നിങ്ങളു​ടെ വിശ്വാ​സ​ത്തി​ന്റെ ഗുണനി​ല​വാ​രം—ഇപ്പോൾ പരി​ശോ​ധി​ക്ക​പ്പെ​ടു​ന്നു

“എന്റെ സഹോ​ദ​ര​ന്മാ​രേ, നിങ്ങൾക്കു വിവിധ പീഡാ​നു​ഭ​വങ്ങൾ നേരി​ടു​മ്പോൾ, വിശ്വാ​സ​ത്തി​ന്റെ പരി​ശോ​ധി​ക്ക​പ്പെട്ട ഗുണനി​ല​വാ​രം സഹിഷ്‌ണുത ഉളവാ​ക്കു​ന്നു എന്ന്‌ അറിഞ്ഞു​കൊണ്ട്‌, അതെല്ലാം സന്തോ​ഷ​മാ​യി ഗണിക്കു​വിൻ.”—യാക്കോബ്‌ 1:2, 3, NW.

1. ക്രിസ്‌ത്യാ​നി​കൾ തങ്ങളുടെ വിശ്വാ​സ​ത്തിന്‌ പരി​ശോ​ധ​നകൾ നേരി​ടു​മെന്ന്‌ പ്രതീ​ക്ഷി​ക്കേ​ണ്ട​തെ​ന്തു​കൊണ്ട്‌?

സത്യ ക്രിസ്‌ത്യാ​നി​കൾക്കു കഷ്‌ട​പ്പാ​ടു​ക​ളോട്‌ യാതൊ​രു പ്രതി​പ​ത്തി​യു​മില്ല, വേദന​യി​ലോ അപമാ​ന​ത്തി​ലോ അവരൊ​ട്ടു സന്തോ​ഷി​ക്കു​ന്നു​മില്ല. എന്നിരു​ന്നാ​ലും, യേശു​വി​ന്റെ അർധസ​ഹോ​ദ​ര​നായ യാക്കോ​ബി​ന്റെ മേൽപ്പറഞ്ഞ വാക്കുകൾ അവർ മനസ്സിൽപ്പി​ടി​ക്കു​ന്നു. ദൈവ​ത്തി​ന്റെ നിലവാ​ര​ങ്ങ​ളോ​ടു പറ്റിനിൽക്കു​ന്ന​തി​നാൽ പീഡന​വും മറ്റു ബുദ്ധി​മു​ട്ടു​ക​ളും പ്രതീ​ക്ഷി​ക്കാ​വു​ന്ന​താ​ണെന്ന്‌ ക്രിസ്‌തു തന്റെ ശിഷ്യ​ന്മാ​രോ​ടു വ്യക്തമാ​യി പറഞ്ഞി​ട്ടുണ്ട്‌. (മത്തായി 10:34; 24:9-13; യോഹ​ന്നാൻ 16:33) എന്നിരു​ന്നാ​ലും, അത്തരം പരി​ശോ​ധ​ന​ക​ളു​ടെ ഫലമായി സന്തോഷം ലഭിക്കു​ന്ന​താണ്‌. അതെങ്ങനെ?

2. (എ) നമ്മുടെ വിശ്വാ​സ​ത്തി​ന്റെ പരി​ശോ​ധന സന്തുഷ്ടി​യിൽ കലാശി​ക്കു​ന്ന​തെ​ങ്ങനെ? (ബി) നമ്മുടെ കാര്യ​ത്തിൽ സഹിഷ്‌ണുത അതിന്റെ പ്രവൃത്തി തികയ്‌ക്കു​ന്ന​തെ​ങ്ങനെ?

² പീഡാ​നു​ഭ​വ​ങ്ങ​ളോ വിശ്വാ​സ​ത്തി​ന്റെ പരി​ശോ​ധ​ന​ക​ളോ നേരി​ടു​മ്പോൾ നമുക്കു സന്തോഷം ലഭിക്കു​ന്ന​തി​ന്റെ ഒരു മുഖ്യ കാരണം അവയ്‌ക്കു നല്ല ഫലം ഉളവാ​ക്കാൻ കഴിയു​മെ​ന്ന​താണ്‌. യാക്കോബ്‌ പറയു​ന്ന​തു​പോ​ലെ, പരി​ശോ​ധ​ന​ക​ളി​ലോ ബുദ്ധി​മു​ട്ടു​ക​ളി​ലോ ധൈര്യ​സ​മേതം നില​കൊ​ള്ളു​ന്നത്‌ “സഹിഷ്‌ണുത ഉളവാ​ക്കു​ന്നു.” ആ അമൂല്യ ക്രിസ്‌തീയ ഗുണം വികസി​പ്പി​ച്ചെ​ടു​ക്കു​ന്ന​തിൽനി​ന്നു നമുക്കു പ്രയോ​ജനം നേടാ​വു​ന്ന​താണ്‌. യാക്കോബ്‌ എഴുതി: “നിങ്ങൾ ഒന്നിലും കുറവി​ല്ലാ​തെ എല്ലാ അർഥത്തി​ലും തികഞ്ഞ​വ​രും കുറ്റമ​റ്റ​വ​രും ആകേണ്ട​തി​നു സഹിഷ്‌ണു​ത​യ്‌ക്കു തികഞ്ഞ പ്രവൃത്തി ഉണ്ടാകട്ടെ.” (യാക്കോബ്‌ 1:4, NW) സഹിഷ്‌ണു​ത​യ്‌ക്ക്‌ ചെയ്യാൻ ഒരു ജോലി, ഒരു “പ്രവൃത്തി” ഉണ്ട്‌. സമനി​ല​യും പക്വത​യു​മുള്ള ക്രിസ്‌ത്യാ​നി​ക​ളാ​യി​ത്തീ​രാൻ സഹായി​ച്ചു​കൊണ്ട്‌ നമ്മെ എല്ലാ അർഥത്തി​ലും തികഞ്ഞ​വ​രാ​ക്കു​ക​യാണ്‌ അതിന്റെ നിയമിത ജോലി. അതു​കൊണ്ട്‌ തിരു​വെ​ഴു​ത്തു​പ​ര​മ​ല്ലാത്ത മാർഗങ്ങൾ ഉപയോ​ഗിച്ച്‌ പരി​ശോ​ധന പെട്ടെന്ന്‌ അവസാ​നി​പ്പി​ക്കാ​തെ, അതിന്റെ ഗതി സ്വാഭാ​വി​ക​മാ​യി​ത്തന്നെ പൂർത്തി​യാ​ക്കാൻ അനുവ​ദി​ക്കുക. അപ്പോൾ നമ്മുടെ വിശ്വാ​സം പരി​ശോ​ധി​ക്ക​പ്പെട്ട്‌ ശോധ​ന​ചെ​യ്യ​പ്പെ​ടും. സാഹച​ര്യ​ങ്ങ​ളു​മാ​യോ സഹ മനുഷ്യ​രു​മാ​യോ ഒത്തു​പോ​കുന്ന കാര്യ​ത്തിൽ നമുക്കു ക്ഷമയും അനുക​മ്പ​യും ദയയും സ്‌നേ​ഹ​വും കുറവാ​ണെ​ങ്കിൽ സഹിഷ്‌ണു​ത​യ്‌ക്കു നമ്മെ കൂടുതൽ തികവു​ള്ള​വ​രാ​ക്കാൻ കഴിയും. അതേ, അതിന്റെ ക്രമം ഇതാണ്‌: പരി​ശോ​ധന സഹിഷ്‌ണുത ഉളവാ​ക്കു​ന്നു; സഹിഷ്‌ണുത ക്രിസ്‌തീയ ഗുണങ്ങൾ വർധി​പ്പി​ക്കു​ന്നു; ഇവ സന്തുഷ്ടി​ക്കു കാരണ​മാ​യി​ത്തീ​രു​ക​യും ചെയ്യുന്നു.—1 പത്രൊസ്‌ 4:14; 2 പത്രൊസ്‌ 1:5-8.

3. പീഡാ​നു​ഭ​വ​ങ്ങ​ളോ വിശ്വാ​സ​ത്തി​ന്റെ പരി​ശോ​ധ​ന​ക​ളോ ഭയന്ന്‌ നാം പിന്മാ​റ​രു​താ​ത്ത​തെ​ന്തു​കൊണ്ട്‌?

³ നമ്മുടെ വിശ്വാ​സ​ത്തി​ന്റെ പരി​ശോ​ധ​ന​കളെ നാം ഭയപ്പെ​ടു​ക​യോ അവയിൽനി​ന്നു പിന്മാ​റു​ക​യോ ചെയ്യേ​ണ്ട​തി​ല്ലാ​ത്ത​തി​ന്റെ കാരണം പത്രൊസ്‌ അപ്പോ​സ്‌ത​ല​നും പ്രദീ​പ്‌ത​മാ​ക്കി. അവൻ എഴുതി: “അതിൽ നിങ്ങൾ ഇപ്പോൾ അല്‌പ​നേ​ര​ത്തേക്കു നാനാ​പ​രീ​ക്ഷ​ക​ളാൽ ദുഃഖി​ച്ചി​രി​ക്കേ​ണ്ടി​വ​ന്നാ​ലും ആനന്ദി​ക്കു​ന്നു. അഴിഞ്ഞു​പോ​കു​ന്ന​തും തീയിൽ ശോധന കഴിക്കു​ന്ന​തു​മായ പൊന്നി​നെ​ക്കാൾ നിങ്ങളു​ടെ വിശ്വാ​സ​ത്തി​ന്റെ പരി​ശോ​ധന വില​യേ​റി​യതു എന്നു യേശു​ക്രി​സ്‌തു​വി​ന്റെ പ്രത്യ​ക്ഷ​ത​യിൽ പുകഴ്‌ചെ​ക്കും തേജസ്സി​ന്നും മാനത്തി​ന്നു​മാ​യി കാണ്മാൻ അങ്ങനെ ഇടവരും.” (1 പത്രൊസ്‌ 1:6, 7) ഈ വാക്കുകൾ ഇപ്പോൾ വിശേ​ഷാൽ പ്രോ​ത്സാ​ഹ​ജ​ന​ക​മാണ്‌, എന്തെന്നാൽ സ്‌തു​തി​യു​ടെ​യും മഹത്ത്വ​ത്തി​ന്റെ​യും ബഹുമാ​ന​ത്തി​ന്റെ​യും അതിജീ​വ​ന​ത്തി​ന്റെ​യും സമയമായ “മഹോ​പ​ദ്രവം” ചിലർ വിചാ​രി​ക്കു​ന്ന​തി​നെ​ക്കാ​ളും നാം വിശ്വാ​സി​ക​ളാ​യി​ത്തീർന്ന സമയ​ത്തെ​ക്കാ​ളും വളരെ അടു​ത്തെ​ത്തി​യി​രി​ക്കു​ക​യാണ്‌.—മത്തായി 24:21; റോമർ 13:11, 12.

4. താനും മറ്റ്‌ അഭിഷിക്ത ക്രിസ്‌ത്യാ​നി​ക​ളും അനുഭ​വിച്ച പരി​ശോ​ധ​ന​ക​ളെ​ക്കു​റിച്ച്‌ ഒരു സഹോ​ദ​രന്‌ എന്തു തോന്നി?

⁴ മുൻലേ​ഖ​ന​ത്തിൽ, അഭിഷിക്ത ശേഷിപ്പ്‌ 1914 മുതൽ അഭിമു​ഖീ​ക​രിച്ച പരി​ശോ​ധ​നകൾ നാം പരിചി​ന്തി​ക്കു​ക​യു​ണ്ടാ​യി. ഇവ സന്തോ​ഷ​ത്തിന്‌ അടിസ്ഥാ​ന​മാ​യി​രു​ന്നോ? ആ കഴിഞ്ഞ കാല​ത്തെ​ക്കു​റിച്ച്‌ എ. എച്ച്‌. മാക്‌മി​ല്ലന്റെ വീക്ഷണ​മി​താ​യി​രു​ന്നു: “സ്ഥാപന​ത്തി​ന്മേൽ അനേകം കഠിന പരി​ശോ​ധ​നകൾ വരുന്ന​തും അതിലു​ള്ള​വ​രു​ടെ വിശ്വാ​സം പരി​ശോ​ധി​ക്ക​പ്പെ​ടു​ന്ന​തും ഞാൻ കണ്ടിട്ടുണ്ട്‌. ദൈവാ​ത്മാ​വി​ന്റെ സഹായ​ത്തോ​ടെ സ്ഥാപനം അവയെ അതിജീ​വിച്ച്‌ തഴച്ചു​വ​ള​രു​ന്ന​തിൽ തുടർന്നു. പുതിയ ചിന്ത​യെ​ക്കു​റിച്ച്‌ അസ്വസ്ഥ​രാ​കു​ന്ന​തി​നു​പ​കരം, തിരു​വെ​ഴു​ത്തു സംഗതി​ക​ളെ​ക്കു​റി​ച്ചുള്ള ഗ്രാഹ്യം വ്യക്തമാ​ക്കി​ത്ത​രു​ന്ന​തി​നു​വേണ്ടി ക്ഷമാപൂർവം യഹോ​വ​യ്‌ക്കാ​യി കാത്തി​രി​ക്കു​ന്ന​തി​ലെ ജ്ഞാനം എനിക്കു ബോധ്യ​മാ​യി​ട്ടുണ്ട്‌. . . . കാല​ക്ര​മ​ത്തിൽ നമ്മുടെ വീക്ഷണ​ങ്ങൾക്ക്‌ എന്തു പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ടി​വ​ന്നാ​ലും, അതു മറുവി​ല​യാ​ഗ​മെന്ന മഹത്തായ കരുത​ലി​നും നിത്യ​ജീ​വൻ സംബന്ധി​ച്ചുള്ള ദൈവ​ത്തി​ന്റെ വാഗ്‌ദാ​ന​ത്തി​നും മാറ്റം വരുത്തു​ക​യില്ല. അതു​കൊണ്ട്‌, പ്രതീ​ക്ഷകൾ നിറ​വേ​റാ​ത്ത​തി​നാ​ലോ വീക്ഷണ​ങ്ങ​ളിൽ മാറ്റം വരു​ത്തേ​ണ്ടി​വ​രു​ന്ന​തി​നാ​ലോ നമ്മുടെ വിശ്വാ​സം ദുർബ​ല​മാ​കാൻ അനുവ​ദി​ക്കേണ്ട യാതൊ​രാ​വ​ശ്യ​വു​മില്ല.”—1966 ആഗസ്റ്റ്‌ 15 ലക്കം വീക്ഷാ​ഗോ​പു​രം, (ഇംഗ്ലീഷ്‌) പേജ്‌ 504.

5. (എ) ശേഷിപ്പ്‌ പരി​ശോ​ധ​നകൾ നേരി​ടു​ന്ന​തി​ന്റെ ഫലമായി എന്തു പ്രയോ​ജ​ന​ങ്ങ​ളുണ്ട്‌? (ബി) പരി​ശോ​ധ​ന​യു​ടെ ഈ സംഗതി ഇപ്പോൾ നമ്മിൽ താത്‌പ​ര്യം ഉണർത്തേ​ണ്ട​തെ​ന്തു​കൊണ്ട്‌?

⁵ 1914-19-ലെ പരി​ശോ​ധനാ കാലഘ​ട്ടത്തെ അതിജീ​വിച്ച അഭിഷിക്ത ക്രിസ്‌ത്യാ​നി​കൾ ലോക​ത്തി​ന്റെ ആധിപത്യ സ്വാധീ​ന​ത്തിൽനി​ന്നും അനേകം ബാബി​ലോ​ന്യ മതാചാ​ര​ങ്ങ​ളിൽനി​ന്നും സ്വത​ന്ത്ര​രാ​ക്ക​പ്പെട്ടു. ദൈവ​ത്തി​നു സ്വമന​സ്സാ​ലെ സ്‌തു​തി​യാ​ഗങ്ങൾ അർപ്പി​ച്ചും ഒരു ജനമെന്ന നിലയിൽ തങ്ങൾ അവന്‌ സ്വീകാ​ര്യ​രാ​ണെന്ന ഉറപ്പോ​ടെ​യും ആ ശേഷിപ്പ്‌ ശുദ്ധീ​ക​രി​ക്ക​പ്പെ​ട്ട​വ​രും ശോധന ചെയ്യ​പ്പെ​ട്ട​വ​രു​മായ ജനമെന്ന നിലയിൽ മുന്നേ​റി​ക്കൊ​ണ്ടി​രു​ന്നു. (യെശയ്യാ​വു 52:11; 2 കൊരി​ന്ത്യർ 6:14-18) ന്യായ​വി​ധി ദൈവ​ഗൃ​ഹ​ത്തിൽ തുടങ്ങി​യി​രു​ന്നു, എന്നാൽ ഏതെങ്കി​ലു​മൊ​രു നിശ്ചിത കാലഘ​ട്ട​ത്തിൽ അത്‌ അവസാ​നി​ക്കു​മാ​യി​രു​ന്നില്ല. ദൈവ​ജ​ന​ത്തി​ന്റെ പരി​ശോ​ധ​ന​യും പതിരു​പാ​റ്റ​ലും തുടരു​ക​യാണ്‌. സമീപി​ച്ചു​കൊ​ണ്ടി​രി​ക്കുന്ന “മഹോ​പ​ദ്രവ”ത്തെ, “മഹാപു​രു​ഷാര”ത്തിന്റെ ഭാഗമെന്ന നിലയിൽ അതിജീ​വി​ക്കാൻ പ്രത്യാ​ശി​ക്കു​ന്ന​വ​രു​ടെ​യും വിശ്വാ​സം പരി​ശോ​ധി​ക്ക​പ്പെ​ടു​ക​യാണ്‌. (വെളി​പ്പാ​ടു 7:9, 14) അഭിഷിക്ത ശേഷി​പ്പി​നു നേരി​ട്ട​തി​നോ​ടു സമാന​മായ വിധങ്ങ​ളി​ലും മറ്റുമാണ്‌ അവർ പരി​ശോ​ധി​ക്ക​പ്പെ​ടു​ന്നത്‌.

നിങ്ങൾ എങ്ങനെ പരി​ശോ​ധി​ക്ക​പ്പെ​ട്ടേ​ക്കാം?

6. അനേകർക്കും നേരി​ട്ടി​രി​ക്കുന്ന ഒരുതരം കഠിന​മായ പരി​ശോ​ധ​ന​യെന്ത്‌?

⁶ നേരി​ട്ടുള്ള ആക്രമ​ണ​ങ്ങ​ളു​ടെ രൂപത്തി​ലുള്ള പരി​ശോ​ധ​നകൾ അഭിമു​ഖീ​ക​രി​ക്കു​ന്ന​തി​ന്റെ വെല്ലു​വി​ളി​യെ​ക്കു​റിച്ച്‌ അനേകം ക്രിസ്‌ത്യാ​നി​കൾ ചിന്തി​ച്ചി​ട്ടുണ്ട്‌. അവർ ഈ റിപ്പോർട്ട്‌ അനുസ്‌മ​രി​ക്കു​ന്നു: “[യഹൂദ നേതാ​ക്ക​ന്മാർ] അപ്പൊ​സ്‌ത​ല​ന്മാ​രെ വരുത്തി അടിപ്പി​ച്ചു, ഇനി യേശു​വി​ന്റെ നാമത്തിൽ സംസാ​രി​ക്ക​രു​തു എന്നു കല്‌പി​ച്ചു അവരെ വിട്ടയച്ചു. തിരു​നാ​മ​ത്തി​ന്നു വേണ്ടി അപമാനം സഹിപ്പാൻ യോഗ്യ​രാ​യി എണ്ണപ്പെ​ടു​ക​യാൽ അവർ സന്തോ​ഷി​ച്ചു​കൊ​ണ്ടു ന്യായാ​ധി​പ​സം​ഘ​ത്തി​ന്റെ മുമ്പിൽനി​ന്നു പുറ​പ്പെ​ട്ടു​പോ​യി.” (പ്രവൃ​ത്തി​കൾ 5:40, 41) അനേകം യഹോ​വ​യു​ടെ സാക്ഷി​ക​ളും പീഡക​രിൽനിന്ന്‌ മർദന​ങ്ങ​ളും അതി​നെ​ക്കാൾ നിന്ദ്യ​മായ പെരു​മാ​റ്റ​ങ്ങ​ളും യഥാർഥ​ത്തിൽ അനുഭ​വി​ച്ചു​വെന്ന്‌ ദൈവ​ജ​ന​ത്തി​ന്റെ ആധുനിക ചരിത്രം, വിശേ​ഷിച്ച്‌ ലോക​മ​ഹാ​യു​ദ്ധ​ങ്ങ​ളു​ടെ സമയത്തെ ചരിത്രം, വ്യക്തമാ​ക്കു​ന്നു.

7. ആധുനി​ക​നാ​ളി​ലെ ചില ക്രിസ്‌ത്യാ​നി​കൾ ഏതള​വോ​ളം വിശ്വാ​സം പ്രകട​മാ​ക്കി​യി​രി​ക്കു​ന്നു?

⁷ ക്രിസ്‌ത്യാ​നി​കൾ പീഡന​ത്തിന്‌ ഇരയാ​കു​ന്ന​തി​ന്റെ കാര്യ​ത്തിൽ, ലോക​ത്തി​നു മുമ്പിൽ അഭിഷിക്ത ശേഷി​പ്പെ​ന്നോ ‘വേറെ ആടുക​ളിൽ’പ്പെട്ട മഹാപു​രു​ഷാ​ര​മെ​ന്നോ ഉള്ള വ്യത്യാ​സ​മില്ല. (യോഹ​ന്നാൻ 10:16) വർഷങ്ങ​ളി​ലൂ​ടെ, ദൈവ​ത്തോ​ടുള്ള സ്‌നേ​ഹ​വും അവനി​ലുള്ള വിശ്വാ​സ​വും ഹേതു​വാ​യി ഇരുകൂ​ട്ട​രും കഠിന​മാ​യി പരി​ശോ​ധി​ക്ക​പ്പെ​ടു​ക​യും തടവി​ലാ​ക്ക​പ്പെ​ടു​ക​യും, രക്തസാ​ക്ഷി​ത്വം വരിക്കു​ക​യും​പോ​ലും ചെയ്‌തി​ട്ടുണ്ട്‌. അവരുടെ പ്രത്യാശ എന്തായാ​ലും, രണ്ടു കൂട്ടർക്കും ദൈവാ​ത്മാവ്‌ ആവശ്യ​മാ​യി​രു​ന്നി​ട്ടുണ്ട്‌. (1996 ജൂൺ 15 ലക്കം വീക്ഷാ​ഗോ​പു​രം, പേജ്‌ 31 താരത​മ്യം ചെയ്യുക.) 1930-കളിലും 1940-കളിലും നാസി ജർമനി​യിൽ, കുട്ടി​ക​ളുൾപ്പെടെ അസാധാ​രണ വിശ്വാ​സം പ്രകട​മാ​ക്കിയ യഹോ​വ​യു​ടെ ദാസരാ​യി അനേക​രു​ണ്ടാ​യി​രു​ന്നു, അവരിൽ പലരും അങ്ങേയറ്റം പരി​ശോ​ധി​ക്ക​പ്പെട്ടു. അടുത്ത​യി​ടെ, എത്യോ​പ്യ, എറി​ട്രിയ, ബുറുണ്ടി, മലാവി, മൊസാ​മ്പിക്ക്‌, സയർ, സിംഗ​പ്പൂർ, റുവാണ്ട തുടങ്ങിയ രാജ്യ​ങ്ങ​ളിൽ യഹോ​വ​യു​ടെ ജനം പീഡനം അനുഭ​വി​ച്ചി​രി​ക്കു​ന്നു. ഈ വിധത്തി​ലുള്ള പരി​ശോ​ധ​നകൾ ഇപ്പോ​ഴും തുടരു​ന്നു.

8. നമ്മുടെ വിശ്വാ​സ​ത്തി​ന്റെ പരി​ശോ​ധ​ന​യിൽ മർദന​ത്തി​ന്റെ രൂപത്തി​ലുള്ള പീഡനം സഹിക്കു​ന്ന​തി​നെ​ക്കാ​ളേറെ ഉൾപ്പെ​ട്ടി​ട്ടു​ണ്ടെന്ന്‌ ഒരു ആഫ്രിക്കൻ സഹോ​ദ​രന്റെ അഭി​പ്രാ​യങ്ങൾ പ്രകട​മാ​ക്കു​ന്ന​തെ​ങ്ങനെ?

⁸ എന്നിരു​ന്നാ​ലും, നേരത്തെ കണ്ടതു​പോ​ലെ, കൂടുതൽ കുടി​ല​മായ വിധത്തി​ലും നമ്മുടെ വിശ്വാ​സം പരി​ശോ​ധി​ക്ക​പ്പെ​ടു​ന്നുണ്ട്‌. ഈ പരി​ശോ​ധ​ന​ക​ളിൽ ചിലത്‌ അത്ര നേരി​ട്ടു​ള്ളതല്ല, എളുപ്പം തിരി​ച്ച​റി​യാ​വു​ന്ന​തു​മല്ല. പിൻവ​രു​ന്ന​തരം പരി​ശോ​ധ​ന​ക​ളോട്‌ നിങ്ങൾ എങ്ങനെ പ്രതി​ക​രി​ക്കു​മെന്ന്‌ പരിചി​ന്തി​ക്കുക. അംഗോ​ള​യി​ലെ ഒരു സഹോ​ദരൻ. പത്തു മക്കൾ. ഉത്തരവാ​ദി​ത്വ​പ്പെട്ട സഹോ​ദ​ര​ങ്ങ​ളു​മാ​യി സമ്പർക്ക​മി​ല്ലാ​തെ ഒറ്റപ്പെ​ട്ടു​കി​ട​ന്നി​രുന്ന ഒരു സഭയിൽ അദ്ദേഹ​ത്തി​നു കുറച്ചു​കാ​ലം കഴിച്ചു​കൂ​ട്ടേ​ണ്ടി​വന്നു. പിൽക്കാ​ലത്ത്‌ മറ്റുള്ള​വർക്കു സഭ സന്ദർശി​ക്കുക സാധ്യ​മാ​യി. കുടും​ബത്തെ എങ്ങനെ പോറ്റി​യെന്ന ചോദ്യ​ത്തിന്‌ ഉത്തരം പറയുക അദ്ദേഹ​ത്തിന്‌ എളുപ്പ​മാ​യി​രു​ന്നില്ല, സ്ഥിതി​ഗ​തി​കൾ ബുദ്ധി​മു​ട്ടു നിറഞ്ഞ​താ​യി​രു​ന്നു എന്നു മാത്രമേ അദ്ദേഹം പറഞ്ഞുള്ളൂ. ദിവസം ഒരു നേര​മെ​ങ്കി​ലും മക്കൾക്കു ഭക്ഷണം കൊടു​ക്കാൻ കഴിഞ്ഞി​രു​ന്നോ? അദ്ദേഹ​ത്തി​ന്റെ മറുപടി ഇതായി​രു​ന്നു: “കഷ്ടിച്ച്‌, ഉള്ളതു​കൊ​ണ്ടു കഴിഞ്ഞു​കൂ​ടാൻ ഞങ്ങൾ പഠിച്ചു.” എന്നിട്ട്‌ ബോധ്യം നിറഞ്ഞ സ്വരത്തിൽ അദ്ദേഹം പറഞ്ഞു: “എന്നാൽ ഈ അന്ത്യനാ​ളു​ക​ളിൽ ഇതുത​ന്നെ​യല്ലേ നാം പ്രതീ​ക്ഷി​ക്കു​ന്ന​തും?” അത്തരം വിശ്വാ​സം ലോക​ത്തിൽ ശ്രദ്ധേ​യ​മാണ്‌, രാജ്യ​വാ​ഗ്‌ദാ​നങ്ങൾ നിവൃ​ത്തി​യേ​റും എന്നതിൽ പൂർണ​വി​ശ്വാ​സ​മുള്ള വിശ്വസ്‌ത ക്രിസ്‌ത്യാ​നി​കൾക്കി​ട​യിൽ അത്‌ അസാധാ​ര​ണമല്ല.

9. 1 കൊരി​ന്ത്യർ 11:3-നോടുള്ള ബന്ധത്തിൽ നാം പരി​ശോ​ധി​ക്ക​പ്പെ​ടു​ന്ന​തെ​ങ്ങനെ?

⁹ ദിവ്യാ​ധി​പത്യ നടപടി​ക്ര​മ​ങ്ങ​ളോ​ടുള്ള ബന്ധത്തിൽ മഹാപു​രു​ഷാ​ര​വും പരി​ശോ​ധി​ക്ക​പ്പെ​ടു​ക​യാണ്‌. ലോക​വ്യാ​പക ക്രിസ്‌തീയ സഭ ദിവ്യ​ത​ത്ത്വ​ങ്ങൾക്കും ദിവ്യാ​ധി​പത്യ നിലവാ​ര​ങ്ങൾക്കും അനുസൃ​ത​മാ​യി നിയ​ന്ത്രി​ക്ക​പ്പെ​ടു​ന്നു. ഇതിനർഥം ആദ്യം​തന്നെ, സഭയുടെ ശിരസ്സാ​യി നിയമി​ത​നായ യേശു​ക്രി​സ്‌തു​വി​നെ നായക​നെന്ന നിലയിൽ അംഗീ​ക​രി​ക്ക​ണ​മെ​ന്നാണ്‌. (1 കൊരി​ന്ത്യർ 11:3) ഐക്യ​ത്തിൽ യഹോ​വ​യു​ടെ ഹിതം ചെയ്യു​ന്ന​തി​നോ​ടു ബന്ധപ്പെട്ട ദിവ്യാ​ധി​പത്യ നിയമ​ന​ങ്ങ​ളി​ലും തീരു​മാ​ന​ങ്ങ​ളി​ലും നാം വിശ്വാ​സ​മർപ്പി​ക്കു​മ്പോൾ അവനും അവന്റെ പിതാ​വി​നും നാം മനസ്സൊ​രു​ക്ക​ത്തോ​ടെ കീഴ്‌പെ​ടു​ന്നു​വെന്നു പ്രകട​മാ​ക്കു​ന്നു. കൂടാതെ, ഓരോ പ്രാ​ദേ​ശിക സഭയി​ലും നേതൃ​ത്വ​മെ​ടു​ക്കു​ന്ന​തി​നു നിയമിത പുരു​ഷ​ന്മാ​രുണ്ട്‌. അവർ അപൂർണ​രാണ്‌, അവരുടെ കുറവു​കൾ നാം പെട്ടെന്നു കണ്ടെത്തി​യേ​ക്കാം; എങ്കിലും അത്തരം മേൽവി​ചാ​ര​ക​ന്മാ​രെ ആദരി​ക്കാ​നും അവർക്കു കീഴ്‌പെ​ട്ടി​രി​ക്കാ​നും നാം ഉദ്‌ബോ​ധി​പ്പി​ക്ക​പ്പെ​ട്ടി​രി​ക്കു​ന്നു. (എബ്രായർ 13:7, 17) ചില​പ്പോ​ഴൊ​ക്കെ അതു ദുഷ്‌ക​ര​മാ​യി നിങ്ങൾക്കു തോന്നു​ന്നു​ണ്ടോ? അതു നിങ്ങൾക്ക്‌ യഥാർഥ​ത്തിൽ ഒരു പരി​ശോ​ധ​ന​യാ​ണോ? ആണെങ്കിൽ, നിങ്ങളു​ടെ വിശ്വാ​സ​ത്തി​ന്റെ ഈ പരി​ശോ​ധ​ന​യിൽനി​ന്നു നിങ്ങൾ പ്രയോ​ജ​ന​മ​നു​ഭ​വി​ക്കു​ന്നു​ണ്ടോ?

10. വയൽശു​ശ്രൂ​ഷ​യോ​ടുള്ള ബന്ധത്തിൽ നാം ഏതു പരി​ശോ​ധന നേരി​ടു​ന്നു?

¹⁰ വയൽശു​ശ്രൂ​ഷ​യിൽ ക്രമമാ​യി ഏർപ്പെ​ടാ​നുള്ള പദവി​യോ​ടും നിബന്ധ​ന​യോ​ടു​മുള്ള ബന്ധത്തി​ലും നാം നിരന്തരം പരി​ശോ​ധി​ക്ക​പ്പെ​ടു​ന്നുണ്ട്‌. ഈ പരി​ശോ​ധ​ന​യിൽ വിജയി​ക്ക​ണ​മെ​ങ്കിൽ, ശുശ്രൂ​ഷ​യിൽ ഒരു പൂർണ പങ്കുണ്ടാ​യി​രി​ക്കു​ന്ന​തിൽ നാമമാ​ത്ര പ്രസം​ഗ​ത്തെ​ക്കാൾ അധികം ഉൾപ്പെ​ട്ടി​രി​ക്കു​ന്നു​വെന്നു നാം തിരി​ച്ച​റി​യണം. തനിക്കു​ള്ളതു മുഴു​വ​നും നൽകിയ ദരി​ദ്ര​യായ വിധവയെ പ്രശം​സി​ച്ചു​കൊണ്ട്‌ യേശു പറഞ്ഞ വാക്കുകൾ അനുസ്‌മ​രി​ക്കുക. (മർക്കൊസ്‌ 12:41-44) ‘എന്റെ വയൽശു​ശ്രൂ​ഷ​യോ​ടുള്ള ബന്ധത്തിൽ ഞാൻ സമാന​മാ​യി എന്നെത്തന്നെ നൽകു​ന്നു​ണ്ടോ?’ എന്നു നമു​ക്കെ​ല്ലാ​വർക്കും സ്വയം ചോദി​ക്കാ​വു​ന്ന​താണ്‌. നാമെ​ല്ലാം ദിവസം മുഴു​വ​നും യഹോ​വ​യു​ടെ സാക്ഷി​ക​ളാ​യി​രി​ക്കു​ക​യും ഏതൊ​ര​വ​സ​ര​ത്തി​ലും നമ്മുടെ വെളിച്ചം പ്രകാ​ശി​പ്പി​ക്കാൻ തയ്യാറാ​യി​രി​ക്കു​ക​യും ചെയ്യേ​ണ്ട​തുണ്ട്‌.—മത്തായി 5:16.

11. ഗ്രാഹ്യം സംബന്ധി​ച്ചുള്ള മാറ്റങ്ങൾക്കോ നടത്ത സംബന്ധി​ച്ചുള്ള ബുദ്ധ്യു​പ​ദേ​ശ​ത്തി​നോ ഒരു പരി​ശോ​ധ​ന​യാ​കാൻ കഴിയു​ന്ന​തെ​ങ്ങനെ?

¹¹ ബൈബിൾ സത്യത്തി​ന്റെ​മേൽ ചൊരി​യുന്ന വർധി​ച്ചു​വ​രുന്ന പ്രകാ​ശ​ത്തോ​ടും വിശ്വസ്‌ത അടിമ​വർഗം പ്രദാ​നം​ചെ​യ്യുന്ന ബുദ്ധ്യു​പ​ദേ​ശ​ത്തോ​ടു​മുള്ള വിലമ​തി​പ്പി​ന്റെ അളവു​മാ​യി ബന്ധപ്പെ​ട്ടും നാം പരി​ശോ​ധി​ക്ക​പ്പെ​ടു​ന്നുണ്ട്‌. (മത്തായി 24:45) ചില​പ്പോൾ ഇത്‌ നമ്മുടെ വ്യക്തി​പ​ര​മായ നടത്തയിൽ പൊരു​ത്ത​പ്പെ​ടു​ത്ത​ലു​കൾ—സഭയിൽ നില​കൊ​ള്ളാൻ ആഗ്രഹി​ക്കു​ന്നവർ പുകയി​ല​യു​ടെ ഉപയോ​ഗം നിർത്ത​ണ​മെ​ന്ന​തു​പോ​ലു​ള്ളവ—ആവശ്യ​മാ​ക്കി​യേ​ക്കാം.a (2 കൊരി​ന്ത്യർ 7:1) ചില​പ്പോൾ ചില സംഗീ​ത​ത്തോ​ടോ മറ്റേ​തെ​ങ്കി​ലും വിനോ​ദ​രൂ​പ​ത്തോ​ടോ ഉള്ള നമ്മുടെ അഭിനി​വേ​ശ​ത്തിന്‌ കുറ​ച്ചൊ​ക്കെ മാറ്റം വരു​ത്തേ​ണ്ട​തു​ണ്ടെന്ന്‌ അംഗീ​ക​രി​ക്കു​ന്നത്‌ ഒരു പരി​ശോ​ധ​ന​യാ​കാം.b ബുദ്ധ്യു​പ​ദേശം ലഭിക്കു​മ്പോൾ, അതിന്റെ ജ്ഞാനത്തെ നാം സംശയി​ക്കു​മോ? അതോ നമ്മുടെ ചിന്താ​രീ​തി​കളെ കരുപ്പി​ടി​പ്പിച്ച്‌ പുതിയ ക്രിസ്‌തീയ വ്യക്തി​ത്വം ധരിക്കു​ന്ന​തി​നു നമ്മെ സഹായി​ക്കാൻ നാം ദൈവാ​ത്മാ​വി​നെ അനുവ​ദി​ക്കു​മോ?—എഫെസ്യർ 4:20-24; 5:3-5.

12. ഒരുവൻ സ്‌നാ​പ​ന​മേ​റ്റ​തി​നു​ശേഷം വിശ്വാ​സം ബലിഷ്‌ഠ​മാ​ക്കു​ന്ന​തിന്‌ എന്താവ​ശ്യ​മാണ്‌?

¹² പതിറ്റാ​ണ്ടു​ക​ളാ​യി, മഹാപു​രു​ഷാ​ര​ത്തിൽപ്പെ​ട്ട​വ​രു​ടെ എണ്ണം വർധി​ച്ചു​കൊ​ണ്ടേ​യി​രി​ക്കു​ന്നു. സ്‌നാ​പ​ന​ത്തി​നു​ശേഷം, അവർ യഹോ​വ​യു​മാ​യുള്ള തങ്ങളുടെ ബന്ധം ബലിഷ്‌ഠ​മാ​ക്കു​ന്ന​തിൽ തുടരു​ന്നു. ഇതിൽ ക്രിസ്‌തീയ സമ്മേള​ന​ത്തിൽ പങ്കെടു​ക്കൽ, രാജ്യ​ഹാ​ളി​ലെ ഏതാനും യോഗ​ങ്ങ​ളിൽ സംബന്ധി​ക്കൽ, വല്ലപ്പോ​ഴും വയൽസേ​വ​ന​ത്തിൽ പങ്കെടു​ക്കൽ എന്നിവ​യെ​ക്കാ​ള​ധി​കം ഉൾപ്പെ​ടു​ന്നു. ഉദാഹ​ര​ണ​ത്തിന്‌, ഒരു വ്യക്തി ശാരീ​രി​ക​മാ​യി വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​നു പുറത്താ​യി​രി​ക്കാം, എന്നാൽ അയാൾ യഥാർഥ​ത്തിൽ അതിൽനി​ന്നു വിട്ടു​പോ​ന്നി​ട്ടു​ണ്ടോ? ദൈവ​ത്തി​ന്റെ നീതി​നി​ഷ്‌ഠ​മായ നിലവാ​ര​ങ്ങളെ പുച്ഛി​ക്കുന്ന മഹാബാ​ബി​ലോ​ന്റെ മനോ​ഭാ​വത്തെ പ്രതി​ഫ​ലി​പ്പി​ക്കുന്ന സംഗതി​ക​ളോട്‌ അയാൾ ഇപ്പോ​ഴും പറ്റി​ച്ചേർന്നു നിൽക്കു​ന്നു​വോ? ലൈം​ഗിക ധാർമി​ക​ത​യെ​യും വൈവാ​ഹിക വിശ്വ​സ്‌ത​ത​യെ​യും അയാൾ നിസ്സാ​ര​മാ​യി വീക്ഷി​ക്കു​ന്നു​വോ? അയാൾ ആത്മീയ താത്‌പ​ര്യ​ങ്ങ​ളെ​ക്കാൾ പ്രാധാ​ന്യം കൽപ്പി​ക്കു​ന്നത്‌ വ്യക്തി​പ​ര​വും ഭൗതി​ക​വു​മായ താത്‌പ​ര്യ​ങ്ങൾക്കാ​ണോ? അതേ, അയാൾ ലോക​ത്തിൽ കളങ്കര​ഹി​ത​നാ​യി നില​കൊ​ള്ളു​ന്നു​വോ?—യാക്കോബ്‌ 1:27.

പരി​ശോ​ധി​ക്ക​പ്പെട്ട വിശ്വാ​സ​ത്തിൽനി​ന്നു പ്രയോ​ജ​ന​മ​നു​ഭ​വി​ക്കുക

13, 14. സത്യാ​രാ​ധ​ന​യിൽ വന്നതി​നു​ശേഷം ചിലർ എന്തു ചെയ്‌തി​രി​ക്കു​ന്നു?

¹³ മഹാബാ​ബി​ലോ​നിൽനി​ന്നു നാം യഥാർഥ​ത്തിൽ പലായനം ചെയ്യു​ക​യും ലോക​ത്തിൽനി​ന്നു പുറത്തു​വ​രി​ക​യും ചെയ്‌തി​ട്ടു​ണ്ടെ​ങ്കിൽ, വിട്ടു​പോ​ന്നി​രി​ക്കുന്ന സംഗതി​ക​ളി​ലേക്കു നാം തിരിഞ്ഞു നോക്ക​രുത്‌. പിന്തി​രി​ഞ്ഞു നോക്കു​ന്നെ​ങ്കിൽ, ലൂക്കൊസ്‌ 9:62-ൽ കാണുന്ന തത്ത്വത്തി​നു ചേർച്ച​യിൽ, നാം ദൈവ​രാ​ജ്യ​ത്തി​ന്റെ പ്രജയാ​യി​ത്തീ​രാ​നുള്ള അവസര​മാ​യി​രി​ക്കും നഷ്ടപ്പെ​ടു​ത്തു​ന്നത്‌. യേശു പറഞ്ഞു: “കലപ്പെക്കു കൈ വെച്ച​ശേഷം പുറ​കോ​ട്ടു നോക്കു​ന്നവൻ ആരും ദൈവ​രാ​ജ്യ​ത്തി​ന്നു കൊള്ളാ​കു​ന്ന​വനല്ല.”

¹⁴ എന്നാൽ മുമ്പു ക്രിസ്‌ത്യാ​നി​ക​ളാ​യി​ത്തീർന്ന ചിലർ ഈ വ്യവസ്ഥി​തിക്ക്‌ അനുരൂ​പ​മാ​കാൻ സ്വയം അനുവ​ദി​ച്ചി​രി​ക്കു​ന്നു. അവർ ലോക​ത്തി​ന്റെ ആത്മാവി​നെ ചെറു​ത്തു​നി​ന്നില്ല. (2 പത്രൊസ്‌ 2:20-22) ശ്രദ്ധ പതറി​ക്കുന്ന ലൗകിക കാര്യങ്ങൾ അവരുടെ താത്‌പ​ര്യ​ത്തെ​യും സമയ​ത്തെ​യും അപഹരിച്ച്‌ അവരുടെ പുരോ​ഗ​തി​യെ തടസ്സ​പ്പെ​ടു​ത്തി​യി​രി​ക്കു​ന്നു. മനസ്സും ഹൃദയ​വും ദൈവ​രാ​ജ്യ​ത്തി​ലും അവന്റെ നീതി​യി​ലും ശരിക്കും ഉറപ്പിച്ച്‌ അവയെ ഒന്നാം സ്ഥാനത്തു നിർത്തു​ന്ന​തി​നു​പ​കരം അവർ ഭൗതി​കത്വ ലക്ഷ്യങ്ങ​ളു​ടെ പിന്നാലെ പോയി​രി​ക്കു​ന്നു. തങ്ങളുടെ ദുർബ​ല​വി​ശ്വാ​സ​ത്തെ​യും മിതോ​ഷ്‌ണാ​വ​സ്ഥ​യെ​യും തിരി​ച്ച​റിഞ്ഞ്‌ ദിവ്യ​ബു​ദ്ധ്യു​പ​ദേശം തേടി തങ്ങളുടെ ഗതിക്കു മാറ്റം വരുത്താൻ പ്രചോ​ദി​ത​രാ​കു​ന്നി​ല്ലെ​ങ്കിൽ, യഹോ​വ​യും അവന്റെ സ്ഥാപന​വു​മാ​യി അവർക്കുള്ള അമൂല്യ ബന്ധം നഷ്ടമാ​കാ​നാ​ണു സാധ്യത.—വെളി​പ്പാ​ടു 3:15-19.

15. ദൈവ​ത്തി​നു സ്വീകാ​ര്യ​രാ​യി നില​കൊ​ള്ളു​ന്ന​തിന്‌ എന്താവ​ശ്യ​മാണ്‌?

¹⁵ സ്വീകാ​ര്യ​രാ​യി തിരി​ച്ച​റി​യി​ക്ക​പ്പെ​ടാ​നും അതിശീ​ഘ്രം അടുത്തു​കൊ​ണ്ടി​രി​ക്കുന്ന മഹോ​പ​ദ്ര​വത്തെ അതിജീ​വി​ക്കാൻ യോഗ്യത നേടാ​നും നാം ‘കുഞ്ഞാ​ടി​ന്റെ രക്തത്തിൽ’ അങ്കികൾ ‘അലക്കി​വെ​ളു​പ്പി’ച്ചുകൊണ്ട്‌ ശുദ്ധരാ​യി നില​കൊ​ള്ളണം. (വെളി​പ്പാ​ടു 7:9-14; 1 കൊരി​ന്ത്യർ 6:11) നാം ദൈവ​മു​മ്പാ​കെ ശുദ്ധവും നീതി​നി​ഷ്‌ഠ​വു​മായ നില കാത്തു സൂക്ഷി​ക്കു​ന്നി​ല്ലെ​ങ്കിൽ, നമ്മുടെ വിശു​ദ്ധ​സേ​വനം സ്വീകാ​ര്യ​മാ​യി​രി​ക്കു​ക​യില്ല. തീർച്ച​യാ​യും, സഹിച്ചു​നിൽക്കാ​നും ദൈവ​ത്തി​ന്റെ അപ്രീ​തി​ക്കു പാത്ര​മാ​കാ​തി​രി​ക്കാ​നും വിശ്വാ​സ​ത്തി​ന്റെ പരി​ശോ​ധി​ക്ക​പ്പെട്ട ഗുണനി​ല​വാ​രം നമ്മെ പ്രാപ്‌ത​രാ​ക്കു​മെന്നു നാമോ​രോ​രു​ത്ത​രും തിരി​ച്ച​റി​യണം.

16. നുണ​പ്ര​ചാ​ര​ണങ്ങൾ ഏതെല്ലാം വിധങ്ങ​ളിൽ നമ്മുടെ വിശ്വാ​സ​ത്തിന്‌ ഒരു പരി​ശോ​ധ​ന​യാ​യേ​ക്കാം?

¹⁶ ചില​പ്പോ​ഴൊ​ക്കെ, വാർത്താ​മാ​ധ്യ​മ​ങ്ങ​ളും ലൗകിക അധികാ​രി​ക​ളും നമ്മെ കരി​തേച്ചു കാണി​ക്കു​ക​യും നമ്മുടെ ക്രിസ്‌തീയ വിശ്വാ​സ​ങ്ങ​ളെ​യും ജീവി​ത​രീ​തി​യെ​യും തെറ്റായി ചിത്രീ​ക​രി​ക്കു​ക​യും ചെയ്യുന്നു. ഇതു നമ്മെ വിസ്‌മ​യി​പ്പി​ക്ക​രുത്‌, എന്തെന്നാൽ ‘നാം ലോക​ത്തി​ന്റെ ഭാഗമ​ല്ലാ​ത്ത​തി​നാൽ ലോകം നമ്മെ വെറുക്കു’മെന്നു യേശു വ്യക്തമാ​ക്കു​ന്നുണ്ട്‌. (യോഹ​ന്നാൻ 17:14) നമ്മെ വിരട്ടി നിരു​ത്സാ​ഹി​ത​രാ​ക്കി സുവാർത്ത​യെ​ക്കു​റി​ച്ചു നമുക്കു ലജ്ജ തോന്നാൻ സാത്താ​നാൽ അന്ധരാ​ക്ക​പ്പെ​ട്ടി​രി​ക്കു​ന്ന​വരെ നാം അനുവ​ദി​ക്കു​മോ? സത്യ​ത്തെ​ക്കു​റി​ച്ചുള്ള നുണ​പ്ര​ചാ​ര​ണങ്ങൾ നിമിത്തം നാം ക്രമമാ​യി യോഗ​ങ്ങ​ളിൽ സംബന്ധി​ക്കു​ന്ന​തും പ്രസം​ഗ​വേ​ല​യിൽ ഏർപ്പെ​ടു​ന്ന​തും നിറു​ത്തു​മോ? അതോ, ഉറച്ചു​നിന്ന്‌ ധൈര്യം പ്രകട​മാ​ക്കി യഹോ​വ​യെ​യും അവന്റെ രാജ്യ​ത്തെ​യും കുറി​ച്ചുള്ള സത്യം നിർബാ​ധം പ്രഖ്യാ​പി​ച്ചു​കൊ​ണ്ടേ​യി​രി​ക്കാൻ നാം കൂടുതൽ ദൃഢചി​ത്ത​രാ​യി​രി​ക്കു​മോ?

17. വിശ്വാ​സം പ്രകട​മാ​ക്കു​ന്നത്‌ തുടരാൻ നമ്മെ ഏത്‌ ഉറപ്പിന്‌ പ്രചോ​ദി​പ്പി​ക്കാ​നാ​കും?

¹⁷ നിവൃ​ത്തി​യേ​റിയ ബൈബിൾ പ്രവച​ന​പ്ര​കാ​രം, നാം അന്ത്യകാ​ല​ത്തി​ന്റെ നല്ലൊരു ഭാഗം പിന്നി​ട്ടി​രി​ക്കു​ക​യാണ്‌. നീതി വസിക്കുന്ന ഒരു പുതിയ ലോക​ത്തി​നാ​യുള്ള നമ്മുടെ ബൈബി​ള​ധി​ഷ്‌ഠിത പ്രതീ​ക്ഷകൾ തീർച്ച​യാ​യും ആഹ്ലാദ​ക​ര​മായ ഒരു യാഥാർഥ്യ​മാ​യി​ത്തീ​രും. ആ ദിവസം വരുന്ന​തു​വരെ, നമു​ക്കെ​ല്ലാം ദൈവ​വ​ച​ന​ത്തിൽ അചഞ്ചല​മായ വിശ്വാ​സം പ്രകട​മാ​ക്കി മുടക്കം​കൂ​ടാ​തെ രാജ്യ​സു​വാർത്ത ലോക​വ്യാ​പ​ക​മാ​യി പ്രസം​ഗി​ച്ചു​കൊണ്ട്‌ നമ്മുടെ വിശ്വാ​സം തെളി​യി​ക്കാം. ഓരോ വാരത്തി​ലും പുതു​താ​യി സ്‌നാ​പ​ന​മേറ്റ്‌ ശിഷ്യ​രാ​യി​ത്തീ​രുന്ന ആയിര​ക്ക​ണ​ക്കി​നാ​ളു​ക​ളെ​ക്കു​റി​ച്ചു ചിന്തി​ക്കുക. ന്യായ​വി​ധി നടപ്പാ​ക്കുന്ന കാര്യ​ത്തിൽ യഹോവ ക്ഷമ പ്രകട​മാ​ക്കു​ന്നത്‌ ഇനിയും അനേക​മാ​ളു​ക​ളു​ടെ രക്ഷയിൽ കലാശി​ക്കാ​നാ​ണെന്നു മനസ്സി​ലാ​ക്കാൻ അതു മതിയായ കാരണ​മല്ലേ? ജീവര​ക്ഷാ​ക​ര​മായ രാജ്യ​പ്ര​സം​ഗ​പ്ര​വർത്തനം തുടരാൻ ദൈവം അനുവ​ദി​ച്ചി​രി​ക്കു​ന്ന​തിൽ നാം സന്തുഷ്ട​രല്ലേ? ദശലക്ഷ​ക്ക​ണ​ക്കി​നാ​ളു​കൾ സത്യം സ്വീക​രിച്ച്‌ തങ്ങളുടെ വിശ്വാ​സം പ്രകടി​പ്പി​ച്ചു​കൊ​ണ്ടി​രി​ക്കു​ന്ന​തിൽ നമുക്ക്‌ ആഹ്ലാദ​മി​ല്ലേ?

18. യഹോ​വയെ സേവി​ക്കു​ന്ന​തി​നോ​ടുള്ള ബന്ധത്തിൽ നിങ്ങളു​ടെ ദൃഢനി​ശ്ച​യ​മെന്ത്‌?

¹⁸ നമ്മുടെ വിശ്വാ​സ​ത്തി​ന്റെ ഇപ്പോ​ഴത്തെ പരി​ശോ​ധന എത്ര കാലം നീളു​മെന്നു നമുക്കു പറയാ​നാ​വില്ല. എന്നാൽ ഒരു കാര്യം ഉറപ്പാണ്‌: ഇപ്പോ​ഴത്തെ ദുഷ്ട ആകാശ​ങ്ങ​ളോ​ടും ഭൂമി​യോ​ടും കണക്കു​തീർക്കാൻ യഹോ​വ​യ്‌ക്ക്‌ ഒരു നിശ്ചിത ദിവസ​മുണ്ട്‌. അതിനി​ടെ, നമ്മുടെ വിശ്വാ​സ​ത്തി​നു പൂർത്തി​വ​രു​ത്തു​ന്ന​വ​നായ യേശു പ്രകട​മാ​ക്കിയ, പരി​ശോ​ധി​ക്ക​പ്പെട്ട വിശ്വാ​സ​ത്തി​ന്റെ അതി​ശ്രേ​ഷ്‌ഠ​മായ ഗുണനി​ല​വാ​രം അനുക​രി​ക്കാൻ നമുക്കു ദൃഢനി​ശ്ചയം ചെയ്യാം. പ്രായ​മേ​റി​വ​രുന്ന അഭിഷി​ക്ത​ശേ​ഷി​പ്പി​ന്റെ​യും നമ്മുടെ ഇടയിൽ സധൈ​ര്യം നേതൃ​ത്വ​മെ​ടു​ക്കുന്ന മറ്റുള്ള​വ​രു​ടെ​യും മാതൃക നമുക്കു പിൻപ​റ്റാം.

19. എന്ത്‌ ഈ ലോകത്തെ ജയിച്ച​ട​ക്കു​മെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌?

¹⁹ ആകാശ​മ​ധ്യേ പറക്കുന്ന ദൂത​നോ​ടു സഹകരി​ച്ചു​കൊണ്ട്‌, എല്ലാ ജാതി​ക​ളോ​ടും ഗോ​ത്ര​ങ്ങ​ളോ​ടും ഭാഷക്കാ​രോ​ടും ജനങ്ങ​ളോ​ടും നിത്യ​സു​വാർത്ത ഇടതട​വി​ല്ലാ​തെ പ്രഖ്യാ​പി​ക്കാൻ നാം ദൃഢചി​ത്ത​രാ​യി​രി​ക്കണം. “ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ; അവന്റെ ന്യായ​വി​ധി​യു​ടെ നാഴിക വന്നിരി​ക്കു​ന്നു” എന്ന ദൂത​പ്ര​ഖ്യാ​പനം അവർ കേൾക്കട്ടെ. (വെളി​പ്പാ​ടു 14:6, 7) ആ ദിവ്യ​ന്യാ​യ​വി​ധി നിർവ​ഹി​ക്ക​പ്പെ​ടു​മ്പോൾ, നമ്മുടെ വിശ്വാ​സ​ത്തി​ന്റെ പരി​ശോ​ധി​ക്ക​പ്പെട്ട ഗുണനി​ല​വാ​രം​കൊണ്ട്‌ എന്തു ഫലമു​ണ്ടാ​കും? അത്‌ ഇപ്പോ​ഴത്തെ വ്യവസ്ഥി​തി​യിൽനി​ന്നു ദൈവ​ത്തി​ന്റെ നീതി​നി​ഷ്‌ഠ​മായ പുതിയ ലോക​ത്തി​ലേ​ക്കുള്ള മോച​ന​മെന്ന മഹത്ത്വ​മാർന്ന വിജയ​മാ​യി​രി​ക്കു​ക​യി​ല്ലേ? നമ്മുടെ വിശ്വാ​സ​ത്തി​ന്റെ പരി​ശോ​ധ​നകൾ സഹിച്ചു​നിൽക്കു​ക​വഴി, യോഹ​ന്നാൻ അപ്പോ​സ്‌തലൻ പറഞ്ഞതു​പോ​ലെ നമുക്കും പറയാ​നാ​കും: “ലോകത്തെ ജയിച്ച ജയമോ നമ്മുടെ വിശ്വാ​സം തന്നേ.”—1 യോഹ​ന്നാൻ 5:4.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ നമ്മുടെ വിശ്വാ​സ​ത്തി​ന്റെ പരി​ശോ​ധ​നകൾ സന്തുഷ്ടി​ക്കു കാരണ​മാ​യേ​ക്കാ​വു​ന്ന​തെ​ങ്ങനെ?

□ നമുക്കു നേരി​ട്ടേ​ക്കാ​വുന്ന എളുപ്പം തിരി​ച്ച​റി​യ​പ്പെ​ടാൻ സാധി​ക്കു​ക​യി​ല്ലാത്ത വിശ്വാ​സ​ത്തി​ന്റെ പരി​ശോ​ധ​ന​ക​ളിൽ ചിലത്‌ ഏവ?

□ നമ്മുടെ വിശ്വാ​സ​ത്തി​ന്റെ പരി​ശോ​ധ​നകൾ വിജയ​പ്ര​ദ​മാ​യി സഹിച്ചു​നി​ന്നു​കൊണ്ട്‌ നമു​ക്കെ​ങ്ങനെ പ്രയോ​ജ​ന​മ​നു​ഭ​വി​ക്കാൻ സാധി​ക്കും?

[17-ാം പേജിലെ ചിത്രങ്ങൾ]

എ. എച്ച്‌. മാക്‌മി​ല്ലൻ (മുന്നിൽ ഇടതു​വ​ശത്ത്‌), അദ്ദേഹ​വും വാച്ച്‌ ടവർ സൊ​സൈ​റ്റി​യു​ടെ അധികൃ​ത​രും അന്യാ​യ​മാ​യി തടവി​ലാ​ക്ക​പ്പെട്ട സമയത്ത്‌

മിഷിഗണിലെ ഡി​ട്രൊ​യ്‌റ്റി​ലെ കൺ​വെൻ​ഷ​നിൽ ഒരു പ്രതി​നി​ധി എന്നനി​ല​യിൽ, 1928

ജീവിത സായാ​ഹ്ന​ത്തി​ലും മാക്‌മി​ല്ലൻ സഹോ​ദരൻ വിശ്വാ​സം പ്രകട​മാ​ക്കു​ക​യാ​യി​രു​ന്നു

[18-ാം പേജിലെ ചിത്രങ്ങൾ]

ഈ കുടും​ബ​ത്തെ​പ്പോ​ലെ, ആഫ്രി​ക്ക​യി​ലെ അനേകം ക്രിസ്‌ത്യാ​നി​ക​ളും വിശ്വാ​സ​ത്തി​ന്റെ പരി​ശോ​ധി​ക്ക​പ്പെട്ട ഗുണനി​ല​വാ​രം പ്രകട​മാ​ക്കി​യി​രി​ക്കു​ന്നു