യഹോ​വ​യ്‌ക്കു സ്വീകാ​ര്യ​മായ യാഗങ്ങൾ അർപ്പിക്കൽ

ഒരു കാലത്ത്‌, ഏദെൻ തോട്ട​ത്തി​ന്റെ കിഴക്കേ കവാട​ത്തി​ങ്കൽ വളരെ വിശേ​ഷ​പ്പെട്ട ഒരു പ്രതി​ഭാ​സം കാണാ​മാ​യി​രു​ന്നു.a കാവൽ നിൽക്കുന്ന ശക്തരായ കെരൂ​ബു​കൾ. അപ്രതി​രോ​ധ്യ​രായ അവരുടെ സാന്നി​ധ്യ​വും തിരി​ഞ്ഞു​കൊ​ണ്ടി​രി​ക്കുന്ന വാളിന്റെ ജ്വാല​യും ആരും അങ്ങോട്ടു പ്രവേ​ശി​ക്കാൻ ധൈര്യ​പ്പെ​ട​രുത്‌ എന്നു വ്യക്തമാ​ക്കു​ന്നത്‌ ആയിരു​ന്നു. രാത്രി സമയങ്ങ​ളിൽ ആ വാളിന്റെ ഭയങ്കര ശോഭ ചുറ്റു​മുള്ള വൃക്ഷങ്ങ​ളിൽ പതിഞ്ഞി​രി​ക്കാൻ ഇടയുണ്ട്‌. (ഉല്‌പത്തി 3:24) ആ കാഴ്‌ച ചേതോ​ഹരം ആയിരു​ന്നി​രി​ക്കാ​മെ​ങ്കി​ലും കാഴ്‌ച​ക്കാർ നല്ല അകലം പാലി​ച്ചി​രു​ന്നു.

കയീനും ഹാബെ​ലും ആ സ്ഥലം പലപ്രാ​വ​ശ്യം സന്ദർശി​ച്ചി​രി​ക്കാൻ ഇടയുണ്ട്‌. തോട്ട​ത്തിൽനി​ന്നു പുറത്താ​ക്ക​പ്പെ​ട്ട​തി​നു​ശേഷം ആദാമി​നും ഹവ്വായ്‌ക്കും ജനിച്ച മക്കളാ​യി​രുന്ന അവർക്ക്‌, തങ്ങളുടെ മാതാ​പി​താ​ക്കൾ ഒരിക്കൽ പാർത്തി​രുന്ന, നല്ല നീരോ​ട്ട​മു​ള്ള​തും ഹരിത​സ​മൃ​ദ്ധ​വും കായ്‌ക​നി​കൾ നിറഞ്ഞ​തു​മായ പറുദീ​സ​യി​ലെ ജീവിതം സംബന്ധിച്ച്‌ ഊഹാ​പോ​ഹം നടത്താനേ സാധി​ക്കു​മാ​യി​രു​ന്നു​ള്ളൂ. ഇപ്പോൾ ഏദെന്റെ ഏതെങ്കി​ലു​മൊ​രു ഭാഗം കാണാൻ കഴിഞ്ഞാൽത്തന്നെ അത്‌ ആരും കൃഷി ചെയ്യാ​ത്ത​തും കാടു​പി​ടി​ച്ച​തു​മാ​യി കാണ​പ്പെ​ട്ടി​രു​ന്നു എന്നതിൽ തെല്ലും സംശയ​മില്ല.

തോട്ട​ത്തിൽ ആരും വേല ചെയ്യാ​ത്ത​തും തങ്ങൾ അവി​ടെ​നി​ന്നു പുറത്താ​ക്ക​പ്പെ​ട്ട​തും എന്തു​കൊ​ണ്ടാ​ണെന്ന്‌ ആദാമും ഹവ്വായും നിശ്ചയ​മാ​യും മക്കളോ​ടു പറഞ്ഞി​ട്ടുണ്ട്‌. (ഉല്‌പത്തി 2:17; 3:6, 23) കയീനും ഹാബെ​ലി​നും എത്രമാ​ത്രം നിരാശ തോന്നി​യി​രി​ക്കണം! അവർക്കു തോട്ടം കാണാ​മാ​യി​രു​ന്നെ​ങ്കി​ലും അതിൽ പ്രവേ​ശി​ക്കാൻ കഴിയു​മാ​യി​രു​ന്നില്ല. അവർ പറുദീ​സ​യോ​ടു വളരെ അടുത്ത്‌ ആയിരു​ന്നെ​ങ്കി​ലും വളരെ അകലെ ആയിരു​ന്നു. അവരെ അപൂർണത ബാധി​ച്ചി​രു​ന്നു. അതു സംബന്ധിച്ച്‌ കയീനോ ഹാബെ​ലി​നോ കാര്യ​മാ​യി ഒന്നും ചെയ്യാൻ കഴിയു​മാ​യി​രു​ന്നില്ല.

ദൈവ​വു​മാ​യു​ള്ള ബന്ധത്തിന്റെ വീക്ഷണ​ത്തിൽ, അവരുടെ മാതാ​പി​താ​ക്കൾ വിചാ​രി​ച്ചാൽ കാര്യങ്ങൾ മെച്ച​പ്പെ​ടു​ത്താൻ ആകുമാ​യി​രു​ന്നില്ല. ഹവ്വായെ ന്യായം​വി​ധി​ച്ചു​കൊ​ണ്ടു ദൈവം പറഞ്ഞു: “നിന്റെ ആഗ്രഹം [“വാഞ്‌ഛ,” NW] നിന്റെ ഭർത്താ​വി​നോ​ടു ആകും; അവൻ നിന്നെ ഭരിക്കും.” (ഉല്‌പത്തി 3:16) ആ പ്രവച​നം​പോ​ലെ​തന്നെ, ഒരുപക്ഷേ ഭാര്യയെ പങ്കാളി​യോ തുണയോ ആയി വീക്ഷി​ക്കാ​തെ, ആദാം ഇപ്പോൾ അവളു​ടെ​മേൽ ആധിപ​ത്യം നടത്തി​യി​രി​ക്കണം. ഹവ്വായാ​ണെ​ങ്കി​ലോ, ഈ മനുഷ്യ​നിൽ അമിത​മായ ആശ്രയ​ത്വം പ്രകട​മാ​ക്കി​യി​രി​ക്കാം. അവളുടെ “വാഞ്‌ഛ”യെ “ഏകദേശം രോഗ​തു​ല്യ​മായ ഒരു ആഗ്രഹം” എന്നു​പോ​ലും വർണി​ക്കുന്ന ഭാഷ്യം ഉണ്ട്‌.

മാതാ​പി​താ​ക്ക​ളു​ടെ ഈ ദാമ്പത്യ അവസ്ഥ അവരോ​ടുള്ള ആൺകു​ട്ടി​ക​ളു​ടെ ആദരവി​നെ എത്രമാ​ത്രം ബാധി​ച്ചു​വെന്നു ബൈബിൾ പറയു​ന്നില്ല. എന്നിരു​ന്നാ​ലും ആദാമും ഹവ്വായും കുട്ടി​കൾക്കു മോശ​മായ മാതൃക വെച്ചു എന്നതു വ്യക്തമാണ്‌.

വ്യത്യസ്‌ത വഴികൾ തിര​ഞ്ഞെ​ടു​ക്കു​ന്നു

അവസാനം, ഹാബെൽ ഒരു ഇടയനും കയീൻ കൃഷി​ക്കാ​ര​നും ആയിത്തീർന്നു. (ഉല്‌പത്തി 4:2) തന്റെ മാതാ​പി​താ​ക്കൾ ഏദെനിൽനി​ന്നു പുറത്താ​ക്ക​പ്പെ​ടു​ന്ന​തി​നു മുമ്പു പ്രസ്‌താ​വി​ക്ക​പ്പെട്ട ആ മഹത്തായ പ്രവച​നത്തെ കുറിച്ചു ധ്യാനി​ക്കാൻ ഇടയവേല ചെയ്യു​ന്ന​തി​നി​ട​യിൽ ഹാബെ​ലി​നു നിശ്ചയ​മാ​യും ഏറെ സമയം ലഭിച്ചി​രു​ന്നു: “ഞാൻ നിനക്കും സ്‌ത്രീ​ക്കും നിന്റെ സന്തതി​ക്കും അവളുടെ സന്തതി​ക്കും തമ്മിൽ ശത്രു​ത്വം ഉണ്ടാക്കും. അവൻ നിന്റെ തല തകർക്കും; നീ അവന്റെ കുതി​കാൽ തകർക്കും.” (ഉല്‌പത്തി 3:15) സർപ്പത്തി​ന്റെ തല തകർക്കുന്ന സന്തതിയെ കുറി​ച്ചുള്ള ദൈവ​വാ​ഗ്‌ദാ​നം എങ്ങനെ നിറ​വേ​റ്റ​പ്പെ​ടും എന്നതി​നെ​യും ഈ സന്തതി​യു​ടെ കുതി​കാൽ എങ്ങനെ തകർക്ക​പ്പെ​ടും എന്നതി​നെ​യും കുറിച്ചു ഹാബെൽ ചിന്തി​ച്ചി​രി​ക്കണം.

കുറച്ചു കാലം കഴിഞ്ഞ​പ്പോൾ, ഒരുപക്ഷേ പ്രായ​പൂർത്തി​യാ​യ​ശേഷം, കയീനും ഹാബെ​ലും യഹോ​വ​യ്‌ക്ക്‌ ഓരോ യാഗങ്ങൾ അർപ്പിച്ചു. ഹാബെൽ ഒരു ഇടയൻ ആയിരു​ന്ന​തി​നാൽ, അവൻ “ആട്ടിൻകൂ​ട്ട​ത്തി​ലെ കടിഞ്ഞൂ​ലു​ക​ളിൽനി​ന്നു, അവയുടെ മേദസ്സിൽനി​ന്നു തന്നേ” ഒരു യാഗം അർപ്പിച്ചു. അതിൽനി​ന്നു വ്യത്യ​സ്‌ത​മാ​യി, കയീൻ “നിലത്തെ അനുഭ​വ​ത്തിൽനി​ന്നു [“കാർഷി​ക​വി​ള​യിൽനിന്ന്‌,” ഓശാന] ഒരു യാഗം അർപ്പിച്ചു. യഹോവ ഹാബെ​ലി​ന്റെ ബലിയിൽ പ്രസാ​ദി​ച്ചു, എന്നാൽ “കയീനി​ലും അവന്റെ വഴിപാ​ടി​ലും പ്രസാ​ദി​ച്ചില്ല.” (ഉല്‌പത്തി 4:3-5) എന്തു​കൊണ്ട്‌?

ഹാബെൽ “ആട്ടിൻകൂ​ട്ട​ത്തി​ലെ കടിഞ്ഞൂ​ലു​ക​ളിൽ”നിന്നു യാഗം കഴിച്ച​പ്പോൾ കയീൻ കേവലം “കാർഷി​ക​വി​ള​യിൽനിന്ന്‌” യാഗം കഴിച്ച​തു​നി​മി​ത്ത​മാ​കാം അങ്ങനെ സംഭവി​ച്ചത്‌ എന്നു പറയു​ന്ന​വ​രുണ്ട്‌. എന്നാൽ കയീന്റെ യാഗവ​സ്‌തു​വി​നു ഗുണമേന്മ ഉണ്ടായി​രു​ന്നോ എന്നതാ​യി​രു​ന്നില്ല പ്രശ്‌നം, എന്തെന്നാൽ യഹോവ “ഹാബെ​ലി​ലും അവന്റെ വഴിപാ​ടി​ലും” പ്രസാ​ദി​ച്ചു എന്നും “കയീനി​ലും അവന്റെ വഴിപാ​ടി​ലും” പ്രസാ​ദി​ച്ചില്ല എന്നുമാ​ണു വിവരണം പറയു​ന്നത്‌. അതു​കൊണ്ട്‌ മുഖ്യ​മാ​യും ആരാധ​കന്റെ ഹൃദയ​നി​ല​യാണ്‌ യഹോവ നോക്കി​യത്‌. അപ്പോൾ, യഹോവ എന്തു മനസ്സി​ലാ​ക്കി? “വിശ്വാ​സ​ത്താൽ” ഹാബെൽ യാഗം അർപ്പി​ച്ചു​വെന്ന്‌ എബ്രായർ 11:4 പറയുന്നു. അതു​കൊണ്ട്‌ വിശ്വാ​സം ഹാബെ​ലി​ന്റെ ബലിയെ സ്വീകാ​ര്യ​മാ​ക്കി. എന്നാൽ കയീന്‌ വിശ്വാ​സം ഉണ്ടായി​രു​ന്നി​ല്ലെന്നു വ്യക്തമാണ്‌.

ഹാബെ​ലി​ന്റെ യാഗത്തിൽ രക്തം ചിന്തൽ ഉൾപ്പെ​ട്ടി​രു​ന്നു എന്നതു ശ്രദ്ധേ​യ​മാണ്‌. കുതി​കാൽ തകർക്ക​പ്പെ​ടുന്ന ഒരു സന്തതിയെ കുറി​ച്ചുള്ള ദൈവ വാഗ്‌ദത്തം, ഒരു ജീവൻ ബലിയർപ്പി​ക്കു​ന്നത്‌ ആവശ്യ​മാ​ക്കി​ത്തീർക്കു​മെന്ന്‌ അവൻ ശരിയാ​യി​ത്തന്നെ നിഗമനം ചെയ്‌തി​രി​ക്കാം. അങ്ങനെ ഹാബെ​ലി​ന്റെ യാഗം പാപപ​രി​ഹാ​ര​ത്തി​നുള്ള ഒരു യാചന ആയിരു​ന്നി​രി​ക്കാം; തന്നെയു​മല്ല ദൈവം തക്ക സമയത്ത്‌ പാപങ്ങൾക്കു വേണ്ടി​യുള്ള ഒരു പരിഹാര ബലി ഏർപ്പാ​ടാ​ക്കു​മെന്ന വിശ്വാ​സ​വും അതു പ്രകട​മാ​ക്കി.

അതിനു നേർവി​പ​രീ​ത​മാ​യി, കാര്യ​മായ ചിന്ത​യൊ​ന്നും കൂടാതെ ആയിരി​ക്കാം കയീൻ യാഗം അർപ്പി​ച്ചത്‌. “അവന്റെ യാഗം ദൈവത്തെ ഒരു ഗുണകർത്താ​വാ​യി മാത്രം വീക്ഷി​ക്കു​ന്ന​താ​യി​രു​ന്നു” എന്ന്‌ 19-ാം നൂറ്റാ​ണ്ടി​ലെ ഒരു ബൈബിൾ ഭാഷ്യ​കാ​രൻ അഭി​പ്രാ​യ​പ്പെട്ടു. “തനിക്കും സ്രഷ്ടാ​വി​നും ഇടയി​ലുള്ള ബന്ധത്തിൽ യാതൊ​രു വിടവും ഇല്ലെന്നും പാപം ഏറ്റുപ​റ​യു​ക​യോ പാപപ​രി​ഹാര ക്രമീ​ക​ര​ണ​ത്തിൽ ആശ്രയി​ക്കു​ക​യോ ചെയ്യേണ്ട യാതൊ​രു ആവശ്യ​വും ഇല്ലെന്നും അതു വ്യക്തമാ​യും വെളി​പ്പെ​ടു​ത്തി.”

കൂടാതെ, ആദ്യജാ​തൻ എന്ന നിലയിൽ, സാത്താൻ എന്ന സർപ്പത്തെ നശിപ്പി​ക്കാ​നുള്ള വാഗ്‌ദത്ത സന്തതി താൻ ആണെന്നു പോലും കയീൻ അഹങ്കാ​ര​പൂർവം കരുതി​യി​രി​ക്കാം. ഹവ്വായും അവനിൽ അത്തര​മൊ​രു ആശാഭ​രി​ത​മായ ആഗ്രഹം നട്ടുവ​ളർത്തി​യി​രി​ക്കാം. (ഉല്‌പത്തി 4:1) കയീനും ഹവ്വായും പ്രതീ​ക്ഷി​ച്ചി​രു​ന്നത്‌ ഇതായി​രു​ന്നെ​ങ്കിൽ, അതു തികച്ചും തെറ്റാ​യി​രു​ന്നു.

ഹാബെ​ലി​ന്റെ യാഗ​ത്തോ​ടുള്ള തന്റെ അംഗീ​കാ​രം യഹോവ എങ്ങനെ പ്രകട​മാ​ക്കി​യെന്നു ബൈബിൾ പ്രസ്‌താ​വി​ക്കു​ന്നില്ല. ആകാശ​ത്തു​നിന്ന്‌ അഗ്നി ഇറങ്ങി യാഗവ​സ്‌തു​വി​നെ ദഹിപ്പി​ക്കുക ആയിരു​ന്നു​വെന്ന്‌ അഭി​പ്രാ​യ​പ്പെ​ടു​ന്ന​വ​രുണ്ട്‌. സംഗതി എങ്ങനെ​യാ​യി​രു​ന്നാ​ലും, തന്റെ യാഗം നിരസി​ക്ക​പ്പെ​ട്ടു​വെന്നു മനസ്സി​ലാ​യ​പ്പോൾ, “കയീന്നു ഏററവും കോപ​മു​ണ്ടാ​യി, അവന്റെ മുഖം വാടി.” (ഉല്‌പത്തി 4:5) കയീൻ ദുരന്ത​ത്തി​ലേക്കു കുതി​ക്കു​ക​യാ​യി​രു​ന്നു.

യഹോ​വ​യു​ടെ ബുദ്ധ്യു​പ​ദേ​ശ​വും കയീന്റെ പ്രതി​ക​ര​ണ​വും

യഹോവ കയീനു​മാ​യി ന്യായ​വാ​ദം ചെയ്‌തു. “നീ കോപ​ത്താൽ ചൂടാ​കു​ന്ന​തും നിന്റെ മുഖം വാടി​യി​രി​ക്കു​ന്ന​തും എന്തു​കൊണ്ട്‌?” എന്ന്‌ അവൻ ചോദി​ച്ചു. ഇത്‌ തന്റെ വികാ​ര​ങ്ങ​ളെ​യും ലക്ഷ്യങ്ങ​ളെ​യും പരി​ശോ​ധി​ക്കാൻ കയീനു നല്ല അവസരം പ്രദാനം ചെയ്‌തു. യഹോവ തുടർന്നു: “നീ നന്മ ചെയ്യു​ന്ന​തി​ലേക്കു തിരി​യു​ന്നെ​ങ്കിൽ, ആഹ്ലാദ​മു​ണ്ടാ​ക​യി​ല്ല​യോ? എന്നാൽ നീ നന്മ ചെയ്യു​ന്ന​തി​ലേക്കു തിരി​യു​ന്നി​ല്ലെ​ങ്കിൽ, പാപം കവാട​ത്തി​ങ്കൽ പതുങ്ങി​ക്കി​ട​ക്കു​ന്നുണ്ട്‌, നിന്നോ​ടാ​കു​ന്നു അതിന്റെ വാഞ്‌ഛ; നീ അതിനെ കീഴട​ക്കു​മോ?”—ഉല്‌പത്തി 4:7, NW. (23-ാം പേജിലെ ചതുരം കാണുക.)

കയീൻ ശ്രദ്ധി​ച്ചില്ല. പകരം, അവൻ ഹാബെ​ലി​നെ വയലി​ലേക്കു കൂട്ടി​ക്കൊ​ണ്ടു​പോ​യി കൊന്നു​ക​ള​യു​ക​യാ​ണു ചെയ്‌തത്‌. പിന്നീട്‌, ഹാബെൽ എവിടെ എന്നു യഹോവ ചോദി​ച്ച​പ്പോൾ കയീൻ നുണ പറഞ്ഞു​കൊണ്ട്‌ ഒരു പാപം​കൂ​ടി ചെയ്യു​ക​യാ​ണു​ണ്ടാ​യത്‌. പരുഷ​മാ​യി​ത്തന്നെ അവൻ പറഞ്ഞു: “എനിക്ക​റി​ഞ്ഞു​കൂ​ടാ. സഹോ​ദ​രന്റെ കാവല്‌ക്കാ​ര​നാ​ണോ ഞാൻ?”—ഉല്‌പത്തി 4:8, 9, പി.ഒ.സി. ബൈബിൾ.

ഹാബെൽ വധിക്ക​പ്പെ​ടു​ന്ന​തി​നു മുൻപും ശേഷവും, കയീൻ “നന്മ ചെയ്യാ”ൻ കൂട്ടാ​ക്കി​യില്ല. പാപം തന്നെ കീഴട​ക്കാൻ കയീൻ അനുവ​ദി​ച്ചു, ഇതിന്റെ പേരിൽ മനുഷ്യ​കു​ടും​ബം വസിച്ചി​രുന്ന മേഖല​യിൽനിന്ന്‌ അവൻ പുറത്താ​ക്ക​പ്പെട്ടു. ഹാബെ​ലി​നെ കൊന്ന​തി​ന്റെ പേരിൽ കയീനെ കൊന്നു​കൊണ്ട്‌ ആരും അവനോ​ടു പ്രതി​കാ​രം ചെയ്യാ​തി​രി​ക്കാൻ ഒരു “അടയാളം”—ഒരുപക്ഷേ ഒരു പ്രധാന കൽപ്പന—വെക്കു​ക​യും ചെയ്‌തു.—ഉല്‌പത്തി 4:15.

കയീൻ പിന്നീട്‌ ഒരു നഗരം പണിത്‌ അതിനു തന്റെ പുത്രന്റെ പേരിട്ടു. അവനെ​പ്പോ​ലെ, അവന്റെ പിൻഗാ​മി​ക​ളും അക്രമ​ത്തി​നു പേരു​കേ​ട്ടവർ ആയിത്തീർന്നു. അവസാനം, നോഹ​യു​ടെ നാളിലെ ജലപ്ര​ളയം ദുഷ്ടമ​നു​ഷ്യ​രെ​യെ​ല്ലാം തുടച്ചു നീക്കി​യ​പ്പോൾ കയീന്റെ വംശവും അവസാ​നി​ച്ചു.—ഉല്‌പത്തി 4:17-24; 7:21-24.

വായിച്ചു രസിക്കാ​നുള്ള ഉദ്ദേശ്യ​ത്തി​ലല്ല കയീ​നെ​യും ഹാബെ​ലി​നെ​യും കുറി​ച്ചുള്ള ബൈബിൾ വിവരണം സൂക്ഷി​ക്ക​പ്പെ​ട്ടി​രി​ക്കു​ന്നത്‌. മറിച്ച്‌, അതു ‘നമ്മുടെ പ്രബോ​ധ​ന​ത്തി​ന്നാ​യിട്ട്‌ എഴുതി​യി​രി​ക്കുന്ന’താണ്‌, തന്നെയു​മല്ല അത്‌ ‘ഉപദേ​ശ​ത്തി​നും ശാസന​ത്തി​നും പ്രയോ​ജ​ന​മു​ള്ള​തും’ ആകുന്നു. (റോമർ 15:4, NW; 2 തിമൊ​ഥെ​യൊസ്‌ 3:17) ഈ വിവര​ണ​ത്തിൽനി​ന്നു നമുക്ക്‌ എന്തു പഠിക്കാൻ കഴിയും?

നമുക്കുള്ള പാഠം

കയീ​നെ​യും ഹാബെ​ലി​നെ​യും പോലെ, ഇന്നു ക്രിസ്‌ത്യാ​നി​ക​ളോട്‌ ദൈവ​ത്തിന്‌ ഒരു യാഗം—അക്ഷരീ​യ​മായ ഹോമ​യാ​ഗം അല്ല, മറിച്ച്‌ “അവന്റെ നാമത്തെ ഏററു പറയുന്ന അധരഫലം എന്ന സ്‌തോ​ത്ര​യാ​ഗം”—അർപ്പി​ക്കാൻ ആവശ്യ​പ്പെ​ട്ടി​രി​ക്കു​ന്നു. (എബ്രായർ 13:15) 230-ലധികം ദേശങ്ങ​ളിൽ യഹോ​വ​യു​ടെ സാക്ഷികൾ ദൈവ​രാ​ജ്യ സുവാർത്ത പ്രസം​ഗി​ച്ചു​കൊണ്ട്‌ ഇതു ലോക​വ്യാ​പ​മായ അളവിൽ ഇപ്പോൾ നിർവ​ഹി​ച്ചു​കൊ​ണ്ടി​രി​ക്കു​ക​യാണ്‌. (മത്തായി 24:14) ആ വേലയിൽ നിങ്ങൾ പങ്കെടു​ക്കു​ന്നു​ണ്ടോ? ഉണ്ടെങ്കിൽ, “ദൈവം നിങ്ങളു​ടെ പ്രവൃ​ത്തി​യും . . . തന്റെ നാമ​ത്തോ​ടു കാണിച്ച സ്‌നേ​ഹ​വും മറന്നു​ക​ള​വാൻ തക്കവണ്ണം അനീതി​യു​ള്ള​വനല്ല” എന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌.—എബ്രായർ 6:10.

കയീ​ന്റെ​യും ഹാബെ​ലി​ന്റെ​യും യാഗങ്ങ​ളു​ടെ കാര്യ​ത്തി​ലെ​ന്ന​പോ​ലെ തന്നെ, പുറമെ കാണു​ന്ന​ത​നു​സ​രി​ച്ചല്ല—ഉദാഹ​ര​ണ​ത്തിന്‌, നിങ്ങൾ ശുശ്രൂ​ഷ​യിൽ എത്ര മണിക്കൂർ ചെലവ​ഴി​ക്കു​ന്നു എന്നതനു​സ​രി​ച്ചല്ല—നിങ്ങളു​ടെ യാഗം വിധി​ക്ക​പ്പെ​ടു​ന്നത്‌. യഹോവ ഉള്ളി​ലേക്കു നോക്കു​ന്നു. അവൻ ‘ഹൃദയത്തെ ശോധ​ന​ചെ​യ്യു​ന്നു’ എന്നു മാത്രമല്ല, ‘അന്തരം​ഗ​ങ്ങ​ളെ​യും’—ഒരുവന്റെ വ്യക്തി​ത്വ​ത്തി​ലെ രൂഢമൂ​ല​മായ ചിന്തക​ളെ​യും വികാ​ര​ങ്ങ​ളെ​യും പ്രചോ​ദ​ന​ങ്ങ​ളെ​യും—കൂടെ പരി​ശോ​ധി​ക്കു​ന്നു​വെന്ന്‌ യിരെ​മ്യാ​വു 17:10 പറയുന്നു. അതു​കൊണ്ട്‌ അളവ്‌ അല്ല, ആന്തരമാണ്‌ യഥാർഥ​ത്തിൽ കണക്കി​ലെ​ടു​ക്കു​ന്നത്‌. വാസ്‌ത​വ​ത്തിൽ, സ്‌നേ​ഹ​ത്താൽ പ്രചോ​ദി​ത​മായ ഒരു ഹൃദയ​ത്തിൽനിന്ന്‌ അർപ്പി​ക്ക​പ്പെ​ടുന്ന യാഗം, വലിയ​തോ ചെറി​യ​തോ ആയിരു​ന്നാ​ലും, ദൈവ​ത്തി​നു വില​യേ​റി​യ​താണ്‌.—മർക്കൊസ്‌ 12:41-44-നെ 14:3-9-മായി താരത​മ്യം ചെയ്യുക.

അതേസ​മ​യം, കയീന്റെ അർധ മനസ്സോ​ടെ​യുള്ള യാഗം അസ്വീ​കാ​ര്യം ആയിരു​ന്ന​തു​പോ​ലെ, ന്യൂന​ത​യുള്ള യാഗങ്ങൾ യഹോവ സ്വീക​രി​ക്കു​ക​യി​ല്ലെന്നു നാം ഓർക്കണം. (മലാഖി 1:8, 13) നിങ്ങൾ നിങ്ങളു​ടെ പരമാ​വധി തനിക്കു നൽകണ​മെന്ന്‌, മുഴു ഹൃദയ​ത്തോ​ടും ആത്മാ​വോ​ടും മനസ്സോ​ടും ശക്തി​യോ​ടും​കൂ​ടെ തന്നെ സേവി​ക്ക​ണ​മെന്ന്‌, യഹോവ ആവശ്യ​പ്പെ​ടു​ന്നു. (മർക്കൊസ്‌ 12:30) നിങ്ങൾ അതു ചെയ്യു​ന്നു​ണ്ടോ? എങ്കിൽ നിങ്ങൾക്കു നിങ്ങളു​ടെ യാഗത്തെ സംതൃ​പ്‌തി​യോ​ടെ വീക്ഷി​ക്കാം. കാരണം പൗലൊസ്‌ എഴുതി: “ഓരോ​രു​ത്ത​നും തന്റെ സ്വന്തം പ്രവൃത്തി എന്തെന്നു തെളി​യി​ക്കട്ടെ, അപ്പോൾ അവനു തന്നേക്കു​റി​ച്ചു​തന്നെ ആഹ്ലാദ​ത്തി​നു കാരണ​മു​ണ്ടാ​യി​രി​ക്കും, മറേറ​യാ​ളി​നോ​ടുള്ള താരത​മ്യ​ത്തി​ലല്ല.”—ഗലാത്യർ 6:4, NW.

കയീനും ഹാബെ​ലും ഒരേ ചുറ്റു​പാ​ടിൽ വളർത്ത​പ്പെ​ട്ടവർ ആയിരു​ന്നി​ട്ടും സമയവും സാഹച​ര്യ​ങ്ങ​ളും ഓരോ​രു​ത്തർക്കും അനുപമ സ്വഭാവ വിശേ​ഷ​തകൾ വികസി​പ്പി​ച്ചെ​ടു​ക്കു​ന്ന​തി​നുള്ള അവസരം പ്രദാനം ചെയ്‌തു. കയീന്റെ മനോ​ഭാ​വം അസൂയ, കലഹം, കോപാ​വേശം എന്നിവ​യാൽ അധിക​മ​ധി​കം ജ്വലി​ക്കു​ക​യാ​യി​രു​ന്നു.

അതിനു നേർവി​പ​രീ​ത​മാ​യി, ദൈവം ഹാബെ​ലി​നെ നീതി​മാ​നാ​യി അനുസ്‌മ​രി​ക്കു​ന്നു. (മത്തായി 23:35) എന്തു ത്യാഗം സഹിച്ചും ദൈവത്തെ പ്രീതി​പ്പെ​ടു​ത്താ​നുള്ള ഹാബെ​ലി​ന്റെ ദൃഢനി​ശ്ചയം, ആദാം, ഹവ്വാ, കയീൻ എന്നീ നന്ദി​കെ​ട്ടവർ ഉൾപ്പെട്ട കുടും​ബ​ത്തിൽ അവനെ വ്യത്യ​സ്‌ത​നും മാതൃ​കാ​പു​രു​ഷ​നും ആക്കി. ഹാബെൽ മരി​ച്ചെ​ങ്കി​ലും അവൻ “സംസാ​രി​ച്ചു​കൊ​ണ്ടി​രി​ക്കു​ന്നു” എന്നു ബൈബിൾ നമ്മോടു പറയുന്നു. അവൻ ദൈവത്തെ വിശ്വ​സ്‌ത​മാ​യി സേവി​ച്ച​തി​ന്റെ ചരിത്ര വിവരണം ബൈബി​ളി​ന്റെ അവിഭാ​ജ്യ ഭാഗമാ​യി​രി​ക്കു​ന്നു. ദൈവ​ത്തി​നു സ്വീകാ​ര്യ​മായ യാഗം തുടർച്ച​യാ​യി അർപ്പി​ച്ചു​കൊണ്ട്‌ നമുക്കു ഹാബെ​ലി​ന്റെ മാതൃക പിൻപ​റ്റാം.—എബ്രായർ 11:4.

[അടിക്കു​റി​പ്പു​കൾ]

[23-ാം പേജിലെ ചതുരം/ചിത്രം]

ക്രിസ്‌തീയ ഉപദേ​ഷ്ടാ​ക്കൾക്ക്‌ ഒരു മാതൃക

“നീ കോപി​ക്കു​ന്നതു എന്തിന്നു? നിന്റെ മുഖം വാടു​ന്ന​തും എന്തു?” ഈ ചോദ്യ​ങ്ങ​ളി​ലൂ​ടെ, യഹോവ കയീനു​മാ​യി ദയാപൂർവം ന്യായ​വാ​ദം നടത്തി. കയീൻ ബുദ്ധ്യു​പ​ദേശം സ്വീക​രി​ക്കാ​നോ നിരസി​ക്കാ​നോ സ്വാത​ന്ത്ര്യ​മു​ള്ളവൻ ആയിരു​ന്ന​തി​നാൽ, അവൻ കയീനെ മാറ്റത്തി​നു നിർബ​ന്ധി​ച്ചില്ല. (ആവർത്ത​ന​പു​സ്‌തകം 30:19 താരത​മ്യം ചെയ്യുക.) എന്നിരു​ന്നാ​ലും, കയീന്റെ വഴിപി​ഴച്ച ഗതിയു​ടെ ഭവിഷ്യ​ത്തു​കൾ എന്തായി​രി​ക്കു​മെന്നു വിവരി​ക്കാൻ യഹോവ മടി കാണി​ച്ചില്ല. അവൻ കയീന്‌ ഈ മുന്നറി​യി​പ്പു നൽകി: “നീ നന്മ ചെയ്യു​ന്ന​തി​ലേക്കു തിരി​യു​ന്നി​ല്ലെ​ങ്കിൽ, പാപം കവാട​ത്തി​ങ്കൽ പതുങ്ങി​ക്കി​ട​ക്കു​ന്നുണ്ട്‌, നിന്നോ​ടാ​കു​ന്നു അതിന്റെ വാഞ്‌ഛ.”—ഉല്‌പത്തി 4:6, 7, NW.

ഇത്ര ശക്തമായ ശാസന നൽകി​യ​പ്പോ​ഴും, ‘പ്രതീ​ക്ഷ​യ്‌ക്കു വകയി​ല്ലാ​ത്തവൻ’ എന്ന മട്ടിലല്ല യഹോവ കയീ​നോട്‌ ഇടപെ​ട്ടത്‌. തന്റെ തെറ്റായ മാർഗങ്ങൾ ഉപേക്ഷി​ക്കു​ന്നെ​ങ്കിൽ ലഭിക്കാ​നി​രി​ക്കുന്ന അനു​ഗ്ര​ഹ​ങ്ങളെ കുറിച്ച്‌ അവൻ കയീ​നോ​ടു പറഞ്ഞു. കൂടാതെ, മനസ്സു​വെ​ച്ചാൽ ഈ പ്രശ്‌നങ്ങൾ മറിക​ട​ക്കാൻ കയീനു കഴിയും എന്ന ഉറപ്പും അവൻ പ്രകട​മാ​ക്കി. “നീ നന്മ ചെയ്യുന്നു എങ്കിൽ,” യഹോവ പറഞ്ഞു, “പ്രസാ​ദ​മു​ണ്ടാ​ക​യി​ല്ല​യോ?” കലിക​യറി കൊല്ലാൻ ഒരുങ്ങി​യി​രി​ക്കുന്ന കയീ​നോട്‌ അവൻ ചോദി​ച്ചു: ‘നീയോ അതിനെ കീഴട’ക്കുമോ?

ഇന്ന്‌, ക്രിസ്‌തീയ സഭയിലെ മൂപ്പന്മാർ യഹോ​വ​യു​ടെ മാതൃക അനുക​രി​ക്കണം. 2 തിമൊ​ഥെ​യൊസ്‌ 4:2-ൽ (NW) പറഞ്ഞി​രി​ക്കു​ന്ന​തു​പോ​ലെ, ഒരുവന്റെ വഴിപി​ഴച്ച ഗതിയു​ടെ ഭവിഷ്യ​ത്തു​കൾ വളച്ചു​കെ​ട്ടി​ല്ലാ​തെ വിവരി​ച്ചു​കൊണ്ട്‌ അവർക്കു ചില​പ്പോ​ഴൊ​ക്കെ “ശാസി​ക്കുക”യും “ശകാരി​ക്കുക”യും ചെയ്യേ​ണ്ടി​വ​രും. അതേസ​മയം, മൂപ്പന്മാർ “ഉദ്‌ബോ​ധി​പ്പി​ക്കു”കയും ചെയ്യണം. പരക്കലി​യോ എന്ന ഗ്രീക്കു പദത്തിന്റെ അർഥം “പ്രോ​ത്സാ​ഹി​പ്പി​ക്കുക” എന്നാണ്‌. “അനുശാ​സനം മൂർച്ച​യു​ള്ള​തോ മയമി​ല്ലാ​ത്ത​തോ വിമർശ​നാ​ത്മ​ക​മോ അല്ല” എന്ന്‌ പുതിയ നിയമ ദൈവ​ശാ​സ്‌ത്ര നിഘണ്ടു (ഇംഗ്ലീഷ്‌) പറയുന്നു. “ആശ്വാസം അതിന്റെ മറ്റൊരു അർഥമാ​യി​രി​ക്കാം എന്ന വസ്‌തുത അതേ ആശയത്തി​ലേ​ക്കു​തന്നെ വിരൽചൂ​ണ്ടു​ന്നു.”

ബന്ധപ്പെട്ട ഗ്രീക്കു പദമായ പരക്ലെ​റ്റൊസ്‌ എന്നതിനു സഹായി എന്നോ നിയമ​കാ​ര്യ​ങ്ങ​ളി​ലെ അഭിഭാ​ഷകൻ എന്നോ അർഥമാ​ക്കാൻ കഴിയു​മെ​ന്നതു ശ്രദ്ധേ​യ​മാണ്‌. അതു​കൊണ്ട്‌ കുറി​ക്കു​കൊ​ള്ളുന്ന ശാസന നൽകു​മ്പോൾപ്പോ​ലും, തങ്ങൾ ബുദ്ധ്യു​പ​ദേശം ആവശ്യ​മുള്ള വ്യക്തി​യു​ടെ എതിരാ​ളി​കൾ അല്ല, മറിച്ച്‌ സഹായി​കൾ ആണ്‌ എന്നു മൂപ്പന്മാർ ഓർക്കേ​ണ്ട​താണ്‌. ബുദ്ധ്യു​പ​ദേ​ശി​ക്ക​പ്പെ​ടുന്ന വ്യക്തിക്കു പ്രശ്‌നത്തെ കീഴട​ക്കാൻ കഴിയും എന്ന ഉറപ്പു പ്രകട​മാ​ക്കി​ക്കൊണ്ട്‌ മൂപ്പന്മാർ, യഹോ​വ​യെ​പ്പോ​ലെ, ക്രിയാ​ത്മക മനോ​ഭാ​വം പുലർത്തണം.—ഗലാത്യർ 6:1 താരത​മ്യം ചെയ്യുക.

എങ്ങനെ​യാ​യാ​ലും അവസാനം അനുശാ​സനം ബാധക​മാ​ക്കേ​ണ്ടതു വ്യക്തി​ത​ന്നെ​യാണ്‌. (ഗലാത്യർ 6:5; ഫിലി​പ്പി​യർ 2:12) സ്രഷ്ടാ​വി​ന്റെ​തന്നെ ശാസന തള്ളിക്കളഞ്ഞ കയീ​നെ​പ്പോ​ലെ, ചിലർ മുന്നറി​യി​പ്പു​കൾ ശ്രദ്ധി​ക്കാ​തി​രു​ന്നേ​ക്കാം. അപ്പോ​ഴും, മൂപ്പന്മാർ ക്രിസ്‌തീയ ഉപദേ​ഷ്ടാ​ക്കൾക്കുള്ള പൂർണ മാതൃ​ക​യായ യഹോ​വയെ അനുക​രി​ക്കു​മ്പോൾ, തങ്ങൾ വ്യക്തി​കളെ സഹായി​ക്കാൻ ചെയ്യേ​ണ്ടതു ചെയ്‌തി​രി​ക്കു​ന്നു എന്ന്‌ അവർക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും.