ദൈവ​ത്തി​ന്റെ നിശ്വസ്‌ത വചനം വിശ്വ​സ്‌ത​ത​യോ​ടെ ഉയർത്തി​പ്പി​ടി​ക്കൽ

“കൗശലം പ്രയോ​ഗി​ക്കാ​തെ​യും ദൈവ​വ​ച​ന​ത്തിൽ മായം ചേർക്കാ​തെ​യും ഞങ്ങൾ ലജ്ജാക​ര​മായ ഗൂഢകാ​ര്യ​ങ്ങൾ ത്യജി​ച്ചി​രി​ക്കു​ന്നു.”—2 കൊരി​ന്ത്യർ 4:2, NW.

1. (എ) മത്തായി 24:14-ലും 28:20-ലും പറഞ്ഞി​രി​ക്കുന്ന വേല നിർവ​ഹി​ക്കു​ന്ന​തിന്‌ എന്ത്‌ ആവശ്യ​മാ​യി​രു​ന്നു? (ബി) അന്ത്യനാ​ളു​കൾ ആരംഭി​ച്ച​പ്പോൾ ആളുക​ളു​ടെ ഭാഷക​ളിൽ ബൈബിൾ ഏതള​വോ​ളം ലഭ്യമാ​യി​രു​ന്നു?

തന്റെ രാജകീയ സാന്നി​ധ്യ​ത്തി​ന്റെ സമയ​ത്തെ​യും ഈ പഴയ വ്യവസ്ഥി​തി​യു​ടെ സമാപ​ന​ത്തെ​യും കുറി​ച്ചുള്ള മഹത്തായ പ്രവച​ന​ത്തിൽ, യേശു​ക്രി​സ്‌തു ഇങ്ങനെ മുൻകൂ​ട്ടി​പ്പ​റഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” കൂടാതെ അവൻ അനുഗാ​മി​കൾക്ക്‌ ഈ കൽപ്പന കൊടു​ക്കു​ക​യും ചെയ്‌തു: “ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചു . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.” (മത്തായി 24:14; 28:20) ആ പ്രവച​ന​ങ്ങ​ളു​ടെ നിവൃ​ത്തി​യിൽ ബൈബിൾ പരിഭാ​ഷ​പ്പെ​ടു​ത്തി അച്ചടി​ക്കു​ന്ന​തും അതിന്റെ അർഥ​മെ​ന്തെന്ന്‌ ആളുകളെ പഠിപ്പി​ക്കു​ന്ന​തും അതു തങ്ങളുടെ ജീവി​ത​ത്തിൽ ബാധക​മാ​ക്കാൻ അവരെ സഹായി​ക്കു​ന്ന​തു​മായ ബൃഹത്‌ വേല ഉൾപ്പെ​ടു​ന്നു. അത്തരം പ്രവർത്ത​ന​ത്തിൽ പങ്കുപ​റ്റു​ന്നത്‌ എന്തൊരു പദവി​യാണ്‌! 1914 ആയപ്പോ​ഴേ​ക്കും ബൈബിൾ പൂർണ​മാ​യോ ഭാഗി​ക​മാ​യോ 570 ഭാഷക​ളിൽ പ്രസി​ദ്ധീ​ക​രി​ച്ചി​രു​ന്നു. എന്നാൽ അതിനു​ശേഷം, നൂറു​ക​ണ​ക്കി​നു ഭാഷക​ളി​ലേ​ക്കും അനേകം ഉപഭാ​ഷ​ക​ളി​ലേ​ക്കും അതു വ്യാപി​ച്ചു. പല ഭാഷക​ളി​ലും ഒന്നില​ധി​കം പരിഭാ​ഷ​ക​ളും ലഭ്യമാ​യി.a

2. എത്ര വ്യത്യ​സ്‌ത​മായ ആന്തരങ്ങൾ ബൈബിൾ പരിഭാ​ഷ​ക​രു​ടെ​യും പ്രസാ​ധ​ക​രു​ടെ​യും വേലയെ സ്വാധീ​നി​ച്ചി​രി​ക്കു​ന്നു?

² ഒരു ഭാഷയി​ലെ വിവരങ്ങൾ മറ്റൊരു ഭാഷ വായി​ക്കു​ക​യും കേൾക്കു​ക​യും ചെയ്യു​ന്ന​വർക്കു സുഗ്രാ​ഹ്യ​മാ​ക്കി​ത്തീർക്കു​ന്നത്‌ ഏതൊരു പരിഭാ​ഷ​ക​നും ഒരു വെല്ലു​വി​ളി​യാണ്‌. തങ്ങൾ ദൈവ​വ​ച​ന​മാ​ണു പരിഭാ​ഷ​പ്പെ​ടു​ത്തു​ന്ന​തെന്ന സൂക്ഷ്‌മ​ബോ​ധ​ത്തോ​ടെ വേല നിർവ​ഹി​ച്ചി​ട്ടുള്ള ചില ബൈബിൾ പരിഭാ​ഷ​ക​രുണ്ട്‌. എന്നാൽ പദ്ധതി​യു​ടെ പാണ്ഡി​ത്യ​പ്ര​ക​ട​ന​പ​ര​മായ വെല്ലു​വി​ളി​യി​ലെ ആകർഷ​ണ​മാ​യി​രു​ന്നു ചിലർക്കു പ്രേര​ണ​യാ​യത്‌. ബൈബി​ളി​ന്റെ ഉള്ളടക്കത്തെ കേവലം മൂല്യ​വ​ത്തായ ഒരു സാംസ്‌കാ​രിക പൈതൃ​ക​മാ​യി​ട്ടാ​കാം അവർ വീക്ഷി​ച്ചത്‌. ചിലർക്ക്‌, മതം ഒരു ബിസി​നസ്‌ ആണ്‌, പരിഭാ​ഷ​ക​നോ പ്രസാ​ധ​ക​നോ എന്നനി​ല​യിൽ ഒരു പുസ്‌ത​ക​ത്തിൽ തന്റെ പേർ അടിച്ചു​വ​രു​ന്നത്‌ ഒരു ഉപജീ​വ​ന​മാർഗ​മാ​കാം. അവരുടെ ആന്തരങ്ങൾ അവർ ഈ വേല ചെയ്യുന്ന വിധത്തെ വ്യക്തമാ​യും സ്വാധീ​നി​ക്കു​ന്നു.

3. പുതി​യ​ലോക ബൈബിൾ ഭാഷാന്തര കമ്മിറ്റി അതിന്റെ വേലയെ വീക്ഷി​ച്ച​തെ​ങ്ങനെ?

³ പുതിയ ലോക ബൈബിൾ ഭാഷാന്തര കമ്മിറ്റി നടത്തിയ ഈ പ്രസ്‌താ​വന ശ്രദ്ധേ​യ​മാണ്‌: “വിശുദ്ധ തിരു​വെ​ഴു​ത്തു​കൾ പരിഭാ​ഷ​പ്പെ​ടു​ത്തുക എന്നതി​നർഥം യഹോ​വ​യാം ദൈവ​ത്തി​ന്റെ ചിന്തക​ളും വചനങ്ങ​ളും മറ്റൊരു ഭാഷയി​ലാ​ക്കുക എന്നാണ്‌ . . . അതു വളരെ ഗൗരവ​മായ ഒരാശ​യ​മാണ്‌. വിശുദ്ധ തിരു​വെ​ഴു​ത്തു​ക​ളു​ടെ ദിവ്യ രചയി​താ​വി​നെ ഭയപ്പെ​ടു​ക​യും സ്‌നേ​ഹി​ക്കു​ക​യും ചെയ്യുന്ന, ഈ കൃതി​യു​ടെ പരിഭാ​ഷ​കർക്ക്‌ അവന്റെ ചിന്തക​ളും പ്രഖ്യാ​പ​ന​ങ്ങ​ളും ആവുന്നത്ര കൃത്യ​ത​യോ​ടെ പകർന്നു​കൊ​ടു​ക്കു​ന്ന​തിൽ അവനോട്‌ ഒരു പ്രത്യേക ഉത്തരവാ​ദി​ത്വം തോന്നു​ന്നു. തങ്ങളുടെ നിത്യ​ര​ക്ഷ​യ്‌ക്കാ​യി അത്യുന്നത ദൈവ​ത്തി​ന്റെ നിശ്വസ്‌ത വചനത്തി​ന്റെ പരിഭാ​ഷ​യിൽ ആശ്രയി​ക്കുന്ന അന്വേ​ഷ​ണ​കു​തു​കി​ക​ളായ വായന​ക്കാ​രോ​ടും അവർക്ക്‌ ഉത്തരവാ​ദി​ത്വം തോന്നു​ന്നു. അത്തരം ഗൗരവ​മായ ഉത്തരവാ​ദി​ത്വ​ബോ​ധ​ത്തോ​ടെ​യാ​യി​രു​ന്നു അനേകം വർഷങ്ങ​ളി​ലെ പ്രയത്‌ന​ത്തി​ലൂ​ടെ അർപ്പി​ത​രായ പുരു​ഷ​ന്മാ​രു​ടെ ഈ കമ്മിറ്റി വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം നിർമി​ച്ചത്‌.” വ്യക്തവും സുഗ്രാ​ഹ്യ​വു​മായ, എബ്രായ-ഗ്രീക്കു മൂല​ത്തോട്‌ അങ്ങേയറ്റം പറ്റിനിൽക്കു​ന്ന​തും സൂക്ഷ്‌മ​പ​രി​ജ്ഞാ​ന​ത്തിൽ തുടർന്നുള്ള വളർച്ച​യ്‌ക്ക്‌ ഒരു അടിസ്ഥാ​നം പ്രദാനം ചെയ്യു​ന്ന​തു​മായ ഒരു ബൈബിൾ പരിഭാഷ ഉണ്ടാക്കുക എന്നതാ​യി​രു​ന്നു കമ്മിറ്റി​യു​ടെ ലക്ഷ്യം.

ദൈവ​നാ​മ​ത്തിന്‌ എന്തു സംഭവി​ച്ചി​രി​ക്കു​ന്നു?

4. ബൈബി​ളിൽ ദൈവ​നാ​മം എത്ര പ്രാധാ​ന്യ​മു​ള്ള​താണ്‌?

⁴ ബൈബി​ളി​ന്റെ മുഖ്യ ലക്ഷ്യങ്ങ​ളി​ലൊന്ന്‌ സത്യ​ദൈ​വത്തെ അറിയാൻ ആളുകളെ സഹായി​ക്കു​ക​യെ​ന്ന​താണ്‌. (പുറപ്പാ​ടു 20:2-7; 34:1-7; യെശയ്യാവ്‌ 52:6) തന്റെ പിതാ​വി​ന്റെ നാമം “വിശു​ദ്ധീ​ക​രി​ക്ക​പ്പെ​ടേ​ണമേ,” അഥവാ, പാവന​മാ​യി, വിശു​ദ്ധ​മാ​യി കരുത​പ്പെ​ടേ​ണമേ എന്നു പ്രാർഥി​ക്കാൻ യേശു​ക്രി​സ്‌തു തന്റെ അനുഗാ​മി​കളെ പഠിപ്പി​ച്ചു. (മത്തായി 6:9) ദൈവം തന്റെ നാമം 7,000-ത്തിലധി​കം പ്രാവ​ശ്യം ബൈബി​ളിൽ വരാൻ ദൈവം ഇടയാക്കി. ആ നാമവും അതു വഹിക്കു​ന്ന​വന്റെ ഗുണങ്ങ​ളും ആളുകൾ അറിയ​ണ​മെന്ന്‌ അവൻ ആഗ്രഹി​ക്കു​ന്നു.—മലാഖി 1:11.

5. വ്യത്യസ്‌ത പരിഭാ​ഷകർ ദിവ്യ​നാ​മം അവതരി​പ്പി​ച്ചി​രി​ക്കു​ന്ന​തെ​ങ്ങനെ?

⁵ അനേകം ബൈബിൾപ​രി​ഭാ​ഷ​ക​രും ദിവ്യ​നാ​മ​ത്തോട്‌ ആത്മാർഥ​മായ ആദരവു പ്രകട​മാ​ക്കി അതു തങ്ങളുടെ പരിഭാ​ഷ​യി​ലു​ട​നീ​ളം ഉപയോ​ഗി​ച്ചി​ട്ടുണ്ട്‌. ചില പരിഭാ​ഷ​കർക്കു യാഹ്‌വേ എന്ന്‌ ഉപയോ​ഗി​ക്കാ​നാണ്‌ ഇഷ്ടം. മറ്റുള്ള​വ​രാ​കട്ടെ, സ്വന്തം ഭാഷയ്‌ക്ക​നു​സൃ​ത​മാ​യി, അതേസ​മയം എബ്രായ പാഠത്തിൽ പ്രത്യ​ക്ഷ​പ്പെ​ടു​ന്ന​തി​നോ​ടു വ്യക്തമാ​യും താദാ​ത്മ്യ​മുള്ള, സാധ്യ​ത​യ​നു​സ​രിച്ച്‌ ദീർഘ​നാ​ളത്തെ ഉപയോ​ഗ​ത്തി​ലൂ​ടെ സുപരി​ചി​ത​മായ ഒരു ദിവ്യ​നാ​മ​രൂ​പം തിര​ഞ്ഞെ​ടു​ത്തി​രി​ക്കു​ന്നു. വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം അതിന്റെ മുഖ്യ​പാ​ഠ​ത്തിൽ യഹോവ എന്ന നാമം 7,210 പ്രാവ​ശ്യം ഉപയോ​ഗി​ക്കു​ന്നു.

6. (എ) സമീപ വർഷങ്ങ​ളിൽ, ദിവ്യ​നാ​മ​ത്തോ​ടുള്ള ബന്ധത്തിൽ പരിഭാ​ഷകർ എന്തു ചെയ്‌തി​രി​ക്കു​ന്നു? (ബി) ഈ നടപടി എത്ര വ്യാപ​ക​മാണ്‌?

⁶ സമീപ​വർഷ​ങ്ങ​ളിൽ, ബൈബിൾപ​രി​ഭാ​ഷകർ നിശ്വസ്‌ത വചനത്തി​ന്റെ പരിഭാ​ഷ​യിൽനിന്ന്‌ സത്യ​ദൈ​വ​ത്തി​ന്റെ സ്വന്തം പേര്‌ നീക്കി​ക്ക​ള​യാൻ പൂർവാ​ധി​കം തിരക്കു​കൂ​ട്ടു​ക​യാണ്‌, അതേസ​മയം അവർ ബാൽ, മോ​ലെക്ക്‌ എന്നിങ്ങ​നെ​യുള്ള പുറജാ​തീയ ദൈവ​ത്തി​ന്റെ പേരുകൾ നിലനിർത്തു​ക​യും ചെയ്യുന്നു. (പുറപ്പാ​ടു 3:15; യിരെ​മ്യാ​വു 32:35) മത്തായി 6:9-ഉം യോഹ​ന്നാൻ 17:6-ഉം 26-ഉം പോലുള്ള വാക്യ​ങ്ങ​ളിൽ, “നിന്റെ നാമം” (അതായത്‌ ദൈവ​ത്തി​ന്റെ നാമം) എന്നു വരുന്നി​ടത്ത്‌ കേവലം “നീ” എന്നു മാത്ര​മാണ്‌ വ്യാപ​ക​മാ​യി പ്രചാ​ര​മുള്ള ഒരു അൽബേ​നി​യൻ ഭാഷാ​ന്തരം വിവർത്തനം ചെയ്യു​ന്നത്‌. അങ്ങനെ അവിടെ ഒരു നാമ​ത്തെ​ക്കു​റി​ച്ചുള്ള പരാമർശ​മു​ണ്ടെന്നു തോന്നി​പ്പി​ക്കു​ന്ന​തേ​യില്ല. ന്യൂ ഇംഗ്ലീഷ്‌ ബൈബി​ളും ടുഡേ​യ്‌സ്‌ ഇംഗ്ലീഷ്‌ വേർഷ​നും സങ്കീർത്തനം 83:18-ൽനിന്ന്‌ ദൈവ​ത്തി​ന്റെ സ്വന്തം പേരും ദൈവ​ത്തിന്‌ ഒരു പേരു​ണ്ടെന്ന പരാമർശ​വും നീക്കി​ക്ക​ള​യു​ന്നു. മിക്ക ഭാഷക​ളി​ലും, എബ്രായ തിരു​വെ​ഴു​ത്തു​ക​ളു​ടെ പഴയ പരിഭാ​ഷ​ക​ളിൽ ദിവ്യ​നാ​മം പ്രത്യ​ക്ഷ​പ്പെ​ട്ടി​രു​ന്നെ​ങ്കി​ലും, പുതിയ പരിഭാ​ഷകൾ അത്‌ ഒഴിവാ​ക്കു​ക​യോ മാർജി​നിൽ കാണി​ക്കുക മാത്ര​മോ ആണു ചെയ്യു​ന്നത്‌. ഇംഗ്ലീ​ഷിൽ മാത്രമല്ല, യൂറോപ്പ്‌, ആഫ്രിക്ക, തെക്കേ അമേരിക്ക, ഇന്ത്യ, പസഫിക്‌ ദ്വീപു​കൾ എന്നിവി​ട​ങ്ങ​ളി​ലെ പല ഭാഷക​ളി​ലും ഇതുത​ന്നെ​യാ​ണു സ്ഥിതി.

7. (എ) ചില ആഫ്രിക്കൻ ബൈബിൾ പരിഭാ​ഷകർ ദിവ്യ​നാ​മ​ത്തി​ന്റെ കാര്യ​ത്തിൽ എന്തു ചെയ്യുന്നു? (ബി) അതു സംബന്ധി​ച്ചു നിങ്ങൾക്കെന്തു തോന്നു​ന്നു?

⁷ ചില ആഫ്രിക്കൻ ഭാഷക​ളി​ലേക്കു ബൈബിൾ വിവർത്തനം ചെയ്യു​ന്നവർ ഒരുപ​ടി​കൂ​ടെ കടക്കു​ക​യാണ്‌. കേവലം ദിവ്യ​നാ​മം മാറ്റി ദൈവം എന്നതോ കർത്താവ്‌ എന്നതോ പോലുള്ള തിരു​വെ​ഴു​ത്തു​പ​ര​മായ സ്ഥാന​പ്പേ​രു​കൾ നൽകു​കയല്ല, പ്രാ​ദേ​ശിക മതവി​ശ്വാ​സ​ങ്ങ​ളിൽനി​ന്നുള്ള നാമങ്ങൾതന്നെ ഉൾപ്പെ​ടു​ത്തു​ക​യാണ്‌ അവർ. സുളു പുതി​യ​നി​യ​മ​വും സങ്കീർത്ത​ന​വും (1986 പതിപ്പ്‌) എന്ന പരിഭാ​ഷ​യിൽ ദൈവം (ങ്കുളു​ങ്കു​ളു) എന്ന സ്ഥാനപ്പേർ ഒരു വ്യക്തി നാമവു​മാ​യി (മ്വെലി​ങ്കാ​ങ്ങി) പരസ്‌പരം മാറ്റി​മ​റി​ച്ചു​പ​യോ​ഗി​ക്കു​ന്നു. അതു ‘മനുഷ്യ​പൂർവി​കർ ആരാധി​ച്ചു​പോന്ന മഹാ പൂർവിക’നെ സൂചി​പ്പി​ക്കു​ന്നു​വെ​ന്നാ​ണു സുളുകൾ വിചാ​രി​ക്കു​ന്നത്‌. ബുക്കു ലോയേറ എന്ന പേരിൽ ചിച്ചേവാ ബൈബിൾ തയ്യാറാ​ക്കുന്ന വേളയിൽ, യഹോവ എന്നതിന്റെ സ്ഥാനത്ത്‌ പരിഭാ​ഷകർ വ്യക്തി​പ​ര​മായ നാമമാ​യി ഉപയോ​ഗി​ച്ചത്‌ ചോവ്‌റ്റാ ആയിരു​ന്നു​വെന്ന്‌ 1992 ഒക്ടോ​ബ​റി​ലെ ബൈബിൾ പരിഭാ​ഷകൻ (ഇംഗ്ലീഷ്‌) എന്ന മാസി​ക​യി​ലെ ഒരു ലേഖനം റിപ്പോർട്ടു ചെയ്‌തു. “അവർക്കു പരിചി​ത​മായ, അവരെ​ന്നും ആരാധി​ച്ചി​ട്ടുള്ള ദൈവ”മാണ്‌ ചോവ്‌റ്റാ എന്ന്‌ പ്രസ്‌തുത ലേഖനം പറയുന്നു. എന്നിട്ടും, ഈ ആളുക​ളിൽ അനേക​രും മരിച്ച​വർക്ക്‌ ആത്മാക്ക​ളു​ണ്ടെന്ന്‌ വിശ്വ​സിച്ച്‌ അവരെ ആരാധി​ക്കു​ന്ന​വ​രാണ്‌. ആളുകൾ ഒരു “പരമോ​ന്ന​ത​നോട്‌” പ്രാർഥി​ക്കു​മ്പോൾ, ആരാധന ഏതുവി​ധ​മാ​യാ​ലും, ആ “പരമോ​ന്ന​തന്‌” എന്തു നാമം ഉപയോ​ഗി​ച്ചാ​ലും യഹോവ എന്ന വ്യക്തി​പ​ര​മായ നാമത്തി​നു തത്തുല്യ​മാ​കു​ക​യും അങ്ങനെ അതു സാധു​വാ​കു​ക​യും ചെയ്യു​മെ​ന്നതു സത്യമാ​ണോ? നിശ്ചയ​മാ​യും അല്ല! (യെശയ്യാ​വു 42:8; 1 കൊരി​ന്ത്യർ 10:20) ആളുക​ളു​ടെ പരമ്പരാ​ഗത വിശ്വാ​സങ്ങൾ വാസ്‌ത​വ​ത്തിൽ സത്യമാ​ണെന്നു തോന്നി​പ്പി​ക്കുന്ന എന്തെങ്കി​ലും ദൈവ​ത്തി​ന്റെ വ്യക്തി​പ​ര​മായ നാമത്തി​നു​പ​കരം ഉപയോ​ഗി​ച്ചാൽ അതു സത്യ​ദൈ​വ​ത്തോട്‌ കൂടുതൽ അടുക്കാൻ അവരെ സഹായി​ക്കു​ക​യില്ല.

8. തന്റെ നാമം അറിയി​ക്ക​പ്പെ​ട​ണ​മെന്ന ദൈ​വോ​ദ്ദേ​ശ്യം പരാജ​യ​പ്പെ​ട്ടി​ട്ടി​ല്ലാ​ത്തത്‌ എന്തു​കൊണ്ട്‌?

⁸ ഇതൊ​ന്നും തന്റെ നാമം അറിയ​പ്പെ​ട​ണ​മെന്ന യഹോ​വ​യു​ടെ ഉദ്ദേശ്യ​ത്തി​നു മാറ്റം​വ​രു​ത്തു​ക​യോ അതിനെ പരാജ​യ​പ്പെ​ടു​ത്തു​ക​യോ ചെയ്‌തി​ട്ടില്ല. യൂറോപ്പ്‌, ആഫ്രിക്ക, അമേരി​ക്കകൾ, പൗരസ്‌ത്യ​ദേ​ശങ്ങൾ, സമു​ദ്ര​ദ്വീ​പു​കൾ എന്നിവി​ട​ങ്ങ​ളി​ലെ​ല്ലാ​മുള്ള ഭാഷക​ളിൽ, ദിവ്യ​നാ​മ​മുള്ള ബൈബി​ളു​കൾ ഇപ്പോ​ഴും പ്രചാ​ര​ത്തി​ലുണ്ട്‌. 233 രാജ്യ​ങ്ങ​ളി​ലും പ്രദേ​ശ​ങ്ങ​ളി​ലു​മാ​യി 54 ലക്ഷത്തി​ല​ധി​കം യഹോ​വ​യു​ടെ സാക്ഷി​ക​ളുണ്ട്‌. അവർ സത്യ​ദൈ​വ​ത്തി​ന്റെ നാമ​ത്തെ​യും ഉദ്ദേശ്യ​ത്തെ​യും കുറിച്ചു മറ്റുള്ള​വ​രോ​ടു പറഞ്ഞു​കൊണ്ട്‌ വർഷം​തോ​റും നൂറു കോടി​യി​ല​ധി​കം മണിക്കൂർ കൂട്ടായി ചെലവ​ഴി​ക്കു​ന്നുണ്ട്‌. അവർ ഇംഗ്ലീഷ്‌, ചൈനീസ്‌, റഷ്യൻ, സ്‌പാ​നിഷ്‌, പോർച്ചു​ഗീസ്‌, ഫ്രഞ്ച്‌, ഡച്ച്‌ എന്നിവ​യുൾപ്പെടെ ഭൂമി​യി​ലെ 360 കോടി ജനങ്ങളു​ടെ ഭാഷയിൽ ദിവ്യ​നാ​മം ഉപയോ​ഗി​ക്കുന്ന ബൈബിൾ അച്ചടിച്ചു വിതരണം ചെയ്യുന്നു. ഭൂമി​യി​ലെ ജനങ്ങളിൽ ബഹുഭൂ​രി​പ​ക്ഷ​ത്തി​ന്റെ​യും ഭാഷക​ളിൽ അവർ ബൈബിൾ പഠനസ​ഹാ​യി​ക​ളും അച്ചടി​ക്കു​ന്നുണ്ട്‌. ജാതികൾ “[അവൻ] യഹോവ എന്ന്‌ അറി​യേ​ണ്ടി​വരു”മെന്ന തന്റെ പ്രഖ്യാ​പനം നിർണാ​യ​ക​മാം​വി​ധം നിവർത്തി​ക്കാൻ ദൈവം​തന്നെ ഉടനെ നടപടി സ്വീക​രി​ക്കും.—യെഹെ​സ്‌കേൽ 38:23.

വ്യക്തി​പ​ര​മായ വിശ്വാ​സങ്ങൾ പരിഭാ​ഷയെ സ്വാധീ​നി​ക്കു​മ്പോൾ

9. ദൈവ​വ​ചനം കൈകാ​ര്യം ചെയ്യു​ന്ന​വ​രു​ടെ​മേൽ ഗൗരവാ​വ​ഹ​മായ ഉത്തരവാ​ദി​ത്വം സ്ഥിതി​ചെ​യ്യു​ന്നു​വെന്ന്‌ ബൈബിൾ സൂചി​പ്പി​ക്കു​ന്ന​തെ​ങ്ങനെ?

⁹ ദൈവ​വ​ചനം പരിഭാ​ഷ​പ്പെ​ടു​ത്തു​ക​യും പഠിപ്പി​ക്കു​ക​യും ചെയ്യു​ന്ന​വ​രു​ടെ​മേൽ ഗൗരവാ​വ​ഹ​മായ ഉത്തരവാ​ദി​ത്വം സ്ഥിതി​ചെ​യ്യു​ന്നു. തന്റെ ശുശ്രൂ​ഷ​യെ​യും സഹകാ​രി​ക​ളെ​യും കുറിച്ച്‌ പൗലൊസ്‌ അപ്പോ​സ്‌തലൻ പറഞ്ഞു: “കൗശലം പ്രയോ​ഗി​ക്കാ​തെ​യും ദൈവ​വ​ച​ന​ത്തിൽ മായം ചേർക്കാ​തെ​യും ഞങ്ങൾ ലജ്ജാക​ര​മായ ഗൂഢകാ​ര്യ​ങ്ങൾ ത്യജി​ച്ചി​രി​ക്കു​ന്നു; അതേസ​മയം ഞങ്ങൾ സത്യം തുറന്നു​പ​റഞ്ഞ്‌ എല്ലാ മനുഷ്യ​രു​ടെ​യും മനസ്സാ​ക്ഷി​ക്കു ഞങ്ങളെ ദൈവ​സ​മക്ഷം സമർപ്പി​ക്കു​ക​യും ചെയ്യുന്നു.” (2 കൊരി​ന്ത്യർ 4:2, NW) മായം ചേർക്കു​ക​യെ​ന്നാൽ അന്യമാ​യ​തോ ഗുണനി​ല​വാ​ര​മി​ല്ലാ​ത്ത​തോ ആയ എന്തെങ്കി​ലും ചേർത്ത്‌ ദുഷി​പ്പി​ക്കു​ക​യെ​ന്നാ​ണർഥം. ദൈവം പറഞ്ഞ സംഗതി​കൾക്കു പകരം സ്വന്തം ആശയങ്ങൾ പ്രസം​ഗി​ച്ച​തി​നാൽ യഹോ​വ​യു​ടെ ശാസന ലഭിച്ച, യിരെ​മ്യാ​വി​ന്റെ നാളിലെ അവിശ്വസ്‌ത ഇസ്രാ​യേല്യ ഇടയന്മാ​രെ​പ്പോ​ലെ ആയിരു​ന്നില്ല പൗലൊസ്‌ അപ്പോ​സ്‌തലൻ. (യിരെ​മ്യാ​വു 23:16, 22) എന്നാൽ ആധുനിക നാളിൽ എന്താണു സംഭവി​ച്ചി​രി​ക്കു​ന്നത്‌?

10. (എ) ആധുനിക നാളിൽ ദൈവ​ത്തോ​ടുള്ള വിശ്വ​സ്‌ത​ത​യെ​ക്കാ​ളു​പരി മറ്റ്‌ ആന്തരങ്ങൾ ചില പരിഭാ​ഷ​കരെ സ്വാധീ​നി​ച്ചി​രി​ക്കു​ന്ന​തെ​ങ്ങനെ? (ബി) അവർ അനുചി​ത​മാ​യി ആരുടെ ധർമം ഏറ്റെടു​ക്കു​ക​യാ​യി​രു​ന്നു?

¹⁰ രണ്ടാം ലോക​മ​ഹാ​യു​ദ്ധ​കാ​ലത്ത്‌, ദൈവ​ശാ​സ്‌ത്ര​ജ്ഞ​ന്മാ​രു​ടെ​യും പാസ്റ്റർമാ​രു​ടെ​യും ഒരു കമ്മിറ്റി ജർമനി​യി​ലെ നാസി ഗവൺമെൻറു​മാ​യി സഹകരിച്ച്‌ “പുതിയ നിയമ”ത്തിന്റെ ഒരു പരിഷ്‌ക​രിച്ച പതിപ്പ്‌ പുറത്തി​റക്കി. അതിൽ യഹൂദ​ന്മാർക്ക്‌ അനുകൂ​ല​മായ എല്ലാ പരാമർശ​ങ്ങ​ളും യേശു​വി​ന്റെ യഹൂദ​വം​ശാ​വ​ലി​യെ​ക്കു​റി​ച്ചുള്ള എല്ലാ സൂചന​ക​ളും നീക്കി​യി​രു​ന്നു. അടുത്ത​യി​ടെ, പുതിയ നിയമ​വും സങ്കീർത്ത​ന​ങ്ങ​ളും: ഒരു സമഗ്ര ഭാഷാ​ന്തരം (ഇംഗ്ലീഷ്‌) എന്നതിന്റെ പരിഭാ​ഷകർ മറ്റൊ​രു​തരം വളച്ചൊ​ടി​ക്കൽ നടത്തി. ക്രിസ്‌തു​വി​ന്റെ മരണത്തി​ന്റെ ഉത്തരവാ​ദി​ത്വം യഹൂദ​ന്മാർക്കാ​ണെ​ന്നുള്ള സകല സൂചന​ക​ളും ഒഴിവാ​ക്കാൻ അവരതിൽ ശ്രമി​ച്ചി​രി​ക്കു​ന്നു. ദൈവത്തെ പിതാവ്‌ എന്നതി​നു​പ​കരം മാതാ-പിതാ​വെ​ന്നും യേശു​വി​നെ ദൈവ​പു​ത്രൻ എന്നതി​നു​പ​കരം അവന്റെ കുട്ടി​യെ​ന്നും പരാമർശി​ക്കു​ന്നെ​ങ്കിൽ സ്‌ത്രീ​വി​മോ​ച​ന​പ്ര​സ്ഥാ​ന​ക്കാ​രായ വായന​ക്കാർക്ക്‌ ഇഷ്ടപ്പെ​ടു​മെ​ന്നും ഈ പരിഭാ​ഷകർ കരുതി. (മത്തായി 11:27) ഭാര്യ​മാർ ഭർത്താ​ക്ക​ന്മാർക്കു കീഴ്‌പെ​ട്ടി​രി​ക്ക​ണ​മെ​ന്നും കുട്ടികൾ മാതാ​പി​താ​ക്ക​ളോട്‌ അനുസ​ര​ണ​മു​ള്ള​വ​രാ​യി​രി​ക്ക​ണ​മെന്നു​മുള്ള തത്ത്വവും പ്രസ്‌തുത പരിഭാ​ഷ​യ്‌ക്കി​ട​യിൽ അവർ നീക്കി​ക്ക​ളഞ്ഞു. (കൊ​ലൊ​സ്സ്യർ 3:18, 20) അത്തരം പരിഭാ​ഷ​ക​ളു​ടെ നിർമാ​താ​ക്കൾ ‘ദൈവ​വ​ച​ന​ത്തിൽ മായം ചേർക്കി​ല്ലെ’ന്ന പൗലൊ​സി​ന്റെ ദൃഢനി​ശ്ച​യ​ത്തിൽ പങ്കു​ചേർന്നി​ല്ലെന്നു വ്യക്തം. അവർ പരിഭാ​ഷ​കന്റെ ധർമം വിസ്‌മ​രിച്ച്‌ രചയി​താ​വി​ന്റെ കുപ്പാ​യ​മ​ണി​ഞ്ഞു, അങ്ങനെ സ്വന്തം അഭി​പ്രാ​യ​ങ്ങ​ളു​ടെ ഉന്നമന​ത്തി​നാ​യി ബൈബി​ളി​ന്റെ ഖ്യാതി ഉപയോ​ഗ​പ്പെ​ടു​ത്തി അവർ പുസ്‌ത​കങ്ങൾ നിർമി​ച്ചു.

11. ദേഹി​യെ​യും മരണ​ത്തെ​യും കുറിച്ചു ബൈബിൾ പറയു​ന്ന​തും ക്രൈ​സ്‌ത​വ​ലോ​ക​ത്തി​ന്റെ പഠിപ്പി​ക്ക​ലു​ക​ളും പരസ്‌പ​ര​വി​രു​ദ്ധ​മാ​യി​രി​ക്കു​ന്ന​തെ​ങ്ങനെ?

¹¹ മനുഷ്യ​ദേഹി ആത്മാവാ​ണെ​ന്നും അതു മരണത്തി​ങ്കൽ ശരീരത്തെ വേർപി​രി​യു​ന്നു​വെ​ന്നും അമർത്യ​മാ​ണെ​ന്നും ക്രൈ​സ്‌ത​വ​ലോ​ക​ത്തി​ലെ സഭകൾ പൊതു​വേ പഠിപ്പി​ക്കു​ന്നു. അതിനു വിപരീ​ത​മാ​യി, മനുഷ്യ​രും മൃഗങ്ങ​ളും ദേഹി​ക​ളാ​ണെ​ന്നും ദേഹി മരിക്കു​ന്നു​വെ​ന്നും മിക്ക ഭാഷക​ളി​ലെ​യും പഴയ പരിഭാ​ഷകൾ വ്യക്തമാ​യി പ്രസ്‌താ​വി​ക്കു​ന്നു. (ഉല്‌പത്തി 12:5; 36:6; സംഖ്യാ​പു​സ്‌തകം 31:28; യാക്കോബ്‌ 5:20) അതു പുരോ​ഹി​ത​വർഗത്തെ അമ്പരപ്പി​ച്ചി​രു​ന്നു.

12. ചില സമീപ​കാല പരിഭാ​ഷകൾ അടിസ്ഥാന ബൈബിൾ സത്യങ്ങൾ മറച്ചു​പി​ടി​ക്കു​ന്ന​തെ​ങ്ങനെ?

¹² ഇപ്പോൾ ചില പുതിയ പരിഭാ​ഷകൾ ഈ സത്യങ്ങളെ പുകമ​റ​യ്‌ക്കു​ള്ളി​ലാ​ക്കു​ന്നു. എങ്ങനെ? ചില ഭാഗങ്ങ​ളിൽ അവർ നീഫെഷ്‌ (ദേഹി) എന്ന എബ്രായ നാമം നേരിട്ട്‌ പരിഭാ​ഷ​പ്പെ​ടു​ത്തു​ന്നത്‌ ഒഴിവാ​ക്കു​ന്നു. ഉല്‌പത്തി 2:7-ൽ, ആദ്യ മനുഷ്യൻ (“ജീവനുള്ള ദേഹി​യാ​യി​ത്തീർന്നു” എന്നതി​നു​പ​കരം) “ജീവി​ക്കാൻ തുടങ്ങി” എന്ന്‌ അവർ പറഞ്ഞേ​ക്കാം. അല്ലെങ്കിൽ മൃഗങ്ങ​ളു​ടെ കാര്യ​ത്തിൽ “ദേഹി” എന്നതി​നു​പ​കരം “ജീവജന്തു” എന്ന്‌ അവർ പറഞ്ഞേ​ക്കാം. (ഉല്‌പത്തി 1:21) യെഹെ​സ്‌കേൽ 18:4, 20 പോലുള്ള വാക്യ​ങ്ങ​ളിൽ, (“ദേഹി” എന്നതി​നു​പ​കരം) അവർ “വ്യക്തി” മരിക്കു​ന്ന​താ​യി പറയുന്നു. അത്തരം വിവർത്ത​ന​ങ്ങളെ പരിഭാ​ഷകൻ ന്യായീ​ക​രി​ച്ചേ​ക്കാം. എന്നാൽ ഇപ്പോൾത്തന്നെ ക്രൈ​സ്‌ത​വ​ലോ​ക​ത്തി​ന്റെ തിരു​വെ​ഴു​ത്തു​വി​രു​ദ്ധ​മായ പഠിപ്പി​ക്ക​ലു​ക​ളാൽ സ്വാധീ​നി​ക്ക​പ്പെ​ട്ടി​രി​ക്കുന്ന, ആത്മാർഥ​ത​യുള്ള സത്യാ​ന്വേ​ഷിക്ക്‌ അവ എന്തുമാ​ത്രം സഹായം ചെയ്യും?b

13. ഭൂമി​യെ​ക്കു​റി​ച്ചുള്ള ദൈ​വോ​ദ്ദേ​ശ്യം ചില ബൈബിൾ പരിഭാ​ഷകൾ മറച്ചു​പി​ടി​ച്ചി​രി​ക്കു​ന്ന​തെ​ങ്ങനെ?

¹³ എല്ലാ നല്ലയാ​ളു​ക​ളും സ്വർഗ​ത്തിൽ പോകു​മെ​ന്നുള്ള തങ്ങളുടെ വിശ്വാ​സത്തെ പിന്തു​ണ​യ്‌ക്കാ​നുള്ള ശ്രമത്തിൽ പരിഭാ​ഷ​ക​രോ അവരുടെ വിവർത്തനം അവലോ​കനം നടത്തുന്ന ദൈവ​ശാ​സ്‌ത്ര​ജ്ഞ​ന്മാ​രോ ഭൂമിയെ കുറി​ച്ചുള്ള ദൈ​വോ​ദ്ദേ​ശ്യം സംബന്ധി​ച്ചു ബൈബിൾ പറയു​ന്നതു മറച്ചു​പി​ടി​ക്കാൻ ശ്രമി​ച്ചേ​ക്കാം. സങ്കീർത്തനം 37:11-ൽ, പല പരിഭാ​ഷ​ക​ളും താഴ്‌മ​യു​ള്ളവർ “ദേശം” സ്വന്തമാ​ക്കും എന്നാണു പരിഭാ​ഷ​പ്പെ​ടു​ത്തു​ന്നത്‌. “ദേശം” എന്നത്‌ എബ്രായ പാഠത്തിൽ ഉപയോ​ഗി​ച്ചി​രി​ക്കുന്ന പദത്തിന്റെ (എരെറ്റ്‌സ്‌) ഒരു സാധ്യ​മായ അർഥമേ ആകുന്നു​ള്ളൂ. എന്നിരു​ന്നാ​ലും, (മറ്റനേകം ഭാഷക​ളി​ലേ​ക്കുള്ള പരിഭാ​ഷ​കൾക്ക്‌ അടിസ്ഥാ​ന​മാ​യി​ട്ടുള്ള) ടുഡേ​യ്‌സ്‌ ഇംഗ്ലീഷ്‌ വേർഷൻ കുറച്ചു​കൂ​ടെ സ്വാത​ന്ത്ര്യ​മെ​ടു​ക്കു​ന്നു. ഈ പരിഭാഷ മത്തായി​യു​ടെ സുവി​ശേ​ഷ​ത്തിൽ ഗ്രീക്കു പദമായ ഗെ എന്നത്‌ 17 പ്രാവ​ശ്യം “ഭൂമി” എന്നു വിവർത്തനം ചെയ്യു​ന്നു​ണ്ടെ​ങ്കി​ലും, മത്തായി 5:5-ൽ “ഭൂമി” എന്നതി​നു​പ​കരം “ദൈവം വാഗ്‌ദാ​നം ചെയ്‌തി​രി​ക്കു​ന്നത്‌” എന്നാണു വിവർത്തനം ചെയ്യു​ന്നത്‌. സഭാം​ഗങ്ങൾ സ്വാഭാ​വി​ക​മാ​യും സ്വർഗ​ത്തെ​ക്കു​റി​ച്ചു ചിന്തി​ച്ചു​കൊ​ള്ളും. ഗിരി​പ്ര​ഭാ​ഷ​ണ​ത്തിൽ യേശു​ക്രി​സ്‌തു പറഞ്ഞത്‌ സൗമ്യ​ത​യു​ള്ളവർ അഥവാ താഴ്‌മ​യു​ള്ളവർ “ഭൂമിയെ അവകാ​ശ​മാ​ക്കു”മെന്നാ​ണെ​ന്നുള്ള വിവരം അവരെ സത്യസ​ന്ധ​മാ​യി അറിയി​ക്കു​ന്നില്ല.

14. ചില ബൈബിൾ പരിഭാ​ഷ​ക​ളിൽ ഏതു സ്വാർഥ ആന്തരങ്ങൾ പ്രകട​മാണ്‌?

¹⁴ മതപ്ര​സം​ഗ​കർക്കു നല്ല ശമ്പളം ലഭിക്ക​ണ​മെന്ന ലക്ഷ്യ​ത്തോ​ടെ തിരു​വെ​ഴു​ത്തു​ക​ളു​ടെ വിവർത്തനം നിർവ​ഹി​ച്ചി​രി​ക്കുന്ന ചില പരിഭാ​ഷ​ക​ളു​മുണ്ട്‌. വ്യക്തമാ​യും വാക്കു​കൾക്കു മാറ്റം​വ​രു​ത്തി​യാണ്‌ അവരതു ചെയ്യു​ന്നത്‌. “വേലക്കാ​രൻ തന്റെ കൂലിക്കു യോഗ്യ”നാണെന്നു ബൈബിൾ പ്രസ്‌താ​വി​ക്കു​ന്നു​ണ്ടെ​ന്നത്‌ ശരിതന്നെ. (1 തിമൊ​ഥെ​യൊസ്‌ 5:18) എന്നാൽ നല്ല രീതി​യിൽ അധ്യക്ഷ​സ്ഥാ​നം വഹിക്കുന്ന പ്രായ​മേ​റിയ പുരു​ഷ​ന്മാർ “ഇരട്ടി ബഹുമാ​ന​ത്തിന്‌ അർഹരാ​യി പരിഗ​ണിക്ക”പ്പെടണ​മെന്നു പറയുന്ന 1 തിമൊ​ഥെ​യൊസ്‌ 5:17-ൽ, ചിലർ പരാമർശ​യോ​ഗ്യ​മാ​യി കാണുന്ന ഒരേ​യൊ​രു “ബഹുമാ​നം” സാമ്പത്തി​ക​മാണ്‌. (1 പത്രൊസ്‌ 5:2 താരത​മ്യം ചെയ്യുക.) അങ്ങനെ, ഈ മൂപ്പന്മാർ “ഇരട്ടി ശമ്പളത്തിന്‌ അർഹരാ​യി പരിഗ​ണിക്ക”പ്പെടണ​മെന്നു ന്യൂ ഇംഗ്ലീഷ്‌ ബൈബി​ളും അവർ “ഇരട്ടി പ്രതി​ഫലം അർഹി​ക്കു​ന്നു”വെന്നു കൺട​മ്പ്രറി ഇംഗ്ലീഷ്‌ വേർഷ​നും പറയുന്നു.

ദൈവ​വ​ചനം വിശ്വ​സ്‌ത​ത​യോ​ടെ ഉയർത്തി​പ്പി​ടി​ക്കൽ

15. ഏതു ബൈബിൾ പരിഭാ​ഷകൾ ഉപയോ​ഗി​ക്കാ​മെന്നു നമു​ക്കെ​ങ്ങനെ നിർണ​യി​ക്കാം?

¹⁵ ബൈബി​ളി​ന്റെ ഓരോ വായന​ക്കാ​ര​നും മറ്റുള്ള​വരെ പഠിപ്പി​ക്കാൻ അതുപ​യോ​ഗി​ക്കു​ന്ന​വർക്കും ഇതെല്ലാം എന്ത്‌ അർഥമാ​ക്കു​ന്നു? വ്യാപ​ക​മാ​യി ഉപയോ​ഗി​ക്ക​പ്പെ​ടുന്ന മിക്ക ഭാഷക​ളി​ലും, ഒന്നില​ധി​കം ബൈബിൾ പരിഭാ​ഷകൾ ലഭ്യമാണ്‌. നിങ്ങളു​ടെ ഉപയോ​ഗ​ത്തി​നാ​യി ബൈബിൾ തിര​ഞ്ഞെ​ടു​ക്കു​മ്പോൾ വിവേകം പ്രകട​മാ​ക്കുക. (സദൃശ​വാ​ക്യ​ങ്ങൾ 19:8) ഒരു പരിഭാഷ ദൈവം ആരെന്ന​തി​നെ​ക്കു​റിച്ച്‌ സത്യസ​ന്ധ​മാ​യി പറയു​ന്നി​ല്ലെ​ങ്കിൽ—എന്തു കാരണ​ത്താ​ലാ​യാ​ലും അവന്റെ നിശ്വസ്‌ത വചനത്തിൽനിന്ന്‌ അവന്റെ നാമം നീക്കി​ക്ക​ള​യു​ന്നെ​ങ്കിൽ—പരിഭാ​ഷകർ ബൈബി​ളി​ന്റെ മറ്റു ഭാഗങ്ങ​ളി​ലും കൃത്രി​മ​ത്വം കാട്ടി​യി​ട്ടു​ണ്ടാ​യി​രി​ക്കു​മോ? വിവർത്ത​ന​ത്തി​ന്റെ സാധു​ത​യിൽ സംശയം തോന്നു​മ്പോൾ, പഴയ പരിഭാ​ഷ​ക​ളു​മാ​യി അതിനെ താരത​മ്യം ചെയ്യാൻ ശ്രമി​ക്കുക. നിങ്ങൾ ദൈവ​വ​ചനം പഠിപ്പി​ക്കുന്ന വ്യക്തി​യാ​ണെ​ങ്കിൽ, എബ്രായ-ഗ്രീക്കു മൂല​ത്തോട്‌ അടുത്തു പറ്റിനിൽക്കുന്ന പരിഭാ​ഷകൾ ഉപയോ​ഗി​ക്കുക.

16. ദൈവ​ത്തി​ന്റെ നിശ്വസ്‌ത വചനത്തി​ന്റെ ഉപയോ​ഗ​ത്തിൽ നമുക്ക്‌ ഓരോ​രു​ത്തർക്കും എങ്ങനെ വിശ്വ​സ്‌തത പ്രകട​മാ​ക്കാ​നാ​കും?

¹⁶ വ്യക്തി​പ​ര​മാ​യി നാമെ​ല്ലാ​വ​രും ദൈവ​വ​ച​ന​ത്തോ​ടു വിശ്വ​സ്‌ത​രാ​യി​രി​ക്കണം. അതിന്റെ ഉള്ളടക്ക​ത്തിൽ വേണ്ടത്ര ശ്രദ്ധി​ച്ചു​കൊ​ണ്ടു നമുക്കു വിശ്വ​സ്‌ത​രാ​യി​രി​ക്കാ​വു​ന്ന​താണ്‌, സാധ്യ​മെ​ങ്കിൽ, ദിവസേന ബൈബിൾ വായി​ക്കു​ന്ന​തി​നു നാം സമയം ചെലവ​ഴി​ക്കണം. (സങ്കീർത്തനം 1:1-3) അതിൽ പറഞ്ഞി​രി​ക്കുന്ന സംഗതി നമ്മുടെ ജീവി​ത​ത്തിൽ പൂർണ​മാ​യും ബാധക​മാ​ക്കി​ക്കൊ​ണ്ടും ശരിയായ തീരു​മാ​നങ്ങൾ എടുക്കു​ന്ന​തി​നുള്ള അടിസ്ഥാ​ന​മെന്ന നിലയിൽ അതിലെ തത്ത്വങ്ങ​ളും മാതൃ​ക​ക​ളും ഉപയോ​ഗ​പ്പെ​ടു​ത്താൻ പഠിച്ചു​കൊ​ണ്ടും നമുക്കു വിശ്വ​സ്‌ത​രാ​കാ​വു​ന്ന​താണ്‌. (റോമർ 12:2; എബ്രായർ 5:14) മറ്റുള്ള​വ​രോ​ടു സതീക്ഷ്‌ണം പ്രസം​ഗി​ച്ചു​കൊ​ണ്ടു നാം ദൈവ​വ​ച​ന​ത്തി​ന്റെ വിശ്വസ്‌ത വക്താക്ക​ളാ​ണെന്നു പ്രകട​മാ​ക്കു​ന്നു. ബൈബിൾ ശ്രദ്ധാ​പൂർവം ഉപയോ​ഗി​ച്ചു​കൊ​ണ്ടും ഒരിക്ക​ലും വളച്ചൊ​ടി​ക്കാ​തെ​യും, അല്ലെങ്കിൽ നമ്മുടെ ആശയങ്ങൾക്കു പിന്തു​ണ​യാ​കും​വി​ധം വ്യാഖ്യാ​നി​ക്കാ​തെ​യും നാം വിശ്വ​സ്‌തത പ്രകട​മാ​ക്കു​ന്നു. (2 തിമൊ​ഥെ​യൊസ്‌ 2:15) ദൈവം മുൻകൂ​ട്ടി​പ്പ​റ​ഞ്ഞി​രി​ക്കു​ന്നത്‌ പിഴവു പറ്റാ​തെ​തന്നെ സംഭവി​ക്കും. തന്റെ വചനം നിവർത്തി​ക്കു​ന്ന​തിൽ അവൻ വിശ്വ​സ്‌ത​നാണ്‌. അത്‌ ഉയർത്തി​പ്പി​ടി​ക്കു​ന്ന​തിൽ നമുക്കും വിശ്വ​സ്‌ത​രാ​യി​രി​ക്കാം.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ ആധുനിക കാലത്ത്‌ ഏത്‌ ആന്തരങ്ങൾ ബൈബിൾ പരിഭാ​ഷാ​വൃ​ത്തി​യെ സ്വാധീ​നി​ച്ചി​രി​ക്കു​ന്നു?

□ ആധുനിക പരിഭാ​ഷാ പ്രവണ​തകൾ ദൈവ​നാ​മം സംബന്ധിച്ച ദൈവ​ത്തി​ന്റെ ഉദ്ദേശ്യ​ത്തെ പരാജ​യ​പ്പെടു​ത്തി​യി​ട്ടി​ല്ലാ​ത്ത​തെ​ന്തു​കൊണ്ട്‌?

□ ദേഹി, മരണം, ഭൂമി എന്നിവ​യെ​ക്കു​റി​ച്ചുള്ള ബൈബിൾ സത്യങ്ങൾ ചില പരിഭാ​ഷകൾ മറച്ചു​പി​ടി​ക്കു​ന്ന​തെ​ങ്ങനെ?

□ ദൈവ​വ​ചനം വിശ്വ​സ്‌ത​ത​യോ​ടെ ഉയർത്തി​പ്പി​ടി​ക്കു​ന്നു​വെന്ന്‌ നമുക്ക്‌ ഏതെല്ലാം വിധങ്ങ​ളിൽ പ്രകട​മാ​ക്കാം?

[16-ാം പേജിലെ ചിത്രം]

ഏതു ബൈബിൾ പരിഭാ​ഷ​യാണ്‌ ഉപയോ​ഗി​ക്കേ​ണ്ടത്‌?