പ്രകൃ​തി​വി​പ​ത്തു​കൾ എന്തു​കൊണ്ട്‌ ഇത്രയ​ധി​കം?

പ്രകൃ​തി​ദു​ര​ന്ത​ങ്ങ​ളെ​ക്കു​റി​ച്ചുള്ള വാർത്ത​ക​ളാണ്‌ ഇന്ന്‌ എവി​ടെ​യും. ഒന്നല്ലെ​ങ്കിൽ മറ്റൊരു വിധത്തിൽ വിപത്തു​കൾക്ക്‌ ഇരയാ​യി​ക്കൊ​ണ്ടി​രി​ക്കു​ന്ന​വ​രു​ടെ എണ്ണം മുൻകാ​ല​ങ്ങളെ അപേക്ഷിച്ച്‌ വർധി​ച്ചു​കൊ​ണ്ടി​രി​ക്കു​ന്നു. 2010-ൽമാത്രം 373 ദുരന്തങ്ങൾ, കുറഞ്ഞത്‌ 2,96,000-ത്തോളം പേരുടെ ജീവൻ അപഹരി​ച്ച​താ​യി വിപത്തു​ക​ളു​ടെ വ്യാപ​ന​ത്തെ​ക്കു​റി​ച്ചു ഗവേഷണം നടത്തുന്ന ബെൽജി​യ​ത്തി​ലെ സംഘടന റിപ്പോർട്ടു​ചെ​യ്യു​ന്നു.

റിപ്പോർട്ടു​ചെയ്‌ത വിപത്തു​ക​ളു​ടെ എണ്ണത്തി​ലും കഴിഞ്ഞ ഏതാനും ദശകങ്ങ​ളിൽ ശ്രദ്ധേ​യ​മാം​വി​ധം വർധന​വു​ണ്ടാ​യി​ട്ടുണ്ട്‌. ഉദാഹ​ര​ണ​ത്തിന്‌ 1975-നും 1999-നും ഇടയ്‌ക്കുള്ള കാലയ​ള​വിൽ 300-ൽ താഴെ വിപത്തു​ക​ളാണ്‌ ഓരോ വർഷവും റിപ്പോർട്ടു​ചെ​യ്‌തി​രു​ന്ന​തെ​ങ്കിൽ 2000-ത്തിനും 2010-നും ഇടയിൽ അത്‌ 400-ന്‌ അടു​ത്തെ​ത്തി​യി​രി​ക്കു​ന്നു. മറ്റു പലരെ​യും​പോ​ലെ ഒരുപക്ഷേ നിങ്ങളും ഇങ്ങനെ ചിന്തി​ച്ചേ​ക്കാം: ‘ഇപ്പോൾ ഇത്രയ​ധി​കം ദുരന്ത​ങ്ങ​ളു​ള്ളത്‌ എന്തു​കൊ​ണ്ടാണ്‌?’

ദുരന്ത​ങ്ങ​ളെ “ദൈവ​ത്തി​ന്റെ പ്രവൃ​ത്തി​കൾ” എന്ന്‌ ആളുകൾ മിക്ക​പ്പോ​ഴും വിശേ​ഷി​പ്പി​ക്കാ​റു​ണ്ടെ​ങ്കി​ലും യാഥാർഥ്യം അതല്ല. ഇന്ന്‌ അനേകാ​യി​രങ്ങൾ അനുഭ​വി​ക്കുന്ന ദുരന്ത​ങ്ങൾക്കു പിന്നിൽ ദൈവമല്ല. എന്നിരു​ന്നാ​ലും ഇത്തരം സംഭവങ്ങൾ നമ്മുടെ നാളു​ക​ളിൽ അരങ്ങേ​റു​മെന്ന്‌ ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. ഉദാഹ​ര​ണ​ത്തിന്‌ മത്തായി 24:7, 8-ൽ യേശു ഇങ്ങനെ പറയു​ക​യു​ണ്ടാ​യി: “ഒന്നിനു പുറകെ ഒന്നായി പല സ്ഥലങ്ങളിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടാകും. ഇവയൊ​ക്കെ​യും ഈറ്റു​നോ​വി​ന്റെ ആരംഭ​മ​ത്രേ.” ഇങ്ങനെ​യെ​ല്ലാം സംഭവി​ക്കു​മെന്ന്‌ യേശു മുൻകൂ​ട്ടി​പ്പ​റ​ഞ്ഞത്‌ എന്തു​കൊ​ണ്ടാണ്‌? ഇന്ന്‌ അതിന്‌ എന്തു പ്രസക്തി​യാ​ണു​ള്ളത്‌?

‘യുഗസ​മാ​പ്‌തി​യു​ടെ അടയാളം എന്തായി​രി​ക്കും?’ എന്ന ചോദ്യ​ത്തിന്‌ മറുപടി നൽകു​ക​യാ​യി​രു​ന്നു ദൈവ​പു​ത്ര​നായ യേശു. (മത്തായി 24:3) മേൽപ്പറഞ്ഞ വിപത്തു​കൾ ഉൾപ്പെടെ സംഭവി​ക്കാ​നി​രുന്ന അനവധി കാര്യ​ങ്ങ​ളെ​ക്കു​റിച്ച്‌ അവൻ തന്റെ ഉത്തരത്തിൽ എടുത്തു​പ​റ​യു​ക​യു​ണ്ടാ​യി. തുടർന്ന്‌ പ്രധാ​ന​പ്പെട്ട മറ്റൊരു കാര്യം യേശു ശ്രോ​താ​ക്ക​ളു​ടെ ശ്രദ്ധയിൽപ്പെ​ടു​ത്തി: “ഇവയെ​ല്ലാം സംഭവി​ക്കു​ന്നതു കാണു​മ്പോൾ ദൈവ​രാ​ജ്യം അടു​ത്തെ​ത്തി​യി​രി​ക്കു​ന്നെന്ന്‌ അറിഞ്ഞു​കൊ​ള്ളുക.” (ലൂക്കോസ്‌ 21:31) അതെ, പ്രകൃ​തി​വി​പ​ത്തു​കൾക്ക്‌ നമ്മെ സംബന്ധി​ച്ചി​ട​ത്തോ​ളം വലിയ അർഥമുണ്ട്‌. നിർണാ​യ​ക​മായ ചില സംഭവങ്ങൾ നടക്കാ​നി​രി​ക്കു​ന്ന​തി​ന്റെ സൂചന​യാണ്‌ അവ.

ദുരന്ത​ങ്ങൾക്കു പിന്നിൽ

ആളുക​ളു​ടെ മനസ്സിൽ ഒരു ചോദ്യം ഇപ്പോ​ഴും അവശേ​ഷി​ക്കു​ന്നു: ദുരന്ത​ങ്ങൾക്ക്‌ കാരണ​ക്കാ​രൻ ദൈവം അല്ലെങ്കിൽ പിന്നെ ആരാണ്‌? ഉത്തരം അറിയാ​നാ​യി ബൈബി​ളി​ലെ ഒരു സുപ്ര​ധാന സത്യം നാം മനസ്സി​ലാ​ക്കേ​ണ്ട​തുണ്ട്‌: “സർവ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) ദൈവമല്ല, മറിച്ച്‌ ദൈവ​ത്തി​ന്റെ ശത്രു​വായ ‘ദുഷ്ടൻ’ ആണ്‌ പലപ്പോ​ഴും ഈ ലോക​ത്തി​ലെ ക്ലേശക​ര​മായ അവസ്ഥകൾക്ക്‌ ഉത്തരവാ​ദി​യെന്ന്‌ ഈ വാക്യം വ്യക്തമാ​ക്കു​ന്നു. ബൈബിൾ അവനെ “പിശാച്‌” എന്ന്‌ വിളി​ക്കു​ന്നു.—വെളി​പാട്‌ 12:9, 12.

മനുഷ്യ​ജീ​വന്‌ യാതൊ​രു വിലയും കൽപ്പി​ക്കാ​തെ സ്വാർഥ​ത​യോ​ടെ പ്രവർത്തി​ക്കു​ക​യാണ്‌ ദൈവ​ത്തി​ന്റെ ഈ ശത്രു. ലോകം മുഴുവൻ അവന്റെ ചൊൽപ്പ​ടി​യി​ലാ​യ​തി​നാൽ മനുഷ്യർക്കും അതേ മനോ​ഭാ​വ​മാ​ണു​ള്ളത്‌. “അന്ത്യകാ​ലത്ത്‌” ആളുകൾ “സ്വസ്‌നേ​ഹി​ക​ളും ധനമോ​ഹി​ക​ളും വമ്പുപ​റ​യു​ന്ന​വ​രും ധാർഷ്ട്യ​ക്കാ​രും” ആയിരി​ക്കു​മെന്ന്‌ ബൈബി​ളും മുൻകൂ​ട്ടി​പ്പ​റ​ഞ്ഞി​രു​ന്നു. (2 തിമൊ​ഥെ​യൊസ്‌ 3:1, 2) ഇവയും മറ്റു ദുർഗു​ണ​ങ്ങ​ളും നിറഞ്ഞ ഒരു ആഗോ​ള​വ്യ​വ​സ്ഥി​തി സാത്താൻ പടുത്തു​യർത്തി​യി​രി​ക്കു​ന്ന​തിൽ തെല്ലും അതിശ​യി​ക്കാ​നില്ല. സ്വാർഥ​ത​യോ​ടെ​യും അത്യാ​ഗ്ര​ഹ​ത്തോ​ടെ​യും ചൂഷണം നടത്താൻ അവൻ ആളുകളെ പ്രേരി​പ്പി​ക്കു​ന്നു; അത്‌ മിക്ക​പ്പോ​ഴും ദുരി​ത​ങ്ങൾക്കി​ട​യാ​ക്കു​ന്നു.

അത്യാ​ഗ്ര​ഹം നിറഞ്ഞ ഇന്നത്തെ സാമൂ​ഹ്യ​വ്യ​വസ്ഥ എങ്ങനെ​യാണ്‌ ദുരന്ത​ങ്ങൾക്ക്‌ വഴി​വെ​ക്കു​ന്നത്‌? ഗോള​വ്യാ​പ​ക​മാ​യി സംഭവി​ക്കുന്ന ദുരന്ത​ങ്ങ​ളു​ടെ കാരണ​ത്തെ​ക്കു​റിച്ച്‌ ഐക്യ​രാ​ഷ്‌ട്ര​സം​ഘ​ട​ന​യു​ടെ ഒരു റിപ്പോർട്ട്‌ ഇങ്ങനെ​യാണ്‌: “പ്രളയം​പോ​ലുള്ള അപകട​സാ​ധ്യ​തകൾ കൂടു​ത​ലുള്ള സ്ഥലങ്ങളി​ലാണ്‌ അനേക​രും തിങ്ങി​പ്പാർക്കു​ന്നത്‌. കൂടാതെ, വനനശീ​ക​ര​ണ​വും ചതുപ്പു​നി​ലങ്ങൾ നികത്തു​ന്ന​തും കെടു​തി​കളെ ചെറു​ക്കാ​നുള്ള പരിസ്ഥി​തി​യു​ടെ പ്രാപ്‌തി നശിപ്പി​ക്കു​ന്നു. എന്നാൽ, ഇവയെ​ക്കാ​ളൊ​ക്കെ ഭീഷണി​യാ​കു​ന്നത്‌ അന്തരീ​ക്ഷ​ത്തിൽ ഹരിത​ഗൃ​ഹ​വാ​ത​ക​ങ്ങ​ളു​ടെ അളവ്‌ കൂടു​ന്ന​തു​മൂ​ലം സംഭവി​ക്കുന്ന കാലാ​വ​സ്ഥാ​വ്യ​തി​യാ​ന​വും സമു​ദ്ര​നി​രപ്പ്‌ ഉയരു​ന്ന​തും ആണ്‌. മനുഷ്യ​ക​ര​ങ്ങ​ളാണ്‌ ഇവയ്‌ക്കെ​ല്ലാം പിന്നിൽ.” മനുഷ്യ​ന്റെ ഈ ചെയ്‌തി​ക​ളെ​ല്ലാം സാമ്പത്തിക ഉന്നമന​ത്തി​നു​വേ​ണ്ടി​യാണ്‌ എന്നാണ്‌ പറയ​പ്പെ​ടു​ന്നത്‌. എന്നാൽ, ലോകത്തെ മുഴുവൻ വലയം ചെയ്‌തി​രി​ക്കുന്ന സ്വാർഥ​ത​യു​ടെ​യും അത്യാ​ഗ്ര​ഹ​ത്തി​ന്റെ​യും പ്രതി​ഫ​ല​ന​മാണ്‌ ഇവ.

ആലോ​ച​നാ​ശൂ​ന്യ​മാ​യി മനുഷ്യർ ചെയ്‌തു​കൂ​ട്ടുന്ന കാര്യ​ങ്ങ​ളാണ്‌ പലപ്പോ​ഴും ദുരന്ത​ങ്ങളെ ഏറെ വിനാ​ശ​കാ​രി​ക​ളാ​ക്കു​ന്ന​തെന്ന്‌ പല വിദഗ്‌ധ​രും ഇപ്പോൾ സമ്മതി​ക്കു​ന്നു. വാസ്‌ത​വ​ത്തിൽ, വിപത്തു​കൾക്ക്‌ ആക്കംകൂ​ട്ടുന്ന ഒരു വ്യവസ്ഥി​തി​യെ പിന്തു​ണ​ച്ചു​കൊണ്ട്‌ മനുഷ്യർ പിശാ​ചി​ന്റെ കരങ്ങളി​ലെ കളിപ്പാ​വ​ക​ളാ​യി മാറി​യി​രി​ക്കു​ക​യാണ്‌.

നാം മനസ്സി​ലാ​ക്കി​യ​ത​നു​സ​രിച്ച്‌ മനുഷ്യ​രു​ടെ വിവേ​ച​നാ​ശൂ​ന്യ​മായ പ്രവൃ​ത്തി​ക​ളാണ്‌ മിക്ക ദുരന്ത​ങ്ങൾക്കും തിരി​കൊ​ളു​ത്തു​ന്നത്‌. ചില ദുരന്തങ്ങൾ മറ്റു സ്ഥലങ്ങളി​ലാണ്‌ സംഭവി​ച്ചി​രു​ന്ന​തെ​ങ്കിൽ ഇത്ര ദാരു​ണ​മാ​യി​ത്തീ​രി​ല്ലാ​യി​രു​ന്നു. പല സ്ഥലങ്ങളി​ലും പ്രകൃ​തി​ദു​ര​ന്ത​ങ്ങളെ രൂക്ഷമാ​ക്കി​ത്തീർക്കു​ന്നത്‌ ദുഷ്ട മനുഷ്യ​രു​ടെ ഇടപെ​ട​ലു​ക​ളും സാമൂ​ഹിക-സാമ്പത്തിക അസമത്വ​ത്തി​ന്റെ ഫലമായി ആളുകൾക്ക്‌ അപകട​മേ​ഖ​ല​ക​ളിൽ തിങ്ങി​പ്പാർക്കേ​ണ്ടി​വ​ന്നി​രി​ക്കു​ന്ന​തും ആണ്‌. എന്നിരു​ന്നാ​ലും മനുഷ്യ​രു​ടെ പിഴവു​ക​ളോ അനാസ്ഥ​യോ മൂലമ​ല്ലാ​തെ​യും ചില ആളുകൾക്ക്‌ വിപത്തു​കൾ നേരി​ടേ​ണ്ടി​വ​രു​ന്നുണ്ട്‌. അവ “യാദൃ​ച്ഛി​ക​മാ​യി സംഭവി​ക്കു​ന്ന​താണ്‌.”—സഭാ​പ്ര​സം​ഗി 9:11, പി.ഒ.സി. ബൈബിൾ.

കാരണം എന്തുമാ​യി​ക്കൊ​ള്ളട്ടെ, നിങ്ങൾ ഇപ്പോൾ ഒരു പ്രകൃ​തി​ദു​ര​ന്ത​ത്തി​ന്റെ കെടു​തി​കൾ അനുഭ​വി​ക്കു​ക​യാ​ണോ? എങ്കിൽ അതുമാ​യി എങ്ങനെ പൊരു​ത്ത​പ്പെ​ടാം? ദുരന്ത​ങ്ങ​ളു​ടെ കാഠി​ന്യം കുറയ്‌ക്കാൻ സഹായി​ക്കുന്ന ചില കാര്യങ്ങൾ നമുക്കി​പ്പോൾ നോക്കാം. (w11-E 12/01)