ദൈവ​ത്തോട്‌ അടുത്തു​ചെ​ല്ലു​ക

“യഹോവേ, നീ എന്നെ . . . അറിഞ്ഞി​രി​ക്കു​ന്നു”

“ആരും തന്നെ ശ്രദ്ധി​ക്കു​ന്നില്ല, അഥവാ മനസ്സി​ലാ​ക്കു​ന്നില്ല എന്ന്‌ അറിയു​ന്ന​തി​നെ​ക്കാ​ളും വലിയ വേറൊ​രു ഭാരവും പേറാ​നില്ല,” എഴുത്തു​കാ​ര​നായ ആർതർ. എച്ച്‌. സ്റ്റെയ്‌ൻബാ​ക്കി​ന്റെ വാക്കു​ക​ളാ​ണിവ. നിങ്ങൾക്ക്‌ എപ്പോ​ഴെ​ങ്കി​ലും ഇതു​പോ​ലെ തോന്നി​യി​ട്ടു​ണ്ടോ? നിങ്ങളു​ടെ ക്ഷേമത്തിൽ ആർക്കും താത്‌പ​ര്യ​മി​ല്ലെ​ന്നും നിങ്ങളു​ടെ സാഹച​ര്യ​ങ്ങൾ ആരും മനസ്സി​ലാ​ക്കു​ന്നി​ല്ലെ​ന്നും ഒക്കെ. എങ്കിൽ ഇതിൽ നിങ്ങൾക്ക്‌ ആശ്വസി​ക്കാം: തന്റെ ആരാധ​ക​രു​ടെ കാര്യ​ത്തിൽ അതീവ തത്‌പ​ര​നാണ്‌ യഹോ​വ​യാം​ദൈവം. അവരുടെ ജീവി​ത​ത്തിൽ നടക്കുന്ന സംഭവ​ങ്ങ​ളൊ​ന്നും അവന്റെ ശ്രദ്ധയിൽപ്പെ​ടാ​തെ പോകു​ന്നില്ല. 139-ാം സങ്കീർത്ത​ന​ത്തി​ലെ ദാവീ​ദി​ന്റെ വാക്കുകൾ ഈ വസ്‌തു​ത​യ്‌ക്ക്‌ ഉറപ്പു​നൽകു​ന്നു.

ദൈവ​ത്തിന്‌ തന്റെ കാര്യ​ത്തിൽ താത്‌പ​ര്യ​മു​ണ്ടെന്ന ആത്മവി​ശ്വാ​സ​ത്തോ​ടെ ദാവീദ്‌ ഇങ്ങനെ പറഞ്ഞു: “യഹോവേ, നീ എന്നെ ശോധന ചെയ്‌തു അറിഞ്ഞി​രി​ക്കു​ന്നു.” (1-ാം വാക്യം) വളരെ മനോ​ഹ​ര​മായ ഒരു വാങ്‌മ​യ​ചി​ത്ര​മാണ്‌ ഇവിടെ ഉപയോ​ഗി​ച്ചി​രി​ക്കു​ന്നത്‌. ‘ശോധന ചെയ്യുന്നു’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രാ​യ​പ​ദ​ത്തിന്‌ ലോഹ അയിരി​നു​വേണ്ടി ഖനനം ചെയ്യുക (ഇയ്യോബ്‌ 28:3), ദേശം ഉറ്റു​നോ​ക്കി പരി​ശോ​ധി​ക്കുക (ന്യായാ​ധി​പ​ന്മാർ 18:2), നീതി​ന്യാ​യ കേസിന്റെ വിശദാം​ശങ്ങൾ ചൂഴ്‌ന്നി​റങ്ങി വിശക​ലനം ചെയ്യുക (ആവർത്ത​ന​പു​സ്‌തകം 13:14, 15) എന്നൊ​ക്കെ​യാണ്‌ അർഥം. നമ്മുടെ ജീവി​ത​ത്തിൽ നടക്കുന്ന എല്ലാ കാര്യ​ങ്ങ​ളും സൂക്ഷ്‌മ​മാ​യി പരി​ശോ​ധി​ച്ചു​കൊണ്ട്‌ യഹോവ നമ്മെ നന്നായി അറിയു​ന്നു എന്നാണ്‌ ദാവീദ്‌ ഇവിടെ വ്യക്തമാ​ക്കു​ന്നത്‌. കൂടാതെ, തന്റെ ഓരോ ദാസന്മാ​രു​ടെ​യും കാര്യ​ത്തിൽ ദൈവ​ത്തിന്‌ വ്യക്തി​പ​ര​മായ താത്‌പ​ര്യം ഉണ്ടെന്ന്‌ സൂചി​പ്പി​ക്കാൻ അവൻ ഇവിടെ “എന്നെ” എന്ന സർവനാ​മം ഉപയോ​ഗി​ച്ചി​രി​ക്കു​ന്നു. അതെ, യഹോവ തന്റെ ദാസന്മാ​രെ ശോധന ചെയ്‌ത്‌ ഓരോ​രു​ത്ത​രെ​യും അടുത്ത​റി​യു​ന്നു.

ദൈവം നമ്മെ എത്ര സമഗ്ര​മാ​യി ശോധന ചെയ്യുന്നു എന്ന്‌ വ്യക്തമാ​ക്കി​ക്കൊണ്ട്‌ ദാവീദ്‌ തുടരു​ന്നു: “ഞാൻ ഇരിക്കു​ന്ന​തും എഴു​ന്നേ​ല്‌ക്കു​ന്ന​തും നീ അറിയു​ന്നു. എന്റെ നിരൂ​പണം നീ ദൂരത്തു​നി​ന്നു ഗ്രഹി​ക്കു​ന്നു.” (2-ാം വാക്യം) സ്വർഗ​ത്തിൽ വസിക്കു​ന്ന​തി​നാൽ യഹോവ ഒരർഥ​ത്തിൽ നമ്മിൽനിന്ന്‌ വളരെ ‘ദൂരെ​യാണ്‌.’ എങ്കിലും, ഒരു നീണ്ട ദിവസത്തെ അധ്വാ​ന​ത്തി​നു​ശേഷം നാം ഇരിക്കു​ന്ന​തും രാവിലെ എഴു​ന്നേറ്റ്‌ അനുദിന കാര്യാ​ദി​ക​ളിൽ ഏർപ്പെ​ടു​ന്ന​തു​മെ​ല്ലാം അവന്റെ ശ്രദ്ധയിൽപ്പെ​ടാ​തെ പോകു​ന്നില്ല. എന്തിന്‌, അവൻ നമ്മുടെ ചിന്തക​ളും ആഗ്രഹ​ങ്ങ​ളും ലക്ഷ്യങ്ങ​ളും വരെ മനസ്സി​ലാ​ക്കു​ന്നു. ദൈവം തന്നെ അത്ര സൂക്ഷ്‌മ​മാ​യി നിരീ​ക്ഷി​ക്കു​ന്നത്‌ ദാവീ​ദി​നെ ഭയപ്പെ​ടു​ത്തു​ന്നു​ണ്ടോ? തീർച്ച​യാ​യും ഇല്ല; തന്നെ ശോധന ചെയ്യാൻ അവൻ യഹോ​വ​യോട്‌ ആവശ്യ​പ്പെ​ടു​ന്നു. (23-ഉം 24-ഉം വാക്യങ്ങൾ) എന്തായി​രി​ക്കാം കാരണം?

യഹോവ തന്റെ ആരാധ​കരെ സൂക്ഷ്‌മ​മാ​യി നിരീ​ക്ഷി​ക്കു​ന്നത്‌ സദു​ദ്ദേ​ശ്യ​ത്തോ​ടെ​യാ​ണെന്ന്‌ ദാവീ​ദിന്‌ അറിയാം. അക്കാര്യം സൂചി​പ്പി​ക്കു​ന്ന​താണ്‌ അവന്റെ പിൻവ​രുന്ന വാക്കുകൾ: “എന്റെ നടപ്പും കിടപ്പും നീ ശോധന ചെയ്യുന്നു; എന്റെ വഴിക​ളൊ​ക്കെ​യും നിനക്കു മനസ്സി​ലാ​യി​രി​ക്കു​ന്നു.” (3-ാം വാക്യം, പി.ഒ.സി. ബൈബിൾ) നമ്മുടെ “വഴിക​ളൊ​ക്കെ​യും” അതായത്‌ ദിവസ​വും നമുക്കു പറ്റുന്ന പിഴവു​ക​ളും നാം ചെയ്യുന്ന സത്‌പ്ര​വൃ​ത്തി​ക​ളും യഹോവ കാണുന്നു. എന്നാൽ എന്തിലാ​യി​രി​ക്കും അവൻ ശ്രദ്ധ​കേ​ന്ദ്രീ​ക​രി​ക്കു​ന്നത്‌, നമ്മുടെ നന്മകളി​ലോ അതോ കുറവു​ക​ളി​ലോ? ഈ വാക്യ​ത്തിൽ, “ശോധന ചെയ്യുന്നു” എന്ന്‌ വിവർത്തനം ചെയ്‌തി​രി​ക്കുന്ന എബ്രായ പദത്തിന്‌ ഒരു കൃഷി​ക്കാ​രൻ ഉമി പാറ്റി​ക്ക​ളഞ്ഞ്‌ നല്ല ധാന്യം വേർതി​രി​ച്ചെ​ടു​ക്കു​ന്ന​തു​പോ​ലെ “പാറ്റി​യെ​ടു​ക്കുക” അല്ലെങ്കിൽ “അരി​ച്ചെ​ടു​ക്കുക” എന്ന അർഥവും ‘മനസ്സി​ലാ​ക്കു​ന്നു’ എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദത്തിന്‌ “വിലമ​തി​ക്കുക” എന്ന അർഥവു​മാ​ണു​ള്ളത്‌. അതായത്‌ തന്റെ ആരാധകർ ചെയ്യു​ന്ന​തും പറയു​ന്ന​തു​മായ കാര്യങ്ങൾ നിരീ​ക്ഷി​ക്കുന്ന യഹോവ അവരിലെ നന്മയാണ്‌ കാണാൻ ശ്രമി​ക്കു​ന്നത്‌. കാരണം, തന്നെ പ്രസാ​ദി​പ്പി​ക്കാൻ അവർ ചെയ്യുന്ന ശ്രമങ്ങളെ അവൻ അതിയാ​യി വിലമ​തി​ക്കു​ന്നു.

തന്റെ ആരാധ​ക​രു​ടെ കാര്യ​ത്തിൽ അതീവ ശ്രദ്ധയു​ള്ള​വ​നാണ്‌ യഹോവ എന്ന്‌ 139-ാം സങ്കീർത്തനം നമ്മെ പഠിപ്പി​ക്കു​ന്നു. അനുദിന ജീവി​ത​ത്തി​ലു​ട​നീ​ളം അവൻ അവരെ ശോധന ചെയ്യു​ക​യും കാത്തു​സം​ര​ക്ഷി​ക്കു​ക​യും ചെയ്യുന്നു. അതു​കൊ​ണ്ടു​തന്നെ, അവർ നേരി​ടുന്ന പ്രശ്‌നങ്ങൾ എന്തൊ​ക്കെ​യാ​ണെ​ന്നും അതുമൂ​ലം അവർക്കു​ണ്ടാ​കുന്ന ഹൃദയ​വേ​ദ​ന​ക​ളും അവന്‌ അറിയാം. അത്രമേൽ കരുത​ലുള്ള ഒരു ദൈവത്തെ ആരാധി​ക്കാൻ നിങ്ങൾക്കു തോന്നു​ന്നി​ല്ലേ? അതാണ്‌ നിങ്ങളു​ടെ തീരു​മാ​ന​മെ​ങ്കിൽ ഇക്കാര്യ​ത്തിൽ ഉറപ്പു​ണ്ടാ​യി​രി​ക്കുക: ‘നിങ്ങൾ ചെയ്യുന്ന സേവന​വും’ യഹോ​വ​യു​ടെ ‘നാമ​ത്തോ​ടു നിങ്ങൾ കാണി​ക്കുന്ന സ്‌നേ​ഹ​വും’ അവൻ ഒരിക്ക​ലും മറന്നു​ക​ള​യില്ല!—എബ്രായർ 6:10. (w11-E 09/01)