നിങ്ങൾ ഓർമി​ക്കു​ന്നു​വോ?

വീക്ഷാ​ഗോ​പു​ര​ത്തി​ന്റെ അടുത്ത​കാ​ലത്തെ ലക്കങ്ങൾ പ്രാ​യോ​ഗി​ക​മൂ​ല്യ​മു​ള്ള​വ​യാ​ണെന്നു നിങ്ങൾ കണ്ടെത്തി​യോ? എങ്കിൽ പിൻവ​രുന്ന ചോദ്യ​ങ്ങൾക്കൊണ്ട്‌ നിങ്ങളു​ടെ ഓർമ പരി​ശോ​ധി​ക്ക​രു​തോ?

◻ “കർത്താ​വി​ന്റെ ദിവസ”വും “യഹോ​വ​യു​ടെ ദിവസ”വും തമ്മിലുള്ള വ്യത്യാ​സ​മെന്ത്‌? (വെളി​പ്പാ​ടു 1:10, NW; യോവേൽ 2:11)

വെളി​പ്പാ​ടു 1-22 അധ്യാ​യ​ങ്ങ​ളിൽ വർണി​ച്ചി​രി​ക്കുന്ന 16 ദർശന​ങ്ങ​ളു​ടെ​യും യേശു​വി​ന്റെ സാന്നി​ധ്യ​ത്തി​ന്റെ അടയാ​ള​ത്തെ​ക്കു​റി​ച്ചുള്ള ശിഷ്യ​ന്മാ​രു​ടെ ചോദ്യ​ത്തിന്‌ ഉത്തരമാ​യി യേശു പ്രവചിച്ച എല്ലാ അടിസ്ഥാന സംഭവ​ങ്ങ​ളു​ടെ​യും നിവൃത്തി “കർത്താ​വി​ന്റെ ദിവസ”ത്തിൽ ഉൾപ്പെ​ടു​ന്നു. കർത്താ​വി​ന്റെ ദിവസ​ത്തി​ലെ ഒരു നിർണാ​യക ഘട്ടത്തിൽ, സാത്താന്റെ ദുഷിച്ച ലോക​ത്തി​ന്മേൽ യഹോവ ശീഘ്ര​ന്യാ​യ​വി​ധി നിർവ​ഹി​ക്കു​മ്പോൾ യഹോ​വ​യു​ടെ അതിഭ​യങ്കര ദിവസം പൊട്ടി​പ്പു​റ​പ്പെ​ടും. (മത്തായി 24:3-14; ലൂക്കൊസ്‌ 21:11)—12/15, പേജ്‌ 11.

◻ മാകാ​ര്യോസ്‌ ബൈബി​ളി​ന്റെ ശ്രദ്ധേ​യ​മായ ചില സവി​ശേ​ഷ​തകൾ ഏവ?

മാകാര്യോസ്‌ ബൈബി​ളിൽ യഹോവ എന്ന നാമം 3,500 പ്രാവ​ശ്യം പ്രത്യ​ക്ഷ​പ്പെ​ടു​ന്നു. ഒരു റഷ്യൻ മതസാ​ഹി​ത്യ പണ്ഡിതൻ ഇങ്ങനെ പറഞ്ഞു: “എബ്രായ പാഠത്തി​ന്റെ ഒരു വിശ്വസ്‌ത പരിഭാ​ഷ​യാ​ണത്‌, തർജമ​യു​ടെ ഭാഷ ശുദ്ധവും വിഷയ​ത്തി​നു ചേർന്ന​തു​മാണ്‌.”—12/15, പേജ്‌ 27.

◻ നമ്മെ സ്വത​ന്ത്ര​രാ​ക്കു​മെന്ന്‌ യേശു പറഞ്ഞ “സത്യം” എന്താണ്‌? (യോഹ​ന്നാൻ 8:32)

“സത്യം” എന്നതു​കൊണ്ട്‌ യേശു അർഥമാ​ക്കി​യത്‌ ബൈബി​ളിൽ നമുക്കാ​യി സൂക്ഷി​ച്ചി​രി​ക്കുന്ന ദിവ്യ​നി​ശ്വസ്‌ത വിവര​ങ്ങ​ളെ​യാണ്‌, വിശേ​ഷി​ച്ചും ദൈവ​ഹി​തം സംബന്ധിച്ച വിവര​ങ്ങളെ.—1/1, പേജ്‌ 3.

◻ ആരൊ​ക്കെ​യാണ്‌ ആധുനി​ക​കാല യേഹൂ​വും യോനാ​ദാ​ബും?

“ദൈവ​ത്തി​ന്റെ യിസ്രാ​യേ”ലായ അഭിഷിക്ത ക്രിസ്‌ത്യാ​നി​ക​ളാൽ ഭൂമി​യിൽ പ്രതി​നി​ധാ​നം ചെയ്യ​പ്പെ​ടുന്ന യേശു​ക്രി​സ്‌തു​വി​നെ യേഹൂ ചിത്രീ​ക​രി​ക്കു​ന്നു. (ഗലാത്യർ 6:16; വെളി​പ്പാ​ടു 12:17) യേഹൂ​വി​നെ കണ്ടുമു​ട്ടാ​നാ​യി യോനാ​ദാബ്‌ വന്നതു​പോ​ലെ, സത്യാ​രാ​ധ​ന​യ്‌ക്കു​വേ​ണ്ടി​യുള്ള തങ്ങളുടെ നിലപാ​ടിൽ യേശു​വി​ന്റെ ഭൗമിക പ്രതി​നി​ധി​കളെ പിന്തു​ണ​യ്‌ക്കാൻ ജനതക​ളിൽനി​ന്നുള്ള ഒരു “മഹാപു​രു​ഷാ​രം” പുറത്തു​വ​ന്നി​രി​ക്കു​ന്നു. (വെളി​പ്പാ​ടു 7:9, 10; 2 രാജാ​ക്ക​ന്മാർ 10:15)—1/1, പേജ്‌ 13.

◻ ‘ദൈവ​ത്തോ​ടു​കൂ​ടെ നടക്കുക’ എന്നതിന്റെ അർഥ​മെന്ത്‌? (ഉല്‌പത്തി 5:24; 6:9)

തങ്ങൾക്കു ദൈവ​ത്തിൽ ശക്തമായ വിശ്വാ​സ​മു​ണ്ടെന്നു തെളിവു നൽകും​വി​ധം പ്രവർത്തിച്ച ഹാനോ​ക്കി​നെ​യും നോഹ​യെ​യും​പോ​ലെ പ്രവർത്തി​ക്കു​ന്ന​തി​നെ അത്‌ അർഥമാ​ക്കു​ന്നു. യഹോവ കൽപ്പി​ച്ചത്‌ അവർ ചെയ്യു​ക​യും മനുഷ്യ​വർഗ​വു​മാ​യുള്ള അവന്റെ ഇടപെ​ട​ലു​ക​ളിൽനിന്ന്‌ അവനെ​ക്കു​റിച്ച്‌ അവർക്ക​റി​യാ​വു​ന്ന​തി​നു ചേർച്ച​യിൽ തങ്ങളുടെ ജീവി​തത്തെ ക്രമ​പ്പെ​ടു​ത്തു​ക​യും ചെയ്‌തു.—1/15, പേജ്‌ 13.

◻ മരണസാ​ധ്യ​ത​യെ​പ്രതി ഒരുവൻ മുൻകൂ​ട്ടി ആസൂ​ത്ര​ണങ്ങൾ ചെയ്യേ​ണ്ടത്‌ എന്തു​കൊണ്ട്‌?

ഒരർഥത്തിൽ, അത്തരം ക്രമീ​ക​ര​ണങ്ങൾ ചെയ്യു​ന്നത്‌ ഒരുവന്റെ കുടും​ബ​ത്തി​നുള്ള ഒരു സമ്മാന​മാണ്‌. അതു സ്‌നേ​ഹത്തെ പ്രകട​മാ​ക്കു​ന്നു. മേലാൽ കുടും​ബ​ത്തോ​ടൊ​പ്പം ഇല്ലാത്ത​പ്പോൾ പോലും ‘സ്വന്തകു​ടും​ബ​ക്കാർക്കു വേണ്ടി കരുതാ’നുള്ള ഒരുവന്റെ ആഗ്രഹം അതു പ്രകട​മാ​ക്കു​ന്നു. (തിമൊ​ഥെ​യൊസ്‌ 5:8)—1/15, പേജ്‌ 22.

◻ “പഴയ ഉടമ്പടി” എന്തു നിർവ​ഹി​ച്ചു? (2 കൊരി​ന്ത്യർ 3:14)

അത്‌ പുതിയ ഉടമ്പടി​യു​ടെ പൂർവ ദർശനങ്ങൾ പ്രദാ​നം​ചെ​യ്‌തു. അതിലെ ആവർത്തി​ച്ചുള്ള ബലികൾ, മനുഷ്യ​നു പാപത്തിൽനി​ന്നും മരണത്തിൽനി​ന്നു​മുള്ള വിടുതൽ എത്രകണ്ട്‌ ആവശ്യ​മാ​ണെന്നു പ്രകട​മാ​ക്കി. അത്‌ “ക്രിസ്‌തു​വി​ലേക്കു നയിക്കുന്ന ഒരു ഗുരു”വായി​രു​ന്നു. (ഗലാത്യർ 3:24, NW)—2/1, പേജ്‌ 14.

◻ ഏതൊക്കെ വിധങ്ങ​ളി​ലാണ്‌ പുതിയ ഉടമ്പടി ശാശ്വ​ത​മാ​യി​രി​ക്കു​ന്നത്‌? (എബ്രായർ 13:20)

ഒന്നാമതായി, ന്യായ​പ്ര​മാണ ഉടമ്പടി​യിൽനി​ന്നു വ്യത്യ​സ്‌ത​മാ​യി അതൊ​രി​ക്ക​ലും നീക്കം​ചെ​യ്യ​പ്പെ​ടു​ക​യില്ല. രണ്ടാമ​താ​യി, അതിന്റെ പ്രവർത്ത​ന​ഫ​ലങ്ങൾ ശാശ്വ​ത​മാണ്‌. മൂന്നാ​മ​താ​യി, ക്രിസ്‌തു​വി​ന്റെ ആയിരം-വർഷ വാഴ്‌ച​ക്കാ​ലത്ത്‌ ദൈവ​രാ​ജ്യ​ത്തി​ലെ ഭൗമിക പ്രജകൾ പുതിയ ഉടമ്പടി ക്രമീ​ക​ര​ണ​ത്തിൽനി​ന്നു പ്രയോ​ജനം നേടു​ന്ന​തിൽ തുടരും.—2/1, പേജ്‌ 22.

◻ കൃതജ്ഞ​ത​യു​ള്ള​വ​രാ​യി​രി​ക്കു​ന്ന​തി​ന്റെ പ്രയോ​ജ​നങ്ങൾ ഏവ?

ഹൃദയത്തിൽ കൃതജ്ഞ​ത​യു​ണ്ടാ​യി​രി​ക്കു​ന്ന​തി​ന്റെ ഫലമായി അനുഭ​വ​പ്പെ​ടുന്ന ഊഷ്‌മളത ഒരുവന്റെ സന്തുഷ്ടി​യും സമാധാ​ന​വും വർധി​പ്പി​ക്കു​ന്നു. (സദൃശ​വാ​ക്യ​ങ്ങൾ 15:13, 15 താരത​മ്യം ചെയ്യുക.) ഒരു ക്രിയാ​ത്മക ഗുണമായ കൃതജ്ഞത ഒരുവനെ ദേഷ്യം, അസൂയ, നീരസം തുടങ്ങിയ നിഷേ​ധാ​ത്മക വികാ​ര​ങ്ങ​ളിൽനി​ന്നു സംരക്ഷി​ക്കു​ന്നു.—2/15, പേജ്‌ 4.

◻ ആത്മജനനം പ്രാപി​ച്ചവർ ഏതെല്ലാം ഉടമ്പടി​ക​ളി​ലേ​ക്കാണ്‌ എടുക്ക​പ്പെ​ട്ടി​രി​ക്കു​ന്നത്‌?

ആത്മീയ ഇസ്രാ​യേ​ലി​ലെ അംഗങ്ങ​ളു​മാ​യി യഹോവ ഉണ്ടാക്കുന്ന പുതിയ ഉടമ്പടി​യി​ലേ​ക്കും തന്റെ അഭിഷിക്ത പദാനു​ഗാ​മി​ക​ളു​മാ​യി യേശു ഉണ്ടാക്കുന്ന രാജ്യ​ത്തി​നാ​യുള്ള ഉടമ്പടി​യി​ലേ​ക്കും. (ലൂക്കൊസ്‌ 22:20, 28-30)—2/15, പേജ്‌ 16.

◻ ഏതൊക്കെ മൂന്ന്‌ ഉത്സവങ്ങ​ളിൽ സംബന്ധി​ക്കാ​നാണ്‌ ഇസ്രാ​യേ​ല്യ​രോ​ടു കൽപ്പി​ച്ചി​രു​ന്നത്‌?

നീസാൻ 14-ലെ പെസഹ​യ്‌ക്കു തൊട്ടു​പി​ന്നാ​ലെ​യുള്ള പുളി​പ്പി​ല്ലാത്ത അപ്പത്തിന്റെ ഉത്സവം; നീസാൻ 16 മുതലുള്ള 50-ാം ദിവസത്തെ വാരോ​ത്സവം; കൂടാതെ ഏഴാം മാസത്തി​ലെ ഫലശേഖര ഉത്സവം, അഥവാ കൂടാ​രോ​ത്സവം. (ആവർത്ത​ന​പു​സ്‌തകം 16:1-15)—3/1, പേജുകൾ 8, 9.

◻ ക്രിസ്‌തീയ കൂടി​വ​ര​വു​ക​ളിൽ സംബന്ധി​ക്കു​ന്നത്‌ ഒരു പദവി​യാ​യി​രി​ക്കു​ന്ന​തെ​ന്തു​കൊണ്ട്‌?

യേശു പറഞ്ഞു: “രണ്ടോ മൂന്നോ പേർ എന്റെ നാമത്തിൽ കൂടി​വ​രു​ന്നേ​ട​ത്തൊ​ക്കെ​യും ഞാൻ അവരുടെ നടുവിൽ ഉണ്ടു.” (മത്തായി 18:20; 28:20) കൂടാതെ, ആത്മീയ പോഷി​പ്പി​ക്കൽ നടക്കുന്ന ഒരു പ്രധാന മാർഗ​മാണ്‌ സഭാ​യോ​ഗ​ങ്ങ​ളും വലിയ കൂടി​വ​ര​വു​ക​ളും. (മത്തായി 24:45)—3/1, പേജ്‌ 14.

◻ നി​മ്രോദ്‌ എന്ന പേരിന്റെ ഉത്ഭവ​മെന്ത്‌?

നിമ്രോദ്‌ എന്ന പേര്‌ ജനിച്ച​പ്പോൾ നൽക​പ്പെ​ട്ട​ത​ല്ലെന്ന അഭി​പ്രാ​യ​ക്കാ​രാണ്‌ പല പണ്ഡിത​ന്മാ​രും. മറിച്ച്‌, അവന്റെ മത്സരസ്വ​ഭാ​വം പ്രകട​മാ​യ​തി​നു​ശേഷം പിൽക്കാ​ലത്ത്‌ ലഭിച്ച​താണ്‌ ആ പേര്‌ എന്ന്‌ അവർ വിചാ​രി​ക്കു​ന്നു.—3/15, പേജ്‌ 25.

◻ കുടും​ബം മാനുഷ സമുദാ​യ​ത്തിന്‌ എത്ര പ്രധാ​ന​മാണ്‌?

കുടുംബം മനുഷ്യ ജീവി​ത​ത്തി​ലെ അനിവാ​ര്യ ഘടകമാണ്‌. കുടുംബ ക്രമീ​ക​രണം ദുർബ​ല​മാ​കു​മ്പോൾ സമുദാ​യ​ങ്ങ​ളു​ടെ​യും രാഷ്‌ട്ര​ങ്ങ​ളു​ടെ​യും ശക്തി ക്ഷയിക്കു​ന്നു​വെന്നു ചരിത്രം പ്രകട​മാ​ക്കു​ന്നു. അതു​കൊണ്ട്‌ കുടും​ബ​ത്തിന്‌ സമൂഹ​ത്തി​ന്റെ കെട്ടു​റ​പ്പി​ലും കുട്ടി​ക​ളു​ടെ​യും ഭാവി തലമു​റ​ക​ളു​ടെ​യും ക്ഷേമത്തി​ലും നേരി​ട്ടുള്ള ഒരു സ്വാധീ​ന​മുണ്ട്‌.—4/1, പേജ്‌ 6.

◻ ബൈബിൾ ദൈവ​ത്തി​ന്റെ വചനമാ​ണെ​ന്നു​ള്ള​തി​ന്റെ മൂന്നു തെളി​വു​ക​ളേവ?

(1) അതു ശാസ്‌ത്രീ​യ​മാ​യി കൃത്യ​ത​യു​ള്ള​താണ്‌; (2) ആധുനിക ജീവി​ത​ത്തി​നു പ്രാ​യോ​ഗി​ക​മായ കാലാ​തീത തത്ത്വങ്ങൾ അതിലുണ്ട്‌; (3) ചരി​ത്ര​വ​സ്‌തു​ത​ക​ളാൽ സ്ഥിരീ​ക​രി​ക്കാ​വുന്ന, നിവൃ​ത്തി​യേ​റിയ ഖണ്ഡിത​മായ പ്രവച​നങ്ങൾ അതില​ട​ങ്ങി​യി​രി​ക്കു​ന്നു.—4/1, പേജ്‌ 15.