ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു?

“അവന്റെ കല്‌പ​ന​കളെ പ്രമാ​ണി​ക്കു​ന്ന​ത​ല്ലോ ദൈവ​ത്തോ​ടുള്ള സ്‌നേഹം; അവന്റെ കല്‌പ​നകൾ ഭാരമു​ള്ള​വയല്ല.”—1 യോഹ​ന്നാൻ 5:3.

1, 2. ദൈവത്തെ സ്വീകാ​ര്യ​മാ​യി ആരാധി​ക്കാൻ ആഗ്രഹി​ക്കു​ന്ന​വർക്ക്‌ അവൻ വ്യവസ്ഥകൾ വെക്കുന്നു എന്നത്‌ ആശ്ചര്യ​ക​ര​മ​ല്ലാ​ത്തത്‌ എന്തു​കൊണ്ട്‌?

“എനിക്ക്‌ എന്റെ മതം ധാരാളം മതി!” അതല്ലേ ആളുകൾ പലപ്പോ​ഴും പറയാ​റു​ള്ളത്‌? എന്നാൽ വാസ്‌ത​വ​ത്തിൽ, ചോദ്യം ഇതായി​രി​ക്കണം: “എന്റെ മതം ദൈവ​ത്തി​നു സ്വീകാ​ര്യ​മാ​ണോ?” അതേ, തന്നെ സ്വീകാ​ര്യ​മായ വിധത്തിൽ ആരാധി​ക്കാ​നാ​ഗ്ര​ഹി​ക്കു​ന്ന​വർക്കു വേണ്ടി ദൈവ​ത്തി​നു വ്യവസ്ഥ​ക​ളുണ്ട്‌. അതു നമ്മെ അതിശ​യി​പ്പി​ക്ക​ണ​മോ? വാസ്‌ത​വ​ത്തിൽ വേണ്ട. നിങ്ങൾക്കു മനോ​ഹ​ര​മായ ഒരു വീട്‌ സ്വന്തമാ​യു​ണ്ടെന്നു സങ്കൽപ്പി​ക്കുക. ഈയി​ടെ​യാണ്‌ നിങ്ങളതു വളരെ പണം ചെലവിട്ട്‌ പുതു​ക്കി​പ്പ​ണി​തത്‌. നിങ്ങൾ ഏതൊ​രാ​ളെ​യും അവിടെ പാർക്കാൻ അനുവ​ദി​ക്കു​മോ? തീർച്ച​യാ​യു​മില്ല! ഏതൊരു ഭാവി വാടക​ക്കാ​ര​നും നിങ്ങളു​ടെ വ്യവസ്ഥകൾ പാലി​ക്കേ​ണ്ടി​വ​രും.

² അതു​പോ​ലെ, യഹോ​വ​യാം ദൈവം മനുഷ്യ​കു​ടും​ബ​ത്തി​നു നൽകി​യി​രി​ക്കു​ന്ന​താണ്‌ ഈ ഭൗമഗൃ​ഹം. അവന്റെ രാജ്യ​ഭ​ര​ണ​ത്തിൻ കീഴിൽ, ഭൂമി പെട്ടെ​ന്നു​തന്നെ “പുതു​ക്കി​പ്പണി”യപ്പെടും—മനോ​ഹ​ര​മായ ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തും. അതു യഹോവ നിർവ​ഹി​ക്കും. അതിനു കൊടു​ത്തി​രി​ക്കു​ന്നതു വലിയ വിലയാണ്‌. അതു സാധ്യ​മാ​ക്കു​ന്ന​തിന്‌ അവൻ തന്റെ ഏകജാ​ത​പു​ത്രനെ നൽകി. തീർച്ച​യാ​യും, അവിടെ ജീവി​ക്കാ​നു​ള്ള​വർക്കു ദൈവം വ്യവസ്ഥകൾ വെച്ചി​ട്ടു​ണ്ടാ​വണം!—സങ്കീർത്തനം 115:16; മത്തായി 6:9, 10; യോഹ​ന്നാൻ 3:16.

3. ദൈവം നമ്മിൽനി​ന്നു പ്രതീ​ക്ഷി​ക്കു​ന്ന​തി​നെ ശലോ​മോൻ സംഗ്ര​ഹി​ച്ചത്‌ എങ്ങനെ?

³ ദൈവ​ത്തി​ന്റെ വ്യവസ്ഥകൾ എന്തൊ​ക്കെ​യാ​ണെന്നു നമുക്ക്‌ എങ്ങനെ കണ്ടെത്താ​നാ​കും? യഹോവ നമ്മിൽനി​ന്നു പ്രതീ​ക്ഷി​ക്കു​ന്നത്‌ എന്താ​ണെന്നു സംഗ്ര​ഹി​ക്കാൻ അവൻ ജ്ഞാനി​യായ ശലോ​മോൻ രാജാ​വി​നെ നിശ്വ​സ്‌ത​നാ​ക്കി. സമ്പത്ത്‌, നിർമാ​ണ​പ​ദ്ധ​തി​കൾ, സംഗീത താത്‌പ​ര്യ​ങ്ങൾ, പ്രേമാ​ത്മക സ്‌നേഹം എന്നിവ​യുൾപ്പെടെ താൻ പിന്തു​ടർന്ന സകല​ത്തെ​യും​കു​റി​ച്ചു ധ്യാനി​ച്ച​ശേഷം, ശലോ​മോൻ ഈ തിരി​ച്ച​റി​വി​ലെത്തി: “എല്ലാറ്റി​ന്റെ​യും സാരം കേൾക്കുക; ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാ​ണി​ച്ചു​കൊൾക; അതു ആകുന്നു സകല മനുഷ്യർക്കും വേണ്ടു​ന്നതു.” (ചെരി​ച്ചെ​ഴു​ത്തു ഞങ്ങളു​ടേത്‌.)—സഭാ​പ്ര​സം​ഗി 12:13.

“അവന്റെ കല്‌പ​നകൾ ഭാരമു​ള്ള​വയല്ല”

4-6. (എ) “ഭാരമുള്ള” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തിന്റെ അക്ഷരീയ അർഥ​മെന്ത്‌? (ബി) ദൈവ​കൽപ്പ​നകൾ ഭാരമു​ള്ള​വയല്ല എന്നു പറയാൻ കഴിയു​ന്ന​തെ​ന്തു​കൊണ്ട്‌?

⁴ “അവന്റെ കല്‌പ​ന​കളെ പ്രമാ​ണി​ച്ചു​കൊൾക.” അടിസ്ഥാ​ന​പ​ര​മാ​യി, ദൈവം നമ്മിൽനി​ന്നു പ്രതീ​ക്ഷി​ക്കു​ന്നത്‌ അതാണ്‌. വളരെ കൂടു​ത​ലായ ഒരു സംഗതി​യാ​ണോ അവൻ ആവശ്യ​പ്പെ​ടു​ന്നത്‌? ഒരിക്ക​ലു​മല്ല. ദൈവ​കൽപ്പ​ന​ക​ളെ​ക്കു​റിച്ച്‌ അല്ലെങ്കിൽ വ്യവസ്ഥ​ക​ളെ​ക്കു​റി​ച്ചു വളരെ ആശ്വാ​സ​ക​ര​മായ ഒരു സംഗതി അപ്പോ​സ്‌ത​ല​നായ യോഹ​ന്നാൻ നമ്മോടു പറയുന്നു. അവൻ ഇങ്ങനെ എഴുതി: “അവന്റെ കല്‌പ​ന​കളെ പ്രമാ​ണി​ക്കു​ന്ന​ത​ല്ലോ ദൈവ​ത്തോ​ടുള്ള സ്‌നേഹം; അവന്റെ കല്‌പ​നകൾ ഭാരമു​ള്ള​വയല്ല.” (ചെരി​ച്ചെ​ഴു​ത്തു ഞങ്ങളു​ടേത്‌.)—1 യോഹ​ന്നാൻ 5:3.

⁵ “ഭാരമുള്ള” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തിന്റെ അക്ഷരീയ അർഥം “ഘനമുള്ള” എന്നാണ്‌. അനുസ​രി​ക്കാ​നോ നിവർത്തി​ക്കാ​നോ പ്രയാ​സ​ക​ര​മായ ഒന്നിനെ അതിനു പരാമർശി​ക്കാൻ കഴിയും. ശാസ്‌ത്രി​മാ​രും പരീശ​ന്മാ​രും ആളുക​ളു​ടെ​മേൽ വെച്ചു​കൊ​ടുത്ത ‘ഘനമുള്ള ചുമടി’നെ, മനുഷ്യ​നിർമിത നിയമ​ങ്ങ​ളെ​യും പാരമ്പ​ര്യ​ങ്ങ​ളെ​യും, വർണി​ക്കാൻ മത്തായി 23:4-ൽ ഉപയോ​ഗി​ച്ചി​രി​ക്കു​ന്നത്‌ ആ വാക്കാണ്‌. വയോ​ധി​ക​നായ യോഹ​ന്നാൻ അപ്പോ​സ്‌തലൻ പറയു​ന്ന​തി​ന്റെ പൊരുൾ നിങ്ങൾക്കു മനസ്സി​ലാ​കു​ന്നു​ണ്ടോ? ദൈവ​കൽപ്പ​നകൾ ഘനമേ​റിയ ഒരു ചുമടല്ല. നമ്മെ സംബന്ധി​ച്ചി​ട​ത്തോ​ളം അവ പ്രമാ​ണി​ക്കാ​നാ​വാ​ത്ത​വി​ധം അത്ര പ്രയാ​സ​മു​ള്ള​വ​യു​മല്ല. (ആവർത്ത​ന​പു​സ്‌തകം 30:11 താരത​മ്യം ചെയ്യുക.) നേരേ​മ​റിച്ച്‌, നാം ദൈവത്തെ സ്‌നേ​ഹി​ക്കു​മ്പോൾ, അവന്റെ വ്യവസ്ഥകൾ പാലി​ക്കു​ന്നതു നമ്മെ സന്തുഷ്ട​രാ​ക്കു​ന്നു. യഹോ​വ​യോ​ടുള്ള നമ്മുടെ സ്‌നേഹം പ്രകട​മാ​ക്കാ​നുള്ള ഒരു അമൂല്യ അവസരം അതു നമുക്കു പ്രദാനം ചെയ്യുന്നു.

⁶ ദൈവ​ത്തോ​ടുള്ള നമ്മുടെ സ്‌നേഹം പ്രകട​മാ​ക്കു​ന്ന​തിന്‌, അവൻ നമ്മിൽനി​ന്നു പ്രതീ​ക്ഷി​ക്കു​ന്നത്‌ എന്താ​ണെന്നു നാം കൃത്യ​മാ​യി അറി​യേ​ണ്ട​തുണ്ട്‌. നമുക്കി​പ്പോൾ ദൈവ​ത്തി​ന്റെ വ്യവസ്ഥ​ക​ളിൽ അഞ്ചെണ്ണം ചർച്ച​ചെ​യ്യാം. നാം അവ ചർച്ച​ചെ​യ്യു​മ്പോൾ, ‘ദൈവ​ത്തി​ന്റെ കല്‌പ​നകൾ ഭാരമു​ള്ള​വയല്ല’ എന്ന്‌ യോഹ​ന്നാൻ പറഞ്ഞതു മനസ്സിൽ പിടി​ക്കുക.

ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളു​ക

7. നമ്മുടെ രക്ഷ ആശ്രയി​ച്ചി​രി​ക്കു​ന്നത്‌ എന്തിലാണ്‌?

⁷ ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളുക എന്നതാണ്‌ ആദ്യ വ്യവസ്ഥ. യോഹ​ന്നാൻ 17-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ പരിചി​ന്തി​ക്കുക. മനുഷ്യൻ എന്നനി​ല​യി​ലുള്ള യേശു​വി​ന്റെ ജീവി​ത​ത്തി​ലെ അവസാന രാത്രി​യാ​ണു പശ്ചാത്തലം. ആ സായാ​ഹ്ന​ത്തി​ന്റെ ഏറിയ പങ്കും തന്റെ വേർപാ​ടി​നാ​യി ശിഷ്യ​ന്മാ​രെ ഒരുക്കി​ക്കൊ​ണ്ടു യേശു ചെലവ​ഴി​ച്ചു. അവൻ അവരുടെ ഭാവി​യെ​ക്കു​റിച്ച്‌, അവരുടെ നിത്യ ഭാവി​യെ​ക്കു​റിച്ച്‌, ചിന്തയു​ള്ള​വ​നാ​യി​രു​ന്നു. സ്വർഗ​ത്തി​ലേക്കു കണ്ണുക​ളു​യർത്തി അവൻ അവർക്കു വേണ്ടി പ്രാർഥി​ച്ചു. 3-ാം വാക്യ​ത്തിൽ നാം ഇങ്ങനെ വായി​ക്കു​ന്നു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു [“പരിജ്ഞാ​നം ഉൾക്കൊ​ള്ളു​ന്നത്‌,” NW] തന്നേ നിത്യ​ജീ​വൻ ആകുന്നു.” അതേ, അവർ ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള ‘പരിജ്ഞാ​നം ഉൾക്കൊ​ള്ളുന്ന’തിനെ ആശ്രയി​ച്ചി​രു​ന്നു അവരുടെ രക്ഷ. അതു നമുക്കും ബാധക​മാണ്‌. രക്ഷ നേടാൻ നാം അത്തരം പരിജ്ഞാ​നം ഉൾക്കൊ​ള്ളേ​ണ്ട​തുണ്ട്‌.

8. ദൈവ​ത്തെ​ക്കു​റി​ച്ചുള്ള ‘പരിജ്ഞാ​നം ഉൾക്കൊ​ള്ളുക’ എന്നതിന്റെ അർഥ​മെന്ത്‌?

⁸ ദൈവ​ത്തെ​ക്കു​റി​ച്ചുള്ള ‘പരിജ്ഞാ​നം ഉൾക്കൊ​ള്ളുക’ എന്നതിന്റെ അർഥ​മെ​ന്താണ്‌? ‘പരിജ്ഞാ​നം ഉൾക്കൊ​ള്ളൽ’ എന്ന്‌ ഇവിടെ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദം “അറിയാ​നി​ട​യാ​കുക, തിരി​ച്ച​റി​യുക” അഥവാ “പൂർണ​മാ​യി മനസ്സി​ലാ​ക്കുക” എന്നു സൂചി​പ്പി​ക്കു​ന്നു. ‘പരിജ്ഞാ​നം ഉൾക്കൊ​ള്ളു​ന്നത്‌’ എന്ന പരിഭാഷ തുടർച്ച​യായ പ്രക്രി​യ​യെ​യാ​ണു സൂചി​പ്പി​ക്കു​ന്ന​തെ​ന്നും ശ്രദ്ധി​ക്കുക. അപ്പോൾ ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളുക എന്നതിന്റെ അർഥം അവനെ ഉപരി​പ്ല​വ​മാ​യി അറിയുക എന്നല്ല, പിന്നെ​യോ അവനെ അടുത്ത​റി​യൽ, അവനു​മാ​യി അറിവിൽ അധിഷ്‌ഠി​ത​മായ ഒരു സൗഹൃദം വികസി​പ്പി​ച്ചെ​ടു​ക്കൽ എന്നാണ്‌. ദൈവ​വു​മാ​യുള്ള തുടർച്ച​യായ ബന്ധം അവനെ​ക്കു​റി​ച്ചു നിരന്തരം വർധി​ച്ചു​കൊ​ണ്ടി​രി​ക്കുന്ന പരിജ്ഞാ​നം കൈവ​രു​ത്തു​ന്നു. ആ പ്രക്രി​യ​യ്‌ക്ക്‌ എന്നേക്കും തുടരാൻ കഴിയും, കാരണം യഹോ​വ​യെ​ക്കു​റി​ച്ചുള്ള സകല കാര്യ​ങ്ങ​ളും നാമൊ​രി​ക്ക​ലും പഠിക്കു​ക​യില്ല.—റോമർ 11:33.

9. സൃഷ്ടി​യാ​കുന്ന പുസ്‌ത​ക​ത്തിൽനി​ന്നു യഹോ​വ​യെ​ക്കു​റി​ച്ചു നമുക്ക്‌ എന്തു പഠിക്കാൻ സാധി​ക്കും?

⁹ നാം ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളു​ന്നത്‌ എങ്ങനെ​യാണ്‌? നമ്മെ സഹായി​ക്കാ​നാ​വുന്ന രണ്ടു പുസ്‌ത​ക​ങ്ങ​ളുണ്ട്‌. ഒന്ന്‌ സൃഷ്ടി​യാ​കുന്ന പുസ്‌ത​ക​മാണ്‌. യഹോവ സൃഷ്ടി​ച്ചി​രി​ക്കുന്ന സചേത​ന​വും അചേത​ന​വു​മായ വസ്‌തു​ക്കൾ അവൻ ഏതുതരം വ്യക്തി​യാ​ണെ​ന്നു​ള്ള​തി​നെ​ക്കു​റി​ച്ചു കുറെ ഉൾക്കാഴ്‌ച നമുക്കു തരുന്നു. (റോമർ 1:20) ഏതാനും ഉദാഹ​ര​ണങ്ങൾ പരിചി​ന്തി​ക്കുക. ഗംഭീ​ര​മായ വെള്ളച്ചാ​ട്ട​ത്തി​ന്റെ ആരവം, കൊടു​ങ്കാ​റ്റിൽ അലയടി​ച്ചു​യ​രുന്ന തിരമാ​ലകൾ, തെളി​വുള്ള രാത്രി​യി​ലെ നക്ഷത്ര​നി​ബി​ഡ​മായ ആകാശ​ദൃ​ശ്യം—യഹോവ “ശക്തിയു​ടെ ആധിക്യ”മുള്ള ദൈവ​മാ​ണെന്ന്‌ അത്തരം കാര്യങ്ങൾ നമ്മെ പഠിപ്പി​ക്കു​ന്നി​ല്ലേ? (യെശയ്യാ​വു 40:26) നായ്‌ക്കു​ട്ടി അതിന്റെ വാൽ കടിക്കാ​നുള്ള ശ്രമത്തിൽ വട്ടം കറങ്ങു​ന്ന​തോ പൂച്ചക്കു​ട്ടി ഒരു രോമ​പ്പ​ന്തു​കൊ​ണ്ടു കളിക്കു​ന്ന​തോ കാണു​മ്പോ​ഴുള്ള കുട്ടി​യു​ടെ ചിരി—നർമ​ബോ​ധ​മുള്ള, “സന്തുഷ്ട​നായ ദൈവ”മാണ്‌ യഹോവ എന്ന്‌ അതു സൂചി​പ്പി​ക്കു​ന്നി​ല്ലേ? (1 തിമൊ​ഥെ​യൊസ്‌ 1:11, NW) സ്വാദി​ഷ്‌ഠ​മായ ഭക്ഷണത്തി​ന്റെ രുചി, ഒരു പുൽപ്പ​ര​പ്പി​ലെ പുഷ്‌പ​ങ്ങ​ളു​ടെ സൗരഭ്യ​വാ​സന, ലോല​മായ ചിത്ര​ശ​ല​ഭ​ത്തി​ന്റെ തീക്ഷ്‌ണ വർണ​ഭേ​ദങ്ങൾ, വസന്തകാ​ലത്തെ കളകൂ​ജനം, പ്രിയ​പ്പെട്ട ഒരാളി​ന്റെ ഊഷ്‌മ​ള​മായ ആലിം​ഗനം—നാം ജീവിതം ആസ്വദി​ക്ക​ണ​മെന്ന്‌ ആഗ്രഹി​ക്കുന്ന, സ്‌നേ​ഹ​മുള്ള ദൈവ​മാ​ണു നമ്മുടെ സ്രഷ്ടാവ്‌ എന്ന്‌ അത്തരം സംഗതി​ക​ളിൽനി​ന്നു നാം വിവേ​ചി​ച്ച​റി​യു​ന്നി​ല്ലേ?—1 യോഹ​ന്നാൻ 4:8.

10, 11. (എ) യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള എന്തെല്ലാം കാര്യങ്ങൾ സൃഷ്ടി​യാ​കുന്ന പുസ്‌ത​ക​ത്തിൽനി​ന്നു നമുക്കു പഠിക്കാൻ സാധി​ക്കു​ക​യില്ല? (ബി) എന്തെല്ലാം ചോദ്യ​ങ്ങൾക്കുള്ള ഉത്തരങ്ങ​ളാ​ണു ബൈബി​ളിൽ മാത്രം കാണാൻ കഴിയു​ന്നത്‌?

¹⁰ എന്നിരു​ന്നാ​ലും, സൃഷ്ടി​യാ​കുന്ന പുസ്‌ത​ക​ത്തിൽനി​ന്നു യഹോ​വ​യെ​ക്കു​റി​ച്ചു നമുക്കു പഠിക്കാ​നാ​വുന്ന സംഗതി​കൾക്ക്‌ ഒരു പരിധി​യുണ്ട്‌. ഉദാഹ​ര​ണ​ത്തിന്‌, ദൈവ​ത്തി​ന്റെ പേരെന്ത്‌? അവൻ ഭൂമിയെ സൃഷ്ടിച്ച്‌ മനുഷ്യ​നെ അവിടെ ആക്കിയി​രി​ക്കു​ന്നത്‌ എന്തിന്‌? ദൈവം ദുഷ്ടത അനുവ​ദി​ക്കു​ന്നത്‌ എന്തു​കൊണ്ട്‌? നമുക്ക്‌ എന്തു ഭാവി​യാ​ണു​ള്ളത്‌? അത്തരം ചോദ്യ​ങ്ങൾക്കുള്ള ഉത്തരങ്ങൾക്കാ​യി ദൈവ​ത്തെ​ക്കു​റി​ച്ചുള്ള പരിജ്ഞാ​നം പ്രദാനം ചെയ്യുന്ന മറ്റൊരു പുസ്‌ത​ക​ത്തി​ലേക്ക്‌ നാം പോ​കേ​ണ്ട​തുണ്ട്‌—ബൈബിൾ ആണത്‌. അതിന്റെ പേജു​ക​ളിൽ, തന്റെ നാമം, വ്യക്തി​ത്വം, ഉദ്ദേശ്യ​ങ്ങൾ എന്നിവ​യുൾപ്പെടെ തന്നെപ്പ​റ്റി​യുള്ള സംഗതി​കൾ, നമുക്ക്‌ മറ്റൊരു ഉറവിൽനി​ന്നും മനസ്സി​ലാ​ക്കാൻ കഴിയാത്ത വിവരങ്ങൾ, യഹോവ വെളി​പ്പെ​ടു​ത്തു​ന്നു.—പുറപ്പാ​ടു 34:6, 7; സങ്കീർത്തനം 83:18; ആമോസ്‌ 3:7.

¹¹ നാം അറിഞ്ഞി​രി​ക്കേണ്ട മറ്റു വ്യക്തി​ക​ളെ​ക്കു​റി​ച്ചുള്ള മർമ​പ്ര​ധാ​ന​മായ പരിജ്ഞാ​ന​വും യഹോവ തിരു​വെ​ഴു​ത്തു​ക​ളി​ലൂ​ടെ പ്രദാനം ചെയ്യുന്നു. ഉദാഹ​ര​ണ​ത്തിന്‌ യേശു​ക്രി​സ്‌തു ആരാണ്‌, യഹോ​വ​യു​ടെ ഉദ്ദേശ്യ​ങ്ങ​ളു​ടെ സാക്ഷാ​ത്‌കാ​ര​ത്തിൽ അവനുള്ള പങ്ക്‌ എന്താണ്‌? (പ്രവൃ​ത്തി​കൾ 4:12) പിശാ​ചായ സാത്താൻ ആരാണ്‌? അവൻ ഏതെല്ലാം വിധങ്ങ​ളിൽ ആളുകളെ വഴി​തെ​റ്റി​ക്കു​ന്നു? അവനാൽ വഴി​തെ​റ്റി​ക്ക​പ്പെ​ടാ​തി​രി​ക്കാൻ നമുക്ക്‌ എങ്ങനെ കഴിയും? (1 പത്രൊസ്‌ 5:8) ഈ ചോദ്യ​ങ്ങൾക്കുള്ള ജീവര​ക്ഷാ​ക​ര​മായ ഉത്തരങ്ങൾ ബൈബി​ളിൽ മാത്രമേ കാണാൻ കഴിയൂ.

12. ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള പരിജ്ഞാ​നം ഉൾക്കൊ​ള്ളു​ന്നത്‌ ഭാരമുള്ള സംഗതി​യ​ല്ലാ​ത്തത്‌ എന്തു​കൊ​ണ്ടെന്നു നിങ്ങ​ളെ​ങ്ങനെ വിശദീ​ക​രി​ക്കും?

¹² ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള അത്തരം പരിജ്ഞാ​നം ഉൾക്കൊ​ള്ളു​ന്നത്‌ ഭാരമുള്ള സംഗതി​യാ​ണോ? തീർച്ച​യാ​യു​മല്ല! ദൈവ​ത്തി​ന്റെ നാമം യഹോവ എന്നാ​ണെ​ന്നും അവന്റെ രാജ്യം ഈ ഭൂമി​യിൽ പറുദീസ പുനഃ​സ്ഥാ​പി​ക്കു​മെ​ന്നും നമ്മുടെ പാപങ്ങൾക്ക്‌ അവൻ തന്റെ പ്രിയ പുത്രനെ മറുവി​ല​യാ​യി നൽകി​യെ​ന്നും, സമാന​മായ മറ്റ്‌ അമൂല്യ സത്യങ്ങ​ളും ആദ്യമാ​യി മനസ്സി​ലാ​ക്കി​യ​പ്പോൾ നിങ്ങൾക്ക്‌ എന്തു തോന്നി​യെന്ന്‌ ഓർക്കാ​മോ? അജ്ഞതയു​ടെ മൂടു​പടം നീക്കി ആദ്യമാ​യി സംഗതി​കൾ വ്യക്തമാ​യി കാണു​ന്ന​തു​പോ​ലെ ആയിരു​ന്നി​ല്ലേ അത്‌? ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളു​ന്നത്‌ ഒരു ഭാരമല്ല, മറിച്ച്‌ ആനന്ദമാണ്‌!—സങ്കീർത്തനം 1:1-3; 119:97.

ദൈവ​ത്തി​ന്റെ നിലവാ​ര​ങ്ങ​ളിൽ എത്തി​ച്ചേ​രൽ

13, 14. (എ) ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളു​മ്പോൾ, നമ്മുടെ ജീവി​ത​ത്തിൽ എന്തെല്ലാം മാറ്റങ്ങൾ നാം വരു​ത്തേ​ണ്ട​തുണ്ട്‌? (ബി) നാം അശുദ്ധ​മായ എന്തെല്ലാം നടപടി​ക​ളിൽനിന്ന്‌ ഒഴിഞ്ഞി​രി​ക്കാൻ ദൈവം ആവശ്യ​പ്പെ​ടു​ന്നു?

¹³ ദൈവ​ത്തെ​ക്കു​റി​ച്ചുള്ള പരിജ്ഞാ​നം ഉൾക്കൊ​ള്ളു​മ്പോൾ, നമ്മുടെ ജീവി​ത​ത്തിൽ മാറ്റങ്ങൾ വരു​ത്തേ​ണ്ട​തു​ണ്ടെന്നു നാം തിരി​ച്ച​റി​യാ​നി​ട​യാ​കു​ന്നു. ഇതു നമ്മെ രണ്ടാമത്തെ വ്യവസ്ഥ​യിൽ എത്തിക്കു​ന്നു. നാം ശരിയായ നടത്ത സംബന്ധിച്ച ദൈവ​ത്തി​ന്റെ നിലവാ​ര​ങ്ങ​ളിൽ എത്തി​ച്ചേ​രു​ക​യും അവന്റെ സത്യം സ്വീക​രി​ക്കു​ക​യും വേണം. എന്താണു സത്യം? നാം എന്തു വിശ്വ​സി​ക്കു​ന്നു, എന്തു ചെയ്യുന്നു എന്നതെ​ല്ലാം വാസ്‌ത​വ​ത്തിൽ ദൈവ​ത്തി​നു പ്രാധാ​ന്യ​മുള്ള സംഗതി​ക​ളാ​ണോ? ഇന്നു പലയാ​ളു​ക​ളും അങ്ങനെ വിചാ​രി​ക്കു​ന്നി​ല്ലെ​ന്നു​ള്ളതു വ്യക്തമാണ്‌. വിവാഹം കഴിക്കാ​തെ ഒരുമി​ച്ചു പാർക്കു​ന്നത്‌ ഒരു പാപമാ​യി വീക്ഷി​ക്കേ​ണ്ട​തി​ല്ലെന്നു ചർച്ച്‌ ഓഫ്‌ ഇംഗ്ലണ്ട്‌ 1995-ൽ പ്രസി​ദ്ധീ​ക​രിച്ച ഒരു റിപ്പോർട്ട്‌ സൂചി​പ്പി​ക്കു​ക​യു​ണ്ടാ​യി. “‘പാപത്തിൽ ജീവിക്കൽ’ എന്ന പ്രയോ​ഗം അപകീർത്തി​പ്പെ​ടു​ത്തു​ന്ന​താണ്‌, മാത്രമല്ല സഹായ​ക​വു​മല്ല,” ഒരു സഭാ ബിഷപ്പ്‌ പ്രസ്‌താ​വി​ച്ചു.

¹⁴ ആ സ്ഥിതിക്ക്‌ “പാപത്തിൽ ജീവിക്കൽ” മേലാൽ പാപമ​ല്ലെ​ന്നാ​ണോ? അത്തരം നടത്ത​യെ​ക്കു​റി​ച്ചു തനിക്ക്‌ എന്തു തോന്നു​ന്നു​വെന്ന്‌ അങ്ങേയറ്റം വ്യക്തത​യോ​ടെ യഹോവ നമ്മോടു പറയുന്നു. അവന്റെ വചനമായ ബൈബിൾ ഇങ്ങനെ പ്രസ്‌താ​വി​ക്കു​ന്നു: “വിവാഹം എല്ലാവർക്കും മാന്യ​വും കിടക്ക നിർമ്മ​ല​വും ആയിരി​ക്കട്ടെ; എന്നാൽ ദുർന്ന​ട​പ്പു​കാ​രെ​യും വ്യഭി​ചാ​രി​ക​ളെ​യും ദൈവം വിധി​ക്കും.” (എബ്രായർ 13:4) വിവാ​ഹ​പൂർവ ലൈം​ഗി​ക​ബന്ധം സ്വാത​ന്ത്ര്യ​വാ​ദി​ക​ളായ പുരോ​ഹി​ത​ന്മാ​രു​ടെ​യും പള്ളിക്കാ​രു​ടെ​യും വീക്ഷണ​ത്തിൽ പാപമ​ല്ലാ​യി​രി​ക്കാം. പക്ഷേ, ദൈവ​ദൃ​ഷ്ടി​യിൽ അതു ഗുരു​ത​ര​മായ പാപമാണ്‌! അങ്ങനെ​ത​ന്നെ​യാണ്‌ വ്യഭി​ചാ​രം, നിഷിദ്ധ ബന്ധു​വേഴ്‌ച, സ്വവർഗ​സം​ഭോ​ഗം എന്നിവ​യും. (ലേവ്യ​പു​സ്‌തകം 18:6; 1 കൊരി​ന്ത്യർ 6:9, 10) അശുദ്ധ​മെന്നു താൻ വീക്ഷി​ക്കുന്ന അത്തരം നടപടി​ക​ളിൽനി​ന്നു നാം ഒഴിഞ്ഞി​രി​ക്കാൻ ദൈവം ആവശ്യ​പ്പെ​ടു​ന്നു.

15. നാം മറ്റുള്ള​വ​രോ​ടു പെരു​മാ​റുന്ന വിധവും നാം വിശ്വ​സി​ക്കുന്ന കാര്യ​ങ്ങ​ളും ദൈവ​ത്തി​ന്റെ വ്യവസ്ഥ​ക​ളിൽ ഉൾപ്പെ​ട്ടി​രി​ക്കു​ന്നത്‌ എങ്ങനെ?

¹⁵ എന്നാൽ, പാപക​ര​മെന്നു ദൈവം വീക്ഷി​ക്കുന്ന അത്തരം നടപടി​ക​ളിൽനിന്ന്‌ ഒഴിഞ്ഞി​രി​ക്കു​ന്നതു മാത്രം മതിയാ​കു​ന്നില്ല. നാം മറ്റുള്ള​വ​രോ​ടു പെരു​മാ​റുന്ന വിധവും ദൈവ​ത്തി​ന്റെ വ്യവസ്ഥ​ക​ളിൽ ഉൾപ്പെ​ടു​ന്നു. കുടും​ബ​ത്തിൽ, ഭാര്യ​യ്‌ക്കും ഭർത്താ​വി​നും പരസ്‌പര സ്‌നേ​ഹ​വും ആദരവും ഉണ്ടായി​രി​ക്കാൻ അവൻ പ്രതീ​ക്ഷി​ക്കു​ന്നു. മാതാ​പി​താ​ക്കൾ തങ്ങളുടെ കുട്ടി​ക​ളു​ടെ ഭൗതി​ക​വും ആത്മീയ​വും വൈകാ​രി​ക​വു​മായ ആവശ്യ​ങ്ങൾക്കു വേണ്ടി കരുതാൻ അവൻ ആവശ്യ​പ്പെ​ടു​ന്നു. മാതാ​പി​താ​ക്കളെ അനുസ​രി​ക്കാൻ അവൻ കുട്ടി​ക​ളോ​ടു പറയുന്നു. (സദൃശ​വാ​ക്യ​ങ്ങൾ 22:6; കൊ​ലൊ​സ്സ്യർ 3:18-21) നമ്മുടെ വിശ്വാ​സ​ങ്ങ​ളു​ടെ കാര്യ​മോ? വ്യാജ​മ​താ​രാ​ധ​ന​യിൽനി​ന്നു വരുന്ന​തോ ബൈബി​ളിൽ വ്യക്തമാ​യി പഠിപ്പി​ച്ചി​രി​ക്കുന്ന സത്യത്തി​നു വിരു​ദ്ധ​മോ ആയ വിശ്വാ​സ​ങ്ങ​ളും ആചാര​ങ്ങ​ളും നാം ഒഴിവാ​ക്ക​ണ​മെന്ന്‌ അവനാ​ഗ്ര​ഹി​ക്കു​ന്നു.—ആവർത്ത​ന​പു​സ്‌തകം 18:9-13; 2 കൊരി​ന്ത്യർ 6:14-17.

16. ശരിയായ നടത്ത സംബന്ധിച്ച ദൈവ​ത്തി​ന്റെ നിലവാ​ര​ങ്ങ​ളിൽ എത്തി​ച്ചേ​രു​ന്ന​തും അവന്റെ സത്യം സ്വീക​രി​ക്കു​ന്ന​തും ഭാരമ​ല്ലാ​ത്തത്‌ എന്തു​കൊ​ണ്ടെന്നു വിശദീ​ക​രി​ക്കുക.

¹⁶ ശരിയായ നടത്ത സംബന്ധിച്ച ദൈവ​ത്തി​ന്റെ നിലവാ​ര​ങ്ങ​ളിൽ എത്തി​ച്ചേ​രു​ന്ന​തും അവന്റെ സത്യം സ്വീക​രി​ക്കു​ന്ന​തും നമ്മെ സംബന്ധി​ച്ചി​ട​ത്തോ​ളം ഭാരമാ​ണോ? പ്രയോ​ജ​നങ്ങൾ പരിചി​ന്തി​ക്കു​മ്പോൾ, അല്ല—അവിശ്വ​സ്‌തത നിമിത്തം വേർപെ​ട്ടു​പോ​കുന്ന ദാമ്പത്യ​ബ​ന്ധ​ങ്ങൾക്കു​പ​കരം ഭാര്യ​യും ഭർത്താ​വും പരസ്‌പരം സ്‌നേ​ഹി​ക്കു​ക​യും വിശ്വ​സി​ക്കു​ക​യും ചെയ്യുന്ന ദാമ്പത്യ​ബ​ന്ധങ്ങൾ; തങ്ങൾ സ്‌നേ​ഹി​ക്ക​പ്പെ​ടു​ന്നി​ല്ലെ​ന്നും അവഗണി​ക്ക​പ്പെ​ടു​ക​യാ​ണെ​ന്നും തങ്ങളെ ആർക്കും ആവശ്യ​മി​ല്ലെ​ന്നും കുട്ടി​കൾക്കു തോന്നുന്ന കുടും​ബ​ങ്ങൾക്കു​പ​കരം, മാതാ​പി​താ​ക്കൾ തങ്ങളെ സ്‌നേ​ഹി​ക്കു​ന്നു​വെ​ന്നും തങ്ങളെ​ക്കൊണ്ട്‌ ആവശ്യ​മു​ണ്ടെ​ന്നും കുട്ടി​കൾക്കു തോന്നുന്ന ഭവനങ്ങൾ; കുറ്റ​ബോ​ധ​വും എയ്‌ഡ്‌സി​നാ​ലോ ലൈം​ഗി​ക​മാ​യി പകരുന്ന മറ്റേ​തെ​ങ്കി​ലും രോഗ​ത്താ​ലോ ഉപദ്ര​വി​ക്ക​പ്പെ​ടുന്ന ഒരു ശരീര​വും ഉണ്ടായി​രി​ക്കു​ന്ന​തി​നു പകരം ശുദ്ധമായ ഒരു മനസ്സാ​ക്ഷി​യും നല്ല ആരോ​ഗ്യ​വും. ജീവിതം ആസ്വദി​ക്കാൻ നമുക്കാ​വ​ശ്യ​മുള്ള യാതൊ​ന്നും യഹോ​വ​യു​ടെ വ്യവസ്ഥകൾ തീർച്ച​യാ​യും നമ്മിൽനി​ന്നു കവർന്നെ​ടു​ക്കു​ന്നില്ല!—ആവർത്ത​ന​പു​സ്‌തകം 10:12, 13.

ജീവ​നോ​ടും രക്തത്തോ​ടും ആദരവു പ്രകട​മാ​ക്കു​ക

17. ജീവ​നെ​യും രക്തത്തെ​യും യഹോവ എങ്ങനെ വീക്ഷി​ക്കു​ന്നു?

¹⁷ ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ നിങ്ങളു​ടെ ജീവി​തത്തെ കൊണ്ടു​വ​രു​മ്പോൾ, ജീവിതം വാസ്‌ത​വ​ത്തിൽ എത്ര വില​യേ​റി​യ​താ​ണെന്നു മനസ്സി​ലാ​ക്കാ​നി​ട​യാ​കു​ന്നു. നമുക്കി​പ്പോൾ ദൈവ​ത്തി​ന്റെ മൂന്നാ​മത്തെ വ്യവസ്ഥ​യെ​ക്കു​റി​ച്ചു ചർച്ച ചെയ്യാം. നാം ജീവ​നോ​ടും രക്തത്തോ​ടും ആദരവു പ്രകട​മാ​ക്കണം. യഹോ​വ​യ്‌ക്കു ജീവൻ വിശു​ദ്ധ​മാണ്‌. അത്‌ അങ്ങനെ ആയിരി​ക്കു​ക​യും വേണം, കാരണം ജീവന്റെ ഉറവ്‌ അവനാണ്‌. (സങ്കീർത്തനം 36:9) എന്തിന്‌, അമ്മയുടെ ഉദരത്തി​ലെ ഒരു അജാത ശിശു​വി​ന്റെ ജീവൻ പോലും യഹോ​വ​യ്‌ക്കു വില​പ്പെ​ട്ട​താണ്‌! (പുറപ്പാ​ടു 21:22, 23) രക്തം ജീവനെ പ്രതി​നി​ധാ​നം ചെയ്യുന്നു. അതു​കൊണ്ട്‌, രക്തവും ദൈവ​ദൃ​ഷ്ടി​യിൽ വിശു​ദ്ധ​മാണ്‌. (ലേവ്യ​പു​സ്‌തകം 17:14) അപ്പോൾ, ദൈവം വീക്ഷി​ക്കു​ന്ന​തു​പോ​ലെ, നാമും ജീവ​നെ​യും രക്തത്തെ​യും വീക്ഷി​ക്ക​ണ​മെന്ന്‌ അവൻ പ്രതീ​ക്ഷി​ക്കു​ന്ന​തിൽ അതിശ​യി​ക്കേ​ണ്ട​തില്ല.

18. ജീവ​നെ​യും രക്തത്തെ​യും സംബന്ധി​ച്ചുള്ള യഹോ​വ​യു​ടെ വീക്ഷണം നമ്മിൽനിന്ന്‌ എന്താവ​ശ്യ​പ്പെ​ടു​ന്നു?

¹⁸ ജീവ​നോ​ടും രക്തത്തോ​ടു​മുള്ള ആദരവ്‌ നമ്മിൽനിന്ന്‌ ആവശ്യ​പ്പെ​ടു​ന്നത്‌ എന്താണ്‌? ക്രിസ്‌ത്യാ​നി​ക​ളെന്ന നിലയിൽ നാം വെറുതെ ഒരു രസത്തിനു വേണ്ടി നമ്മുടെ ജീവിതം പന്താടാൻ മുതി​രാ​റില്ല. സുരക്ഷാ​ബോ​ധ​മു​ള്ള​വ​രാ​യ​തു​കൊണ്ട്‌ നമ്മുടെ കാറു​ക​ളും വീടു​ക​ളും സുരക്ഷി​ത​മാ​ണെന്നു നാം ഉറപ്പാ​ക്കു​ന്നു. (ആവർത്ത​ന​പു​സ്‌തകം 22:8) നാം പുകയില ഉപയോ​ഗി​ക്കു​ക​യോ അടയ്‌ക്ക ചവയ്‌ക്കു​ക​യോ രസത്തിനു വേണ്ടി ആസക്തി​യു​ള​വാ​ക്കു​ന്ന​തോ മനസ്സിന്റെ താളം തെറ്റി​ക്കു​ന്ന​തോ ആയ ലഹരി​മ​രു​ന്നു കഴിക്കു​ക​യോ ഇല്ല. (2 കൊരി​ന്ത്യർ 7:1) ‘രക്തം വർജി’ക്കണമെന്നു ദൈവം പറയു​മ്പോൾ നാം ശ്രദ്ധി​ക്കു​ന്ന​തു​കൊണ്ട്‌, നമ്മുടെ ശരീര​ത്തി​ലേക്കു രക്തം കടത്തി​വി​ടാൻ നാം അനുവ​ദി​ക്കു​ന്നില്ല. (പ്രവൃ​ത്തി​കൾ 15:28, 29) നാം ജീവനെ സ്‌നേ​ഹി​ക്കു​ന്നു​ണ്ടെ​ങ്കി​ലും, ദൈവ​ത്തി​ന്റെ നിയമം ലംഘി​ച്ചു​കൊ​ണ്ടു നമ്മുടെ ഇപ്പോ​ഴത്തെ ജീവൻ രക്ഷിക്കാ​നും അങ്ങനെ നമ്മുടെ നിത്യ​ജീ​വന്റെ സാധ്യ​തയെ അപകട​പ്പെ​ടു​ത്താ​നും നാം ശ്രമി​ക്കു​ക​യില്ല!—മത്തായി 16:25.

19. ജീവ​നോ​ടും രക്തത്തോ​ടും ആദരവു കാണി​ക്കു​ന്ന​തിൽനി​ന്നു നാം എങ്ങനെ പ്രയോ​ജനം നേടു​ന്നു​വെന്നു വിശദീ​ക​രി​ക്കുക.

¹⁹ ജീവ​നെ​യും രക്തത്തെ​യും വിശു​ദ്ധ​മാ​യി കരുതു​ന്നതു നമു​ക്കൊ​രു ഭാരമാ​ണോ? തീർച്ച​യാ​യു​മല്ല! ഇതൊന്നു ചിന്തി​ച്ചു​നോ​ക്കൂ. പുകവലി നിമിത്തം ഉണ്ടാകുന്ന ശ്വാസ​കോ​ശാർബു​ദം പിടി​പെ​ടാ​തെ നോക്കു​ന്നത്‌ ഒരു ഭാരമാ​ണോ? ഹാനി​ക​ര​മായ ലഹരി​മ​രു​ന്നു​ക​ളോ​ടുള്ള മാനസി​ക​വും ശാരീ​രി​ക​വു​മായ ആസക്തി​യിൽനി​ന്നു രക്ഷ നേടു​ന്നത്‌ ഒരു ഭാരമാ​ണോ? രക്തപ്പകർച്ച മൂലമു​ണ്ടാ​കുന്ന എയ്‌ഡ്‌സോ ഹെപ്പ​റ്റൈ​റ്റി​സോ മറ്റേ​തെ​ങ്കി​ലും രോഗ​മോ പിടി​പെ​ടാ​തെ നോക്കു​ന്നത്‌ ഒരു ഭാരമാ​ണോ? വ്യക്തമാ​യും, ഹാനി​ക​ര​മായ ശീലങ്ങ​ളും നടപടി​ക​ളും ഒഴിവാ​ക്കു​ന്നതു നമ്മുടെ പ്രയോ​ജ​ന​ത്തി​നു വേണ്ടി​യാണ്‌.—യെശയ്യാ​വു 48:17.

20. ജീവനെ സംബന്ധിച്ച ദൈവ​ത്തി​ന്റെ വീക്ഷണം പുലർത്തു​ന്ന​തിൽനിന്ന്‌ ഒരു കുടും​ബം എങ്ങനെ പ്രയോ​ജനം നേടി?

²⁰ ഈ അനുഭവം പരിചി​ന്തി​ക്കുക. ഏതാനും വർഷങ്ങൾക്കു​മുമ്പ്‌, ഏതാണ്ട്‌ മൂന്നര മാസം ഗർഭി​ണി​യായ, സാക്ഷി​യായ ഒരു സ്‌ത്രീക്ക്‌ ഒരു സായാ​ഹ്ന​ത്തിൽ രക്തസ്രാ​വ​മു​ണ്ടാ​കാൻ തുടങ്ങി​യതു നിമിത്തം അവരെ പെട്ടെന്ന്‌ ആശുപ​ത്രി​യി​ലാ​ക്കി. ഗർഭച്ഛി​ദ്രം നടത്തേ​ണ്ടി​വ​രു​മെന്നു പരി​ശോ​ധ​ന​യ്‌ക്കു​ശേഷം ഡോക്ടർ ഒരു നേഴ്‌സി​നോ​ടു പറയു​ന്നത്‌ അവർ യാദൃ​ച്ഛി​ക​മാ​യി കേട്ടു. യഹോവ ഒരു അജാത​ശി​ശു​വി​ന്റെ ജീവനെ എങ്ങനെ വീക്ഷി​ക്കു​ന്നു​വെന്നു മനസ്സി​ലാ​ക്കി​ക്കൊണ്ട്‌, അവർ ഗർഭച്ഛി​ദ്രം നടത്തു​ന്ന​തി​നോ​ടു ശക്തമായി വിസ്സമ്മ​തി​ച്ചു. അവർ ഡോക്ട​റോ​ടു പറഞ്ഞു: “അതിനു ജീവനു​ണ്ടെ​ങ്കിൽ അതിനെ, ഒന്നും ചെയ്യേണ്ട!” ഇടയ്‌ക്കി​ട​യ്‌ക്ക്‌ അവർക്കു രക്തസ്രാ​വ​മു​ണ്ടാ​യി​ക്കൊ​ണ്ടി​രു​ന്നെ​ങ്കി​ലും, ഏതാനും മാസങ്ങൾക്കു​ശേഷം അവർ മാസം തികയു​ന്ന​തി​നു മുമ്പ്‌ ആരോ​ഗ്യ​വാ​നായ ഒരു ആൺകു​ഞ്ഞി​നു ജന്മം നൽകി. അവനി​പ്പോൾ 17 വയസ്സുണ്ട്‌. അവർ ഇങ്ങനെ വിശദീ​ക​രി​ച്ചു: “ഇതി​നെ​ക്കു​റി​ച്ചെ​ല്ലാം ഞങ്ങൾ ഞങ്ങളുടെ മകനോ​ടു പറഞ്ഞു. കുപ്പ​ത്തൊ​ട്ടി​യി​ലേക്കു തന്നെ വലി​ച്ചെ​റി​യാ​ഞ്ഞ​തിൽ തനിക്കു നന്ദിയു​ണ്ടെന്ന്‌ അവൻ പറഞ്ഞു. ഇന്ന്‌ അവൻ ജീവി​ച്ചി​രി​ക്കു​ന്ന​തി​ന്റെ ഒരേ ഒരു കാരണം ഞങ്ങൾ യഹോ​വയെ സേവി​ക്കു​ന്ന​താ​ണെന്ന്‌ അവനറി​യാം!” തീർച്ച​യാ​യും, ജീവ​നെ​ക്കു​റി​ച്ചു ദൈവ​ത്തി​ന്റെ വീക്ഷണ​മു​ണ്ടാ​യി​രു​ന്നത്‌ ഈ കുടും​ബ​ത്തിന്‌ ഒരു ഭാരമാ​യി​രു​ന്നില്ല!

യഹോ​വ​യു​ടെ സംഘടിത ജനത്തോ​ടൊ​പ്പം സേവിക്കൽ

21, 22. (എ) നാം ആരോ​ടൊ​പ്പം യഹോ​വയെ സേവി​ക്കാൻ അവൻ പ്രതീ​ക്ഷി​ക്കു​ന്നു? (ബി) ദൈവ​ത്തി​ന്റെ സംഘടിത ജനത്തെ എങ്ങനെ തിരി​ച്ച​റി​യാൻ സാധി​ക്കും?

²¹ ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ നമ്മുടെ ജീവി​തത്തെ അനുരൂ​പ​പ്പെ​ടു​ത്താ​നാ​വ​ശ്യ​മായ മാറ്റങ്ങൾ വരുത്തു​ന്ന​തിൽ നാം ഒറ്റയ്‌ക്കല്ല. യഹോ​വ​യ്‌ക്കു ഭൂമി​യിൽ ഒരു ജനമുണ്ട്‌, അവരോ​ടൊ​പ്പം തന്നെ സേവി​ക്കാ​നാണ്‌ അവൻ നമ്മിൽനി​ന്നു പ്രതീ​ക്ഷി​ക്കു​ന്നത്‌. ഇതു നമ്മെ നാലാ​മത്തെ വ്യവസ്ഥ​യി​ലേക്ക്‌ എത്തിക്കു​ന്നു. നാം യഹോ​വ​യു​ടെ ആത്മാവി​നാൽ നയിക്ക​പ്പെ​ടുന്ന സ്ഥാപന​ത്തോ​ടൊ​പ്പം അവനെ സേവി​ക്കണം.

²² എന്നിരു​ന്നാ​ലും, ദൈവ​ത്തി​ന്റെ സംഘടിത ജനത്തെ എങ്ങനെ തിരി​ച്ച​റി​യാൻ സാധി​ക്കും? തിരു​വെ​ഴു​ത്തു​ക​ളിൽ നൽകി​യി​രി​ക്കുന്ന നിലവാ​ര​ങ്ങ​ള​നു​സ​രിച്ച്‌, അവർക്ക്‌ അവരുടെ ഇടയിൽ യഥാർഥ സ്‌നേ​ഹ​മുണ്ട്‌, അവർക്കു ബൈബി​ളി​നോട്‌ ആഴമായ ആദരവുണ്ട്‌, അവർ ദൈവ​നാ​മത്തെ ബഹുമാ​നി​ക്കു​ന്നു, അവന്റെ രാജ്യ​ത്തെ​ക്കു​റി​ച്ചു പ്രസം​ഗി​ക്കു​ന്നു, അവർ ഈ ദുഷ്ട​ലോ​ക​ത്തി​ന്റെ ഭാഗമല്ല. (മത്തായി 6:9; 24:14; യോഹ​ന്നാൻ 13:34, 35; 17:16, 17) സത്യ​ക്രി​സ്‌ത്യാ​നി​ത്വ​ത്തി​ന്റെ ഈ സകല അടയാ​ള​ങ്ങ​ളു​മുള്ള ഒരേ ഒരു മതസ്ഥാ​പ​നമേ ഭൂമി​യി​ലു​ള്ളൂ—യഹോ​വ​യു​ടെ സാക്ഷികൾ!

23, 24. യഹോ​വ​യു​ടെ സംഘടിത ജനത്തോ​ടൊ​പ്പം അവനെ സേവി​ക്കു​ന്നത്‌ ഒരു ഭാരമ​ല്ലെന്ന്‌ നമു​ക്കെ​ങ്ങനെ ഉദാഹ​രി​ക്കാം?

²³ യഹോ​വ​യു​ടെ സംഘടിത ജനത്തോ​ടൊ​പ്പം അവനെ സേവി​ക്കു​ന്നത്‌ ഒരു ഭാരമാ​ണോ? തീർച്ച​യാ​യു​മല്ല! നേരേ​മ​റിച്ച്‌, ക്രിസ്‌തീയ സഹോ​ദ​രീ​സ​ഹോ​ദ​ര​ന്മാ​രു​ടെ ലോക​വ്യാ​പക കുടും​ബ​ത്തി​ന്റെ സ്‌നേ​ഹ​വും പിന്തു​ണ​യും ഉണ്ടായി​രി​ക്കുക എന്നത്‌ വില​യേ​റിയ ഒരു പദവി​യാണ്‌. (1 പത്രൊസ്‌ 2:17) ഒരു കപ്പൽച്ചേ​തത്തെ അതിജീ​വിച്ച്‌ നിങ്ങൾ വെള്ളത്തിൽ പൊങ്ങി​ക്കി​ട​ക്കാൻ പാടു​പെ​ടു​ക​യാ​ണെന്നു സങ്കൽപ്പി​ക്കുക. നിങ്ങൾക്കി​നി ഒട്ടും​തന്നെ പിടി​ച്ചു​നിൽക്കാ​നാ​വി​ല്ലെന്നു തോന്നു​മ്പോൾ ഒരു ജീവര​ക്ഷാ​ബോ​ട്ടിൽനി​ന്നു സഹായ​ഹ​സ്‌തം നിങ്ങളു​ടെ അടു​ത്തേക്കു നീണ്ടു​വ​രു​ന്നു. അതേ, അതിജീ​വ​ക​രാ​യി വേറെ​യും ആളുക​ളുണ്ട്‌! ആ ജീവര​ക്ഷാ​ബോ​ട്ടിൽ, തീരം​തേടി നിങ്ങൾ മാറി​മാ​റി തുഴയു​ന്നു. അതിനി​ട​യിൽ കണ്ടുമു​ട്ടുന്ന മറ്റ്‌ അതിജീ​വ​ക​രെ​യും അതിൽ കയറ്റുന്നു.

²⁴ നമ്മൾ സമാന​മായ സ്ഥിതി​വി​ശേ​ഷ​ത്തി​ലല്ലേ? ഈ ദുഷ്ട​ലോ​ക​ത്തി​ലെ അപകട​ക​ര​മായ “വെള്ള”ത്തിൽനി​ന്നു നമ്മെ വലി​ച്ചെ​ടുത്ത്‌ യഹോ​വ​യു​ടെ ഭൗമിക സ്ഥാപന​ത്തി​ന്റെ “ജീവര​ക്ഷാ​ബോ​ട്ടി”ലാക്കി​യി​രി​ക്കു​ന്നു. അതിനു​ള്ളിൽ, നീതി​നി​ഷ്‌ഠ​മായ ഒരു പുതിയ ലോക​ത്തി​ന്റെ “തീരങ്ങ”ളിലേക്കു നീങ്ങി​ക്കൊ​ണ്ടി​രി​ക്കെ നാം തോ​ളോ​ടു​തോൾ ചേർന്നു സേവി​ക്കു​ന്നു. യാത്ര​യ്‌ക്കി​ട​യി​ലെ ജീവി​ത​സ​മ്മർദങ്ങൾ നാം തളർന്നു​പോ​കാൻ ഇടയാ​ക്കു​ന്നു​വെ​ങ്കിൽ, യഥാർഥ ക്രിസ്‌തീയ സുഹൃ​ത്തു​ക്ക​ളിൽനി​ന്നുള്ള സഹായ​വും ആശ്വാ​സ​വു​മു​ള്ള​തിൽ നാം എത്ര നന്ദിയു​ള്ള​വ​രാണ്‌!—സദൃശ​വാ​ക്യ​ങ്ങൾ 17:17.

25. (എ) ഇപ്പോ​ഴും ഈ ദുഷ്ട വ്യവസ്ഥി​തി​യി​ലെ “വെള്ള”ങ്ങളിലാ​യി​രി​ക്കു​ന്ന​വ​രോട്‌ നമുക്ക്‌ എന്തു കടപ്പാ​ടുണ്ട്‌? (ബി) അടുത്ത ലേഖന​ത്തിൽ ദൈവ​ത്തി​ന്റെ ഏതു വ്യവസ്ഥ​യെ​ക്കു​റി​ച്ചു ചർച്ച ചെയ്യു​ന്ന​താ​യി​രി​ക്കും?

²⁵ ഇപ്പോ​ഴും “വെള്ള”ത്തിലുള്ള, പരമാർഥ ഹൃദയ​രായ മറ്റാളു​ക​ളു​ടെ കാര്യ​മോ? യഹോ​വ​യു​ടെ സ്ഥാപന​ത്തി​ലേക്കു വരാൻത​ക്ക​വണ്ണം അവരെ സഹായി​ക്കു​ന്ന​തി​നു നമുക്കു കടപ്പാ​ടുണ്ട്‌, ഇല്ലേ? (1 തിമൊ​ഥെ​യൊസ്‌ 2:3, 4) ദൈവം ആവശ്യ​പ്പെ​ടു​ന്നതു മനസ്സി​ലാ​ക്കാൻ അവർക്കു സഹായ​മാ​വ​ശ്യ​മാണ്‌. ഇതു നമ്മെ ദൈവ​ത്തി​ന്റെ അഞ്ചാമത്തെ നിബന്ധ​ന​യി​ലെ​ത്തി​ക്കു​ന്നു. നാം ദൈവ​രാ​ജ്യ​ത്തി​ന്റെ വിശ്വസ്‌ത പ്രഘോ​ഷ​ക​രാ​യി​രി​ക്കണം. ഇതിൽ ഉൾപ്പെ​ട്ടി​രി​ക്കു​ന്നത്‌ എന്താ​ണെന്ന്‌ അടുത്ത ലേഖന​ത്തിൽ ചർച്ച ചെയ്യു​ന്ന​താ​യി​രി​ക്കും.

നിങ്ങൾ ഓർമി​ക്കു​ന്നു​വോ?

◻ ദൈവ​കൽപ്പ​നകൾ ഭാരമു​ള്ള​വ​യ​ല്ലാ​ത്തത്‌ എന്തു​കൊണ്ട്‌?

◻ ദൈവ​ത്തെ​ക്കു​റി​ച്ചുള്ള പരിജ്ഞാ​നം നാം ഉൾക്കൊ​ള്ളു​ന്ന​തെ​ങ്ങനെ?

◻ ശരിയായ നടത്ത സംബന്ധിച്ച ദൈവ​ത്തി​ന്റെ നിലവാ​ര​ങ്ങൾക്കൊ​ത്തു ജീവി​ക്കു​ന്ന​തും അവന്റെ സത്യം സ്വീക​രി​ക്കു​ന്ന​തും ഭാരമ​ല്ലാ​ത്തത്‌ എന്തു​കൊണ്ട്‌?

◻ ജീവ​നെ​യും രക്തത്തെ​യും സംബന്ധി​ച്ചുള്ള ദൈവ​ത്തി​ന്റെ വീക്ഷണം നമ്മിൽനിന്ന്‌ എന്താവ​ശ്യ​പ്പെ​ടു​ന്നു?

◻ നാം ആരോ​ടൊ​പ്പം തന്നെ സേവി​ക്കാൻ ദൈവം പ്രതീ​ക്ഷി​ക്കു​ന്നു, അവരെ എങ്ങനെ തിരി​ച്ച​റി​യാൻ സാധി​ക്കും?

[18-ാം പേജിലെ ചിത്രം]

സൃഷ്ടിയാകുന്ന പുസ്‌ത​ക​ത്തിൽനി​ന്നും ബൈബി​ളിൽനി​ന്നും നാം യഹോ​വ​യെ​ക്കു​റി​ച്ചു പഠിക്കു​ന്നു

[കടപ്പാട]

മുതല: By courtesy of Australian International Public Relations; കരടി: Safari-Zoo of Ramat-Gan, Tel Aviv