ദൈവം നമ്മെ ശിക്ഷി​ക്കു​ക​യാ​ണോ?

ദൈവം ദുഷ്ടരെ ശിക്ഷി​ക്കു​ന്നത്‌ ദുരന്ത​ങ്ങ​ളി​ലൂ​ടെ​യാണ്‌ എന്ന ധാരണ ഇന്നും ഇന്നലെ​യും ഉണ്ടായതല്ല. 1755-ൽ പോർച്ചു​ഗ​ലി​ലെ ലിസ്‌ബ​ണി​ലു​ണ്ടായ ഭൂകമ്പ​ത്തി​ലും അഗ്നിബാ​ധ​യി​ലും സുനാ​മി​യി​ലും ആയി 60,000-ത്തോളം പേർക്ക്‌ ജീവൻ നഷ്ടമാ​യ​തി​നെ​ക്കു​റിച്ച്‌ പ്രസിദ്ധ തത്ത്വചി​ന്ത​ക​നായ വോൾട്ടയർ ഇങ്ങനെ ചോദി​ച്ചു: “സുഖ​ഭോ​ഗ​ങ്ങ​ളിൽ പുളെ​ച്ചു​മ​ദി​ച്ചി​രുന്ന പാരീ​സു​കാ​രെ​ക്കാൾ അസാന്മാർഗി​ക​ളാ​യി​രു​ന്നോ വീണു​പോയ ലിസ്‌ബൺ നഗരത്തി​ലു​ണ്ടാ​യി​രു​ന്നത്‌?” മനുഷ്യ​രെ ശിക്ഷി​ക്കാൻ ദൈവം പ്രകൃ​തി​ദു​ര​ന്ത​ങ്ങളെ ഉപയോ​ഗി​ക്കു​ക​യാ​ണോ എന്ന്‌ ദശലക്ഷ​ക്ക​ണ​ക്കിന്‌ ആളുകൾ സംശയി​ക്കു​ന്നു. ഇത്തരം ദുരന്ത​ങ്ങൾക്കു പിന്നിൽ ദൈവ​ത്തി​ന്റെ കരങ്ങളാണ്‌ എന്ന വിശ്വാ​സ​മാണ്‌ അനേക രാജ്യ​ങ്ങ​ളി​ലും നിലവി​ലു​ള്ളത്‌.

അങ്ങനെ​യെ​ങ്കിൽ ഉത്തരം ലഭിക്കേണ്ട ചില ചോദ്യ​ങ്ങ​ളുണ്ട്‌: മനുഷ്യ​രെ ശിക്ഷി​ക്കാൻ ദൈവം പ്രകൃ​തി​ദു​ര​ന്ത​ങ്ങളെ ഉപയോ​ഗി​ക്കു​ക​യാ​ണോ? ഒന്നിനു​പു​റകെ ഒന്നായി അടുത്ത​കാ​ലത്ത്‌ അരങ്ങേ​റി​യി​രി​ക്കുന്ന ദുരന്തങ്ങൾ ദൈവ​ത്തിൽനി​ന്നുള്ള ശിക്ഷയാ​ണോ?

ദുരന്ത​ങ്ങൾക്ക്‌ ഉത്തരവാ​ദി ദൈവ​മാ​ണെന്ന്‌ സമർഥി​ക്കാൻ ചിലർ ബൈബിൾ വിവര​ണ​ങ്ങളെ കൂട്ടു​പി​ടി​ക്കാ​റുണ്ട്‌. പ്രകൃ​തി​ശ​ക്തി​കളെ ഉപയോ​ഗി​ച്ചു​കൊണ്ട്‌ ദൈവം വരുത്തിയ നാശങ്ങ​ളെ​ക്കു​റി​ച്ചുള്ള ചില വിവര​ണ​ങ്ങ​ളാണ്‌ അവർ ചൂണ്ടി​ക്കാ​ണി​ക്കു​ന്നത്‌. (ഉല്‌പത്തി 7:17-22; 18:20; 19:24, 25; സംഖ്യാ​പു​സ്‌തകം 16:31-35) പക്ഷേ, ദൈവം വരുത്തിയ ഇത്തരം നാശങ്ങ​ളിൽനിന്ന്‌ തികച്ചും വ്യത്യ​സ്‌ത​മാണ്‌ പ്രകൃ​തി​ദു​ര​ന്തങ്ങൾ എന്നു തെളി​യി​ക്കുന്ന മൂന്ന്‌ പ്രധാന വസ്‌തു​തകൾ ഈ ഓരോ ബൈബിൾ വിവര​ണ​ങ്ങ​ളും വ്യക്തമാ​ക്കു​ന്നു. ഒന്ന്‌, ദൈവം വരുത്തിയ നാശങ്ങൾക്കു മുമ്പ്‌ മുന്നറി​യി​പ്പു​കൾ നൽക​പ്പെട്ടു. രണ്ട്‌, പ്രകൃ​തി​വി​പ​ത്തു​ക​ളിൽ നല്ലവരും ദുഷ്ടരും ഒരു​പോ​ലെ നശിക്കു​ന്നു. എന്നാൽ, മാറ്റം​വ​രു​ത്താൻ കൂട്ടാ​ക്കാത്ത ദുഷ്ട​രെ​യും മുന്നറി​യി​പ്പു​കൾ അവഗണി​ച്ച​വ​രെ​യും മാത്ര​മാണ്‌ ദൈവം നശിപ്പി​ച്ചത്‌. മൂന്ന്‌, നിരപ​രാ​ധി​കൾക്ക്‌ രക്ഷപെ​ടാ​നുള്ള മാർഗം ദൈവം ഒരുക്കി​ക്കൊ​ടു​ത്തു.—ഉല്‌പത്തി 7:1, 23; 19:15-17; സംഖ്യാ​പു​സ്‌തകം 16:23-27.

അനേക ലക്ഷങ്ങളെ ദുരി​ത​ത്തി​ലാ​ഴ്‌ത്തി​യി​രി​ക്കുന്ന, എണ്ണിയാ​ലൊ​ടു​ങ്ങാത്ത ദുരന്ത​ങ്ങൾക്കൊ​ന്നും പിന്നിൽ ദൈവ​മാണ്‌ എന്നതിന്‌ യാതൊ​രു തെളി​വു​മില്ല. എങ്കിൽപ്പി​ന്നെ ഇത്രയ​ധി​കം ദുരന്തങ്ങൾ എന്തു​കൊ​ണ്ടാണ്‌? അവയെ എങ്ങനെ നേരി​ടാം? ദുരന്ത​ങ്ങളെ ഭയക്കേ​ണ്ട​തി​ല്ലാത്ത ഒരു കാലം വരുമോ? ഇവയ്‌ക്കുള്ള ഉത്തരങ്ങ​ളാണ്‌ അടുത്ത ലേഖന​ങ്ങ​ളിൽ. (w11-E 12/01)