വേറെ ആടുക​ളും പുതിയ ഉടമ്പടി​യും

‘അന്യജാ​തി​ക്കാ​രെ [“പരദേ​ശി​കളെ,” “NW”], ശബ്ബത്തിനെ അശുദ്ധ​മാ​ക്കാ​തെ ആചരി​ക്ക​യും എന്റെ നിയമം പ്രമാ​ണി​ച്ചു നടക്കയും ചെയ്യു​ന്ന​വരെ ഒക്കെയും തന്നേ, ഞാൻ എന്റെ വിശു​ദ്ധ​പർവ്വ​ത​ത്തി​ലേക്കു കൊണ്ടു​വ​രും’.—യെശയ്യാ​വു 56:6, 7.

1. (എ) യോഹ​ന്നാ​ന്റെ ദർശന​പ്ര​കാ​രം, യഹോ​വ​യു​ടെ ന്യായ​വി​ധി​യു​ടെ കാററ്‌ പിടി​ച്ചു​നിർത്ത​പ്പെ​ട്ടി​രി​ക്കവേ എന്തു നിർവ​ഹി​ക്ക​പ്പെ​ടു​ന്നു? (ബി) യോഹ​ന്നാൻ ഏതു പ്രത്യേക കൂട്ടത്തെ കാണുന്നു?

വെളി​പ്പാ​ടു പുസ്‌ത​ക​ത്തി​ലെ നാലാ​മത്തെ ദർശന​ത്തിൽ, “ദൈവ​ത്തി​ന്റെ യിസ്രാ​യേലി”ൽപ്പെട്ട എല്ലാ അംഗങ്ങ​ളെ​യും മുദ്ര​യി​ട്ടു​ക​ഴി​യു​വോ​ളം യഹോ​വ​യു​ടെ ന്യായ​വി​ധി​യു​ടെ വിനാ​ശ​ക്കാറ്റ്‌ പിടി​ച്ചു​നിർത്ത​പ്പെ​ട്ടി​രി​ക്കു​ന്ന​താ​യി യോഹ​ന്നാൻ അപ്പോ​സ്‌തലൻ കണ്ടു. അബ്രാ​ഹാ​മി​ന്റെ സന്തതി​യു​ടെ മുഖ്യ​ഭാ​ഗ​മായ യേശു​വി​ലൂ​ടെ ആദ്യം അനു​ഗ്ര​ഹി​ക്ക​പ്പെ​ടു​ന്നത്‌ ഇവരാണ്‌. (ഗലാത്യർ 6:16; ഉല്‌പത്തി 22:18; വെളി​പ്പാ​ടു 7:1-4) അതേ ദർശന​ത്തിൽത്തന്നെ, യോഹ​ന്നാൻ “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ളതായി ആർക്കും എണ്ണിക്കൂ​ടാത്ത ഒരു മഹാപു​രു​ഷാര”ത്തെ കണ്ടു. “രക്ഷ എന്നുള്ളതു സിംഹാ​സ​ന​ത്തിൽ ഇരിക്കു​ന്ന​വ​നായ നമ്മുടെ ദൈവ​ത്തി​ന്റെ​യും കുഞ്ഞാ​ടി​ന്റെ​യും ദാനം എന്നു അവർ അത്യു​ച്ച​ത്തിൽ ആർത്തു​കൊ​ണ്ടി​രു​ന്നു.” (വെളി​പ്പാ​ടു 7:9, 10) ‘രക്ഷ എന്നുള്ളതു കുഞ്ഞാ​ടി​ന്റെ ദാനം’ എന്നു പറയു​ന്ന​തി​നാൽ, അബ്രാ​ഹാ​മി​ന്റെ സന്തതി​യി​ലൂ​ടെ തങ്ങളും അനു​ഗ്ര​ഹി​ക്ക​പ്പെ​ടു​ന്നു​വെ​ന്നാ​ണു മഹാപു​രു​ഷാ​രം പ്രകട​മാ​ക്കു​ന്നത്‌.

2. മഹാപു​രു​ഷാ​രം പ്രത്യ​ക്ഷ​പ്പെ​ട്ട​തെ​പ്പോൾ, അതെങ്ങനെ തിരി​ച്ച​റി​യി​ക്ക​പ്പെ​ടു​ന്നു?

² ഈ മഹാപു​രു​ഷാ​രം 1935-ൽ തിരി​ച്ച​റി​യി​ക്ക​പ്പെട്ടു, ഇന്ന്‌ അവരുടെ എണ്ണം 50 ലക്ഷത്തി​ലേ​റെ​യാണ്‌. മഹോ​പ​ദ്ര​വത്തെ അതിജീ​വി​ക്കാൻ അടയാ​ള​മി​ട​പ്പെ​ട്ടി​രി​ക്കു​ന്ന​തി​നാൽ, യേശു “കോലാ​ടു​കളി”ൽനിന്നു “ചെമ്മരി​യാ​ടു​കളെ” വേർതി​രി​ക്കു​മ്പോൾ അതിലെ അംഗങ്ങൾ നിത്യ​ജീ​വ​നാ​യി വേർതി​രി​ക്ക​പ്പെ​ടും. യേശു​വി​ന്റെ ആട്ടിൻതൊ​ഴു​ത്തു​ക​ളു​ടെ ഉപമയി​ലെ “വേറെ ആടുകളി”ൽ മഹാപു​രു​ഷാ​ര​ത്തിൽപ്പെട്ട ക്രിസ്‌ത്യാ​നി​കൾ ഉൾപ്പെ​ടു​ന്നു. അവർ പറുദീ​സാ​ഭൂ​മി​യിൽ എന്നേക്കും ജീവി​ക്കാൻ പ്രത്യാ​ശി​ക്കു​ന്ന​വ​രാണ്‌.—മത്തായി 25:31-46; യോഹ​ന്നാൻ 10:16; വെളി​പ്പാ​ടു 21:3, 4.

3. പുതിയ ഉടമ്പടി​യോ​ടുള്ള ബന്ധത്തിൽ അഭിഷിക്ത ക്രിസ്‌ത്യാ​നി​ക​ളും വേറെ ആടുക​ളും വ്യത്യ​സ്‌ത​രാ​യി​രി​ക്കു​ന്ന​തെ​ങ്ങനെ?

³ 1,44,000 പേർക്ക്‌ അബ്രാ​ഹാ​മ്യ ഉടമ്പടി​യു​ടെ അനു​ഗ്രഹം പുതിയ ഉടമ്പടി​യി​ലൂ​ടെ ലഭിക്കു​ന്നു. ഈ ഉടമ്പടി​യി​ലെ പങ്കാളി​കൾ എന്നനി​ല​യിൽ, അവർ ‘അനർഹ​ദ​യ​യ്‌ക്കു കീഴി​ലും’ ‘ക്രിസ്‌തു​വി​ന്റെ നിയമ​ത്തി​നു കീഴി​ലും’ വരുന്നു. (റോമർ 6:15; 1 കൊരി​ന്ത്യർ 9:21, NW) അതു​കൊണ്ട്‌, ദൈവ​ത്തി​ന്റെ ഇസ്രാ​യേ​ലി​ലെ 1,44,000 അംഗങ്ങൾമാ​ത്രമേ യേശു​വി​ന്റെ മരണത്തി​ന്റെ സ്‌മാ​ര​കാ​ഘോ​ഷ​ത്തിൽ ചിഹ്നങ്ങ​ളിൽ ഉചിത​മാ​യി പങ്കുപ​റ്റി​യി​ട്ടു​ള്ളൂ. അവരു​മാ​യി മാത്ര​മാണ്‌ യേശു ഒരു രാജ്യ​ത്തി​നാ​യുള്ള ഉടമ്പടി ചെയ്‌തി​രി​ക്കു​ന്നത്‌. (ലൂക്കൊസ്‌ 22:19, 20, 29) മഹാപു​രു​ഷാ​ര​ത്തിൽപ്പെ​ട്ടവർ പുതിയ ഉടമ്പടി​യിൽ പങ്കാളി​കളല്ല. എന്നിരു​ന്നാ​ലും, അവർ ദൈവ​ത്തി​ന്റെ ഇസ്രാ​യേ​ലു​മാ​യി സഹവസി​ക്കു​ക​യും അവരോ​ടു​കൂ​ടെ അവരുടെ “ദേശ”ത്ത്‌ പാർക്കു​ക​യും ചെയ്യുന്നു. (യെശയ്യാ​വു 66:8) അതു​കൊണ്ട്‌ യഹോ​വ​യു​ടെ അനർഹ​ദ​യ​യ്‌ക്കു കീഴി​ലും ക്രിസ്‌തു​വി​ന്റെ നിയമ​ത്തി​നു കീഴി​ലും അവർ വരുന്നു​വെന്നു പറയു​ന്നത്‌ ന്യായ​യു​ക്ത​മാണ്‌. പുതിയ ഉടമ്പടി​യിൽ പങ്കാളി​ക​ള​ല്ലെ​ങ്കി​ലും, അവർ അതിന്റെ ഗുണ​ഭോ​ക്താ​ക്ക​ളാണ്‌.

‘പരദേ​ശി​ക​ളും’ ‘ദൈവ​ത്തി​ന്റെ ഇസ്രാ​യേ​ലും’

4, 5. (എ) യെശയ്യാ​വു പറയു​ന്ന​പ്ര​കാ​രം, ഏതു കൂട്ടം യഹോ​വയെ സേവി​ക്കും? (ബി) യെശയ്യാ​വു 56:6, 7 മഹാപു​രു​ഷാ​ര​ത്തി​ന്റെ കാര്യ​ത്തിൽ നിവർത്തി​ക്ക​പ്പെ​ടു​ന്ന​തെ​ങ്ങനെ?

⁴ യെശയ്യാ പ്രവാ​ചകൻ എഴുതി: “യഹോ​വയെ സേവിച്ചു, അവന്റെ നാമത്തെ സ്‌നേ​ഹി​ച്ചു, അവന്റെ ദാസന്മാ​രാ​യി​രി​ക്കേ​ണ്ട​തി​ന്നു യഹോ​വ​യോ​ടു ചേർന്നു​വ​രുന്ന അന്യജാ​തി​ക്കാ​രെ [“പരദേ​ശി​കളെ,” NW], ശബ്ബത്തിനെ അശുദ്ധ​മാ​ക്കാ​തെ ആചരി​ക്ക​യും എന്റെ നിയമം പ്രമാ​ണി​ച്ചു നടക്കയും ചെയ്യു​ന്ന​വരെ ഒക്കെയും തന്നേ, ഞാൻ എന്റെ വിശു​ദ്ധ​പർവ്വ​ത​ത്തി​ലേക്കു കൊണ്ടു​വന്നു, എന്റെ പ്രാർത്ഥ​നാ​ല​യ​ത്തിൽ അവരെ സന്തോ​ഷി​പ്പി​ക്കും; അവരുടെ ഹോമ​യാ​ഗ​ങ്ങ​ളും ഹനനയാ​ഗ​ങ്ങ​ളും എന്റെ യാഗപീ​ഠ​ത്തി​ന്മേൽ പ്രസാ​ദ​ക​ര​മാ​യി​രി​ക്കും.” (യെശയ്യാ​വു 56:6, 7) ഇസ്രാ​യേ​ലിൽ ‘പരദേ​ശി​കൾ,’ ഇസ്രാ​യേ​ല്യേ​തരർ യഹോ​വ​യു​ടെ നാമത്തെ സ്‌നേ​ഹി​ക്കു​ക​യും ന്യായ​പ്ര​മാണ ഉടമ്പടി​യു​ടെ വ്യവസ്ഥകൾ അനുസ​രി​ക്കു​ക​യും ശബത്ത്‌ കാക്കു​ക​യും ദൈവ​ത്തി​ന്റെ “പ്രാർത്ഥ​നാ​ലയ”മായ ആലയത്തിൽ യാഗങ്ങൾ അർപ്പി​ക്കു​ക​യും ചെയ്‌തു​കൊണ്ട്‌ അവനെ ആരാധി​ക്കു​മെന്ന്‌ ഇത്‌ അർഥമാ​ക്കി.—മത്തായി 21:13.

⁵ നമ്മുടെ നാളിൽ, ‘യഹോ​വ​യോ​ടു ചേർന്നു​വ​ന്നി​രി​ക്കുന്ന’ പരദേ​ശി​കൾ മഹാപു​രു​ഷാ​ര​മാണ്‌. ദൈവ​ത്തി​ന്റെ ഇസ്രാ​യേ​ലു​മാ​യി സഹവസിച്ച്‌ ഇവർ യഹോ​വയെ സേവി​ക്കു​ന്നു. (സെഖര്യാവ്‌ 8:23) ദൈവ​ത്തി​ന്റെ ഇസ്രാ​യേ​ലി​നെ​പ്പോ​ലെ അവർ അതേ സ്വീകാ​ര്യ യാഗങ്ങൾതന്നെ അർപ്പി​ക്കു​ന്നു. (എബ്രായർ 13:15, 16) അവർ ദൈവ​ത്തി​ന്റെ “പ്രാർത്ഥ​നാ​ലയ”മായ ആത്മീയ ആലയത്തിൽ ആരാധി​ക്കു​ന്നു. (വെളി​പ്പാ​ടു 7:15 താരത​മ്യം ചെയ്യുക.) അവർ വാരം​തോ​റു​മുള്ള ശബത്ത്‌ ആചരി​ക്കു​ന്നു​ണ്ടോ? അഭിഷി​ക്ത​രോ വേറെ ആടുക​ളോ ഇതു ചെയ്യാൻ കൽപ്പി​ക്ക​പ്പെ​ടു​ന്നില്ല. (കൊ​ലൊ​സ്സ്യർ 2:16, 17) എന്നിരു​ന്നാ​ലും, പൗലൊസ്‌ അഭിഷിക്ത എബ്രായ ക്രിസ്‌ത്യാ​നി​ക​ളോ​ടു പറഞ്ഞു: “ദൈവ​ത്തി​ന്റെ ജനത്തിന്നു ഒരു ശബ്ബത്തനു​ഭവം [“ശബത്ത്‌ വിശ്രമം,” NW] ശേഷി​ച്ചി​രി​ക്കു​ന്നു. ദൈവം തന്റെ പ്രവൃ​ത്തി​ക​ളിൽനി​ന്നു എന്നപോ​ലെ അവന്റെ സ്വസ്ഥത​യിൽ പ്രവേ​ശി​ച്ചവൻ താനും തന്റെ പ്രവൃ​ത്തി​ക​ളിൽനി​ന്നു നിവൃ​ത്ത​നാ​യി​ത്തീർന്നു.” (എബ്രായർ 4:9, 10) ആ എബ്രായർ “ദൈവ​ത്തി​ന്റെ നീതിക്കു” തങ്ങളെ​ത്തന്നെ കീഴ്‌പെ​ടു​ത്തു​ക​യും ന്യായ​പ്ര​മാ​ണ​ത്തി​ന്റെ പ്രവൃ​ത്തി​ക​ളാൽ സ്വയം ന്യായീ​ക​രി​ക്കാൻ ശ്രമി​ക്കു​ന്ന​തിൽനി​ന്നു വിശ്ര​മി​ക്കു​ക​യും ചെയ്‌ത​പ്പോൾ അവർ ഈ “ശബത്ത്‌ വിശ്രമ”ത്തിൽ പ്രവേ​ശി​ച്ചു. (റോമർ 10:3, 4) അഭിഷിക്ത വിജാ​തീയ ക്രിസ്‌ത്യാ​നി​ക​ളും യഹോ​വ​യു​ടെ നീതിക്കു തങ്ങളെ​ത്തന്നെ കീഴ്‌പെ​ടു​ത്തി​ക്കൊണ്ട്‌ അതേ വിശ്രമം ആസ്വദി​ക്കു​ന്നു. ആ വിശ്ര​മ​ത്തിൽ മഹാപു​രു​ഷാ​രം അവരോ​ടു ചേരുന്നു.

6. ഇന്നു വേറെ ആടുകൾ പുതിയ ഉടമ്പടി​ക്കു കീഴ്‌പെ​ടു​ന്ന​തെ​ങ്ങനെ?

⁶ കൂടാതെ, പുരാതന നാളിലെ പരദേ​ശി​കൾ ന്യായ​പ്ര​മാണ ഉടമ്പടി​ക്കു കീഴ്‌പെ​ട്ട​തു​പോ​ലെ വേറെ ആടുകൾ പുതിയ ഉടമ്പടി​ക്കു കീഴ്‌പെ​ടു​ന്നു. ഏതു വിധത്തിൽ? അതിൽ പങ്കാളി​ക​ളാ​യി​ക്കൊ​ണ്ടല്ല, അതുമാ​യി ബന്ധപ്പെട്ട നിയമ​ങ്ങൾക്കു കീഴ്‌പെ​ട്ടു​കൊ​ണ്ടും അതിന്റെ ക്രമീ​ക​ര​ണ​ങ്ങ​ളിൽനി​ന്നു പ്രയോ​ജനം അനുഭ​വി​ച്ചു​കൊ​ണ്ടും. (യിരെ​മ്യാ​വു 31:33, 34 താരത​മ്യം ചെയ്യുക.) തങ്ങളുടെ അഭിഷിക്ത സഹകാ​രി​ക​ളെ​പ്പോ​ലെ, വേറെ ആടുകൾ യഹോ​വ​യു​ടെ ന്യായ​പ്ര​മാ​ണം ‘തങ്ങളുടെ ഹൃദയ​ങ്ങ​ളിൽ’ എഴുതി​യി​രി​ക്കു​ന്നു. അവർ യഹോ​വ​യു​ടെ കൽപ്പന​ക​ളെ​യും തത്ത്വങ്ങ​ളെ​യും ആഴമായി ഇഷ്ടപ്പെ​ടു​ക​യും അവ അനുസ​രി​ക്കു​ക​യും ചെയ്യുന്നു. (സങ്കീർത്തനം 37:31; 119:97) അഭിഷിക്ത ക്രിസ്‌ത്യാ​നി​ക​ളെ​പ്പോ​ലെ, അവർക്കു യഹോ​വയെ അറിയാം. (യോഹ​ന്നാൻ 17:3) പരി​ച്ഛേ​ദ​ന​യു​ടെ കാര്യ​മോ? പുതിയ ഉടമ്പടി ഉണ്ടാക്കു​ന്ന​തിന്‌ ഏതാണ്ട്‌ 1,500 വർഷം​മുമ്പ്‌, മോശ ഇസ്രാ​യേ​ല്യ​രെ ഉദ്‌ബോ​ധി​പ്പി​ച്ചു: “നിങ്ങൾ നിങ്ങളു​ടെ ഹൃദയ​ത്തി​ന്റെ അഗ്രചർമ്മം പരി​ച്ഛേദന ചെയ്‌വിൻ.” (ആവർത്ത​ന​പു​സ്‌തകം 10:16; യിരെ​മ്യാ​വു 4:4) നിർബ​ന്ധിത ജഡിക പരി​ച്ഛേദന ന്യായ​പ്ര​മാ​ണ​ത്തോ​ടൊ​പ്പം നീങ്ങി​പ്പോ​യെ​ങ്കി​ലും അഭിഷി​ക്ത​രും വേറെ ആടുക​ളും തങ്ങളുടെ ഹൃദയ​ങ്ങളെ “പരിച്‌ഛേദന” കഴിക്കണം. (കൊ​ലൊ​സ്സ്യർ 2:11) അവസാനം, യേശു​വി​ന്റെ ചൊരി​യ​പ്പെട്ട, “ഉടമ്പടി​യു​ടെ രക്ത”ത്തിന്റെ അടിസ്ഥാ​ന​ത്തിൽ യഹോവ വേറെ ആടുക​ളു​ടെ പാപം ക്ഷമിക്കു​ന്നു. (മത്തായി 26:28; 1 യോഹ​ന്നാൻ 1:9; 2:2) 1,44,000-ത്തിന്റെ കാര്യ​ത്തി​ലെ​ന്ന​പോ​ലെ, ദൈവം അവരെ ആത്മീയ പുത്ര​ന്മാ​രാ​യി ദത്തെടു​ക്കു​ന്നില്ല. എന്നാൽ ദൈവ​ത്തി​ന്റെ സുഹൃത്ത്‌ എന്നനി​ല​യിൽ അബ്രാ​ഹാം നീതി​മാ​നാ​യി പ്രഖ്യാ​പി​ക്ക​പ്പെട്ട അർഥത്തിൽ ദൈവം തീർച്ച​യാ​യും വേറെ ആടുകളെ നീതി​മാ​ന്മാ​രാ​യി പ്രഖ്യാ​പി​ക്കു​ന്നുണ്ട്‌.—മത്തായി 25:46; റോമർ 4:2, 3; യാക്കോബ്‌ 2:23.

7. ഇന്നു വേറെ ആടുകൾക്ക്‌ ഏതു പ്രത്യാശ ലഭിച്ചി​രി​ക്കു​ന്നു, അബ്രാ​ഹാ​മി​നെ​പ്പോ​ലെ, ആർ നീതി​മാ​ന്മാ​രാ​യി പ്രഖ്യാ​പി​ക്ക​പ്പെ​ടു​ന്നു?

⁷ നീതി​മാ​ന്മാ​രാ​യി പ്രഖ്യാ​പി​ക്ക​പ്പെ​ടു​ന്ന​തു​മൂ​ലം 1,44,000 പേർക്ക്‌ സ്വർഗീയ രാജ്യ​ത്തിൽ യേശു​വി​നോ​ടൊ​പ്പം ഭരിക്കു​ന്ന​തി​നുള്ള പ്രത്യാ​ശ​യ്‌ക്കു വഴിതു​റ​ക്കു​ന്നു. (റോമർ 8:16, 17; ഗലാത്യർ 2:16) ദൈവ​ത്തി​ന്റെ സുഹൃ​ത്തു​ക്ക​ളെന്ന നിലയിൽ നീതി​മാ​ന്മാ​രാ​യി പ്രഖ്യാ​പി​ക്ക​പ്പെ​ടു​ന്നത്‌ വേറെ ആടുകൾക്ക്‌ മഹാപു​രു​ഷാ​ര​ത്തി​ന്റെ ഭാഗമെന്ന നിലയിൽ അർമ​ഗെ​ദോ​നെ അതിജീ​വി​ച്ചു​കൊ​ണ്ടോ ‘നീതി​മാ​ന്മാ​രു​ടെ പുനരു​ത്ഥാന’ത്തിലൂ​ടെ​യോ പറുദീ​സാ ഭൂമി​യി​ലെ നിത്യ​ജീ​വന്റെ പ്രത്യാശ നേടാ​നി​ട​യാ​ക്കു​ന്നു. (പ്രവൃ​ത്തി​കൾ 24:15) അത്തരം പ്രത്യാ​ശ​യു​ണ്ടാ​യി​രി​ക്കു​ന്ന​തും അഖിലാണ്ഡ പരമാ​ധി​കാ​രി​യു​ടെ ഒരു സുഹൃ​ത്താ​യി​രി​ക്കു​ന്ന​തും “[അവന്റെ] കൂടാ​ര​ത്തിൽ ഒരു അതിഥി”യായി​രി​ക്കു​ന്ന​തും എന്തൊരു പദവി​യാണ്‌! (സങ്കീർത്തനം 15:1, 2, NW) അതേ, അഭിഷി​ക്ത​രും വേറെ ആടുക​ളും അബ്രാ​ഹാ​മി​ന്റെ സന്തതി​യായ യേശു​വി​ലൂ​ടെ ഒരത്ഭു​ത​ക​ര​മായ വിധത്തിൽ അനു​ഗ്ര​ഹി​ക്ക​പ്പെ​ടു​ന്നു.

വലിയ പാപപ​രി​ഹാര ദിവസം

8. ന്യായ​പ്ര​മാ​ണ​ത്തിൻ കീഴിലെ പാപപ​രി​ഹാര ദിവസ യാഗങ്ങ​ളാൽ എന്തു മുൻനി​ഴ​ലാ​ക്ക​പ്പെട്ടു?

⁸ പുതിയ ഉടമ്പടി​യെ​ക്കു​റി​ച്ചു ചർച്ച​ചെ​യ്യവേ, ന്യായ​പ്ര​മാണ ഉടമ്പടി​ക്കു കീഴിലെ വാർഷിക പാപപ​രി​ഹാര ദിവസ​ത്തെ​ക്കു​റിച്ച്‌ പൗലൊസ്‌ വായന​ക്കാ​രെ ഓർമി​പ്പി​ച്ചു. ആ ദിവസം, പുരോ​ഹിത ലേവ്യ​ഗോ​ത്ര​ത്തി​നും 12 പുരോ​ഹി​തേതര ഗോ​ത്ര​ങ്ങൾക്കും​വേണ്ടി വെവ്വേറെ യാഗങ്ങൾ അർപ്പി​ക്ക​പ്പെ​ട്ടി​രു​ന്നു. ഇത്‌ സ്വർഗീയ പ്രത്യാ​ശ​യുള്ള 1,44,000 പേർക്കും ഭൗമിക പ്രത്യാ​ശ​യുള്ള ലക്ഷക്കണ​ക്കി​നാ​ളു​കൾക്കും പ്രയോ​ജ​നം​ചെ​യ്യുന്ന യേശു​വി​ന്റെ വലിയ യാഗത്തെ മുൻനി​ഴ​ലാ​ക്കു​ന്നു​വെന്ന്‌ ദീർഘ​നാ​ളാ​യി വിശദ​മാ​ക്കി​യി​ട്ടുണ്ട്‌.a പാപപ​രി​ഹാര ദിവസ​ത്തി​ന്റെ നിവൃ​ത്തി​യിൽ, പുതിയ ഉടമ്പടി​ക്കു കീഴിലെ വലിയ പാപപ​രി​ഹാര ദിവസ​ത്തിൽ യേശു​വി​ന്റെ ബലിയു​ടെ പ്രയോ​ജ​നങ്ങൾ ലഭിക്കു​മെന്നു പൗലൊസ്‌ പ്രകട​മാ​ക്കി. ഈ വലിയ ദിവസ​ത്തി​ലെ മഹാപു​രോ​ഹി​ത​നെന്ന നിലയിൽ, മനുഷ്യ​വർഗ​ത്തിന്‌ ‘എന്നേക്കു​മുള്ള വീണ്ടെ​ടുപ്പ്‌’ ലഭിക്കു​ന്ന​തിന്‌ പാപപ​രി​ഹാ​ര​യാ​ഗ​മാ​യി യേശു തന്റെ പൂർണ​ത​യുള്ള ജീവൻ നൽകി.—എബ്രായർ 9:11-24.

9. പുതിയ ഉടമ്പടി​യി​ലാ​യി​രു​ന്നു​കൊണ്ട്‌ എബ്രായ അഭിഷിക്ത ക്രിസ്‌ത്യാ​നി​കൾക്ക്‌ എന്തു പുൽകാൻ സാധിച്ചു?

⁹ ഒന്നാം നൂറ്റാ​ണ്ടി​ലെ അനേകം എബ്രായ ക്രിസ്‌ത്യാ​നി​ക​ളും അപ്പോ​ഴും “[മോ​ശൈക]ന്യായ​പ്ര​മാ​ണ​ത​ല്‌പ​ര​ന്മാർ” ആയിരു​ന്നു. (പ്രവൃ​ത്തി​കൾ 21:20) അതു​കൊണ്ട്‌ ഉചിത​മാ​യി​ത്തന്നെ പൗലൊസ്‌ അവരെ ഓർമി​പ്പി​ച്ചു: “അതുനി​മി​ത്തം ആദ്യനി​യ​മ​ത്തി​ലെ [“ആദ്യ ഉടമ്പടി​യി​ലെ,” NW] ലംഘന​ങ്ങ​ളിൽനി​ന്നുള്ള വീണ്ടെ​ടു​പ്പി​ന്നാ​യി ഒരു മരണം ഉണ്ടായി​ട്ടു നിത്യാ​വ​കാ​ശ​ത്തി​ന്റെ വാഗ്‌ദത്തം വിളി​ക്ക​പ്പെ​ട്ട​വർക്കു ലഭി​ക്കേ​ണ്ട​തി​ന്നു [യേശു] പുതിയ നിയമ​ത്തി​ന്റെ മദ്ധ്യസ്ഥൻ ആകുന്നു.” (എബ്രായർ 9:15) പുതിയ ഉടമ്പടി എബ്രായ ക്രിസ്‌ത്യാ​നി​കളെ തങ്ങളുടെ പാപാവസ്ഥ തുറന്നു​കാ​ട്ടി​യി​രുന്ന പഴയ ഉടമ്പടി​യിൽനി​ന്നു മോചി​പ്പി​ച്ചു. പുതിയ ഉടമ്പടി​ഹേ​തു​വാ​യി, അവർക്കു “നിത്യ​സ്വർഗീ​യാ​വ​കാ​ശ​ത്തി​ന്റെ വാഗ്‌ദത്തം” പുൽകാൻ സാധിച്ചു.

10. അഭിഷി​ക്ത​രും വേറെ ആടുക​ളും ദൈവ​ത്തോ​ടു നന്ദി പറയു​ന്ന​തെ​ന്തിന്‌?

¹⁰ “പുത്ര​നിൽ വിശ്വ​സി​ക്കുന്ന ഏവനും” മറുവി​ല​യാ​ഗ​ത്തിൽനി​ന്നു പ്രയോ​ജനം അനുഭ​വി​ക്കും. (യോഹ​ന്നാൻ 3:16, 36) പൗലൊസ്‌ പറഞ്ഞു: “ക്രിസ്‌തു​വും അങ്ങനെ തന്നേ അനേക​രു​ടെ പാപങ്ങളെ ചുമപ്പാൻ ഒരിക്കൽ അർപ്പി​ക്ക​പ്പെട്ടു തനിക്കാ​യി കാത്തു​നി​ല്‌ക്കു​ന്ന​വ​രു​ടെ രക്ഷെക്കാ​യി അവൻ പാപം കൂടാതെ രണ്ടാമതു പ്രത്യ​ക്ഷ​നാ​കും.” (എബ്രായർ 9:28) ഇന്ന്‌, യേശു​വി​നെ ആത്മാർഥ​മാ​യി അന്വേ​ഷി​ക്കു​ന്നത്‌ ദൈവ​ത്തി​ന്റെ ഇസ്രാ​യേ​ലി​ലെ ശേഷി​ക്കുന്ന അഭിഷിക്ത ക്രിസ്‌ത്യാ​നി​ക​ളും നിത്യാ​വ​കാ​ശ​മുള്ള, ദശലക്ഷ​ക്ക​ണ​ക്കി​നാ​ളു​കൾ ഉൾപ്പെട്ട മഹാപു​രു​ഷാ​ര​വു​മാണ്‌. രണ്ടുകൂ​ട്ട​രും പുതിയ ഉടമ്പടി​ക്കും വലിയ പാപപ​രി​ഹാര ദിവസ​വും സ്വർഗീയ അതിവി​ശു​ദ്ധ​സ്ഥ​ലത്തെ മഹാപു​രോ​ഹി​ത​നായ യേശു​വി​ന്റെ ശുശ്രൂ​ഷ​യും ഉൾപ്പെടെ പുതിയ ഉടമ്പടി​യു​മാ​യി ബന്ധപ്പെട്ട ജീവദാ​യക അനു​ഗ്ര​ഹ​ങ്ങൾക്കും ദൈവ​ത്തോ​ടു നന്ദി പറയുന്നു.

വിശുദ്ധ സേവന​ത്തിൽ തിരക്കു​ള്ള​വർ

11. യേശു​വി​ന്റെ ബലിയി​ലൂ​ടെ ശുദ്ധീ​ക​രി​ക്ക​പ്പെട്ട മനസ്സാ​ക്ഷി​യു​മാ​യി അഭിഷി​ക്ത​രും വേറെ ആടുക​ളും സസന്തോ​ഷം എന്തു ചെയ്യുന്നു?

¹¹ എബ്രാ​യർക്കുള്ള ലേഖന​ത്തിൽ, പഴയ ഉടമ്പടി​ക്കു കീഴിലെ പാപയാ​ഗ​ങ്ങ​ളു​മാ​യുള്ള താരത​മ്യ​ത്തിൽ പുതിയ ഉടമ്പടി ക്രമീ​ക​ര​ണ​ത്തി​ലെ യേശു​വി​ന്റെ ശ്രേഷ്‌ഠ​ത​യുള്ള യാഗമൂ​ല്യം പൗലൊസ്‌ ഊന്നി​പ്പ​റഞ്ഞു. (എബ്രായർ 9:13-15) യേശു​വി​ന്റെ മെച്ചപ്പെട്ട യാഗം ‘ജീവനുള്ള ദൈവത്തെ ആരാധി​പ്പാൻ നമ്മുടെ മനസ്സാ​ക്ഷി​യെ നിർജ്ജീ​വ​പ്ര​വൃ​ത്തി​കളെ പോക്കി ശുദ്ധീ​ക​രി​ക്കാൻ’ പ്രാപ്‌ത​മാണ്‌. എബ്രായ ക്രിസ്‌ത്യാ​നി​ക​ളു​ടെ കാര്യ​ത്തിൽ ‘നിർജ്ജീ​വ​പ്ര​വൃ​ത്തി​കളി’ൽ “പഴയ ഉടമ്പടി​ക്കു കീഴിലെ ലംഘനങ്ങ”ളും (NW) ഉൾപ്പെ​ട്ടി​രു​ന്നു. ഇന്ന്‌ ക്രിസ്‌ത്യാ​നി​ക​ളു​ടെ കാര്യ​ത്തിൽ, ഇപ്പോൾ യഥാർഥ അനുതാ​പം തോന്നു​ന്ന​തും ദൈവം ക്ഷമിച്ചി​ട്ടു​ള്ള​തു​മായ അവരുടെ കഴിഞ്ഞ​കാല പാപങ്ങൾ അവയിൽ ഉൾപ്പെ​ടു​ന്നു. (1 കൊരി​ന്ത്യർ 6:9-11) ശുദ്ധീ​ക​രി​ക്ക​പ്പെട്ട മനസ്സാ​ക്ഷി​യോ​ടെ, അഭിഷിക്ത ക്രിസ്‌ത്യാ​നി​കൾ “ജീവനുള്ള ദൈവത്തെ ആരാധി”ക്കുന്നു. അങ്ങനെ​തന്നെ മഹാപു​രു​ഷാ​ര​വും ചെയ്യുന്നു. “കുഞ്ഞാ​ടി​ന്റെ രക്തത്തിൽ” തങ്ങളുടെ മനസ്സാ​ക്ഷി​യെ ശുദ്ധീ​ക​രിച്ച്‌ അവർ ദൈവ​ത്തി​ന്റെ വലിയ ആത്മീയ ആലയത്തിൽ “രാപ്പകൽ അവനെ ആരാധി​ക്കു​ന്നു.”—വെളി​പ്പാ​ടു 7:14, 15.

12. “വിശ്വാ​സ​ത്തി​ന്റെ പൂർണ്ണ​നി​ശ്ചയ”മുണ്ടെന്നു നാം പ്രകട​മാ​ക്കു​ന്ന​തെ​ങ്ങനെ?

¹² അതിനു​പു​റമേ, പൗലൊസ്‌ പറഞ്ഞു: “നാം ദുർമ്മ​ന​സ്സാ​ക്ഷി നീങ്ങു​മാ​റു ഹൃദയ​ങ്ങ​ളിൽ തളിക്ക​പ്പെ​ട്ട​വ​രും ശുദ്ധ​വെ​ള്ള​ത്താൽ ശരീരം കഴുക​പ്പെ​ട്ട​വ​രു​മാ​യി വിശ്വാ​സ​ത്തി​ന്റെ പൂർണ്ണ​നി​ശ്ചയം പൂണ്ടു പരമാർത്ഥ​ഹൃ​ദ​യ​ത്തോ​ടെ അടുത്തു ചെല്ലുക.” (എബ്രായർ 10:22) “വിശ്വാ​സ​ത്തി​ന്റെ പൂർണ്ണ​നി​ശ്ചയം” ഉണ്ടെന്നു നമു​ക്കെ​ങ്ങനെ പ്രകട​മാ​ക്കാ​നാ​കും? പൗലൊസ്‌ എബ്രായ ക്രിസ്‌ത്യാ​നി​കളെ ഇങ്ങനെ ഉദ്‌ബോ​ധി​പ്പി​ച്ചു: “[സ്വർഗീയ] പ്രത്യാ​ശ​യു​ടെ സ്വീകാ​രം നാം മുറുകെ പിടി​ച്ചു​കൊൾക; വാഗ്‌ദത്തം ചെയ്‌തവൻ വിശ്വ​സ്‌ത​ന​ല്ലോ. ചിലർ ചെയ്യു​ന്ന​തു​പോ​ലെ നമ്മുടെ സഭാ​യോ​ഗ​ങ്ങളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക. നാൾ സമീപി​ക്കു​ന്നു എന്നു കാണും​തോ​റും അതു അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.” (എബ്രായർ 10:23-25) നമ്മുടെ വിശ്വാ​സം സജീവ​മാ​ണെ​ങ്കിൽ, നാം ‘നമ്മുടെ സഭാ​യോ​ഗ​ങ്ങളെ ഉപേക്ഷി​ക്കു’കയില്ല. സ്‌നേ​ഹ​ത്തി​നും സൽപ്ര​വൃ​ത്തി​കൾക്കും നമ്മുടെ സഹോ​ദ​ര​ങ്ങളെ ഉത്സാഹി​പ്പി​ക്കാ​നും അവരാൽ ഉത്സാഹി​ത​രാ​കാ​നും ഭൗമി​ക​മോ സ്വർഗീ​യ​മോ ആയ നമ്മുടെ പ്രത്യാ​ശയെ പരസ്യ​മാ​യി പ്രഖ്യാ​പി​ക്കുന്ന മർമ​പ്ര​ധാ​ന​മായ വേലയ്‌ക്കാ​യി ബലിഷ്‌ഠ​മാ​ക്ക​പ്പെ​ടാ​നും നാം ആഹ്ലാദി​ക്കും.—യോഹ​ന്നാൻ 13:35.

“നിത്യ​മായ ഉടമ്പടി”

13, 14. ഏതെല്ലാം വിധങ്ങ​ളി​ലാണ്‌ പുതിയ ഉടമ്പടി നിത്യ​മാ​യി​രി​ക്കു​ന്നത്‌?

¹³ 1,44,000-ത്തിലെ അവസാ​നത്തെ വ്യക്തി​യും സ്വർഗീയ പ്രത്യാശ സാക്ഷാ​ത്‌ക​രി​ച്ചു​ക​ഴി​യു​മ്പോൾ എന്തു സംഭവി​ക്കും? പുതിയ ഉടമ്പടി​യു​ടെ പ്രയുക്തത അവസാ​നി​ക്കു​മോ? ആ സമയത്ത്‌, ദൈവ​ത്തി​ന്റെ ഇസ്രാ​യേ​ലിൽപ്പെട്ട ആരും ഭൂമി​യിൽ ശേഷി​ക്കു​ന്നു​ണ്ടാ​കില്ല. ഉടമ്പടി​യി​ലെ എല്ലാ പങ്കാളി​ക​ളും യേശു​വി​നോ​ടു​കൂ​ടെ “[അവന്റെ] പിതാ​വി​ന്റെ രാജ്യത്തി”ലായി​രി​ക്കും. (മത്തായി 26:29) എന്നാൽ എബ്രാ​യർക്കുള്ള ലേഖന​ത്തി​ലെ പൗലൊ​സി​ന്റെ വാക്കുകൾ നാം അനുസ്‌മ​രി​ക്കു​ക​യാണ്‌: ‘സമാധാ​ന​ത്തി​ന്റെ ദൈവം നിത്യ​നി​യ​മ​ത്തി​ന്റെ [“നിത്യ​മായ ഉടമ്പടി​യു​ടെ,” പി.ഒ.സി. ബൈ.] രക്തത്താൽ ആടുക​ളു​ടെ വലിയ ഇടയനെ മരിച്ച​വ​രു​ടെ ഇടയിൽനി​ന്നു മടക്കി​വ​രു​ത്തി.’ (ചെരി​ച്ചെ​ഴുത്ത്‌ ഞങ്ങളു​ടേത്‌.) (എബ്രായർ 13:20; യെശയ്യാ​വു 55:3) ഏതർഥ​ത്തി​ലാണ്‌ പുതിയ ഉടമ്പടി നിത്യ​മാ​യി​രി​ക്കു​ന്നത്‌?

¹⁴ ഒന്നാമ​താ​യി, ന്യായ​പ്ര​മാണ ഉടമ്പടി​യിൽനി​ന്നു വ്യത്യ​സ്‌ത​മാ​യി ഇതൊ​രി​ക്ക​ലും നീക്കം​ചെ​യ്യ​പ്പെ​ടു​ക​യില്ല. രണ്ടാമ​താ​യി, യേശു​വി​ന്റെ രാജത്വ​ത്തെ​പ്പോ​ലെ, അതിന്റെ പ്രവർത്ത​ന​ഫ​ലങ്ങൾ ശാശ്വ​ത​മാണ്‌. (1 കൊരി​ന്ത്യർ 15:27, 28-മായി ലൂക്കൊസ്‌ 1:33 താരത​മ്യം ചെയ്യുക.) സ്വർഗീയ രാജ്യ​ത്തിന്‌ യഹോ​വ​യു​ടെ ഉദ്ദേശ്യ​ത്തിൽ ഒരു ശാശ്വത സ്ഥാനമുണ്ട്‌. (വെളി​പ്പാ​ടു 22:5) മൂന്നാ​മ​താ​യി, വേറെ ആടുകൾ പുതിയ ഉടമ്പടി ക്രമീ​ക​ര​ണ​ത്തിൽനി​ന്നു പ്രയോ​ജനം നേടു​ന്നത്‌ തുടരും. ക്രിസ്‌തു​വി​ന്റെ ആയിരം​വർഷ വാഴ്‌ച​ക്കാ​ലത്ത്‌, ഇപ്പോൾ ചെയ്യു​ന്ന​തു​പോ​ലെ​തന്നെ വിശ്വസ്‌ത മനുഷ്യർ “[യഹോ​വ​യു​ടെ] ആലയത്തിൽ രാപ്പകൽ അവനെ ആരാധി”ച്ചുകൊ​ണ്ടി​രി​ക്കും. യേശു​വി​ന്റെ “ഉടമ്പടി​യു​ടെ രക്ത”ത്തിന്റെ അടിസ്ഥാ​ന​ത്തിൽ ക്ഷമിച്ച അവരുടെ കഴിഞ്ഞ​കാല പാപങ്ങൾ യഹോവ മേലാൽ അനുസ്‌മ​രി​ക്കു​ക​യില്ല. അവർ യഹോ​വ​യു​ടെ സുഹൃ​ത്തു​ക്ക​ളെന്ന നിലയിൽ, നീതി​നി​ഷ്‌ഠ​മായ നില ആസ്വദി​ക്കു​ന്ന​തിൽ തുടരും, അവന്റെ നിയമം അവരുടെ ഹൃദയ​ത്തിൽ എഴുത​പ്പെ​ട്ടി​രി​ക്കും.

15. പുതിയ ലോക​ത്തി​ലെ തന്റെ ഭൗമി​കാ​രാ​ധ​ക​രു​മാ​യുള്ള യഹോ​വ​യു​ടെ ബന്ധം വർണി​ക്കുക.

¹⁵ അപ്പോൾ ഈ മനുഷ്യ​ദാ​സ​രെ​ക്കു​റിച്ച്‌ ‘അവർ എന്റെ ജനവും ഞാൻ അവരുടെ ദൈവ​വു​മാണ്‌’ എന്ന്‌ യഹോ​വ​യ്‌ക്കു പറയാൻ കഴിയു​മോ? കഴിയും. “അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും.” (ചെരി​ച്ചെ​ഴുത്ത്‌ ഞങ്ങളു​ടേത്‌.) (വെളി​പ്പാ​ടു 21:3) അവർ ‘വിശു​ദ്ധ​ന്മാ​രു​ടെ പാളയം,’ അതായത്‌ യേശു​ക്രി​സ്‌തു​വി​ന്റെ സ്വർഗീയ മണവാ​ട്ടി​യായ “പ്രിയ​നഗര”ത്തിന്റെ ഭൗമിക പ്രതി​നി​ധി​കൾ ആയിത്തീ​രും. (വെളി​പ്പാ​ടു 14:1; 20:9; 21:2) യേശു​വി​ന്റെ ചൊരി​യ​പ്പെട്ട “ഉടമ്പടി​യു​ടെ രക്ത”ത്തിലുള്ള അവരുടെ വിശ്വാ​സ​ത്താ​ലും സ്വർഗീയ രാജാ​ക്ക​ന്മാ​രും പുരോ​ഹി​ത​ന്മാ​രും—ഭൂമി​യി​ലാ​യി​രു​ന്ന​പ്പോൾ ദൈവ​ത്തി​ന്റെ ഇസ്രാ​യേ​ലാ​യി​രു​ന്നവർ—ആയവ​രോ​ടുള്ള അവരുടെ കീഴ്‌പെ​ട​ലി​നാ​ലു​മാണ്‌ ഇതെല്ലാം സാധ്യ​മാ​യി​ത്തീ​രു​ന്നത്‌.—വെളി​പ്പാ​ടു 5:10.

16. (എ) ഭൂമി​യി​ലേക്കു പുനരു​ത്ഥാ​നം ചെയ്യ​പ്പെ​ടു​ന്ന​വരെ ഏതെല്ലാം പ്രത്യാ​ശകൾ കാത്തി​രി​ക്കു​ന്നു? (ബി) ആയിരം വർഷത്തി​ന്റെ അവസാനം ഏതെല്ലാം അനു​ഗ്ര​ഹങ്ങൾ ലഭിക്കും?

¹⁶ ഭൂമി​യി​ലേക്കു പുനരു​ത്ഥാ​നം ചെയ്യ​പ്പെ​ടുന്ന മരിച്ച​വ​രു​ടെ കാര്യ​മോ? (യോഹ​ന്നാൻ 5:28, 29) അബ്രാ​ഹാ​മി​ന്റെ സന്തതി​യായ യേശു​വി​ലൂ​ടെ ‘തങ്ങളെ​ത്തന്നെ അനു​ഗ്ര​ഹി​ക്കാൻ’ അവരും ക്ഷണിക്ക​പ്പെ​ടും. (ഉല്‌പത്തി 22:18, NW) യഹോ​വ​യ്‌ക്കു ശുശ്രൂഷ ചെയ്യു​ക​യും സ്വീകാ​ര്യ​മായ യാഗങ്ങൾ അർപ്പി​ക്കു​ക​യും അവന്റെ പ്രാർഥ​നാ​ല​യ​ത്തിൽ വിശു​ദ്ധ​സേ​വ​ന​ത്തി​ലേർപ്പെ​ടു​ക​യും ചെയ്‌തു​കൊണ്ട്‌ അവർ യഹോ​വ​യു​ടെ നാമത്തെ സ്‌നേ​ഹി​ക്കേ​ണ്ടി​വ​രും. അപ്രകാ​രം ചെയ്യു​ന്നവർ ദൈവ​ത്തി​ന്റെ വിശ്ര​മ​ത്തി​ലേക്കു പ്രവേ​ശി​ക്കും. (യെശയ്യാ​വു 56:6, 7) ആയിരം​വർഷ​ത്തി​ന്റെ അവസാ​ന​ത്തോ​ടെ, എല്ലാ വിശ്വ​സ്‌ത​രും യേശു​ക്രി​സ്‌തു​വി​ന്റെ​യും അവന്റെ 1,44,000 സഹപു​രോ​ഹി​ത​ന്മാ​രു​ടെ​യും ശുശ്രൂ​ഷ​യി​ലൂ​ടെ മാനു​ഷിക പൂർണ​ത​യി​ലേക്കു വരുത്ത​പ്പെ​ട്ടി​രി​ക്കും. അവർ നീതി​മാ​ന്മാർ ആയിരി​ക്കും, അല്ലാതെ ദൈവ​ത്തി​ന്റെ സുഹൃ​ത്തു​ക്ക​ളെന്ന നിലയിൽ നീതി​നി​ഷ്‌ഠ​രാ​യി കേവലം പ്രഖ്യാ​പി​ക്ക​പ്പ​ടു​ക​യാ​യി​രി​ക്കില്ല. പാപത്തിൽനി​ന്നും ആദാമിൽനിന്ന്‌ അവകാ​ശ​പ്പെ​ടു​ത്തിയ മരണത്തിൽനി​ന്നും പൂർണ​മാ​യും സ്വത​ന്ത്ര​രാ​യി അവർ ‘ജീവനി​ലേ​ക്കും വരും.’ (വെളി​പ്പാ​ടു 20:5; 22:2, NW) അതെ​ന്തൊ​രു അനു​ഗ്ര​ഹ​മാ​യി​രി​ക്കും! നമ്മുടെ ഇന്നത്തെ കാഴ്‌ച​പ്പാ​ടിൽ, യേശു​വി​ന്റെ​യും 1,44,000-ത്തിന്റെ​യും പൗരോ​ഹി​ത്യ​വേല അപ്പോൾ പൂർത്തീ​ക​രി​ക്ക​പ്പെ​ടു​മെന്നു തോന്നു​ന്നു. വലിയ പാപപ​രി​ഹാര ദിവസ​ത്തി​ന്റെ അനു​ഗ്ര​ഹങ്ങൾ പൂർണ​മാ​യും ബാധക​മാ​ക്ക​പ്പെ​ട്ടി​രി​ക്കും. കൂടാതെ, യേശു “രാജ്യം പിതാ​വായ ദൈവത്തെ ഏല്‌പി​ക്കും.” (1 കൊരി​ന്ത്യർ 15:24) മനുഷ്യ​വർഗ​ത്തിന്‌ ഒരു അവസാന പരി​ശോ​ധ​ന​യു​ണ്ടാ​യി​രി​ക്കും, തുടർന്ന്‌ സാത്താ​നും അവന്റെ ഭൂതങ്ങ​ളും എന്നേക്കു​മാ​യി നശിപ്പി​ക്ക​പ്പെ​ടും.—വെളി​പ്പാ​ടു 20:7, 10.

17. നമുക്കു ലഭിക്കാ​നി​രി​ക്കുന്ന സന്തോ​ഷ​ത്തി​ന്റെ വീക്ഷണ​ത്തിൽ, നാം ഓരോ​രു​ത്ത​രും എന്തു ചെയ്യാൻ ദൃഢചി​ത്ത​രാ​യി​രി​ക്കണം?

¹⁷ അപ്പോൾ ആരംഭി​ക്കുന്ന അത്യന്തം രസകര​മായ യുഗത്തിൽ “നിത്യ​മായ ഉടമ്പടി”ക്ക്‌ എന്തെങ്കി​ലും പങ്കു​ണ്ടെ​ങ്കിൽത്തന്നെ, അതെന്താ​യി​രി​ക്കും? അതു നമുക്കു പറയാ​നാ​കില്ല. നമുക്കി​പ്പോൾ ആവശ്യ​മു​ള്ള​തെ​ല്ലാം യഹോവ വെളി​പ്പെ​ടു​ത്തി​യി​ട്ടുണ്ട്‌. അതു നമ്മെ വിസ്‌മ​യ​ഭ​രി​ത​രാ​ക്കു​ന്നു. ഒന്നാ​ലോ​ചി​ച്ചു​നോ​ക്കൂ—“പുതിയ ആകാശ”ത്തിന്റെ​യും “പുതിയ ഭൂമി”യുടെ​യും ഭാഗമെന്ന നിലയിൽ നിത്യ​ജീ​വൻ! (2 പത്രൊസ്‌ 3:13) ആ വാഗ്‌ദാ​നം അവകാ​ശ​പ്പെ​ടു​ത്തു​ന്ന​തി​നുള്ള നമ്മുടെ ആഗ്രഹത്തെ ക്ഷയിപ്പി​ക്കാൻ യാതൊ​ന്നി​നെ​യും അനുവ​ദി​ക്ക​രുത്‌. ഉറച്ചു​നിൽക്കു​ന്നത്‌ എളുപ്പ​മ​ല്ലാ​യി​രി​ക്കാം. പൗലൊസ്‌ പറഞ്ഞു: “ദൈ​വേഷ്ടം ചെയ്‌തു വാഗ്‌ദത്തം പ്രാപി​പ്പാൻ സഹിഷ്‌ണുത നിങ്ങൾക്കു ആവശ്യം.” (എബ്രായർ 10:36) ഓർക്കുക, നേരി​ടേ​ണ്ടി​വ​രുന്ന ഏതൊരു പ്രശ്‌ന​വും തരണം​ചെ​യ്യേ​ണ്ട​തായ ഏതൊരു എതിർപ്പും നമുക്കു ലഭിക്കാ​നി​രി​ക്കുന്ന സന്തോ​ഷ​വു​മാ​യുള്ള താരത​മ്യ​ത്തിൽ അപ്രധാ​ന​മാണ്‌. (2 കൊരി​ന്ത്യർ 4:17) അതു​കൊ​ണ്ടു നമ്മിലാ​രും “നാശത്തി​ലേക്കു പിന്മാ​റു​ന്ന​വ​രു​ടെ കൂട്ടത്തി”ലാകാ​തി​രി​ക്കട്ടെ. മറിച്ച്‌ നമുക്ക്‌ “വിശ്വ​സി​ച്ചു ജീവരക്ഷ പ്രാപി​ക്കു​ന്ന​വ​രു​ടെ കൂട്ടത്തി”ലാണെന്നു തെളി​യി​ക്കാം. (എബ്രായർ 10:39) നമുക്ക്‌ ഉടമ്പടി​ക​ളു​ടെ ദൈവ​മായ യഹോ​വ​യിൽ പൂർണ​മാ​യി ആശ്രയി​ക്കാം. അതു നമ്മുടെ നിത്യാ​നു​ഗ്ര​ഹ​ത്തിൽ കലാശി​ക്കും.

[അടിക്കു​റി​പ്പു​കൾ]

നിങ്ങൾ മനസ്സി​ലാ​ക്കി​യോ?

□ അഭിഷിക്ത ക്രിസ്‌ത്യാ​നി​കൾക്കു​പു​റമേ, അബ്രാ​ഹാ​മി​ന്റെ സന്തതി​യി​ലൂ​ടെ ആർ അനു​ഗ്ര​ഹി​ക്ക​പ്പെ​ടു​ന്നു?

□ പുതിയ ഉടമ്പടി​യി​ലൂ​ടെ അനു​ഗ്ര​ഹി​ക്ക​പ്പെ​ടു​ന്ന​തിൽ, വേറെ ആടുകൾ പഴയ ഉടമ്പടി​ക്കു കീഴിലെ മതപരിവർത്തിതരെപ്പോലെയായിരിക്കുന്നതെങ്ങനെ?

□ വലിയ പാപപ​രി​ഹാര ദിവസ ക്രമീ​ക​ര​ണ​ത്തിൽ വേറെ ആടുകൾ അനു​ഗ്ര​ഹി​ക്ക​പ്പെ​ടു​ന്ന​തെ​ങ്ങനെ?

□ പൗലൊസ്‌ പുതിയ ഉടമ്പടി​യെ “നിത്യ​മായ ഉടമ്പടി”യെന്നു വിളി​ച്ച​തെ​ന്തു​കൊണ്ട്‌?

[21-ാം പേജിലെ ചതുരം]

ആലയത്തിലെ വിശു​ദ്ധ​സേ​വ​നം

മഹാപു​രു​ഷാ​രം അഭിഷിക്ത ക്രിസ്‌ത്യാ​നി​ക​ളു​മൊത്ത്‌ യഹോ​വ​യു​ടെ വലിയ ആത്മീയ ആലയത്തി​ന്റെ ഭൗമിക പ്രാകാ​ര​ത്തിൽ ആരാധി​ക്കു​ന്നു. (വെളി​പ്പാ​ടു 7:14, 15; 11:2) അവർ വിജാ​തീ​യർക്കാ​യുള്ള ഒരു പ്രാകാ​ര​ത്തി​ലാ​ണെന്നു നിഗമ​നം​ചെ​യ്യാൻ യാതൊ​രു കാരണ​വു​മില്ല. യേശു ഭൂമി​യി​ലാ​യി​രു​ന്ന​പ്പോൾ, ആലയത്തിൽ വിജാ​തീ​യർക്കാ​യി ഒരു പ്രാകാ​ര​മു​ണ്ടാ​യി​രു​ന്നു. എന്നാൽ, ശലോ​മോ​ന്റെ​യും യെഹെ​സ്‌കേ​ലി​ന്റെ​യും ആലയങ്ങ​ളു​ടെ ദിവ്യ​നി​ശ്വസ്‌ത രൂപമാ​തൃ​ക​ക​ളിൽ വിജാ​തീ​യർക്കാ​യി ഒരു പ്രാകാ​ര​ത്തി​നു വ്യവസ്ഥ​യി​ല്ലാ​യി​രു​ന്നു. ശലോ​മോ​ന്റെ ആലയത്തിൽ, ഇസ്രാ​യേ​ല്യ​രും മതപരി​വർത്തി​ത​രും സ്‌ത്രീ​പു​രു​ഷ​ന്മാ​രും ഒരുമിച്ച്‌ ആരാധി​ച്ചി​രുന്ന ഒരു ബാഹ്യ​പ്രാ​കാ​രം ഉണ്ടായി​രു​ന്നു. ഇതാണു മഹാപു​രു​ഷാ​രം വിശു​ദ്ധ​സേ​വനം അർപ്പി​ക്കു​ന്ന​താ​യി യോഹ​ന്നാൻ കണ്ട ആത്മീയ ആലയത്തി​ന്റെ ഭൗമിക പ്രാകാ​ര​ത്തി​ന്റെ പ്രാവ​ച​നിക മാതൃക.

എന്നിരു​ന്നാ​ലും, വലിയ യാഗപീ​ഠം സ്ഥിതി​ചെ​യ്‌തി​രുന്ന ആന്തരിക പ്രാകാ​ര​ത്തിൽ പുരോ​ഹി​ത​ന്മാ​രും ലേവ്യ​രും മാത്രമേ പ്രവേ​ശി​ച്ചി​രു​ന്നു​ള്ളൂ; വിശുദ്ധ സ്ഥലത്ത്‌ പുരോ​ഹി​ത​ന്മാർ മാത്ര​വും അതിവി​ശുദ്ധ സ്ഥലത്ത്‌ മഹാപു​രോ​ഹി​തൻമാ​ത്ര​വു​മാണ്‌ പ്രവേ​ശി​ച്ചി​രു​ന്നത്‌. ആന്തരിക പ്രാകാ​ര​വും വിശുദ്ധ സ്ഥലവും ഭൂമി​യി​ലെ അഭിഷിക്ത ക്രിസ്‌ത്യാ​നി​ക​ളു​ടെ അനുപ​മ​മായ ആത്മീയാ​വ​സ്ഥയെ മുൻനി​ഴ​ലാ​ക്കു​ന്ന​താ​യി മനസ്സി​ലാ​ക്കി​യി​രി​ക്കു​ന്നു. അതിവി​ശു​ദ്ധ​സ്ഥലം അഭിഷിക്ത ക്രിസ്‌ത്യാ​നി​കൾക്കു തങ്ങളുടെ സ്വർഗീയ മഹാപു​രോ​ഹി​ത​നോ​ടൊ​പ്പം അമർത്ത്യ ജീവൻ ലഭിക്കു​ന്നി​ട​മായ സ്വർഗത്തെ ചിത്രീ​ക​രി​ക്കു​ന്നു.—എബ്രായർ 10:19, 20.

[23-ാം പേജിലെ ചിത്രം]

ലഭിക്കാനിരിക്കുന്ന സന്തോ​ഷ​ത്തി​ന്റെ വീക്ഷണ​ത്തിൽ, നമുക്കു “വിശ്വ​സി​ച്ചു ജീവരക്ഷ പ്രാപി”ക്കാം