സഞ്ചാര​മേൽവി​ചാ​ര​ക​ന്മാർ വിശ്വസ്‌ത ഗൃഹവി​ചാ​ര​ക​ന്മാ​രാ​യി സേവി​ക്കുന്ന വിധം

“ഓരോ​രു​ത്തന്നു വരം ലഭിച്ച​തു​പോ​ലെ വിവി​ധ​മാ​യുള്ള ദൈവ​കൃ​പ​യു​ടെ നല്ല ഗൃഹവി​ചാ​ര​ക​ന്മാ​രാ​യി അതി​നെ​ക്കൊ​ണ്ടു അന്യോ​ന്യം ശുശ്രൂ​ഷി​പ്പിൻ.”—1 പത്രൊസ്‌ 4:10.

1, 2. (എ) “ഗൃഹവി​ചാ​രകൻ” എന്ന പദം നിങ്ങൾ എങ്ങനെ നിർവ​ചി​ക്കും? (ബി) ദൈവം ഉപയോ​ഗി​ക്കുന്ന ഗൃഹവി​ചാ​ര​ക​ന്മാർക്കി​ട​യിൽ ആരെല്ലാം ഉൾപ്പെ​ടു​ന്നു?

യഹോവ എല്ലാ വിശ്വസ്‌ത ക്രിസ്‌ത്യാ​നി​ക​ളെ​യും ഗൃഹവി​ചാ​ര​ക​ന്മാ​രാ​യി ഉപയോ​ഗി​ക്കു​ന്നു. സാധാ​ര​ണ​മാ​യി, ഭവനത്തി​ന്റെ ചുമത​ല​യുള്ള ഒരു ദാസനാ​ണു ഗൃഹവി​ചാ​രകൻ. അവൻ തന്റെ യജമാ​നന്റെ ബിസി​നസ്‌ കാര്യാ​ദി​ക​ളും നോക്കി​ന​ട​ത്തി​യേ​ക്കാം. (ലൂക്കൊസ്‌ 16:1-3; ഗലാത്യർ 4:1, 2) ഭൂമി​യി​ലെ തന്റെ വിശ്വ​സ്‌ത​രായ അഭിഷി​ക്ത​രു​ടെ സംഘത്തെ യേശു ‘വിശ്വസ്‌ത ഗൃഹവി​ചാ​രകൻ’ എന്നു വിളിച്ചു. അവൻ രാജ്യ​പ്ര​സംഗ പ്രവർത്ത​നങ്ങൾ ഉൾപ്പെടെ “തനിക്കുള്ള സകലവും” ഭരമേൽപ്പി​ച്ചി​രി​ക്കു​ന്നത്‌ ഈ ഗൃഹവി​ചാ​ര​ക​നെ​യാണ്‌.—ലൂക്കൊസ്‌ 12:42-44; മത്തായി 24:14, 45.

² എല്ലാ ക്രിസ്‌ത്യാ​നി​ക​ളും ദൈവ​ത്തി​ന്റെ വ്യത്യസ്‌ത വിധങ്ങ​ളിൽ പ്രകട​മാ​യി​രി​ക്കുന്ന അനർഹ​ദ​യ​യു​ടെ ഗൃഹവി​ചാ​ര​ക​ന്മാ​രാ​ണെന്നു പത്രൊസ്‌ അപ്പോ​സ്‌തലൻ പറഞ്ഞു. വിശ്വസ്‌ത ഗൃഹവി​ചാ​രണ നിർവ​ഹി​ക്കാ​വുന്ന ഒരു സ്ഥാനം ഓരോ ക്രിസ്‌ത്യാ​നി​ക്കു​മുണ്ട്‌. (1 പത്രൊസ്‌ 4:10) നിയമിത ക്രിസ്‌തീയ മൂപ്പന്മാർ ഗൃഹവി​ചാ​ര​ക​ന്മാ​രാണ്‌. അവരിൽപ്പെ​ട്ട​വ​രാണ്‌ സഞ്ചാര​മേൽവി​ചാ​ര​ക​ന്മാർ. (തീത്തൊസ്‌ 1:7) ഈ സഞ്ചാര​മൂ​പ്പ​ന്മാ​രെ എങ്ങനെ​യാ​ണു വീക്ഷി​ക്കേ​ണ്ടത്‌? അവർക്കെ​ന്തെ​ല്ലാം ഗുണങ്ങ​ളും ലക്ഷ്യങ്ങ​ളും ഉണ്ടായി​രി​ക്കണം? അവർക്ക്‌ ഏറ്റവും മികച്ച പ്രയോ​ജനം കൈവ​രു​ത്താ​വു​ന്ന​തെ​ങ്ങനെ?

സേവന​ത്തോ​ടു കൃതജ്ഞ​ത​യു​ള്ള​വർ

3. സഞ്ചാര​മേൽവി​ചാ​ര​ക​ന്മാ​രെ “നല്ല ഗൃഹവി​ചാ​ര​ക​ന്മാർ” എന്നു വിളി​ക്കാ​വു​ന്നത്‌ എന്തു​കൊണ്ട്‌?

³ ഒരു സഞ്ചാര​മേൽവി​ചാ​ര​ക​നും ഭാര്യ​യ്‌ക്കും എഴുതവേ ഒരു ക്രിസ്‌തീയ വിവാ​ഹിത ദമ്പതികൾ പറഞ്ഞു: “നിങ്ങൾ ഞങ്ങൾക്കു നൽകിയ സമയത്തി​നും സ്‌നേ​ഹ​ത്തി​നും ഞങ്ങൾ നന്ദിപ​റ​യാൻ ആഗ്രഹി​ക്കു​ന്നു. ഒരു കുടും​ബം എന്നനി​ല​യിൽ, നിങ്ങളു​ടെ എല്ലാ പ്രോ​ത്സാ​ഹ​ന​ത്തി​ലും ഉപദേ​ശ​ത്തി​ലും​നി​ന്നു ഞങ്ങൾക്കു കാര്യ​മായ പ്രയോ​ജനം ലഭിച്ചു. ഞങ്ങൾ ആത്മീയ​മാ​യി വളരു​ന്ന​തിൽ തുടര​ണ​മെന്നു ഞങ്ങൾക്ക​റി​യാം. എന്നാൽ യഹോ​വ​യു​ടെ സഹായ​വും നിങ്ങ​ളെ​പ്പോ​ലെ​യുള്ള സഹോ​ദ​രീ​സ​ഹോ​ദ​ര​ന്മാ​രും ഉള്ളതി​നാൽ അതിലുള്ള ബുദ്ധി​മു​ട്ടു​കൾ ലഘൂക​രി​ക്ക​പ്പെ​ടു​ന്നുണ്ട്‌.” ഇതു​പോ​ലുള്ള ആശയ​പ്ര​ക​ട​നങ്ങൾ ഇടയ്‌ക്കി​ടെ ഉണ്ടാകാ​റുണ്ട്‌, കാരണം ഒരു നല്ല ഗൃഹവി​ചാ​രകൻ ഭവനത്തി​ന്റെ ആവശ്യ​ങ്ങൾക്കു​വേണ്ടി നന്നായി കരുതു​ന്ന​തു​പോ​ലെ സഞ്ചാര​മേൽവി​ചാ​ര​ക​ന്മാർ സഹവി​ശ്വാ​സി​ക​ളിൽ വ്യക്തി​പ​ര​മായ താത്‌പ​ര്യ​മെ​ടു​ക്കു​ന്നു. ചിലർ മികച്ച പ്രസം​ഗ​ക​രാ​യി​രി​ക്കും. അനേകർക്കും പ്രസം​ഗ​വേ​ല​യി​ലാ​വും നൈപു​ണ്യം. മറ്റുചി​ല​രാ​കട്ടെ, ഊഷ്‌മ​ള​ത​യ്‌ക്കും അനുക​മ്പ​യ്‌ക്കും പേരു​കേ​ട്ട​വ​രാ​വും. മറ്റുള്ള​വരെ ശുശ്രൂ​ഷി​ക്കു​ന്ന​തിൽ അത്തരം കഴിവു​കൾ നട്ടുവ​ളർത്തി ഉപയോ​ഗി​ക്കു​ന്ന​തി​നാൽ, സഞ്ചാര​മേൽവി​ചാ​ര​ക​ന്മാ​രെ ഉചിത​മാ​യും “നല്ല ഗൃഹവി​ചാ​ര​ക​ന്മാർ” എന്നു വിളി​ക്കാം.

4. ഇപ്പോൾ ഏതു ചോദ്യം പരിചി​ന്തി​ക്കു​ന്ന​താ​യി​രി​ക്കും?

⁴ “ഗൃഹവി​ചാ​ര​കൻമാ​രിൽ അന്വേ​ഷി​ക്കു​ന്ന​തോ അവർ വിശ്വ​സ്‌ത​രാ​യി​രി​ക്കേണം എന്നത്രേ” എന്നു പൗലൊസ്‌ അപ്പോ​സ്‌തലൻ എഴുതി. (1 കൊരി​ന്ത്യർ 4:2) വാരം​തോ​റും വ്യത്യസ്‌ത സഭയിൽ സഹക്രി​സ്‌ത്യാ​നി​കൾക്കു​വേണ്ടി ശുശ്രൂഷ ചെയ്യു​ന്നത്‌ അനുപ​മ​വും സന്തോ​ഷ​ഭ​രി​ത​വു​മായ ഒരു പദവി​യാണ്‌. എന്നിരു​ന്നാ​ലും, അതൊരു ഭാരിച്ച ഉത്തരവാ​ദി​ത്വ​വു​മാണ്‌. അപ്പോൾ, സഞ്ചാര​മേൽവി​ചാ​ര​ക​ന്മാർക്കു തങ്ങളുടെ ഗൃഹവി​ചാ​രണ വിശ്വ​സ്‌ത​മാ​യും വിജയ​ക​ര​മാ​യും എങ്ങനെ നിർവ​ഹി​ക്കാ​നാ​വും?

ഗൃഹവി​ചാ​രണ വിജയ​പ്ര​ദ​മാ​യി നിവർത്തി​ക്കൽ

5, 6. സഞ്ചാര​മേൽവി​ചാ​ര​കന്റെ ജീവി​ത​ത്തിൽ യഹോ​വ​യി​ലുള്ള പ്രാർഥ​നാ​നിർഭ​ര​മായ ആശ്രയം വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁵ സഞ്ചാര​മേൽവി​ചാ​ര​ക​ന്മാർ വിജയ​പ്ര​ദ​രായ ഗൃഹവി​ചാ​ര​ക​ന്മാ​രാ​യി​രി​ക്കാൻ യഹോ​വ​യി​ലുള്ള പ്രാർഥ​നാ​നിർഭ​ര​മായ ആശ്രയം അത്യന്താ​പേ​ക്ഷി​ത​മാണ്‌. അവരുടെ പട്ടിക​യും അനവധി ഉത്തരവാ​ദി​ത്വ​ങ്ങ​ളും നിമിത്തം, തങ്ങൾ അമിത​മാ​യി ഭാര​പ്പെ​ടു​ന്ന​താ​യി അവർക്കു ചില​പ്പോൾ തോന്നാം. (2 കൊരി​ന്ത്യർ 5:4 താരത​മ്യം ചെയ്യുക.) അതു​കൊണ്ട്‌, അവർ സങ്കീർത്ത​ന​ക്കാ​ര​നായ ദാവീ​ദി​ന്റെ ഗീത​ത്തോ​ടു യോജി​പ്പിൽ പ്രവർത്തി​ക്കേ​ണ്ട​തുണ്ട്‌: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും: നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.” (സങ്കീർത്തനം 55:22) “നാൾതോ​റും നമ്മുടെ ഭാരങ്ങളെ ചുമക്കുന്ന കർത്താവു വാഴ്‌ത്ത​പ്പെ​ടു​മാ​റാ​കട്ടെ” എന്ന ദാവീ​ദി​ന്റെ വാക്കു​ക​ളും ആശ്വാ​സ​പ്ര​ദ​മാണ്‌.—സങ്കീർത്തനം 68:19.

⁶ പൗലൊ​സിന്‌ ആത്മീയ ഉത്തരവാ​ദി​ത്വ​ങ്ങൾ നിറ​വേ​റ്റു​ന്ന​തി​നുള്ള ശക്തി ലഭിച്ചത്‌ എവി​ടെ​നി​ന്നാ​യി​രു​ന്നു? “എനിക്കു ബലം നൽകു​ന്നവൻ ഹേതു​വാ​യി എനിക്കു സകലത്തി​നും ശക്‌തി​യുണ്ട്‌,” അവൻ എഴുതി. (ഫിലി​പ്പി​യർ 4:13, NW) അതേ, പൗലൊ​സി​ന്റെ ശക്തിയു​ടെ ഉറവിടം യഹോ​വ​യാം ദൈവ​മാ​യി​രു​ന്നു. സമാന​മാ​യി, പത്രൊസ്‌ ഉപദേ​ശി​ച്ചു: “ഒരുത്തൻ ശുശ്രൂ​ഷി​ക്കു​ന്നു എങ്കിൽ ദൈവം നല്‌കുന്ന പ്രാപ്‌തി​ക്കു ഒത്തവണ്ണ​വും ആകട്ടെ. എല്ലാറ​റി​ലും ദൈവം യേശു​ക്രി​സ്‌തു മൂലം മഹത്വ​പ്പെ​ടു​വാൻ ഇടവരട്ടെ.” (1 പത്രൊസ്‌ 4:11) “പ്രശ്‌നങ്ങൾ കൈകാ​ര്യം ചെയ്യു​ന്ന​തിന്‌ എല്ലായ്‌പോ​ഴും യഹോ​വ​യി​ലേക്കു നോക്കു​ക​യും അവന്റെ സ്ഥാപന​ത്തി​ന്റെ സഹായം തേടു​ക​യും ചെയ്യുക” എന്നു പറഞ്ഞു​കൊണ്ട്‌, അനേക വർഷം സഞ്ചാര​മേൽവി​ചാ​രകൻ ആയിരുന്ന ഒരു സഹോ​ദരൻ, ദൈവ​ത്തിൽ ആശ്രയി​ക്കേ​ണ്ട​തി​ന്റെ ആവശ്യം ഊന്നി​പ്പ​റഞ്ഞു.

7. സഞ്ചാര​മേൽവി​ചാ​ര​ക​ന്മാ​രു​ടെ വേലയിൽ സമനില നല്ലൊരു പങ്കു വഹിക്കു​ന്ന​തെ​ങ്ങനെ?

⁷ വിജയ​പ്ര​ദ​രായ സഞ്ചാര​മേൽവി​ചാ​ര​ക​ന്മാർക്കു സമനി​ല​യും ആവശ്യ​മാണ്‌. മറ്റു ക്രിസ്‌ത്യാ​നി​ക​ളെ​പ്പോ​ലെ, അയാൾ “പ്രാധാ​ന്യ​മേ​റിയ കാര്യങ്ങൾ തിട്ട​പ്പെടു”ത്താൻ യത്‌നി​ക്കു​ന്നു. (ഫിലി​പ്പി​യർ 1:10, NW)a പ്രാ​ദേ​ശിക മൂപ്പന്മാർക്ക്‌ ഒരു പ്രത്യേക കാര്യം സംബന്ധി​ച്ചു ചോദ്യ​ങ്ങൾ ഉണ്ടായി​രി​ക്കു​മ്പോൾ, സന്ദർശ​ന​ത്തി​നെ​ത്തുന്ന സർക്കിട്ട്‌ മേൽവി​ചാ​ര​ക​നു​മാ​യി സംഗതി കൂടി​യാ​ലോ​ചി​ക്കു​ന്നതു ജ്ഞാനപൂർവ​ക​മാണ്‌. (സദൃശ​വാ​ക്യ​ങ്ങൾ 11:14; 15:22) സാധ്യ​ത​യ​നു​സ​രിച്ച്‌, അദ്ദേഹം സഭ വിട്ടു​പോ​യ​തി​നു​ശേഷം മൂപ്പന്മാർ സംഗതി കൈകാ​ര്യം ചെയ്യു​ന്ന​തിൽ തുടരു​മ്പോൾ അദ്ദേഹ​ത്തി​ന്റെ സമനി​ല​യുള്ള നിരീ​ക്ഷ​ണ​ങ്ങ​ളും തിരു​വെ​ഴു​ത്തു ബുദ്ധ്യു​പ​ദേ​ശ​വും വളരെ സഹായ​ക​മാ​ണെന്നു തെളി​യും. ഏതാണ്ട്‌ സമാന​മാ​യൊ​രു ആശയം പൗലൊസ്‌ തിമൊ​ഥെ​യൊ​സി​നോ​ടു പറഞ്ഞു: “നീ പല സാക്ഷി​ക​ളു​ടെ മുമ്പാകെ എന്നോടു കേട്ട​തെ​ല്ലാം മററു​ള്ള​വരെ ഉപദേ​ശി​പ്പാൻ സമർത്ഥ​രായ വിശ്വ​സ്‌ത​മ​നു​ഷ്യ​രെ ഭരമേ​ല്‌പിക്ക.”—2 തിമൊ​ഥെ​യൊസ്‌ 2:2.

8. ബൈബിൾ പഠനവും ഗവേഷ​ണ​വും ധ്യാന​വും അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?

⁸ തിരു​വെ​ഴു​ത്തു പഠനം, ഗവേഷണം, ധ്യാനം എന്നിവ ഈടുറ്റ ബുദ്ധ്യു​പ​ദേശം നൽകു​ന്ന​തിന്‌ അത്യന്താ​പേ​ക്ഷി​ത​മാണ്‌. (സദൃശ​വാ​ക്യ​ങ്ങൾ 15:28) ഒരു ഡിസ്‌ട്രി​ക്‌റ്റ്‌ മേൽവി​ചാ​രകൻ പറഞ്ഞു: “മൂപ്പന്മാ​രു​മാ​യി കണ്ടുമു​ട്ടു​മ്പോൾ, നമുക്ക്‌ ഒരു പ്രത്യേക ചോദ്യ​ത്തി​ന്റെ ഉത്തരം അറിയി​ല്ലെ​ങ്കിൽ അതു സമ്മതി​ക്കാൻ വൈമ​ന​സ്യം കാട്ടരുത്‌.” സംഗതി സംബന്ധി​ച്ചു “ക്രിസ്‌തു​വി​ന്റെ മനസ്സു” ലഭിക്കാൻ ശ്രമി​ക്കു​ന്നത്‌ ദൈവ​ഹി​ത​ത്തി​നു യോജി​പ്പിൽ പ്രവർത്തി​ക്കാൻ മറ്റുള്ള​വരെ സഹായി​ക്കുന്ന ബൈബി​ള​ധി​ഷ്‌ഠിത ബുദ്ധ്യു​പ​ദേശം കൊടു​ക്കു​ന്നതു സാധ്യ​മാ​ക്കും. (1 കൊരി​ന്ത്യർ 2:16) ചില​പ്പോൾ ഒരു സഞ്ചാര​മേൽവി​ചാ​രകൻ മാർഗ​നിർദേ​ശ​ത്തി​നാ​യി വാച്ച്‌ ടവർ സൊ​സൈ​റ്റി​യി​ലേക്ക്‌ എഴു​തേ​ണ്ടി​വ​ന്നേ​ക്കാം. സംഗതി എങ്ങനെ​യാ​യാ​ലും, യഹോ​വ​യി​ലുള്ള വിശ്വാ​സ​ത്തി​നും സത്യ​ത്തോ​ടുള്ള സ്‌നേ​ഹ​ത്തി​നും പ്രതി​ച്ഛാ​യ​യെ​ക്കാൾ അഥവാ വാ​ഗ്വൈ​ഭ​വ​ത്തെ​ക്കാൾ വളരെ​യേറെ പ്രാധാ​ന്യ​മുണ്ട്‌. “വചനത്തി​ന്റെ​യോ ജ്ഞാനത്തി​ന്റെ​യോ വൈഭവ”ത്തോടെ വരുന്ന​തി​നു​പ​കരം, “ബലഹീ​ന​ത​യോ​ടും ഭയത്തോ​ടും വളരെ നടുക്ക​ത്തോ​ടും​കൂ​ടെ”യായി​രു​ന്നു പൗലൊസ്‌ കൊരി​ന്തിൽ ശുശ്രൂഷ ആരംഭി​ച്ചത്‌. ഇത്‌ അവനെ ഫലപ്ര​ദ​ന​ല്ലാ​താ​ക്കി​യോ? നേരെ​മ​റിച്ച്‌, അതു കൊരി​ന്ത്യ​രെ “മനുഷ്യ​രു​ടെ ജ്ഞാന”ത്തിലല്ല, “ദൈവ​ത്തി​ന്റെ ശക്തി”യിൽ വിശ്വ​സി​ക്കാൻ സഹായി​ച്ചു.—1 കൊരി​ന്ത്യർ 2:1-5.

മറ്റു മർമ​പ്ര​ധാന ഗുണങ്ങൾ

9. സഞ്ചാര മൂപ്പന്മാർക്കു സമാനു​ഭാ​വം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

⁹ സമാനു​ഭാ​വം സഞ്ചാര​മേൽവി​ചാ​ര​ക​ന്മാ​രെ നല്ല ഫലങ്ങൾ നേടു​ന്ന​തി​നു സഹായി​ക്കു​ന്നു. ‘സഹാനു​ഭൂ​തി പ്രകട​മാ​ക്കാൻ’ അല്ലെങ്കിൽ “അനുക​മ്പ​യുള്ള”വരായി​രി​ക്കാൻ പത്രൊസ്‌ എല്ലാ ക്രിസ്‌ത്യാ​നി​ക​ളെ​യും ഉദ്‌ബോ​ധി​പ്പി​ച്ചു. (1 പത്രൊസ്‌ 3:8, NW അടിക്കു​റിപ്പ്‌) സർക്കിട്ട്‌ മേൽവി​ചാ​ര​കനു ‘സഭയിലെ എല്ലാവ​രി​ലും താത്‌പ​ര്യ​വും ആത്മാർഥ​മായ ശ്രദ്ധയും കാണി​ക്കേ​ണ്ട​തി​ന്റെ’ ആവശ്യം തോന്നു​ന്നു. സമാന​മായ ഒരു മനോ​ഭാ​വ​ത്തോ​ടെ പൗലൊസ്‌ എഴുതി: “സന്തോ​ഷി​ക്കു​ന്ന​വ​രോ​ടു​കൂ​ടെ സന്തോ​ഷി​ക്ക​യും കരയു​ന്ന​വ​രോ​ടു​കൂ​ടെ കരകയും ചെയ്‌വിൻ.” (റോമർ 12:15) അത്തര​മൊ​രു മനോ​ഭാ​വം സഞ്ചാര​മേൽവി​ചാ​ര​ക​ന്മാ​രെ സഹവി​ശ്വാ​സി​ക​ളു​ടെ പ്രശ്‌ന​ങ്ങ​ളും സാഹച​ര്യ​ങ്ങ​ളും മനസ്സി​ലാ​ക്കു​ന്ന​തിന്‌ ആത്മാർഥ​മാ​യി ശ്രമി​ക്കാൻ പ്രേരി​പ്പി​ക്കു​ന്നു. പിന്നെ ബാധക​മാ​ക്കു​ന്ന​പക്ഷം യഥാർഥ പ്രയോ​ജ​ന​മു​ണ്ടാ​ക്കുന്ന, കെട്ടു​പ​ണി​ചെ​യ്യുന്ന തിരു​വെ​ഴു​ത്തു ബുദ്ധ്യു​പ​ദേശം അവർക്കു നൽകാ​നാ​വും. സമാനു​ഭാ​വം പ്രകട​മാ​ക്കു​ന്ന​തിൽ ശ്രേഷ്‌ഠ​നായ ഒരു സർക്കിട്ട്‌ മേൽവി​ചാ​ര​കന്‌ ഇറ്റലി​യി​ലെ ടൂറിനു സമീപ​മുള്ള ഒരു സഭയിൽനിന്ന്‌ ഈ എഴുത്ത്‌ കിട്ടി: “മറ്റുള്ളവർ നിങ്ങളിൽ താത്‌പ​ര്യം കാണി​ക്കാൻ ആഗ്രഹി​ക്കു​ന്നെ​ങ്കിൽ, മറ്റുള്ള​വ​രിൽ താത്‌പ​ര്യം കാട്ടുക; പ്രസാ​ദി​പ്പി​ക്കാൻ ആഗ്രഹി​ക്കു​ന്നെ​ങ്കിൽ, പ്രസന്നത കാട്ടുക; സ്‌നേ​ഹി​ക്ക​പ്പെ​ടാൻ ആഗ്രഹി​ക്കു​ന്നെ​ങ്കിൽ, സ്‌നേ​ഹ​യോ​ഗ്യ​നാ​വുക; സഹായി​ക്ക​പ്പെ​ടാൻ ആഗ്രഹി​ക്കു​ന്നെ​ങ്കിൽ, സഹായി​ക്കാൻ മനസ്സൊ​രു​ക്കം കാട്ടുക. ഇതാണു ഞങ്ങൾ നിങ്ങളിൽനി​ന്നു പഠിച്ചി​രി​ക്കു​ന്നത്‌!”

10. താഴ്‌മ​യു​ള്ള​വ​രാ​യി​രി​ക്കു​ന്നതു സംബന്ധിച്ച്‌ സർക്കിട്ട്‌, ഡിസ്‌ട്രി​ക്‌റ്റ്‌ മേൽവി​ചാ​ര​ക​ന്മാർ എന്തു പറഞ്ഞി​രി​ക്കു​ന്നു, ഇക്കാര്യ​ത്തിൽ യേശു എന്തു ദൃഷ്ടാന്തം വെച്ചു?

¹⁰ താഴ്‌മ​യു​ള്ള​വ​രും സമീപി​ക്കാ​വു​ന്ന​വ​രും ആയിരി​ക്കു​ന്നത്‌ കാര്യ​മായ പ്രയോ​ജനം ചെയ്യു​ന്ന​തി​നു സഞ്ചാര​മേൽവി​ചാ​ര​ക​ന്മാ​രെ സഹായി​ക്കു​ന്നു. ഒരു സർക്കിട്ട്‌ മേൽവി​ചാ​രകൻ അഭി​പ്രാ​യ​പ്പെട്ടു: “താഴ്‌മ​യുള്ള ഒരു മനോ​ഭാ​വം നിലനിർത്തു​ന്നത്‌ ഏറ്റവും പ്രധാ​ന​മാണ്‌.” അദ്ദേഹം പുതിയ സഞ്ചാര​മേൽവി​ചാ​ര​ക​ന്മാ​രെ ഇങ്ങനെ ബുദ്ധ്യു​പ​ദേ​ശി​ക്കാ​റുണ്ട്‌: “കൂടുതൽ സമ്പന്നരായ സഹോ​ദ​രങ്ങൾ നിങ്ങൾക്കു ചെയ്‌തു​ത​ന്നേ​ക്കാ​വുന്ന കാര്യ​ങ്ങൾനി​മി​ത്തം അനാവ​ശ്യ​മാ​യി അവരുടെ സ്വാധീ​ന​ത്തി​ലാ​കാൻ നിങ്ങളെ അനുവ​ദി​ക്ക​രുത്‌, സൗഹൃദം അത്തരത്തി​ലു​ള്ള​വ​രോ​ടു മാത്ര​മാ​യി ചുരു​ക്കു​ക​യു​മ​രുത്‌. എന്നാൽ മറ്റുള്ള​വ​രു​മാ​യി എല്ലായ്‌പോ​ഴും മുഖപ​ക്ഷ​മി​ല്ലാ​തെ ഇടപെ​ടാൻ യത്‌നി​ക്കുക.” (2 ദിനവൃ​ത്താ​ന്തം 19:6, 7) യഥാർഥ​ത്തിൽ താഴ്‌മ​യുള്ള ഒരു സഞ്ചാര​മേൽവി​ചാ​ര​കനു സൊ​സൈ​റ്റി​യു​ടെ ഒരു പ്രതി​നി​ധി എന്നനി​ല​യിൽ തനിക്കുള്ള പ്രാധാ​ന്യ​ത്തെ​ക്കു​റിച്ച്‌ ഊതി​വീർപ്പി​ച്ചൊ​രു കാഴ്‌ച​പ്പാട്‌ ഉണ്ടായി​രി​ക്കു​ക​യില്ല. ഒരു ഡിസ്‌ട്രി​ക്‌റ്റ്‌ മേൽവി​ചാ​രകൻ ഇങ്ങനെ അഭി​പ്രാ​യ​പ്പെട്ടു: “താഴ്‌മ​യു​ള്ള​വ​രും സഹോ​ദ​രങ്ങൾ പറയു​ന്നതു കേൾക്കാൻ മനസ്സൊ​രു​ക്ക​മു​ള്ള​വ​രും ആയിരി​ക്കു​വിൻ. എല്ലായ്‌പോ​ഴും സമീപി​ക്കാ​വു​ന്ന​വ​രാ​യി​രി​ക്കു​വിൻ.” ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻ എന്നനി​ല​യിൽ യേശു​ക്രി​സ്‌തു​വിന്‌ ആളുകളെ ഉദ്വേ​ഗ​ഭ​രി​ത​രാ​ക്കാ​മാ​യി​രു​ന്നു. എന്നാൽ അവൻ അങ്ങേയറ്റം താഴ്‌മ​യു​ള്ള​വ​നും സമീപി​ക്കാ​വു​ന്ന​വ​നും ആയിരു​ന്നു, കാരണം കുട്ടി​കൾപോ​ലും അവന്റെ സമീപം ആയാസ​ര​ഹി​ത​രാ​യി​രു​ന്നു. (മത്തായി 18:5; മർക്കൊസ്‌ 10:13-16) കുട്ടി​ക​ളും കൗമാ​ര​ക്കാ​രും പ്രായം​ചെ​ന്ന​വ​രും—വാസ്‌ത​വ​ത്തിൽ സഭയിലെ ആരും ഏവരും—മടികൂ​ടാ​തെ തങ്ങളെ സമീപി​ക്കാൻ സഞ്ചാര​മേൽവി​ചാ​ര​ക​ന്മാർ ആഗ്രഹി​ക്കു​ന്നു.

11. ആവശ്യ​മാ​യി​രി​ക്കു​മ്പോൾ, ക്ഷമാപ​ണ​ത്തിന്‌ എന്തു ഫലമു​ണ്ടാ​യി​രി​ക്കാ​വു​ന്ന​താണ്‌?

¹¹ തീർച്ച​യാ​യും, “നാം എല്ലാവ​രും പലതി​ലും തെററി​പ്പോ​കു​ന്നു,” തെറ്റു ചെയ്യുന്ന കാര്യ​ത്തിൽ ഒരു സഞ്ചാര​മേൽവി​ചാ​ര​ക​നും ഒഴിവാ​യി​രി​ക്കു​ന്നില്ല. (യാക്കോബ്‌ 3:2) അവർക്കു പിഴവു​കൾ പറ്റു​മ്പോൾ, ആത്മാർഥ​മായ ഒരു ക്ഷമാപണം മറ്റു മൂപ്പന്മാർക്കു താഴ്‌മ​യു​ടേ​തായ ഒരു മാതൃക വെക്കും. സദൃശ​വാ​ക്യ​ങ്ങൾ 22:4 പറയു​ന്ന​പ്ര​കാ​രം, “താഴ്‌മ​ക്കും യഹോ​വ​ഭ​ക്ഷി​ക്കും ഉള്ള പ്രതി​ഫലം ധനവും മാനവും ജീവനും ആകുന്നു.” ദൈവ​ത്തി​ന്റെ ദാസ​രെ​ല്ലാ​വ​രും ‘തങ്ങളുടെ ദൈവ​ത്തി​ന്റെ സന്നിധി​യിൽ താഴ്‌മ​യോ​ടെ നടക്കേണ്ട’തല്ലേ? (മീഖാ 6:8) പുതിയ സഞ്ചാര​മൂ​പ്പന്‌ എന്ത്‌ ഉപദേശം കൊടു​ക്കാ​നുണ്ട്‌ എന്നു ചോദി​ച്ച​പ്പോൾ, ഒരു സർക്കിട്ട്‌ മേൽവി​ചാ​രകൻ അഭി​പ്രാ​യ​പ്പെട്ടു: “എല്ലാ സഹോ​ദ​ര​ങ്ങ​ളോ​ടും വലിയ ആദരവും പരിഗ​ണ​ന​യും കാട്ടുക. അവരെ നിങ്ങ​ളെ​ക്കാൾ മെച്ച​പ്പെ​ട്ട​വ​രാ​യി കരുതുക. സഹോ​ദ​ര​ങ്ങ​ളിൽനി​ന്നു നിങ്ങൾ വളരെ​യ​ധി​കം പഠിക്കും. താഴ്‌മ​യു​ള്ള​വ​നാ​യി നില​കൊ​ള്ളുക. നാട്യ​മി​ല്ലാ​ത്ത​വ​നാ​യി​രി​ക്കുക. ജാടകാ​ട്ടാ​തി​രി​ക്കുക.”—ഫിലി​പ്പി​യർ 2:3.

12. ക്രിസ്‌തീയ ശുശ്രൂ​ഷ​യി​ലുള്ള തീക്ഷ്‌ണ​ത​യ്‌ക്കു വളരെ പ്രാധാ​ന്യ​മു​ള്ളത്‌ എന്തു​കൊണ്ട്‌?

¹² ക്രിസ്‌തീയ ശുശ്രൂ​ഷ​യി​ലുള്ള തീക്ഷ്‌ണത സഞ്ചാര​മേൽവി​ചാ​ര​കന്റെ വാക്കു​കൾക്കു ഗാംഭീ​ര്യ​മേ​കു​ന്നു. വാസ്‌ത​വ​ത്തിൽ, അദ്ദേഹ​വും ഭാര്യ​യും സുവി​ശേഷ വേലയിൽ തീക്ഷ്‌ണ​ത​യുള്ള മാതൃക വെക്കു​മ്പോൾ, മൂപ്പന്മാ​രും അവരുടെ ഭാര്യ​മാ​രും സഭയിലെ മറ്റുള്ള​വ​രും ശുശ്രൂ​ഷ​യിൽ തീക്ഷ്‌ണത പ്രകട​മാ​ക്കാൻ പ്രോ​ത്സാ​ഹി​ത​രാ​കു​ന്നു. “സേവന​ത്തോ​ടു തീക്ഷ്‌ണ​ത​യു​ള്ള​വ​രാ​യി​രി​ക്കുക,” ഒരു സർക്കിട്ട്‌ മേൽവി​ചാ​രകൻ ഉദ്‌ബോ​ധി​പ്പി​ച്ചു. അദ്ദേഹം ഇങ്ങനെ കുട്ടി​ച്ചേർത്തു: “ഒരു സഭയ്‌ക്കു ശുശ്രൂ​ഷ​യിൽ എത്രമാ​ത്രം തീക്ഷ്‌ണ​ത​യു​ണ്ടോ അത്രയും കുറച്ചു പ്രശ്‌ന​ങ്ങളേ ഉണ്ടാവൂ” എന്നാണു പൊതു​വേ ഞാൻ കണ്ടിരി​ക്കു​ന്നത്‌. മറ്റൊരു സർക്കിട്ട്‌ മേൽവി​ചാ​രകൻ ഇങ്ങനെ അഭി​പ്രാ​യ​പ്പെട്ടു: “സഹോ​ദ​രീ​സ​ഹോ​ദ​ര​ന്മാ​രോ​ടൊ​പ്പം മൂപ്പന്മാർ വയലിൽ പ്രവർത്തി​ക്കു​ക​യും ശുശ്രൂഷ ആസ്വദി​ക്കാൻ അവരെ സഹായി​ക്കു​ക​യും ചെയ്യു​ന്നെ​ങ്കിൽ, അതിന്റെ ഫലം മനസ്സമാ​ധാ​ന​വും യഹോ​വയെ സേവി​ക്കു​ന്ന​തിൽ ഏറ്റവും വലിയ സംതൃ​പ്‌തി​യു​മാ​യി​രി​ക്കു​മെന്നു ഞാൻ വിശ്വ​സി​ക്കു​ന്നു.” പൗലൊസ്‌ അപ്പോ​സ്‌തലൻ ‘വലിയ പോരാ​ട്ട​ത്തോ​ടെ ദൈവ​ത്തി​ന്റെ സുവി​ശേഷം തെസ്സ​ലൊ​നീ​ക്യ​രോ​ടു പ്രസം​ഗി​പ്പാൻ ധൈര്യം സംഭരി​ച്ചു.’ അവന്റെ സന്ദർശ​ന​ത്തെ​ക്കു​റി​ച്ചും പ്രസംഗ പ്രവർത്ത​ന​ത്തെ​ക്കു​റി​ച്ചും അവർക്കു മധുര​സ്‌മ​ര​ണകൾ ഉണ്ടായി​രു​ന്ന​തി​ലും അവർ അവനെ വീണ്ടും കാണാൻ വാഞ്‌ഛി​ച്ച​തി​ലും യാതൊ​ര​ത്ഭു​ത​വു​മില്ല!—1 തെസ്സ​ലൊ​നീ​ക്യർ 2:1, 2; 3:6, NW.

13. വയൽ ശുശ്രൂ​ഷ​യിൽ സഹക്രി​സ്‌ത്യാ​നി​ക​ളോ​ടൊ​പ്പം പ്രവർത്തി​ക്കു​മ്പോൾ ഒരു സഞ്ചാര​മേൽവി​ചാ​രകൻ എന്തിനു പരിഗണന കൊടു​ക്കു​ന്നു?

¹³ വയൽശു​ശ്രൂ​ഷ​യിൽ സഹക്രി​സ്‌ത്യാ​നി​ക​ളു​മൊ​ത്തു പ്രവർത്തി​ക്കു​മ്പോൾ, സഞ്ചാര​മേൽവി​ചാ​രകൻ അവരുടെ സാഹച​ര്യ​ങ്ങ​ളും പരിമി​തി​ക​ളും കണക്കി​ലെ​ടു​ക്കു​ന്നു. തന്റെ നിർദേ​ശങ്ങൾ സഹായ​ക​മാ​യി​രു​ന്നേ​ക്കാ​മെ​ങ്കി​ലും, പരിച​യ​സ​മ്പ​ന്ന​നായ ഒരു മൂപ്പനു​മൊ​ത്തു പ്രസം​ഗ​വേ​ല​യി​ലേർപ്പെ​ടാൻ ചിലർക്കു പരി​ഭ്ര​മ​മു​ണ്ടാ​വു​മെന്ന്‌ അദ്ദേഹ​ത്തി​ന​റി​യാം. അതു​കൊണ്ട്‌ ചിലരു​ടെ കാര്യ​ത്തിൽ, ബുദ്ധ്യു​പ​ദേ​ശ​ത്തെ​ക്കാൾ പ്രയോ​ജ​ന​പ്രദം പ്രോ​ത്സാ​ഹ​ന​മാ​യി​രി​ക്കാം. അദ്ദേഹം പ്രസാ​ധ​ക​രു​ടെ​യോ പയനി​യർമാ​രു​ടെ​യോ കൂടെ ബൈബി​ള​ധ്യ​യ​ന​ത്തി​നു പോകു​മ്പോൾ, താൻ അതു നിർവ​ഹി​ക്ക​ണ​മെന്ന്‌ അവർ താത്‌പ​ര്യ​പ്പെ​ട്ടേ​ക്കാം. സാധ്യ​ത​യ​നു​സ​രിച്ച്‌ ഇതു തങ്ങളുടെ പഠിപ്പി​ക്കൽവി​ധ​ങ്ങൾക്കു പുരോ​ഗതി വരുത്താ​നുള്ള ചില മാർഗ​ങ്ങ​ളു​മാ​യി അവർ പരിചി​ത​രാ​കാൻ ഇടയാ​ക്കും.

14. തീക്ഷ്‌ണ​ത​യുള്ള സഞ്ചാര​മേൽവി​ചാ​ര​ക​ന്മാർ മറ്റുള്ള​വ​രിൽ തീക്ഷ്‌ണത വർധി​പ്പി​ക്കു​ന്നു എന്നു പറയാ​വു​ന്നത്‌ എന്തു​കൊണ്ട്‌?

¹⁴ തീക്ഷ്‌ണ​ത​യുള്ള സഞ്ചാര​മേൽവി​ചാ​ര​ക​ന്മാർ മറ്റുള്ള​വ​രിൽ തീക്ഷ്‌ണത വർധി​പ്പി​ക്കു​ന്നു. ഉഗാണ്ട​യി​ലെ ഒരു സർക്കിട്ട്‌ മേൽവി​ചാ​രകൻ കാര്യ​മായ പുരോ​ഗ​തി​യി​ല്ലാ​യി​രുന്ന ഒരു ബൈബി​ള​ധ്യ​യ​ന​ത്തി​നാ​യി ഒരു സഹോ​ദ​ര​നോ​ടൊ​പ്പം പോയി. ഘോര​വ​ന​ത്തി​ലൂ​ടെ​യുള്ള ഒരു മണിക്കൂർനീണ്ട നടത്തമാ​യി​രു​ന്നു അത്‌. നടത്തത്തി​നി​ട​യിൽ കനത്ത മഴപെ​യ്‌ത്‌ അവർ നനഞ്ഞു കുതിർന്നു. സന്ദർശകൻ ഒരു സഞ്ചാര​മേൽവി​ചാ​ര​ക​നാ​ണെന്ന്‌ ആറംഗ​കു​ടും​ബം മനസ്സി​ലാ​ക്കി​യ​പ്പോൾ, അവർക്ക്‌ അങ്ങേയറ്റം മതിപ്പു​തോ​ന്നി. തങ്ങളുടെ സഭയിലെ ശുശ്രൂ​ഷകർ ആടുക​ളു​ടെ കാര്യ​ത്തിൽ ഒരിക്ക​ലും ഇത്ര താത്‌പ​ര്യം കാണി​ക്കാ​റി​ല്ലെന്ന്‌ അവർക്ക്‌ അറിയാ​മാ​യി​രു​ന്നു. പിറ്റേ ഞായറാഴ്‌ച, അവർ ആദ്യമാ​യി യോഗ​ത്തിൽ സംബന്ധി​ക്കു​ക​യും യഹോ​വ​യു​ടെ സാക്ഷി​ക​ളാ​യി​ത്തീ​രാ​നുള്ള ആഗ്രഹം പ്രകടി​പ്പി​ക്കു​ക​യും ചെയ്‌തു.

15. മെക്‌സി​ക്കോ​യിൽ തീക്ഷ്‌ണ​ത​യുള്ള ഒരു സർക്കിട്ട്‌ മേൽവി​ചാ​ര​കന്‌ ഏതു നല്ല അനുഭ​വ​മു​ണ്ടാ​യി?

¹⁵ മെക്‌സി​ക്കൻ സംസ്ഥാ​ന​മായ വഹാക്ക​യിൽ, ഒരു സർക്കിട്ട്‌ മേൽവി​ചാ​രകൻ വാസ്‌ത​വ​ത്തിൽ തന്നിൽനി​ന്നു പ്രതീ​ക്ഷി​ക്കാത്ത ഒരു ശ്രമം ചെയ്യു​ക​യു​ണ്ടാ​യി. ഒരു തടവറ​യിൽ രാജ്യ​പ്ര​സാ​ധ​ക​രാ​യി​ത്തീർന്ന ഏഴ്‌ അന്തേവാ​സി​ക​ളു​ടെ കൂട്ടത്തെ സന്ദർശി​ക്കാൻ നാലു രാത്രി​കൾ അവിടെ കഴിയാൻ അദ്ദേഹം വേണ്ട ഏർപ്പാ​ടു​കൾ ചെയ്‌തു. ഈ തടവു​കാർ തടവറ​കൾതോ​റും സാക്ഷീ​ക​രി​ക്കു​ക​യും ബൈബി​ള​ധ്യ​യ​നങ്ങൾ നടത്തു​ക​യും ചെയ്‌ത​പ്പോൾ പല ദിവസ​ങ്ങ​ളോ​ളം അദ്ദേഹ​വും അവരെ അനുഗ​മി​ച്ചു. താത്‌പ​ര്യം പ്രകട​മാ​യ​തി​നാൽ, ഇവയിൽ ചില അധ്യയ​നങ്ങൾ രാത്രി ഏറെ വൈകു​വോ​ളം നീണ്ടു. “സന്ദർശ​ന​ത്തി​ന്റെ അവസാനം, പരസ്‌പര പ്രോ​ത്സാ​ഹ​ന​ത്തി​ന്റെ ഫലമായി അന്തേവാ​സി​ക​ളും ഞാനും സന്തോ​ഷ​ഭ​രി​ത​രാ​യി​രു​ന്നു,” തീക്ഷ്‌ണ​ത​യുള്ള ആ സർക്കിട്ട്‌ മേൽവി​ചാ​രകൻ എഴുതു​ന്നു.

16. സഞ്ചാര​മേൽവി​ചാ​ര​ക​ന്മാ​രും ഭാര്യ​മാ​രും പ്രോ​ത്സാ​ഹനം തരു​മ്പോൾ, അതു വളരെ പ്രയോ​ജ​ന​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹⁶ സഞ്ചാര​മേൽവി​ചാ​ര​ക​ന്മാർ പ്രോ​ത്സാ​ഹ​ന​മേ​കു​ന്ന​വ​രാ​യി​രി​ക്കാൻ ശ്രമി​ക്കു​ന്നു. പൗലൊസ്‌ മെക്ക​ദോ​ന്യ​യി​ലെ സഭകൾ സന്ദർശി​ച്ച​പ്പോൾ, ‘അവരെ അനേകം വാക്കു​ക​ളാൽ പ്രോ​ത്സാ​ഹി​പ്പി​ച്ചു.’ (പ്രവൃ​ത്തി​കൾ 20:1, 2, NW) പ്രോ​ത്സാ​ഹന വാക്കുകൾ ചെറു​പ്പ​ക്കാ​രെ​യും പ്രായം​ചെ​ന്ന​വ​രെ​യും ആത്മീയ ലാക്കു​ക​ളി​ലേക്കു നയിക്കു​ന്ന​തിൽ വളരെ സഹായ​ക​മാ​വും. വാച്ച്‌ ടവർ സൊ​സൈ​റ്റി​യു​ടെ ഒരു വലിയ ബ്രാഞ്ച്‌ ഓഫീ​സിൽ, ഏതാണ്ട്‌ 20 ശതമാനം സ്വമേ​ധയാ സേവക​രെ​യും മുഴു​സ​മ​യ​സേ​വനം ഏറ്റെടു​ക്കു​ന്ന​തി​നു പ്രേരി​പ്പി​ച്ചത്‌ സർക്കിട്ട്‌ മേൽവി​ചാ​ര​ക​ന്മാ​രാ​യി​രു​ന്നു​വെന്ന്‌ ഒരു അനൗപ​ചാ​രിക സർവേ വെളി​പ്പെ​ടു​ത്തി. മുഴു​സമയ രാജ്യ​പ്ര​ഘോ​ഷക എന്നനി​ല​യി​ലുള്ള തന്റെ മാതൃ​ക​യാൽ, സഞ്ചാര​മേൽവി​ചാ​ര​കന്റെ ഭാര്യ​യും പ്രോ​ത്സാ​ഹ​ന​ത്തി​ന്റെ ഒരു വലിയ ഉറവാ​ണെന്നു തെളി​യു​ന്നു.

17. മറ്റുള്ള​വർക്കു സഹായം കൊടു​ക്കു​ന്ന​തി​നുള്ള തന്റെ പദവി​യെ​ക്കു​റിച്ച്‌ പ്രായം​ചെന്ന ഒരു സർക്കിട്ട്‌ മേൽവി​ചാ​ര​കന്‌ എന്തു തോന്നു​ന്നു?

¹⁷ പ്രായ​മേ​റി​യ​വർക്കും വിഷാ​ദ​ചി​ത്തർക്കും പ്രോ​ത്സാ​ഹനം വിശേ​ഷി​ച്ചും ആവശ്യ​മാണ്‌. പ്രായം​ചെന്ന ഒരു സർക്കിട്ട്‌ മേൽവി​ചാ​രകൻ എഴുതു​ന്നു: “എന്റെ വേലയിൽ അവർണ​നീ​യ​മായ ആന്തരിക സന്തോഷം ഉളവാ​ക്കുന്ന ഒരു വശം ദൈവ​ത്തി​ന്റെ ആടുകൾക്കി​ട​യി​ലെ നിഷ്‌ക്രി​യർക്കും പ്രായ​മേ​റിയ ദുർബ​ലർക്കും സഹായ​മേ​കു​ന്ന​തി​നുള്ള പദവി​യാണ്‌. ‘അത്തരക്കാ​രു​ടെ സ്ഥിരീ​ക​ര​ണ​ത്തി​ന്നാ​യി ആത്മിക​വരം വല്ലതും അവർക്കു നൽക’വേ എനിക്ക്‌ അത്യന്തം പ്രോ​ത്സാ​ഹ​ന​വും ശക്തിയും ലഭിക്കു​ന്ന​തു​കൊണ്ട്‌ റോമർ 1:11, 12-ലെ വാക്കു​കൾക്ക്‌ എന്നെ സംബന്ധി​ച്ചി​ട​ത്തോ​ളം പ്രത്യേക അർഥമുണ്ട്‌.”

അവരുടെ സന്തോ​ഷ​പൂ​രിത വേലയു​ടെ പ്രതി​ഫ​ല​ങ്ങൾ

18. സഞ്ചാര​മേൽവി​ചാ​ര​ക​ന്മാർക്ക്‌ തിരു​വെ​ഴു​ത്തു​പ​ര​മായ ഏതെല്ലാം ലക്ഷ്യങ്ങ​ളുണ്ട്‌?

¹⁸ സഞ്ചാര​മേൽവി​ചാ​ര​ക​ന്മാർക്കു സഹവി​ശ്വാ​സി​കളെ സഹായി​ക്കു​ന്ന​തിൽ ആത്മാർഥ​മായ താത്‌പ​ര്യ​മുണ്ട്‌. സഭകളെ ബലപ്പെ​ടു​ത്താ​നും അവയെ ആത്മീയ​മാ​യി കെട്ടു​പ​ണി​ചെ​യ്യാ​നും അവർ ആഗ്രഹി​ക്കു​ന്നു. (പ്രവൃ​ത്തി​കൾ 15:41) “പ്രോ​ത്സാ​ഹനം കൊടു​ക്കാ​നും നവോ​ന്മേഷം പകരാ​നും ശുശ്രൂഷ നിർവ​ഹി​ച്ചു സത്യത്തിൽ ജീവി​ക്കു​ന്നതു തുടരാ​നുള്ള ആഗ്രഹം ഉന്നമി​പ്പി​ക്കാ​നും” ഒരു സഞ്ചാര​മേൽവി​ചാ​രകൻ കഠിന​മാ​യി പ്രവർത്തി​ക്കു​ന്നു. (3 യോഹ​ന്നാൻ 3) മറ്റൊ​രാൾ സഹവി​ശ്വാ​സി​കളെ വിശ്വാ​സ​ത്തിൽ ഉറപ്പി​ക്കാൻ ശ്രമി​ക്കു​ന്നു. (കൊ​ലൊ​സ്സ്യർ 2:6, 7) സഞ്ചാര​മേൽവി​ചാ​രകൻ ഒരു “ഇണയാ​ളി​യാ”ണ്‌, മറിച്ച്‌ മറ്റുള്ള​വ​രു​ടെ വിശ്വാ​സ​ത്തി​നു​മേൽ ഒരു യജമാ​ന​ന​ല്ലെന്ന്‌ ഓർക്കുക. (ഫിലി​പ്പി​യർ 4:3; 2 കൊരി​ന്ത്യർ 1:24) അദ്ദേഹ​ത്തി​ന്റെ സന്ദർശനം പ്രോ​ത്സാ​ഹ​ന​ത്തി​നും കൂടു​ത​ലായ പ്രവർത്ത​ന​ത്തി​നു​മുള്ള ഒരവസ​ര​മാണ്‌. മാത്ര​വു​മല്ല, നേടിയ പുരോ​ഗതി പുനര​വ​ലോ​കനം ചെയ്യു​ന്ന​തി​നും ഭാവി ലക്ഷ്യങ്ങൾ പരിചി​ന്തി​ക്കു​ന്ന​തി​നു​മുള്ള അവസരം അതു മൂപ്പന്മാ​രു​ടെ സംഘത്തി​നു പ്രദാനം ചെയ്യുന്നു. അദ്ദേഹ​ത്തി​ന്റെ വാക്കു​ക​ളാ​ലും മാതൃ​ക​യാ​ലും സഭാ​പ്ര​സാ​ധ​കർക്കും പയനി​യർമാർക്കും ശുശ്രൂ​ഷാ​ദാ​സ​ന്മാർക്കും മൂപ്പന്മാർക്കും പ്രോ​ത്സാ​ഹനം ലഭിക്കു​മെ​ന്നും ഭാവി പ്രവർത്ത​ന​ങ്ങൾക്കാ​യി ഉത്തേജി​പ്പി​ക്ക​പ്പെ​ടു​മെ​ന്നും പ്രതീ​ക്ഷി​ക്കാ​നാ​വും. (1 തെസ്സ​ലൊ​നീ​ക്യർ 5:11 താരത​മ്യം ചെയ്യുക.) അതിനാൽ, സർക്കിട്ട്‌ മേൽവി​ചാ​ര​കന്റെ സന്ദർശ​ന​ങ്ങൾക്കു മുഴു​ഹൃ​ദ​യ​ത്തോ​ടെ​യുള്ള പിന്തുണ നൽകു​ക​യും ഡിസ്‌ട്രി​ക്‌റ്റ്‌ മേൽവി​ചാ​ര​കന്റെ സേവന​ത്തിൽനി​ന്നു മുഴു​പ്ര​യോ​ജനം നേടു​ക​യും ചെയ്യുക.

19, 20. തങ്ങളുടെ വിശ്വസ്‌ത സേവന​ത്തി​നു സഞ്ചാര​മേൽവി​ചാ​ര​ക​ന്മാർക്കും ഭാര്യ​മാർക്കും പ്രതി​ഫലം ലഭിച്ചി​രി​ക്കു​ന്ന​തെ​ങ്ങനെ?

¹⁹ വിശ്വ​സ്‌ത​മായ സേവന​ത്തി​നു സഞ്ചാര​മേൽവി​ചാ​ര​ക​ന്മാർക്കും ഭാര്യ​മാർക്കും സമൃദ്ധ​മായ പ്രതി​ഫലം ലഭിക്കു​ന്നു. തങ്ങൾ ചെയ്യുന്ന നല്ല കാര്യ​ത്തി​നു യഹോവ തങ്ങളെ അനു​ഗ്ര​ഹി​ക്കു​മെന്ന്‌ അവർക്ക്‌ ഉറപ്പു​ണ്ടാ​യി​രി​ക്കാ​നാ​വും. (സദൃശ​വാ​ക്യ​ങ്ങൾ 19:17; എഫെസ്യർ 6:8) ഗേയൊർഗും മാഗ്‌ദാ​ലേ​നാ​യും അനേകം വർഷം സഞ്ചാര​വേ​ല​യിൽ സേവിച്ച വൃദ്ധ ദമ്പതി​ക​ളാണ്‌. ലക്‌സം​ബർഗി​ലെ ഒരു കൺ​വെൻ​ഷ​നിൽ, 20 വർഷം​മുമ്പ്‌ അവർ സാക്ഷ്യം കൊടുത്ത ഒരു സ്‌ത്രീ അവരെ സമീപി​ച്ചു. ആ യഹൂദ സ്‌ത്രീ​യിൽ സത്യ​ത്തോ​ടുള്ള താത്‌പ​ര്യം ഉണർത്തി​യത്‌ മാഗ്‌ദാ​ലേനാ അവർക്കു നൽകിയ ഒരു ബൈബിൾ സാഹി​ത്യ​മാ​യി​രു​ന്നു. കാല​ക്ര​മ​ത്തിൽ അവർ സ്‌നാ​പ​ന​മേൽക്കു​ക​യും ചെയ്‌തു. ഒരു ആത്മീയ സഹോ​ദരി ഗേയൊർഗി​നെ സമീപി​ച്ചു. ഏതാണ്ടു 40 വർഷം​മുമ്പ്‌ അദ്ദേഹം തന്റെ ഭവനം സന്ദർശി​ച്ചത്‌ അവർ ഓർക്കു​ന്നു​ണ്ടാ​യി​രു​ന്നു. ആവേശ​ത്തോ​ടു​കൂ​ടി​യുള്ള അദ്ദേഹ​ത്തി​ന്റെ സുവാർത്ത അവതര​ണ​മാ​യി​രു​ന്നു അവരും ഭർത്താ​വും അവസാനം സുവാർത്ത സ്വീക​രി​ക്കാ​നി​ട​യാ​ക്കി​യത്‌. ഗേയൊർഗും മാഗ്‌ദാ​ലേ​നാ​യും അത്യധി​കം സന്തോ​ഷി​ച്ചു​വെന്നു പറയേ​ണ്ട​തി​ല്ല​ല്ലോ.

²⁰ എഫെസൂ​സിൽ പൗലൊ​സി​ന്റെ ഫലകര​മായ ശുശ്രൂഷ അവനു സന്തോഷം കൈവ​രു​ത്തി, അതായി​രി​ക്കാം യേശു​വി​ന്റെ ഈ വാക്കുകൾ ഉദ്ധരി​ക്കു​വാൻ അവനെ പ്രേരി​പ്പി​ച്ചത്‌: “സ്വീക​രി​ക്കു​ന്ന​തി​നെ​ക്കാൾ അധികം സന്തുഷ്ടി കൊടു​ക്കു​ന്ന​തി​ലുണ്ട്‌.” (പ്രവൃ​ത്തി​കൾ 20:35, NW) സഞ്ചാര​വേ​ല​യിൽ നിരന്ത​ര​മുള്ള കൊടു​ക്കൽ ഉൾപ്പെ​ടു​ന്ന​തു​കൊണ്ട്‌, അതി​ലേർപ്പെ​ടു​ന്നവർ സന്തോഷം അനുഭ​വി​ക്കു​ന്നു, വിശേ​ഷി​ച്ചും തങ്ങളുടെ വേലയു​ടെ നല്ല ഫലങ്ങ​ളെ​ക്കു​റിച്ച്‌ അവർ ബോധ​വാ​ന്മാ​രാ​കു​മ്പോൾ. നിരു​ത്സാ​ഹി​ത​നാ​യി​രുന്ന ഒരു മൂപ്പനെ സഹായിച്ച ഒരു സർക്കിട്ട്‌ മേൽവി​ചാ​ര​കനു ലഭിച്ച ഒരു എഴുത്തിൽ ഇങ്ങനെ പറഞ്ഞി​രു​ന്നു: “എന്റെ ആത്മീയ ജീവി​ത​ത്തിൽ താങ്കൾ വലി​യൊ​രു ‘കരു​ത്തേ​കും സഹായ’മായി​രു​ന്നു—താങ്കൾ വിചാ​രി​ക്കു​ന്ന​തി​ലു​മ​ധി​കം. . . . ‘കാലടി​കൾ ഏറെക്കു​റെ വഴുതി​പ്പോയ’ ആധുനി​ക​നാ​ളി​ലെ ആസാഫി​നു താങ്കൾ എത്രമാ​ത്രം സഹായ​മാ​യി​രു​ന്നു​വെന്നു താങ്കൾ ഒരിക്ക​ലും പൂർണ​മാ​യി അറിയു​ക​യില്ല.”—കൊ​ലൊ​സ്സ്യർ 4:11; സങ്കീർത്തനം 73:2.

21. 1 കൊരി​ന്ത്യർ 15:58 സഞ്ചാര​മേൽവി​ചാ​ര​ക​ന്മാ​രു​ടെ പ്രവർത്ത​ന​ങ്ങൾക്കു ബാധക​മാ​ണെന്നു നിങ്ങൾ പറയു​ന്ന​തെ​ന്തു​കൊണ്ട്‌?

²¹ വർഷങ്ങ​ളോ​ളം സർക്കിട്ട്‌ വേലയി​ലാ​യി​രുന്ന പ്രായം​ചെന്ന ഒരു ക്രിസ്‌ത്യാ​നി “നിങ്ങൾ ഉറപ്പു​ള്ള​വ​രും കുലു​ങ്ങാ​ത്ത​വ​രും നിങ്ങളു​ടെ പ്രയത്‌നം കർത്താ​വിൽ വ്യർത്ഥമല്ല എന്നു അറിഞ്ഞി​രി​ക്ക​യാൽ കർത്താ​വി​ന്റെ വേലയിൽ എപ്പോ​ഴും വർദ്ധി​ച്ചു​വ​രു​ന്ന​വ​രും ആകുവിൻ” എന്നു പൗലൊസ്‌ ഉദ്‌ബോ​ധി​പ്പിച്ച 1 കൊരി​ന്ത്യർ 15:58-നെക്കു​റി​ച്ചു ചിന്തി​ക്കാൻ ഇഷ്ടപ്പെ​ടു​ന്നു. സഞ്ചാര​മേൽവി​ചാ​ര​ക​ന്മാർക്കു കർത്താ​വി​ന്റെ വേലയിൽ തീർച്ച​യാ​യും ധാരാളം ചെയ്യാ​നുണ്ട്‌. യഹോ​വ​യു​ടെ അനർഹ​ദ​യ​യു​ടെ വിശ്വസ്‌ത ഗൃഹവി​ചാ​ര​ക​ന്മാ​രാ​യി അതീവ സന്തോ​ഷ​ത്തോ​ടെ അവർ സേവി​ക്കു​ന്ന​തിൽ നാമെത്ര നന്ദിയു​ള്ള​വ​രാണ്‌!

[അടിക്കു​റിപ്പ്‌]

നിങ്ങൾ എങ്ങനെ പ്രതി​ക​രി​ക്കും?

◻ സഞ്ചാര​മേൽവി​ചാ​ര​ക​ന്മാ​രെ “നല്ല ഗൃഹവി​ചാ​ര​കന്മാ”രായി വീക്ഷി​ക്കാ​വു​ന്ന​തെ​ന്തു​കൊണ്ട്‌?

◻ കാര്യ​മാ​യി പ്രയോ​ജനം നേടാൻ സർക്കിട്ട്‌, ഡിസ്‌ട്രി​ക്‌റ്റ്‌ മേൽവി​ചാ​ര​ക​ന്മാ​രെ സഹായി​ക്കുന്ന ഏതാനും ഘടകങ്ങ​ളേവ?

◻ സഞ്ചാര വേലയിൽ ഏർപ്പെ​ടു​ന്ന​വർക്കു താഴ്‌മ​യും തീക്ഷ്‌ണ​ത​യും വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ സഞ്ചാര​മേൽവി​ചാ​ര​ക​ന്മാർക്ക്‌ ഏതു നല്ല ലക്ഷ്യങ്ങ​ളുണ്ട്‌?

[16-ാം പേജിലെ ചിത്രം]

സഞ്ചാരമേൽവിചാരകന്മാർ സഹവി​ശ്വാ​സി​കളെ പ്രോ​ത്സാ​ഹി​പ്പി​ക്കാൻ ശ്രമി​ക്കു​ന്നു

[17-ാം പേജിലെ ചിത്രം]

സഞ്ചാരമേൽവിചാരകന്മാരും ഭാര്യ​മാ​രു​മൊ​ത്തുള്ള സഹവാ​സ​ത്തിൽനി​ന്നു ചെറു​പ്പ​ക്കാർക്കും പ്രായം​ചെ​ന്ന​വർക്കും ഒരു​പോ​ലെ പ്രയോ​ജനം ലഭിക്കാ​വു​ന്ന​താണ്‌

[18-ാം പേജിലെ ചിത്രം]

സഞ്ചാരമേൽവിചാരകന്മാരുടെ തീക്ഷ്‌ണ​ത​യുള്ള ശുശ്രൂഷ മറ്റുള്ള​വ​രിൽ തീക്ഷ്‌ണത വളർത്തു​ന്നു