ലൈം​ഗി​ക​ത​യെ​ക്കു​റി​ച്ചുള്ള പത്തു​ചോ​ദ്യ​ങ്ങ​ളും ഉത്തരങ്ങ​ളും

1 ഏദെനി​ലെ ആദ്യപാ​പം ലൈം​ഗി​ക​ത​യാ​യി​രു​ന്നോ?

▪ ഉത്തരം: ഏദെനി​ലെ വിലക്ക​പ്പെട്ട കനി ലൈം​ഗി​ക​ത​യാ​ണെന്നു വിശ്വ​സി​ക്കുന്ന അനേക​രുണ്ട്‌. എന്നാൽ, ബൈബിൾ അങ്ങനെ പഠിപ്പി​ക്കു​ന്നില്ല.

ഒന്നു ചിന്തിച്ചു നോക്കൂ: ഹവ്വായെ സൃഷ്ടി​ക്കു​ന്ന​തി​നു​മു​മ്പു​തന്നെ, “നന്മതി​ന്മ​ക​ളെ​ക്കു​റി​ച്ചുള്ള അറിവി​ന്റെ വൃക്ഷത്തിൻ ഫലം” തിന്നരു​തെന്ന്‌ ദൈവം ആദാമി​നോട്‌ കൽപ്പി​ച്ചി​ട്ടു​ണ്ടാ​യി​രു​ന്നു. (ഉല്‌പത്തി 2:15-18) ആ സമയത്ത്‌ ആദാം ഏകനാ​യി​രു​ന്ന​തി​നാൽ ഈ വിലക്ക്‌ ലൈം​ഗി​ക​ത​യു​മാ​യി ബന്ധപ്പെ​ട്ട​ത​ല്ലാ​യി​രു​ന്നു എന്നു വ്യക്തം. മാത്രമല്ല, ‘സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറയാൻ’ ദൈവം ആദാമി​നോ​ടും ഹവ്വാ​യോ​ടും കൽപ്പി​ച്ചി​രു​ന്നു. (ഉല്‌പത്തി 1:28) ആ കൽപ്പന അനുസ​രി​ക്ക​ണ​മെ​ങ്കിൽ ലൈം​ഗി​ക​ബന്ധം അനിവാ​ര്യ​മാ​യി​രു​ന്നു. അങ്ങനെ​യാ​ണെ​ന്നി​രി​ക്കെ, സ്‌നേ​ഹ​വാ​നായ ഒരു ദൈവം ആ കാരണ​ത്തി​ന്റെ പേരിൽ ആദാമി​നും ഹവ്വായ്‌ക്കും മരണശിക്ഷ വിധി​ക്കു​മോ?—1 യോഹ​ന്നാൻ 4:8.

മാത്രമല്ല, ഹവ്വാ ‘ഫലം പറിച്ചു തിന്ന​പ്പോൾ’ ആദാം കൂടെ​യി​ല്ലാ​യി​രു​ന്നെന്ന്‌ ബൈബി​ളി​ന്റെ മൂലപാ​ഠം വ്യക്തമാ​ക്കു​ന്നു. പിന്നീ​ടാണ്‌, അവൾ അത്‌ ‘ഭർത്താ​വി​നു കൊടു​ക്കു​ന്ന​തും അവൻ തിന്നു​ന്ന​തും.’—ഉല്‌പത്തി 3:6.

കാലാ​ന്ത​ര​ത്തിൽ, ആദാമി​നും ഹവ്വായ്‌ക്കും കുട്ടികൾ ജനിച്ച​പ്പോ​ഴും ദൈവം അവരെ കുറ്റം വിധി​ച്ചില്ല എന്നതു ശ്രദ്ധേ​യ​മാണ്‌. (ഉല്‌പത്തി 4:1, 2) ഏദെനി​ലെ വിലക്ക​പ്പെട്ട കനി ലൈം​ഗി​ക​ത​യെയല്ല കുറി​ക്കു​ന്നത്‌ എന്നല്ലേ ഈ തെളി​വു​ക​ളെ​ല്ലാം സൂചി​പ്പി​ക്കു​ന്നത്‌? അത്‌ ഏദെൻതോ​ട്ട​ത്തിൽ ഉണ്ടായി​രുന്ന ഒരു വൃക്ഷത്തി​ന്റെ ഫലംത​ന്നെ​യാ​യി​രു​ന്നു.

2 ലൈം​ഗിക ആസ്വാ​ദ​നത്തെ ബൈബിൾ കുറ്റം​വി​ധി​ക്കു​ന്നു​ണ്ടോ?

▪ ഉത്തരം: ദൈവ​മാണ്‌ മനുഷ്യ​രെ “ആണും പെണ്ണു​മാ​യി” സൃഷ്ടി​ച്ച​തെന്ന്‌ ബൈബി​ളി​ന്റെ ആദ്യപു​സ്‌തകം പറയുന്നു. താൻ സൃഷ്ടി​ച്ച​വ​യെ​ല്ലാം “എത്രയും നല്ലത്‌” എന്ന്‌ ദൈവം അഭി​പ്രാ​യ​പ്പെ​ടു​ന്ന​താ​യി തിരു​വെ​ഴു​ത്തു​ക​ളിൽ കാണാം. (ഉല്‌പത്തി 1:27, 31) പിന്നീട്‌, ഒരു ബൈബി​ളെ​ഴു​ത്തു​കാ​ര​നി​ലൂ​ടെ ദൈവം ഭർത്താ​ക്ക​ന്മാർക്കാ​യി പിൻവ​രുന്ന ഭാഗം രേഖ​പ്പെ​ടു​ത്തി​വെച്ചു: “നിന്റെ യൌവ​ന​ത്തി​ലെ ഭാര്യ​യിൽ സന്തോ​ഷി​ച്ചു​കൊൾക . . . അവളുടെ സ്‌തനങ്ങൾ എല്ലാകാ​ല​ത്തും നിന്നെ രമിപ്പി​ക്കട്ടെ.” (സദൃശ​വാ​ക്യ​ങ്ങൾ 5:18, 19) ഇതു വായി​ച്ചിട്ട്‌, ബൈബിൾ ലൈം​ഗി​ക​തയെ കുറ്റം​വി​ധി​ക്കു​ന്നു എന്ന്‌ ആർക്ക്‌ പറയാൻ കഴിയും?

മനുഷ്യ​നു ലൈം​ഗിക പ്രാപ്‌തി കൊടു​ത്ത​പ്പോൾ പുനരു​ത്‌പാ​ദനം മാത്ര​മാ​യി​രു​ന്നില്ല ദൈവ​ത്തി​ന്റെ മനസ്സി​ലു​ണ്ടാ​യി​രു​ന്നത്‌. ഭാര്യാ​ഭർത്താ​ക്ക​ന്മാർക്ക്‌ പരസ്‌പ​ര​മുള്ള സ്‌നേ​ഹ​വും അടുപ്പ​വും പ്രകടി​പ്പി​ക്കു​ന്ന​തി​നുള്ള ഒരു ഉപാധി​കൂ​ടി​യാ​യി​രു​ന്നു അത്‌; ആ വിധത്തി​ലാണ്‌ അവൻ ലൈം​ഗി​കാ​വ​യ​വങ്ങൾ സൃഷ്ടി​ച്ച​തും. ദമ്പതികൾ ഇരുവ​രു​ടെ​യും ശാരീ​രി​ക​വും വൈകാ​രി​ക​വു​മായ ആവശ്യ​ങ്ങളെ തൃപ്‌തി​പ്പെ​ടു​ത്താൻ ഈ ബന്ധത്തി​നാ​കും.

3 നിയമ​പ​ര​മാ​യി വിവാ​ഹി​ത​രാ​കാത്ത ഒരു സ്‌ത്രീ​യും പുരു​ഷ​നും ഭാര്യാ​ഭർത്താ​ക്ക​ന്മാ​രെ​പ്പോ​ലെ ജീവി​ക്കു​ന്ന​തി​നെ ബൈബിൾ അംഗീ​ക​രി​ക്കു​ന്നു​ണ്ടോ?

▪ ഉത്തരം: ‘പരസം​ഗി​കളെ ദൈവം ന്യായം​വി​ധി​ക്കു​മെന്ന്‌’ ബൈബിൾ സ്‌പഷ്ട​മാ​യി പറയുന്നു. (എബ്രായർ 13:4) പോർണിയ എന്ന ഗ്രീക്ക്‌ പദമാണ്‌ ബൈബി​ളിൽ പരസംഗം എന്ന്‌ വിവർത്തനം ചെയ്‌തി​രി​ക്കു​ന്നത്‌. വളരെ അർഥവ്യാ​പ്‌തി​യുള്ള ഒരു പദമാണ്‌ ഇത്‌. ദാമ്പത്യ​ത്തി​നു പുറത്തുള്ള എല്ലാത്തരം ലൈം​ഗി​ക​ബ​ന്ധ​ങ്ങ​ളെ​യും ഇതു കുറി​ക്കു​ന്നു.a അതു​കൊണ്ട്‌, വിവാ​ഹി​ത​രാ​കാൻ തീരു​മാ​നി​ച്ചി​രി​ക്കുന്ന സ്‌ത്രീ​പു​രു​ഷ​ന്മാ​രാ​ണെ​ങ്കിൽപ്പോ​ലും, വിവാ​ഹ​ത്തി​നു​മുമ്പ്‌ ഒന്നിച്ചു ജീവി​ക്കു​ന്നത്‌ ദൈവ​ദൃ​ഷ്ടി​യിൽ തെറ്റാ​യി​രി​ക്കും.

എത്ര ഉറ്റു സ്‌നേ​ഹി​ക്കുന്ന സ്‌ത്രീ​പു​രു​ഷ​ന്മാ​രാ​ണെ​ങ്കി​ലും വിവാ​ഹി​ത​രാ​യ​തി​നു​ശേഷം മാത്രം ശാരീ​രിക ബന്ധത്തിൽ ഏർപ്പെ​ടാ​നാണ്‌ ദൈവം പ്രതീ​ക്ഷി​ക്കു​ന്നത്‌. സ്‌നേ​ഹി​ക്കാ​നുള്ള പ്രാപ്‌തി മനുഷ്യ​നു നൽകി​യത്‌ ദൈവ​മാണ്‌. വാസ്‌ത​വ​ത്തിൽ, ദൈവ​ത്തി​ന്റെ പ്രമുഖ ഗുണമാണ്‌ സ്‌നേഹം. അതു​കൊണ്ട്‌, വിവാ​ഹിത ഇണകൾ തമ്മിൽ മാത്രമേ ലൈം​ഗി​ക​ബന്ധം പാടുള്ളൂ എന്ന്‌ ദൈവം നിഷ്‌കർഷി​ക്കു​ന്നത്‌ നല്ല കാരണ​ത്തോ​ടെ​യാണ്‌.

4 ദൈവം ബഹുഭാ​ര്യ​ത്വം അംഗീ​ക​രി​ക്കു​ന്നു​ണ്ടോ?

▪ ഉത്തരം: ചില കാലഘ​ട്ട​ങ്ങ​ളിൽ ബഹുഭാ​ര്യ​ത്വം ദൈവം അനുവ​ദി​ച്ചി​രു​ന്നു എന്നതു ശരിതന്നെ. (ഉല്‌പത്തി 4:19; 16:1-4; 29:18–30:24) എന്നാൽ ഇത്‌ ഏർപ്പെ​ടു​ത്തി​യത്‌ ദൈവമല്ല. ആദാമിന്‌ അവൻ ഒരു ഭാര്യയെ മാത്രമേ നൽകി​യു​ള്ളൂ എന്നോർക്കുക.

ഒരു പുരു​ഷന്‌ ഒരു ഭാര്യ എന്ന തന്റെ നിലവാ​രം പുനഃ​സ്ഥാ​പി​ക്കാൻ ദൈവം യേശു​ക്രി​സ്‌തു​വി​നെ നിയോ​ഗി​ച്ചു. (യോഹ​ന്നാൻ 8:28) ഒരു സന്ദർഭ​ത്തിൽ, വിവാ​ഹത്തെ സംബന്ധിച്ച ഒരു ചോദ്യ​ത്തിന്‌ യേശു നൽകിയ മറുപടി ഇതായി​രു​ന്നു: “ആദിയിൽ അവരെ സൃഷ്ടി​ച്ചവൻ ആണും പെണ്ണു​മാ​യി അവരെ സൃഷ്ടിച്ചു . . . ‘ഇക്കാര​ണ​ത്താൽ ഒരു പുരുഷൻ തന്റെ അപ്പനെ​യും അമ്മയെ​യും വിട്ട്‌ ഭാര്യ​യോ​ടു പറ്റി​ച്ചേ​രും; അവർ ഇരുവ​രും ഏകശരീ​ര​മാ​യി​ത്തീ​രും.’”—മത്തായി 19:4, 5.

പിന്നീട്‌, യേശു​വി​ന്റെ ഒരു ശിഷ്യൻ ദൈവ​നി​ശ്വ​സ്‌ത​ത​യിൽ ഇങ്ങനെ എഴുതി: “ഓരോ പുരു​ഷ​നും സ്വന്തമാ​യി ഭാര്യ​യും ഓരോ സ്‌ത്രീ​ക്കും സ്വന്തമാ​യി ഭർത്താ​വും ഉണ്ടായി​രി​ക്കട്ടെ.” (1 കൊരി​ന്ത്യർ 7:2) ക്രിസ്‌തീയ സഭയിൽ ഉത്തരവാ​ദി​ത്വ​ങ്ങൾ വഹിക്കുന്ന വിവാ​ഹി​ത​നായ ഒരു പുരുഷൻ ‘ഏകഭാ​ര്യ​യു​ടെ ഭർത്താ​വാ​യി​രി​ക്കണം’ എന്നും ബൈബിൾ നിഷ്‌കർഷി​ക്കു​ന്നുണ്ട്‌.—1 തിമൊ​ഥെ​യൊസ്‌ 3:2, 12.

5 വിവാ​ഹി​തർ ഗർഭനി​രോ​ധന മാർഗങ്ങൾ ഉപയോ​ഗി​ക്കു​ന്നത്‌ തെറ്റാ​ണോ?

▪ ഉത്തരം: കുട്ടി​കളെ ജനിപ്പി​ക്ക​ണ​മെന്ന ഒരു കൽപ്പന​യോ നിർദേ​ശ​മോ യേശു തന്റെ അനുഗാ​മി​കൾക്ക്‌ നൽകി​യില്ല. യേശു​വി​ന്റെ ശിഷ്യ​ന്മാ​രിൽ ആരും അത്തരത്തി​ലൊ​രു നിർദേശം മുന്നോ​ട്ടു​വെ​ച്ചില്ല. ഇനി, തിരു​വെ​ഴു​ത്തു​ക​ളിൽ ഒരിട​ത്തും ജനനനി​യ​ന്ത്ര​ണത്തെ കുറ്റം​വി​ധി​ക്കു​ന്നു​മില്ല.

അതു​കൊണ്ട്‌ കുട്ടികൾ വേണോ, എത്ര കുട്ടികൾ വേണം, എപ്പോൾ വേണം എന്നൊക്കെ തീരു​മാ​നി​ക്കേ​ണ്ടത്‌ ഓരോ ദമ്പതി​ക​ളു​മാണ്‌. ഗർഭച്ഛി​ദ്രം ഉൾപ്പെ​ട്ടി​ട്ടി​ല്ലാത്ത ഏതെങ്കി​ലു​മൊ​രു ഗർഭനി​രോ​ധന മാർഗം ഉപയോ​ഗി​ക്കാൻ ദമ്പതികൾ തീരു​മാ​നി​ക്കു​ന്നെ​ങ്കിൽ ആരും അവരെ കുറ്റം​വി​ധി​ക്ക​രുത്‌. (റോമർ 14:4, 10-13) അത്‌ അവരുടെ വ്യക്തി​പ​ര​മായ കാര്യ​മാണ്‌; അതിന്റെ ഉത്തരവാ​ദി​ത്വ​വും അവർക്കു​തന്നെ.b

6 ഗർഭച്ഛി​ദ്രം നടത്തു​ന്നത്‌ തെറ്റാ​ണോ?

▪ ഉത്തരം: ജീവൻ ദൈവ​ദൃ​ഷ്ടി​യിൽ വളരെ വില​പ്പെ​ട്ട​താണ്‌; വളർച്ച​യെ​ത്തിയ ഒരു മനുഷ്യ​ന്റെ ജീവൻപോ​ലെ​തന്നെ പ്രധാ​ന​മാണ്‌ ഒരു ഭ്രൂണ​ത്തി​ന്റെ ജീവനും. (സങ്കീർത്തനം 139:16) ദൈവം നൽകിയ ന്യായ​പ്ര​മാ​ണ​ത്തി​ലെ ഒരു നിയമം ശ്രദ്ധി​ക്കുക: “മനുഷ്യർ തമ്മിൽ ശണ്‌ഠ​കൂ​ടി​യിട്ട്‌ അവർ ഗർഭി​ണി​യായ ഒരു സ്‌ത്രീ​യെ . . . പരി​ക്കേൽപ്പി​ച്ചാൽ, . . . മാരക​മായ ഒരു അപകടം സംഭവി​ക്കു​ന്നു​വെ​ങ്കിൽ നിങ്ങൾ ദേഹിക്കു (ജീവനു) പകരം ദേഹിയെ (ജീവൻ) കൊടു​ക്കേണം.” (പുറപ്പാ​ടു 21:22, 23, NW) അജാത​ശി​ശു​വി​ന്റെ ജീവൻ നശിപ്പി​ക്കു​ന്ന​തി​നെ കൊല​പാ​ത​ക​മാ​യാണ്‌ ദൈവം കാണു​ന്ന​തെന്നു സാരം.—പുറപ്പാ​ടു 20:13.

പ്രസവ​സ​മ​യത്ത്‌ ഒരു അടിയ​ന്തിര സാഹച​ര്യം ഉണ്ടാകു​ക​യും, ഒന്നുകിൽ അമ്മയെ അല്ലെങ്കിൽ കുഞ്ഞിനെ മാത്രമേ രക്ഷിക്കാ​നാ​കൂ എന്നൊരു അവസ്ഥ സംജാ​ത​മാ​കു​ക​യും ചെയ്യു​ന്നെ​ങ്കി​ലോ? ആ സാഹച​ര്യ​ത്തിൽ, ഏതു ജീവൻ രക്ഷിക്ക​ണ​മെന്ന്‌ തീരു​മാ​നി​ക്കേ​ണ്ടത്‌ ദമ്പതി​ക​ളാണ്‌.c

7 ബൈബിൾ വിവാ​ഹ​മോ​ചനം അനുവ​ദി​ക്കു​ന്നു​ണ്ടോ?

▪ ഉത്തരം: ബൈബിൾ വിവാ​ഹ​മോ​ചനം അനുവ​ദി​ക്കു​ന്നുണ്ട്‌. എന്നാൽ, അതിനുള്ള ന്യായ​മായ ഒരേ​യൊ​രു കാരണ​ത്തെ​ക്കു​റിച്ച്‌ യേശു ഇങ്ങനെ പറഞ്ഞു: “പരസംഗം (വിവാ​ഹ​ത്തി​നു പുറത്തുള്ള ലൈം​ഗി​ക​ബന്ധം) എന്ന കാരണ​ത്താ​ല​ല്ലാ​തെ ഭാര്യയെ ഉപേക്ഷിച്ച്‌ മറ്റൊ​രു​വളെ വിവാഹം ചെയ്യു​ന്നവൻ വ്യഭി​ചാ​രം ചെയ്യുന്നു.”—മത്തായി 19:9.

ചതിയും ഉപായ​വും പ്രയോ​ഗി​ച്ചു നടത്തുന്ന വിവാ​ഹ​മോ​ചനം ദൈവ​ത്തിന്‌ വെറു​പ്പാണ്‌. നിസ്സാര കാരണ​ങ്ങ​ളെ​പ്രതി ജീവി​ത​പ​ങ്കാ​ളി​യെ ഉപേക്ഷി​ക്കു​ന്ന​വ​രോട്‌ ദൈവം കണക്കു​ചോ​ദി​ക്കും, പ്രത്യേ​കിച്ച്‌ മറ്റൊരു വിവാഹം കഴിക്കു​ക​യെന്ന ലക്ഷ്യത്തിൽ അങ്ങനെ ചെയ്യു​മ്പോൾ.—മലാഖി 2:13-16; മർക്കോസ്‌ 10:9.

8 ദൈവം സ്വവർഗ​രതി അംഗീ​ക​രി​ക്കു​ന്നു​ണ്ടോ?

▪ ഉത്തരം: ബൈബിൾ പരസം​ഗത്തെ കുറ്റം​വി​ധി​ക്കു​ന്നു എന്നു നാം കണ്ടല്ലോ. അതിൽ സ്വവർഗ​ര​തി​യും ഉൾപ്പെ​ടു​ന്നുണ്ട്‌. (റോമർ 1:26, 27; ഗലാത്യർ 5:19-21) അത്തരത്തി​ലുള്ള ഒരു ജീവി​ത​ഗതി ദൈവം വെറു​ക്കു​ന്നു എന്നതിൽ രണ്ടുപ​ക്ഷ​മില്ല. അതേസ​മയം, “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തിന്‌ അവനെ നൽകു​വാൻ തക്കവണ്ണം ദൈവം ലോകത്തെ അത്രമേൽ സ്‌നേ​ഹി​ച്ചു” എന്ന്‌ ബൈബിൾ നമ്മോടു പറയുന്നു.—യോഹ​ന്നാൻ 3:16.

യഥാർഥ ക്രിസ്‌ത്യാ​നി​കൾ സ്വവർഗ​രതി അംഗീ​ക​രി​ക്കു​ന്നില്ല എന്നതു ശരിതന്നെ. എങ്കിലും, എല്ലാത്തരം ആളുക​ളോ​ടും അവർ പരിഗണന കാണി​ക്കു​ന്നു. (മത്തായി 7:12) ‘സകലതരം മനുഷ്യ​രെ​യും ബഹുമാ​നി​ക്കാ​നാണ്‌’ ദൈവം നമ്മോട്‌ ആവശ്യ​പ്പെ​ടു​ന്നത്‌. അതു​കൊണ്ട്‌, സത്യ​ക്രി​സ്‌ത്യാ​നി​കൾ സ്വവർഗ​ര​തി​ക്കാ​രെ വെറു​ക്കു​ന്നില്ല.—1 പത്രോസ്‌ 2:17.

9 ഫോൺ സെക്‌സ്‌, സെക്‌സ്റ്റിങ്‌, സൈബർ സെക്‌സ്‌ എന്നിവ​യിൽ എന്തെങ്കി​ലും തെറ്റു​ണ്ടോ?

▪ ഉത്തരം: ഫോണി​ലൂ​ടെ കാമോ​ദ്ദീ​പ​ക​മായ കാര്യങ്ങൾ പറയു​ക​യോ കേൾക്കു​ക​യോ ചെയ്യു​ന്ന​താണ്‌ ഫോൺ സെക്‌സിൽ ഉൾപ്പെ​ടു​ന്നത്‌. അശ്ലീല​ചി​ത്ര​ങ്ങ​ളും സന്ദേശ​ങ്ങ​ളും മറ്റുള്ള​വർക്ക്‌ മൊ​ബൈൽ ഫോണി​ലൂ​ടെ അയച്ചു​കൊ​ടു​ക്കു​ന്ന​താണ്‌ സെക്‌സ്റ്റിങ്‌. ഇന്റർനെറ്റ്‌ ചാറ്റ്‌റൂ​മു​ക​ളി​ലെ അശ്ലീല​സം​ഭാ​ഷ​ണ​ങ്ങ​ളാണ്‌ സൈബർ സെക്‌സിൽ ഉൾപ്പെ​ടു​ന്നത്‌.

മേൽപ്പ​റ​ഞ്ഞ​വ​യൊ​ന്നും ബൈബി​ളിൽ പേരെ​ടു​ത്തു പറഞ്ഞി​ട്ടില്ല എന്നതു ശരിയാണ്‌. എന്നാൽ ബൈബിൾ ഇങ്ങനെ പറയു​ന്നുണ്ട്‌: “പരസം​ഗ​ത്തെ​യോ ഏതെങ്കി​ലും അശുദ്ധി​യെ​യോ അത്യാ​ഗ്ര​ഹ​ത്തെ​യോ കുറി​ച്ചുള്ള സംസാ​രം​പോ​ലും നിങ്ങളു​ടെ ഇടയിൽ ഉണ്ടാക​രുത്‌; അവ ദൈവ​ദാ​സ​ന്മാർക്കു യോജി​ച്ചതല്ല. അധമവൃ​ത്തി​കൾ, മൗഢ്യ​ഭാ​ഷണം, അശ്ലീല​ഫ​ലി​തം ഇങ്ങനെ അയോ​ഗ്യ​മായ യാതൊ​ന്നും അരുത്‌.” (എഫെസ്യർ 5:3, 4) ഫോൺ സെക്‌സ്‌, സെക്‌സ്റ്റിങ്‌, സൈബർ സെക്‌സ്‌ എന്നിവ ലൈം​ഗി​ക​ത​യെ​ക്കു​റിച്ച്‌ വികല​മായ ഒരു വീക്ഷണം നൽകു​മെന്നു മാത്രമല്ല ദാമ്പത്യ​ത്തി​നു പുറത്ത്‌ ലൈം​ഗി​കത പരീക്ഷി​ക്കാ​നുള്ള പ്രചോ​ദനം പകരു​ക​യും ചെയ്യും. ലൈം​ഗിക മോഹ​ങ്ങളെ നിയ​ന്ത്രി​ക്കാൻ സഹായി​ക്കു​ന്ന​തി​നു​പ​കരം എങ്ങനെ​യും ലൈം​ഗിക സംതൃ​പ്‌തി കണ്ടെത്താ​നാണ്‌ ഇത്‌ ആളുകളെ പ്രോ​ത്സാ​ഹി​പ്പി​ക്കു​ന്നത്‌.

10 സ്വയം​ഭോ​ഗം സംബന്ധിച്ച ബൈബി​ളി​ന്റെ വീക്ഷണം എന്താണ്‌?

▪ ഉത്തരം: ലൈം​ഗിക അവയവ​ങ്ങളെ സ്വയം ഉത്തേജി​പ്പിച്ച്‌ രതിമൂർച്ഛ​യി​ലെ​ത്തി​ക്കുന്ന പ്രവൃ​ത്തി​യാണ്‌ സ്വയം​ഭോ​ഗം അഥവാ ഹസ്‌ത​മൈ​ഥു​നം. ഈ ദുശ്ശീ​ലത്തെ ബൈബിൾ പേരെ​ടു​ത്തു പറയു​ന്നി​ല്ലെ​ങ്കി​ലും ദൈവ​വ​ചനം ക്രിസ്‌ത്യാ​നി​കൾക്ക്‌ ഈ മുന്നറി​യിപ്പ്‌ നൽകുന്നു: “പരസംഗം, അശുദ്ധി, ഭോഗ​തൃഷ്‌ണ . . . എന്നിവ സംബന്ധ​മാ​യി നിങ്ങളു​ടെ ഭൗമി​കാ​വ​യ​വ​ങ്ങളെ നിഗ്ര​ഹി​ക്കു​വിൻ.”—കൊ​ലോ​സ്യർ 3:5.

ലൈം​ഗി​ക​ത​യെ​ക്കു​റിച്ച്‌ വികല​വും സ്വാർഥത നിറഞ്ഞ​തു​മായ ഒരു വീക്ഷണ​മാണ്‌ സ്വയം​ഭോ​ഗം ഒരുവ​നിൽ ഉൾനടു​ന്നത്‌. എന്നാൽ, ഈ ദുശ്ശീ​ല​ത്തി​ന്റെ പിടി​യിൽനി​ന്നു പുറത്തു​വ​രാൻ ആത്മാർഥ​മാ​യി ആഗ്രഹി​ക്കു​ന്ന​വർക്ക്‌ “അസാമാ​ന്യ​ശക്തി” നൽകി സഹായി​ക്കു​മെന്ന്‌ ബൈബി​ളി​ലൂ​ടെ ദൈവം ഉറപ്പു​ത​രു​ന്നു.—2 കൊരി​ന്ത്യർ 4:7; ഫിലി​പ്പി​യർ 4:13. (w11-E 11/01)

[അടിക്കു​റി​പ്പു​കൾ]