മനുഷ്യ​രു​ടെ അടിമ​ക​ളോ ദൈവ​ത്തി​ന്റെ ദാസന്മാ​രോ?

“യഹോ​വ​യു​ടെ സാക്ഷികൾ ഏറെക്കു​റെ പ്രശം​സി​ക്ക​പ്പെ​ടേ​ണ്ട​വ​രാണ്‌.” സെർ, ഗ്രൂബ്ലർ, എന്തൂസി​യാ​സ്റ്റെൻ (ദാർശ​നി​കർ, പര്യാ​ലോ​ചകർ, ഉത്സാഹ​ഭ​രി​തർ) എന്ന ജർമൻ പുസ്‌തകം അപ്രകാ​രം പ്രസ്‌താ​വി​ക്കു​ന്നു. സാക്ഷി​ക​ളു​ടെ കുറ്റം കണ്ടുപി​ടി​ക്കാ​നുള്ള പ്രവണത ഒട്ടൊക്കെ ഉണ്ടെങ്കി​ലും, അതി​പ്ര​കാ​രം സമ്മതിച്ചു പറയുന്നു: “ഇടത്തര​ക്കാ​രു​ടെ ജീവിത ശൈലി​യുള്ള അവർ പൊതു​വേ നിഷ്‌ക​ള​ങ്ക​രാ​യി ജീവി​ക്കു​ന്നു. അവർ ജോലി​യിൽ ഉത്സാഹ​മു​ള്ള​വ​രും മനസ്സാ​ക്ഷി​യു​ള്ള​വ​രു​മാണ്‌, അവർ ശാന്തരായ പൗരന്മാ​രും വിശ്വസ്‌ത നികു​തി​ദാ​യ​ക​രു​മാണ്‌. ഭ്രാന്ത​മായ ധനസമ്പാ​ദ​ന​ത്തിൽനിന്ന്‌ അവർ ഒഴിഞ്ഞി​രി​ക്കു​ന്നു. . . . കൺ​വെൻ​ഷ​നു​ക​ളി​ലെ അവരുടെ അച്ചടക്കം പ്രശം​സ​നീ​യ​മാണ്‌. അവരുടെ ആത്മത്യാഗ മനോ​ഭാ​വം മറ്റേ​തൊ​രു മതസമൂ​ഹ​ത്തി​ന്റേ​തി​നോ​ടും തുല്യ​മാണ്‌; ശുശ്രൂ​ഷ​യു​ടെ കാര്യ​ത്തി​ലാ​ണെ​ങ്കിൽ അവർ മറ്റെല്ലാ​വ​രെ​ക്കാ​ളും മികച്ചു നിൽക്കു​ന്നു. എന്നാൽ നമ്മുടെ നാളിലെ മറ്റെല്ലാ ക്രിസ്‌തീയ സഭക​ളെ​യും കൂട്ടങ്ങ​ളെ​യും​കാൾ അവരെ ശ്രേഷ്‌ഠ​രാ​ക്കു​ന്നത്‌, എല്ലാ സാഹച​ര്യ​ങ്ങ​ളി​ലും എല്ലാ അപകട​ങ്ങൾക്കു മധ്യേ​യും തങ്ങളുടെ ഉപദേ​ശങ്ങൾ ഘോഷി​ക്കാ​നുള്ള അവരിൽ മിക്കവ​രു​ടെ​യും ഒട്ടും ഭഞ്‌ജി​ക്കാ​നാ​കാത്ത തീരു​മാ​ന​മാണ്‌.”a

വസ്‌തു​നി​ഷ്‌ഠ​മായ അത്തരം വിലയി​രു​ത്തൽ ഉണ്ടെങ്കി​ലും, യഹോ​വ​യു​ടെ സാക്ഷി​കളെ തികച്ചും വ്യത്യ​സ്‌ത​മായ ഒരു വിധത്തിൽ ചിത്രീ​ക​രി​ക്കാൻ ചിലർ ശ്രമി​ക്കു​ന്നു. പതിറ്റാ​ണ്ടു​ക​ളാ​യി, ലോക​ത്തി​നു ചുറ്റു​മുള്ള മിക്ക രാജ്യ​ങ്ങ​ളി​ലും സാക്ഷികൾ യാതൊ​രു ബാഹ്യ ഇടപെ​ട​ലും കൂടാതെ തങ്ങളുടെ മതപര​മായ ശുശ്രൂ​ഷകൾ പരസ്യ​മാ​യി നടത്തി​യി​ട്ടുണ്ട്‌. കോടി​ക്ക​ണ​ക്കിന്‌ ആളുകൾക്ക്‌ അവരെ അറിയാം, അവരോട്‌ ആദരവു​മുണ്ട്‌. കൂടാതെ, തങ്ങളുടെ മതം ആചരി​ക്കാ​നുള്ള അവകാശം സാക്ഷി​കൾക്കു​ണ്ടെ​ന്നു​ള്ള​തി​നോട്‌ അവർ യോജി​ക്കു​ക​യും ചെയ്യുന്നു. പിന്നെ എന്തു​കൊ​ണ്ടാണ്‌ യഹോ​വ​യു​ടെ സാക്ഷികൾ ആരാ​ണെ​ന്നു​ള്ളതു സംബന്ധിച്ച്‌ ചില സംശയങ്ങൾ ഉള്ളത്‌?

അടുത്ത​യി​ടെ മറ്റു ചില മതവി​ഭാ​ഗങ്ങൾ ശിശു​ദ്രോ​ഹം, കൂട്ട ആത്മഹത്യ, ഭീകര​പ്ര​വർത്തനം എന്നിവ​യിൽ ഉൾപ്പെ​ട്ടി​ട്ടു​ള്ള​താ​കാം ഒരു സംശയ​കാ​രണം. തീർച്ച​യാ​യും അത്തരം വഴിപി​ഴച്ച പ്രവർത്ത​നങ്ങൾ എല്ലായി​ട​ത്തു​മുണ്ട്‌, മതഭക്തി​യു​ള്ള​വ​രു​ടെ ഇടയിൽ മാത്രമല്ല. എന്നിരു​ന്നാ​ലും, മതത്തിന്റെ കാര്യ​ത്തിൽ അനേകർ സംശയാ​ലു​ക്ക​ളാ​യി​രി​ക്കു​ന്നു, ചിലർ ശത്രു​ത​പോ​ലും വെച്ചു​പു​ലർത്തു​ന്നു.

മനുഷ്യ​രെ പിന്തു​ട​രു​ന്ന​തി​ന്റെ അപകടങ്ങൾ

“ഒരു വ്യതി​രിക്ത ഉപദേ​ശ​ത്തോ​ടോ നേതാ​വി​നോ​ടോ പറ്റിനിൽക്കുന്ന ഒരു കൂട്ടം” എന്ന്‌ “മതവി​ഭാഗ”ത്തെ നിർവ​ചി​ച്ചി​രി​ക്കു​ന്നു. സമാന​മാ​യി ഒരു “ഭക്തി​പ്ര​സ്ഥാന”ത്തിൽപ്പെ​ട്ടവർ “ഒരു വ്യക്തി​യോ​ടോ ആശയ​ത്തോ​ടോ വസ്‌തു​വി​നോ​ടോ വലിയ ഭക്തി”യുള്ളവ​രാണ്‌. മാനുഷ നേതാ​ക്ക​ന്മാ​രോ​ടും അവരുടെ ആശയങ്ങ​ളോ​ടും ശക്തമായി പറ്റിനിൽക്കുന്ന അംഗങ്ങൾ ഏതു മതസമൂ​ഹ​ത്തി​ലാ​യാ​ലും മനുഷ്യ​രു​ടെ അടിമ​ക​ളാ​യി​ത്തീ​രു​ന്ന​തി​ന്റെ അപകട​ത്തി​ലാണ്‌. ഒരു നേതാ​വി​നെ കേന്ദ്രീ​ക​രി​ച്ചുള്ള ശക്തമായ ബന്ധം വൈകാ​രി​ക​വും ആത്മീയ​വു​മാ​യി അനാ​രോ​ഗ്യ​ക​ര​മായ ആശ്രയ​ത്വ​ത്തി​ലേക്കു നയി​ച്ചേ​ക്കാ​വു​ന്ന​താണ്‌. വിഭാ​ഗീ​യ​ചി​ന്താ​ഗതി നിറഞ്ഞ അത്തര​മൊ​രു സാഹച​ര്യ​ത്തിൽ വ്യക്തി ശൈശ​വം​മു​തൽ വളർത്ത​പ്പെ​ടു​മ്പോൾ അപകടം കൂടുതൽ ഗുരു​ത​ര​മാ​യേ​ക്കാം.

മതത്തെ​ക്കു​റിച്ച്‌ അത്തരം ഉത്‌ക​ണ്‌ഠ​യു​ള്ള​വർക്ക്‌ ആശ്രയ​യോ​ഗ്യ​മായ വിവരങ്ങൾ ആവശ്യ​മാണ്‌. അംഗങ്ങളെ അടിമ​പ്പെ​ടു​ത്തുന്ന, അവരു​ടെ​മേൽ നിയ​ന്ത്ര​ണാ​ധി​കാ​രം പ്രയോ​ഗി​ക്കുന്ന, അവരുടെ സ്വാത​ന്ത്ര്യ​ത്തെ അനാവ​ശ്യ​മാ​യി പരിമി​ത​പ്പെ​ടു​ത്തുന്ന, ഒരു കൂട്ട​മെ​ന്ന​നി​ല​യിൽ അവരെ പൊതു​സ​മൂ​ഹ​ത്തോ​ടു പൊരു​ത്ത​പ്പെ​ടാ​ത്ത​വ​രാ​ക്കുന്ന ഒരു മത സംഘട​ന​യിൽപ്പെ​ട്ട​വ​രാണ്‌ യഹോ​വ​യു​ടെ സാക്ഷി​ക​ളെന്ന്‌ ചില​രോ​ടു പറയ​പ്പെ​ട്ടി​ട്ടു​ണ്ടാ​കാം.

അത്തരം ഉത്‌കണ്‌ഠ അടിസ്ഥാ​ന​ര​ഹി​ത​മാ​ണെന്ന്‌ യഹോ​വ​യു​ടെ സാക്ഷി​കൾക്ക​റി​യാം. അതു​കൊണ്ട്‌, അതി​നെ​ക്കു​റി​ച്ചു സ്വയം പരി​ശോ​ധി​ച്ചു​നോ​ക്കാൻ അവർ നിങ്ങളെ ക്ഷണിക്കു​ന്നു. ശ്രദ്ധാ​പൂർവ​ക​മായ വിചി​ന്ത​ന​ത്തി​നു ശേഷം സ്വന്തം നിഗമ​ന​ങ്ങ​ളിൽ എത്തി​ച്ചേ​രുക. യഹോ​വ​യു​ടെ സാക്ഷികൾ അവർ അവകാ​ശ​പ്പെ​ടു​ന്ന​തു​പോ​ലെ ദൈവ​ത്തി​ന്റെ ദാസന്മാ​രാ​ണോ അതോ വാസ്‌ത​വ​ത്തിൽ മനുഷ്യ​രു​ടെ അടിമ​ക​ളാ​ണോ? അവരുടെ ബലത്തിന്റെ ഉറവേ​താണ്‌? 12-23 പേജു​ക​ളിൽ കൊടു​ത്തി​രി​ക്കുന്ന രണ്ട്‌ ലേഖനങ്ങൾ അത്തരം ചോദ്യ​ങ്ങൾക്കു തൃപ്‌തി​ക​ര​മായ ഉത്തരങ്ങൾ നൽകും.

[അടിക്കു​റി​പ്പു​കൾ]