സ്വപ്‌ന​ങ്ങൾക്കു ഭാവി മുൻകൂ​ട്ടി​പ്പ​റ​യാൻ കഴിയു​മോ?

പുരാതന കാലം മുതൽ മനുഷ്യ​വർഗം സ്വപ്‌ന​ങ്ങ​ളിൽ അങ്ങേയറ്റം തത്‌പ​ര​രാ​യി​രു​ന്നി​ട്ടുണ്ട്‌. സ്വപ്‌ന വ്യാഖ്യാ​ന​ത്തി​നാ​യി ഈജി​പ്‌തു​കാർ വിശദ​മായ ഗ്രന്ഥങ്ങൾ രചിച്ചു. ബാബി​ലോ​ന്യർക്കും തങ്ങളുടെ സ്വപ്‌ന വ്യാഖ്യാ​താ​ക്കൾ ഉണ്ടായി​രു​ന്നു. സ്വപ്‌ന​ങ്ങ​ളിൽ ആരോഗ്യ നിർദേ​ശങ്ങൾ ലഭിക്കു​ന്ന​തി​നു രോഗ​ഗ്ര​സ്‌തർ അസ്‌ക്ലി​പ​യ​സി​ന്റെ ശ്രീ​കോ​വി​ലു​ക​ളിൽ ഉറങ്ങു​ന്നതു ഗ്രീക്കു​കാ​രു​ടെ​യി​ട​യിൽ പതിവാ​യി​രു​ന്നു. പൊതു​യു​ഗം രണ്ടാം നൂറ്റാ​ണ്ടിൽ സ്വപ്‌ന പ്രതീ​ക​ങ്ങൾക്കു വ്യാഖ്യാ​നങ്ങൾ നൽകി​ക്കൊണ്ട്‌ ആർട്ടെ​മി​ഡോ​റസ്‌ ഒരു പുസ്‌തകം രചിച്ചു. അന്നുമു​തൽ ആ പുസ്‌ത​കത്തെ അടിസ്ഥാ​ന​പ്പെ​ടു​ത്തി സമാന​മായ അനേകം ഗ്രന്ഥങ്ങൾ രചിക്ക​പ്പെ​ട്ടി​ട്ടുണ്ട്‌. ഇന്നുവരെ സ്വപ്‌നങ്ങൾ വ്യാഖ്യാ​നി​ക്കു​ന്ന​തി​നു ശ്രമങ്ങ​ളും നടന്നി​ട്ടുണ്ട്‌. എന്നാൽ അവ ഭാവി സംഭവ​ങ്ങ​ളി​ലേക്കു വാസ്‌ത​വ​മാ​യും ഉൾക്കാഴ്‌ച പകരു​ന്നു​ണ്ടോ?

ഭാവി പ്രാധാ​ന്യം അവയ്‌ക്കു​ണ്ടാ​ക​ണ​മെ​ങ്കിൽ അവ ഒരു ഉന്നത ശക്തിയാൽ സ്വാധീ​നി​ക്ക​പ്പെ​ടേ​ണ്ട​തുണ്ട്‌. ദൈവം, അതേ ശക്തിതന്നെ പ്രദാനം ചെയ്‌തി​രി​ക്കുന്ന അനേകം സന്ദർഭങ്ങൾ ബൈബി​ളിൽ നാം കാണുന്നു. അവൻ തന്റെ ദാസർക്കും അവനെ ആരാധി​ക്കാ​തി​രുന്ന ചിലർക്കും പ്രാവ​ച​നിക സ്വപ്‌നങ്ങൾ നൽകി. വാസ്‌ത​വ​ത്തിൽ, ഇയ്യോബ്‌ 33:14-16 ഇങ്ങനെ പറയുന്നു: “ദൈവം അരുളി​ച്ചെ​യ്യു​ന്നു; . . . ഗാഢനി​ദ്ര മനുഷ്യർക്കു​ണ്ടാ​കു​മ്പോൾ, അവർ ശയ്യമേൽ നിദ്ര​കൊ​ള്ളു​മ്പോൾ, സ്വപ്‌ന​ത്തിൽ, രാത്രി​ദർശ​ത്തിൽ തന്നേ, അവൻ മനുഷ്യ​രു​ടെ ചെവി തുറക്കു​ന്നു.”

പൊതു​യു​ഗ​ത്തിന്‌ 1,700-ലധികം വർഷം മുമ്പു ജീവി​ച്ചി​രുന്ന യോ​സേ​ഫി​ന്റെ കാലത്ത്‌ ഈജി​പ്‌തു​കാ​ര​നായ ഫറവോ​ന്റെ കാര്യ​ത്തിൽ ദൈവം അതാണു ചെയ്‌തത്‌. ഫറവോ​ന്റെ സ്വപ്‌നം ഉല്‌പത്തി 41:1-7-ലും 25-32 വാക്യ​ങ്ങ​ളി​ലും കാണാ​വു​ന്ന​താണ്‌. “മിസ്ര​യീം​ദേ​ശത്തു ഒക്കെയും ബഹു സുഭി​ക്ഷ​മായ” ഏഴു സംവത്സ​ര​വും അതേത്തു​ടർന്ന്‌ ഏഴു വർഷത്തെ ക്ഷാമവും മുൻകൂ​ട്ടി​പ്പ​റ​ഞ്ഞു​കൊ​ണ്ടു യോ​സേഫ്‌ ആ സ്വപ്‌നം വ്യാഖ്യാ​നി​ക്കു​ന്നു. “ദൈവം ചെയ്‌വാൻ ഭാവി​ക്കു​ന്നതു ഫറവോ​ന്നു കാണി​ച്ചു​ത​ന്നി​രി​ക്കു​ന്നു” എന്നു യോ​സേഫ്‌ ഫറവോ​നോ​ടു വിശദീ​ക​രി​ച്ചു. (ഉല്‌പത്തി 41:28) വാസ്‌ത​വ​ത്തിൽ സംഭവി​ച്ച​തി​നെ​ക്കു​റി​ച്ചു പ്രവചി​ക്കു​ന്ന​താ​യി​രു​ന്നു ആ സ്വപ്‌നം.

സമാന​മാ​യ ഒരനു​ഭവം ബാബി​ലോ​ന്യ​രു​ടെ പ്രമുഖ രാജാ​വി​നു​ണ്ടാ​യി. തന്നെ അങ്ങേയറ്റം അലോ​സ​ര​പ്പെ​ടു​ത്തിയ ഒരു സ്വപ്‌നം നെബു​ഖ​ദ്‌നേസർ കണ്ടു. എന്നാൽ അതെന്താ​ണെന്ന്‌ അവന്‌ ഓർമി​ക്കാൻ കഴിഞ്ഞില്ല. അതു​കൊണ്ട്‌, സ്വപ്‌ന​വും വ്യാഖ്യാ​ന​വും അറിയി​ക്കു​ന്ന​തിന്‌ അവൻ തന്റെ മന്ത്രവാ​ദി​കളെ വിളി​പ്പി​ച്ചു. അവരെ സംബന്ധി​ച്ചി​ട​ത്തോ​ളം നിവർത്തി​ക്കാൻ അസാധ്യ​മായ അഭ്യർഥ​ന​യാ​യി​രു​ന്നു അത്‌.—ദാനീ​യേൽ 2:1-11.

രാജാ​വി​നു സ്വപ്‌നം നൽകി​യതു ദൈവ​മാ​യി​രു​ന്ന​തി​നാൽ സ്വപ്‌നം വെളി​പ്പെ​ടു​ത്തു​ന്ന​തി​നും അതു വ്യാഖ്യാ​നി​ക്കു​ന്ന​തി​നും അവൻ ദാനീ​യേ​ലി​നെ പ്രാപ്‌ത​നാ​ക്കി. “അങ്ങനെ ആ രഹസ്യം ദാനീ​യേ​ലി​ന്നു രാത്രി​ദർശ​ന​ത്തിൽ വെളി​പ്പെട്ടു” എന്നു ദാനീ​യേൽ 2:19 പറയുന്നു. “രാജാവു ചോദിച്ച ഗുപ്‌ത​കാ​ര്യം വിദ്വാ​ന്മാർക്കും ആഭിചാ​ര​ക​ന്മാർക്കും മന്ത്രവാ​ദി​കൾക്കും ശകുന​വാ​ദി​കൾക്കും രാജാ​വി​നെ അറിയി​പ്പാൻ കഴിയു​ന്നതല്ല. എങ്കിലും രഹസ്യ​ങ്ങളെ വെളി​പ്പെ​ടു​ത്തുന്ന ഒരു ദൈവം സ്വർഗ്ഗ​ത്തിൽ ഉണ്ടു; അവൻ ഭാവി​കാ​ലത്തു സംഭവി​പ്പാ​നി​രി​ക്കു​ന്നതു നെബൂ​ഖ​ദ്‌നേസർ രാജാ​വി​നെ അറിയി​ച്ചി​രി​ക്കു​ന്നു” എന്നു പറഞ്ഞു​കൊണ്ട്‌ ആ സ്വപ്‌ന​ത്തി​നുള്ള മഹത്ത്വം ദാനീ​യേൽ ദൈവ​ത്തി​നു കരേറ്റി—ദാനീ​യേൽ 2:27, 28.

ചില​പ്പോ​ഴൊ​ക്കെ ദൈവം തന്റെ ജനത്തിനു സ്വപ്‌ന​ങ്ങ​ളി​ലൂ​ടെ നിർദേ​ശങ്ങൾ നൽകി. മറ്റു ചില​പ്പോൾ അവൻ ദിവ്യ​പ്രീ​തി​യെ​ക്കു​റിച്ച്‌ അവർക്ക്‌ ഉറപ്പേ​കു​ക​യോ താൻ എങ്ങനെ​യാണ്‌ അവരെ പിന്തു​ണ​യ്‌ക്കു​ന്ന​തെന്ന്‌ അവരെ മനസ്സി​ലാ​ക്കാൻ സഹായി​ക്കു​ക​യോ ചെയ്‌തു. യാക്കോ​ബി​ന്റെ കാര്യ​ത്തിൽ, ദൈവം തന്റെ അംഗീ​കാ​രം ഒരു സ്വപ്‌ന​ത്തി​ലൂ​ടെ വെളി​പ്പെ​ടു​ത്തി.—ഉല്‌പത്തി 48:3, 4.

യേശു​വി​ന്റെ വളർത്തു​പി​താ​വായ യോ​സേഫ്‌, മറിയ ഗർഭി​ണി​യാ​ണെന്നു തിരി​ച്ച​റി​ഞ്ഞ​പ്പോൾ അവളെ ഉപേക്ഷി​ക്കാൻ തീരു​മാ​നി​ച്ചു. പിന്നീട്‌, അപ്രകാ​രം ചെയ്യരു​തെന്ന്‌ ഒരു സ്വപ്‌ന​ത്തിൽ അവനു നിർദേശം ലഭിച്ചു. “ഇങ്ങനെ നിനെ​ച്ചി​രി​ക്കു​മ്പോൾ കർത്താ​വി​ന്റെ ദൂതൻ അവന്നു സ്വപ്‌ന​ത്തിൽ പ്രത്യ​ക്ഷ​നാ​യി: ദാവീ​ദി​ന്റെ മകനായ യോ​സേഫേ, നിന്റെ ഭാര്യ​യായ മറിയയെ ചേർത്തു​കൊൾവാൻ ശങ്കി​ക്കേണ്ടാ; അവളിൽ ഉല്‌പാ​ദി​ത​മാ​യതു പരിശു​ദ്ധാ​ത്മാ​വി​നാൽ ആകുന്നു” എന്നു മത്തായി 1:20 പറയുന്നു. പിന്നീട്‌ അവനു സ്വപ്‌ന​ത്തിൽ ഒരു മുന്നറി​യി​പ്പു ലഭിച്ചു: ‘കർത്താ​വി​ന്റെ ദൂതൻ യോ​സേ​ഫി​ന്നു സ്വപ്‌ന​ത്തിൽ പ്രത്യ​ക്ഷ​നാ​യി: നീ എഴു​ന്നേ​ററു ശിശു​വി​നെ​യും അമ്മയെ​യും കൂട്ടി​ക്കൊ​ണ്ടു മിസ്ര​യീ​മി​ലേക്കു ഓടി​പ്പോ​വുക.’—മത്തായി 2:13.

ദൈവ​ത്തിൽനി​ന്ന​ല്ലാത്ത സ്വപ്‌ന​ങ്ങൾ

സ്വപ്‌ന വ്യാഖ്യാ​നം ദൈവ​ത്തി​ന്റെ ജനങ്ങള​ല്ലാ​ത്ത​വ​രു​ടെ​യി​ട​യിൽ സാധാ​ര​ണ​മാ​യി​രു​ന്നു​വെന്ന വസ്‌തുത, സ്വപ്‌നങ്ങൾ പൊതു​വേ ഭാവി വെളി​പ്പെ​ടു​ത്തുന്ന വിശ്വ​സ​നീയ ഉറവി​ട​മാ​ണെന്നു കരുതാ​നാ​വി​ല്ലെന്നു സൂചി​പ്പി​ക്കു​ന്നു. പ്രവാ​ച​ക​നായ യിരെ​മ്യാ​വി​ന്റെ കാലത്തു വ്യാജ പ്രവാ​ച​ക​ന്മാർ ഇങ്ങനെ പറഞ്ഞി​രു​ന്നു: “ഞാൻ സ്വപ്‌നം കണ്ടു, സ്വപ്‌നം കണ്ടു.” (യിരെ​മ്യാ​വു 23:25) ദൈവം തങ്ങളി​ലൂ​ടെ സംസാ​രി​ക്കു​ക​യാ​ണെന്നു ചിന്തി​ക്ക​ത്ത​ക്ക​വണ്ണം ജനങ്ങളെ വഴി​തെ​റ്റി​ക്കു​ക​യാ​യി​രു​ന്നു അവരുടെ ഉദ്ദേശ്യം. ആ സ്വപ്‌ന​ക്കാ​രെ​ക്കു​റി​ച്ചു യിരെ​മ്യാവ്‌ ഇങ്ങനെ പറഞ്ഞു: “യിസ്രാ​യേ​ലി​ന്റെ ദൈവ​മായ സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു: നിങ്ങളു​ടെ ഇടയി​ലുള്ള നിങ്ങളു​ടെ പ്രവാ​ച​ക​ന്മാ​രും പ്രശ്‌ന​ക്കാ​രും [“ആത്മജ്ഞാ​ന​സി​ദ്ധി ആചരി​ക്കു​ന്ന​വ​രും,” NW] നിങ്ങളെ ചതിക്ക​രു​തു; നിങ്ങൾ കാണുന്ന സ്വപ്‌ന​ങ്ങളെ കൂട്ടാ​ക്കു​ക​യും അരുതു. അവർ എന്റെ നാമത്തിൽ നിങ്ങ​ളോ​ടു ഭോഷ്‌കു പ്രവചി​ക്കു​ന്നു; . . . എന്നു യഹോ​വ​യു​ടെ അരുള​പ്പാ​ടു.”—യിരെ​മ്യാ​വു 29:8, 9.

ആ വ്യാജ പ്രവാ​ച​ക​ന്മാർ ‘ആത്മജ്ഞാ​ന​സി​ദ്ധി ആചരി​ക്കു​ന്നവർ’ ആയിരു​ന്ന​തി​നാൽ അവരുടെ സ്വപ്‌നങ്ങൾ ജനങ്ങളെ വഞ്ചിക്ക​ണ​മെന്ന ഉദ്ദേശ്യ​ത്തിൽ ദുഷ്ടാത്മ സേനക​ളാൽ സ്വാധീ​നി​ക്ക​പ്പെ​ട്ടി​രു​ന്നി​രി​ക്കണം. ഇതേ സൂചന​യാ​ണു സെഖര്യാ​വു 10:2 നൽകു​ന്ന​തും. അവിടെ ഇങ്ങനെ പറയുന്നു: ‘ഗൃഹബിം​ബങ്ങൾ മിത്ഥ്യ​ത്വം സംസാ​രി​ക്ക​യും ലക്ഷണം പറയു​ന്നവർ [“ആത്മജ്ഞാ​ന​സി​ദ്ധി ആചരി​ക്കു​ന്നവർ,” NW] വ്യാജം ദർശിച്ചു വ്യർത്ഥ​സ്വ​പ്‌നം പ്രസ്‌താ​വി​ക്കു​ക​യും ചെയ്യുന്നു.’

യിരെ​മ്യാ​വി​ന്റെ​യും സെഖര്യാ​വി​ന്റെ​യും നാളിലെ വ്യാജ പ്രവാ​ച​ക​ന്മാർ ചെയ്‌ത​തു​പോ​ലെ, ദൈവം തങ്ങളോ​ടു ദർശന​ങ്ങ​ളി​ലൂ​ടെ​യും സ്വപ്‌ന​ങ്ങ​ളി​ലൂ​ടെ​യും സംസാ​രി​ച്ചു​വെന്നു വ്യാജ​രൂ​പേണ അവകാ​ശ​പ്പെ​ടു​ന്ന​തിന്‌ ആയിര​ക്ക​ണ​ക്കി​നു വർഷങ്ങ​ളാ​യി മതനേ​താ​ക്കളെ ഉപയോ​ഗി​ച്ചി​രി​ക്കുന്ന മുഖ്യ വഞ്ചകനാ​ണു പിശാച്‌. അത്തരക്കാ​രെ​ക്കു​റി​ച്ചു നിശ്വസ്‌ത ബൈബി​ളെ​ഴു​ത്തു​കാ​ര​നായ യൂദാ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “നമ്മുടെ ദൈവ​ത്തി​ന്റെ കൃപയെ ദുഷ്‌കാ​മ​വൃ​ത്തി​ക്കു ഹേതു​വാ​ക്കി ഏകനാ​ഥ​നും നമ്മുടെ കർത്താ​വു​മായ യേശു​ക്രി​സ്‌തു​വി​നെ നിഷേ​ധി​ക്കുന്ന അഭക്തരായ ചില മനുഷ്യർ നുഴഞ്ഞു​വ​ന്നി​രി​ക്കു​ന്നു.” അത്തരം മനുഷ്യർ “സ്വപ്‌നാ​വ​സ്ഥയി”ലെന്ന​പോ​ലെ ആയിരു​ന്നു​വെന്ന്‌ അവൻ പറഞ്ഞു.—യൂദാ 4, 8.

അവകാ​ശ​വാ​ദങ്ങൾ പരി​ശോ​ധി​ക്കു​ക

ദൈവം തന്നോടു സ്വപ്‌ന​ത്തിൽ സംസാ​രി​ച്ചു​വെ​ന്നോ ഭാവി സംബന്ധ​മായ തന്റെ സ്വപ്‌നങ്ങൾ സത്യ​മെന്നു തെളി​ഞ്ഞു​വെ​ന്നോ ഒരു വ്യക്തി അവകാ​ശ​പ്പെ​ട്ടേ​ക്കാം. എങ്കിലും, അയാളെ വിശ്വ​സി​ക്കാ​നും അന്ധമായി പിൻപ​റ്റാ​നും അതു മതിയായ കാരണമല്ല. ആവർത്ത​ന​പു​സ്‌തകം 13:2-4, 6-ൽ ഇസ്രാ​യേ​ല്യർക്കു​വേണ്ടി എഴുത​പ്പെട്ട നിർദേ​ശങ്ങൾ ശ്രദ്ധിക്കൂ: ‘നിങ്ങളു​ടെ ഇടയിൽ ഒരു പ്രവാ​ച​ക​നോ സ്വപ്‌ന​ക്കാ​ര​നോ എഴു​ന്നേറ്റു: നീ അറിഞ്ഞി​ട്ടി​ല്ലാത്ത അന്യ​ദൈ​വ​ങ്ങളെ നാം ചെന്നു സേവിക്ക എന്നു പറഞ്ഞും​കൊ​ണ്ടു ഒരു അടയാ​ള​മോ അത്ഭുത​മോ മുന്നറി​യി​ക്ക​യും അവൻ പറഞ്ഞ അടയാ​ള​മോ അത്ഭുത​മോ സംഭവി​ക്ക​യും ചെയ്‌താൽ ആ പ്രവാ​ച​ക​ന്റെ​യോ സ്വപ്‌ന​ക്കാ​ര​ന്റെ​യോ വാക്കു നീ കേട്ടനു​സ​രി​ക്ക​രു​തു; ആ പ്രവാ​ച​ക​നെ​യോ സ്വപ്‌ന​ക്കാ​ര​നെ​യോ കൊ​ല്ലേണം.’ തന്റെ ജനത്തിന്റെ വിശ്വ​സ്‌ത​ത​യു​ടെ പരി​ശോ​ധ​ന​യെ​ന്ന​വണ്ണം അത്തരക്കാർ വ്യാജം സംസാ​രി​ക്കു​ന്നതു ദൈവം അനുവ​ദി​ച്ചു.

വ്യക്തി​പ്ര​ഭാ​വ​മുള്ള സ്വപ്‌ന​ക്കാ​രു​ടെ അവകാ​ശ​വാ​ദ​ങ്ങളെ അന്ധമായി വിശ്വ​സി​ക്കു​ന്ന​തി​നു പകരം, “ഭൂതലത്തെ മുഴുവൻ തെറ്റി​ച്ചു​ക​ള​യുന്ന” അദൃശ്യ​നായ മുഖ്യ വഞ്ചകനാൽ വഴി​തെ​റ്റി​ക്ക​പ്പെ​ടാ​തി​രി​ക്കു​ന്ന​തിന്‌ അവരുടെ അവകാ​ശ​വാ​ദങ്ങൾ ശരിയാ​ണോ​യെന്നു നാം പരി​ശോ​ധി​ക്കു​ന്ന​താ​ണു ബുദ്ധി. (വെളി​പ്പാ​ടു 12:9) എന്നാൽ അവരെ എങ്ങനെ വിശ്വാ​സ​യോ​ഗ്യ​മാ​യി പരി​ശോ​ധി​ക്കാ​നാ​വും?

ദൈവ​ത്തി​ന്റെ ലിഖിത വചനമാ​ണു സത്യത്തി​ലേ​ക്കുള്ള നമ്മുടെ ദിവ്യദത്ത വഴികാ​ട്ടി. “നിന്റെ വചനം സത്യം ആകുന്നു” എന്ന്‌ അതേക്കു​റിച്ച്‌ യേശു പറഞ്ഞു. (യോഹ​ന്നാൻ 17:17) തന്മൂലം, 1 യോഹ​ന്നാൻ 4:1-ൽ നമ്മെ ഇങ്ങനെ അനുശാ​സി​ച്ചി​രി​ക്കു​ന്നു: “പ്രിയ​മു​ള്ള​വരേ, കള്ളപ്ര​വാ​ച​ക​ന്മാർ പലരും ലോക​ത്തി​ലേക്കു പുറ​പ്പെ​ട്ടി​രി​ക്ക​യാൽ ഏതു ആത്മാവി​നെ​യും വിശ്വ​സി​ക്കാ​തെ ആത്മാക്കൾ ദൈവ​ത്തിൽനി​ന്നു​ള്ള​വ​യോ എന്നു ശോധന ചെയ്‌വിൻ.” ബൈബി​ളു​മാ​യി ശ്രദ്ധാ​പൂർവം താരത​മ്യം ചെയ്യു​മ്പോൾ അവരുടെ അവകാ​ശ​വാ​ദങ്ങൾ, തത്ത്വചി​ന്തകൾ, നടപടി​കൾ എന്നിവ അതിനു കടകവി​രു​ദ്ധ​മാണ്‌. സത്യം എന്താ​ണെ​ന്നതു സംബന്ധിച്ച പ്രമാ​ണ​ഗ്രന്ഥം ദൈവ​വ​ച​ന​മാണ്‌.

പ്രത്യേക അറിവു​ണ്ടെന്ന്‌ അവകാ​ശ​പ്പെ​ടുന്ന സ്വപ്‌ന​ക്കാ​രൻ വാസ്‌ത​വ​ത്തിൽ ആത്മജ്ഞാ​ന​സി​ദ്ധി​യോ മറ്റ്‌ ആത്മവി​ദ്യാ​ചാ​ര​ങ്ങ​ളോ ഉപയോ​ഗി​ക്കു​ന്നു​ണ്ടോ? ഉണ്ടെങ്കിൽ, ദൈവ​വ​ചനം അവനെ കുറ്റം​വി​ധി​ക്കു​ന്നു. “പ്രശ്‌ന​ക്കാ​രൻ, [“ആത്മജ്ഞാ​ന​സി​ദ്ധി ഉപയോ​ഗി​ക്കു​ന്നവൻ,” NW] മുഹൂർത്ത​ക്കാ​രൻ, ആഭിചാ​രകൻ, ക്ഷുദ്ര​ക്കാ​രൻ, മന്ത്രവാ​ദി, വെളി​ച്ച​പ്പാ​ടൻ, ലക്ഷണം പറയു​ന്നവൻ, അഞ്‌ജ​ന​ക്കാ​രൻ എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറു​പ്പാ​കു​ന്നു.”—ആവർത്ത​ന​പു​സ്‌തകം 18:10-12.

മരിക്കാത്ത ഒരു ദേഹി തന്നിലു​ണ്ടെന്നു സ്വപ്‌ന​ക്കാ​രൻ അവകാ​ശ​പ്പെ​ടു​ന്നെ​ങ്കിൽ, “പാപം ചെയ്യുന്ന ദേഹി മരിക്കും” എന്നു വ്യക്തമാ​യി പ്രസ്‌താ​വി​ക്കുന്ന ദൈവ​വ​ച​നത്തെ അയാൾ മറുക്കു​ക​യാണ്‌. (യെഹെ​സ്‌കേൽ 18:4) അയാൾ സ്വയം ഉയർത്തു​ക​യും ആളുകളെ തന്നി​ലേക്ക്‌ ആകർഷി​ക്കു​ക​യു​മാ​ണോ? “തന്നെത്താൻ ഉയർത്തു​ന്നവൻ എല്ലാം താഴ്‌ത്ത​പ്പെ​ടും” എന്നു മത്തായി 23:12 മുന്നറി​യി​പ്പു നൽകുന്നു. മാത്രമല്ല, “ശിഷ്യ​ന്മാ​രെ തങ്ങളുടെ പിന്നാലെ വലിച്ചു​ക​ള​വാ​നാ​യി വിപരീ​തോ​പ​ദേശം പ്രസ്‌താ​വി​ക്കുന്ന പുരു​ഷ​ന്മാർ നിങ്ങളു​ടെ ഇടയിൽനി​ന്നും എഴു​ന്നേ​ല്‌ക്കും” എന്നു പ്രവൃ​ത്തി​കൾ 20:30 ക്രിസ്‌ത്യാ​നി​കൾക്കു മുന്നറി​യി​പ്പു നൽകുന്നു.

അയാൾ അക്രമത്തെ പ്രോ​ത്സാ​ഹി​പ്പി​ക്കു​ന്നു​വോ? “ഉയരത്തിൽനി​ന്നുള്ള ജ്ഞാനമോ ഒന്നാമതു നിർമ്മ​ല​വും പിന്നെ സമാധാ​ന​വും ശാന്തത​യും അനുസ​ര​ണ​വു​മു​ള്ള​തും കരുണ​യും സൽഫല​വും നിറഞ്ഞ​തും പക്ഷപാ​ത​വും കപടവും ഇല്ലാത്ത​തു​മാ​കു​ന്നു. എന്നാൽ സമാധാ​നം ഉണ്ടാക്കു​ന്നവർ സമാധാ​ന​ത്തിൽ വിതെച്ചു നീതി എന്ന ഫലം കൊയ്യും” എന്നു പറഞ്ഞു​കൊ​ണ്ടു യാക്കോബ്‌ 3:17, 18 അയാളെ കുറ്റം​വി​ധി​ക്കു​ന്നു. അയാൾ ലോക​ത്തിൽ രാഷ്‌ട്രീയ അധികാ​ര​മോ സ്വാധീ​ന​മോ തേടു​ന്നു​ണ്ടോ? “ലോകത്തിന്റെ സ്‌നേ​ഹി​തൻ ആകുവാൻ ഇച്ഛിക്കു​ന്ന​വ​നെ​ല്ലാം ദൈവ​ത്തി​ന്റെ ശത്രു​വാ​യി​ത്തീ​രു​ന്നു” എന്നു പറഞ്ഞു​കൊ​ണ്ടു ദൈവ​വ​ചനം അയാളെ തുറന്ന​ടി​ച്ചു കുറ്റ​പ്പെ​ടു​ത്തു​ന്നു. അങ്ങനെ, ബൈബിൾ വ്യാജത്തെ തുറന്നു​കാ​ട്ടു​ന്നു.—യാക്കോബ്‌ 4:4.

ഒരു വ്യക്തി കുടും​ബ​ത്തി​ലെ ഒരംഗ​മോ സുഹൃ​ത്തോ മരിച്ചു​പോ​യ​താ​യി സ്വപ്‌നം കാണു​ന്നെ​ങ്കിൽ ഒരുപക്ഷേ അത്‌ അയാൾക്ക്‌ ആ വ്യക്തി​യെ​ക്കു​റി​ച്ചു ചിന്തയു​ള്ള​തി​നാ​ലാണ്‌. അയാൾ സ്വപ്‌നം കണ്ട അതേ രാത്രി​യിൽത്തന്നെ ആ വ്യക്തി മരിച്ചു​പോ​യെന്നു വരികി​ലും സ്വപ്‌നം പ്രാവ​ച​നി​ക​മാ​യി​രു​ന്നു​വെന്ന്‌ അതു തെളി​യി​ക്കു​ന്നില്ല. ഇത്തരത്തി​ലുള്ള ഒരു സ്വപ്‌നം യാഥാർഥ്യ​മാ​യി തീരു​ന്ന​താ​യി തോന്നി​ക്കവേ അങ്ങനെ സംഭവി​ക്കാത്ത നൂറു​ക​ണ​ക്കി​നു സ്വപ്‌ന​ങ്ങ​ളുണ്ട്‌.

പോയ​കാ​ല​ങ്ങ​ളിൽ, തന്റെ ലിഖി​ത​വ​ചനം നിർമി​ച്ചു​കൊ​ണ്ടി​രി​ക്കേ ദൈവം പ്രാവ​ച​നിക സംഭവങ്ങൾ വെളി​പ്പെ​ടു​ത്തു​ന്ന​തി​നു സ്വപ്‌നങ്ങൾ ഉപയോ​ഗി​ച്ചു​വെ​ങ്കി​ലും ഇപ്പോൾ അവന്‌ അങ്ങനെ ചെയ്യേ​ണ്ട​തി​ന്റെ ആവശ്യ​മില്ല. ഇന്നു മനുഷ്യ​വർഗ​ത്തിന്‌ ആവശ്യ​മാ​യി​രി​ക്കുന്ന സകല നിർദേ​ശ​ങ്ങ​ളും ദൈവ​ത്തിൽനി​ന്നുള്ള ആ ലിഖിത വചനത്തിൽ ഉൾപ്പെ​ട്ടി​രി​ക്കു​ന്നു. മാത്രമല്ല, അതിലെ പ്രവച​നങ്ങൾ ആയിരം വർഷത്തെ ഭാവി സംഭവ​ങ്ങ​ളു​മാ​യി ബന്ധപ്പെ​ട്ടി​രി​ക്കു​ന്നു. (2 തിമൊ​ഥെ​യൊസ്‌ 3:16, 17) തന്മൂലം, നമ്മുടെ സ്വപ്‌നങ്ങൾ ഭാവി സംഭവ​ങ്ങ​ളെ​ക്കു​റി​ച്ചു ദൈവ​ത്തിൽനി​ന്നുള്ള സൂചന​കളല്ല മറിച്ച്‌, നമ്മുടെ മാനസിക ക്ഷേമം നിലനിർത്തു​ന്ന​തിന്‌ ഒഴിച്ചു​കൂ​ടാ​നാ​വാത്ത തലച്ചോ​റി​ന്റെ പ്രവർത്ത​ന​ങ്ങ​ളാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.

[7-ാം പേജിലെ ചിത്രം]

സംഭവിക്കാൻ പോകു​ന്നത്‌ എന്താ​ണെന്നു ഫറവോ​ന്റെ സ്വപ്‌നം വ്യക്തമാ​ക്കി​യ​തു​പോ​ലെ ദൈവ​വ​ചനം നമ്മുടെ ഭാവിക്കു വെളി​ച്ച​മേ​കു​ന്നു