നിങ്ങളു​ടെ മനസ്സാ​ക്ഷി​യെ പരിശീ​ലി​പ്പി​ക്കുന്ന വിധം

“ഒരു ശുദ്ധമ​ന​സ്സാ​ക്ഷി​യാണ്‌ ഏറ്റവും നല്ല തലയണ.” ഈ പഴമൊ​ഴി ഒരു പ്രധാ​ന​പ്പെട്ട യാഥാർഥ്യം എടുത്തു​കാ​ട്ടു​ന്നു: മനസ്സാ​ക്ഷി​ക്കു ശ്രദ്ധ നൽകു​മ്പോൾ, നാം ആന്തരിക സമാധാ​ന​വും സ്വസ്ഥത​യും ആസ്വദി​ക്കു​ന്നു.

പക്ഷേ, എല്ലാവ​രും അങ്ങനെ ചെയ്യാൻ തീരു​മാ​നി​ക്കു​ന്നില്ല. മനസ്സാക്ഷി എന്നറി​യ​പ്പെ​ടുന്ന ദുർഭൂ​ത​ത്തിൽനിന്ന്‌ അഥവാ മിഥ്യ​യിൽനിന്ന്‌ മനുഷ്യ​നെ വിടു​വി​ക്കാ​നുള്ള ഒരു ദൗത്യ​ത്തി​ലാ​ണു താനെന്ന്‌ അഡോൾഫ്‌ ഹിറ്റ്‌ലർ പ്രഖ്യാ​പി​ച്ചു. തങ്ങളുടെ മനസ്സാ​ക്ഷി​യെ തിരസ്‌ക​രി​ക്കു​മ്പോൾ മനുഷ്യർക്ക്‌ എത്ര ക്രൂര​ന്മാ​രാ​യി​രി​ക്കാൻ കഴിയു​മെ​ന്നു​ള്ള​തി​ന്റെ മരവി​പ്പി​ക്കുന്ന ക്ഷണിക വീക്ഷണം പ്രദാനം ചെയ്യു​ന്ന​താണ്‌ അദ്ദേഹ​ത്തി​ന്റെ ഭീകര ഭരണം. കുറ്റ​ബോ​ധ​മി​ല്ലാ​തെ ബലാൽസം​ഗ​വും കൊല​പാ​ത​ക​വും ചെയ്യുന്ന ഇന്നത്തെ ഒട്ടുമിക്ക ഭീകര കുറ്റവാ​ളി​ക​ളും അയാ​ളെ​പ്പോ​ലെ​തന്നെ നിർദ​യ​രാണ്‌. ഈ കുറ്റവാ​ളി​ക​ളിൽ വലി​യൊ​രു സംഖ്യ നന്നേ ചെറു​പ്പ​മാണ്‌. അതു​കൊണ്ട്‌, ഈ പ്രതി​ഭാ​സ​ത്തെ​ക്കു​റി​ച്ചു പഠിക്കുന്ന ഒരു പുസ്‌ത​ക​ത്തിൽ മനസ്സാ​ക്ഷി​യി​ല്ലാത്ത കുട്ടികൾ (ഇംഗ്ലീഷ്‌) എന്ന ഉപശീർഷകം ഉണ്ടായി​രു​ന്നു.

അക്രമാ​സ​ക്ത​മാ​യ ഒരു കുറ്റകൃ​ത്യം നടത്തു​ന്ന​തി​നെ​ക്കു​റി​ച്ചു മിക്കയാ​ളു​ക​ളും ഒരിക്ക​ലും ചിന്തി​ക്കു​ക​യി​ല്ലാ​യി​രി​ക്കാ​മെ​ങ്കി​ലും ലൈം​ഗിക അധാർമി​ക​ത​യിൽ ഏർപ്പെ​ടു​ക​യോ ഭോഷ്‌ക്കു പറയു​ക​യോ വഞ്ചിക്കു​ക​യോ ചെയ്യു​ന്നതു സംബന്ധിച്ച്‌ അനേകർക്കും ഒരു മനസ്സാ​ക്ഷി​ക്കു​ത്തു​മില്ല. ധാർമി​കത ലോക​വ്യാ​പ​ക​മാ​യി അധഃപ​തി​ക്കു​ക​യാണ്‌. ചില ക്രിസ്‌ത്യാ​നി​കൾ ലോക​ത്തി​ന്റെ സ്വാധീ​ന​ങ്ങൾക്ക​ടി​മ​പ്പെട്ട്‌ “സ്വന്തമ​ന​സ്സാ​ക്ഷി​യിൽ ചൂടു​വെ​ച്ച​വ​രാ​യി”ത്തീരു​മെന്ന്‌ സത്യാ​രാ​ധ​ന​യിൽനി​ന്നുള്ള വലിയ വിശ്വാ​സ​ത്യാ​ഗത്തെ പരാമർശി​ക്കവേ അപ്പോ​സ്‌ത​ല​നായ പൗലൊസ്‌ എഴുതി. (1 തിമൊ​ഥെ​യൊസ്‌ 4:2) ഇന്ന്‌ ഈ “അന്ത്യകാ​ലത്തു” ദുഷി​പ്പി​ന്റെ ഭീഷണി അതിലും കൂടു​ത​ലാണ്‌. (2 തിമൊ​ഥെ​യൊസ്‌ 3:1) അതു​കൊണ്ട്‌ തങ്ങളുടെ മനസ്സാ​ക്ഷി​യെ കാത്തു​ര​ക്ഷി​ക്കാൻ ക്രിസ്‌ത്യാ​നി​കൾ തീവ്ര​ശ്രമം നടത്തണം. അതിനെ പരിശീ​ലി​പ്പി​ച്ചു​കൊ​ണ്ടും വളർത്തി​യെ​ടു​ത്തു​കൊ​ണ്ടും നമുക്കതു ചെയ്യാൻ കഴിയും.

മനസ്സും ഹൃദയ​വും നിങ്ങളു​ടെ മനസ്സാ​ക്ഷി​യും

അപ്പോ​സ്‌ത​ല​നായ പൗലൊസ്‌ പറഞ്ഞു: “ഞാൻ ക്രിസ്‌തു​വിൽ സത്യം പറയുന്നു; ഞാൻ പറയു​ന്നതു ഭോഷ്‌കല്ല; . . . എന്നു എന്റെ മനസ്സാക്ഷി എനിക്കു പരിശു​ദ്ധാ​ത്മാ​വിൽ സാക്ഷി​യാ​യി​രി​ക്കു​ന്നു.” (റോമർ 9:1, 2) അതു​കൊണ്ട്‌ മനസ്സാ​ക്ഷിക്ക്‌ ഒരു സാക്ഷ്യ​വാ​ഹകൻ ആയിരി​ക്കാ​വു​ന്ന​താണ്‌. അതിനു നമ്മുടെ നടത്ത പരി​ശോ​ധിച്ച്‌ അതിനെ അംഗീ​ക​രി​ക്കാ​നോ കുറ്റം​വി​ധി​ക്കാ​നോ കഴിയും. ശരിയും തെറ്റും സംബന്ധിച്ച അവബോ​ധ​ത്തി​ല​ധി​ക​വും നമ്മുടെ സ്രഷ്ടാവു നമ്മിൽ നിക്ഷേ​പി​ച്ച​താണ്‌. എങ്കിലും, മനസ്സാ​ക്ഷി​യെ രൂപ​പ്പെ​ടു​ത്താ​നും പരിശീ​ലി​പ്പി​ക്കാ​നും നമുക്കു സാധി​ക്കും. എങ്ങനെ? ദൈവ​വ​ച​ന​ത്തി​ലെ സൂക്ഷ്‌മ പരിജ്ഞാ​നം നേടു​ന്ന​തി​നാൽ. “ഈ ലോക​ത്തി​ന്നു അനുരൂ​പ​മാ​കാ​തെ നന്മയും പ്രസാ​ദ​വും പൂർണ്ണ​ത​യു​മുള്ള ദൈവ​ഹി​തം ഇന്നതെന്നു തിരി​ച്ച​റി​യേ​ണ്ട​തി​ന്നു മനസ്സു പുതുക്കി രൂപാ​ന്ത​ര​പ്പെ​ടു​വിൻ” എന്ന്‌ അപ്പോ​സ്‌ത​ല​നായ പൗലൊസ്‌ പറയുന്നു. (റോമർ 12:2) ദൈവ​ത്തി​ന്റെ ചിന്തക​ളും ഹിതവും മനസ്സിൽ ഉൾനടു​മ്പോൾ നിങ്ങളു​ടെ മനസ്സാക്ഷി കൂടുതൽ ദൈവി​ക​മായ വിധത്തിൽ പ്രവർത്തി​ച്ചു തുടങ്ങു​ന്നു.

‘യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം നേടാൻ’ യഹോ​വ​യു​ടെ സാക്ഷികൾ ലോക​മെ​മ്പാ​ടു​മുള്ള ലക്ഷക്കണ​ക്കി​നാ​ളു​കളെ സഹായി​ച്ചി​രി​ക്കു​ന്നു. (യോഹ​ന്നാൻ 17:3, NW) ലൈം​ഗി​കത, ലഹരി​പാ​നീ​യങ്ങൾ, വിവാഹം, ബിസി​നസ്‌ ഇടപാ​ടു​കൾ എന്നിവ​യും മറ്റനേകം വിഷയ​ങ്ങ​ളും സംബന്ധിച്ച യഹോ​വ​യാം ദൈവ​ത്തി​ന്റെ നിലവാ​രങ്ങൾ, തങ്ങളുടെ സൗജന്യ ഭവന ബൈബി​ള​ധ്യ​യ​ന​ത്തി​ലൂ​ടെ അവർ ആത്മാർഥ​ഹൃ​ദ​യരെ പഠിപ്പി​ക്കു​ന്നു.a (സദൃശ​വാ​ക്യ​ങ്ങൾ 11:1; മർക്കൊസ്‌ 10:6-12; 1 കൊരി​ന്ത്യർ 6:9, 10; എഫെസ്യർ 5:28-33) ഈ “സൂക്ഷ്‌മ പരിജ്ഞാ​നം” നേടു​ന്നത്‌ ദൈവിക മനസ്സാക്ഷി വളർത്തി​യെ​ടു​ക്കു​ന്ന​തി​ലെ ഒരു പ്രധാന പടിയാണ്‌. (ഫിലി​പ്പി​യർ 1:9, NW) തീർച്ച​യാ​യും, ബൈബി​ളി​നെ സംബന്ധിച്ച്‌ ഒരു ക്രിസ്‌ത്യാ​നി പക്വമായ ഗ്രാഹ്യം നേടി​യ​ശേ​ഷം​പോ​ലും, മനസ്സാ​ക്ഷി​യെ ആരോ​ഗ്യ​മു​ള്ള​താ​യി നിലനിർത്തു​ന്ന​തിന്‌ തന്റെ മനസ്സിനെ ദൈവ​വ​ച​നം​കൊ​ണ്ടു പതിവാ​യി പോഷി​പ്പി​ക്കു​ന്ന​തിൽ തുടരണം.—സങ്കീർത്തനം 1:1-3.

നമ്മുടെ വികാ​ര​ങ്ങ​ളും വിചാ​ര​ങ്ങ​ളും ഉൾക്കൊ​ള്ളുന്ന ആലങ്കാ​രിക ഹൃദയ​വു​മാ​യും ബൈബിൾ മനസ്സാ​ക്ഷി​യെ ബന്ധിപ്പി​ക്കു​ന്നു. (റോമർ 2:15) മനസ്സാക്ഷി ശരിയാം​വണ്ണം പ്രവർത്തി​ക്ക​ണ​മെ​ങ്കിൽ മനസ്സും ഹൃദയ​വും ചേർച്ച​യിൽ പോ​കേ​ണ്ട​തുണ്ട്‌. നിങ്ങളു​ടെ മനസ്സ്‌ വിവര​ങ്ങൾകൊ​ണ്ടു നിറയ്‌ക്കു​ന്ന​തി​ല​ധി​കം അതിലുൾപ്പെ​ടു​ന്നു. നിങ്ങളു​ടെ ഹൃദയത്തെ, അതായത്‌ വിചാ​ര​ങ്ങ​ളെ​യും ആഗ്രഹ​ങ്ങ​ളെ​യും അഭിനി​വേ​ശ​ങ്ങ​ളെ​യും നിങ്ങൾ രൂപ​പ്പെ​ടു​ത്തു​ക​യും വേണം. അതു​കൊണ്ട്‌ സദൃശ​വാ​ക്യ​ങ്ങ​ളു​ടെ പുസ്‌തകം, “നിങ്ങളു​ടെ ഹൃദയം ചായി​ക്കുക,” “നിങ്ങളു​ടെ ഹൃദയം സ്ഥിര​പ്പെ​ടു​ത്തുക,” “ഹൃദയത്തെ നയിക്കുക” തുടങ്ങിയ പദപ്ര​യോ​ഗങ്ങൾ ഉപയോ​ഗി​ക്കു​ന്നു. (സദൃശ​വാ​ക്യ​ങ്ങൾ 2:2; 23:19; 27:23, NW) അതു ചെയ്യാ​നുള്ള ഒരു മാർഗ​മാണ്‌ തിരു​വെ​ഴു​ത്തു​കളെ സംബന്ധി​ച്ചുള്ള ധ്യാന​വും വിചി​ന്ത​ന​വും. “ഞാൻ നിന്റെ സകല​പ്ര​വൃ​ത്തി​യെ​യും കുറിച്ചു ധ്യാനി​ക്കും; നിന്റെ ക്രിയ​ക​ളെ​ക്കു​റി​ച്ചു ഞാൻ ചിന്തി​ക്കും” എന്ന്‌ സങ്കീർത്തനം 77:12 പറയുന്നു. നമ്മുടെ ഏറ്റവും ആന്തരി​ക​മായ വിചാ​ര​ങ്ങ​ളി​ലും പ്രചോ​ദ​ന​ങ്ങ​ളി​ലും എത്തി​ച്ചേ​രാൻ ധ്യാനം നമ്മെ സഹായി​ക്കു​ന്നു.

ദൃഷ്ടാ​ന്ത​ത്തിന്‌, പുകയില ആസക്തി പോ​ലെ​യുള്ള ഒരു അശുദ്ധ സ്വഭാവം നിങ്ങൾക്കു​ണ്ടെന്നു വിചാ​രി​ക്കുക. മിക്കയാ​ളു​ക​ളെ​യും​പോ​ലെ, അതിന്റെ ആരോ​ഗ്യ​പ​ര​മായ അപകട​ങ്ങ​ളെ​ക്കു​റിച്ച്‌ നിങ്ങൾക്കു നല്ല ബോധ്യ​മു​ണ്ടെ​ന്നു​ള്ള​തിൽ സംശയ​മില്ല. എന്നിട്ടും, സുഹൃ​ത്തു​ക്ക​ളു​ടെ​യും കുടും​ബ​ത്തി​ന്റെ​യും പ്രേരണ ഉണ്ടായി​രു​ന്നി​ട്ടു​കൂ​ടി പുകവലി നിർത്തു​ന്നത്‌ ബുദ്ധി​മു​ട്ടാ​ണെന്നു നിങ്ങൾ കണ്ടിരി​ക്കു​ന്നു. ഇക്കാര്യ​ത്തിൽ ബൈബിൾ സന്ദേശ​ത്തെ​ക്കു​റി​ച്ചുള്ള ധ്യാന​ത്തിന്‌ നിങ്ങളു​ടെ മനസ്സാ​ക്ഷി​യെ ശക്തമാ​ക്കാൻ കഴിയു​ന്ന​തെ​ങ്ങനെ?

ഒരു ഉദാഹ​ര​ണ​മെന്ന നിലയിൽ, 2 കൊരി​ന്ത്യർ 7:1-ൽ കാണുന്ന അപ്പോ​സ്‌ത​ല​നായ പൗലൊ​സി​ന്റെ വാക്കുകൾ ധ്യാനി​ച്ചു​നോ​ക്കുക: “പ്രിയ​മു​ള്ള​വരേ, ഈ വാഗ്‌ദ​ത്തങ്ങൾ നമുക്കു ഉള്ളതു​കൊ​ണ്ടു നാം ജഡത്തി​ലെ​യും ആത്മാവി​ലെ​യും സകല കൻമഷ​വും [“അശുദ്ധി​യും,” NW] നീക്കി നമ്മെത്തന്നേ വെടി​പ്പാ​ക്കി ദൈവ​ഭ​യ​ത്തിൽ വിശു​ദ്ധി​യെ തികെ​ച്ചു​കൊൾക.” ഈ വാക്കു​ക​ളു​ടെ അർഥം ഗ്രഹി​ക്കുക. നിങ്ങ​ളോ​ടു​തന്നെ ചോദി​ക്കുക, ‘പൗലൊസ്‌ പരാമർശി​ക്കുന്ന “ഈ വാഗ്‌ദ​ത്തങ്ങൾ” എന്താണ്‌?’ സന്ദർഭ​ത്തിൽനിന്ന്‌, തൊട്ടു​മു​മ്പുള്ള വാക്യങ്ങൾ ഇപ്രകാ​രം പറയു​ന്ന​താ​യി നിങ്ങൾ നിരീ​ക്ഷി​ക്കും: ‘“അവരുടെ നടുവിൽനി​ന്നു പുറ​പ്പെട്ടു വേർപ്പെ​ട്ടി​രി​പ്പിൻ എന്നു കർത്താവു അരുളി​ച്ചെ​യ്യു​ന്നു; അശുദ്ധ​മാ​യതു ഒന്നും തൊട​രു​തു; എന്നാൽ ഞാൻ നിങ്ങളെ കൈ​ക്കൊ​ണ്ടു നിങ്ങൾക്കു പിതാ​വും നിങ്ങൾ എനിക്കു പുത്രൻമാ​രും പുത്രി​മാ​രും ആയിരി​ക്കും” എന്നു സർവ്വശ​ക്ത​നായ കർത്താവു അരുളി​ച്ചെ​യ്യു​ന്നു.’—2 കൊരി​ന്ത്യർ 6:16, 17.

‘അശുദ്ധി നീക്കി നമ്മെത്തന്നേ വെടി​പ്പാ​ക്കാ’നുള്ള പൗലൊ​സി​ന്റെ കൽപ്പന​യ്‌ക്ക്‌ ഇന്നു കൂടു​ത​ലായ പ്രസക്തി​യുണ്ട്‌! അപ്രകാ​രം ചെയ്യാ​നുള്ള ശക്തമായ ഒരു പ്രേര​ക​മെന്ന നിലയിൽ, ‘നമ്മെ കൈ​ക്കൊ​ള്ളു​മെന്ന്‌’ അതായത്‌ നമ്മെ തന്റെ സംരക്ഷ​ണാ​ത്മക കരുത​ലിൻകീ​ഴി​ലാ​ക്കു​മെന്ന്‌ ദൈവം വാഗ്‌ദാ​നം ചെയ്യുന്നു. ‘ഒരു പുത്ര​നോ പുത്രി​ക്കോ തന്റെ പിതാ​വി​നോ​ടു​ള്ള​തു​പോ​ലെ ഒരു അടുത്ത ബന്ധം എനിക്ക്‌ അവനു​മാ​യു​ണ്ടോ?’ എന്നു നിങ്ങൾക്കു സ്വയം ചോദി​ക്കാ​നാ​കും. ജ്ഞാനി​യായ, സ്‌നേ​ഹ​വാ​നായ ദൈവം നമ്മെ ‘കൈ​ക്കൊ​ള്ളു’ന്നു അല്ലെങ്കിൽ സ്‌നേ​ഹി​ക്കു​ന്നു എന്ന ചിന്ത വളരെ ഹൃദ്യ​മല്ലേ? ആ ചിന്ത നിങ്ങൾക്ക്‌ അന്യമാ​ണെ​ങ്കിൽ, സ്‌നേ​ഹ​നി​ധി​ക​ളായ പിതാ​ക്കൻമാർ തങ്ങളുടെ കുട്ടി​ക​ളോ​ടു സ്‌നേ​ഹ​വും വാത്സല്യ​വും പ്രകടി​പ്പി​ക്കുന്ന വിധം നിരീ​ക്ഷി​ക്കുക. ഇനി, നിങ്ങളും യഹോ​വ​യും തമ്മിൽ അത്തര​മൊ​രു ബന്ധം നിലനിൽക്കു​ന്നു​വെന്നു സങ്കൽപ്പി​ക്കുക! അതേക്കു​റിച്ച്‌ ചിന്തി​ക്കു​ന്തോ​റും അത്തര​മൊ​രു ബന്ധത്തി​നു​വേ​ണ്ടി​യുള്ള നിങ്ങളു​ടെ ആഗ്രഹ​വും വർധി​ക്കും.

എന്നാൽ ഇതു കുറി​ക്കൊ​ള്ളുക: നിങ്ങൾ ‘അശുദ്ധ​മാ​യതു ഒന്നും തൊടാ​തി​രി’ക്കുന്നെ​ങ്കിൽ മാത്രമേ ദൈവ​വു​മാ​യുള്ള അടുപ്പം സാധ്യ​മാ​കൂ. നിങ്ങ​ളോ​ടു​തന്നെ ചോദി​ക്കുക: ‘ദൈവം കുറ്റം വിധി​ക്കുന്ന “അശുദ്ധ​മായ” കാര്യ​ങ്ങ​ളിൽ പെടു​ന്ന​തല്ലേ പുകയില ആസക്തി? എല്ലാത്തരം ആരോ​ഗ്യ​പ​ര​മായ അപകട​ങ്ങൾക്കും ഇരയാ​യി​ത്തീ​രാൻ എന്നെത്തന്നെ അനുവ​ദി​ച്ചു​കൊണ്ട്‌, അത്‌ ഉപയോ​ഗി​ക്കു​ന്നത്‌ ‘ജഡത്തിലെ അശുദ്ധി’യായി​രി​ക്കു​മോ? യഹോവ ശുദ്ധനായ അഥവാ “വിശു​ദ്ധ​നായ” ഒരു ദൈവ​മാ​യ​തു​കൊണ്ട്‌, ഞാൻ ഇപ്രകാ​രം എന്നെത്തന്നെ മനഃപൂർവം അശുദ്ധ​നാ​ക്കു​ന്നത്‌ അവൻ അംഗീ​ക​രി​ക്കു​മോ?’ (1 പത്രൊസ്‌ 1:15, 16) ഒരുവന്റെ ‘ആത്മാവി​ലെ’ അഥവാ മാനസിക ചായ്‌വി​ലെ “അശുദ്ധി’യെക്കു​റി​ച്ചും പൗലൊസ്‌ മുന്നറി​യി​പ്പു നൽകു​ന്നു​വെ​ന്നതു നിരീ​ക്ഷി​ക്കുക. നിങ്ങ​ളോ​ടു​തന്നെ ചോദി​ക്കുക: ‘ഈ ആസക്തി എന്റെ ചിന്തയെ ഭരിക്കു​ന്നു​വോ? എന്റെ തൃഷ്‌ണയെ തൃപ്‌തി​പ്പെ​ടു​ത്താ​നാ​യി, ഒരുപക്ഷേ എന്റെ ആരോ​ഗ്യ​ത്തെ​യും കുടും​ബ​ത്തെ​യും ദൈവ​വു​മാ​യുള്ള ബന്ധത്തെ​പ്പോ​ലും അപകട​പ്പെ​ടു​ത്തുന്ന ഘട്ടത്തോ​ളം ഞാൻ പോകു​മോ? പുകയില ആസക്തി എന്റെ ജീവി​തത്തെ എത്ര​ത്തോ​ളം തകരാ​റി​ലാ​ക്കാൻ ഞാൻ അനുവ​ദി​ച്ചി​രി​ക്കു​ന്നു?’ അസ്വസ്ഥ​മാ​ക്കുന്ന ഈ ചോദ്യ​ങ്ങളെ അഭിമു​ഖീ​ക​രി​ക്കു​ന്നത്‌ പുകവലി നിർത്താ​നാ​വ​ശ്യ​മായ ധൈര്യം നിങ്ങൾക്കു നൽകു​ക​തന്നെ ചെയ്‌തേ​ക്കാം!

തീർച്ച​യാ​യും, പുകയി​ല​യു​ടെ​മേൽ നിയ​ന്ത്രണം കൈവ​രി​ക്കു​ന്ന​തി​നു നിങ്ങൾക്കു മറ്റുള്ള​വ​രിൽനി​ന്നു സഹായ​വും പിന്തു​ണ​യും ആവശ്യ​മാ​യി​രു​ന്നേ​ക്കാം. അപ്പോ​ഴും, ആസക്തി​യിൽനി​ന്നു സ്വത​ന്ത്ര​നാ​കാൻ തക്കവണ്ണം മനസ്സാ​ക്ഷി​യെ പരിശീ​ലി​പ്പി​ക്കു​ക​യും ശക്തമാ​ക്കു​ക​യും ചെയ്യാൻ ബൈബി​ളി​നെ​ക്കു​റി​ച്ചു ധ്യാനി​ക്കു​ന്നത്‌ നിങ്ങളെ വളരെ​യേറെ സഹായി​ക്കും.

നാം തെറ്റു ചെയ്യു​മ്പോൾ

ശരിയാ​യതു ചെയ്യാൻ നാം പരമാ​വധി ശ്രമി​ക്കു​മ്പോ​ഴും ചിലയ​വ​സ​ര​ങ്ങ​ളിൽ നമ്മുടെ അപൂർണ​തകൾ നമ്മെ കീഴ്‌പെ​ടു​ത്തു​ന്നു, നാം തെറ്റു ചെയ്യുന്നു. അപ്പോൾ നമ്മുടെ മനസ്സാക്ഷി നമ്മെ അസ്വസ്ഥ​രാ​ക്കും, എന്നാൽ അതിനെ അവഗണി​ക്കാൻ ശ്രമി​ക്കു​ന്ന​തി​നു നാം പ്രലോ​ഭി​ത​രാ​യേ​ക്കാം. അല്ലെങ്കിൽ, നാം വളരെ നിരു​ത്സാ​ഹി​ത​രാ​യി ദൈവത്തെ സേവി​ക്കാ​നുള്ള സകല ശ്രമങ്ങ​ളും ഉപേക്ഷി​ക്കാൻ ആഗ്രഹി​ച്ചേ​ക്കാം. എന്നാൽ, ദാവീദ്‌ രാജാ​വി​ന്റെ കാര്യം ഓർമി​ക്കുക. അവൻ ബത്ത്‌-ശേബയു​മാ​യി വ്യഭി​ചാ​രം ചെയ്‌തു​ക​ഴി​ഞ്ഞ​പ്പോൾ അവന്റെ മനസ്സാക്ഷി അവനെ വേദനി​പ്പി​ച്ചു. തനിക്ക്‌ അനുഭ​വ​പ്പെട്ട പീഡനം അവൻ വിവരി​ക്കു​ന്നു: “രാവും പകലും നിന്റെ കൈ എന്റെമേൽ ഭാരമാ​യി​രു​ന്നു; എന്റെ മജ്ജ വേനല്‌ക്കാ​ല​ത്തി​ലെ ഉഷ്‌ണ​ത്താൽ എന്നപോ​ലെ വററി​പ്പോ​യി.” (സങ്കീർത്തനം 32:4) വേദനാ​ജ​ന​ക​മോ? തീർച്ച​യാ​യും! എന്നാൽ, ദൈവ​ഭ​ക്തി​യോ​ടു​കൂ​ടിയ ഈ ദുഃഖം അനുത​പി​ക്കാ​നും ദൈവ​വു​മാ​യി അനുര​ഞ്‌ജ​ന​ത്തി​ലാ​കാ​നും ദാവീ​ദി​നെ പ്രേരി​പ്പി​ച്ചു. (2 കൊരി​ന്ത്യർ 7:10 താരത​മ്യം ചെയ്യുക.) ക്ഷമയ്‌ക്കു​വേ​ണ്ടി​യുള്ള ദാവീ​ദി​ന്റെ യാതനാ​പൂർണ​മായ അപേക്ഷ അവന്റെ ആത്മാർഥ അനുതാ​പ​ത്തി​നു മതിയായ തെളി​വാണ്‌. ദാവീദ്‌ തന്റെ മനസ്സാ​ക്ഷി​യോ​ടു പ്രതി​ക​രി​ച്ച​തി​നാൽ മാറ്റം വരുത്താ​നും ഒടുവിൽ വീണ്ടും സന്തോ​ഷ​മാർജി​ക്കാ​നും അവനു സഹായം ലഭിച്ചു.—സങ്കീർത്തനം 51.

അതുതന്നെ ഇന്നും സംഭവി​ക്കാ​വു​ന്ന​താണ്‌. കഴിഞ്ഞ​കാ​ലത്ത്‌ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിച്ചി​രുന്ന ചിലർ തങ്ങളുടെ ജീവിതം ദൈവ​ത്തി​ന്റെ ഉന്നത നിലവാ​ര​ങ്ങൾക്കു ചേർച്ച​യി​ല​ല്ലെന്നു മനസ്സി​ലാ​ക്കി​യ​പ്പോൾ പഠനം നിർത്തി. അവർ ഒരുപക്ഷേ വിവാഹം കൂടാതെ എതിർലിം​ഗ​ത്തിൽപെട്ട ഒരാ​ളോ​ടൊ​പ്പം ജീവി​ക്കു​ക​യാ​യി​രു​ന്നി​രി​ക്കാം, അല്ലെങ്കിൽ അശുദ്ധ ശീലങ്ങ​ളു​ടെ അടിമ​ക​ളാ​യി​രു​ന്നി​രി​ക്കാം. അവരുടെ മനസ്സാക്ഷി അവരെ വേദനി​പ്പി​ച്ചു!

നിങ്ങൾ അത്തര​മൊ​രു സാഹച​ര്യ​ത്തി​ലാ​ണെ​ങ്കിൽ, അപ്പോ​സ്‌ത​ല​നായ പത്രൊ​സി​ന്റെ, പെന്ത​ക്കോ​സ്‌തു ദിനത്തി​ലെ, വാക്കു​ക​ളെ​ക്കു​റി​ച്ചു പരിചി​ന്തി​ക്കുക. യഹൂദ​ന്മാ​രായ തന്റെ നാട്ടു​കാ​രു​ടെ പാപങ്ങളെ അവൻ തുറന്നു​കാ​ട്ടി​യ​പ്പോൾ ‘അവർക്കു ഹൃദയ​ത്തിൽ കുത്തു​കൊ​ണ്ടു.’ എങ്കിലും, പിൻവാ​ങ്ങു​ന്ന​തി​നു പകരം അനുത​പി​ക്കാ​നുള്ള പത്രൊ​സി​ന്റെ ബുദ്ധ്യു​പ​ദേശം അവർ ചെവി​ക്കൊ​ണ്ടു. അവർ ദൈവ​ത്തി​ന്റെ അംഗീ​കാ​രം നേടു​ക​യും ചെയ്‌തു. (പ്രവൃ​ത്തി​കൾ 2:37-41) നിങ്ങൾക്കും അതുതന്നെ ചെയ്യാൻ കഴിയും! നിങ്ങളു​ടെ മനസ്സാക്ഷി നിങ്ങളെ വേദനി​പ്പി​ക്കു​ന്നതു നിമിത്തം സത്യം ഉപേക്ഷി​ച്ചു​പോ​കു​ന്ന​തി​നു പകരം “മാനസാ​ന്ത​ര​പ്പെട്ടു തിരിഞ്ഞു”വരാൻ നിങ്ങളു​ടെ മനസ്സാക്ഷി നിങ്ങളെ പ്രേരി​പ്പി​ക്കട്ടെ. (പ്രവൃ​ത്തി​കൾ 3:19) ദൃഢനി​ശ്ച​യ​ത്താ​ലും ശ്രമത്താ​ലും, ദൈവാം​ഗീ​കാ​രം നേടു​ന്ന​തി​നാ​വ​ശ്യ​മായ മാറ്റങ്ങൾ വരുത്താൻ നിങ്ങൾക്കാ​കും.

‘നല്ല മനസ്സാ​ക്ഷി​യു​ള്ള​വ​രാ​യി​രി​പ്പിൻ’

യഹോ​വ​യു​ടെ വഴികൾ പഠിക്കാൻ നിങ്ങൾ തുടങ്ങി​യതേ ഉണ്ടായി​രി​ക്കൂ, അല്ലെങ്കിൽ ഒരു പക്വത​യുള്ള ക്രിസ്‌ത്യാ​നി എന്ന നിലയിൽ അനേക വർഷത്തെ അനുഭ​വ​പ​രി​ചയം നിങ്ങൾക്കു​ണ്ടാ​യി​രി​ക്കാം. ഇതി​ലേ​താ​ണെ​ങ്കി​ലും അപ്പോ​സ്‌ത​ല​നായ പത്രൊ​സി​ന്റെ ഉദ്‌ബോ​ധനം സമുചി​ത​മാണ്‌: “നല്ലമന​സ്സാ​ക്ഷി​യു​ള്ള​വ​രാ​യി​രി​പ്പിൻ.” (1 പത്രൊസ്‌ 3:16) അതൊരു നേട്ടമാണ്‌, ഒരു ഭാരമല്ല. ദൈവ​വ​ച​ന​മായ ബൈബി​ളിൽ അടങ്ങി​യി​രി​ക്കുന്ന ജ്ഞാനത്താൽ നിങ്ങളു​ടെ മനസ്സി​നെ​യും ഹൃദയ​ത്തെ​യും പരി​പോ​ഷി​പ്പി​ച്ചു​കൊണ്ട്‌ അതിനെ പരിശീ​ലി​പ്പി​ക്കുക. മനസ്സാക്ഷി നിങ്ങൾക്കു മുന്നറി​യി​പ്പു നൽകു​മ്പോൾ അതിനു ശ്രദ്ധ കൊടു​ക്കുക. മനസ്സാ​ക്ഷി​യെ അനുസ​രി​ക്കു​മ്പോൾ കൈവ​രുന്ന ആന്തരിക സമാധാ​നം ആസ്വദി​ക്കുക.

നിങ്ങളു​ടെ മനസ്സാ​ക്ഷി​യെ പരിശീ​ലി​പ്പി​ക്കു​ക​യും രൂപ​പ്പെ​ടു​ത്തു​ക​യും ചെയ്യു​ക​യെ​ന്നത്‌ ഒരു അനായാസ കൃത്യ​മ​ല്ലെന്നു സമ്മതി​ക്കു​ന്നു. എന്നിരു​ന്നാ​ലും, സഹായ​ത്തി​നാ​യി നിങ്ങൾക്ക്‌ യഹോ​വ​യോ​ടു പ്രാർഥി​ക്കാ​വു​ന്ന​താണ്‌. അവന്റെ സഹായ​ത്താൽ “നല്ല മനസ്സാക്ഷി”യോടും “നിർവ്യാ​ജ​വി​ശ്വാ​സ”ത്തോടും​കൂ​ടെ ദൈവത്തെ സേവി​ക്കാൻ നിങ്ങൾക്കാ​കും.—1 തിമൊ​ഥെ​യൊസ്‌ 1:5.

[അടിക്കു​റി​പ്പു​കൾ]

[6-ാം പേജിലെ ചിത്രം]

ദൈവവചനം വായി​ക്കു​ന്ന​തും അതേക്കു​റി​ച്ചു ധ്യാനി​ക്കു​ന്ന​തും മനസ്സാ​ക്ഷി​യെ പരിശീ​ലി​പ്പി​ക്കാൻ നമ്മെ സഹായി​ക്കു​ന്നു