രാജ്യ​ഘോ​ഷകർ റിപ്പോർട്ടു ചെയ്യുന്നു

സുവാർത്ത ഘോഷി​ക്കു​ന്ന​തിൽനി​ന്നു പിന്മാ​റ​രുത്‌

യൂറോ​പ്യൻ പര്യ​വേ​ക്ഷകർ വെനെ​സ്വേല ഗൾഫും മറാ​കൈ​ബോ തടാക​വും ആദ്യം സന്ദർശി​ച്ച​പ്പോൾ, തീര​പ്ര​ദേ​ശത്തു മുഴുവൻ ആഴം കുറഞ്ഞ ജലത്തിനു മീതെ താങ്ങു​ത​ടി​ക​ളി​ന്മേൽ പണിത കുടി​ലു​കൾ നിറഞ്ഞി​രു​ന്നു. ആളുകൾ തീരത്ത്‌ ഉടനീളം വീടുകൾ പണിതി​രുന്ന ഇറ്റലി​യി​ലെ വെനീ​സി​നെ കുറി​ച്ചുള്ള ഓർമകൾ ഉണർത്തു​ന്നത്‌ ആയിരു​ന്നു ആ കാഴ്‌ച. അതു​കൊണ്ട്‌ സ്‌പാ​നിഷ്‌ സംസാ​രി​ച്ചി​രുന്ന ആ പര്യ​വേ​ക്ഷകർ ആ സ്ഥലത്തിന്‌ “കൊച്ചു വെനീസ്‌” എന്ന്‌ അർഥം വരുന്ന വെനെ​സ്വേല എന്ന പേർ നൽകി.

ആ മനോഹര രാജ്യം ഇന്ന്‌ മറ്റൊരു തരത്തി​ലുള്ള, ആത്മീയ​മായ, നിർമാണ പ്രവർത്ത​ന​ത്തിന്‌ ആതിഥ്യ​മ​രു​ളു​ന്നു. അവിടെ യഹോ​വ​യു​ടെ സാക്ഷികൾ ഉചിത​മായ എല്ലാ അവസര​ങ്ങ​ളി​ലും രാജ്യ വിത്ത്‌ വിതയ്‌ക്കു​ന്ന​തിൽ തിര​ക്കോ​ടെ ഏർപ്പെ​ട്ടി​രി​ക്കു​ന്നു. തത്‌ഫ​ല​മാ​യുള്ള ആത്മീയ കൊയ്‌ത്ത്‌, “കൊയ്‌ത്തി​ന്റെ യജമാന”നായ യഹോ​വ​യാം ദൈവ​ത്തിന്‌ വളരെ​യേറെ സ്‌തുതി കൈവ​രു​ത്തു​ന്നു.—മത്തായി 9:37, 38.

ഒരു സഞ്ചാര മേൽവി​ചാ​രകൻ വടക്കു പടിഞ്ഞാ​റൻ വെനെ​സ്വേ​ല​യി​ലെ സുല്യാ സംസ്ഥാ​ന​ത്തുള്ള ഒരു സഭ സന്ദർശി​ച്ച​പ്പോൾ, അദ്ദേഹ​വും ഭാര്യ​യും അടുത്തുള്ള ഒരു ചെറിയ ദ്വീപായ റ്റോവാസ്‌ സന്ദർശി​ക്കാൻ പ്രാ​ദേ​ശിക സാക്ഷികൾ ക്രമീ​ക​രണം ചെയ്‌തു. ഒരു ദ്വീപി​ലേക്ക്‌ അതിരാ​വി​ലെ​യുള്ള കടത്തു​ബോ​ട്ടിൽ കയറാൻ വരിയിൽ നിൽക്കവേ, ബോട്ടു ജോലി​ക്കാ​രിൽ ചില​രോ​ടു സംസാ​രി​ക്കാ​മെന്നു സഞ്ചാര മേൽവി​ചാ​ര​കന്റെ ഭാര്യ മേരി ഒരു മുഴു​സമയ പയനിയർ സഹോ​ദ​രി​യായ തന്റെ സഹകാ​രി​യോ​ടു നിർദേ​ശി​ച്ചു. പയനിയർ സഹോ​ദരി അതി​നോ​ടു യോജി​ച്ചു.

മേരി ഒരു മെക്കാ​നി​ക്കി​നെ സമീപിച്ച്‌ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌തകം കാണിച്ചു. “ദൈവ​ത്തി​നു ബഹുമതി വരുത്തുന്ന ഒരു കുടും​ബം കെട്ടി​പ്പ​ടു​ക്കൽ” എന്ന അധ്യായം അവർ അദ്ദേഹ​ത്തി​നു കാണിച്ചു കൊടു​ത്തു. അദ്ദേഹം അതു വിലമ​തി​ച്ച​താ​യി തോന്നി. പ്രസ്‌തുത പ്രസി​ദ്ധീ​ക​രണം ഉപയോ​ഗിച്ച്‌ സ്വന്തം വീട്ടി​ലി​രുന്ന്‌ അദ്ദേഹ​ത്തി​നു ബൈബിൾ പഠിക്കാ​മെന്ന്‌ മേരി അദ്ദേഹ​ത്തോ​ടു പറഞ്ഞു. അദ്ദേഹം ആ പുസ്‌തകം സ്വീക​രി​ച്ചു. ആരെങ്കി​ലും അദ്ദേഹത്തെ വീട്ടിൽ സന്ദർശി​ക്കാ​നുള്ള ക്രമീ​ക​ര​ണങ്ങൾ ചെയ്യ​പ്പെട്ടു.

കുറച്ചു കാലം കഴിഞ്ഞ്‌ ആ പ്രദേ​ശത്ത്‌ ഒരു പ്രത്യേക ഏകദിന സമ്മേളനം നടന്നു. ഭാര്യ​യോ​ടും ചെറു​പ്പ​ക്കാ​രി​ക​ളായ രണ്ടു പുത്രി​മാ​രോ​ടും ഒപ്പം സെനർ നാവാ എന്ന മെക്കാ​നി​ക്കി​നെ അവിടെ കണ്ടെത്തി​യ​പ്പോൾ മേരി എത്ര അതിശ​യി​ച്ചു​പോ​യെ​ന്നോ! ഭവന ബൈബിൾ അധ്യയ​നത്തെ കുറിച്ച്‌ എന്തു വിചാ​രി​ക്കു​ന്നെന്ന്‌ മേരി അദ്ദേഹ​ത്തി​ന്റെ ഭാര്യ​യോ​ടു ചോദി​ച്ചു. അവരുടെ ഉത്തരം കൂടുതൽ അതിശ​യ​ക​ര​മാ​യി​രു​ന്നു.

“ഞങ്ങൾ സത്യം മനസ്സി​ലാ​ക്കി​യി​രി​ക്കു​ന്ന​തിൽ ഞാൻ യഹോ​വ​യ്‌ക്കു നന്ദി നൽകുന്നു,” അവർ പറഞ്ഞു. എന്നിട്ട്‌ അവർ വിശദീ​ക​രി​ച്ചു. “നിങ്ങൾ എന്റെ ഭർത്താ​വി​നോട്‌ സംസാ​രി​ച്ച​പ്പോൾ, അദ്ദേഹം എന്നെ ഉപേക്ഷിച്ച്‌ മറ്റൊരു സ്‌ത്രീ​യു​ടെ കൂടെ പോയതേ ഉണ്ടായി​രു​ന്നു​ള്ളൂ. അദ്ദേഹം ഒരു കടുത്ത മദ്യപാ​നി​യും ആയിരു​ന്നു. ചില അവസര​ങ്ങ​ളിൽ മദ്യപി​ച്ചു കഴിയു​മ്പോൾ അദ്ദേഹം മോശ​മാ​യി പെരു​മാ​റു​മാ​യി​രു​ന്നു. [ഞങ്ങളുടെ] ദ്വീപി​ലെ കൊച്ചു സമൂഹം ഇഷ്ടപ്പെ​ടാത്ത ഒരു സംഗതി​യാ​യി​രു​ന്നു അത്‌. അദ്ദേഹം ആത്മവിദ്യ ആചരി​ക്കു​ക​യും ചെയ്‌തി​രു​ന്നു. എന്നാൽ, അധ്യയ​ന​ത്തിൽനി​ന്നും ലഭിച്ച ബൈബിൾ പരിജ്ഞാ​നം ജീവി​ത​ത്തിൽ വലിയ മാറ്റങ്ങൾ വരുത്താൻ അദ്ദേഹത്തെ സഹായി​ച്ചി​രി​ക്കു​ന്നു. എല്ലാ അശുദ്ധ നടപടി​ക​ളും അദ്ദേഹം ഉപേക്ഷി​ച്ചി​രി​ക്കു​ന്നു. ഈ മാറ്റങ്ങൾ നിമിത്തം കത്തോ​ലി​ക്ക​രായ അദ്ദേഹ​ത്തി​ന്റെ മാതാ​പി​താ​ക്കൾക്കു വളരെ​യേറെ മതിപ്പ്‌ ഉളവാ​യി​ട്ടുണ്ട്‌. അദ്ദേഹം ഇപ്പോൾ ഉത്തരവാ​ദി​ത്വ ബോധ​മുള്ള ഒരു ഭർത്താ​വും പിതാ​വും ആയിരി​ക്കു​ന്ന​തിൽ അവർ സന്തുഷ്ട​രാണ്‌.”

1996-ൽ സ്‌നാ​പ​ന​മേറ്റ സെനർ നാവാ ഇപ്പോൾ ഒരു മുഴു​സമയ ശുശ്രൂ​ഷ​ക​നാ​യി സേവി​ക്കു​ന്നു. അദ്ദേഹ​ത്തി​ന്റെ ഭാര്യ​യായ ജെന്നി 1997-ൽ സ്‌നാ​പ​ന​മേറ്റു. ഈ ബോട്ട്‌ മെക്കാ​നി​ക്കിൽ ഉണ്ടായ മാറ്റങ്ങ​ളിൽ ഏറെ മതിപ്പു തോന്നി ടൗൺ മേയറും ഒരു ബൈബിൾ അധ്യയനം ആവശ്യ​പ്പെട്ടു. ആ പ്രഭാ​ത​ത്തിൽ കടത്തു ബോട്ടി​നു വേണ്ടി വരിയിൽ നിന്ന​പ്പോൾ സുവാർത്ത പ്രസം​ഗി​ക്കു​ന്ന​തിൽനിന്ന്‌ പിന്മാ​റാ​തി​രു​ന്ന​തിൽ ആ സഹോ​ദ​രി​മാർ എത്ര സന്തുഷ്ട​രാണ്‌!

[7-ാം പേജിലെ ചിത്രം]

ഒരു ബോട്ട്‌ മെക്കാ​നി​ക്കു​മാ​യി സുവാർത്ത പങ്കു​വെ​ച്ചത്‌ സന്തോ​ഷ​ക​ര​മായ ഫലങ്ങൾ ഉളവാക്കി