അവർ അക്രമം കാട്ടു​ന്ന​തി​ന്റെ കാരണം

ഐക്യ​നാ​ടു​ക​ളിൽ കൊള​റാ​ഡോ​യി​ലെ ഡെൻവ​റിൽ ഒരു കുട്ടി മാസം തികയാ​തെ ജനിച്ചു. കേവലം 27 ആഴ്‌ച പ്രായം. മൂന്നു മാസ​ത്തോ​ളം ആശുപ​ത്രി​യിൽ കഴി​യേ​ണ്ടി​വന്ന കുട്ടി രക്ഷപ്പെട്ടു. അങ്ങനെ അവൻ മാതാ​പി​താ​ക്ക​ളു​ടെ കരങ്ങളി​ലെത്തി. എന്നാൽ മൂന്ന്‌ ആഴ്‌ച കഴിഞ്ഞ്‌ കുട്ടി വീണ്ടും ആശുപ​ത്രി​യി​ലാ​യി. കാരണം? കുട്ടി​യു​ടെ കരച്ചിൽ സഹിക്കാ​നാ​വാ​തെ പിതാവ്‌ കുട്ടിയെ ശക്തമായി പിടി​ച്ചു​ലച്ചു. മസ്‌തി​ഷ്‌ക​ത്തിന്‌ കാര്യ​മായ തകരാറു പറ്റിയ കുട്ടിക്ക്‌ കാഴ്‌ച​ശക്തി നഷ്ടപ്പെ​ടു​ക​യും വൈക​ല്യം ബാധി​ക്കു​ക​യും ചെയ്‌തു. അകാല ജനനവു​മാ​യി ബന്ധപ്പെട്ട ഗുരു​ത​ര​മായ കുഴപ്പ​ങ്ങ​ളിൽനി​ന്നെ​ല്ലാം ആധുനിക വൈദ്യ​ശാ​സ്‌ത്രം കുട്ടിയെ രക്ഷപ്പെ​ടു​ത്തി​യെ​ങ്കി​ലും, പിതാ​വി​ന്റെ അക്രമ​ത്തിൽനിന്ന്‌ അവനെ രക്ഷിക്കാ​നാ​യില്ല.

ഭൂമി​യി​ലെ ഏറ്റവും അക്രമാ​സ​ക്ത​മായ സ്ഥലങ്ങളിൽ ഒന്നാണ്‌ ഭവനം. അവിടെ എണ്ണമറ്റ കുട്ടികൾ ദുഷ്‌പെ​രു​മാ​റ്റ​ത്തിന്‌ ഇരയാ​കു​ന്നു, പ്രഹരി​ക്ക​പ്പെ​ടു​ന്നു, അല്ലെങ്കിൽ വധിക്ക​പ്പെ​ടു​ന്നു! ഐക്യ​നാ​ടു​ക​ളിൽ മാത്രം മാതാ​പി​താ​ക്ക​ളു​ടെ അക്രമ​ത്തിൽ ഓരോ വർഷവും ഏതാണ്ട്‌ 5,000 കുട്ടികൾ കൊല്ല​പ്പെ​ടു​ന്നു​ണ്ടെ​ന്നാണ്‌ കണക്ക്‌! കുട്ടികൾ മാത്രമല്ല ഇതിന്‌ ഇരകളാ​കു​ന്നത്‌. വേൾഡ്‌ ഹെൽത്ത്‌ മാഗസിൻ പറയു​ന്ന​ത​നു​സ​രിച്ച്‌, ഐക്യ​നാ​ടു​ക​ളിൽ, “ഗർഭധാ​രണ ശേഷി​യുള്ള സ്‌ത്രീ​ക​ളു​ടെ ശരീര​ഹാ​നി​ക്കുള്ള മുഖ്യ കാരണം ഭാര്യ​മാ​രു​ടെ നേർക്കുള്ള ദുഷ്‌പെ​രു​മാ​റ്റം ആണ്‌.” മറ്റു നാടു​ക​ളി​ലോ? “[വികസ്വര രാജ്യ​ങ്ങ​ളിൽ] സർവേ ചെയ്യപ്പെട്ട സ്‌ത്രീ​ക​ളിൽ മൂന്നി​ലൊ​ന്നു മുതൽ പകുതി​യോ​ളം പേരും തങ്ങളുടെ ഇണകളിൽനി​ന്നു തല്ലു​കൊ​ള്ളു​ന്നു​ണ്ടെന്ന്‌ റിപ്പോർട്ട്‌ ചെയ്യുന്നു.” അതേ, അക്രമ​ത്തിന്‌ കനത്ത വില ഒടു​ക്കേ​ണ്ടി​വ​രു​ന്നു, വിശേ​ഷി​ച്ചും ഭവനത്തിൽ.

അനേകം ഭാര്യാ​ഭർത്താ​ക്ക​ന്മാ​രും തങ്ങളുടെ വിയോ​ജി​പ്പു​കൾ അക്രമ​ത്തി​ലൂ​ടെ പരിഹ​രി​ക്കാൻ ശ്രമി​ക്കു​ന്നു. ചില രാജ്യ​ങ്ങ​ളിൽ, മാതാ​പി​താ​ക്ക​ളും അധ്യാ​പ​ക​രും കുട്ടി​ക​ളോ​ടു ദേഷ്യം പ്രകടി​പ്പി​ക്കാൻ അക്രമം ഉപയോ​ഗി​ക്കു​ന്നു. മുഠാ​ള​ന്മാർ വെറുതെ രസത്തി​നു​വേണ്ടി ദുർബ​ല​രോട്‌ അക്രമം കാട്ടുന്നു. മനുഷ്യർ ഇത്ര അക്രമാ​സക്തർ ആയിത്തീ​രു​ന്നത്‌ എന്തു​കൊണ്ട്‌?

ആളുകൾ അക്രമാ​സക്തർ ആയിത്തീ​രു​ന്ന​തി​ന്റെ കാരണം

മനുഷ്യർ പ്രകൃ​ത്യാ​തന്നെ അക്രമാ​സ​ക്ത​രാ​ണെന്നു ചിലർ അവകാ​ശ​പ്പെ​ടു​ന്നു. അക്രമാ​സ​ക്ത​മായ കുറ്റകൃ​ത്യ​ങ്ങൾ ഐക്യ​നാ​ടു​ക​ളിൽ പൊതു​വേ കുറഞ്ഞി​ട്ടു​ണ്ടെ​ങ്കി​ലും, യുവജ​ന​ങ്ങൾക്കി​ട​യിൽ അതു വർധി​ച്ചി​രി​ക്കു​ന്നു. അക്രമ​ത്തോ​ടുള്ള താത്‌പ​ര്യം വർധി​ച്ചി​രി​ക്കു​ന്നു. മൂന്നു വലിയ ടെലി​വി​ഷൻ ശൃംഖ​ലകൾ അക്രമം​നി​റഞ്ഞ കഥകളു​ടെ എണ്ണം ഇരട്ടി​യാ​യും കൊല​പാ​തക റിപ്പോർട്ടു​കൾ മൂന്നി​ര​ട്ടി​യാ​യും വർധി​പ്പി​ച്ചി​രി​ക്കു​ന്നു. അതേ, കുറ്റകൃ​ത്യ​ങ്ങൾ ലാഭമുള്ള ഏർപ്പാ​ടു​തന്നെ! മനോ​രോഗ വിദഗ്‌ധൻ ആയ കാൾ മെനിഞ്ചർ പറയുന്നു: “നാം അക്രമത്തെ സഹിക്കുക മാത്രമല്ല, അതിനെ പത്രങ്ങ​ളു​ടെ മുൻ പേജിൽതന്നെ പ്രതി​ഷ്‌ഠി​ക്കു​ക​യും ചെയ്യുന്നു. നമ്മുടെ ടെലി​വി​ഷൻ പരിപാ​ടി​ക​ളിൽ മൂന്നി​ലൊ​ന്നോ നാലി​ലൊ​ന്നോ അതിനെ കുട്ടി​ക​ളു​ടെ വിനോ​ദ​ത്തി​നു​വേണ്ടി ഉപയോ​ഗി​ക്കു​ന്നു. എന്റെ പ്രിയ​പ്പെട്ട സുഹൃ​ത്തു​ക്കളേ, നാം അതിനെ വെച്ചു​പൊ​റു​പ്പി​ക്കുക മാത്രമല്ല, ആസ്വദി​ക്കു​ക​യു​മാണ്‌!”

മസ്‌തി​ഷ്‌ക ജീവശാ​സ്‌ത്ര​വും പരിസ്ഥി​തി​യും മനുഷ്യ​ന്റെ അക്രമ​വു​മാ​യി ബന്ധപ്പെ​ട്ടി​രി​ക്കു​ന്നു എന്ന്‌ സമീപ​കാല ശാസ്‌ത്രീയ പഠനങ്ങൾ സൂചി​പ്പി​ക്കു​ന്നു. ഇല്ലി​നോ​യ്‌സ്‌ സർവക​ലാ​ശാ​ല​യു​ടെ യുവജന ഗവേഷണ ഇൻസ്റ്റി​റ്റ്യൂ​ട്ടി​ലെ ഡോ. മാർക്കസ്‌ ജെ. ക്രൂസി പറയുന്നു: “കുട്ടികൾ അധിക​മ​ധി​കം സമ്പർക്ക​ത്തിൽ വന്നു​കൊ​ണ്ടി​രി​ക്കുന്ന ഹാനി​ക​ര​മായ പരിസ്ഥി​തി​കൾ അക്രമത്തെ ആളിക്ക​ത്തി​ക്കു​ക​യാണ്‌ എന്നു ഞങ്ങളെ​ല്ലാം നിഗമനം ചെയ്യാൻ തുടങ്ങി​യി​രി​ക്കു​ന്നു. . . . പാരി​സ്ഥി​തിക സംഭവങ്ങൾ മസ്‌തി​ഷ്‌ക​ത്തിൽ തന്മാത്രാ മാറ്റങ്ങൾ ഉണ്ടാക്കു​ന്നു. അത്‌ അവരെ ചിന്താ​ശൂ​ന്യ​മാ​യി, തിടു​ക്ക​ത്തിൽ പ്രവർത്തി​ക്കാൻ ഇടയാ​ക്കു​ന്നു.” മസ്‌തി​ഷ്‌ക​ത്തി​ന്റെ ഉള്ളിൽ (ഇംഗ്ലീഷ്‌) എന്ന പുസ്‌തകം ഇങ്ങനെ പറയുന്നു: “കുടുംബ ഘടനയു​ടെ തകർച്ച, മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളു​ടെ വർധനവ്‌, മാറാത്ത ദാരി​ദ്ര്യം, നിരന്ത​ര​മായ മയക്കു​മ​രു​ന്നു ദുരു​പ​യോ​ഗം” എന്നിങ്ങ​നെ​യുള്ള ഘടകങ്ങൾക്ക്‌ “യഥാർഥ​ത്തിൽ മസ്‌തിഷ്‌ക രാസഘ​ട​ന​യു​ടെ താളം തെറ്റിച്ച്‌ അസാധ്യ​മെന്ന്‌ അതുവരെ വിചാ​രി​ച്ചി​രുന്ന അക്രമ​വാ​സന ഉളവാ​ക്കാൻ കഴിയും.”

മസ്‌തി​ഷ്‌ക​ത്തി​ലെ മാറ്റങ്ങ​ളി​ലൊന്ന്‌, സെറാ​ടൊ​ണിൻ എന്ന മസ്‌തിഷ്‌ക രാസപ​ദാർഥ​ത്തി​ന്റെ അളവ്‌ കുറയു​ന്ന​താണ്‌ എന്നു പറയ​പ്പെ​ടു​ന്നു. അക്രമ​വാ​സ​നയെ തടയു​ന്നത്‌ ഈ രാസപ​ദാർഥ​മാണ്‌ എന്നാണു കരുത​പ്പെ​ടു​ന്നത്‌. മദ്യത്തിന്‌ മസ്‌തി​ഷ്‌ക​ത്തി​ലെ സെറാ​ടൊ​ണി​ന്റെ അളവ്‌ കുറയ്‌ക്കാ​നാ​കു​മെന്നു പഠനങ്ങൾ വെളി​പ്പെ​ടു​ത്തു​ന്നു. അങ്ങനെ ഇത്‌ അക്രമ​ത്തി​നും മദ്യത്തി​ന്റെ ദുരു​പ​യോ​ഗ​ത്തി​നും തമ്മിൽ ബന്ധമു​ണ്ടെന്ന പണ്ടേയുള്ള ധാരണ​യ്‌ക്ക്‌ കുറ​ച്ചൊ​ക്കെ ശാസ്‌ത്രീയ അടിത്തറ നൽകി​യി​രി​ക്കു​ന്നു.

ഇന്ന്‌ അക്രമം പെരു​കി​യി​രി​ക്കു​ന്ന​തി​നു മറ്റൊരു കാരണ​വും ഉണ്ട്‌. പ്രവച​ന​ങ്ങ​ളു​ടെ ഒരു വിശ്വ​സ​നീയ ഗ്രന്ഥമായ ബൈബിൾ നമ്മോടു പറയുന്നു: “അന്ത്യനാ​ളു​ക​ളിൽ പ്രയാ​സ​ക​ര​മായ സമയങ്ങൾ ഉണ്ടായി​രി​ക്കും എന്ന്‌ ഓർത്തു​കൊൾക. ആളുകൾ സ്വാർഥ​രും അത്യാ​ഗ്ര​ഹി​ക​ളും പൊങ്ങ​ച്ച​ക്കാ​രും അഹങ്കാ​രി​ക​ളും ആയിരി​ക്കും; . . . അവർ നിർദ​യ​രും കരുണ​യി​ല്ലാ​ത്ത​വ​രും ദൂഷക​ന്മാ​രും അക്രമാ​സ​ക്ത​രും ഉഗ്രന്മാ​രും ആയിരി​ക്കും; അവർ നന്മയെ വെറു​ക്കും; അവർ വഞ്ചകരും വിവേ​ക​ശൂ​ന്യ​രും അഹങ്കാ​ര​ത്താൽ ചീർത്ത​വ​രും ആയിരി​ക്കും . . . അത്തരക്കാ​രിൽനിന്ന്‌ അകന്നു നിൽക്കുക.” (2 തിമൊ​ഥെ​യൊസ്‌ 3:1-5, ടുഡേ​യ്‌സ്‌ ഇംഗ്ലീഷ്‌ വേർഷൻ) അതേ, നാം ഇന്നു കാണുന്ന അക്രമം “അന്ത്യനാ​ളുക”കളെ കുറി​ച്ചുള്ള ബൈബിൾ പ്രവച​ന​ത്തി​ന്റെ ഒരു നിവൃത്തി ആണ്‌.

മറ്റൊരു സംഗതി​യും ഇക്കാലത്തെ വിശേ​ഷാൽ അക്രമാ​സ​ക്ത​മാ​ക്കു​ന്നു. “ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു” എന്നു ബൈബിൾ പറയുന്നു. (വെളി​പ്പാ​ടു 12:12) സ്വർഗ​ത്തിൽനിന്ന്‌ പുറത്താ​ക്ക​പ്പെട്ട പിശാ​ചും അവന്റെ ഭൂതഗ​ണ​ങ്ങ​ളും ഇപ്പോൾ തങ്ങളുടെ ഉഗ്രമായ ദുഷ്‌പ്ര​വൃ​ത്തി​ക​ളു​മാ​യി മനുഷ്യ​വർഗത്തെ ലക്ഷ്യമി​ട്ടി​രി​ക്കു​ക​യാണ്‌. “വായു​വി​ന്റെ അധികാ​ര​ത്തി​ന്റെ ഭരണാ​ധി​പൻ” എന്ന നിലയിൽ പിശാച്‌ “അനുസ​ര​ണ​ക്കേ​ടി​ന്റെ പുത്ര​ന്മാ​രിൽ ഇപ്പോൾ വ്യാപ​രി​ക്കുന്ന ആത്മാവി”നെ സ്വാധീ​നിച്ച്‌ ഭൂമിയെ അധിക​മ​ധി​കം അക്രമാ​സ​ക്ത​മായ സ്ഥലമാ​ക്കി​ക്കൊ​ണ്ടി​രി​ക്കു​ന്നു.—എഫെസ്യർ 2:2, NW.

അപ്പോൾ, ഇന്നത്തെ ലോക​ത്തി​ലെ അക്രമാ​സ​ക്ത​മായ “വായു”വിനെ നമുക്ക്‌ എങ്ങനെ നേരി​ടാ​നാ​കും? അക്രമം കൂടാതെ നമുക്ക്‌ എങ്ങനെ ഭിന്നതകൾ പരിഹ​രി​ക്കാ​നാ​കും?

[3-ാം പേജിലെ ആകർഷ​ക​വാ​ക്യം]

ഭൂമിയിലെ ഏറ്റവും അക്രമാ​സ​ക്ത​മായ സ്ഥലങ്ങളിൽ ഒന്നാണ്‌ ഭവനം. അവിടെ എണ്ണമറ്റ കുട്ടികൾ ദുഷ്‌പെ​രു​മാ​റ്റ​ത്തിന്‌ ഇരയാ​കു​ന്നു, പ്രഹരി​ക്ക​പ്പെ​ടു​ന്നു, അല്ലെങ്കിൽ വധിക്ക​പ്പെ​ടു​ന്നു!