ദൈവ​​ത്തോട്‌ അടുത്തു​​ചെ​ല്ലു​ക

ഇച്ഛാസ്വാ​ത​​ന്ത്ര്യം നൽകി അവൻ നമ്മെ മാനി​ച്ചി​രി​ക്കു​ന്നു

2 രാജാ​ക്ക​ന്മാർ 18:1-7

കുട്ടി​കൾക്ക്‌ നല്ല മാതൃക വെക്കേ​ണ്ട​വ​രാണ്‌ മാതാ​പി​താ​ക്കൾ. സദ്‌ഗു​ണങ്ങൾ വളർത്തി​​യെ​ടു​ക്കാ​നും ശരിയായ തീരു​മാ​ന​ങ്ങ​​ളെ​ടു​ക്കാ​നും അച്ഛനമ്മ​മാ​രു​ടെ നല്ല മാതൃക കുട്ടി​കളെ സഹായി​ക്കും. എന്നാൽ മക്കൾക്ക്‌ നല്ല മാതൃക വെക്കു​ന്ന​തിൽ പല മാതാ​പി​താ​ക്ക​ളും പരാജ​യ​​പ്പെ​ടു​ന്നു എന്നതാണ്‌ സങ്കടക​ര​മായ സംഗതി. അത്തരം കുടും​ബ​ങ്ങ​ളി​ലെ കുട്ടി​കൾക്ക്‌ നല്ലവരാ​യി വളർന്നു​വ​രാൻ കഴിയു​മോ? തീർച്ച​യാ​യും. യഹോ​വ​യാം​​​ദൈവം ഇച്ഛാസ്വാ​ത​​ന്ത്ര്യം നൽകി നമ്മെ ഓരോ​രു​ത്ത​​രെ​യും മാനി​ച്ചി​രി​ക്കു​ന്നു. അതു​കൊണ്ട്‌ ആഗ്രഹി​ക്കു​​ന്നെ​ങ്കിൽ എല്ലാവർക്കും ശരിയായ തീരു​മാ​ന​ങ്ങ​​ളെ​ടുത്ത്‌ ദൈവത്തെ പ്രസാ​ദി​പ്പി​ക്കുന്ന ഒരു ജീവിതം നയിക്കാ​നാ​കും. ഇതിന്‌ നല്ലൊരു ഉദാഹ​ര​ണ​മാണ്‌ ഹിസ്‌കീ​യാ രാജാ​വി​​ന്റേത്‌. 2 രാജാ​ക്ക​ന്മാർ 18:1-7-ൽ ആ വിവരണം നമുക്കു കാണാം.

“യെഹൂ​ദാ​രാ​ജാ​വായ ആഹാസി​ന്റെ മകൻ” ആയിരു​ന്നു ഹിസ്‌കീ​യാവ്‌. (1-ാം വാക്യം) ആഹാസ്‌ തന്റെ പ്രജകളെ യഹോ​വ​യു​ടെ സത്യാ​രാ​ധ​ന​യിൽനിന്ന്‌ അകറ്റി​ക്ക​ളഞ്ഞു. ബാൽ ആരാധ​ക​നാ​യി​രുന്ന ഈ ദുഷ്ടരാ​ജാവ്‌ നരബലി​കൾപോ​ലും നടത്തി​യി​രു​ന്നു. സ്വന്തപു​​ത്ര​ന്മാ​​രെ​ത്തന്നെ (ഒന്നോ അതില​ധി​ക​മോ പേരെ) ആഹാസ്‌ കുരു​തി​​കൊ​ടു​ത്തി​ട്ടുണ്ട്‌. അവൻ യഹോ​വ​യു​ടെ ആലയത്തി​ന്റെ വാതി​ലു​കൾ അടച്ചു​ക​ള​യു​ക​യും “യെരൂ​ശ​​ലേ​മി​ന്റെ ഓരോ മൂലയി​ലും ബലിപീ​ഠങ്ങൾ” ഉണ്ടാക്കു​ക​യും ചെയ്‌തു. അങ്ങനെ അവൻ “യഹോ​വയെ കോപി​പ്പി​ച്ചു.” (2 ദിനവൃ​ത്താ​ന്തം 28:3, 24, 25) അതെ, ഹിസ്‌കീ​യാ​വി​ന്റെ പിതാവ്‌ അത്ര നീചനാ​യി​രു​ന്നു. എന്നാൽ ഹിസ്‌കീ​യാവ്‌ പിതാ​വി​ന്റെ അതേ പാത പിന്തു​ട​രാൻ വിധി​ക്ക​​പ്പെ​ട്ട​വ​നാ​യി​രു​ന്നോ?

ആഹാസി​നു​​ശേ​ഷം രാജാ​വായ ഹിസ്‌കീ​യാവ്‌ അത്‌ അങ്ങനെ​യ​​ല്ലെന്നു തെളി​യി​ച്ചു. അവൻ “യഹോ​​വെക്കു പ്രസാ​ദ​മാ​യു​ള്ളതു ചെയ്‌തു.” (3-ാം വാക്യം) ഹിസ്‌കീ​യാവ്‌ യഹോ​വ​യിൽ ആശ്രയി​ച്ചു. “സകല യെഹൂ​ദാ​രാ​ജാ​ക്ക​ന്മാ​രി​ലും ആരും അവനോ​ടു തുല്യ​നാ​യി​രു​ന്നില്ല” എന്ന്‌ ബൈബിൾ പറയുന്നു. (5-ാം വാക്യം) തന്റെ വാഴ്‌ച​യു​ടെ ആദ്യവർഷം​തന്നെ ഈ യുവരാ​ജാവ്‌ സത്യാ​രാ​ധന പുനഃ​സ്ഥാ​പി​ക്കാ​നുള്ള നടപടി​കൾ സ്വീക​രി​ച്ചു. അവൻ വിജാ​തീയ ദൈവ​ങ്ങ​ളു​ടെ പൂജാ​ഗി​രി​കൾ നീക്കം ചെയ്‌ത്‌ യഹോ​വ​യു​ടെ ആലയത്തി​ന്റെ വാതി​ലു​കൾ തുറന്നു. (4-ാം വാക്യം; 2 ദിനവൃ​ത്താ​ന്തം 29:1-3, 27-31) “അവൻ യഹോ​വ​​യോ​ടു ചേർന്നി​രു​ന്നു . . . യഹോവ അവനോ​ടു​കൂ​ടെ ഉണ്ടായി​രു​ന്നു.”—6, 7 വാക്യങ്ങൾ.

പിതാ​വി​ന്റെ മാതൃക പിന്തു​ട​രാ​തെ നേർവ​ഴി​യിൽ ചരിക്കാൻ ഹിസ്‌കീ​യാ​വി​നു കഴിഞ്ഞത്‌ എങ്ങനെ​യാണ്‌? അവന്റെ അമ്മയായ അബീയാ (അവളെ​ക്കു​റിച്ച്‌ കാര്യ​മാ​​യൊ​ന്നും ബൈബിൾ പറയു​ന്നില്ല) ആയിരി​ക്കു​മോ അവനെ അതിനു സഹായി​ച്ചത്‌? അതോ, ഹിസ്‌കീ​യാവ്‌ ജനിക്കു​ന്ന​തിന്‌ മുമ്പു​തന്നെ പ്രവാ​ച​ക​വേല തുടങ്ങി​യി​രുന്ന യെശയ്യാ​വി​ന്റെ നല്ല മാതൃക അവനെ സ്വാധീ​നി​ച്ചി​ട്ടു​ണ്ടാ​യി​രി​ക്കു​മോ?a ബൈബിൾ അതേക്കു​റിച്ച്‌ ഒന്നും പറയു​ന്നില്ല. എന്തുത​​ന്നെ​യാ​യാ​ലും ഒരു കാര്യം വ്യക്തമാണ്‌: പിതാ​വി​​ന്റേ​തിൽനി​ന്നു തികച്ചും വ്യത്യ​സ്‌ത​മായ ഒരു ജീവി​ത​ഗ​തി​യാണ്‌ ഹിസ്‌കീ​യാവ്‌ തിര​ഞ്ഞെ​ടു​ത്തത്‌.

മാതാ​പി​താ​ക്ക​ളു​ടെ മോശ​മായ സ്വഭാ​വ​രീ​തി​കൾ കണ്ടു വളർന്ന​വർക്ക്‌ ഹിസ്‌കീ​യാ​വി​ന്റെ ജീവിതം പ്രോ​ത്സാ​ഹ​ന​​മേ​കു​ന്നു. ഭൂതകാ​ലം നമുക്കു മാറ്റി​​യെ​ടു​ക്കാ​നാ​വില്ല; കഴിഞ്ഞ​കാ​ലത്തെ വേദനാ​ക​ര​മായ അനുഭ​വങ്ങൾ തുടച്ചു​ക​ള​യാ​നു​മാ​വില്ല. എന്നു​വെച്ച്‌ നമുക്ക്‌ ഒരിക്ക​ലും നല്ലൊരു ജീവിതം നയിക്കാ​നാ​വി​​ല്ലെ​ന്നാ​ണോ? ഇപ്പോൾ നല്ല തീരു​മാ​ന​ങ്ങ​​ളെ​ടു​ത്താൽ സന്തുഷ്ട​മായ ഒരു ഭാവി നമുക്കു​ണ്ടാ​യി​രി​ക്കും. യഹോ​വയെ സ്‌നേ​ഹി​ക്കു​ക​യും ആരാധി​ക്കു​ക​യും ചെയ്യു​മെന്ന ഉറച്ച തീരു​മാ​ന​​മെ​ടു​ക്കാൻ ഹിസ്‌കീ​യാ​വി​​നെ​​പ്പോ​ലെ നമുക്കും കഴിയും. അത്‌ ഇപ്പോൾത്തന്നെ നല്ലൊരു ജീവിതം നയിക്കാൻ നമ്മെ സഹായി​ക്കും. ഭാവി​യിൽ ദൈവം കൊണ്ടു​വ​രാ​നി​രി​ക്കുന്ന പുതിയ ലോക​ത്തിൽ നിത്യം ജീവി​ക്കാ​നും നമുക്കാ​കും. (2 പത്രോസ്‌ 3:13; വെളി​പാട്‌ 21:3, 4) ഇച്ഛാസ്വാ​ത​​ന്ത്ര്യം എന്ന മഹത്തായ ദാനം നമുക്കു നൽകിയ സ്‌നേ​ഹ​നി​ധി​യായ ദൈവ​​ത്തോട്‌ നാം എത്ര നന്ദിയു​ള്ള​വ​രാ​യി​രി​ക്കണം!

[അടിക്കു​റിപ്പ്‌]