നിങ്ങളു​ടെ ജീവി​ത​ത്തിൽ പരമ​പ്രാ​ധാ​ന്യം എന്തിന്‌?

“ഞാൻ നടക്കേ​ണ്ടുന്ന വഴി എന്നെ അറിയി​ക്കേ​ണമേ.”—സങ്കീർത്തനം 143:8.

1. മാനു​ഷിക അനുധാ​വ​ന​ങ്ങ​ളെ​യും നേട്ടങ്ങ​ളെ​യും കുറിച്ചു ശലോ​മോൻ രാജാവ്‌ എന്താണു നിഗമനം ചെയ്‌തത്‌?

മറ്റാ​രെ​യും​പോ​ലെ നിങ്ങൾക്കു​മ​റി​യാം, ജീവിതം പലവിധ പ്രവർത്ത​ന​ങ്ങ​ളും താത്‌പ​ര്യ​ങ്ങ​ളും നിറഞ്ഞ​താണ്‌. അതി​നെ​ക്കു​റി​ച്ചു ചിന്തി​ക്കു​മ്പോൾ, അവയിൽ ചില​തെ​ല്ലാം അത്യന്താ​പേ​ക്ഷി​ത​മാ​ണെന്നു നിങ്ങൾ തിരി​ച്ച​റി​യു​ന്നു. മറ്റു ചില പ്രവർത്ത​ന​ങ്ങ​ളും താത്‌പ​ര്യ​ങ്ങ​ളു​മാ​കട്ടെ, അത്രതന്നെ പ്രധാ​നമല്ല, അല്ലെങ്കിൽ വ്യർഥം പോലു​മാണ്‌. നിങ്ങളി​തു തിരി​ച്ച​റി​യു​ന്നു​വെ​ന്ന​തി​നർഥം എക്കാല​ത്തെ​യും ഏറ്റവും ജ്ഞാനി​ക​ളിൽ ഒരുവ​നാ​യി​രുന്ന ശലോ​മോൻ രാജാ​വു​മാ​യി നിങ്ങൾ യോജി​പ്പി​ലാ​ണെ​ന്നാണ്‌. ജീവി​ത​ത്തി​ലെ പ്രവർത്ത​നങ്ങൾ സൂക്ഷ്‌മ​മാ​യി പുനര​വ​ലോ​കനം ചെയ്‌ത​ശേഷം അവൻ ഈ നിഗമ​ന​ത്തി​ലെത്തി: “ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാ​ണി​ച്ചു​കൊൾക; അതു ആകുന്നു സകല മനുഷ്യർക്കും വേണ്ടു​ന്നതു.” (സഭാ​പ്ര​സം​ഗി 2:4-9, 11; 12:13) ഇന്നു നമുക്കി​തിന്‌ എന്തു പ്രാധാ​ന്യ​മാ​ണു​ള്ളത്‌?

2. ദൈവ​ഭ​യ​മുള്ള ആളുകൾ ഏത്‌ അടിസ്ഥാന ചോദ്യം സ്വയം ചോദി​ക്കണം, അത്‌ ബന്ധപ്പെട്ട ഏതെല്ലാം ചോദ്യ​ങ്ങ​ളി​ലേക്കു നയിക്കു​ന്നു?

² നിങ്ങൾ “ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാണി”ക്കാൻ ആഗ്രഹി​ക്കു​ന്നെ​ങ്കിൽ, ഈ പ്രധാന ചോദ്യം നിങ്ങ​ളോ​ടു​തന്നെ ചോദി​ക്കുക: ‘എന്റെ ജീവി​ത​ത്തിൽ പരമ​പ്രാ​ധാ​ന്യം എന്തിനാണ്‌?’ ഈ ചോദ്യ​ത്തെ​ക്കു​റി​ച്ചു നിങ്ങൾ ദിവസേന ചിന്തി​ക്കാ​റി​ല്ലാ​യി​രി​ക്കാ​മെ​ന്നതു സത്യം​തന്നെ. എന്നാൽ ഇപ്പോൾ അതി​നെ​ക്കു​റി​ച്ചു പരിചി​ന്തി​ക്ക​രു​തോ? വാസ്‌ത​വ​ത്തിൽ, അതു പിൻവ​രു​ന്ന​തു​പോ​ലുള്ള ചില ബന്ധപ്പെട്ട ചോദ്യ​ങ്ങൾ മനസ്സി​ലു​യർത്തു​ന്നു: ‘ഒരുപക്ഷേ, ഞാനെന്റെ ജോലി​ക്കോ തൊഴി​ലി​നോ ഭൗതിക വസ്‌തു​ക്കൾക്കോ അമിത​പ്രാ​ധാ​ന്യം നൽകു​ന്നു​ണ്ടോ? എന്റെ ജീവി​ത​ത്തിൽ ഭവനത്തി​നും കുടും​ബ​ക്കാർക്കും പ്രിയ​പ്പെ​ട്ട​വർക്കു​മുള്ള സ്ഥാനം എന്താണ്‌?’ ഒരു യുവാവ്‌ ചോദി​ച്ചേ​ക്കാം, ‘ഞാൻ വിദ്യാ​ഭ്യാ​സ​ത്തിന്‌ എത്രമാ​ത്രം ശ്രദ്ധ കൊടു​ക്കു​ന്നുണ്ട്‌, എത്രമാ​ത്രം സമയം ചെലവി​ടു​ന്നുണ്ട്‌? വാസ്‌ത​വ​ത്തിൽ, ഹോബി​യോ കായി​കോ​ല്ലാ​സ​മോ ഏതെങ്കി​ലും വിധത്തി​ലുള്ള വിനോ​ദ​മോ സാങ്കേ​തി​ക​വി​ദ്യ​യോ ആണോ എന്റെ മുഖ്യ​താ​ത്‌പ​ര്യം?’ നമ്മുടെ പ്രായ​വും പശ്ചാത്ത​ല​വും എന്തുത​ന്നെ​യാ​യാ​ലും, ‘എന്റെ ജീവി​ത​ത്തിൽ ദൈവത്തെ സേവി​ക്കു​ന്ന​തിന്‌ എന്തു സ്ഥാനമാ​ണു​ള്ളത്‌?’ എന്നു നാം ന്യായ​മാ​യും ചോദി​ച്ചേ തീരൂ. മുൻഗ​ണ​നകൾ വെക്കണ​മെന്ന കാര്യ​ത്തിൽ നിങ്ങളും യോജി​ച്ചേ​ക്കാം. എന്നാൽ ജ്ഞാനപൂർവം മുൻഗ​ണ​നകൾ വെക്കു​ന്ന​തി​നു നമുക്ക്‌ എങ്ങനെ, എവി​ടെ​നി​ന്നു സഹായം ലഭിക്കും?

3. ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം മുൻഗ​ണ​നകൾ വെക്കു​ന്ന​തിൽ എന്ത്‌ ഉൾപ്പെ​ടു​ന്നു?

³ “പരമ​പ്ര​ധാ​നം” എന്നതിന്‌ മറ്റെല്ലാ​റ്റി​നും മുമ്പേ വരുന്ന​തോ ആദ്യം പരിഗ​ണി​ക്കേ​ണ്ട​തോ ആയ ഒന്ന്‌ എന്ന അടിസ്ഥാന അർഥമാ​ണു​ള്ളത്‌. നിങ്ങ​ളൊ​രു യഹോ​വ​യു​ടെ സാക്ഷി​യോ അവരു​മാ​യി സഹവസി​ച്ചു ദൈവ​വ​ചനം പഠിക്കുന്ന ലക്ഷക്കണ​ക്കി​നു​വ​രുന്ന ആത്മാർഥ​രായ വിദ്യാർഥി​ക​ളിൽ ഒരുവ​നോ ആയാലും ഈ സത്യം പരിചി​ന്തി​ക്കുക: “എല്ലാറ്റി​ന്നും ഒരു സമയമു​ണ്ടു; ആകാശ​ത്തിൻകീ​ഴുള്ള സകലകാ​ര്യ​ത്തി​ന്നും ഒരു കാലം ഉണ്ടു.” (സഭാ​പ്ര​സം​ഗി 3:1) ഉചിത​മാ​യും, അതിൽ കുടും​ബ​ബ​ന്ധ​ങ്ങ​ളിൽ സ്‌നേ​ഹ​പു​ര​സ്സ​ര​മായ താത്‌പ​ര്യം കാണി​ക്കു​ന്നത്‌ ഉൾപ്പെ​ടു​ന്നു. (കൊ​ലൊ​സ്സ്യർ 3:18-21) അതിൽ ലൗകിക ജോലി​കൊണ്ട്‌ നിങ്ങളു​ടെ വീട്ടു​കാർക്കു​വേണ്ടി സത്യസ​ന്ധ​മായ കരുത​ലു​കൾ നടത്തു​ന്നത്‌ ഉൾപ്പെ​ടു​ന്നു. (2 തെസ്സ​ലൊ​നീ​ക്യർ 3:10-12; 1 തിമൊ​ഥെ​യൊസ്‌ 5:8) ഇടയ്‌ക്കൊ​രു മാറ്റത്തി​നു​വേണ്ടി, ഒരു ഹോബി​ക്കോ വല്ലപ്പോ​ഴു​മുള്ള വിനോ​ദ​ത്തി​നോ ഉല്ലാസ​ത്തി​നോ വേണ്ടി നിങ്ങൾക്കു സമയം മാറ്റി​വെ​ക്കാ​വു​ന്ന​താണ്‌. (മർക്കൊസ്‌ 6:31 താരത​മ്യം ചെയ്യുക.) എന്നാൽ ഗൗരവ​മാ​യി ചിന്തി​ക്കു​മ്പോൾ, ജീവി​ത​ത്തിൽ ഇവയൊ​ന്നും പരമ​പ്ര​ധാ​ന​മായ കാര്യ​മ​ല്ലെന്നു നിങ്ങൾക്കു തോന്നു​ന്നി​ല്ലേ? മറ്റെന്തി​നോ ആണു കൂടുതൽ പ്രാധാ​ന്യ​മു​ള്ളത്‌.

4. നാം മുൻഗ​ണ​നകൾ വെക്കു​ന്ന​തു​മാ​യി ഫിലി​പ്പി​യർ 1:9, 10 ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

⁴ മുൻഗ​ണ​നകൾ വെക്കു​ന്ന​തി​ലും ജ്ഞാനപൂർവ​ക​മായ തീരു​മാ​നങ്ങൾ എടുക്കു​ന്ന​തി​ലും ബൈബി​ളി​ന്റെ മാർഗ​ദർശക തത്ത്വങ്ങൾ മൂല്യ​വ​ത്തായ സഹായ​ങ്ങ​ളാ​ണെന്നു നിങ്ങൾ തിരി​ച്ച​റി​യു​ന്നു​ണ്ടാ​വാം. ഉദാഹ​ര​ണ​ത്തിന്‌, ഫിലി​പ്പി​യർ 1:9, 10-ൽ ക്രിസ്‌ത്യാ​നി​കൾ “മേല്‌ക്കു​മേൽ പരിജ്ഞാ​ന​ത്തി​ലും സകലവിവേകത്തിലും വർദ്ധിച്ചു”വരണ​മെന്ന്‌ ഉദ്‌ബോ​ധി​പ്പി​ച്ചി​രി​ക്കു​ന്നു. ഏതു ലക്ഷ്യത്തിൽ? “നിങ്ങൾ ഭേദാ​ഭേ​ദ​ങ്ങളെ [“കൂടുതൽ പ്രാധാ​ന്യ​മുള്ള സംഗതി​കൾ,” NW] വിവേ​ചി​പ്പാ​റാ​കേ”ണ്ടതിന്‌ എന്നു പൗലൊസ്‌ അപ്പോ​സ്‌തലൻ കൂട്ടി​ച്ചേർത്തു. (ചെരി​ച്ചെ​ഴു​ത്തു ഞങ്ങളു​ടേത്‌.) അത്‌ അർഥവ​ത്താ​ണെന്നു തോന്നു​ന്നി​ല്ലേ? സൂക്ഷ്‌മ​പ​രി​ജ്ഞാ​ന​ത്തി​ന്റെ അടിസ്ഥാ​ന​ത്തിൽ, ജീവി​ത​ത്തിൽ എന്തിനാ​ണു പ്രഥമ താത്‌പ​ര്യം—പരമ​പ്രാ​ധാ​ന്യം—ഉള്ളതെന്നു വിവേ​ച​ന​യുള്ള ഒരു ക്രിസ്‌ത്യാ​നി​ക്കു തീർച്ച​പ്പെ​ടു​ത്താ​നാ​വും.

പരമ​പ്രാ​ധാ​ന്യം എന്തിന്‌, ഒരു മാതൃക

5. ക്രിസ്‌ത്യാ​നി​കൾക്കാ​യി വെച്ചി​രി​ക്കുന്ന മാതൃക വർണി​ക്കവേ, യേശു​വി​ന്റെ ജീവി​ത​ത്തിൽ പരമ​പ്ര​ധാന സംഗതി എന്തായി​രു​ന്നു​വെ​ന്നാ​ണു തിരു​വെ​ഴു​ത്തു​കൾ പ്രകട​മാ​ക്കു​ന്നത്‌?

⁵ പത്രൊസ്‌ അപ്പോ​സ്‌ത​ലന്റെ വാക്കു​ക​ളിൽ നമുക്കു പരിജ്ഞാ​ന​ത്തി​ന്റെ ഒരമൂല്യ വശം കാണാം: “അതിന്നാ​യി​ട്ട​ല്ലോ നിങ്ങളെ വിളി​ച്ചി​രി​ക്കു​ന്നതു. ക്രിസ്‌തു​വും നിങ്ങൾക്കു വേണ്ടി കഷ്ടം അനുഭ​വി​ച്ചു, നിങ്ങൾ അവന്റെ കാൽച്ചു​വടു പിന്തു​ട​രു​വാൻ ഒരു മാതൃക വെച്ചേച്ചു പോയി​രി​ക്കു​ന്നു.” (1 പത്രൊസ്‌ 2:21) അതേ, ജീവി​ത​ത്തിൽ പരമ​പ്രാ​ധാ​ന്യം എന്തി​നെ​ന്ന​തി​നെ​ക്കു​റി​ച്ചുള്ള സൂചന​കൾക്കു​വേണ്ടി, അതു സംബന്ധി​ച്ചു യേശു​ക്രി​സ്‌തു ചിന്തി​ച്ച​തെ​ന്തെന്നു നമുക്കു പരി​ശോ​ധി​ക്കാം. സങ്കീർത്തനം 40:8 അവനെ​ക്കു​റി​ച്ചു പ്രാവ​ച​നി​ക​മാ​യി ഇങ്ങനെ പറഞ്ഞു: “എന്റെ ദൈവമേ, നിന്റെ ഇഷ്ടം ചെയ്‌വാൻ ഞാൻ പ്രിയ​പ്പെ​ടു​ന്നു; നിന്റെ ന്യായ​പ്ര​മാ​ണം എന്റെ ഉള്ളിൽ ഇരിക്കു​ന്നു.” ഇതേ ആശയം അവൻ പ്രസ്‌താ​വി​ച്ചത്‌ ഇങ്ങനെ​യാ​യി​രു​ന്നു: “എന്നെ അയച്ചവന്റെ ഇഷ്ടം ചെയ്‌തു അവന്റെ പ്രവൃത്തി തികെ​ക്കു​ന്നതു തന്നെ എന്റെ ആഹാരം.”—യോഹ​ന്നാൻ 4:34; എബ്രായർ 12:2.

6. ദൈവ​ഹി​തം ഒന്നാമതു വെച്ചതി​നാൽ യേശു​വി​നു​ണ്ടാ​യ​തു​പോ​ലുള്ള അതേ ഫലങ്ങൾ നമു​ക്കെ​ങ്ങനെ ഉണ്ടാകും?

⁶ ദൈവ​ഹി​തം നിവർത്തി​ക്കൽ എന്ന ആ മുഖ്യ​സം​ഗതി ശ്രദ്ധി​ക്കുക. തന്റെ ശിഷ്യ​ന്മാർ തങ്ങളുടെ ജീവി​ത​ത്തിൽ ഉചിത​മാ​യും പരമ​പ്രാ​ധാ​ന്യം കൊടു​ക്കേണ്ട സംഗതിക്ക്‌ യേശു​വി​ന്റെ മാതൃക ഊന്നൽ നൽകുന്നു. എന്തെന്നാൽ “അഭ്യാസം തികഞ്ഞവൻ എല്ലാം ഗുരു​വി​നെ​പ്പോ​ലെ ആകും” എന്ന്‌ അവൻ പറഞ്ഞു. (ലൂക്കൊസ്‌ 6:40) യേശു തന്റെ പിതാവ്‌ ഉദ്ദേശിച്ച വഴിയിൽ നടന്ന​പ്പോൾ, ദൈവ​ഹി​തം പരമ​പ്ര​ധാ​ന​മാ​യി വെക്കു​ന്ന​തിൽ “സന്തോ​ഷ​പ​രി​പൂർണ്ണത”യുണ്ടാ​യി​രു​ന്നു​വെന്ന്‌ അവൻ പ്രകട​മാ​ക്കി. (സങ്കീർത്തനം 16:11; പ്രവൃ​ത്തി​കൾ 2:28) അത്‌ എന്ത്‌ അർഥമാ​ക്കു​ന്നു​വെന്ന്‌ നിങ്ങൾക്ക​റി​യാ​മോ? യേശു​വി​ന്റെ അനുഗാ​മി​കൾ തങ്ങളുടെ ജീവി​ത​ത്തി​ലെ പരമ​പ്ര​ധാന സംഗതി​യാ​യി ദൈവ​ഹി​തം നിറ​വേ​റ്റു​ന്നതു തിര​ഞ്ഞെ​ടു​ക്കു​മ്പോൾ, അവർ “സന്തോ​ഷ​പ​രി​പൂർണ്ണത”യും യഥാർഥ ജീവനും ആസ്വദി​ക്കും. (1 തിമൊ​ഥെ​യൊസ്‌ 6:19) അതു​കൊണ്ട്‌, ദൈവ​ഹി​തം ചെയ്യു​ന്ന​തി​നു ജീവി​ത​ത്തിൽ മുൻഗണന കൊടു​ക്കാൻ ഒന്നില​ധി​കം കാരണ​മുണ്ട്‌.

7, 8. യേശു ഏതെല്ലാം പരി​ശോ​ധ​നകൾ അഭിമു​ഖീ​ക​രി​ച്ചു, ഇതിൽനി​ന്നു നമുക്ക്‌ എന്തു പഠിക്കാം?

⁷ ദൈവ​ഹി​തം ചെയ്യാ​നുള്ള ആത്മസമർപ്പ​ണത്തെ യേശു പ്രതീ​ക​പ്പെ​ടു​ത്തി​യതേ ഉണ്ടായി​രു​ന്നു​ള്ളൂ. ഉടനെ​തന്നെ പിശാച്‌ അവനെ വഴി​തെ​റ്റി​ക്കാൻ ശ്രമിച്ചു. എങ്ങനെ? മൂന്നു മണ്ഡലങ്ങ​ളി​ലെ പ്രലോ​ഭ​ന​ത്തി​ലൂ​ടെ. ഓരോ പ്രാവ​ശ്യ​വും യേശു തിരു​വെ​ഴു​ത്തു​പ​ര​വും അസന്ദി​ഗ്‌ധ​വു​മായ വാക്കു​ക​ളിൽ മറുപടി പറഞ്ഞു. (മത്തായി 4:1-10) എന്നാൽ പരി​ശോ​ധ​നകൾ അവനു പിന്നെ​യു​മു​ണ്ടാ​യി—പീഡാ​നു​ഭവം, പരിഹാ​സം, യൂദാ​സി​ന്റെ ഒറ്റി​ക്കൊ​ടു​ക്കൽ, വ്യാജ ആരോ​പ​ണങ്ങൾ, പിന്നെ ദണ്ഡനസ്‌തം​ഭ​ത്തി​ലുള്ള മരണവും. എന്നിട്ടും, ഈ പരി​ശോ​ധ​ന​ക​ളൊ​ന്നും ദൈവ​ത്തി​ന്റെ വിശ്വസ്‌ത പുത്രനെ ചഞ്ചലനാ​ക്കി​യില്ല. ഒരു നിർണാ​യക ഘട്ടത്തിൽ, യേശു പ്രാർഥി​ച്ചു: “ഞാൻ ഇച്ഛിക്കും​പോ​ലെ അല്ല, നീ ഇച്ഛിക്കും​പോ​ലെ ആകട്ടെ.” (മത്തായി 26:39, 42) നമുക്കാ​യി വെച്ചി​രി​ക്കുന്ന മാതൃ​ക​യു​ടെ ഈ വശം നമ്മെ ഓരോ​രു​ത്ത​രെ​യും ആഴത്തിൽ പ്രചോ​ദി​ത​രാ​ക്കു​ക​യും “പ്രാർഥ​ന​യിൽ ഉറ്റിരി”ക്കാൻ പ്രേരി​പ്പി​ക്കു​ക​യും ചെയ്യേ​ണ്ട​ത​ല്ല​യോ?—റോമർ 12:12.

⁸ അതേ, ജീവി​ത​ത്തിൽ മുൻഗ​ണ​നകൾ വെക്കു​മ്പോൾ, വിശേ​ഷി​ച്ചും നാം സത്യത്തി​ന്റെ ശത്രു​ക്ക​ളെ​യും ദൈവ​ഹിത വിരോ​ധി​ക​ളെ​യും അഭിമു​ഖീ​ക​രി​ക്കു​ന്നെ​ങ്കിൽ, ദിവ്യ​മാർഗ​നിർദേശം പ്രത്യേ​കി​ച്ചും സഹായ​ക​മാണ്‌. ശത്രു​വി​രോ​ധം നേരി​ട്ട​പ്പോൾ, വിശ്വസ്‌ത രാജാ​വായ ദാവീദ്‌ മാർഗ​നിർദേ​ശ​ത്തി​നാ​യി അഭയയാ​ചന നടത്തി​യത്‌ ഓർമി​ക്കുക. സങ്കീർത്തനം 143-ന്റെ ഒരു ഭാഗം പരിചി​ന്തി​ക്കവേ നമുക്കി​തു കാണാ​വു​ന്ന​താണ്‌. യഹോ​വ​യു​മാ​യുള്ള നമ്മുടെ വ്യക്തി​പ​ര​മായ ബന്ധം നമു​ക്കെ​ങ്ങനെ ബലിഷ്‌ഠ​മാ​ക്കാ​മെ​ന്നും നമ്മുടെ ജീവി​ത​ത്തിൽ ദൈവ​ഹി​തം ചെയ്യു​ന്നത്‌ ഒന്നാം സ്ഥാനത്തു വെക്കാൻ എങ്ങനെ ശക്തി​നേ​ടാ​മെ​ന്നും വിവേ​ചി​ക്കാൻ ഇതു നമ്മെ സഹായി​ക്കേ​ണ്ട​താണ്‌.

യഹോവ നമ്മുടെ പ്രാർഥ​നകൾ കേട്ട്‌ അവയ്‌ക്ക്‌ ഉത്തരം തരുന്നു

9. (എ) ദാവീദ്‌ ഒരു പാപി​യാ​യി​രു​ന്നെ​ങ്കി​ലും, അവന്റെ വാക്കു​ക​ളും പ്രവൃ​ത്തി​ക​ളും എന്തു വെളി​പ്പെ​ടു​ത്തു​ന്നു? (ബി) ശരി ചെയ്യു​ന്നത്‌ നാം നിർത്ത​രു​താ​ത്തത്‌ എന്തു​കൊണ്ട്‌?

⁹ പാപി​യും മർത്ത്യ​നും ആയിരു​ന്നി​ട്ടും, തന്റെ യാചന യഹോവ കേൾക്കു​മെന്ന വിശ്വാ​സം ദാവീ​ദി​നു​ണ്ടാ​യി​രു​ന്നു. അവൻ താഴ്‌മ​യോ​ടെ യാചിച്ചു: “യഹോവേ, എന്റെ പ്രാർത്ഥന കേട്ടു, എന്റെ യാചന​കൾക്കു ചെവി​ത​രേ​ണമേ; നിന്റെ വിശ്വ​സ്‌ത​ത​യാ​ലും നീതി​യാ​ലും എനിക്കു​ത്ത​ര​മ​രു​ളേ​ണമേ. അടിയനെ ന്യായ​വി​സ്‌താ​ര​ത്തിൽ പ്രവേ​ശി​പ്പി​ക്ക​രു​തെ; ജീവനു​ള്ളവൻ ആരും തിരു​സ​ന്നി​ധി​യിൽ നീതി​മാ​നാ​ക​യി​ല്ല​ല്ലോ.” (സങ്കീർത്തനം 143:1, 2) തന്റെ അപൂർണ​ത​യെ​ക്കു​റി​ച്ചു ദാവീദ്‌ ബോധ​വാ​നാ​യി​രു​ന്നു, എന്നിട്ടും അവന്റെ ഹൃദയം ദൈവ​ത്തി​നു​നേരെ പൂർണ​മാ​യി​രു​ന്നു. അതു​കൊണ്ട്‌, നീതി​യിൽ തനിക്ക്‌ ഉത്തരം ലഭിക്കു​മെന്ന്‌ അവന്‌ ഉറപ്പു​ണ്ടാ​യി​രു​ന്നു. ഇതു നമ്മെ പ്രോ​ത്സാ​ഹി​പ്പി​ക്കു​ന്നി​ല്ലേ? നാം ദൈവ​ത്തി​ന്റെ നീതി​യിൽ പലപ്പോ​ഴും കുറവു​ള്ള​വ​രാ​ണെ​ങ്കി​ലും, നമ്മുടെ ഹൃദയം അവനു​നേരെ പൂർണ​മാ​ണെ​ങ്കിൽ അവൻ നമ്മെ ശ്രവി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. (സഭാ​പ്ര​സം​ഗി 7:20; 1 യോഹ​ന്നാൻ 5:14) പ്രാർഥ​ന​യിൽ ഉറ്റിരി​ക്കവേ, ഈ ദുഷ്ടനാ​ളു​ക​ളിൽ “നന്മ”കൊണ്ടു “തിന്മയെ ജയിക്കു”ന്നതിലാ​യി​രി​ക്കണം നമ്മുടെ ശ്രദ്ധ.—റോമർ 12:20, 21; യാക്കോബ്‌ 4:7.

10. ദാവീ​ദിന്‌ ഉത്‌ക​ണ്‌ഠാ​കു​ല​മായ സമയങ്ങ​ളു​ണ്ടാ​യി​രു​ന്നത്‌ എന്തു​കൊണ്ട്‌?

¹⁰ നമുക്കു ശത്രു​ക്ക​ളു​ള്ള​തു​പോ​ലെ, ദാവീ​ദി​നു​മു​ണ്ടാ​യി​രു​ന്നു ശത്രുക്കൾ. ശൗലിനു പിടി​കൊ​ടു​ക്കാ​തെ ഏകാന്ത​വും അപ്രാ​പ്യ​വു​മായ സ്ഥലങ്ങളിൽ അഭയം പ്രാപി​ക്കാൻ നിർബ​ന്ധി​ത​നായ അഭയാർഥി​യെന്ന നിലയി​ലോ ശത്രു​വി​ന്റെ ഉപദ്ര​വ​മേൽക്കുന്ന ഒരു രാജാ​വെന്ന നിലയി​ലോ ആയാലും, ദാവീ​ദിന്‌ ഉത്‌ക​ണ്‌ഠാ​കു​ല​മായ ഘട്ടങ്ങളു​ണ്ടാ​യി​രു​ന്നു. തന്നെ ഇത്‌ എങ്ങനെ ബാധി​ച്ചു​വെന്ന്‌ അവൻ വർണിച്ചു: “ശത്രു എന്റെ പ്രാണനെ ഉപദ്ര​വി​ച്ചി​രി​ക്കു​ന്നു; . . . അവൻ എന്നെ ഇരുട്ടിൽ പാർപ്പി​ച്ചി​രി​ക്കു​ന്നു. ആകയാൽ എന്റെ മനം എന്റെ ഉള്ളിൽ വിഷാ​ദി​ച്ചി​രി​ക്കു​ന്നു; എന്റെ ഹൃദയം എന്റെ ഉള്ളിൽ സ്‌തം​ഭി​ച്ചി​രി​ക്കു​ന്നു.” (സങ്കീർത്തനം 143:3, 4) ഇതു​പോ​ലെ തോന്നാൻ നിങ്ങൾക്ക്‌ എന്തെങ്കി​ലും കാരണ​മു​ണ്ടാ​യി​രു​ന്നി​ട്ടു​ണ്ടോ?

11. ആധുനി​ക​കാല ദൈവ​ദാ​സ​ന്മാർ ഉത്‌ക​ണ്‌ഠാ​കു​ല​മായ ഏതു സമയങ്ങളെ അഭിമു​ഖീ​ക​രി​ച്ചി​രി​ക്കു​ന്നു?

¹¹ ശത്രു​സ​മ്മർദ​മോ, കഠിന​മായ സാമ്പത്തിക പ്രയാസം, ഗുരു​ത​ര​മായ രോഗങ്ങൾ, അല്ലെങ്കിൽ വിഷമി​പ്പി​ക്കുന്ന മറ്റു പ്രശ്‌നങ്ങൾ നിമി​ത്ത​മുള്ള പരി​ശോ​ധ​ന​ക​ളോ മൂലം ദൈവ​ജ​ന​ങ്ങ​ളിൽ ചിലർക്കു കടുത്ത വിഷാദം തോന്നി​യി​ട്ടുണ്ട്‌. അവരുടെ ഹൃദയങ്ങൾ സ്‌തം​ഭി​ച്ച​തു​പോ​ലെ​യാ​യി​ട്ടുള്ള സന്ദർഭ​ങ്ങ​ളു​മുണ്ട്‌. അത്‌, വ്യക്തി​പ​ര​മാ​യി അവരി​ങ്ങനെ നിലവി​ളി​ച്ചി​രി​ക്കു​ന്ന​തു​പോ​ലെ​യാണ്‌: “അനവധി കഷ്ടങ്ങളും അനർത്ഥ​ങ്ങ​ളും ഞങ്ങളെ കാണു​മാ​റാ​ക്കി”യിരി​ക്കു​ന്നു. “നീ . . . എന്നെ വീണ്ടും ആശ്വസി​പ്പി​ക്കേ​ണമേ.” (സങ്കീർത്തനം 71:20, 21) അവർക്കു സഹായം ലഭിച്ചി​രി​ക്കു​ന്ന​തെ​ങ്ങനെ?

ശത്രു​ശ്ര​മ​ങ്ങളെ നേരി​ടേണ്ട വിധം

12. ദാവീദ്‌ അപകട​വും പരി​ശോ​ധ​ന​ക​ളും തരണം​ചെ​യ്‌ത​തെ​ങ്ങനെ?

¹² അപകട​ത്തി​ലും വലിയ പരി​ശോ​ധ​ന​ക​ളി​ലും പെട്ടു​ഴ​ലു​മ്പോൾ ദാവീദ്‌ എന്തു ചെയ്‌തു​വെന്ന്‌ സങ്കീർത്തനം 143:5 സൂചി​പ്പി​ക്കു​ന്നു: “ഞാൻ പണ്ടത്തെ നാളു​കളെ ഓർക്കു​ന്നു; നിന്റെ സകല പ്രവൃ​ത്തി​ക​ളെ​യും ഞാൻ ധ്യാനി​ക്കു​ന്നു; നിന്റെ കൈക​ളു​ടെ പ്രവൃ​ത്തി​യെ ഞാൻ ചിന്തി​ക്കു​ന്നു.” തന്റെ ദാസന്മാ​രു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളും താൻ നേരി​ട്ട​നു​ഭ​വിച്ച വിമോ​ച​ന​വും ദാവീദ്‌ അനുസ്‌മ​രി​ച്ചു. തന്റെ മഹത്തായ നാമ​ത്തെ​പ്രതി യഹോവ ചെയ്‌തി​രി​ക്കുന്ന സംഗതി​ക​ളെ​ക്കു​റിച്ച്‌ അവൻ ധ്യാനി​ച്ചു. അതേ, ദാവീദ്‌ ദൈവ​ത്തി​ന്റെ വേലക​ളിൽ താത്‌പ​ര്യ​മു​ള്ള​വ​നാ​യി നില​കൊ​ണ്ടു.

13. നാം പരി​ശോ​ധ​നകൾ അഭിമു​ഖീ​ക​രി​ക്കു​മ്പോൾ, വിശ്വസ്‌ത ദാസരു​ടെ പുരാ​ത​ന​വും ആധുനി​ക​വു​മായ മാതൃ​ക​ക​ളെ​ക്കു​റി​ച്ചു വിചി​ന്തനം ചെയ്യു​ന്നത്‌ സഹിച്ചു​നിൽക്കാൻ നമ്മെ എങ്ങനെ സഹായി​ക്കും?

¹³ തന്റെ ജനത്തോ​ടുള്ള ദൈവ​ത്തി​ന്റെ ഇടപെ​ട​ലു​ക​ളെ​ക്കു​റി​ച്ചു നാം പലപ്പോ​ഴും അനുസ്‌മ​രി​ച്ചി​ട്ടി​ല്ലേ? തീർച്ച​യാ​യും! ഇതിൽ ക്രിസ്‌തീ​യ​പൂർവ കാലങ്ങ​ളി​ലെ ‘സാക്ഷി​ക​ളു​ടെ വലി​യൊ​രു സമൂഹ’ത്തിന്റെ ചരി​ത്ര​വും ഉൾപ്പെ​ടു​ന്നു. (എബ്രായർ 11:32-38; 12:1) “പൂർവ്വ​കാല”വും അവർ സഹിച്ച സംഗതി​ക​ളും “ഓർത്തു​കൊ”ള്ളാൻ ഒന്നാം നൂറ്റാ​ണ്ടി​ലെ അഭിഷിക്ത ക്രിസ്‌ത്യാ​നി​ക​ളും പ്രോ​ത്സാ​ഹി​പ്പി​ക്ക​പ്പെട്ടു. (എബ്രായർ 10:32-34) യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുസ്‌ത​ക​ത്തിൽ വിവരി​ച്ചി​രി​ക്കു​ന്ന​തു​പോ​ലുള്ള, ആധുനി​ക​കാല ദൈവ ദാസന്മാ​രു​ടെ അനുഭ​വ​ങ്ങ​ളു​ടെ കാര്യ​മോ?a നിരോ​ധ​ന​ങ്ങ​ളും തടവും ജനക്കൂ​ട്ട​ത്തി​ന്റെ ആക്രമ​ണ​വും തടങ്കൽപ്പാ​ള​യ​വും അടിമ​പ്പ​ണി​യെ​ടു​പ്പി​ക്കുന്ന പാളയ​ങ്ങ​ളും​മ​റ്റും സഹിക്കാൻ യഹോവ തന്റെ ജനത്തെ എങ്ങനെ സഹായി​ച്ചി​രി​ക്കു​ന്നു​വെന്ന്‌ ഓർക്കാൻ അതിലും മറ്റു പ്രസി​ദ്ധീ​ക​ര​ണ​ങ്ങ​ളി​ലും കൊടു​ത്തി​രി​ക്കുന്ന വിവരങ്ങൾ നമ്മെ പ്രാപ്‌ത​രാ​ക്കു​ന്നു. ബുറൂണ്ടി, ലൈബീ​രിയ, റുവാണ്ട, മുൻ യൂഗോ സ്ലാവിയ എന്നിങ്ങ​നെ​യുള്ള, യുദ്ധത്താൽ പിച്ചി​ച്ചീ​ന്ത​പ്പെട്ട നാടു​ക​ളിൽ പരി​ശോ​ധ​ന​ക​ളു​ണ്ടാ​യി​ട്ടുണ്ട്‌. എതിർപ്പു പൊന്തി​വ​ന്ന​പ്പോൾ, യഹോ​വ​യു​മാ​യുള്ള ശക്തമാ​യൊ​രു ബന്ധം നിലനിർത്തി​യി​രു​ന്ന​തി​നാൽ ദൈവ​ത്തി​ന്റെ ദാസന്മാർ സഹിച്ചു​നി​ന്നു. അവന്റെ ഹിതം ചെയ്യു​ന്നത്‌ തങ്ങളുടെ ജീവി​ത​ത്തിൽ പരമ​പ്രാ​ധാ​ന്യ​മുള്ള സംഗതി​യാ​ക്കി​യ​വരെ അവന്റെ കരം താങ്ങി.

14. (എ) നമ്മു​ടേ​തി​നു സമാന​മാ​യേ​ക്കാ​വുന്ന സ്ഥിതി​വി​ശേ​ഷ​ത്തി​ലുള്ള ഒരു വ്യക്തിയെ ദൈവം തുണച്ച​തി​ന്റെ ഒരു ദൃഷ്ടാ​ന്ത​മേത്‌? (ബി) ആ ദൃഷ്ടാ​ന്ത​ത്തിൽനി​ന്നു നിങ്ങ​ളെന്തു പഠിക്കു​ന്നു?

¹⁴ എന്നിരു​ന്നാ​ലും, അത്തരം മൃഗീയ ദുഷ്‌പെ​രു​മാ​റ്റം നിങ്ങൾ അനുഭ​വി​ച്ചി​ട്ടി​ല്ലെന്നു നിങ്ങൾ പ്രതി​ക​രി​ച്ചേ​ക്കാം. അങ്ങനെ​യൊ​ന്നും തങ്ങൾക്ക്‌ ഒരിക്ക​ലും സംഭവി​ക്കു​ക​യി​ല്ലെ​ന്നും നിങ്ങൾക്കു തോന്നി​യേ​ക്കാം. എന്നാൽ, ദൈവം തന്റെ ജനത്തെ പിന്തു​ണ​യ്‌ക്കു​ന്നത്‌ എല്ലായ്‌പോ​ഴും നാടകീയ സാഹച​ര്യ​മെന്നു ചിലർ വീക്ഷി​ക്കുന്ന വിധത്തി​ലല്ല. “സാധാരണ” സാഹച​ര്യ​ങ്ങ​ളിൽ അനേകം “ശരാശരി” വ്യക്തി​കളെ അവൻ പിന്തു​ണ​ച്ചി​ട്ടുണ്ട്‌. അനവധി ദൃഷ്ടാ​ന്ത​ങ്ങ​ളിൽ കേവലം ഒരെണ്ണ​മി​താ: മേൽക്കൊ​ടു​ത്തി​രി​ക്കുന്ന ചിത്രം നിങ്ങൾ തിരി​ച്ച​റി​യു​ന്നു​വോ, തന്റെ ജനത്തോ​ടുള്ള ദൈവ​ത്തി​ന്റെ ഇടപെ​ട​ലു​കൾ ഓർക്കാൻ അതു നിങ്ങളെ സഹായി​ക്കു​ന്നു​ണ്ടോ? 1996 ഡിസംബർ 1-ലെ വീക്ഷാ​ഗോ​പു​ര​ത്തിൽ പ്രത്യ​ക്ഷ​പ്പെ​ട്ട​താ​യി​രു​ന്നു അത്‌. പെനെ ലൊപി മാക്രിസ്‌ പറഞ്ഞ വിവരണം നിങ്ങൾ വായി​ച്ചു​വോ? ക്രിസ്‌തീയ നിർമ​ല​ത​യു​ടെ എന്തൊരു ഉജ്ജ്വല മാതൃക! അവർ അയൽക്കാ​രിൽനി​ന്നു സഹിച്ചത്‌, കടുത്ത രോഗാ​വ​സ്ഥ​യു​മാ​യി മല്ലടിച്ച വിധം, മുഴു​സമയ ശുശ്രൂ​ഷ​യിൽ തുടരാൻ അവർ നടത്തിയ ശ്രമങ്ങൾ എന്നിവ​യെ​ല്ലാം നിങ്ങൾക്ക്‌ ഓർക്കാ​മോ? മിറ്റലി​നെ​യി​ലെ അവരുടെ പ്രതി​ഫ​ല​ദാ​യ​ക​മായ അനുഭ​വ​ത്തെ​ക്കു​റി​ച്ചോ? ആശയമി​താണ്‌: നമ്മുടെ ജീവി​ത​ത്തിൽ ഒന്നാം സ്ഥാനം ദൈവ​ഹി​ത​ത്തി​നു കൊടു​ത്തു​കൊണ്ട്‌ മുൻഗ​ണ​നകൾ വെക്കു​ന്ന​തി​നുള്ള സഹായ​ങ്ങ​ളാ​യി നിങ്ങൾ അത്തരം ദൃഷ്ടാ​ന്ത​ങ്ങളെ കാണു​ന്നു​ണ്ടോ?

15. നാം ധ്യാനി​ക്കേ​ണ്ട​തായ യഹോ​വ​യു​ടെ ചില പ്രവൃ​ത്തി​കൾ ഏവ?

¹⁵ ദാവീദ്‌ ചെയ്‌ത​തു​പോ​ലെ, യഹോ​വ​യു​ടെ പ്രവർത്ത​ന​ങ്ങ​ളെ​ക്കു​റി​ച്ചു ധ്യാനി ക്കാൻ അതു നമുക്കു കരുത്തു​പ​ക​രു​ന്നു. തന്റെ ഉദ്ദേശ്യം നിവർത്തി​ക്കു​ന്ന​തിൽ, യഹോവ തന്റെ പുത്രന്റെ മരണം, പുനരു​ത്ഥാ​നം, മഹത്ത്വീ​ക​രണം എന്നിവ​യി​ലൂ​ടെ രക്ഷയ്‌ക്കാ​യുള്ള കരുതൽ ചെയ്‌തു. (1 തിമൊ​ഥെ​യൊസ്‌ 3:16) അവൻ തന്റെ സ്വർഗീയ രാജ്യം സ്ഥാപി​ച്ചി​രി​ക്കു​ക​യും സ്വർഗ​ത്തിൽനി​ന്നു സാത്താ​നെ​യും അവന്റെ ഭൂതങ്ങ​ളെ​യും പുറത്താ​ക്കു​ക​യും ഭൂമി​യിൽ സത്യാ​രാ​ധന പുനഃ​സ്ഥാ​പി​ക്കു​ക​യും ചെയ്‌തി​രി​ക്കു​ന്നു. (വെളി​പ്പാ​ടു 12:7-12) അവൻ ഒരു ആത്മീയ പറുദീസ പടുത്തു​യർത്തു​ക​യും തന്റെ ജനത്തെ വർധന​വി​നാൽ അനു​ഗ്ര​ഹി​ച്ചി​രി​ക്കു​ക​യും ചെയ്‌തി​രി​ക്കു​ന്നു. (യെശയ്യാ​വു 35:1-10; 60:22) ഇപ്പോൾ അവന്റെ ജനം മഹോ​പ​ദ്രവം പൊട്ടി​പ്പു​റ​പ്പെ​ടു​ന്ന​തി​നു​മു​മ്പുള്ള അവസാന സാക്ഷ്യം കൊടു​ത്തു​കൊ​ണ്ടി​രി​ക്കു​ക​യാണ്‌. (വെളി​പ്പാ​ടു 14:6, 7) അതേ, ധ്യാനി​ക്കാൻ നമുക്കു വളരെ​യ​ധി​കം സംഗതി​ക​ളുണ്ട്‌.

16. എന്തിൽ താത്‌പ​ര്യം കാണി​ക്കാൻ നമ്മെ പ്രോ​ത്സാ​ഹി​പ്പി​ച്ചി​രി​ക്കു​ന്നു, ഇതു നമ്മിൽ എന്തു ബോധ്യം വരുത്തും?

¹⁶ മാനു​ഷിക ഉദ്യമ​ങ്ങ​ളിൽ വ്യാപൃ​ത​രാ​കാ​തെ ദൈവ​ക​ര​ങ്ങ​ളു​ടെ വേലയിൽ അതീവ​താ​ത്‌പ​ര്യം പ്രകട​മാ​ക്കി നില​കൊ​ള്ളു​ന്നത്‌ യഹോ​വ​യു​ടെ പ്രയുക്ത ശക്തി അപ്രതി​രോ​ധ്യ​മാ​ണെന്നു നമുക്കു ബോധ്യം​വ​രു​ത്തു​ന്നു. എന്നിരു​ന്നാ​ലും, ആ വേലകൾ സ്വർഗ​ത്തി​ലും ഇവിടെ ഭൂമി​യി​ലു​മുള്ള വിസ്‌മ​യാ​വ​ഹ​മായ ഭൗതിക സൃഷ്ടി​വേ​ല​ക​ളിൽ മാത്ര​മാ​യി ഒതുങ്ങി​നിൽക്കു​ന്നില്ല. (ഇയ്യോബ്‌ 37:14; സങ്കീർത്തനം 19:1; 104:24) അവന്റെ അത്ഭുത​ക​ര​മായ വേലക​ളിൽ, തിര​ഞ്ഞെ​ടു​ക്ക​പ്പെട്ട തന്റെ പുരാതന ജനത്തിന്റെ അനുഭ​വ​ങ്ങ​ളിൽ പ്രകട​മാ​ക്ക​പ്പെ​ട്ട​തു​പോ​ലെ, ശത്രു​ക്ക​ളായ മർദക​രിൽനി​ന്നു തന്റെ ജനത്തെ വിമോ​ചി​പ്പിച്ച പ്രവൃ​ത്തി​ക​ളും ഉൾപ്പെ​ടു​ന്നു.—പുറപ്പാ​ടു 14:31; 15:6.

നടക്കേ​ണ്ടുന്ന വഴി അറിയൽ

17. ദാവീ​ദി​നു യഹോവ എത്ര യഥാർഥ​മാ​യി​രു​ന്നു, നമുക്ക്‌ ഇതിൽനിന്ന്‌ എങ്ങനെ ആശ്വാസം ലഭിക്കും?

¹⁷ ജീവന്റെ നനവു വറ്റിവ​ര​ളു​മോ എന്ന ഭയത്താൽ സഹായ​ത്തി​നാ​യി ദാവീദ്‌ പ്രാർഥി​ച്ചു: “ഞാൻ എന്റെ കൈകളെ നിങ്ക​ലേക്കു മലർത്തു​ന്നു; വരണ്ട നിലം​പോ​ലെ എന്റെ പ്രാണൻ നിനക്കാ​യി ദാഹി​ക്കു​ന്നു. യഹോവേ, വേഗം എനിക്കു ഉത്തരമ​രു​ളേ​ണമേ; എന്റെ ആത്മാവു കാംക്ഷി​ക്കു​ന്നു. ഞാൻ കുഴി​യിൽ ഇറങ്ങു​ന്ന​വ​രെ​പ്പോ​ലെ ആകാതി​രി​പ്പാൻ നിന്റെ മുഖത്തെ എനിക്കു മറെക്ക​രു​തേ.” (സങ്കീർത്തനം 143:6, 7) ദൈവം തന്റെ സ്ഥിതി​വി​ശേ​ഷ​ത്തെ​ക്കു​റി​ച്ചു ബോധ​വാ​നാ​ണെന്നു പാപി​യായ ദാവീ​ദിന്‌ അറിയാ​മാ​യി​രു​ന്നു. (സങ്കീർത്തനം 31:7) നമ്മുടെ ആത്മീയത ദുർബ​ല​മാ​യി​രി​ക്കു​ക​യാ​ണെന്നു ചില​പ്പോൾ നമുക്കും തോന്നി​യേ​ക്കാം. എന്നാൽ ആശയറ്റ അവസ്ഥാ​വി​ശേ​ഷമല്ല അത്‌. നമ്മുടെ പ്രാർഥ​നകൾ കേൾക്കുന്ന യഹോവ, സ്‌നേ​ഹ​സ​മ്പ​ന്ന​രായ മൂപ്പന്മാ​രി​ലൂ​ടെ​യും വീക്ഷാ​ഗോ​പുര ലേഖന​ങ്ങ​ളി​ലൂ​ടെ​യും അല്ലെങ്കിൽ നമുക്കാ​യി​ത്തന്നെ രൂപകൽപ്പന ചെയ്‌തി​രി​ക്കു​ന്ന​തെന്നു തോന്നുന്ന യോഗ​പ​രി​പാ​ടി​ക​ളി​ലൂ​ടെ​യും നമ്മുടെ പുനഃ​സ്ഥി​തീ​ക​രണം ത്വരി​ത​പ്പെ​ടു​ത്തു​മാ​റാ​കട്ടെ—യെശയ്യാ​വു 32:1, 2.

18, 19. (എ) യഹോ​വ​യോ​ടുള്ള നമ്മുടെ ആത്മാർഥ​മായ യാചന എന്തായി​രി​ക്കണം? (ബി) നമുക്ക്‌ എന്തി​നെ​ക്കു​റിച്ച്‌ ഉറപ്പു​ള്ള​വ​രാ​യി​രി​ക്കാം?

¹⁸ യഹോ​വ​യി​ലുള്ള നമ്മുടെ ആശ്രയം അവനോട്‌ ഇങ്ങനെ യാചി​ക്കാൻ നമ്മെ പ്രേരി​പ്പി​ക്കു​ന്നു: “നിന്റെ ദയ എന്നെ കേൾക്കു​മാ​റാ​ക്കേ​ണമേ; ഞാൻ നിന്നിൽ ആശ്രയി​ക്കു​ന്നു​വ​ല്ലോ. ഞാൻ നടക്കേ​ണ്ടുന്ന വഴി എന്നെ അറിയി​ക്കേ​ണമേ; ഞാൻ എന്റെ ഉള്ളം നിങ്ക​ലേക്കു ഉയർത്തു​ന്നു​വ​ല്ലോ.” (സങ്കീർത്തനം 143:8) ഒരു ഗ്രീക്ക്‌ ദ്വീപിൽ തനിച്ചാ​യി​പ്പോയ മാക്രിസ്‌ സഹോ​ദ​രി​യെ അവൻ നിരാ​ശ​പ്പെ​ടു​ത്തി​യോ? അവന്റെ ഹിതം ചെയ്യു​ന്നതു നിങ്ങൾ ജീവി​ത​ത്തിൽ പരമ​പ്രാ​ധാ​ന്യ​മുള്ള സംഗതി​യാ​ക്കവേ അവൻ നിങ്ങളെ നിരാ​ശ​പ്പെ​ടു​ത്തു​മോ? പിശാ​ചും അവന്റെ പിണയാ​ളു​ക​ളും നമ്മുടെ ദൈവ​രാ​ജ്യ​പ്ര​ഘോ​ഷണ വേലയെ തടസ്സ​പ്പെ​ടു​ത്താ​നോ അതിനു പൂർണ​മാ​യി പ്രതി​ബന്ധം സൃഷ്ടി​ക്കാ​നോ ആഗ്രഹി​ക്കു​ന്നു. നാം സേവി​ക്കു​ന്നത്‌ സത്യാ​രാ​ധന പൊതു​വേ അനുവ​ദി​ക്ക​പ്പെ​ടുന്ന രാജ്യ​ങ്ങ​ളി​ലോ അത്‌ അടിച്ച​മർത്ത​പ്പെ​ടു​ന്നി​ട​ങ്ങ​ളി​ലോ ആയാലും, നമ്മുടെ ഏകീകൃത പ്രാർഥന ദാവീ​ദി​ന്റെ ഈ യാചന​യോ​ടു ചേർച്ച​യി​ലാണ്‌: “യഹോവേ, എന്റെ ശത്രു​ക്ക​ളു​ടെ കയ്യിൽനി​ന്നു എന്നെ വിടു​വി​ക്കേ​ണമേ; നിന്റെ അടുക്കൽ ഞാൻ മറവി​ന്നാ​യി വരുന്നു.” (സങ്കീർത്തനം 143:9) ആത്മീയ ദുരന്ത​ത്തി​നെ​തി​രായ നമ്മുടെ സുരക്ഷി​ത​ത്വം ആശ്രയി​ച്ചി​രി​ക്കു​ന്നത്‌ അത്യു​ന്ന​തന്റെ മറവിൽ പാർക്കു​ന്ന​തി​ലാണ്‌.—സങ്കീർത്തനം 91:1.

¹⁹ പരമ​പ്രാ​ധാ​ന്യ​മു​ള്ളത്‌ എന്തി​നെ​ന്ന​തി​നെ​ക്കു​റി​ച്ചുള്ള നമ്മുടെ ബോധ്യം ശക്തമായി അടിയു​റ​ച്ച​താണ്‌. (റോമർ 12:1, 2) അതു​കൊണ്ട്‌, മനുഷ്യ​ന്റെ പദ്ധതി​ക​ളിൽ പ്രധാ​ന​പ്പെ​ട്ട​തെന്നു ലോകം വിചാ​രി​ക്കു​ന്നതു നിങ്ങളു​ടെ​മേൽ അടി​ച്ചേൽപ്പി​ക്കാ​നുള്ള അതിന്റെ ശ്രമങ്ങളെ ചെറു​ക്കുക. പരമ​പ്ര​ധാ​ന​മെന്നു നിങ്ങൾക്ക​റി​യാ​വു​ന്ന​തി​നെ—ദൈവ​ഹി​തം നിറ​വേ​റ്റു​ന്ന​തി​നെ—പ്രതി​ഫ​ലി​പ്പി​ക്കാൻ നിങ്ങളു​ടെ ജീവി​ത​ത്തി​ന്റെ ഓരോ വശത്തെ​യും അനുവ​ദി​ക്കു​ന്ന​തിൽ തുടരുക.—മത്തായി 6:10; 7:21.

20. (എ) സങ്കീർത്തനം 143:1-9-ൽ നാം ദാവീ​ദി​നെ​ക്കു​റിച്ച്‌ എന്തു പഠിച്ചു? (ബി) ക്രിസ്‌ത്യാ​നി​കൾ ഇന്നു ദാവീ​ദി​ന്റെ മനോ​ഭാ​വത്തെ പ്രതി​ഫ​ലി​പ്പി​ക്കു​ന്ന​തെ​ങ്ങനെ?

²⁰ യഹോ​വ​യു​മാ​യുള്ള ദാവീ​ദി​ന്റെ വ്യക്തി​പ​ര​മായ അടുത്ത ബന്ധം എടുത്തു​കാ​ണി​ക്കു​ന്ന​താണ്‌ സങ്കീർത്തനം 143-ന്റെ ആദ്യത്തെ ഒമ്പതു വാക്യങ്ങൾ. ശത്രുക്കൾ വളഞ്ഞ​പ്പോൾ, ഒരു സങ്കോ​ച​വും​കൂ​ടാ​തെ അവൻ മാർഗ​നിർദേ​ശ​ത്തി​നാ​യി ദൈവ​ത്തോ​ടു യാചിച്ചു. ശരിയായ വഴിയിൽ നടക്കേ​ണ്ടു​ന്ന​തി​നുള്ള സഹായ​ത്തി​നാ​യി അവൻ തന്റെ ഹൃദയാ​ന്തരം തുറന്നു. ഇന്നു ഭൂമി​യി​ലുള്ള ആത്മാഭി​ഷിക്ത ശേഷി​പ്പി​ന്റെ​യും അവരുടെ സഹകാ​രി​ക​ളു​ടെ​യും സംഗതി അങ്ങനെ​ത​ന്നെ​യാണ്‌. അവർ യഹോ​വ​യു​ടെ മാർഗ​നിർദേ​ശ​ത്തി​നാ​യി അവനോ​ടു യാചി​ക്കു​മ്പോൾ അവനു​മാ​യുള്ള തങ്ങളുടെ ബന്ധം അമൂല്യ​മാ​ണെ​ന്നാണ്‌ അവർ കരുതു​ന്നത്‌. പിശാ​ചിൽനി​ന്നും ലോക​ത്തിൽനി​ന്നും സമ്മർദ​ങ്ങ​ളു​ണ്ടെ​ങ്കി​ലും, ദൈവ​ഹി​തം ചെയ്യു​ന്ന​തി​നെ അവർ ഒന്നാം സ്ഥാനത്തു നിർത്തു​ന്നു.

21. ജീവി​ത​ത്തിൽ പരമ​പ്രാ​ധാ​ന്യം എന്തിനാ​യി​രി​ക്ക​ണ​മെന്നു നാം മറ്റുള്ള​വരെ പഠിപ്പി​ക്ക​ണ​മെ​ങ്കിൽ, നാം നല്ല മാതൃക വെക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

²¹ ദൈവ​ഹി​തം ചെയ്യു​ന്നത്‌ പരമ​പ്ര​ധാ​ന​മാ​ണെന്നു യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കുന്ന ലക്ഷക്കണ​ക്കിന്‌ ആളുകൾ തിരി​ച്ച​റി​യേ​ണ്ട​യാ​വ​ശ്യ​മുണ്ട്‌. നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌ത​ക​ത്തി​ന്റെ 13-ാം അധ്യായം ചർച്ച​ചെ​യ്യു​മ്പോൾ ഇതു മനസ്സി​ലാ​ക്കാൻ നമുക്ക​വരെ സഹായി​ക്കാ​നാ​വും.b വചനം അനുസ​രി​ക്കു​ന്ന​വ​രാ​യി​രി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന തത്ത്വങ്ങൾക്ക്‌ ഊന്നൽ കൊടു​ക്കു​ന്ന​താണ്‌ ആ അധ്യായം. തീർച്ച​യാ​യും, നാം അവരെ പഠിപ്പി​ക്കു​ന്ന​തെ​ന്തോ അതിന്റെ ദൃഷ്ടാ​ന്ത​മാ​യി അവർക്കു നമ്മെ വീക്ഷി​ക്കാൻ കഴിയണം. താരത​മ്യേന ഒരു ഹ്രസ്വ കാലഘ​ട്ട​ത്തി​നു​ശേഷം, നടക്കേ​ണ്ടുന്ന വഴി അവരും അറിയാ​നി​ട​വ​രും. തങ്ങളുടെ ജീവി​ത​ത്തിൽ പരമ​പ്രാ​ധാ​ന്യം എന്തിനാ​യി​രി​ക്ക​ണ​മെന്നു ലക്ഷക്കണ​ക്കി​നു​വ​രുന്ന ഇക്കൂട്ടർ വ്യക്തി​പ​ര​മാ​യി ഗ്രഹി​ക്കു​മ്പോൾ, സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും പടികൾ സ്വീക​രി​ക്കാൻ അനേക​രും പ്രചോ​ദി​ത​രാ​കും. അതിനു​ശേഷം, ജീവന്റെ വഴിയിൽ തുടർന്നും നടക്കാൻ സഭയ്‌ക്ക്‌ അവരെ സഹായി​ക്കാ​നാ​വും.

22. പിൻവ​രുന്ന ലേഖന​ത്തിൽ ഏതെല്ലാം ചോദ്യ​ങ്ങൾ പരിചി​ന്തി​ക്കും?

²² ജീവി​ത​ത്തിൽ ദൈവ​ഹി​ത​ത്തി​നു പരമ​പ്രാ​ധാ​ന്യ​മു​ണ്ടാ​യി​രി​ക്ക​ണ​മെന്ന്‌ അനേക​രും പെട്ടെ​ന്നു​തന്നെ സമ്മതി​ക്കും. എന്നിരു​ന്നാ​ലും, തന്റെ ഹിതം ചെയ്യാൻ യഹോവ തന്റെ ദാസന്മാ​രെ ക്രമാ​നു​ഗ​ത​മാ​യി പഠിപ്പി​ക്കു​ന്ന​തെ​ങ്ങനെ? ഇത്‌ അവർക്ക്‌ എന്തു പ്രയോ​ജനം കൈവ​രു​ത്തു​ന്നു? സങ്കീർത്തനം 143:10 എന്ന മുഖ്യ വാക്യ​ത്തി​ന്റെ ചർച്ച​യോ​ടൊ​പ്പം ഈ ചോദ്യ​ങ്ങൾ പിൻവ​രുന്ന ലേഖന​ത്തിൽ പരിചി​ന്തി​ക്കു​ന്ന​താ​യി​രി​ക്കും.

[അടിക്കു​റി​പ്പു​കൾ]

നിങ്ങളുടെ ഉത്തര​മെന്ത്‌?

◻ ഫിലി​പ്പി​യർ 1:9, 10 ബാധക​മാ​ക്കി​ക്കൊണ്ട്‌, നമു​ക്കെ​ങ്ങനെ മുൻഗ​ണ​നകൾ വെക്കാം?

◻ തന്റെ ജീവി​ത​ത്തിൽ പരമ​പ്രാ​ധാ​ന്യം എന്തിനാ​യി​രു​ന്നു​വെന്നു യേശു പ്രകട​മാ​ക്കി​യ​തെ​ങ്ങനെ?

◻ പരി​ശോ​ധ​നകൾ നേരി​ട്ട​പ്പോ​ഴത്തെ ദാവീ​ദി​ന്റെ പ്രവൃ​ത്തി​ക​ളിൽനി​ന്നു നമു​ക്കെന്തു പഠിക്കാ​നാ​വും?

◻ സങ്കീർത്തനം 143:1-9 ഇന്നു നമ്മെ ഏതു വിധത്തിൽ സഹായി​ക്കു​ന്നു?

◻ നമ്മുടെ ജീവി​ത​ത്തിൽ പരമ​പ്രാ​ധാ​ന്യം എന്തിനാ​യി​രി​ക്കണം?

[10-ാം പേജിലെ ചിത്രം]

ദാവീദിന്റെ പ്രവൃ​ത്തി​കൾ യഹോ​വ​യി​ലുള്ള അവന്റെ ആശ്രയത്തെ തെളി​യി​ച്ചു

[ചിത്ര​ത്തി​ന്റെ കടപ്പാട്‌]

Reproduced from Illustrirte Pracht - Bibel/Heilige Schrift des Alten und Neuen Testaments, nach der deutschen Uebersetzung D. Martin Luther’s