ദൈവ​ത്തി​ന്റെ നീതി​യിൽ നമുക്കുള്ള വിശ്വാ​സം ബലിഷ്‌ഠ​മാ​ക്കൽ

“നിന്റെ ആശ്രയം യഹോ​വ​യിൽ ആയിരി​ക്കേ​ണ്ട​തി​ന്നു ഞാൻ ഇന്നു നിന്നോ​ടു, നിന്നോ​ടു തന്നേ, ഉപദേ​ശി​ച്ചി​രി​ക്കു​ന്നു.”—സദൃശ​വാ​ക്യ​ങ്ങൾ 22:19.

1, 2. (എ) യഹോ​വ​യു​ടെ സാക്ഷികൾ യഹോ​വ​യിൽ വിശ്വാ​സം പ്രകട​മാ​ക്കു​ന്നത്‌ എന്തു​കൊണ്ട്‌? (സദൃശ​വാ​ക്യ​ങ്ങൾ 22:19) (ബി) ചില വ്യക്തികൾ യഹോ​വ​യി​ലുള്ള തങ്ങളുടെ വിശ്വാ​സം ബലിഷ്‌ഠ​മാ​ക്കേ​ണ്ട​തു​ണ്ടെന്ന്‌ എന്തു സൂചി​പ്പി​ക്കു​ന്നു?

സത്യ ക്രിസ്‌ത്യാ​നി​കൾ യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള സൂക്ഷ്‌മ പരിജ്ഞാ​ന​ത്താൽ അനുഗൃ​ഹീ​ത​രാണ്‌. “വിശ്വ​സ്‌ത​നും വിവേ​കി​യു​മായ അടിമ” സ്‌നേ​ഹ​പു​ര​സ്സരം അവർക്ക്‌ “തക്കസമ​യത്തെ” ആത്മീയ “ആഹാരം” പ്രദാനം ചെയ്യുന്നു. (മത്തായി 24:45, NW) അവർ നേടുന്ന പരിജ്ഞാ​നം അവർക്ക്‌ ദൈവ​ത്തിൽ വിശ്വാ​സം അർപ്പി​ക്കു​ന്ന​തി​നുള്ള ഒരു ഈടുറ്റ അടിസ്ഥാ​നം പ്രദാനം ചെയ്യുന്നു. അങ്ങനെ, ഒരു കൂട്ടം എന്ന നിലയിൽ, യഹോ​വ​യു​ടെ സാക്ഷികൾ യഹോ​വ​യി​ലും അവന്റെ നീതി​യി​ലും ആഴമായ വിശ്വാ​സം പ്രകട​മാ​ക്കു​ന്നു.

² എന്നിരു​ന്നാ​ലും, വ്യക്തികൾ എന്ന നിലയിൽ ചില സാക്ഷികൾ അത്തരം വിശ്വാ​സം ബലിഷ്‌ഠ​മാ​ക്കേണ്ട ആവശ്യ​മു​ള്ള​താ​യി കാണുന്നു. സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളിൽ കൊടു​ത്തി​രി​ക്കുന്ന വിശദീ​ക​ര​ണ​ങ്ങളെ കുറിച്ച്‌ സംശയം പ്രകട​മാ​ക്കുന്ന കത്തുകൾ സൊ​സൈ​റ്റിക്ക്‌ ഇടയ്‌ക്കി​ടെ ലഭിക്കാ​റുണ്ട്‌. ഈ സംശയങ്ങൾ ചില​പ്പോൾ ഗ്രാഹ്യ​ത്തിൽ വരുത്തിയ പൊരു​ത്ത​പ്പെ​ടു​ത്ത​ലു​ക​ളോ​ടുള്ള ഒരു പ്രതി​ക​രണം ആയിട്ടാ​യി​രി​ക്കാം, അല്ലെങ്കിൽ അന്വേ​ഷി​ക്കുന്ന ആളിനെ, വിശേ​ഷി​ച്ചും വൈകാ​രി​ക​മാ​യി ബാധി​ക്കുന്ന സംഗതി​കളെ കുറിച്ച്‌ ആയിരി​ക്കാം.—യോഹ​ന്നാൻ 6:60, 61 താരത​മ്യം ചെയ്യുക.

3. യഹോ​വ​യു​ടെ വിശ്വസ്‌ത ദാസർക്കു​പോ​ലും എന്തു സംഭവി​ച്ചേ​ക്കാം, എന്തു​കൊണ്ട്‌?

³ യഹോ​വ​യു​ടെ യഥാർഥ ദാസർക്കും സഭാ​പ്ര​സം​ഗി 9:11 (NW) സത്യമാ​യി ഭവിക്കു​ന്നു: “സൂര്യനു കീഴെ, വേഗത​യു​ള്ളവർ ഓട്ടത്തി​ലോ വീരൻമാർ യുദ്ധത്തി​ലോ നേടു​ന്നി​ല്ലെ​ന്നും ജ്ഞാനി​കൾക്ക്‌ ആഹാര​മോ വിവേ​കി​കൾക്കു സമ്പത്തോ പരിജ്ഞാ​നി​കൾക്കു പ്രീതി​യോ ലഭിക്കു​ന്നി​ല്ലെ​ന്നും കാണാൻ ഞാൻ തിരി​കെ​ച്ചെന്നു. കാരണം കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളും അവർക്കെ​ല്ലാം ഭവിക്കു​ന്നു.” ഇത്‌ വ്യാപ​ക​മായ, അല്ലെങ്കിൽ ആത്മീയ അർഥത്തിൽ സത്യമാ​ണെന്ന്‌ തെളി​ഞ്ഞേ​ക്കാ​വു​ന്നത്‌ എങ്ങനെ? ബൈബിൾ ബുദ്ധ്യു​പ​ദേ​ശങ്ങൾ ഉടനടി ബാധക​മാ​ക്കുന്ന, സത്യത്തി​നു​വേണ്ടി ശക്തമായി വാദി​ക്കുന്ന, ബൈബിൾ തത്ത്വങ്ങൾ ബാധക​മാ​ക്കു​ന്ന​തിൽ ജ്ഞാനി​ക​ളായ, സൂക്ഷ്‌മ പരിജ്ഞാ​നം നേടു​ന്ന​തിൽ തീക്ഷ്‌ണ​മ​തി​ക​ളായ ക്രിസ്‌ത്യാ​നി​കളെ നിങ്ങൾക്ക്‌ അറിയാ​മാ​യി​രി​ക്കും. എങ്കിലും, “കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളും” നിമിത്തം അപകട​ത്താ​ലോ വാർധ​ക്യ​ത്താ​ലോ ചിലരു​ടെ പ്രവർത്ത​നങ്ങൾ പരിമി​ത​പ്പെ​ട്ടി​രി​ക്കാം. മരിക്കാ​തെ ദൈവ​ത്തി​ന്റെ പുതിയ ലോക​ത്തിൽ പ്രവേ​ശി​ക്കാ​നാ​കു​മോ എന്ന കാര്യ​ത്തിൽ അവർക്കി​പ്പോൾ സംശയം തോന്നു​ന്നു​ണ്ടാ​കാം.

4, 5. യഹോ​വ​യു​ടെ നീതി​യിൽ വിശ്വാ​സം നഷ്ടപ്പെ​ടാൻ ക്രിസ്‌ത്യാ​നി​കൾക്ക്‌ യാതൊ​രു കാരണ​വും ഇല്ലാത്തത്‌ എന്തു​കൊണ്ട്‌?

⁴ ഒരു ക്രിസ്‌ത്യാ​നി​യു​ടെ വിവാ​ഹിത ഇണ മരിക്കു​മ്പോ​ഴത്തെ വേദന​യും നഷ്ടബോ​ധ​വും വളരെ കഠിന​മാണ്‌. ദമ്പതികൾ എന്ന നിലയിൽ അവർ ഒരുമിച്ച്‌ വർഷങ്ങ​ളോ​ളം അല്ലെങ്കിൽ ചില​പ്പോൾ പതിറ്റാ​ണ്ടു​ക​ളോ​ളം യഹോ​വയെ സേവി​ച്ചി​രി​ക്കാം. വിവാ​ഹ​ബന്ധം മരണ​ത്തോ​ടെ അവസാ​നി​ക്കു​ന്നു എന്നു ജീവി​ച്ചി​രി​ക്കുന്ന ഇണയ്‌ക്ക്‌ അറിയാം.a (1 കൊരി​ന്ത്യർ 7:39) ഇപ്പോൾ, തന്റെ വിശ്വാ​സ​ത്തിന്‌ ഇളക്കം തട്ടാതി​രി​ക്കാൻ, അയാൾ തന്റെ വികാ​ര​ങ്ങളെ നിയ​ന്ത്രി​ച്ചേ മതിയാ​വൂ.—മർക്കൊസ്‌ 16:8, NW; താരത​മ്യം ചെയ്യുക.

⁵ ഒരു ഇണയു​ടെ​യോ മാതാ​വി​ന്റെ​യോ പിതാ​വി​ന്റെ​യോ കുട്ടി​യു​ടെ​യോ ഒരു അടുത്ത ക്രിസ്‌തീയ സുഹൃ​ത്തി​ന്റെ​യോ മരണത്തെ യഹോ​വ​യു​ടെ നീതി​യി​ലുള്ള വിശ്വാ​സം പ്രകട​മാ​ക്കു​ന്ന​തി​നുള്ള ഒരു അവസര​മാ​യി വീക്ഷി​ക്കു​ന്നത്‌ എത്ര ജ്ഞാനപൂർവ​ക​മാണ്‌! വ്യക്തി​പ​ര​മായ നഷ്ടം നേരി​ടു​മ്പോൾ പോലും, യഹോവ അനീതി പ്രവർത്തി​ക്കു​ന്നി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാം. അതിജീ​വ​ന​ത്തി​ലൂ​ടെ ആയാലും പുനരു​ത്ഥാ​ന​ത്തി​ലൂ​ടെ ആയാലും നിത്യ​ജീ​വൻ നേടുന്ന സകലരും സന്തുഷ്ടർ ആയിരി​ക്കു​മെന്ന്‌ നമുക്ക്‌ ഉറപ്പ്‌ ഉണ്ടായി​രി​ക്കാ​വു​ന്ന​താണ്‌. ദൈവത്തെ കുറിച്ചു സങ്കീർത്ത​ന​ക്കാ​രൻ പറയുന്നു: “നീ തൃക്കൈ തുറന്നു ജീവനു​ള്ള​തി​ന്നൊ​ക്കെ​യും പ്രസാ​ദം​കൊ​ണ്ടു തൃപ്‌തി​വ​രു​ത്തു​ന്നു. യഹോവ തന്റെ സകലവ​ഴി​ക​ളി​ലും നീതി​മാ​നും തന്റെ സകല​പ്ര​വൃ​ത്തി​ക​ളി​ലും ദയാലു​വും ആകുന്നു. യഹോവ, തന്നേ വിളി​ച്ച​പേ​ക്ഷി​ക്കുന്ന ഏവർക്കും, സത്യമാ​യി തന്നെ വിളി​ച്ച​പേ​ക്ഷി​ക്കുന്ന ഏവർക്കും സമീപ​സ്ഥ​നാ​കു​ന്നു. തന്റെ ഭക്തന്മാ​രു​ടെ ആഗ്രഹം അവൻ സാധി​പ്പി​ക്കും; അവരുടെ നിലവി​ളി കേട്ടു അവരെ രക്ഷിക്കും.”—സങ്കീർത്തനം 145:16-19.

അനാവ​ശ്യ​മാ​യി കഷ്ടം സഹിച്ചു​വെന്ന തോന്ന​ലു​കൾ

6, 7. (എ) കഴിഞ്ഞ കാലത്ത്‌ കഷ്ടം സഹിച്ച ചില സാക്ഷി​കൾക്ക്‌ ഇപ്പോൾ വ്യത്യ​സ്‌ത​മായ ഒരു ഗ്രാഹ്യ​മു​ള്ളത്‌ എന്തു​കൊണ്ട്‌? (ബി) അത്തരം കഷ്ടപ്പാട്‌ മുമ്പ്‌ അനുവ​ദി​ച്ച​തിൽ നാം യഹോ​വയെ അനീതി​യു​ള്ള​വ​നാ​യി വീക്ഷി​ക്ക​രു​താ​ത്തത്‌ എന്തു​കൊണ്ട്‌?

⁶ കഴിഞ്ഞ കാലത്ത്‌, ചില സാക്ഷികൾ ഒരു പ്രത്യേക പ്രവർത്ത​ന​ത്തിൽനിന്ന്‌ ഒഴിഞ്ഞു​നിന്ന്‌ നഷ്ടം സഹിച്ചു​വെ​ങ്കി​ലും ഇപ്പോൾ അവരുടെ മനഃസാ​ക്ഷി അത്തരം പ്രവൃ​ത്തി​യിൽ ഏർപ്പെ​ടു​ന്ന​തി​നെ വിലക്കു​ന്നില്ല. വർഷങ്ങൾക്കു മുമ്പ്‌ പലരും ഒഴിഞ്ഞു​നി​ന്നി​രുന്ന ചില സിവി​ലി​യൻ സേവന​ങ്ങ​ളു​ടെ കാര്യം അതിന്‌ ഉദാഹ​ര​ണ​മാണ്‌. ഈ വ്യവസ്ഥി​തി സംബന്ധിച്ച ക്രിസ്‌തീയ നിഷ്‌പക്ഷത ലംഘി​ക്കാ​തെ​തന്നെ ഇപ്പോൾ തനിക്ക്‌ അത്തരം സേവന​ങ്ങ​ളിൽ മനഃസാ​ക്ഷി​പൂർവം പങ്കെടു​ക്കാൻ കഴിയു​മെന്ന്‌ ഒരു സഹോ​ദരൻ വിചാ​രി​ച്ചേ​ക്കാം.

⁷ ഇപ്പോൾ ഭവിഷ്യ​ത്തു​കൾ ഒന്നുമി​ല്ലാ​തെ ചെയ്യാൻ കഴിയുന്ന ഒരു സംഗതി മുമ്പ്‌ നിരസി​ക്കു​ക​വഴി കഷ്ടം അനുഭ​വി​ക്കാൻ അനുവ​ദി​ച്ചത്‌ യഹോ​വ​യു​ടെ ഭാഗത്തെ അനീതി​യാ​യി​രു​ന്നോ? അത്തരം അനുഭവം ഉണ്ടായി​ട്ടുള്ള മിക്കവ​രും അങ്ങനെ ചിന്തി​ക്കു​ക​യില്ല. മറിച്ച്‌, അഖിലാണ്ഡ പരമാ​ധി​കാ​രം സംബന്ധിച്ച വിവാ​ദ​വി​ഷ​യ​ത്തിൽ തങ്ങൾ ഉറച്ച നിലപാ​ടിൽ ദൃഢചി​ത്ത​രാ​ണെന്നു പരസ്യ​മാ​യും വ്യക്തമാ​യും പ്രകട​മാ​ക്കാൻ തങ്ങൾക്ക്‌ അവസരം ലഭിച്ച​തിൽ അവർ ആഹ്ലാദി​ക്കു​ന്നു. (ഇയ്യോബ്‌ 27:5 താരത​മ്യം ചെയ്യുക.) അല്ലെങ്കിൽത്തന്നെ മനഃസാ​ക്ഷി​യെ അനുസ​രി​ച്ചു​കൊണ്ട്‌ യഹോ​വ​യ്‌ക്കു​വേണ്ടി ഒരു ഉറച്ച നിലപാട്‌ എടുത്ത​തിൽ ഖേദി​ക്കാൻ എന്തിരി​ക്കു​ന്നു? തങ്ങൾ മനസ്സി​ലാ​ക്കി​യി​രി​ക്കു​ന്ന​വി​ധം ക്രിസ്‌തീയ തത്ത്വങ്ങൾ വിശ്വ​സ്‌ത​ത​യോ​ടെ ഉയർത്തി​പ്പി​ടി​ച്ചു​കൊണ്ട്‌ അല്ലെങ്കിൽ മനഃസാ​ക്ഷി​യു​ടെ പ്രേര​ണ​ക​ളോട്‌ പ്രതി​ക​രി​ച്ചു​കൊണ്ട്‌, അവർ യഹോ​വ​യു​ടെ സൗഹൃ​ദ​ത്തി​നു യോഗ്യ​രാ​ണെന്നു തെളി​യി​ച്ചു. തീർച്ച​യാ​യും, സ്വന്തം മനഃസാ​ക്ഷി​യെ അലോ​സ​ര​പ്പെ​ടു​ത്തു​ന്ന​തോ അല്ലെങ്കിൽ മറ്റുള്ള​വർക്ക്‌ ഇടർച്ച വരുത്താൻ സാധ്യ​ത​യു​ള്ള​തോ ആയ ഒരു ഗതി ഒഴിവാ​ക്കു​ന്നത്‌ ജ്ഞാനപൂർവ​ക​മാണ്‌. ഇക്കാര്യ​ത്തിൽ പൗലൊസ്‌ അപ്പൊ​സ്‌തലൻ വെച്ച മാതൃ​കയെ കുറിച്ചു നമുക്കു ചിന്തി​ക്കാ​വു​ന്ന​താണ്‌.—1 കൊരി​ന്ത്യർ 8:12, 13; 10:31-33.

8. മുമ്പു ന്യായ​പ്ര​മാ​ണം പാലി​ച്ചി​രുന്ന യഹൂദ ക്രിസ്‌ത്യാ​നി​കൾക്ക്‌ യഹോ​വ​യു​ടെ നീതിയെ സംശയി​ക്കാൻ യാതൊ​രു കാരണ​വും ഇല്ലാതി​രു​ന്നത്‌ എന്തു​കൊണ്ട്‌?

⁸ യഹോ​വയെ പ്രസാ​ദി​പ്പി​ക്കു​ന്ന​തിന്‌, യഹൂദ​ന്മാർ പത്തു കൽപ്പന​ക​ളും കൂടു​ത​ലായ 600-ഓളം നാനാ നിയമ​ങ്ങ​ളും അനുസ​രി​ക്കേ​ണ്ടി​യി​രു​ന്നു. പിൽക്കാ​ലത്ത്‌, ക്രിസ്‌തീയ ക്രമീ​ക​രണം വന്നപ്പോൾ, യഹോ​വയെ സേവി​ക്കു​ന്ന​തിന്‌ ഈ നിയമങ്ങൾ മേലാൽ, ജഡിക യഹൂദ​ന്മാർക്കു​പോ​ലും, ആവശ്യ​മി​ല്ലെ​ന്നാ​യി. അങ്ങനെ പരി​ച്ഛേദന, ശബത്താ​ച​രണം, മൃഗബ​ലി​യർപ്പണം, ചില ഭക്ഷണ​ക്ര​മങ്ങൾ എന്നിവ​യു​മാ​യി ബന്ധപ്പെട്ട പല നിയമ​ങ്ങ​ളും കാലഹ​ര​ണ​പ്പെട്ട നിയമ​ങ്ങ​ളിൽ പെടുന്നു. (1 കൊരി​ന്ത്യർ 7:19; 10:25; കൊ​ലൊ​സ്സ്യർ 2:16, 17; എബ്രായർ 10:1, 11-14) ക്രിസ്‌ത്യാ​നി​കൾ ആയിത്തീർന്ന അപ്പൊ​സ്‌ത​ല​ന്മാർ ഉൾപ്പെ​ടെ​യുള്ള യഹൂദ​ന്മാർ തങ്ങൾ ന്യായ​പ്ര​മാണ ഉടമ്പടി​ക്കു കീഴിൽ ആയിരു​ന്ന​പ്പോൾ അനുസ​രി​ക്കാൻ ബാധ്യ​സ്ഥ​രാ​യി​രുന്ന നിയമ​ങ്ങ​ളിൽനി​ന്നു മോചി​ത​രാ​ക്ക​പ്പെട്ടു. മുമ്പ്‌ നിർബ​ന്ധി​ത​മാ​യി​രുന്ന സംഗതി​കൾ ഇപ്പോൾ ആവശ്യ​മി​ല്ലാ​ത്ത​താ​ക്കുന്ന ദൈവ​ത്തി​ന്റെ ക്രമീ​ക​രണം അനീതി ഉള്ളതാ​ണെന്ന്‌ അവർ പരാതി​പ്പെ​ട്ടോ? ഇല്ല, യഹോ​വ​യു​ടെ ഉദ്ദേശ്യ​ങ്ങളെ കുറി​ച്ചുള്ള ഗ്രാഹ്യം വർധി​ച്ച​തിൽ അവർ ആഹ്ലാദി​ക്കു​ക​യാണ്‌ ചെയ്‌തത്‌.—പ്രവൃ​ത്തി​കൾ 16:4, 5.

9. ചില സാക്ഷി​ക​ളു​ടെ കാര്യ​ത്തിൽ എന്തു സത്യമാ​യി​രു​ന്നി​ട്ടുണ്ട്‌, എന്നാൽ അവർക്കു ഖേദി​ക്കാൻ കാരണ​മി​ല്ലാ​ത്തത്‌ എന്തു​കൊണ്ട്‌?

⁹ ആധുനിക നാളിൽ, ചില സാക്ഷികൾ തങ്ങൾക്കു ചെയ്യാ​വു​ന്ന​തും ചെയ്യരു​താ​ത്ത​തു​മായ സംഗതി​കൾ സംബന്ധിച്ച്‌ വളരെ കർക്കശ​മായ വീക്ഷണ​ഗ​തി​കൾ വെച്ചു​പു​ലർത്തി. അതു​കൊ​ണ്ടു​തന്നെ അവർക്ക്‌ മറ്റുള്ള​വ​രെ​ക്കാൾ അധികം കഷ്ടപ്പെ​ടേ​ണ്ടി​വന്നു. പിന്നീട്‌, പരിജ്ഞാ​നം വർധി​ച്ച​പ്പോൾ, സംഗതി​കളെ കുറി​ച്ചുള്ള അവരുടെ വീക്ഷണങ്ങൾ മെച്ച​പ്പെട്ടു. എന്നാൽ മുമ്പ്‌ മനഃസാ​ക്ഷി​ക്കു ചേർച്ച​യിൽ പ്രവർത്തിച്ച്‌ കൂടുതൽ കഷ്ടം സഹിച്ച​തിൽ അവർ ഖേദി​ക്കേ​ണ്ടി​വ​രു​ന്നില്ല. യഹോ​വ​യോ​ടുള്ള വിശ്വ​സ്‌ത​ത​യെ​പ്ര​തി​യും ‘സകലവും സുവി​ശേഷം നിമിത്തം ചെയ്യുന്ന’തിനു വേണ്ടി​യും അവർ കഷ്ടം സഹിക്കാൻ മനസ്സൊ​രു​ക്കം പ്രകട​മാ​ക്കി എന്നതു​തന്നെ യഥാർഥ​ത്തിൽ പ്രശം​സ​നീ​യ​മാണ്‌. യഹോവ അത്തരം ദൈവ​ഭ​ക്തി​യെ അനു​ഗ്ര​ഹി​ക്കു​ന്നു. (1 കൊരി​ന്ത്യർ 9:23; എബ്രായർ 6:10) ഉൾക്കാ​ഴ്‌ച​യോ​ടെ പത്രൊസ്‌ അപ്പൊ​സ്‌തലൻ എഴുതി: “നന്മചെ​യ്‌തി​ട്ടു കഷ്ടം സഹിച്ചാൽ അതു ദൈവ​ത്തി​ന്നു പ്രസാദം.”—1 പത്രൊസ്‌ 2:20.

യോനാ​യിൽനി​ന്നുള്ള പാഠം

10, 11. യോനാ യഹോ​വ​യിൽ അവിശ്വാ​സം പ്രകട​മാ​ക്കി​യത്‌ എങ്ങനെ: (എ) നീനെ​വേ​യി​ലേക്കു പോകു​ന്ന​തി​നുള്ള നിയമനം ലഭിച്ച​പ്പോൾ? (ബി) ദൈവം നീനെ​വേ​ക്കാ​രെ നശിപ്പി​ക്കാ​ഞ്ഞ​പ്പോൾ?

¹⁰ നീനെ​വേ​യി​ലേക്കു പോകാ​നുള്ള നിർദേശം ലഭിച്ച​പ്പോൾ, യഹോവ തന്നിൽ അർപ്പി​ക്കുന്ന വിശ്വാ​സ​ത്തോ​ടു യോനാ വിലമ​തി​പ്പു പ്രകട​മാ​ക്കി​യില്ല. അനുസ​രി​ക്കാൻ കൂട്ടാ​ക്കാ​ഞ്ഞ​തി​ന്റെ ഫലമായി ഒരു തിക്താ​നു​ഭവം നേരി​ട്ട​പ്പോൾ, യോനാ​യ്‌ക്കു സുബോ​ധം തെളിഞ്ഞു. അങ്ങനെ തന്റെ തെറ്റു മനസ്സി​ലാ​ക്കി അവൻ വിദേശ നിയമനം സ്വീക​രി​ക്കു​ക​യും ആസന്നമായ നാശ​ത്തെ​ക്കു​റിച്ച്‌ നീനെ​വേ​ക്കാർക്കു മുന്നറി​യി​പ്പു കൊടു​ക്കു​ക​യും ചെയ്‌തു. അപ്പോ​ഴാണ്‌ പ്രതീ​ക്ഷി​ക്കാത്ത സംഭവം: നീനെ​വേ​ക്കാർ അനുതാ​പം പ്രകട​മാ​ക്കി, അതോടെ നാശം വരുത്തേണ്ട എന്നു യഹോവ തീരു​മാ​നി​ക്കു​ക​യും ചെയ്‌തു.—യോനാ 1:1–3:10.

¹¹ യോനാ​യു​ടെ പ്രതി​ക​രണം എന്തായി​രു​ന്നു? നീരസ​ത്തോ​ടെ അവൻ പ്രാർഥ​ന​യിൽ ദൈവ​ത്തോ​ടു പരാതി​പ്പെട്ടു. അവന്റെ സങ്കടം ബോധി​പ്പി​ക്ക​ലി​ന്റെ ചുരുക്കം ഇതായി​രു​ന്നു: ‘ഇങ്ങനെ സംഭവി​ക്കു​മെന്ന്‌ എനിക്ക്‌ അറിയാ​മാ​യി​രു​ന്നു. അതല്ലേ ആദ്യം​തന്നെ ഞാൻ നീനെ​വേ​യി​ലേക്കു പോ​കേ​ണ്ടെന്നു വെച്ചത്‌. എന്നിട്ട്‌ ഇപ്പഴോ, ഞാൻ എന്തെല്ലാം സഹിച്ചു. ഒരു വൻ മത്സ്യത്തി​ന്റെ വായിൽ അകപ്പെ​ട്ട​തി​ന്റെ ഭീകര​ത​യും മാന​ക്കേ​ടും; നാശം വരുന്നു എന്നു പറഞ്ഞ്‌ ഞാൻ കഷ്ടപ്പെട്ട്‌ നീനെ​വേ​ക്കാർക്ക്‌ മുന്നറി​യി​പ്പു കൊടു​ത്തു. ഫലമോ, ഇങ്ങനെ​യും! എന്റെ വേലയും കഷ്ടപ്പാ​ടും എല്ലാം വെറുതെ! ഇതിലും നല്ലത്‌ ഞാൻ മരിക്കു​ന്ന​താ​യി​രു​ന്നു!’—യോനാ 4:1-3.

12. യോനാ​യു​ടെ അനുഭ​വ​ത്തിൽനി​ന്നു നമുക്ക്‌ എന്തു പഠിക്കാൻ കഴിയും?

¹² യോനാ​യു​ടെ പരാതി​യിൽ കഴമ്പു​ണ്ടാ​യി​രു​ന്നോ? തെറ്റു ചെയ്‌തവർ അനുതാ​പം പ്രകട​മാ​ക്കി​യ​പ്പോൾ യഹോവ അവരോ​ടു കരുണ കാണി​ച്ചത്‌ അനീതി​യാ​യോ? വാസ്‌ത​വ​ത്തിൽ, യോനാ ആഹ്ലാദി​ക്കു​ക​യാ​ണു വേണ്ടി​യി​രു​ന്നത്‌; പതിനാ​യി​ര​ക്ക​ണ​ക്കിന്‌ ആളുക​ളാണ്‌ വധശി​ക്ഷ​യിൽനിന്ന്‌ ഒഴിവാ​യത്‌! (യോനാ 4:11) എന്നാൽ അവന്റെ അനാദ​ര​സൂ​ച​ക​വും പരാതി​പ്പെ​ടു​ന്ന​തു​മായ മനോ​ഭാ​വം തനിക്കു യഹോ​വ​യു​ടെ നീതി​യിൽ ശക്തമായ വിശ്വാ​സ​മില്ല എന്നു പ്രകട​മാ​ക്കി. അവൻ തന്നെപ്പ​റ്റി​ത്തന്നെ അമിത​മാ​യി ചിന്തിച്ചു, മറ്റുള്ള​വരെ കുറിച്ച്‌ അത്യൽപ്പ​വും. നമുക്കും നമ്മുടെ വ്യക്തി​പ​ര​മായ വികാ​ര​ങ്ങൾക്കും രണ്ടാം സ്ഥാനം നൽകി​ക്കൊണ്ട്‌ നമുക്കു യോനാ​യിൽനി​ന്നു പഠിക്കാം. യഹോ​വയെ അനുസ​രി​ക്കുക, അവന്റെ സ്ഥാപന​ത്തി​ലൂ​ടെ ലഭിക്കുന്ന നിർദേ​ശങ്ങൾ പിൻപ​റ്റുക, അവന്റെ തീരു​മാ​നങ്ങൾ അംഗീ​ക​രി​ക്കുക എന്നിവ​യെ​ല്ലാം ശരിയായ സംഗതി​ക​ളാ​ണെന്ന ബോധ്യം നമുക്കു നേടാം. “ദൈവത്തെ ഭയപ്പെ​ടുന്ന ഭക്തന്മാർക്കു നന്മ വരും” എന്ന ബോധ്യം നമുക്ക്‌ ഉണ്ടായി​രി​ക്കാം.—സഭാ​പ്ര​സം​ഗി 8:12.

നമ്മുടെ വിശ്വാ​സം ബലിഷ്‌ഠ​മാ​ക്കു​ന്ന​തി​നുള്ള സമയം ഇപ്പോ​ഴാണ്‌!

13. നമുക്ക്‌ എല്ലാവർക്കും യഹോ​വ​യി​ലുള്ള വിശ്വാ​സം ബലിഷ്‌ഠ​മാ​ക്കാൻ കഴിയു​ന്ന​തെ​ങ്ങനെ?

¹³ യഹോ​വ​യി​ലുള്ള നമ്മുടെ വിശ്വാ​സം ബലിഷ്‌ഠ​മാ​ക്കു​ന്നത്‌ ജ്ഞാനമാണ്‌. (സദൃശ​വാ​ക്യ​ങ്ങൾ 3:5-8) കൂടുതൽ വിശ്വാ​സ​മു​ള്ളവർ ആയിത്തീ​രാൻ നമ്മെ സഹായി​ക്കേ​ണമേ എന്നു യഹോ​വ​യോ​ടു പ്രാർഥി​ച്ചാൽ മാത്രം പോരാ. സൂക്ഷ്‌മ പരിജ്ഞാ​നം നേടു​ന്ന​ത​നു​സ​രിച്ച്‌ വിശ്വാ​സം വളരു​ന്ന​തു​കൊണ്ട്‌, വ്യക്തി​പ​ര​മായ ബൈബിൾ പഠനവും കൂടാതെ ബൈബി​ളി​ന്റെ​യും അതിനെ വിശദീ​ക​രി​ക്കുന്ന സാഹി​ത്യ​ങ്ങ​ളു​ടെ​യും വായന​യും നമ്മുടെ ദിനച​ര്യ​യു​ടെ ഭാഗമാ​ക്കണം. നല്ല തയ്യാ​റെ​ടു​പ്പോ​ടെ ക്രിസ്‌തീയ യോഗ​ങ്ങ​ളിൽ ക്രമമാ​യി സംബന്ധി​ക്കു​ന്ന​തും അവയിൽ ആകുന്നത്ര പങ്കുപ​റ്റു​ന്ന​തും ജീവത്‌പ്ര​ധാ​ന​മാണ്‌. നയപൂർവം തടസ്സവാ​ദ​ങ്ങളെ മറിക​ട​ന്നു​കൊണ്ട്‌ മറ്റുള്ള​വ​രു​മാ​യി ബൈബിൾ സത്യങ്ങൾ പങ്കു​വെ​ക്കു​ന്ന​തും യഹോ​വ​യി​ലും അവന്റെ വചനത്തി​ലു​മുള്ള നമ്മുടെ വിശ്വാ​സത്തെ ബലിഷ്‌ഠ​മാ​ക്കു​ന്നു. അങ്ങനെ നാം അവനു​മാ​യി ദിവസേന അടുത്തു​വ​രും.

14. താമസി​യാ​തെ ദൈവ​ജനം യഹോ​വ​യിൽ പൂർവാ​ധി​കം ശക്തമായ വിശ്വാ​സം പ്രകട​മാ​ക്കേണ്ട സ്ഥിതി​വി​ശേ​ഷ​ത്തിൽ എത്താൻ പോകു​ന്നത്‌ എന്തു​കൊണ്ട്‌?

¹⁴ എക്കാല​ത്തെ​യും ഏറ്റവും വലിയ കഷ്ടത്തിന്റെ കാലം പെട്ടെ​ന്നു​തന്നെ പൊട്ടി​പ്പു​റ​പ്പെ​ടും. (മത്തായി 24:21) അതു സംഭവി​ക്കു​മ്പോൾ, ദൈവ​ദാ​സർ യഹോ​വ​യു​ടെ നീതി​യി​ലും അവന്റെ സ്ഥാപനം പ്രദാനം ചെയ്യുന്ന മാർഗ​നിർദേ​ശ​ത്തി​ലും പൂർവാ​ധി​കം ശക്തമായ വിശ്വാ​സം പ്രകട​മാ​ക്കേ​ണ്ടി​വ​രും. ഒരു പ്രതീ​കാ​ത്മ​ക​മായ വിധത്തിൽ, അപ്പോൾ അവർ ദൈവ​ത്തി​ന്റെ ഈ കൽപ്പന ബോധ്യ​ത്തോ​ടെ അനുസ​രി​ക്കും: “എന്റെ ജനമേ, വന്നു നിന്റെ അറകളിൽ കടന്നു വാതി​ലു​കളെ അടെക്ക; ക്രോധം കടന്നു​പോ​കു​വോ​ളം അല്‌പ​നേ​ര​ത്തേക്കു ഒളിച്ചി​രിക്ക.” (യെശയ്യാ​വു 26:20) അവർ 232 രാജ്യ​ങ്ങ​ളി​ലാ​യി 85,000-ത്തിലധി​ക​മുള്ള സഭകളു​ടെ സംരക്ഷണ വലയത്തിൽ ഇതി​നോ​ടകം പ്രവേ​ശി​ച്ചി​രി​ക്കു​ക​യാണ്‌. ‘നിങ്ങളു​ടെ അറകളിൽ കടക്കു​വിൻ’ എന്ന കൽപ്പന​യിൽ കൂടു​ത​ലാ​യി എന്തെല്ലാം ഉൾപ്പെ​ട്ടി​രു​ന്നേ​ക്കാ​മെ​ങ്കി​ലും, അതു നിവർത്തി​ക്കാൻ യഹോവ നമ്മെ സഹായി​ക്കു​മെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും.

15. 1998-ൽ വിശ്വാ​സ​ത്തി​ന്റെ സംഗതിക്ക്‌ ഊന്നൽ ലഭിച്ചി​രി​ക്കു​ന്ന​തെ​ങ്ങനെ, അത്‌ ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

¹⁵ ഇപ്പോൾ നമ്മുടെ വിശ്വാ​സം ബലിഷ്‌ഠ​മാ​ക്കു​ന്നത്‌ അത്യന്താ​പേ​ക്ഷി​ത​മാണ്‌. നമ്മുടെ ക്രിസ്‌തീയ സഹോ​ദ​ര​ങ്ങ​ളി​ലും യഹോ​വ​യു​ടെ സ്ഥാപന​ത്തി​ലും എല്ലാറ്റി​ലു​മു​പരി യഹോ​വ​യിൽത്ത​ന്നെ​യും വിശ്വാ​സ​മി​ല്ലെ​ങ്കിൽ അതിജീ​വി​ക്കാ​നാ​കില്ല. “യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന എല്ലാവ​രും രക്ഷിക്ക​പ്പെ​ടും” എന്ന തങ്ങളുടെ വാർഷിക വാക്യം 1998-ൽ ലോക​മെ​മ്പാ​ടു​മുള്ള യഹോ​വ​യു​ടെ സാക്ഷി​ക​ളിൽ അതേക്കു​റി​ച്ചുള്ള സ്‌മരണ ആവർത്തിച്ച്‌ ഉണർത്തു​മെ​ന്നു​ള്ളത്‌ എത്രയോ ഉചിത​മാണ്‌! (റോമർ 10:13, NW) അതു സംബന്ധിച്ച്‌ നാം തുടർന്നും ഉറപ്പു​ള്ളവർ ആയിരി​ക്കണം. നമ്മുടെ വിശ്വാ​സ​ത്തിൽ തീരെ ചെറിയ ഒരു വിള്ള​ലെ​ങ്കി​ലും ഉണ്ടെങ്കിൽ, നാം അത്‌ ഇപ്പോൾത്തന്നെ, ഇന്നുതന്നെ പരിഹ​രി​ക്കാൻ ശ്രമി​ക്കണം.

യഹോ​വ​യു​ടെ ന്യായ​വി​ധി നീതി​നി​ഷ്‌ഠ​മാ​യി​രി​ക്കും

16. വളർത്തി​യെ​ടു​ക്കാ​ത്ത​പക്ഷം വിശ്വാ​സ​ത്തിന്‌ എന്തു സംഭവി​ക്കും, നമുക്ക്‌ അത്‌ എങ്ങനെ തടയാ​നാ​കും?

¹⁶ എബ്രായർ 3:14-ൽ (NW) അഭിഷിക്ത ക്രിസ്‌ത്യാ​നി​കളെ ഇങ്ങനെ ബുദ്ധ്യു​പ​ദേ​ശി​ച്ചി​രി​ക്കു​ന്നു: “നമുക്ക്‌ ആദ്യം ഉണ്ടായി​രുന്ന വിശ്വാ​സം അവസാ​ന​ത്തോ​ളം മുറു​കെ​പ്പി​ടി​ക്കു​ന്നെ​ങ്കിൽ മാത്രമേ, നാം വാസ്‌ത​വ​ത്തിൽ ക്രിസ്‌തു​വിൽ പങ്കാളി​കൾ ആകുക​യു​ള്ളൂ.” തത്ത്വത്തിൽ, ഈ വാക്കുകൾ ഭൗമിക പ്രത്യാ​ശ​യുള്ള ക്രിസ്‌ത്യാ​നി​കൾക്കും ബാധക​മാണ്‌. വളർത്തി​യെ​ടു​ക്കാ​ത്ത​പക്ഷം ആദ്യം ഉണ്ടായി​രുന്ന വിശ്വാ​സം നഷ്ടമാ​കും. നാം സൂക്ഷ്‌മ പരിജ്ഞാ​നം ആർജി​ക്കു​ന്ന​തിൽ തുടരു​ക​യും അങ്ങനെ നമ്മുടെ വിശ്വാ​സം അധിഷ്‌ഠി​ത​മാ​യി​രി​ക്കുന്ന അടിസ്ഥാ​നത്തെ ബലിഷ്‌ഠ​മാ​ക്കു​ക​യും ചെയ്യു​ന്നത്‌ എത്ര ജീവത്‌പ്ര​ധാ​ന​മാണ്‌!

17. അതിജീ​വ​ന​ത്തി​ന്റെ കാര്യ​ത്തിൽ, യേശു ശരിയാ​യി ന്യായം വിധി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്നത്‌ എന്തു​കൊണ്ട്‌?

¹⁷ ക്രിസ്‌തു താമസി​യാ​തെ എല്ലാ ജാതി​ക​ളെ​യും പരി​ശോ​ധി​ക്കു​ക​യും “ഇടയൻ കോലാ​ടു​ക​ളിൽനി​ന്നു ചെമ്മരി​യാ​ടു​കളെ വേർതി​രി​ക്കു​ന്ന​തു​പോ​ലെ, ആളുകളെ പരസ്‌പരം വേർതി​രി​ക്കുക”യും ചെയ്യും. (മത്തായി 25:31-33, NW) അതിജീ​വ​ന​ത്തിന്‌ യോഗ്യർ ആരെല്ലാം എന്നു ക്രിസ്‌തു നീതി​നി​ഷ്‌ഠ​മാ​യി വിധി​ക്കു​മെ​ന്ന​തിൽ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. യഹോവ അവന്‌ “ലോകത്തെ നീതി​യിൽ ന്യായം വിധി​പ്പാൻ” ജ്ഞാനവും ഉൾക്കാ​ഴ്‌ച​യും മറ്റ്‌ അത്യാ​വശ്യ ഗുണങ്ങ​ളും നൽകി​യി​രി​ക്കു​ന്നു. (പ്രവൃ​ത്തി​കൾ 17:30, 31) നമ്മുടെ ബോധ്യം പിൻവ​രുന്ന പ്രകാരം പറഞ്ഞ അബ്രാ​ഹാ​മി​ന്റേ​തു​പോ​ലെ ആയിരി​ക്കട്ടെ: “ഇങ്ങനെ [യഹോവ] ഒരുനാ​ളും ചെയ്യു​ന്ന​ത​ല്ല​ല്ലോ? നീതി​മാൻ ദുഷ്ട​നെ​പ്പോ​ലെ ആകത്തക്ക​വണ്ണം ദുഷ്ട​നോ​ടു​കൂ​ടെ നീതി​മാ​നെ നീ ഒരുനാ​ളും കൊല്ലു​ക​യില്ല. സർവ്വഭൂ​മി​ക്കും ന്യായാ​ധി​പ​തി​യാ​യവൻ നീതി പ്രവൃ​ത്തി​ക്കാ​തി​രി​ക്കു​മോ?”—ഉല്‌പത്തി 18:25.

18. നമുക്ക്‌ ഇപ്പോൾ അറിയി​ല്ലാത്ത സംഗതി​കളെ കുറിച്ച്‌ നാം അമിത​മാ​യി ഉത്‌ക​ണ്‌ഠ​പ്പെ​ടേ​ണ്ട​തി​ല്ലാ​ത്തത്‌ എന്തു​കൊണ്ട്‌?

¹⁸ യഹോ​വ​യു​ടെ നീതി​യിൽ പൂർണ വിശ്വാ​സ​മു​ണ്ടെ​ങ്കിൽ, നാം പിൻവ​രു​ന്ന​തു​പോ​ലുള്ള ചോദ്യ​ങ്ങ​ളു​ടെ ഉത്തരങ്ങൾക്കാ​യി വിഷമി​ക്കേ​ണ്ട​തില്ല: ‘ശിശു​ക്ക​ളും കൊച്ചു​കു​ട്ടി​ക​ളും എങ്ങനെ ന്യായം​വി​ധി​ക്ക​പ്പെ​ടും? അർമ​ഗെ​ദോൻ വരു​മ്പോൾ സുവാർത്ത കേൾക്കാ​ത്ത​വ​രാ​യി നല്ലൊരു കൂട്ടം ആളുകൾ ഉണ്ടായി​രി​ക്കു​ക​യി​ല്ലേ? മാനസിക രോഗ​മു​ള്ള​വ​രു​ടെ കാര്യ​മോ? . . . സംബന്ധി​ച്ചാ​ണെ​ങ്കി​ലോ?’ ഈ പ്രശ്‌നങ്ങൾ യഹോവ എങ്ങനെ പരിഹ​രി​ക്കു​മെന്ന്‌ ഇപ്പോൾ നമുക്ക്‌ അറിയി​ല്ലെ​ന്നത്‌ ശരിതന്നെ. എന്നാൽ അവൻ നീതി​നി​ഷ്‌ഠ​വും കരുണാ​പൂർവ​ക​വു​മായ വിധത്തിൽ അതു ചെയ്യും. അതേക്കു​റി​ച്ചു നാം ഒരിക്ക​ലും സംശയി​ക്കേ​ണ്ട​തില്ല. വാസ്‌ത​വ​ത്തിൽ, നാം ഒരിക്ക​ലും വിചാ​രി​ക്കാത്ത വിധത്തിൽ അവൻ അവ പരിഹ​രി​ക്കു​ന്നത്‌ കണ്ട്‌ നാം അതിശ​യി​ക്കു​ക​യും ആഹ്ലാദി​ക്കു​ക​യും ചെയ്‌തേ​ക്കാം.—ഇയ്യോബ്‌ 42:3; സങ്കീർത്തനം 78:11-16; 136:4-9; മത്തായി 15:31; ലൂക്കൊസ്‌ 2:47 എന്നിവ താരത​മ്യം ചെയ്യുക.

19, 20. (എ) ന്യായ​യു​ക്ത​മായ ചോദ്യ​ങ്ങൾ ഉന്നയി​ക്കു​ന്നത്‌ തെറ്റല്ലാ​ത്തത്‌ എന്തു​കൊണ്ട്‌? (ബി) ആവശ്യ​മായ ഉത്തരങ്ങൾ യഹോവ എപ്പോൾ പ്രദാനം ചെയ്യും?

¹⁹ ചില വിരോ​ധി​കൾ തെറ്റായി ആരോ​പി​ക്കാ​റു​ള്ള​തു​പോ​ലെ, യഹോ​വ​യു​ടെ സ്ഥാപനം ആത്മാർഥ​മായ, സമയോ​ചി​ത​മായ ചോദ്യ​ങ്ങളെ നിരു​ത്സാ​ഹ​പ്പെ​ടു​ത്തു​ന്നില്ല. (1 പത്രൊസ്‌ 1:10-12) എന്നാൽ നാം ബാലി​ശ​മായ, ഊഹാ​പോ​ഹ​പ​ര​മായ ചോദ്യ​ങ്ങൾ ഒഴിവാ​ക്ക​ണ​മെന്നു ബൈബിൾ നിർദേ​ശി​ക്കു​ന്നുണ്ട്‌. (തീത്തൊസ്‌ 3:9) ന്യായ​യു​ക്ത​മായ ചോദ്യ​ങ്ങൾ ചോദി​ക്കു​ന്ന​തും തിരു​വെ​ഴു​ത്തു​പ​ര​മായ ഉത്തരങ്ങൾക്കാ​യി ദൈവ​വ​ച​ന​ത്തി​ലും ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളി​ലും തിരയു​ന്ന​തും നമ്മുടെ സൂക്ഷ്‌മ പരിജ്ഞാ​നത്തെ വർധി​പ്പി​ക്കു​ക​യും യഹോ​വ​യി​ലുള്ള നമ്മുടെ വിശ്വാ​സം ബലിഷ്‌ഠ​മാ​ക്കു​ക​യും ചെയ്യും. സ്ഥാപനം യേശു​വി​ന്റെ മാതൃക പിൻപ​റ്റു​ന്നു. ഉത്തരം പറയു​ന്ന​തി​നുള്ള ഉചിത​മായ സമയമാ​യി​ട്ടി​ല്ലാത്ത ചോദ്യ​ങ്ങളെ കുറിച്ച്‌ അവൻ അഭി​പ്രായ പ്രകട​നങ്ങൾ നടത്തി​യില്ല. അവൻ പറഞ്ഞു: “ഇനിയും വളരെ നിങ്ങ​ളോ​ടു പറവാൻ ഉണ്ടു; എന്നാൽ നിങ്ങൾക്കു ഇപ്പോൾ വഹിപ്പാൻ കഴിവില്ല.” (യോഹ​ന്നാൻ 16:12) ആ ഘട്ടത്തിൽ തനിക്ക്‌ അറിയി​ല്ലാത്ത ചില സംഗതി​കൾ ഉണ്ടെന്നും അവൻ സമ്മതി​ക്കു​ക​യു​ണ്ടാ​യി.—മത്തായി 24:36.

²⁰ യഹോ​വ​യ്‌ക്ക്‌ ഇനിയും ഏറെ സംഗതി​കൾ വെളി​പ്പെ​ടു​ത്താ​നുണ്ട്‌. അതതു സമയത്തെ ആവശ്യങ്ങൾ നിറ​വേ​റ്റും വിധം തന്റെ ഉദ്ദേശ്യ​ങ്ങൾ കൃത്യ സമയത്ത്‌ യഹോവ വെളി​പ്പെ​ടു​ത്തും എന്ന ഉറപ്പോ​ടെ അവനായി കാത്തി​രി​ക്കു​ന്നത്‌ എത്ര ജ്ഞാനപൂർവ​ക​മാണ്‌. യഹോ​വ​യു​ടെ ഉചിത​മായ സമയത്ത്‌, അവന്റെ വഴികളെ കുറിച്ച്‌ കൂടു​ത​ലായ ഉൾക്കാഴ്‌ച ലഭിക്കു​ന്ന​തി​നുള്ള സന്തോഷം നമുക്ക്‌ ഉണ്ടായി​രി​ക്കു​മെന്ന്‌ ഉറപ്പു വിചാ​രി​ക്കാ​വു​ന്ന​താണ്‌. അതേ, നാം യഹോ​വ​യി​ലും അവൻ ഉപയോ​ഗി​ക്കുന്ന സ്ഥാപന​ത്തി​ലും പൂർണ വിശ്വാ​സം പ്രകട​മാ​ക്കു​ന്നെ​ങ്കിൽ നമുക്കു പ്രതി​ഫലം ലഭിക്കു​ക​തന്നെ ചെയ്യും. സദൃശ​വാ​ക്യ​ങ്ങൾ 14:26 നമുക്ക്‌ ഈ ഉറപ്പു നൽകുന്നു: “യഹോ​വാ​ഭ​ക്തന്നു ദൃഢ​ധൈ​ര്യം [“ശക്തമായ വിശ്വാ​സം,” NW] ഉണ്ടു; അവന്റെ മക്കൾക്കും ശരണം ഉണ്ടാകും.”

[അടിക്കു​റി​പ്പു​കൾ]

നിങ്ങൾ എന്തു വിചാ​രി​ക്കു​ന്നു?

□ യഹോ​വ​യി​ലുള്ള നമ്മുടെ വിശ്വാ​സ​ത്തി​നു തുരങ്കം വെക്കാൻ തീവ്ര​വി​കാ​ര​ങ്ങളെ അനുവ​ദി​ക്കു​ന്നത്‌ ബുദ്ധി​ശൂ​ന്യ​മാ​യി​രി​ക്കു​ന്നത്‌ എന്തു​കൊണ്ട്‌?

□ യോനാ​യു​ടെ അനുഭ​വ​ത്തിൽനി​ന്നു നമുക്ക്‌ എന്തു പഠിക്കാ​നാ​കും?

□ ബൈബിൾ പഠനവും യോഗ​ങ്ങ​ളിൽ സംബന്ധി​ക്കു​ന്ന​തും വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

[16-ാം പേജിലെ ചിത്രം]

വ്യക്തിപരമായ നഷ്ടങ്ങൾ നേരി​ടു​മ്പോൾപ്പോ​ലും, യഹോവ നീതി​യു​ള്ളവൻ ആണെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും

[18-ാം പേജിലെ ചിത്രം]

യഹോവയിൽ വിശ്വാ​സം അർപ്പി​ച്ചി​രി​ക്കു​ന്നു​വെന്നു നിങ്ങൾക്ക്‌ ഉറപ്പു​ണ്ടോ?