സത്യസന്ധത—യാദൃ​ച്ഛി​ക​മോ തിര​ഞ്ഞെ​ടു​ക്കു​ന്ന​തോ?

“ഞാൻ സ്വതവേ സത്യസ​ന്ധ​ന​ല്ലെ​ങ്കി​ലും വല്ലപ്പോ​ഴു​മൊ​ക്കെ യാദൃ​ച്ഛി​ക​മാ​യി അങ്ങനെ ആയിരി​ക്കാ​റുണ്ട്‌.” വില്യം ഷേക്‌സ്‌പി​യ​റി​ന്റെ ദ വിന്റേ​ഴ്‌സ്‌ റ്റെയ്‌ൽ എന്ന നാടക​ത്തിൽ ചതിയ​നായ ഓട്ടോ​ലൈ​ക്കസ്‌ പറയു​ന്ന​താ​ണത്‌. അത്‌ ഒരടി​സ്ഥാന മനുഷ്യ ബലഹീ​ന​തയെ, ‘കപട ഹൃദയ’ത്തിൽനിന്ന്‌ ഉരുത്തി​രി​യുന്ന, ദുഷ്‌പ്ര​വൃ​ത്തി​യി​ലേർപ്പെ​ടാ​നുള്ള പ്രവണ​തയെ ചിത്രീ​ക​രി​ക്കു​ന്നു. (യിരെ​മ്യാ​വു 17:9; സങ്കീർത്തനം 51:5; റോമർ 5:12) എന്നാൽ അക്കാര്യ​ത്തിൽ നമുക്കു യാതൊ​രു തിര​ഞ്ഞെ​ടു​പ്പു​മി​ല്ലെന്ന്‌ അതർഥ​മാ​ക്കു​ന്നു​ണ്ടോ? സത്‌പെ​രു​മാ​റ്റം കേവലം യാദൃ​ച്ഛി​ക​മാ​ണോ? ഒരിക്ക​ലു​മല്ല!

ഇസ്രാ​യേ​ല്യർ വാഗ്‌ദത്ത ദേശത്തു പ്രവേ​ശി​ക്കു​ന്ന​തി​നു​മുമ്പ്‌ മോവാ​ബ്‌സ​മ​ഭൂ​മി​യിൽ പാളയ​മി​റ​ങ്ങി​യ​പ്പോൾ മോശ അവരോ​ടു സംസാ​രി​ച്ചു. അവൻ അവരുടെ മുന്നിൽ വ്യക്തമായ രണ്ടു തിര​ഞ്ഞെ​ടു​പ്പു​കൾ വെച്ചു. ദൈവ​കൽപ്പ​നകൾ അനുസ​രിച്ച്‌ അനു​ഗ്രഹം പ്രാപി​ക്കു​ന്ന​തി​നോ അവ അനുസ​രി​ക്കാ​തെ പാപത്തി​ന്റെ ദൂഷ്യ​ഫലം കൊയ്യു​ന്ന​തി​നോ അവർക്കു സാധി​ക്കു​മാ​യി​രു​ന്നു. (ആവർത്ത​ന​പു​സ്‌തകം 30:15-20) അവർക്ക്‌ ഇഷ്ടമു​ള്ളതു തിര​ഞ്ഞെ​ടു​ക്കാ​മാ​യി​രു​ന്നു.

സ്വത​ന്ത്ര​ധാർമി​ക കാര്യസ്ഥർ എന്ന നിലയിൽ നമുക്കും ഇഷ്ടമു​ള്ളതു തിര​ഞ്ഞെ​ടു​ക്കാം. നന്മയോ തിന്മയോ ചെയ്യാൻ ദൈവ​മുൾപ്പെടെ ആരും നമ്മെ നിർബ​ന്ധി​ക്കു​ന്നില്ല. എങ്കിലും, ‘നമ്മുടെ ഹൃദയം തിന്മ ചെയ്യാൻ പ്രവണത കാട്ടുന്ന സ്ഥിതിക്ക്‌ നമു​ക്കെ​ങ്ങനെ നന്മ ചെയ്യാ​നാ​കും?’ എന്നു ചിലർ യഥോ​ചി​തം ചോദി​ച്ചേ​ക്കാം. ഒരുദാ​ഹ​ര​ണ​മെ​ടു​ക്കാം. പല്ലു പുഴു​തി​ന്നു​ക​യോ ക്ഷയിക്കു​ക​യോ ചെയ്‌തി​ട്ടു​ണ്ടോ​യെ​ന്ന​റി​യാൻ ഒരു ദന്തരോ​ഗ​വി​ദ​ഗ്‌ധൻ അതു സസൂക്ഷ്‌മം പരി​ശോ​ധി​ക്കു​ന്നു. പല്ലിന്റെ അവസ്ഥ വഷളാ​കു​ന്ന​തി​നു മുമ്പ്‌ അദ്ദേഹം അതു ചെയ്യേ​ണ്ട​തുണ്ട്‌. സമാന​മാ​യി, നമ്മുടെ ആലങ്കാ​രിക ഹൃദയ​ത്തിന്‌ എന്തെങ്കി​ലും ബലഹീ​ന​ത​യോ ധാർമിക ക്ഷയമോ ബാധി​ച്ചി​ട്ടു​ണ്ടോ​യെ​ന്ന​റി​യാൻ നാം അതിനെ സസൂക്ഷ്‌മം പരി​ശോ​ധി​ക്കണം. എന്തു​കൊണ്ട്‌? എന്തു​കൊ​ണ്ടെ​ന്നാൽ, “ദുശ്ചിന്ത, കുലപാ​തകം, വ്യഭി​ചാ​രം, പരസംഗം, മോഷണം, കള്ളസ്സാ​ക്ഷ്യം, ദൂഷണം എന്നിവ ഹൃദയ​ത്തിൽ നിന്നു പുറ​പ്പെ​ട്ടു​വ​രു​ന്നു” എന്ന്‌ യേശു​ക്രി​സ്‌തു പറഞ്ഞു.—മത്തായി 15:18-20.

പല്ലിനു കേടു വരാതെ സൂക്ഷി​ക്കേ​ണ്ട​തിന്‌, എന്തെങ്കി​ലും കേടു​പാ​ടു കണ്ടെത്തി​യാൽ ദന്തരോ​ഗ​വി​ദ​ഗ്‌ധൻ അത്‌ അപ്പാടെ നീക്കി​ക്ക​ള​യണം. സമാന​മാ​യി, “ദുശ്ചിന്ത”യും ദുരാ​ഗ്ര​ഹ​ങ്ങ​ളും ഹൃദയ​ത്തിൽനി​ന്നു പിഴു​തെ​റി​യു​ന്ന​തി​നു നിർണാ​യ​ക​മായ നടപടി ആവശ്യ​മാണ്‌. ദൈവ​വ​ച​ന​മായ ബൈബിൾ പഠിച്ച്‌ അതേക്കു​റി​ച്ചു ധ്യാനി​ക്കു​ന്നതു നിമിത്തം നാം സ്രഷ്ടാ​വി​ന്റെ വഴിക​ളെ​ക്കു​റിച്ച്‌ അറിയു​ന്നു​വെന്നു മാത്രമല്ല ശരിയാ​യതു ചെയ്യാൻ പഠിക്കു​ക​യും ചെയ്യുന്നു.—യെശയ്യാ​വു 48:17.

ഇസ്രാ​യേൽ രാജാ​വാ​യി​രുന്ന ദാവീദ്‌, ശരിയാ​യതു ചെയ്യാ​നുള്ള പോരാ​ട്ട​ത്തിന്‌ അനിവാ​ര്യ​മായ മറ്റൊരു സഹായം പ്രയോ​ജ​ന​പ്പെ​ടു​ത്തി. “ദൈവമേ, നിർമ്മ​ല​മാ​യോ​രു ഹൃദയം എന്നിൽ സൃഷ്ടിച്ചു സ്ഥിരമാ​യോ​രാ​ത്മാ​വി​നെ എന്നിൽ പുതു​ക്കേ​ണമേ” എന്ന്‌ അവൻ പ്രാർഥി​ച്ചു. (സങ്കീർത്തനം 51:10) അതേ, യഹോ​വ​യാം ദൈവ​ത്തിൽ പ്രാർഥ​നാ​പൂർവം ആശ്രയി​ച്ചു​കൊണ്ട്‌, മോശ​മാ​യതു ചെയ്യാ​നുള്ള പ്രവണത തരണം​ചെ​യ്യു​ന്ന​തി​നും നല്ലതു ചെയ്യാൻ ഒരു ‘പുതിയ ആത്മാവ്‌’ നട്ടുവ​ളർത്തു​ന്ന​തി​നും നമുക്കു സാധി​ക്കും. അങ്ങനെ, സത്യസന്ധത യാദൃ​ച്ഛി​ക​മാ​യി സംഭവി​ക്കുന്ന ഒന്നായി നാം കരുതു​ക​യില്ല. അതു തിര​ഞ്ഞെ​ടു​ക്കേണ്ട ഒന്നാണ്‌.

[21-ാം പേജിലെ ചിത്രം]

ദാവീദിന്റെ കാര്യ​ത്തി​ലെ​ന്ന​പോ​ലെ, യഹോ​വ​യോ​ടു പ്രാർഥി​ക്കു​ന്നതു നല്ലതു ചെയ്യാൻ നമ്മെ സഹായി​ക്കും