സന്തോഷം കൈവ​രു​ത്തുന്ന കുടും​ബാ​ധ്യ​യനം

“പരിജ്ഞാ​നം​കൊ​ണ്ടു . . . മുറി​ക​ളിൽ വില​യേ​റി​യ​തും മനോ​ഹ​ര​വു​മായ സകലസ​മ്പ​ത്തും നിറഞ്ഞു​വ​രു​ന്നു,” ബൈബിൾ പറയുന്നു. (സദൃശ​വാ​ക്യ​ങ്ങൾ 24:4) ഈ വില​യേ​റിയ വസ്‌തു​ക്ക​ളിൽ ഭൗതിക സമ്പത്തു മാത്രമല്ല, സ്‌നേഹം, ദൈവിക ഭയം, ശക്തമായ വിശ്വാ​സം എന്നിവ​യും ഉൾപ്പെ​ടു​ന്നു. അത്തരം ഗുണങ്ങൾ വാസ്‌ത​വ​ത്തിൽ ഒരു അനുഗൃ​ഹീത കുടും​ബ​ജീ​വി​തം നയിക്കുക സാധ്യ​മാ​ക്കു​ന്നു. (സദൃശ​വാ​ക്യ​ങ്ങൾ 15:16, 17; 1 പത്രൊസ്‌ 1:7) എങ്കിലും, അവ സമ്പാദി​ക്കു​ന്ന​തി​നു നാം കുടും​ബ​ത്തിൽ ദൈവ​പ​രി​ജ്ഞാ​ന​ത്തി​നു സ്ഥാനം നൽകേ​ണ്ട​തുണ്ട്‌.

കുടും​ബാം​ഗ​ങ്ങ​ളിൽ ആ പരിജ്ഞാ​നം ഉൾനടു​ന്നതു കുടും​ബ​നാ​ഥന്റെ ഉത്തരവാ​ദി​ത്വ​മാണ്‌. (ആവർത്ത​ന​പു​സ്‌തകം 6:6, 7; എഫെസ്യർ 5:25, 26; 6:4) അതിനുള്ള ഏറ്റവും നല്ല വിധങ്ങ​ളി​ലൊ​ന്നു ക്രമമായ കുടും​ബാ​ധ്യ​യ​ന​മാണ്‌. പ്രബോ​ധ​നാ​ത്മ​ക​വും ആസ്വാ​ദ്യ​വു​മായ വിധത്തിൽ അധ്യയനം നടത്തു​മ്പോൾ പങ്കുപ​റ്റു​ന്ന​വർക്ക്‌ അത്‌ എത്ര ആനന്ദ​പ്ര​ദ​മാ​യി​രി​ക്കും! ആ സ്ഥിതിക്ക്‌, ഫലപ്ര​ദ​മായ കുടും​ബാ​ധ്യ​യ​ന​ത്തിന്‌ അനിവാ​ര്യ​മായ ചില സംഗതി​കൾ നമുക്കു പരിചി​ന്തി​ക്കാം.

കുടും​ബാ​ധ്യ​യനം ക്രമമാ​യി​രി​ക്കു​മ്പോൾ അത്‌ അത്യന്തം ഫലം​ചെ​യ്യും. ഇടയ്‌ക്കൊ​ക്കെ​യോ എടുത്തു​ചാ​ടി​യോ അധ്യയനം നടത്തു​ന്ന​പക്ഷം അത്‌ ക്രമമു​ള്ള​താ​യി​രി​ക്കാ​നുള്ള സാധ്യത വിരള​മാണ്‌. അതു​കൊണ്ട്‌, അധ്യയ​ന​ത്തി​നാ​യി ‘അവസ​രോ​ചിത സമയം വിലയ്‌ക്കു വാങ്ങണം.’ (എഫെസ്യർ 5:15-17, NW) എല്ലാവർക്കും സൗകര്യ​പ്ര​ദ​മായ സമയം ക്രമ​പ്പെ​ടു​ത്തു​ന്നത്‌ ഒരു വെല്ലു​വി​ളി​യാ​ണെ​ന്നു​വ​രാം. “കുടും​ബാ​ധ്യ​യനം ക്രമമാ​യി നടത്തു​ന്നതു ഞങ്ങളുടെ കാര്യ​ത്തിൽ അത്ര എളുപ്പ​മാ​യി​രു​ന്നില്ല,” ഒരു കുടും​ബ​നാ​ഥൻ തുറന്നു പറഞ്ഞു. “ഞങ്ങൾ വ്യത്യസ്‌ത സമയങ്ങൾ പരീക്ഷി​ച്ചു​നോ​ക്കി. ഒടുവിൽ വൈകു​ന്നേ​ര​ങ്ങ​ളാ​ണു ഞങ്ങൾക്കു പറ്റിയ​തെന്നു മനസ്സി​ലാ​യി. ഇപ്പോൾ ഞങ്ങളുടെ കുടും​ബാ​ധ്യ​യനം ക്രമമു​ള്ള​താണ്‌.”

അനു​യോ​ജ്യ​മാ​യ സമയം ഒത്തുകി​ട്ടി​ക്ക​ഴി​ഞ്ഞാൽ അധ്യയ​ന​ത്തി​നു മുടക്കം വരുത്തുന്ന തടസ്സങ്ങ​ളു​ണ്ടാ​കാ​തെ ശ്രദ്ധി​ക്കുക. “അധ്യയനം നടന്നു​കൊ​ണ്ടി​രി​ക്കു​മ്പോൾ സന്ദർശകർ വന്നാൽ അധ്യയനം കഴിയു​ന്ന​തു​വരെ കാത്തി​രി​ക്കാൻ ഡാഡി അവരോ​ടു പറയു​മാ​യി​രു​ന്നു. ഫോൺ വന്നാൽ വിളി​ക്കു​ന്ന​യാ​ളോ​ടു താൻ പിന്നീടു തിരിച്ചു വിളി​ക്കാ​മെന്നു ഡാഡി പറയു​മാ​യി​രു​ന്നു,” 33 വയസ്സുള്ള മരിയ അനുസ്‌മ​രി​ക്കു​ന്നു.

വിട്ടു​വീ​ഴ്‌ച പാടി​ല്ലെന്ന്‌ അതിന്‌ അർഥമില്ല. അടിയ​ന്തിര സംഗതി​ക​ളോ മുൻകൂ​ട്ടി​ക്കാ​ണാത്ത സംഭവ​ങ്ങ​ളോ ഉയർന്നു​വ​ന്നേ​ക്കാം. അങ്ങനെ, ഇടയ്‌ക്കൊ​ക്കെ അധ്യയനം മറ്റൊ​ര​വ​സ​ര​ത്തി​ലേക്കു നീട്ടി​വെ​ക്കു​ക​യോ റദ്ദാക്കു​ക​യോ ചെയ്യേ​ണ്ടി​വ​ന്നേ​ക്കാം. (സഭാ​പ്ര​സം​ഗി 9:11) എന്നാൽ, ഇവയൊ​ന്നും നിങ്ങളു​ടെ പതിവു​പ​രി​പാ​ടി തെറ്റി​ക്കാ​തി​രി​ക്കാൻ പ്രത്യേ​കം ശ്രദ്ധി​ക്കുക.—ഫിലി​പ്പി​യർ 3:16.

അധ്യയ​ന​ത്തിന്‌ എത്ര ദൈർഘ്യ​മു​ണ്ടാ​യി​രി​ക്കണം? ഒരു മകനെ​യും മകളെ​യും വിജയ​പ്ര​ദ​മാ​യി വളർത്തി​ക്കൊ​ണ്ടു​വന്ന റോബർട്ട്‌ ഇങ്ങനെ പറയുന്നു: “ഞങ്ങളുടെ അധ്യയ​ന​ങ്ങൾക്ക്‌ സാധാ​ര​ണ​മാ​യി ഒരു മണിക്കൂർ ദൈർഘ്യ​മു​ണ്ടാ​യി​രു​ന്നു. കുട്ടികൾ ചെറു​പ്പ​മാ​യി​രു​ന്ന​പ്പോൾ വ്യത്യസ്‌ത കാര്യങ്ങൾ പരിചി​ന്തി​ച്ചു​കൊണ്ട്‌ ഒരു മണിക്കൂർ അവരുടെ താത്‌പ​ര്യം പിടി​ച്ചെ​ടു​ക്കാൻ ഞങ്ങൾ ശ്രമി​ച്ചി​രു​ന്നു. വീക്ഷാ​ഗോ​പുര അധ്യയന ലേഖന​ത്തിൽനി​ന്നുള്ള ഏതാനും ഖണ്ഡിക​ക​ളും ബൈബി​ളിൽനി​ന്നുള്ള തിര​ഞ്ഞെ​ടുത്ത ഭാഗങ്ങ​ളും മറ്റു പ്രസി​ദ്ധീ​ക​ര​ണ​ങ്ങ​ളു​ടെ ഭാഗങ്ങ​ളു​മെ​ല്ലാം ഞങ്ങൾ പരിചി​ന്തി​ച്ചി​രു​ന്നു.” “ഞാനും എന്റെ ജ്യേഷ്‌ഠ​ത്തി​മാ​രും തീരെ ചെറു​പ്പ​മാ​യി​രു​ന്ന​പ്പോൾ ഏതാണ്ട്‌ 20 മിനി​റ്റു​വീ​തം ആഴ്‌ച​യിൽ രണ്ടുമൂ​ന്നു തവണ ഞങ്ങൾക്ക്‌ അധ്യയ​ന​മു​ണ്ടാ​യി​രു​ന്നു. പ്രായ​മാ​കും​തോ​റും, ഞങ്ങളുടെ പ്രതി​വാര കുടും​ബാ​ധ്യ​യനം ഏകദേശം ഒരു മണിക്കൂർ നീണ്ടു​നി​ന്നു,” മരിയ അനുസ്‌മ​രി​ക്കു​ന്നു.

എന്താണു നാം പഠി​ക്കേ​ണ്ടത്‌?

എല്ലാവ​രും അധ്യയ​ന​ത്തി​നു കൂടി​വ​രു​മ്പോൾ ഈ ചോദ്യം പരിചി​ന്തി​ക്കു​ന്നത്‌ അധ്യയ​ന​ത്തി​നു വിഘ്‌ന​മാ​കു​മെന്നു മാത്രമല്ല, അതുമൂ​ലം വില​യേ​റിയ സമയവും പാഴാ​കും. അങ്ങനെ​യെ​ങ്കിൽ കുട്ടി​കൾക്കു പ്രത്യേ​കി​ച്ചെ​ന്തെ​ങ്കി​ലും പ്രതീ​ക്ഷി​ക്കാ​നു​ണ്ടാ​വില്ല, അവരുടെ താത്‌പ​ര്യ​വും പെട്ടെന്നു കെട്ടട​ങ്ങും. അതു​കൊണ്ട്‌, അധ്യയ​ന​ത്തി​നാ​യി സൊ​സൈ​റ്റി​യു​ടെ ഏതെങ്കി​ലു​മൊ​രു പ്രസി​ദ്ധീ​ക​രണം മുന്നമേ തിര​ഞ്ഞെ​ടു​ക്കുക.

“വിശ്വ​സ്‌ത​നും വിവേ​കി​യു​മായ അടിമ” നിരവധി പ്രസി​ദ്ധീ​ക​ര​ണങ്ങൾ പ്രദാനം ചെയ്‌തി​ട്ടുണ്ട്‌. (മത്തായി 24:45-47, NW) കുടും​ബം ഇതുവരെ പഠിച്ചി​ട്ടി​ല്ലാത്ത ഒരു പുസ്‌തകം നിങ്ങൾക്കു തിര​ഞ്ഞെ​ടു​ക്കാ​വു​ന്ന​താണ്‌. തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) എന്ന പ്രസി​ദ്ധീ​ക​ര​ണ​ത്തി​ന്റെ വാല്യങ്ങൾ നിങ്ങളു​ടെ പക്കലു​ണ്ടെ​ങ്കിൽ അവയിൽനി​ന്നുള്ള തിര​ഞ്ഞെ​ടുത്ത ഭാഗങ്ങൾ പരിചി​ന്തി​ക്കു​ന്നത്‌ എത്ര ആനന്ദ​പ്ര​ദ​മാണ്‌! ഉദാഹ​ര​ണ​ത്തിന്‌, സ്‌മാ​ര​ക​ത്തി​ന്റെ തലേ ആഴ്‌ച നിങ്ങൾക്കു കർത്താ​വി​ന്റെ സന്ധ്യാ​ഭ​ക്ഷ​ണ​ത്തെ​ക്കു​റി​ച്ചുള്ള ലേഖനം പുനര​വ​ലോ​കനം ചെയ്യാ​വു​ന്ന​താണ്‌. പല കുടും​ബ​ങ്ങ​ളും വീക്ഷാ​ഗോ​പുര അധ്യയ​ന​ത്തി​നു തയ്യാറാ​കു​ന്നത്‌ ആസ്വദി​ക്കു​ന്നു. എന്നാൽ അധ്യയ​ന​രൂ​പ​ത്തി​ല​ല്ലാത്ത ലേഖന​ങ്ങ​ളും അധ്യയ​ന​ത്തി​നു പറ്റിയ വിഷയ​ങ്ങ​ളാണ്‌. കുടും​ബ​ത്തി​ന്റെ ആത്മീയ ആവശ്യങ്ങൾ തിരി​ച്ച​റി​യുന്ന കുടും​ബ​നാ​ഥൻ, ഏതു പ്രസി​ദ്ധീ​ക​രണം അധ്യയ​ന​ത്തിന്‌ ഉപയോ​ഗി​ക്ക​ണ​മെന്നു തീരു​മാ​നി​ക്കാൻ പറ്റിയ സ്ഥാനത്താണ്‌.

“ഞങ്ങൾ എല്ലായ്‌പോ​ഴും മുന്നമേ തിര​ഞ്ഞെ​ടുത്ത പ്രസി​ദ്ധീ​ക​ര​ണ​മാണ്‌ അധ്യയ​ന​ത്തിന്‌ ഉപയോ​ഗി​ച്ചി​രു​ന്നത്‌. എന്നാൽ സ്‌കൂ​ളിൽ ഒരു പ്രശ്‌നം അല്ലെങ്കിൽ പ്രത്യേക സാഹച​ര്യം ഉയർന്നു വന്നപ്പോ​ഴെ​ല്ലാം അതുമാ​യി ബന്ധപ്പെട്ട പ്രസി​ദ്ധീ​ക​ര​ണ​ത്തിൽനിന്ന്‌ അധ്യയനം നടത്തു​മാ​യി​രു​ന്നു,” മരിയ അനുസ്‌മ​രി​ക്കു​ന്നു. കുട്ടികൾ സ്‌കൂ​ളിൽ അഭിമു​ഖീ​ക​രി​ക്കുന്ന പ്രശ്‌നങ്ങൾ, ഡേറ്റിങ്‌, പാഠ്യേ​തര പ്രവർത്ത​നങ്ങൾ എന്നിങ്ങ​നെ​യുള്ള പ്രത്യേക പ്രശ്‌നങ്ങൾ പൊന്തി​വ​രുക സാധാ​ര​ണ​മാണ്‌. അപ്പോൾ, തക്കതായ പ്രശ്‌ന​ങ്ങ​ളെ​ക്കു​റി​ച്ചു പ്രതി​പാ​ദി​ക്കുന്ന ലേഖന​ങ്ങ​ളോ പ്രസി​ദ്ധീ​ക​ര​ണ​ങ്ങ​ളോ തിര​ഞ്ഞെ​ടു​ക്കുക. ഏറ്റവും പുതിയ വീക്ഷാ​ഗോ​പു​ര​ത്തി​ലോ ഉണരുക!യിലോ കുടും​ബ​ത്തോ​ടൊ​പ്പം ആദ്യം​തന്നെ ചർച്ച​ചെ​യ്‌താൽ കൊള്ളാ​മെന്നു നിങ്ങൾക്കു തോന്നുന്ന എന്തെങ്കി​ലും വിവരം കാണു​ന്നെ​ങ്കിൽ അപ്രകാ​രം ചെയ്യാൻ വൈമു​ഖ്യം കാട്ടേ​ണ്ട​തില്ല. തീർച്ച​യാ​യും, മാറ്റ​ത്തെ​ക്കു​റി​ച്ചു കുടും​ബാം​ഗ​ങ്ങളെ മുൻകൂ​ട്ടി അറിയി​ക്കാൻ നിങ്ങൾ ആഗ്രഹി​ക്കും. എന്നാൽ, പ്രത്യേക ആവശ്യം നിവർത്തി​ച്ചു കഴിയു​മ്പോൾ നേരത്തേ പട്ടിക​പ്പെ​ടു​ത്തി​യി​രുന്ന പ്രസി​ദ്ധീ​ക​ര​ണ​ത്തി​ലേക്കു വീണ്ടും മടങ്ങുക.

സ്വസ്ഥമായ അന്തരീക്ഷം നിലനിർത്തു​ക

സമാധാ​ന​പൂർണ​മായ ചുറ്റു​പാ​ടിൽ അധ്യയനം മെച്ചമാ​യി നടത്താൻ സാധി​ക്കും. (യാക്കോബ്‌ 3:18) അതു​കൊണ്ട്‌, ആയാസ​ര​ഹി​ത​മായ എന്നാൽ ആദരണീ​യ​മായ അന്തരീക്ഷം സൃഷ്ടി​ക്കുക. ഐക്യ​നാ​ടു​ക​ളി​ലെ ഒരു കുടും​ബ​നാ​ഥൻ പറയുന്നു: “അധ്യയനം നടത്തു​ന്നതു സ്വീക​ര​ണ​മു​റി​യി​ലോ വരാന്ത​യി​ലോ ആയിരു​ന്നാ​ലും അങ്ങുമി​ങ്ങു​മാ​യി അകന്നി​രി​ക്കു​ന്ന​തി​നു പകരം അടുത്ത​ടു​ത്തി​രി​ക്കാൻ ഞങ്ങൾ ശ്രമി​ക്കു​ന്നു. അതു ഞങ്ങളിൽ ഊഷ്‌മള വികാരം ജനിപ്പി​ക്കു​ന്നു.” മരിയ മധുര​സ്‌മ​ര​ണകൾ അയവി​റ​ക്കു​ന്നു: “ഓരോ വാരത്തി​ലും വീട്ടിൽ അധ്യയനം എവി​ടെ​വെച്ചു നടത്തണ​മെന്നു തിര​ഞ്ഞെ​ടു​ക്കാൻ എനിക്കും സഹോ​ദ​രി​മാർക്കും അനുവാ​ദം നൽകി​യി​രു​ന്നു. അതു ഞങ്ങളെ ആനന്ദഭ​രി​ത​രാ​ക്കി.” വേണ്ടത്ര വെളിച്ചം, നല്ല ഇരിപ്പി​ടം, ആനന്ദഭ​രി​ത​മായ, ഒച്ചപ്പാ​ടി​ല്ലാത്ത ചുറ്റു​പാട്‌ എന്നിവ​യെ​ല്ലാം സ്വസ്ഥത പ്രദാനം ചെയ്യു​ന്നു​വെ​ന്നതു മനസ്സിൽപ്പി​ടി​ക്കുക. അധ്യയ​ന​ത്തി​നു​ശേഷം കുടും​ബ​സ​മേതം ലഘുഭ​ക്ഷണം കഴിക്കു​ന്ന​തും ആ സായാ​ഹ്നത്തെ ആസ്വാ​ദ്യ​മാ​ക്കി​ത്തീർക്കും.

ചില കുടും​ബങ്ങൾ തങ്ങളുടെ അധ്യയ​ന​ത്തിൽ മറ്റു കുടും​ബ​ങ്ങ​ളെ​യും ഉൾപ്പെ​ടു​ത്തി​ക്കൊണ്ട്‌ അധ്യയനം കൂടുതൽ രസകര​മാ​ക്കി, വൈവി​ധ്യ​മാർന്ന അഭി​പ്രാ​യ​ങ്ങൾക്ക്‌ കളമൊ​രു​ക്കു​ന്നു. സത്യത്തി​ലുള്ള പുതി​യ​വരെ ഇത്തരം ക്രമീ​ക​ര​ണ​ത്തിൽ പങ്കെടു​ക്കാൻ ക്ഷണിക്കു​മ്പോൾ അനുഭ​വ​സ​മ്പ​ന്ന​നായ ഒരു കുടും​ബ​നാ​ഥൻ അധ്യയ​ന​മെ​ടു​ക്കു​ന്നതു കാണു​ന്ന​തിൽനിന്ന്‌ അവർക്കു പ്രയോ​ജനം നേടാൻ സാധി​ക്കു​ന്നു.

ബൈബി​ളി​നെ ജീവസ്സു​റ്റ​താ​ക്കു​ക

കുട്ടി​കൾക്കു​വേണ്ടി അധ്യയന ഘട്ടങ്ങൾ ജീവസ്സു​റ്റ​താ​ക്കുക. അങ്ങനെ​യെ​ങ്കിൽ അവർ അതിനാ​യി നോക്കി​പ്പാർത്തി​രി​ക്കും. ബൈബി​ളി​ലെ രംഗങ്ങ​ളെ​ക്കു​റി​ച്ചുള്ള ചിത്രങ്ങൾ വരയ്‌ക്കാൻ കൊച്ചു​കു​ട്ടി​കളെ പ്രോ​ത്സാ​ഹി​പ്പി​ച്ചു​കൊ​ണ്ടു നിങ്ങൾക്കതു ചെയ്യാ​നാ​കും. ഉചിത​മാ​യി​രി​ക്കു​മ്പോൾ, ബൈബിൾ സംഭവ​ങ്ങ​ളും നാടക​ങ്ങ​ളും കുട്ടികൾ അഭിന​യി​ച്ചു കാണി​ക്കട്ടെ. കൊച്ചു​കു​ട്ടി​ക​ളു​മാ​യി ഔപചാ​രി​ക​മായ ചോ​ദ്യോ​ത്തര ചർച്ച നടത്തണ​മെന്നു നിർബ​ന്ധ​മില്ല. ബൈബിൾ കഥാപാ​ത്ര​ങ്ങ​ളെ​ക്കു​റി​ച്ചു വായി​ക്കു​ക​യോ കഥപറ​യു​ക​യോ ചെയ്യു​ന്നതു ദൈവിക തത്ത്വങ്ങൾ ഉൾനടു​ന്ന​തി​നുള്ള ആസ്വാ​ദ്യ​മായ രീതി​യാണ്‌. തുടക്ക​ത്തിൽ പരാമർശിച്ച റോബർട്ട്‌ അനുസ്‌മ​രി​ക്കു​ന്നു: “ചില​പ്പോ​ഴൊ​ക്കെ ഞങ്ങൾ ബൈബി​ളി​ലെ ചില ഭാഗങ്ങൾ വ്യത്യസ്‌ത കഥാപാ​ത്ര​ങ്ങ​ളു​ടെ ‘ശബ്ദ’ത്തിൽ ഊഴമ​നു​സ​രി​ച്ചു വായി​ക്കു​മാ​യി​രു​ന്നു.” വായനാ​ഭാ​ഗത്തു താൻ ചിത്രീ​ക​രി​ക്കാൻ ആഗ്രഹി​ക്കുന്ന കഥാപാ​ത്രത്തെ തിര​ഞ്ഞെ​ടു​ക്കാൻ കുട്ടി​ക​ളോട്‌ ആവശ്യ​പ്പെ​ടാ​വു​ന്ന​താണ്‌.

ഭൂപട​ങ്ങ​ളും ചാർട്ടു​ക​ളും ഉപയോ​ഗി​ക്കു​ന്നതു ചർച്ച ചെയ്യുന്ന സംഭവങ്ങൾ നടന്ന ദേശത്തെ സ്ഥലങ്ങ​ളെ​യും പ്രത്യേ​ക​ത​ക​ളെ​യും കുറിച്ചു ഭാവന​യിൽ ദർശി​ക്കാൻ മുതിർന്ന കുട്ടി​കളെ സഹായി​ക്കും. അൽപ്പം ഭാവനാ​ശ​ക്തി​കൊണ്ട്‌ കുടും​ബാ​ധ്യ​യനം ജീവസ്സു​റ്റ​തും വൈവി​ധ്യ​മാർന്ന​തും ആക്കിത്തീർക്കാൻ സാധി​ക്കും. കൂടാതെ, കുട്ടികൾ ദൈവ​വ​ച​ന​ത്തി​നാ​യുള്ള വാഞ്‌ഛ​യും വളർത്തി​യെ​ടു​ക്കും.—1 പത്രൊസ്‌ 2:2, 3.

പങ്കുപ​റ്റാൻ എല്ലാവ​രെ​യും സഹായി​ക്കു​ക

കുട്ടി​കളെ അധ്യയ​ന​ത്തിൽ ഉൾപ്പെ​ടു​ത്തി​യാ​ലേ അവർ അത്‌ ആസ്വദി​ക്കു​ക​യു​ള്ളൂ. എന്നിരു​ന്നാ​ലും, പല പ്രായ​ത്തി​ലുള്ള കുട്ടി​കളെ പങ്കെടു​പ്പി​ക്കു​ന്നത്‌ അത്രകണ്ട്‌ എളുപ്പമല്ല. എന്നാൽ, ഒരു ബൈബിൾ തത്ത്വം ഇങ്ങനെ പ്രസ്‌താ​വി​ക്കു​ന്നു: “അധ്യക്ഷത വഹിക്കു​ന്നവൻ യഥാർഥ ആത്മാർഥ​ത​യോ​ടെ അതു ചെയ്യട്ടെ.” (റോമർ 12:8, NW) ഉത്സാഹി​യാ​യി​രി​ക്കു​ന്നതു സഹായ​ക​മാണ്‌. കാരണം ഉത്സാഹം സാം​ക്ര​മി​ക​മാണ്‌.

അധ്യയന ഭാഗത്തെ ഉപശീർഷ​കങ്ങൾ വായി​പ്പി​ച്ചു​കൊ​ണ്ടും ചിത്ര​ങ്ങ​ളെ​ക്കു​റിച്ച്‌ അഭി​പ്രാ​യം പറയാൻ ആവശ്യ​പ്പെ​ട്ടു​കൊ​ണ്ടും റോണൾഡ്‌ തന്റെ അഞ്ചു വയസ്സുള്ള മകൾ ഡനയനയെ അധ്യയ​ന​ത്തിൽ ഉൾപ്പെ​ടു​ത്തു​ന്നു. പോയ​വർഷം ക്രിസ്‌തു​വി​ന്റെ മരണത്തി​ന്റെ സ്‌മാ​രകം സമീപി​ക്കവേ, ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻ പുസ്‌ത​ക​ത്തി​ലെ യഥോ​ചി​ത​മായ ചിത്ര​ങ്ങ​ളി​ലേക്ക്‌ അദ്ദേഹം അവളുടെ ശ്രദ്ധതി​രി​ച്ചു. “സംഭവ​ത്തി​ന്റെ പ്രാധാ​ന്യം മനസ്സി​ലാ​ക്കാൻ അത്‌ അവളെ സഹായി​ച്ചു,” അദ്ദേഹം പറയുന്നു.

പത്തു വയസ്സുള്ള മകൾ മിഷയു​ടെ കാര്യ​ത്തിൽ റോണൾഡ്‌ ഒരു പടികൂ​ടെ മുന്നോ​ട്ടു പോകു​ന്നു. “ചിത്രങ്ങൾ ഏതാ​ണെന്നു മാത്രമല്ല അവ എന്ത്‌ അർഥമാ​ക്കു​ന്നു​വെ​ന്നും മനസ്സി​ലാ​ക്കുന്ന അളവോ​ളം മിഷ ഇപ്പോൾ പുരോ​ഗ​മി​ച്ചി​ട്ടുണ്ട്‌,” റോണൾഡ്‌ പറയുന്നു. “അതു​കൊണ്ട്‌, വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! എന്ന പുസ്‌തകം പരിചി​ന്തി​ച്ച​പ്പോൾ ചിത്ര​ങ്ങ​ളു​ടെ അർഥത്തിൽ ഞങ്ങൾ ശ്രദ്ധ കേന്ദ്രീ​ക​രി​ച്ചു. അതവളെ സഹായി​ച്ചി​ട്ടുണ്ട്‌.”

കുട്ടികൾ കൗമാ​ര​ത്തി​ലെ​ത്തു​മ്പോൾ, പരിചി​ന്തി​ക്കുന്ന വിഷയം പ്രാ​യോ​ഗി​ക​മാ​യി ബാധക​മാ​ക്കാൻ ആവശ്യ​പ്പെ​ടുക. അധ്യയന സമയത്തു ചോദ്യ​ങ്ങൾ ഉയർന്നു​വ​രു​മ്പോൾ ഗവേഷണം നടത്താൻ ഓരോ​രു​ത്ത​രെ​യാ​യി നിയോ​ഗി​ക്കുക. റോബർട്ട്‌ അതാണു ചെയ്‌തത്‌. 12 വയസ്സുള്ള മകൻ പോൾ സ്‌കൂൾ ക്ലബ്ബിൽ പുതു​താ​യി ചേർക്ക​പ്പെട്ട പാമ്പും കൂടും എന്ന വിനോ​ദ​ത്തെ​ക്കു​റി​ച്ചു ചോദി​ച്ചു. പോളും കുടും​ബ​ത്തി​ലെ മറ്റംഗ​ങ്ങ​ളും വീക്ഷാ​ഗോ​പുര വിഷയ സൂചിക ഉപയോ​ഗിച്ച്‌ അതേക്കു​റി​ച്ചു വിവരങ്ങൾ കണ്ടുപി​ടിച്ച്‌ കുടും​ബാ​ധ്യ​യ​ന​ത്തിൽ പുനര​വ​ലോ​കനം ചെയ്‌തു. “തത്‌ഫ​ല​മാ​യി, ക്രിസ്‌ത്യാ​നി​കൾ ആ വിനോ​ദ​ത്തി​ലേർപ്പെ​ടു​ന്നതു തെറ്റാ​ണെന്നു പോളി​നു പെട്ടെ​ന്നു​തന്നെ മനസ്സി​ലാ​യി,” റോബർട്ട്‌ പറയുന്നു.

ഗവേഷണം നടത്താൻ മറ്റു സമയങ്ങ​ളി​ലും റോബർട്ട്‌ നിയമനം നൽകാ​റുണ്ട്‌. അദ്ദേഹ​ത്തി​ന്റെ ഭാര്യ നാൻസി അനുസ്‌മ​രി​ക്കു​ന്നു: “യേശു​വി​ന്റെ അപ്പോ​സ്‌ത​ല​ന്മാ​രെ​ക്കു​റി​ച്ചു ഗവേഷണം നടത്തി​യ​പ്പോൾ അവരി​ലോ​രോ​രു​ത്ത​രെ​യും കുറിച്ചു ഞങ്ങളോ​രോ​രു​ത്ത​രും ഗവേഷണം നടത്തണ​മാ​യി​രു​ന്നു. കുടും​ബാ​ധ്യ​യ​ന​ത്തിൽ കുട്ടികൾ തങ്ങൾക്കു ലഭിച്ച വിവരങ്ങൾ ഉത്സാഹ​പൂർവം അവതരി​പ്പി​ക്കു​ന്നതു കാണു​ന്നത്‌ എത്ര രോമാ​ഞ്ച​ജ​ന​ക​മാ​യി​രു​ന്നു!” സ്വന്തമാ​യി ഗവേഷണം നടത്തി അതേക്കു​റി​ച്ചുള്ള വിവരങ്ങൾ കുടും​ബ​ത്തോ​ടൊ​പ്പം പങ്കുവ​യ്‌ക്കു​ന്നതു കുട്ടി​കളെ ‘യഹോ​വ​യു​ടെ സന്നിധി​യിൽ വളർന്നു​വ​രാൻ’ സഹായി​ക്കും.—1 ശമൂവേൽ 2:20, 21.

വീക്ഷണ-മാർഗ​നിർദേശക ചോദ്യ​ങ്ങൾ ചോദി​ക്കു​ന്ന​തും കുട്ടി​കളെ ഉൾപ്പെ​ടു​ത്തു​ന്ന​തി​നുള്ള നല്ല മാർഗ​മാണ്‌. വിദഗ്‌ധോ​പ​ദേ​ഷ്ടാ​വായ യേശു, “നിനക്കു എന്തു തോന്നു​ന്നു?” എന്നിങ്ങ​നെ​യുള്ള വീക്ഷണ ചോദ്യ​ങ്ങൾ ചോദി​ച്ചു. (മത്തായി 17:25) “ഞങ്ങൾ ആരെങ്കി​ലും ചോദ്യ​മു​ന്ന​യി​ച്ചാൽ മാതാ​പി​താ​ക്കൾ നേരിട്ട്‌ ഉത്തരം നൽകു​ക​യി​ല്ലാ​യി​രു​ന്നു. അവർ എല്ലായ്‌പോ​ഴും മാർഗ​നിർദേശക ചോദ്യ​ങ്ങൾ ചോദി​ച്ചു​കൊണ്ട്‌ വിഷയ​ത്തെ​ക്കു​റി​ച്ചു ന്യായ​വാ​ദം ചെയ്യാൻ ഞങ്ങളെ സഹായി​ച്ചി​രു​ന്നു,” മരിയ ഓർക്കു​ന്നു.

ആശയവി​നി​യമം നടത്തുക—അലോ​സ​ര​പ്പെ​ടു​ത്ത​രുത്‌!

പരിഹ​സി​ക്ക​പ്പെ​ടു​മെന്ന ഭയം കൂടാതെ തങ്ങളുടെ വീക്ഷണ​ങ്ങ​ളും വികാ​ര​ങ്ങ​ളും മറ്റുള്ള​വ​രു​മാ​യി പങ്കിടാൻ കുടും​ബാ​ധ്യ​യ​ന​ത്തി​നു സന്നിഹി​ത​രാ​യി​രി​ക്കുന്ന സകലർക്കും സാധി​ക്കണം. അങ്ങനെ​യെ​ങ്കിൽ അധ്യയ​ന​ത്തിൽനി​ന്നും യഥാർഥ സന്തോഷം ലഭിക്കും. എന്നാൽ, “എല്ലാ സമയത്തും ആശയവി​നി​മയ മാർഗം തുറന്നി​ട്ടാൽ മാത്രമേ കുടും​ബാ​ധ്യ​യ​ന​ത്തി​ലും നല്ല ആശയവി​നി​യമം സാധ്യ​മാ​കൂ. അല്ലാതെ അധ്യയന സമയത്തു​മാ​ത്രം നല്ല ആശയവി​നി​യമം നടത്തു​ന്ന​യാ​ളാ​യി നടിക്കാ​നാ​വില്ല,” ഒരു പിതാവ്‌ പറയുന്നു. ‘ഇത്രയേ ഉള്ളോ? കാര്യ​മാ​യി​ട്ടെ​ന്തോ പറയാൻ പോകു​ക​യാ​ണെ​ന്നാ​ണ​ല്ലോ ഞാൻ വിചാ​രി​ച്ചത്‌’; ‘എന്തു മണ്ടത്തര​മാണ്‌’; ‘ഓ, ഇതിൽ കൂടു​ത​ലൊ​ന്നും പ്രതീ​ക്ഷി​ക്കാൻ വകയി​ല്ല​ല്ലോ, എന്തൊ​ക്കെ​യാ​യാ​ലും നീയൊ​രു കുട്ടി​യല്ലേ?’ എന്നിങ്ങനെ മുറി​വേൽപ്പി​ക്കുന്ന വിധത്തി​ലുള്ള അഭി​പ്രാ​യങ്ങൾ തീർച്ച​യാ​യും ഒഴിവാ​ക്കുക. (സദൃശ​വാ​ക്യ​ങ്ങൾ 12:18) കുട്ടി​ക​ളോട്‌ അനുക​മ്പ​യും കരുണ​യും കാട്ടുക. (സങ്കീർത്തനം 103:13; മലാഖി 3:17) അവരിൽ ആനന്ദം കണ്ടെത്തുക. തങ്ങൾ പഠിക്കു​ന്നതു ബാധക​മാ​ക്കാൻ ശ്രമി​ക്കു​മ്പോൾ അവരെ പിന്തു​ണ​യ്‌ക്കുക.

കുട്ടി​യു​ടെ മനസ്സ്‌ പ്രബോ​ധനം ഉൾക്കൊ​ള്ളത്തക്ക ഒരു അന്തരീ​ക്ഷ​മാ​യി​രി​ക്കണം കുടും​ബാ​ധ്യ​യ​ന​ത്തി​ന്റേത്‌. നാലു മക്കളെ വിജയ​ക​ര​മാ​യി വളർത്തി​ക്കൊ​ണ്ടു​വന്ന ഒരു പിതാവ്‌ വിശദീ​ക​രി​ക്കു​ന്നു: “കുട്ടി​കളെ തിരു​ത്താൻ തുടങ്ങു​മ്പോൾ അവർ വിദ്വേ​ഷം കാണി​ക്കും.” അത്തര​മൊ​രു സാഹച​ര്യ​ത്തിൽ ഒരുപക്ഷേ വിവരങ്ങൾ അവരുടെ ഉള്ളി​ലേക്ക്‌ ആഴ്‌ന്നി​റ​ങ്ങി​യെന്നു വരില്ല. അതു​കൊണ്ട്‌, അധ്യയന സമയം ശിക്ഷണ​ത്തി​ന്റെ​യും ശിക്ഷയു​ടെ​യും സമയമാ​ക്കാ​തി​രി​ക്കുക. അവ ആവശ്യ​മാ​ണെ​ങ്കിൽ പിന്നീട്‌, കുട്ടി തനിച്ചാ​യി​രി​ക്കു​മ്പോൾ അങ്ങനെ ചെയ്യുക.

ശ്രമം മൂല്യ​വ​ത്താണ്‌

ആത്മീയ​മാ​യി സമ്പന്നമായ ഒരു കുടും​ബം കെട്ടി​പ്പ​ടു​ക്കാൻ സമയവും ശ്രമവും ആവശ്യ​മാണ്‌. എന്നാൽ, സങ്കീർത്ത​ന​ക്കാ​രൻ ഇങ്ങനെ പ്രഖ്യാ​പി​ക്കു​ന്നു: “മക്കൾ, യഹോവ നല്‌കുന്ന അവകാ​ശ​വും ഉദരഫലം, അവൻ തരുന്ന പ്രതി​ഫ​ല​വും തന്നേ.” (സങ്കീർത്തനം 127:3) കൂടാതെ, “മക്കളെ . . . കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു”ന്നതിനുള്ള ഉത്തരവാ​ദി​ത്വ​വും മാതാ​പി​താ​ക്കൾക്കുണ്ട്‌. (എഫെസ്യർ 6:4) അതു​കൊണ്ട്‌, ഫലപ്ര​ദ​വും ആസ്വാ​ദ്യ​വു​മായ കുടും​ബാ​ധ്യ​യനം നടത്തു​ന്ന​തി​നുള്ള കഴിവു​കൾ വികസി​പ്പി​ച്ചെ​ടു​ക്കുക. “വചനം എന്ന മായമി​ല്ലാത്ത പാൽ” പ്രദാനം ചെയ്യാൻ പരമാ​വധി ശ്രമി​ക്കുക. അങ്ങനെ​യെ​ങ്കിൽ നിങ്ങളു​ടെ കുട്ടികൾ ‘രക്ഷെക്കാ​യി വളരും.’—1 പത്രൊസ്‌ 2:2; യോഹ​ന്നാൻ 17:3.

[അടിക്കു​റി​പ്പു​കൾ]

ഈ ലേഖന​ത്തിൽ നൽകി​യി​രി​ക്കുന്ന പല നിർദേ​ശ​ങ്ങ​ളും കുടും​ബാ​ധ്യ​യ​ന​ത്തിൽ കുട്ടി​കളെ സഹായി​ക്കു​ന്ന​തി​നോ​ടു ബന്ധപ്പെ​ട്ടി​രി​ക്കു​ന്നെ​ങ്കി​ലും ഇതിലെ വിഷയങ്ങൾ കുട്ടി​ക​ളി​ല്ലാത്ത കുടും​ബാ​ധ്യ​യ​ന​ത്തി​നും ബാധക​മാണ്‌.

ചില പേരുകൾ മാറ്റി​യി​ട്ടുണ്ട്‌.

വാച്ച്‌ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി ഓഫ്‌ ഇൻഡ്യ പ്രസി​ദ്ധീ​ക​രി​ച്ചത്‌.