തു. ദൈവം യെരു​ശ​ലേ​മി​ന്റെ​മേ​ലും അതിലെ ആലയത്തി​ന്റെ​മേ​ലും നാശം വരുത്തി​യ​പ്പോൾ വിഗ്ര​ഹാ​രാ​ധന സംബന്ധിച്ച ദൈവ​ത്തി​ന്റെ വീക്ഷണം വ്യക്തമാ​യി.

ക്രൈ​സ്‌ത​വ​ലോ​ക​ത്തി​ലെ അനേകം പള്ളിക​ളും കുരിശ്‌, പ്രതീ​കങ്ങൾ, അല്ലെങ്കിൽ മറിയ​യു​ടെ ബിംബങ്ങൾ എന്നിങ്ങ​നെ​യുള്ള വിഗ്ര​ഹ​ങ്ങൾകൊ​ണ്ടു നിറഞ്ഞി​രി​ക്കു​ക​യാണ്‌. മാത്രമല്ല, ഈ പ്രതി​മ​ക​ളു​ടെ മുമ്പാകെ കുമ്പി​ടാ​നും മുട്ടു​കു​ത്താ​നും കുരിശു വരയ്‌ക്കാ​നും പള്ളിയിൽ പോകുന്ന പലരും പഠിപ്പി​ക്ക​പ്പെ​ട്ടി​രി​ക്കു​ന്നു. അതിനു വിരു​ദ്ധ​മാ​യി, “വിഗ്ര​ഹാ​രാ​ധന വിട്ടോ​ടു​വിൻ” എന്നു സത്യ​ക്രി​സ്‌ത്യാ​നി​ക​ളോ​ടു കൽപ്പി​ച്ചി​രി​ക്കു​ന്നു. (1 കൊരി​ന്ത്യർ 10:14) മൂർത്ത​രൂ​പ​ങ്ങ​ളു​ടെ സഹായ​ത്തോ​ടെ ദൈവത്തെ ആരാധി​ക്കാൻ അവർ ശ്രമി​ക്കു​ന്നില്ല.—യോഹ​ന്നാൻ 4:24.

[കടപ്പാട്‌]

Musée du Louvre, Paris

[7-ാം പേജിലെ ചതുരം]

“സഭാ നായകൻ കുറ്റമി​ല്ലാ​ത്ത​വ​നാ​യി​രി​ക്കണം”

ഈ പദപ്ര​യോ​ഗം, റ്റുഡേ​യ്‌സ്‌ ഇംഗ്ലീഷ്‌ വേർഷൻ അനുസ​രിച്ച്‌, തീത്തോസ്‌ 1:7-ൽനിന്നാണ്‌. ജെയിംസ്‌ രാജാ​വി​ന്റെ ഭാഷാ​ന്തരം ഇങ്ങനെ വായി​ക്കു​ന്നു: “ഒരു ബിഷപ്പ്‌ ആരോ​പ​ണ​ര​ഹി​ത​നാ​യി​രി​ക്കണം.” “ബിഷപ്പ്‌” എന്ന പദം “മേൽവി​ചാ​രകൻ” എന്നർഥ​മുള്ള ഒരു ഗ്രീക്കു പദത്തിൽനി​ന്നു വരുന്ന​താണ്‌. അതു​കൊണ്ട്‌ സത്യ​ക്രി​സ്‌തീയ സഭയിൽ നേതൃ​ത്വ​മെ​ടു​ക്കാൻ നിയു​ക്ത​രായ പുരു​ഷ​ന്മാർ അടിസ്ഥാന ബൈബിൾ നിലവാ​ര​ങ്ങ​ളിൽ എത്തി​ച്ചേ​രേ​ണ്ട​തുണ്ട്‌. അല്ലാത്ത​പക്ഷം, മേൽവി​ചാ​ര​ക​സ്ഥാ​ന​ത്തു​നിന്ന്‌ അവരെ നീക്കം ചെയ്യേ​ണ്ട​തുണ്ട്‌, കാരണം അവർ മേലാൽ ‘ആട്ടിൻകൂ​ട്ട​ത്തി​നു മാതൃകക’ളല്ല. (1 പത്രൊസ്‌ 5:2, 3) ക്രൈ​സ്‌ത​വ​ലോ​ക​ത്തി​ലെ സഭകൾ എത്ര ഗൗരവ​ത്തോ​ടെ​യാണ്‌ ഈ വ്യവസ്ഥ കൈ​ക്കൊ​ണ്ടി​രി​ക്കു​ന്നത്‌?

ഞാൻ നിങ്ങളു​ടെ വിവാ​ഹ​ത്തെ​ക്കു​റി​ച്ചു കരുതു​ന്നു (ഇംഗ്ലീഷ്‌) എന്ന ഗ്രന്ഥത്തിൽ ഡോ. എവ്‌ററ്റ്‌ വർത്തി​ങ്‌ടൺ യു.എസ്‌.എ.-യിലെ വെർജീ​നിയ സ്റ്റേറ്റിൽ 100 പാസ്റ്റർമാ​രെ​ക്കു​റി​ച്ചു നടത്തിയ ഒരു സർവേയെ പരാമർശി​ക്കു​ന്നുണ്ട്‌. അവരിൽ 40 ശതമാ​ന​ത്തി​ല​ധി​ക​വും തങ്ങളുടെ വിവാ​ഹ​പ​ങ്കാ​ളി​യ​ല്ലാത്ത ഒരാളു​മാ​യി ലൈം​ഗി​ക​വി​കാ​രം ഉണർത്തു​ന്ന​തരം ഏതെങ്കി​ലും നടത്തയിൽ ഏർപ്പെ​ട്ട​താ​യി സമ്മതിച്ചു. അവരിൽ ഭൂരി​ഭാ​ഗ​വും വ്യഭി​ചാ​ര​ത്തിൽ ഏർപ്പെ​ട്ടി​ട്ടുണ്ട്‌.

“സഭയിൽ ഏറ്റവും ആദരി​ക്ക​പ്പെ​ടുന്ന ചില നേതാ​ക്ക​ന്മാർ അധാർമിക നടത്തയിൽ ഏർപ്പെ​ട്ട​താ​യുള്ള വെളി​പ്പെ​ടു​ത്ത​ലു​ക​ളാൽ കഴിഞ്ഞ ഒരു പതിറ്റാ​ണ്ടു​കാ​ല​മാ​യി സഭ ആടിയു​ല​ഞ്ഞു​കൊ​ണ്ടി​രി​ക്കു​ന്നു” എന്ന്‌ ക്രിസ്‌ത്യാ​നി​ത്വം ഇന്ന്‌ (ഇംഗ്ലീഷ്‌) അഭി​പ്രാ​യ​പ്പെ​ടു​ന്നു. “വ്യഭി​ചാ​രി​ക​ളായ പാസ്റ്റർമാ​രെ യഥാസ്ഥാ​ന​ത്താ​ക്ക​രു​താ​ത്ത​തി​നു കാരണം” എന്ന ലേഖനം, “ലൈം​ഗിക പാപമെന്ന കുറ്റം ചുമത്ത​പ്പെട്ട”ശേഷം പൂർവ സ്ഥാനങ്ങ​ളി​ലേക്കു സഭാ​നേ​താ​ക്ക​ന്മാ​രെ പെട്ടെന്നു യഥാസ്ഥാ​ന​ത്താ​ക്കുന്ന ക്രൈ​സ്‌ത​വ​ലോ​ക​ത്തി​ലെ സാമാന്യ നടപടി​യെ വെല്ലു​വി​ളി​ച്ചു.