നിങ്ങൾക്ക്‌ ദൈവ​ത്തോട്‌ നീരസം തോന്നു​ന്നു​ണ്ടോ?

“എന്തു​കൊ​ണ്ടാണ്‌ എനിക്ക്‌ ഇങ്ങനെ സംഭവി​ച്ചത്‌? ദൈവം ഇത്‌ അനുവ​ദി​ച്ചത്‌ എന്തു​കൊണ്ട്‌?” ബ്രസീ​ലിൽനി​ന്നുള്ള 24-കാരനായ സിഡ്‌നി​യെ വലച്ച ചോദ്യ​ങ്ങ​ളാണ്‌ ഇവ. ഒരു കളിയിൽ ഏർപ്പെ​ട്ട​പ്പോൾ സംഭവിച്ച അപകട​ത്തി​ലൂ​ടെ ആജീവ​നാ​ന്തം വീൽച്ചെ​യ​റിൽ കഴി​യേ​ണ്ടി​വന്ന ഒരു വ്യക്തി​യാണ്‌ അദ്ദേഹം.

അപകടം, രോഗം, പ്രിയ​പ്പെ​ട്ട​വ​രു​ടെ മരണം, പ്രകൃ​തി​വി​പത്ത്‌, യുദ്ധം തുടങ്ങി​യ​വ​മൂ​ലം കഷ്ടപ്പാ​ടു​കൾ ഉണ്ടാകു​മ്പോൾ ഒരു വ്യക്തിക്ക്‌ ദൈവ​ത്തോട്‌ എളുപ്പ​ത്തിൽ നീരസം തോന്നി​യേ​ക്കാം. ഇങ്ങനെ തോന്നു​ന്നത്‌ അത്ര പുതിയ കാര്യ​മൊ​ന്നു​മല്ല. പൂർവ​പി​താ​വായ ഇയ്യോ​ബിന്‌ ഒന്നിനു​പു​റകെ ഒന്നായി ദുരി​തങ്ങൾ നേരിട്ടു. “ഞാൻ നിന്നോ​ടു നിലവി​ളി​ക്കു​ന്നു; നീ ഉത്തരം അരുളു​ന്നില്ല; ഞാൻ എഴു​ന്നേ​റ്റു​നി​ല്‌ക്കു​ന്നു; നീ എന്നെ തുറി​ച്ചു​നോ​ക്കു​ന്ന​തേ​യു​ള്ളൂ. നീ എന്റെ നേരെ ക്രൂര​നാ​യി​ത്തീർന്നി​രി​ക്കു​ന്നു; നിന്റെ കൈയു​ടെ ശക്തിയാൽ നീ എന്നെ പീഡി​പ്പി​ക്കു​ന്നു” എന്നു പറഞ്ഞു​കൊണ്ട്‌ കാര്യ​മ​റി​യാ​തെ അവൻ ദൈവത്തെ കുറ്റ​പ്പെ​ടു​ത്തി.—ഇയ്യോബ്‌ 30:20, 21.

തനിക്ക്‌ നേരി​ടുന്ന ദുരി​ത​ങ്ങ​ളു​ടെ ഉത്തരവാ​ദി ആരാ​ണെ​ന്നോ അത്‌ സംഭവി​ച്ചത്‌ എന്തു​കൊ​ണ്ടാ​ണെ​ന്നോ അത്‌ അനുവ​ദി​ച്ച​തി​ന്റെ കാരണം എന്താ​ണെ​ന്നോ ഇയ്യോ​ബിന്‌ അറിയി​ല്ലാ​യി​രു​ന്നു. സന്തോ​ഷ​ക​ര​മെന്നു പറയട്ടെ, ഇത്തരം കാര്യങ്ങൾ എന്തു​കൊ​ണ്ടാണ്‌ സംഭവി​ക്കു​ന്ന​തെ​ന്നും അതി​നോട്‌ എങ്ങനെ പ്രതി​ക​രി​ക്ക​ണ​മെ​ന്നും ബൈബിൾ നമുക്ക്‌ കാണി​ച്ചു​ത​രു​ന്നു.

ആളുകൾ ദുരിതം അനുഭ​വി​ക്ക​ണ​മെ​ന്നു​ള്ളത്‌ ദൈവ​ത്തി​ന്റെ ഉദ്ദേശ്യ​മാ​യി​രു​ന്നോ?

ദൈവ​ത്തെ​ക്കു​റിച്ച്‌ ബൈബിൾ ഇങ്ങനെ പറയുന്നു: “അവന്റെ പ്രവൃത്തി അത്യു​ത്തമം. അവന്റെ വഴികൾ ഒക്കെയും ന്യായം; അവൻ വിശ്വ​സ്‌ത​ത​യുള്ള ദൈവം, വ്യാജ​മി​ല്ലാ​ത്തവൻ; നീതി​യും നേരു​മു​ള്ളവൻ തന്നേ.” (ആവർത്ത​ന​പു​സ്‌തകം 32:4) അങ്ങനെ​യെ​ങ്കിൽ, “നീതി​യും നേരു​മുള്ള” ദൈവം മനുഷ്യ​വർഗം കഷ്ടപ്പെ​ട​ണ​മെന്ന്‌ ഉദ്ദേശി​ക്കു​ക​യോ, ശിക്ഷി​ക്കു​ന്ന​തി​നോ നന്നാക്കു​ന്ന​തി​നോ വേണ്ടി ദുരി​ത​ങ്ങ​ളി​ലൂ​ടെ കടത്തി​വി​ടു​ക​യോ ചെയ്യു​മെന്ന്‌ ചിന്തി​ക്കാൻ സാധി​ക്കു​മോ?

ഒരിക്ക​ലു​മി​ല്ല, ബൈബിൾ ഇങ്ങനെ പറയുന്നു: ‘പരീക്ഷ നേരി​ടു​മ്പോൾ, “ദൈവം എന്നെ പരീക്ഷി​ക്കു​ക​യാ​കു​ന്നു” എന്ന്‌ ആരും പറയാ​തി​രി​ക്കട്ടെ. ദോഷ​ങ്ങ​ളാൽ ദൈവത്തെ ആർക്കും പരീക്ഷി​ക്കുക സാധ്യമല്ല; ദൈവ​വും ആരെയും പരീക്ഷി​ക്കു​ന്നില്ല.’ (യാക്കോബ്‌ 1:13) ദൈവം മനുഷ്യ​വർഗ​ത്തിന്‌ പൂർണ​ത​യുള്ള തുടക്ക​മാണ്‌ നൽകി​യ​തെന്ന്‌ ബൈബി​ളി​ലൂ​ടെ നമ്മൾ പഠിക്കു​ന്നു. ആദ്യ മനുഷ്യ​രായ ആദാമി​നും ഹവ്വായ്‌ക്കും സുന്ദര​മായ ഒരു ഭവനവും ജീവി​ക്കാൻ ആവശ്യ​മായ കാര്യ​ങ്ങ​ളും അർഥവ​ത്തായ ഒരു ജോലി​യും നൽകി. എന്നിട്ട്‌ ദൈവം അവരോട്‌ ഇങ്ങനെ പറഞ്ഞു: ‘നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു അതിനെ അടക്കുക.’ തീർച്ച​യാ​യും ദൈവ​ത്തോട്‌ നീരസ​പ്പെ​ടാൻ ആദാമി​നും ഹവ്വായ്‌ക്കും യാതൊ​രു കാരണ​വു​മി​ല്ലാ​യി​രു​ന്നു.—ഉല്‌പത്തി 1:28.

എന്നാൽ ഇന്ന്‌ ജീവി​ത​സാ​ഹ​ച​ര്യ​ങ്ങൾ, ദൈവം ആദ്യം മനുഷ്യ​നെ സൃഷ്ടി​ച്ച​പ്പോൾ ഉണ്ടായി​രുന്ന പൂർണ​മായ അവസ്ഥയിൽനി​ന്നും ഏറെ അകന്നു​പോ​യി​രി​ക്കു​ന്നു. ചരി​ത്ര​ത്തി​ലു​ട​നീ​ളം മനുഷ്യ​വർഗ​ത്തി​ന്റെ സ്ഥിതി അതിദാ​രു​ണ​മാണ്‌. “ഇന്നോളം സർവസൃ​ഷ്ടി​യും ഒന്നടങ്കം ഞരങ്ങി വേദന​പ്പെ​ട്ടി​രി​ക്കു​ന്നു” എന്ന വാക്കുകൾ എത്ര സത്യം. (റോമർ 8:22) എന്നാൽ, എന്താണ്‌ സംഭവി​ച്ചത്‌?

ഇന്നത്തെ ദുരി​ത​ങ്ങൾക്കുള്ള കാരണം എന്താണ്‌?

ദുരി​ത​ങ്ങൾക്കുള്ള കാരണം മനസ്സി​ലാ​ക്കാൻ അത്‌ തുടങ്ങിയ സമയ​ത്തേക്ക്‌ നമ്മൾ തിരി​ച്ചു​പോ​കേ​ണ്ട​തുണ്ട്‌. പിശാ​ചായ സാത്താൻ എന്ന്‌ വിളി​ക്ക​പ്പെട്ട മത്സരി​യായ ദൂതൻ, ആദാമി​നെ​യും ഹവ്വാ​യെ​യും പ്രലോ​ഭി​പ്പി​ച്ചു. അങ്ങനെ, ശരിയും തെറ്റും സംബന്ധിച്ച ദൈവി​ക​നി​ല​വാ​ര​ങ്ങളെ തിരി​ച്ച​റി​യി​ക്കുന്ന “നന്മതി​ന്മ​ക​ളെ​ക്കു​റി​ച്ചുള്ള അറിവി​ന്റെ വൃക്ഷത്തിൻ ഫലം” തിന്നരുത്‌ എന്ന ദൈവ​ക​ല്‌പന ആദാമും ഹവ്വായും നിരസി​ച്ചു. ദൈവ​ത്തോട്‌ അനുസ​ര​ണ​ക്കേട്‌ കാണി​ച്ചാ​ലും അവർ മരിക്കു​ക​യി​ല്ലെന്ന്‌ പിശാച്‌ ഹവ്വാ​യോട്‌ പറഞ്ഞു​കൊണ്ട്‌, ദൈവത്തെ ഒരു നുണയ​നാ​യി ചിത്രീ​ക​രി​ച്ചു. കൂടാതെ, ശരിയും തെറ്റും തീരു​മാ​നി​ക്കാ​നുള്ള അവകാശം ദൈവം പിടി​ച്ചു​വെ​ക്കു​ക​യാ​ണെ​ന്നും സാത്താൻ ആരോ​പി​ച്ചു. (ഉല്‌പത്തി 2:17; 3:1-6) അതിലൂ​ടെ, ദൈവ​ഭ​രണം ഇല്ലാതി​രി​ക്കു​ന്ന​താണ്‌ മനുഷ്യ​വർഗ​ത്തിന്‌ നല്ലതെന്ന്‌ സാത്താൻ സൂചി​പ്പി​ക്കു​ക​യാണ്‌ ചെയ്‌തത്‌. ഇക്കാര്യ​ങ്ങ​ളെ​ല്ലാം, ദൈവം ഭരിക്കാൻ യോഗ്യ​നാ​ണോ? എന്ന പരമ​പ്ര​ധാ​ന​മായ ഒരു വിവാ​ദ​വി​ഷ​യ​ത്തിന്‌ തിരി​കൊ​ളു​ത്തി.

മറ്റൊരു പ്രശ്‌ന​വും പിശാച്‌ ഉന്നയിച്ചു. മനുഷ്യർ ദൈവത്തെ സേവി​ക്കു​ന്നത്‌ സ്വന്തം നേട്ടത്തി​നു​വേണ്ടി മാത്ര​മാ​ണെന്ന്‌ അവൻ ആരോ​പി​ച്ചു. വിശ്വ​സ്‌ത​നായ ഇയ്യോ​ബി​നെ​ക്കു​റിച്ച്‌ പിശാച്‌ ദൈവ​ത്തോട്‌ ഇങ്ങനെ പറഞ്ഞു: “നീ അവനും അവന്റെ വീട്ടി​നും അവനുള്ള സകലത്തി​ന്നും ചുറ്റും വേലി​കെ​ട്ടീ​ട്ടി​ല്ല​യോ? . . . തൃക്കൈ നീട്ടി അവനു​ള്ള​തൊ​ക്കെ​യും ഒന്നു തൊടുക; അവൻ നിന്നെ മുഖത്തു നോക്കി ത്യജി​ച്ചു​പ​റ​യും.” (ഇയ്യോബ്‌ 1:10, 11) ഇയ്യോ​ബി​നെ ഉദ്ദേശി​ച്ചാണ്‌ സാത്താൻ ആ വാക്കുകൾ പറഞ്ഞ​തെ​ങ്കി​ലും, എല്ലാ മനുഷ്യ​രും ദൈവത്തെ സേവി​ക്കു​ന്നത്‌ സ്വാർഥ​ല​ക്ഷ്യ​ങ്ങ​ളോ​ടെ ആണെന്നാണ്‌ അവൻ അതിലൂ​ടെ അർഥമാ​ക്കി​യത്‌.

ഈ വിവാ​ദ​വി​ഷ​യങ്ങൾ ദൈവം എങ്ങനെ പരിഹ​രി​ക്കും?

വിവാ​ദ​വി​ഷ​യങ്ങൾ എന്നെ​ന്നേ​ക്കു​മാ​യി പരിഹ​രി​ക്കാ​നുള്ള ഏറ്റവും മെച്ചമായ വഴി ഏതായി​രി​ക്കും? സർവജ്ഞാ​നി​യായ ദൈവം നമ്മെ ഒരിക്ക​ലും നിരാ​ശ​പ്പെ​ടു​ത്താ​തെ അതി​നൊ​രു പരിഹാ​രം കണ്ടെത്തി. (റോമർ 11:33) ദൈവം, മനുഷ്യ​രെ കുറച്ച്‌ കാല​ത്തേക്ക്‌ തങ്ങളെ​ത്തന്നെ ഭരിക്കാൻ അനുവ​ദി​ക്കു​ക​യും അതിലൂ​ടെ ഉണ്ടാകാൻ പോകുന്ന പരിണ​ത​ഫ​ല​ത്തി​ലൂ​ടെ ആരുടെ ഭരണമാണ്‌ നല്ലതെന്ന്‌ തെളി​യി​ക്കാൻ തീരു​മാ​നി​ക്കു​ക​യും ചെയ്‌തു.

ഭൂമി​യിൽ ഇന്നു കാണുന്ന ദുരി​ത​പൂർണ​മായ അവസ്ഥകൾ മനുഷ്യ​ഭ​രണം അമ്പെ പരാജ​യ​പ്പെ​ട്ടി​രി​ക്കു​ന്നു എന്നതിന്റെ വ്യക്തമായ തെളി​വാണ്‌. ലോക​ഗ​വ​ണ്മെ​ന്റു​കൾ സമാധാ​ന​വും സുരക്ഷി​ത​ത്വ​വും സന്തോ​ഷ​വും കൊണ്ടു​വ​രു​ന്ന​തിൽ വിജയി​ച്ചി​ട്ടി​ല്ലെന്നു മാത്രമല്ല ഭൂമിയെ നാശത്തി​ന്റെ വക്കി​ലെ​ത്തി​ക്കു​ക​യും ചെയ്‌തി​രി​ക്കു​ന്നു. “മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല” എന്ന ബൈബി​ളി​ലെ അടിസ്ഥാ​ന​വ​സ്‌തു​ത​യ്‌ക്ക്‌ അത്‌ അടിവ​ര​യി​ടു​ന്നു. (യിരെ​മ്യാ​വു 10:23) ദൈവ​ഭ​ര​ണ​ത്തി​നു മാത്രമെ നിലനിൽക്കുന്ന സമാധാ​ന​വും സന്തോ​ഷ​വും സമൃദ്ധി​യും മനുഷ്യ​വർഗ​ത്തിന്‌ ഉറപ്പു​വ​രു​ത്താൻ കഴിയു​ക​യു​ള്ളൂ. കാരണം അതാണ്‌ ദൈവ​ത്തി​ന്റെ ഉദ്ദേശ്യം.—യെശയ്യാ​വു 45:18.

അങ്ങനെ​യെ​ങ്കിൽ, മനുഷ്യ​വർഗ​ത്തി​നു​വേ​ണ്ടി​യുള്ള തന്റെ ഉദ്ദേശ്യം ദൈവം എങ്ങനെ നടപ്പിൽ വരുത്തും? “നിന്റെ രാജ്യം വരേണമേ. നിന്റെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്ന്‌ യേശു ശിഷ്യ​ന്മാ​രെ പ്രാർഥി​ക്കാൻ പഠിപ്പി​ച്ച​തി​നെ​ക്കു​റിച്ച്‌ ചിന്തി​ക്കുക. (മത്തായി 6:10) അതെ, തക്കസമ​യത്ത്‌ ദൈവം തന്റെ രാജ്യ​ത്തി​ലൂ​ടെ ദുരി​ത​ങ്ങൾക്കുള്ള കാരണങ്ങൾ തുടച്ചു​നീ​ക്കും. (ദാനീ​യേൽ 2:44) ദാരി​ദ്ര്യം, രോഗം, മരണം എന്നിവ​യെ​ല്ലാം കഴിഞ്ഞ​കാല സംഭവ​ങ്ങ​ളാ​യി മാറും. “നിലവി​ളി​ക്കുന്ന ദരി​ദ്രനെ . . . വിടു​വി​ക്കു”മെന്ന്‌ നിർധ​ന​രാ​യ​വ​രെ​ക്കു​റിച്ച്‌ ബൈബിൾ പറയുന്നു. (സങ്കീർത്തനം 72:12-14) രോഗി​കളെ സംബന്ധി​ച്ചാ​ണെ​ങ്കിൽ “എനിക്കു ദീനം എന്നു യാതൊ​രു നിവാ​സി​യും പറകയില്ല” എന്നും ബൈബിൾ വാഗ്‌ദാ​നം ചെയ്യുന്നു. (യെശയ്യാ​വു 33:24) ഇനി, ദൈവ​ത്തി​ന്റെ ഓർമ​യി​ലുള്ള മരിച്ച​വ​രെ​ക്കു​റിച്ച്‌, “സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും അവന്റെ ശബ്ദം കേട്ടു പുറത്തു​വ​രുന്ന സമയം വരുന്നു” എന്ന്‌ യേശു പറഞ്ഞു. (യോഹ​ന്നാൻ 5:28, 29) എത്ര ഹൃദയ​സ്‌പർശി​യായ വാഗ്‌ദാ​നങ്ങൾ!

നീരസം തരണം ചെയ്യുന്നു

ഈ ലേഖന​ത്തി​ന്റെ ആരംഭ​ത്തിൽ പരാമർശിച്ച സിഡ്‌നി 17 വർഷങ്ങൾക്കു ശേഷം ഇങ്ങനെ പറയുന്നു: “എനിക്ക്‌ ഉണ്ടായ അപകട​ത്തിന്‌ ഞാൻ ഒരിക്ക​ലും യഹോ​വ​യാം ദൈവത്തെ കുറ്റ​പ്പെ​ടു​ത്തി​യി​ട്ടില്ല. എങ്കിലും, ആദ്യം എനിക്ക്‌ ദൈവ​ത്തോട്‌ നീരസം തോന്നി​യി​രു​ന്നു എന്നുള്ളത്‌ സത്യമാണ്‌. പല ദിവസ​ങ്ങ​ളിൽ ഞാൻ ദുഃഖ​ത്തി​ലാ​ണ്ടു​പോ​യി​ട്ടുണ്ട്‌. എന്റെ വൈക​ല്യ​ത്തെ​ക്കു​റിച്ച്‌ ഓർത്ത്‌ ഞാൻ കരയാ​റുണ്ട്‌. എന്നാൽ, എനിക്ക്‌ സംഭവി​ച്ചു​പോയ അപകടം ദൈവ​ത്തിൽനി​ന്നുള്ള ശിക്ഷ അല്ലെന്ന്‌ ബൈബി​ളി​ലൂ​ടെ ഞാൻ മനസ്സി​ലാ​ക്കി. ‘കാലവും ഗതിയും’ അതായത്‌ കാലവും മുൻകൂ​ട്ടി കാണാൻ കഴിയാത്ത സംഭവ​ങ്ങ​ളും ഉണ്ടാകു​മെന്ന്‌ ബൈബിൾ പറയുന്നു. യഹോ​വ​യോട്‌ പ്രാർഥി​ക്കു​ന്ന​തും തെര​ഞ്ഞെ​ടുത്ത തിരു​വെ​ഴു​ത്തു​കൾ വായി​ക്കു​ന്ന​തും എന്നെ ആത്മീയ​മാ​യി ബലപ്പെ​ടു​ത്തു​ക​യും എന്റെ ഊർജ​സ്വ​ലത നിലനി​റു​ത്തു​ക​യും ചെയ്യുന്നു.—സഭാ​പ്ര​സം​ഗി 9:11; സങ്കീർത്തനം 145:18; 2 കൊരി​ന്ത്യർ 4:8, 9, 16.

എന്തു​കൊ​ണ്ടാണ്‌ ദൈവം ദുരി​തങ്ങൾ അനുവ​ദി​ക്കു​ന്ന​തെ​ന്നും അതിന്റെ അനന്തര​ഫ​ലങ്ങൾ പെട്ടെന്ന്‌ എങ്ങനെ പരിഹ​രി​ക്കു​മെ​ന്നും മനസ്സി​ലാ​ക്കു​ന്നത്‌ ദൈവ​ത്തോട്‌ നമുക്ക്‌ ഉണ്ടാ​യേ​ക്കാ​വുന്ന ഏതൊരു നീരസ​ത്തെ​യും തരണം ചെയ്യാൻ സഹായി​ക്കും. “തന്നെ ആത്മാർഥ​മാ​യി അന്വേ​ഷി​ക്കു​ന്ന​വർക്ക്‌ അവൻ പ്രതി​ഫലം നൽകുന്നു”എന്ന്‌ ദൈവം ഉറപ്പു​നൽകി​യി​രി​ക്കു​ന്നു. ദൈവ​ത്തി​ലും പുത്ര​നി​ലും വിശ്വാ​സം അർപ്പി​ച്ചി​രി​ക്കുന്ന ഏതൊ​രു​വ​നും നീരസ​പ്പെ​ടേ​ണ്ടി​വ​രില്ല.—എബ്രായർ 11:6; റോമർ 10:11. ▪ (w15-E 09/01)