വിശുദ്ധ സേവന പദവി​കളെ അതിയാ​യി വിലമ​തി​ക്കൽ

വിശുദ്ധ സേവന പദവികൾ വിലകു​റച്ചു കാണാ​നു​ള്ള​വയല്ല. പുരാതന യഹൂദ​യി​ലെ പുരോ​ഹി​ത​ന്മാർ യഹോ​വ​യു​ടെ ആലയവു​മാ​യി ബന്ധപ്പെട്ട തങ്ങളുടെ പദവി​ക​ളോ​ടു നിസ്സം​ഗതാ മനോ​ഭാ​വം പ്രകടി​പ്പി​ച്ച​പ്പോൾ, അവൻ അവരെ ശക്തമായി താക്കീ​തു​ചെ​യ്‌തു. (മലാഖി 1:6-14) കൂടാതെ, വിശുദ്ധ സേവന​ത്തോ​ടുള്ള ബന്ധത്തിൽ തങ്ങൾ സ്വീക​രി​ച്ചി​രുന്ന ഉത്തരവാ​ദി​ത്വ​ങ്ങളെ വിലകു​റച്ചു കാണാൻ ചില ഇസ്രാ​യേ​ല്യർ നാസീർ വ്രതക്കാ​രെ പ്രേരി​പ്പി​ച്ച​പ്പോൾ, പാപി​ക​ളായ ആ ഇസ്രാ​യേ​ല്യ​രെ യഹോവ ശാസിച്ചു. (ആമോസ്‌ 2:11-16, NW) സത്യ​ക്രി​സ്‌ത്യാ​നി​ക​ളും വിശുദ്ധ സേവന​ത്തിൽ ഏർപ്പെ​ടു​ന്നു. അവർ അതിനെ ഗൗരവ​മാ​യി വീക്ഷി​ക്കു​ക​യും ചെയ്യുന്നു. (റോമർ 12:1) ഈ വിശുദ്ധ സേവന​ത്തിന്‌ അനേകം വശങ്ങളുണ്ട്‌. അവയെ​ല്ലാം പ്രാധാ​ന്യം അർഹി​ക്കു​ന്ന​വ​യു​മാണ്‌.

ഭൂമി​യിൽ ആയിരു​ന്ന​പ്പോൾ യേശു തന്റെ അനുഗാ​മി​കളെ ദൈവ​രാ​ജ്യ​ത്തി​ന്റെ ഘോഷ​ക​രാ​കാൻ പരിശീ​ലി​പ്പി​ച്ചു. ക്രമേണ അവരുടെ സന്ദേശം ഭൂമി​യു​ടെ അറ്റങ്ങ​ളോ​ളം എത്തുമാ​യി​രു​ന്നു. (മത്തായി 28:19, 20; പ്രവൃ​ത്തി​കൾ 1:8) ഇപ്പോ​ഴത്തെ വ്യവസ്ഥി​തി​യു​ടെ അവസാന നാളു​ക​ളിൽ ഈ പ്രസംഗ പ്രവർത്തനം കൂടുതൽ അടിയ​ന്തി​ര​ത​യോ​ടെ നിർവ​ഹി​ക്ക​പ്പെ​ടു​ക​യാണ്‌.

യഹോ​വ​യു​ടെ സാക്ഷി​ക​ളായ എല്ലാവ​രും ഈ വേലയിൽ പങ്കുപ​റ്റു​ന്നു. പയനി​യർമാ​രെന്ന നിലയിൽ അപ്രകാ​രം പ്രവർത്തി​ക്കാൻ സാധി​ക്കു​ന്ന​തിൽ ലക്ഷക്കണ​ക്കിന്‌ ആളുകൾ സന്തോ​ഷി​ക്കു​ന്നു. ലോക വ്യാപക വേലയി​ലെ സുപ്ര​ധാന ആവശ്യങ്ങൾ നിവർത്തി​ക്കാ​നാ​യി ആയിരങ്ങൾ വിശുദ്ധ സേവന​ത്തി​ന്റെ വിവിധ മേഖല​ക​ളിൽ—ബെഥേ​ലി​ലെ പ്രത്യേക മുഴു​സമയ സേവനം, സർക്കിട്ട്‌-ഡിസ്‌ട്രി​ക്‌റ്റ്‌ മേൽവി​ചാ​ര​ക​ന്മാർ ആയുള്ള സഞ്ചാര വേല, മിഷനറി സേവനം തുടങ്ങി​യ​വ​യിൽ—സ്വയം ലഭ്യമാ​ക്കി​യി​രി​ക്കു​ന്നു. അത്തരം പ്രത്യേക സേവന​ത്തിൽ തുടരാൻ ആഗ്രഹി​ക്കു​ന്ന​വ​രു​ടെ ഭാഗത്ത്‌ ഇത്‌ എന്ത്‌ അർഥമാ​ക്കു​ന്നു?

അടിയ​ന്തിര കുടുംബ ആവശ്യങ്ങൾ സംജാ​ത​മാ​കു​മ്പോൾ

പ്രത്യേക മുഴു​സമയ സേവനം സ്വീക​രി​ക്കു​ന്ന​തി​നു മുമ്പ്‌, ഒരു വ്യക്തി മിക്ക​പ്പോ​ഴും തന്റെ ജീവി​ത​ത്തിൽ ചില പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തുണ്ട്‌. എന്നാൽ എല്ലാവർക്കും അതു ചെയ്യുക സാധ്യമല്ല. ഒരു വ്യക്തിക്ക്‌ അതി​നോ​ട​കം​തന്നെ ഉള്ള തിരു​വെ​ഴു​ത്തു​പ​ര​മായ ഉത്തരവാ​ദി​ത്വ​ങ്ങൾ അതിനു തടസ്സമാ​യേ​ക്കാം. പ്രത്യേക സേവന​ത്തിൽ ആയിരി​ക്കു​ന്നവർ അടിയ​ന്തിര കുടുംബ ആവശ്യങ്ങൾ, ഒരുപക്ഷേ പ്രായ​മായ മാതാ​പി​താ​ക്ക​ളോ​ടു ബന്ധപ്പെട്ട പ്രശ്‌നങ്ങൾ നേരി​ടു​മ്പോൾ എന്തു സംഭവി​ക്കു​ന്നു? പിൻവ​രു​ന്നതു പോലുള്ള ബൈബിൾ തത്ത്വങ്ങ​ളും ബുദ്ധ്യു​പ​ദേ​ശ​ങ്ങ​ളും ആവശ്യ​മായ മാർഗ​നിർദേശം പ്രദാനം ചെയ്യുന്നു.

യഹോ​വ​യു​മാ​യുള്ള ബന്ധത്തെ ചുറ്റി​പ്പറ്റി ആയിരി​ക്കണം നമ്മുടെ മുഴു ജീവി​ത​വും പടുത്തു​യർത്ത​പ്പെ​ടേ​ണ്ടത്‌. (സഭാ​പ്ര​സം​ഗി 12:13; മർക്കൊസ്‌ 12:28-30) നമ്മെ ഭരമേൽപ്പി​ച്ചി​രി​ക്കുന്ന വിശുദ്ധ കാര്യാ​ദി​കൾ അതിയാ​യി വിലമ​തി​ക്ക​പ്പെ​ടേ​ണ്ട​വ​യാണ്‌. (ലൂക്കൊസ്‌ 1:74, 75, NW; എബ്രായർ 12:16, NW) താൻ മുൻഗണന കൊടു​ത്തി​രുന്ന കാര്യ​ങ്ങ​ളിൽ മാറ്റം വരു​ത്തേ​ണ്ടി​യി​രുന്ന ഒരു മനുഷ്യ​നോട്‌ അയാൾ ദൈവ​രാ​ജ്യ ഘോഷ​ണ​ത്തിൽ പൂർണ​മാ​യി വ്യാപൃ​ത​നാ​കേ​ണ്ട​തു​ണ്ടെന്ന്‌ ഒരിക്കൽ യേശു പ്രസ്‌താ​വി​ച്ചു. തന്റെ പിതാ​വി​ന്റെ മരണം​വരെ അത്തരം പ്രവർത്ത​നങ്ങൾ മാറ്റി​വെ​ക്കാൻ ആയിരു​ന്നു അയാളു​ടെ ഉദ്യമം എന്നതു സ്‌പഷ്ടം. (ലൂക്കൊസ്‌ 9:59, 60) അതേസ​മയം, തന്റെ സകല സമ്പാദ്യ​വും ദൈവ​ത്തി​നു സമർപ്പി​ച്ചി​രി​ക്കു​ന്നു എന്ന്‌ അവകാ​ശ​പ്പെ​ട്ടു​കൊണ്ട്‌ “തന്റെ അപ്പന്നോ അമ്മെക്കോ മേലാൽ ഒന്നും ചെ”യ്യാതി​രി​ക്കുന്ന വ്യക്തി​ക​ളു​ടെ തെറ്റായ ചിന്താ​ഗ​തി​യെ യേശു തുറന്നു കാണി​ക്കു​ക​യും ചെയ്‌തു. (മർക്കൊസ്‌ 7:9-13) മാതാ​പി​താ​ക്ക​ളും വല്യമ്മ വല്യപ്പ​ന്മാ​രും ഉൾപ്പെടെ, “തനിക്കു​ള്ള​വർക്കു” വേണ്ടി കരുതാ​നുള്ള ഗൗരവ​മായ ഉത്തരവാ​ദി​ത്വ​ത്തെ അപ്പൊ​സ്‌ത​ല​നായ പൗലൊ​സും വ്യക്തമാ​ക്കി.—1 തിമൊ​ഥെ​യൊസ്‌ 5:3-8.

അടിയ​ന്തി​ര ആവശ്യങ്ങൾ ഉയർന്നു വരു​മ്പോൾ, പരിപാ​ല​ന​മേ​കാ​നാ​യി പ്രത്യേക സേവന​ത്തി​ലു​ള്ളവർ തങ്ങളുടെ നിയമനം ഉപേക്ഷി​ക്കേ​ണ്ട​തുണ്ട്‌ എന്ന്‌ ഇത്‌ അർഥമാ​ക്കു​ന്നു​ണ്ടോ? ഇതിനുള്ള ഉത്തരത്തിൽ അനേകം കാര്യങ്ങൾ ഉൾപ്പെ​ട്ടി​രി​ക്കു​ന്നു. എന്നാൽ ഇതൊരു വ്യക്തി​പ​ര​മായ തീരു​മാ​ന​മാണ്‌. (ഗലാത്യർ 6:5) തങ്ങളുടെ നിയമ​നത്തെ പ്രിയ​ങ്ക​ര​മാ​യി കരുതി​യി​രു​ന്നെ​ങ്കി​ലും, മാതാ​പി​താ​ക്കൾക്ക്‌ ആവശ്യ​മായ സഹായം നൽകാ​നാ​യി അവരോ​ടൊ​പ്പം ആയിരി​ക്കാൻ തീരു​മാ​നി​ച്ചവർ ചുരു​ക്കമല്ല. എന്തു​കൊണ്ട്‌? അവരുടെ അവസ്ഥ വളരെ നിർണാ​യകം ആയിരു​ന്നേ​ക്കാം, സഹായ​മേ​കാൻ കഴിയുന്ന മറ്റൊരു കുടും​ബാം​ഗം ഇല്ലായി​രു​ന്നേ​ക്കാം, ആവശ്യ​മാ​യി​രു​ന്നതു പ്രദാനം ചെയ്യാൻ പ്രാ​ദേ​ശിക സഭയ്‌ക്കു കഴിയാ​തെ വന്നിരി​ക്കാം. സഹായം പ്രദാനം ചെയ്യവേ, പയനി​യ​റിങ്‌ ചെയ്യാൻ ചിലർക്കു സാധി​ച്ചി​രി​ക്കു​ന്നു. കുടും​ബ​ത്തി​ന്റെ ആവശ്യ​ത്തി​നാ​യി കരുതിയ ശേഷം, വീണ്ടും പ്രത്യേക മുഴു​സമയ സേവന​ത്തിൽ പ്രവേ​ശി​ക്കാൻ മറ്റു ചിലർക്കു സാധി​ച്ചി​ട്ടുണ്ട്‌. എന്നാൽ, മിക്ക കേസു​ക​ളി​ലും പ്രശ്‌നം മറ്റു വിധങ്ങ​ളിൽ കൈകാ​ര്യം ചെയ്യുക സാധ്യ​മാ​യി​രു​ന്നി​ട്ടുണ്ട്‌.

ഉത്തരവാ​ദി​ത്വം വഹിക്കൽ

അടിയ​ന്തിര ആവശ്യങ്ങൾ ഉയർന്നു വന്നപ്പോൾ, തങ്ങളുടെ നിയമനം ഉപേക്ഷി​ക്കാ​തെ തന്നെ അത്തരം കാര്യാ​ദി​കൾക്കു ശ്രദ്ധ കൊടു​ക്കാൻ പ്രത്യേക മുഴു​സമയ സേവന​ത്തി​ലുള്ള ചിലർക്കു സാധി​ച്ചി​രി​ക്കു​ന്നു. അനേകം ദൃഷ്ടാ​ന്ത​ങ്ങ​ളിൽ ചിലതു പരിചി​ന്തി​ക്കുക.

യഹോ​വ​യു​ടെ സാക്ഷി​ക​ളു​ടെ ലോക ആസ്ഥാനത്തു സേവി​ക്കുന്ന ഒരു ദമ്പതികൾ ബെഥേൽ സേവന​ത്തിൽ പ്രവേ​ശി​ച്ചത്‌ 1978-ൽ ആയിരു​ന്നു. അതിനു​മുമ്പ്‌ അവർ സർക്കിട്ട്‌ വേലയി​ലും ഡിസ്‌ട്രി​ക്‌റ്റ്‌ വേലയി​ലും പങ്കുപ​റ്റി​യി​രു​ന്നു. ദിവ്യാ​ധി​പത്യ സ്ഥാപന​ത്തിൽ ഭാരിച്ച ഉത്തരവാ​ദി​ത്വം ഉൾപ്പെട്ട ഒരു നിയമ​ന​മാണ്‌ ആ സഹോ​ദരൻ നിർവ​ഹി​ക്കു​ന്നത്‌. എന്നാൽ അദ്ദേഹ​ത്തി​ന്റെ മാതാ​പി​താ​ക്കൾക്കും സഹായം ആവശ്യ​മാ​യി വന്നു. പരിച​ര​ണ​മേ​കാ​നാ​യി ഈ ബെഥേൽ ദമ്പതികൾ വർഷത്തിൽ മൂന്നോ നാലോ പ്രാവ​ശ്യം മാതാ​പി​താ​ക്കളെ സന്ദർശി​ച്ചി​രി​ക്കു​ന്നു. മാതാ​പി​താ​ക്കളെ സന്ദർശിച്ച്‌ തിരിച്ചു വരുന്ന​തിന്‌ അവർ ഏതാണ്ട്‌ 3,500 കിലോ​മീ​റ്റർ ദൂരം യാത്ര ചെയ്യേ​ണ്ട​തുണ്ട്‌. മാതാ​പി​താ​ക്ക​ളു​ടെ ആവശ്യ​ത്തിന്‌ അവർ സ്വന്തമാ​യി ഒരു വീടു പണിതു കൊടു​ത്തു. അടിയ​ന്തിര വൈദ്യ​സ​ഹാ​യം പ്രദാനം ചെയ്യു​ന്ന​തി​നാ​യും അവർ അവരെ സന്ദർശി​ച്ചി​രി​ക്കു​ന്നു. വാസ്‌ത​വ​ത്തിൽ, ഈ ഉത്തരവാ​ദി​ത്വം നിറ​വേ​റ്റാ​നാ​യാണ്‌ കഴിഞ്ഞ 20 വർഷമാ​യി അവർ തങ്ങളുടെ മുഴു അവധി​യും ചെലവ​ഴി​ച്ചി​രി​ക്കു​ന്നത്‌. അവർ മാതാ​പി​താ​ക്കളെ സ്‌നേ​ഹി​ക്കു​ക​യും ആദരി​ക്കു​ക​യും ചെയ്യുന്നു. എന്നാൽ തങ്ങളുടെ വിശുദ്ധ സേവന​ത്തി​ന്റെ പദവി​ക​ളെ​യും അവർ വിലമ​തി​ക്കു​ന്നു.

സഞ്ചാര വേലയിൽ 36 വർഷം സേവി​ച്ച​ശേ​ഷ​മാണ്‌ മറ്റൊരു സഹോ​ദ​രനു തന്റെ ജീവി​ത​ത്തി​ലെ ഏറ്റവും വെല്ലു​വി​ളി​പ​ര​മായ സാഹച​ര്യ​ങ്ങ​ളി​ലൊന്ന്‌ എന്ന്‌ അദ്ദേഹം വർണി​ക്കുന്ന ഒരു പ്രശ്‌നം നേരി​ടേണ്ടി വന്നത്‌. അദ്ദേഹ​ത്തി​ന്റെ 85 വയസ്സു​ണ്ടാ​യി​രുന്ന അമ്മായി​യ​മ്മ​യ്‌ക്കു പരസഹാ​യം ആവശ്യ​മാ​യി വന്നു. യഹോ​വ​യു​ടെ ഒരു വിശ്വസ്‌ത ദാസി ആയിരുന്ന അവർ തങ്ങളോ​ടൊ​പ്പം താമസി​ക്കു​ന്നതു സൗകര്യ​പ്ര​ദ​മ​ല്ലെന്ന്‌ അവരുടെ മിക്ക മക്കളും കരുതി. സഞ്ചാര മേൽവി​ചാ​ര​ക​നും ഭാര്യ​യും തങ്ങളുടെ സേവനം ഉപേക്ഷിച്ച്‌ കുടും​ബ​ത്തി​നാ​യി അമ്മയുടെ പരിച​രണം ഏറ്റെടു​ക്കേ​ണ്ട​തു​ണ്ടെന്ന്‌ ഒരു ബന്ധു അദ്ദേഹ​ത്തോട്‌ ആവശ്യ​പ്പെട്ടു. എന്നാൽ ഈ ദമ്പതികൾ തങ്ങളുടെ വില​യേ​റിയ സേവനം വിട്ടു​ക​ള​ഞ്ഞില്ല. അതേസ​മയം അവർ അമ്മയുടെ ആവശ്യ​ങ്ങൾക്കു നേരെ കണ്ണടച്ച​തു​മില്ല. തുടർന്നുള്ള ഒമ്പതു വർഷം മിക്ക​പ്പോ​ഴും അമ്മ അവരോ​ടൊ​പ്പ​മാ​യി​രു​ന്നു താമസി​ച്ചത്‌. ആദ്യം സഞ്ചരി​ക്കുന്ന ഒരു ഭവനത്തി​ലാ​യി​രു​ന്നു അവരുടെ താമസം. തുടർന്ന്‌, ഓരോ സർക്കി​ട്ടും പ്രദാനം ചെയ്‌ത അപ്പാർട്ടു​മെ​ന്റു​ക​ളിൽ അവർ താമസി​ച്ചു. സ്‌നേ​ഹ​മ​സൃ​ണ​മായ മുഴു​സമയ പരിച​രണം പ്രദാനം ചെയ്യാ​നാ​യി ഭാര്യ അമ്മയോ​ടൊ​പ്പം തങ്ങിയ​പ്പോൾ, ഒരു ഡിസ്‌ട്രി​ക്‌റ്റ്‌ മേൽവി​ചാ​രകൻ ആയിരുന്ന സഹോ​ദരൻ തന്റെ നിയമനം നിവർത്തി​ക്കാ​നാ​യി യാത്ര ചെയ്‌തു​കൊ​ണ്ടി​രു​ന്നു. ഓരോ ആഴ്‌ച​യും ഞായറാ​ഴ്‌ചത്തെ യോഗ​ങ്ങൾക്കു ശേഷം, അവരെ സഹായി​ക്കാ​നാ​യി അദ്ദേഹം ദീർഘ​ദൂര യാത്രകൾ തന്നെ നടത്തി​യി​രു​ന്നു. സാഹച​ര്യം മനസ്സി​ലാ​ക്കിയ നിരവധി പേർ അവരുടെ പ്രവർത്ത​ന​ത്തോട്‌ ആഴമായ വിലമ​തി​പ്പു പ്രകട​മാ​ക്കി. ക്രമേണ മറ്റു കുടും​ബാം​ഗ​ങ്ങ​ളും കുറേ സഹായി​ക്കാൻ മനസ്സൊ​രു​ക്കം കാട്ടി. തങ്ങളുടെ പ്രത്യേക മുഴു​സമയ സേവന പദവി​യോട്‌ അടുത്തു പറ്റിനി​ന്ന​തു​കൊണ്ട്‌ ആത്മത്യാ​ഗി​ക​ളായ ഈ ദമ്പതി​ക​ളു​ടെ സേവന​ത്തിൽനിന്ന്‌ യഹോ​വ​യു​ടെ ആയിര​ക്ക​ണ​ക്കി​നു ദാസന്മാർ പ്രയോ​ജനം നേടുന്നു.

കുടും​ബാം​ഗ​ങ്ങ​ളു​ടെ സഹകര​ണ​ത്തോ​ടെ

പ്രത്യേക മുഴു​സമയ സേവന​ത്തി​ന്റെ മൂല്യത്തെ കുടും​ബാം​ഗങ്ങൾ വിലമ​തി​ക്കുന്ന പക്ഷം, തങ്ങളിൽ ചിലർക്കെ​ങ്കി​ലും ഈ പദവി​യിൽ പങ്കുപ​റ്റ​ത്ത​ക്ക​വണ്ണം അവർ സഹകരി​ച്ചേ​ക്കാം.

കുടുംബ സഹകര​ണ​ത്തി​ന്റെ അത്തരം മനോ​ഭാ​വം പശ്ചിമാ​ഫ്രി​ക്ക​യിൽ മിഷന​റി​മാ​രാ​യി സേവി​ക്കുന്ന കാനഡ​ക്കാ​രായ ഒരു ദമ്പതി​കൾക്കു പ്രയോ​ജനം ചെയ്‌തു. ഒന്നും സംഭവി​ക്കു​ക​യില്ല എന്നു വിചാ​രി​ച്ചു​കൊണ്ട്‌, അടിയ​ന്തിര ആവശ്യം ഉണ്ടാകു​ന്ന​തു​വരെ അവർ കൈയും​കെ​ട്ടി​യി​രു​ന്നില്ല. വിദേശ സേവന​ത്തി​നുള്ള ഒരുക്ക​മെന്ന നിലയിൽ വാച്ച്‌ ടവർ ബൈബിൾ സ്‌കൂൾ ഓഫ്‌ ഗിലെ​യാ​ദിൽ പ്രവേ​ശി​ക്കു​ന്ന​തി​നു മുമ്പ്‌, രോഗി​യോ അബലയോ ആകുന്ന​പക്ഷം അമ്മയ്‌ക്കു പരിച​ര​ണ​മേ​കു​ന്നതു സംബന്ധിച്ച്‌ സഹോ​ദരൻ തന്റെ അനുജ​നു​മാ​യി കൂടി​യാ​ലോ​ചി​ച്ചു. അമ്മയോ​ടു സ്‌നേ​ഹ​വും അതു​പോ​ലെ​തന്നെ മിഷനറി സേവന​ത്തി​ന്റെ മൂല്യ​ത്തോ​ടു വിലമ​തി​പ്പും പ്രകടി​പ്പി​ച്ചു​കൊണ്ട്‌ അദ്ദേഹ​ത്തി​ന്റെ അനുജൻ പറഞ്ഞു: “എനിക്കു പിള്ളേ​രും കുടും​ബ​വും ഒക്കെ ഉണ്ട്‌. അധികം ദൂരേ​യ്‌ക്കു പോകു​ന്ന​തി​നോ ജ്യേഷ്‌ഠ​നെ​പ്പോ​ലെ ഒരു മിഷനറി ആകുന്ന​തി​നോ എനിക്കു സാധി​ക്കില്ല. അതു​കൊണ്ട്‌ മമ്മിക്ക്‌ എന്തെങ്കി​ലും സംഭവി​ക്കു​ന്ന​പക്ഷം ഞാൻ നോക്കി​ക്കൊ​ള്ളാം.”

തെക്കേ അമേരി​ക്ക​യിൽ മിഷന​റി​മാ​രാ​യി സേവി​ക്കുന്ന ഒരു ദമ്പതി​കൾക്ക്‌, സഹോ​ദ​രി​യു​ടെ പ്രായ​മായ അമ്മയ്‌ക്കു പരിച​ര​ണ​മേ​കു​ന്ന​തിൽ ഭാര്യാ വീട്ടു​കാ​രിൽനി​ന്നു വളരെ​യ​ധി​കം സഹായം ലഭിച്ചു. മിഷനറി സഹോ​ദ​രി​യു​ടെ ജ്യേഷ്‌ഠ​ത്തിക്ക്‌ ഒരു മാരക രോഗം പിടി​പെ​ടു​ന്ന​തു​വരെ അവരും ഭർത്താ​വും അമ്മയ്‌ക്കു വേണ്ടി കരുതി. അതിനു ശേഷമോ? ഏത്‌ ഉത്‌ക​ണ്‌ഠ​യും നീക്കു​ന്ന​തിന്‌, സഹോ​ദരീ ഭർത്താവ്‌ ഇങ്ങനെ എഴുതി: “ഞാനും എന്റെ കുട്ടി​ക​ളും ജീവ​നോ​ടി​രി​ക്കുന്ന കാല​ത്തോ​ളം നിങ്ങൾ മിഷനറി സേവനം നിർത്തേ​ണ്ട​തില്ല.” മിഷനറി സഹോ​ദ​രി​യു​ടെ ഒരു അനുജ​ത്തി​യും ഭർത്താ​വും വീടു​വിട്ട്‌ പരിച​ര​ണ​മേ​കാ​നാ​യി അമ്മയുടെ വീട്ടി​ലേക്കു മാറി​ത്താ​മ​സി​ച്ച​പ്പോൾ കൂടുതൽ സഹായം ലഭ്യമാ​യി. അമ്മയുടെ മരണം​വരെ അവർ സഹായ​മേകി. എത്ര നല്ല സഹകരണ മനോ​ഭാ​വം! അവർ എല്ലാവ​രും മിഷനറി സേവന​ത്തി​നു പിന്തു​ണ​യേ​കു​ന്ന​തിൽ സഹായി​ക്കു​ക​യാ​യി​രു​ന്നു.

യഹോ​വ​യ്‌ക്കു സൗജന്യ​മാ​യി നൽകുന്ന മാതാ​പി​താ​ക്കൾ

മാതാ​പി​താ​ക്കൾ വിശുദ്ധ സേവന​ത്തോ​ടു മിക്ക​പ്പോ​ഴും മുന്തിയ വിലമ​തി​പ്പു പ്രകട​മാ​ക്കു​ന്നു. യഹോ​വയെ ബഹുമാ​നി​ക്കാ​നാ​യി മാതാ​പി​താ​ക്കൾക്ക്‌ അർപ്പി​ക്കാൻ കഴിയുന്ന ഏറ്റവും വില​യേ​റിയ സമ്പത്ത്‌ അവരുടെ കുട്ടി​ക​ളാണ്‌. (സദൃശ​വാ​ക്യ​ങ്ങൾ 3:9) അനേകം ക്രിസ്‌തീയ മാതാ​പി​താ​ക്കൾ തങ്ങളുടെ കുട്ടി​കളെ മുഴു​സമയ സേവന​ത്തിൽ പ്രവേ​ശി​ക്കാൻ പ്രോ​ത്സാ​ഹി​പ്പി​ക്കു​ന്നു. അവരിൽ ചിലർക്ക്‌, തന്റെ പുത്ര​നായ ശമൂ​വേ​ലി​നെ “എന്നേക്കും” അതായത്‌, അവന്റെ “ജീവി​ത​കാ​ല​മ​ത്ര​യും” യഹോ​വയെ സേവി​ക്കാ​നാ​യി നൽകിയ ഹന്നായു​ടെ വികാ​ര​മാണ്‌ ഉള്ളത്‌.—1 ശമൂവേൽ 1:22, 28, ഓശാന ബൈ.

അത്തരം മനോ​ഭാ​വം പ്രകട​മാ​ക്കിയ ഒരു മാതാവ്‌ ആഫ്രി​ക്ക​യി​ലുള്ള തന്റെ മകൾക്ക്‌ എഴുതി: “നിനക്കുള്ള വില​യേ​റിയ പദവി​ക്കാ​യി ഞങ്ങൾ യഹോ​വ​യോ​ടു നന്ദി പറയുന്നു. നിന്നെ കുറി​ച്ചുള്ള ഞങ്ങളുടെ പ്രതീക്ഷ നീ നിറ​വേറ്റി.” മറ്റൊരു അവസര​ത്തിൽ അവർ പറഞ്ഞു: “നിന്നെ പിരി​ഞ്ഞി​രി​ക്കു​ന്ന​തി​ന്റെ ബുദ്ധി​മു​ട്ടു​കൾ ഞങ്ങൾ അനുഭ​വി​ക്കണം എന്നതു ശരിതന്നെ. എന്നാൽ യഹോവ നിനക്കാ​യി കരുതു​ന്നതു കാണു​ന്നത്‌ എത്ര സന്തോ​ഷ​ക​ര​മാണ്‌!”

വൃദ്ധ മാതാ​പി​താ​ക്കൾക്ക്‌ ആവശ്യ​മായ പരിപാ​ലനം പ്രദാനം ചെയ്യു​ന്ന​തിൽ നേരിട്ട നിരവധി സാഹച​ര്യ​ങ്ങൾ പുനര​വ​ലോ​കനം ചെയ്‌ത​ശേഷം ഇക്വ​ഡോ​റി​ലുള്ള ഒരു മിഷനറി ഇങ്ങനെ എഴുതി: “എനിക്കും ഭാര്യ​യ്‌ക്കും ലഭിച്ചി​രി​ക്കാ​വുന്ന ഏറ്റവും ശക്തമായ പിന്തുണ പപ്പായു​ടെ പ്രാർഥന ആയിരു​ന്നു എന്നാണു ഞാൻ കരുതു​ന്നത്‌. പപ്പായു​ടെ മരണ​ശേഷം മമ്മി ഞങ്ങളോ​ടു പറഞ്ഞു: ‘നിയമ​ന​ത്തിൽ തുടരാൻ നിങ്ങളെ രണ്ടു​പേ​രെ​യും അനുവ​ദി​ക്കേണം എന്നു പപ്പാ യഹോ​വ​യു​ടെ പ്രാർഥി​ക്കാത്ത ഒറ്റ ദിവസം പോലു​മില്ല.’”

യു.എസ്‌.എ.-യിലെ കാലി​ഫോർണി​യ​യി​ലുള്ള ഒരു വൃദ്ധ ദമ്പതികൾ തങ്ങളുടെ ഒരു മകൻ മുഴു​സമയ സേവനം ആസ്വദി​ക്കു​ന്ന​തിൽ വളരെ സന്തോ​ഷി​ച്ചു. അമ്മ മരിച്ച​പ്പോൾ ആ മകനും ഭാര്യ​യും സ്‌പെ​യി​നിൽ ആയിരു​ന്നു. പിതാ​വി​നു പരിച​ര​ണ​മേ​കാൻ ക്രമീ​ക​ര​ണങ്ങൾ ചെയ്യേ​ണ്ട​തു​ണ്ടെന്നു കുടും​ബ​ത്തി​ലെ മറ്റ്‌ അംഗങ്ങൾക്കു തോന്നി. എന്നാൽ ലൗകിക ജോലി​യും കുട്ടി​കളെ വളർത്തു​ന്നതു പോലുള്ള കാര്യാ​ദി​ക​ളും നിമിത്തം തങ്ങൾക്ക്‌ ആ ഉത്തരവാ​ദി​ത്വം ഏറ്റെടു​ക്കാ​നാ​കില്ല എന്നാണ്‌ അവർ കരുതി​യത്‌. അതു​കൊണ്ട്‌, പ്രത്യേക മുഴു​സമയ സേവന​ത്തിൽ ആയിരുന്ന ഈ ദമ്പതികൾ മടങ്ങി​വന്ന്‌ പിതാ​വി​നെ പരിച​രി​ക്ക​ണ​മെന്ന്‌ അവർ ആവശ്യ​പ്പെട്ടു. 79-ാം വയസ്സി​ലും പിതാ​വി​നു നല്ല ആരോ​ഗ്യം ഉണ്ടായി​രു​ന്നു. മാത്ര​വു​മല്ല, അദ്ദേഹ​ത്തി​നു വ്യക്തമായ ആത്മീയ വീക്ഷണ​വും ഉണ്ടായി​രു​ന്നു. ഒരു കുടുംബ യോഗ​ത്തിൽവെച്ച്‌, മറ്റംഗങ്ങൾ തങ്ങളുടെ ആശയങ്ങൾ പ്രകടി​പ്പി​ച്ച​ശേഷം, ഈ പിതാവ്‌ എഴു​ന്നേറ്റു നിന്ന്‌ ദൃഢത​യോ​ടെ ഇങ്ങനെ പ്രസ്‌താ​വി​ച്ചു: “അവർ സ്‌പെ​യി​നി​ലേക്കു മടങ്ങി​പ്പോ​യി തങ്ങളുടെ വേല തുടരാ​നാണ്‌ എന്റെ ആഗ്രഹം.” അവർ അങ്ങനെ ചെയ്‌തു. എന്നാൽ അവർ അദ്ദേഹത്തെ കാര്യ​മായ വിധങ്ങ​ളിൽ സഹായി​ക്കു​ക​യും ചെയ്‌തു. ഇപ്പോൾ അവർ സ്‌പെ​യി​നിൽ സർക്കിട്ട്‌ വേല ആസ്വദി​ക്കു​ന്നു. ആ കുടുംബ യോഗ​ത്തി​നു ശേഷം മറ്റു കുടും​ബാം​ഗങ്ങൾ ഈ ദമ്പതി​ക​ളു​ടെ വിദേശ സേവന​ത്തോ​ടു വിലമ​തി​പ്പു കാണി​ച്ചി​രി​ക്കു​ന്നു. പല വർഷങ്ങൾക്കു ശേഷം മറ്റൊരു മകൻ പിതാ​വി​നെ തന്റെ വീട്ടി​ലേക്കു കൂട്ടി​ക്കൊ​ണ്ടു പോകു​ക​യും അദ്ദേഹ​ത്തി​ന്റെ മരണം​വരെ പരിച​രി​ക്കു​ക​യും ചെയ്‌തു.

യു.എസ്‌.എ.-യിലെ പെൻസിൽവേ​നി​യ​യിൽ, 40-തോളം വർഷം പയനി​യ​റാ​യി സേവിച്ച ഒരു അഭിഷിക്ത സഹോ​ദ​രന്റെ ഭാര്യ​യ്‌ക്കു ഗുരു​ത​ര​മായ രോഗം പിടി​പെട്ടു മരിച്ച​പ്പോൾ അദ്ദേഹ​ത്തിന്‌ 90-ലധികം വയസ്സു​ണ്ടാ​യി​രു​ന്നു. അനേകം ആത്മീയ മക്കളെ കൂടാതെ അദ്ദേഹ​ത്തിന്‌ ഒരു മകനും മൂന്നു പുത്രി​മാ​രും ഉണ്ടായി​രു​ന്നു. തന്റെ ഭർത്താ​വി​നോ​ടൊ​പ്പം മിഷനറി വേലയി​ലും സഞ്ചാര വേലയി​ലും ബെഥേ​ലി​ലും മറ്റുമാ​യി 40-ലധികം വർഷമാ​യി മുഴു​സ​മയം സേവി​ക്കു​ക​യാ​യി​രു​ന്നു അദ്ദേഹ​ത്തി​ന്റെ ഒരു മകൾ. ആവശ്യ​മായ പരിപാ​ലനം പ്രദാനം ചെയ്യത്ത​ക്ക​വണ്ണം കാര്യാ​ദി​കൾ ക്രമീ​ക​രി​ക്കാൻ ഈ സഹോ​ദരി സഹായി​ച്ചു. അദ്ദേഹത്തെ യോഗ​ങ്ങൾക്കാ​യി രാജ്യ​ഹാ​ളി​ലേക്കു കൊണ്ടു​പോ​കാ​നും പ്രാ​ദേ​ശിക സഹോ​ദ​ര​ന്മാർ സഹായി​ച്ചു. പിന്നീട്‌ തന്റെ ഭർത്താ​വി​ന്റെ മരണ​ശേഷം, പിതാ​വി​നെ പരിച​രി​ക്കാ​നാ​യി താൻ ബെഥേൽ സേവനം ഉപേക്ഷി​ക്ക​ണ​മോ എന്ന്‌ അവർ അദ്ദേഹ​ത്തോ​ടു ചോദി​ച്ചു. വിശുദ്ധ കാര്യ​ങ്ങ​ളോട്‌ അദ്ദേഹ​ത്തിന്‌ അതിയായ വിലമ​തി​പ്പുണ്ട്‌. തന്റെ ആവശ്യങ്ങൾ മറ്റു വിധങ്ങ​ളിൽ നടന്നു​കൊ​ള്ളും എന്ന്‌ അദ്ദേഹം വിചാ​രി​ച്ചു. അതു​കൊണ്ട്‌ അദ്ദേഹം ഇങ്ങനെ മറുപടി കൊടു​ത്തു: “നിനക്ക്‌ ചെയ്യാൻ കഴിയുന്ന ഏറ്റവും മോശ​മായ സംഗതി​യാണ്‌ അത്‌. അതിനാ​യി ഞാൻ നിന്നെ അനുവ​ദി​ക്കു​ന്ന​പക്ഷം അത്‌ അതിലും മോശ​മാ​യി​രി​ക്കും.”

പിന്തു​ണ​യേ​കുന്ന സഭകൾ

പ്രത്യേക മുഴു​സമയ സേവന​ത്തിൽ ഉള്ളവരു​ടെ പ്രായ​മേ​റിയ മാതാ​പി​താ​ക്കൾക്കാ​യി കരുതു​ന്ന​തിൽ ചില സഭകൾ നല്ല സഹായം പ്രദാനം ചെയ്‌തി​രി​ക്കു​ന്നു. അത്തരം സേവന​ത്തിൽ അനേക വർഷങ്ങൾ ചെലവ​ഴിച്ച ആളുകളെ സഭ വിശേ​ഷാൽ വിലമ​തി​ക്കു​ന്നു. തിരു​വെ​ഴു​ത്തു​പ​ര​മായ ഉത്തരവാ​ദി​ത്വ​ങ്ങ​ളിൽ നിന്ന്‌ അവരെ ഒഴിവു​ള്ള​വ​രാ​ക്കുക സാധ്യ​മ​ല്ലെ​ങ്കി​ലും, അവരുടെ പ്രത്യേക നിയമ​ന​ങ്ങ​ളിൽ തുടര​ത്ത​ക്ക​വണ്ണം ഭാരം ലഘൂക​രി​ക്കാൻ ഇത്തരം സഭകൾ വളരെ​യ​ധി​കം യത്‌നി​ക്കു​ന്നു.

ജർമനി​യിൽ നിന്നുള്ള ഒരു ദമ്പതികൾ 17 വർഷ​ത്തോ​ള​മാ​യി വിദേ​ശത്തു സേവി​ക്കു​ക​യാ​യി​രു​ന്നു. കൂടുതൽ സമയവും സഞ്ചാര വേലയിൽ ആയിരു​ന്നു അവർ. അപ്പോ​ഴാണ്‌ അദ്ദേഹ​ത്തി​ന്റെ അമ്മയുടെ ആവശ്യങ്ങൾ വർധി​ച്ചത്‌. അതിനു​ശേഷം ഓരോ വർഷവും, അമ്മയ്‌ക്കു സഹായ​മേ​കാൻ അവർ തങ്ങളുടെ അവധി ഉപയോ​ഗി​ച്ചു. സാക്ഷി​ക​ളായ അയൽക്കാ​രും സ്‌നേ​ഹ​പു​ര​സ്സ​ര​മായ സഹായം പ്രദാനം ചെയ്‌തു. മുഴു​സമയ സേവന​ത്തിൽ ഏർപ്പെ​ടുന്ന ഈ ദമ്പതികൾ ഒരു അടിയ​ന്തിര ഘട്ടത്തിൽ അമ്മയെ പരിച​രി​ക്കവേ, അവരെ കാണാ​നാ​യി പ്രാ​ദേ​ശിക സഭയിലെ മൂപ്പന്മാർ ക്രമീ​ക​രണം ചെയ്‌തു. അമ്മയ്‌ക്കു​വേണ്ടി ഈ ദമ്പതികൾ ക്രമമാ​യി ചെയ്യു​ന്നതു സംബന്ധിച്ച്‌ അവർ തികച്ചും ബോധ​മു​ള്ളവർ ആയിരു​ന്നു. അവരുടെ പ്രത്യേക സേവന​ത്തി​ന്റെ മൂല്യ​ത്തെ​യും ഈ മൂപ്പന്മാർ വിലമ​തി​ച്ചി​രു​ന്നു. അതു​കൊണ്ട്‌, അമ്മയ്‌ക്കു പരിച​ര​ണ​മേ​കാ​നാ​യി ഒരു നിർദിഷ്ട പദ്ധതി അവർ വിശദീ​ക​രി​ച്ചു. എന്നിട്ട്‌ അവർ ഇങ്ങനെ പറഞ്ഞു: “നിയമ​ന​ത്തോ​ടൊ​പ്പം നിങ്ങൾ ചെയ്യു​ന്ന​തി​ല​ധി​കം ചെയ്യാൻ നിങ്ങൾക്കു സാധ്യമല്ല; സ്‌പെ​യി​നി​ലെ നിങ്ങളു​ടെ നിയമ​ന​ത്തിൽ തുടര​ത്ത​ക്ക​വണ്ണം ഞങ്ങൾ നിങ്ങളെ സഹായി​ക്കും.” കഴിഞ്ഞ ഏഴു വർഷമാ​യി ഈ മൂപ്പന്മാർ സഹായി​ക്കു​ന്ന​തിൽ തുടരു​ക​യാണ്‌.

സമാന​മാ​യി, 1967 മുതൽ സെനെ​ഗ​ലിൽ സേവി​ക്കുന്ന ഒരു സഹോ​ദ​രനു തന്റെ പിതാ​വി​ന്റെ താമസ​സ്ഥ​ല​ത്തുള്ള സഭയിൽനിന്ന്‌ സ്‌നേ​ഹ​പു​ര​സ്സ​ര​മായ നല്ല പിന്തുണ ലഭിച്ചു. ഒരു പ്രതി​സന്ധി ഉളവാ​യ​പ്പോൾ ഈ സഹോ​ദരൻ സ്‌നേ​ഹ​മ​യി​യായ തന്റെ ഭാര്യ​യു​ടെ മനസ്സാ​ലെ​യുള്ള സഹകര​ണ​ത്തോ​ടെ, മാതാ​പി​താ​ക്കളെ സഹായി​ക്കാ​നാ​യി ഐക്യ​നാ​ടു​ക​ളി​ലേക്കു തനിച്ച്‌ യാത്ര​ചെ​യ്‌തു. മാസങ്ങ​ളോ​ളം അവിടെ തങ്ങേണ്ടത്‌ ആവശ്യ​മാ​ണെന്ന്‌ അദ്ദേഹം മനസ്സി​ലാ​ക്കി. സാഹച​ര്യം വളരെ ക്ലേശക​ര​മാ​യി​രു​ന്നു. എന്നാൽ തനിക്കു ചെയ്യാൻ കഴിഞ്ഞത്‌ അദ്ദേഹം ചെയ്‌ത​പ്പോൾ, സഹായി​ക്കാ​നാ​യി സഭ രംഗത്തു​വന്നു. അങ്ങനെ അദ്ദേഹ​ത്തി​നു തന്റെ മിഷനറി സേവന​ത്തിൽ തുടരാ​നാ​യി. ഏതാണ്ട്‌ 18 വർഷം, എണ്ണമറ്റ വിധങ്ങ​ളിൽ സഭ അവരെ—ആദ്യം പിതാ​വി​നെ​യും (സഹായി​ച്ച​വ​രിൽ പലരെ​യും അദ്ദേഹം തിരി​ച്ച​റി​ഞ്ഞു​പോ​ലു​മില്ല) പിന്നെ മാതാ​വി​നെ​യും—സ്‌നേ​ഹ​പൂർവം സഹായി​ച്ചു. അതു മകനെ ഉത്തരവാ​ദി​ത്വ​ത്തിൽനിന്ന്‌ ഒഴിവു​ള്ള​വ​നാ​ക്കി​യോ? ഇല്ല; തന്റെ കഴിവി​ന്റെ പരമാ​വധി സഹായം പ്രദാനം ചെയ്യാ​നാ​യി അദ്ദേഹം മിക്ക​പ്പോ​ഴും സെനെ​ഗ​ലിൽനി​ന്നു യാത്ര ചെയ്യു​ക​യും തന്റെ അവധി അതിനാ​യി ചെലവ​ഴി​ക്കു​ക​യും ചെയ്‌തു. എന്നാൽ, കഠിനാ​ധ്വാ​നി​ക​ളായ ഒരു ദമ്പതി​കളെ സെനെ​ഗ​ലിൽ പ്രത്യേക മുഴു​സമയ സേവന​ത്തിൽ തുടരാൻ സഹായി​ക്കു​ന്ന​തിൽ തങ്ങൾക്ക്‌ ഒരു പങ്കുണ്ട്‌ എന്നറി​യു​ന്ന​തി​ന്റെ സന്തോഷം ആ സഭയിലെ മിക്കവർക്കും ഉണ്ട്‌.

സുവി​ശേ​ഷ​ത്തി​നു വേണ്ടി സകലതും വിടു​ന്ന​വർക്ക്‌ സഹോ​ദ​ര​ന്മാ​രെ​യും സഹോ​ദ​രി​മാ​രെ​യും അമ്മമാ​രെ​യും കുട്ടി​ക​ളെ​യും നൂറു മടങ്ങായി ലഭിക്കു​മെന്ന്‌ യേശു പ്രസ്‌താ​വി​ക്കു​ക​യു​ണ്ടാ​യി. (മർക്കൊസ്‌ 10:29, 30) യഹോ​വ​യു​ടെ ദാസന്മാ​രു​ടെ ഇടയിൽ ഇതു തീർച്ച​യാ​യും സത്യമാണ്‌. മാതാ​പി​താ​ക്ക​ളെ​ച്ചൊ​ല്ലി ആശങ്ക​പ്പെ​ടേ​ണ്ട​തി​ല്ലെന്നു മാതാ​പി​താ​ക്ക​ളു​ടെ സഭയി​ലുള്ള രണ്ടു സാക്ഷികൾ പറഞ്ഞ​പ്പോൾ, ഇപ്പോൾ പശ്ചിമാ​ഫ്രി​ക്ക​യി​ലെ ബെനി​നിൽ സേവി​ക്കുന്ന ഒരു ദമ്പതികൾ ഇത്‌ ഒരു പ്രത്യേക വിധത്തിൽ അനുഭ​വി​ച്ച​റി​ഞ്ഞു. ആ സാക്ഷികൾ ഇങ്ങനെ കൂട്ടി​ച്ചേർത്തു: “നിങ്ങളു​ടെ മാതാ​പി​താ​ക്കൾ ഞങ്ങളു​ടെ​യും മാതാ​പി​താ​ക്ക​ളാണ്‌.”

അതേ, വിശുദ്ധ സേവന​ത്തി​ന്റെ പദവി​കളെ അതിയാ​യി വിലമ​തി​ക്കു​ന്നു എന്ന്‌ നമുക്ക്‌ അനേകം വിധങ്ങ​ളിൽ പ്രകട​മാ​ക്കാ​നാ​കും. എന്നാൽ ഇത്‌ കൂടുതൽ തിക​വോ​ടെ ചെയ്യാൻ നിങ്ങൾക്കു സാധി​ക്കു​മോ?

[26-ാം പേജിലെ ചിത്രങ്ങൾ]

പ്രത്യേക മുഴു​സമയ സേവന​ത്തി​നാ​യി അവർ സ്വയം ലഭ്യമാ​ക്കി​യി​രി​ക്കു​ന്നു