ദൈവ​വ​ച​ന​ത്തിൽനി​ന്നു പഠിക്കുക

സത്യ​ദൈവം ആരാണ്‌?

നിങ്ങൾ ചോദി​ച്ചി​രി​ക്കാൻ സാധ്യ​ത​യുള്ള ചില ചോദ്യ​ങ്ങ​ളാണ്‌ താഴെ കൊടു​ത്തി​രി​ക്കു​ന്നത്‌. അവയ്‌ക്കുള്ള ഉത്തരങ്ങൾ നിങ്ങളു​ടെ ബൈബി​ളിൽ എവിടെ കണ്ടെത്താ​മെ​ന്നും ഈ ലേഖന​ത്തിൽ പറയു​ന്നുണ്ട്‌. ഈ വിവരങ്ങൾ നിങ്ങളു​മാ​യി ചർച്ച​ചെ​യ്യാൻ യഹോ​വ​യു​ടെ സാക്ഷി​ക​ളായ ഞങ്ങൾ താത്‌പ​ര്യ​പ്പെ​ടു​ന്നു.

1. സത്യ​ദൈവം ആരാണ്‌?

സകലവും സൃഷ്ടി​ച്ച​വ​നാണ്‌ സത്യ​ദൈവം. ബൈബിൾ അവനെ ‘നിത്യ​ത​യു​ടെ രാജാവ്‌’ എന്നു വിശേ​ഷി​പ്പി​ക്കു​ന്നു. ആരംഭ​മോ അവസാ​ന​മോ ഇല്ലാത്തവൻ എന്നാണ്‌ ആ പ്രയോ​ഗ​ത്തി​ന്റെ അർഥം. (വെളി​പാട്‌ 15:3) ജീവന്റെ ഉറവിടം ആ ദൈവ​മാ​യ​തു​കൊണ്ട്‌ അവനെ മാത്രമേ നാം ആരാധി​ക്കാ​വൂ.—വെളി​പാട്‌ 4:11 വായി​ക്കുക.

2. ദൈവം എങ്ങനെ​യു​ള്ള​വ​നാണ്‌?

ഒരു മനുഷ്യ​നും ദൈവത്തെ കണ്ടിട്ടില്ല. കാരണം, ദൈവം ഒരു ആത്മരൂ​പി​യാണ്‌; ഭൂമി​യി​ലെ ഏതെങ്കി​ലും ജീവരൂ​പ​ത്തോട്‌ അവനെ താരത​മ്യ​പ്പെ​ടു​ത്താ​നാ​വില്ല. (യോഹ​ന്നാൻ 1:18; 4:24) ദൈവ​ത്തി​ന്റെ വ്യക്തി​ത്വം അവന്റെ സൃഷ്ടി​ക​ളിൽ പ്രതി​ഫ​ലി​ച്ചു​കാ​ണാം. പ്രകൃ​തി​യി​ലെ പൂക്കളും പഴങ്ങളു​മൊ​ക്കെ നിരീ​ക്ഷി​ച്ചാൽ അവയിൽ ദൈവ​ത്തി​ന്റെ സ്‌നേ​ഹ​വും ജ്ഞാനവും നമുക്ക്‌ ദർശി​ക്കാ​നാ​കും. പ്രപഞ്ചം ദൈവ​ത്തി​ന്റെ മഹാശക്തി വിളി​ച്ചോ​തു​ന്നു.—റോമർ 1:20 വായി​ക്കുക.

ദൈവ​ത്തി​ന്റെ വ്യക്തി​ത്വ​ത്തെ​ക്കു​റി​ച്ചുള്ള കൂടുതൽ കാര്യങ്ങൾ നമുക്കു പഠിക്കാ​നാ​കു​ന്നത്‌ ബൈബി​ളി​ലൂ​ടെ​യാണ്‌. ഉദാഹ​ര​ണ​ത്തിന്‌, ദൈവം ഇഷ്ടപ്പെ​ടു​ന്ന​തും വെറു​ക്കു​ന്ന​തു​മായ കാര്യങ്ങൾ എന്തെല്ലാ​മാണ്‌, അവൻ ആളുക​ളോട്‌ ഇടപെ​ടു​ന്നത്‌ എങ്ങനെ​യാണ്‌, വിവിധ സാഹച​ര്യ​ങ്ങ​ളിൽ അവൻ പ്രതി​ക​രി​ക്കു​ന്നത്‌ എങ്ങനെ​യാണ്‌ എന്നെല്ലാം ബൈബിൾ നമ്മോടു പറയുന്നു.—സങ്കീർത്തനം 103:7-10 വായി​ക്കുക.

3. ദൈവ​ത്തിന്‌ പേരു​ണ്ടോ?

“സ്വർഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ” എന്ന്‌ യേശു പ്രാർഥി​ക്കു​ക​യു​ണ്ടാ​യി. (മത്തായി 6:9) ദൈവ​ത്തിന്‌ പദവി​നാ​മങ്ങൾ പലതു​ണ്ടെ​ങ്കി​ലും പേര്‌ ഒന്നേയു​ള്ളൂ. ഓരോ ഭാഷയി​ലും പലവി​ധ​ങ്ങ​ളി​ലാണ്‌ അത്‌ ഉച്ചരി​ക്കു​ന്നത്‌. മലയാ​ള​ത്തിൽ “യഹോവ” എന്നാണ്‌ സാധാരണ പറയു​ന്ന​തെ​ങ്കി​ലും “യാഹ്‌വെ” എന്ന ഉച്ചാര​ണ​വും നിലവി​ലുണ്ട്‌.—സങ്കീർത്തനം 83:18 വായി​ക്കുക.

പല ബൈബിൾ ഭാഷാ​ന്ത​ര​ങ്ങ​ളി​ലും ദൈവ​നാ​മം നീക്കി​യിട്ട്‌ പകരം കർത്താവ്‌ എന്നോ ദൈവം എന്നോ ഉള്ള സ്ഥാന​പ്പേ​രു​ക​ളാണ്‌ ഉപയോ​ഗി​ച്ചി​രി​ക്കു​ന്നത്‌. എന്നാൽ ബൈബി​ളി​ന്റെ മൂലകൃ​തി​യിൽ ഏതാണ്ട്‌ 7,000 പ്രാവ​ശ്യം ദൈവ​നാ​മം ഉപയോ​ഗി​ച്ചി​ട്ടുണ്ട്‌. ദൈവ​ത്തി​ന്റെ വചനം മറ്റുള്ള​വർക്ക്‌ വിശദീ​ക​രി​ച്ചു​കൊ​ടു​ക്കവെ യേശു ദൈവ​നാ​മം ഉപയോ​ഗി​ച്ചു. അങ്ങനെ അവൻ ആ നാമം പ്രസി​ദ്ധ​മാ​ക്കി. ദൈവത്തെ അടുത്ത​റി​യാൻ അത്‌ ആളുകളെ സഹായി​ച്ചു.—യോഹ​ന്നാൻ 17:26 വായി​ക്കുക.

4. യഹോ​വ​യ്‌ക്ക്‌ നമ്മുടെ കാര്യ​ത്തിൽ താത്‌പ​ര്യ​മു​ണ്ടോ?

തന്നെ വിളി​ച്ച​പേ​ക്ഷി​ക്കുന്ന ഓരോ​രു​ത്ത​രു​ടെ​യും പ്രാർഥ​നകൾ ദൈവം കേൾക്കു​ന്നു എന്നത്‌ അവനു നമ്മിലുള്ള വ്യക്തി​പ​ര​മായ താത്‌പ​ര്യ​ത്തി​ന്റെ തെളി​വാണ്‌. (സങ്കീർത്തനം 65:2) ഇനി, ലോക​ത്തിൽ കഷ്ടപ്പാ​ടു​ക​ളുണ്ട്‌ എന്നതു​കൊണ്ട്‌ ദൈവ​ത്തി​നു നമ്മുടെ കാര്യ​ത്തിൽ താത്‌പ​ര്യ​മി​ല്ലെന്നു വരുമോ? നമ്മെ പരീക്ഷി​ക്കാ​നാണ്‌ ദൈവം നമുക്ക്‌ കഷ്ടപ്പാ​ടു​കൾ വരുത്തു​ന്ന​തെന്ന്‌ ചിലർ പറയാ​റുണ്ട്‌. എന്നാൽ അതു ശരിയല്ല. കാരണം, ‘ദൈവം ദുഷ്ടത ഒരിക്ക​ലും ചെയ്‌ക​യില്ല’ എന്നാണ്‌ ബൈബിൾ പറയു​ന്നത്‌.—ഇയ്യോബ്‌ 34:10; യാക്കോബ്‌ 1:13 വായി​ക്കുക.

സ്വന്തം ഗതി തിര​ഞ്ഞെ​ടു​ക്കാ​നുള്ള സ്വാത​ന്ത്ര്യം നൽകി ദൈവം മനുഷ്യ​നെ ആദരി​ച്ചി​രി​ക്കു​ന്നു. തന്നെ സേവി​ക്ക​ണോ വേണ്ടയോ എന്നു തീരു​മാ​നി​ക്കാ​നുള്ള സ്വാത​ന്ത്ര്യം ദൈവം നമുക്കു നൽകി​യി​രി​ക്കു​ന്ന​തിൽ നമുക്ക്‌ അവനോ​ടു നന്ദിയി​ല്ലേ? (യോശുവ 24:15) എന്നാൽ തങ്ങൾക്കു ലഭിച്ചി​രി​ക്കുന്ന ഈ സ്വാത​ന്ത്ര്യം ദുരു​പ​യോ​ഗ​പ്പെ​ടു​ത്തി​ക്കൊണ്ട്‌ മറ്റുള്ള​വർക്ക്‌ ദ്രോഹം ചെയ്യു​ക​യാണ്‌ പലരും. ലോക​ത്തിൽ ഇത്രയ​ധി​കം കഷ്ടപ്പാ​ടു​കൾ ഉള്ളത്‌ അതു​കൊ​ണ്ടാണ്‌. ഇതെല്ലാം യഹോ​വ​യു​ടെ ഹൃദയത്തെ വേദനി​പ്പി​ക്കു​ന്നു.—ഉല്‌പത്തി 6:5, 6 വായി​ക്കുക.

എന്നാൽ ഉടൻതന്നെ ഈ ലോക​ത്തി​ലെ കഷ്ടപ്പാ​ടു​ക​ളും അതിനു കാരണ​ക്കാ​രാ​യ​വ​രെ​യും യഹോ​വ​യു​ടെ കൽപ്പന​പ്ര​കാ​രം യേശു ഭൂമു​ഖ​ത്തു​നിന്ന്‌ നീക്കം​ചെ​യ്യും. ഇപ്പോൾ യഹോവ ഈ കഷ്ടപ്പാ​ടു​കൾ അനുവ​ദി​ക്കു​ന്ന​തി​നു പിന്നിൽ തക്കതായ കാരണ​മുണ്ട്‌. ആ കാരണം എന്താ​ണെന്ന്‌ മറ്റൊരു പംക്തി​യിൽ വിശദീ​ക​രി​ക്കു​ന്ന​താ​യി​രി​ക്കും.—യെശയ്യാ​വു 11:4 വായി​ക്കുക.

5. നാം എന്തു ചെയ്യാ​നാണ്‌ ദൈവം ആഗ്രഹി​ക്കു​ന്നത്‌?

തന്നെ അറിയാ​നും സ്‌നേ​ഹി​ക്കാ​നും ഉള്ള പ്രാപ്‌തി​യോ​ടെ​യാണ്‌ യഹോവ നമ്മെ സൃഷ്ടി​ച്ചി​രി​ക്കു​ന്നത്‌. തന്നെക്കു​റി​ച്ചുള്ള സത്യം നാം അറിയാൻ അവൻ ആഗ്രഹി​ക്കു​ന്നു. (1 തിമൊ​ഥെ​യൊസ്‌ 2:4) ബൈബിൾ പഠിക്കു​ന്നെ​ങ്കിൽ ഒരു സുഹൃ​ത്തി​നെ​പ്പോ​ലെ ദൈവത്തെ അടുത്ത​റി​യാൻ നമുക്കാ​കും.—സദൃശ​വാ​ക്യ​ങ്ങൾ 2:4, 5 വായി​ക്കുക.

നമുക്ക്‌ ജീവൻ തന്നത്‌ യഹോ​വ​യാ​യ​തി​നാൽ മറ്റാ​രെ​ക്കാ​ളും നാം അവനെ സ്‌നേ​ഹി​ക്കണം. ദൈവ​ത്തോ​ടു പ്രാർഥി​ക്കു​ക​യും അവൻ ആഗ്രഹി​ക്കു​ന്ന​തു​പോ​ലെ പ്രവർത്തി​ക്കു​ക​യും ചെയ്‌തു​കൊണ്ട്‌ അവനോ​ടു സ്‌നേ​ഹ​മു​ണ്ടെന്ന്‌ നമുക്കു കാണി​ക്കാ​നാ​കും. (സദൃശ​വാ​ക്യ​ങ്ങൾ 15:8) മറ്റുള്ള​വ​രോട്‌ സ്‌നേ​ഹ​ത്തോ​ടെ പെരു​മാ​റാ​നും യഹോവ നമ്മോട്‌ ആവശ്യ​പ്പെ​ടു​ന്നു.—മർക്കോസ്‌ 12:29, 30-ഉം 1 യോഹ​ന്നാൻ 5:3-ഉം വായി​ക്കുക.

കൂടുതൽ വിവര​ങ്ങൾക്ക്‌, യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ 1-ാം അധ്യായം കാണുക.

[23-ാം പേജിലെ ചിത്രം]

ദൈവം താത്‌കാ​ലി​ക​മാ​യി കഷ്ടപ്പാട്‌ അനുവ​ദി​ച്ചി​രി​ക്കു​ന്ന​തിന്‌ തക്കതായ കാരണം ഉണ്ടായി​രി​ക്കു​മോ?