ദുരന്തം ആഞ്ഞടി​ച്ചാൽ

നിങ്ങൾ ഒരു ദുരന്തത്തെ അതിജീ​വി​ച്ച​യാ​ളാ​ണെ​ങ്കിൽ, ഇതു​പോ​ലെ അതിജീ​വിച്ച മറ്റുള്ള​വർക്കു തോന്നുന്ന ഞെട്ടലും ഒറ്റപ്പെ​ട​ലും ആശങ്കയും പേടി​സ്വ​പ്‌ന​ങ്ങ​ളും നിങ്ങൾക്കും മനസ്സി​ലാ​ക്കാൻ കഴിയും. നിരാ​ശ​യി​ലും വേദന​യി​ലും ആണ്ടു​പോയ പല അതിജീ​വ​കർക്കും കാര്യങ്ങൾ നേരെ​യാ​ക്കി മുന്നോ​ട്ടു പോകാ​നുള്ള ആഗ്രഹം​തന്നെ മരവി​ച്ചു​പോ​യി.

നിങ്ങളും ഇതു​പോ​ലെ ഏതെങ്കി​ലും ദുരന്ത​ത്തിന്‌ ഇരയാ​യി​ട്ടു​ണ്ടെ​ങ്കിൽ കൂടുതൽ ഒന്നും ഇനി താങ്ങാൻ പറ്റി​ല്ലെ​ന്നും ജീവി​ക്കു​ന്ന​തിന്‌ ഒരു അർഥമി​ല്ലെ​ന്നു​പോ​ലും നിങ്ങൾക്കു തോന്നി​യി​ട്ടു​ണ്ടാ​കാം. എന്നാൽ ബൈബിൾ പറയു​ന്നതു ജീവി​ക്കു​ന്ന​തിന്‌ ഒരു അർഥമുണ്ട്‌ എന്നാണ്‌. നിങ്ങൾക്കു നല്ലൊരു ഭാവി​ക്കാ​യി കാത്തി​രി​ക്കാ​നുള്ള തക്ക കാരണ​ങ്ങ​ളും അതു തരുന്നു.

ബൈബിൾസ​ത്യ​ങ്ങ​ളെ​ക്കു​റി​ച്ചുള്ള അറിവ്‌ പ്രത്യാശ തരും

“ഒരു കാര്യ​ത്തി​ന്റെ ആരംഭ​ത്തെ​ക്കാൾ അതിന്റെ അവസാനം നല്ലത്‌” എന്നു സഭാ​പ്ര​സം​ഗകൻ 7:8 പറയുന്നു. നിങ്ങൾ ദുരന്ത​ത്തിൽനിന്ന്‌ കരകയ​റി​ത്തു​ട​ങ്ങി​യി​ട്ടേ ഉള്ളൂ എങ്കിൽ ജീവിതം ആശയറ്റ​താ​യി തോന്നി​യേ​ക്കാം. എന്നാൽ ക്ഷമയോ​ടെ നിങ്ങൾ ജീവിതം കെട്ടി​പ്പ​ടു​ക്കാൻ ശ്രമി​ക്കു​ന്നെ​ങ്കിൽ കാര്യങ്ങൾ മെച്ച​പ്പെ​ടും.

“കരച്ചി​ലി​ന്റെ സ്വരമോ വേദന​കൊ​ണ്ടുള്ള നിലവി​ളി​യോ” കേൾക്കാത്ത ഒരു കാലം വരു​മെന്നു ബൈബിൾ പറയുന്നു. (യശയ്യ 65:19) ദൈവ​രാ​ജ്യ​ത്തിൽ ഭൂമി ഒരു പറുദീ​സ​യാ​യി മാറു​മ്പോൾ ഇതു സത്യമാ​കും. (സങ്കീർത്തനം 37:11, 29) ദുരന്തങ്ങൾ വെറും പഴങ്കഥ​യാ​കും. വേദനി​പ്പി​ക്കുന്ന ഓർമ​ക​ളും മനസ്സിന്റെ നൊമ്പ​ര​ങ്ങ​ളും എന്നെ​ന്നേ​ക്കു​മാ​യി മാഞ്ഞു​പോ​കും. കാരണം സർവശ​ക്ത​നായ ദൈവ​ത്തി​ന്റെ വാഗ്‌ദാ​നം ഇതാണ്‌: “പഴയ കാര്യങ്ങൾ ആരു​ടെ​യും മനസ്സി​ലേക്കു വരില്ല; ആരു​ടെ​യും ഹൃദയ​ത്തിൽ അവയു​ണ്ടാ​യി​രി​ക്കില്ല.”—യശയ്യ 65:17.

സ്രഷ്ടാവ്‌ നമുക്കു​വേണ്ടി കരുതി​വെ​ച്ചി​രി​ക്കു​ന്നത്‌ “ഒരു നല്ല ഭാവി​യും പ്രത്യാ​ശ​യും” ആണ്‌. അതായത്‌ ദൈവ​ത്തി​ന്റെ തികവുറ്റ ഭരണത്തിൻകീ​ഴി​ലെ സമാധാ​ന​പൂർണ​മായ ജീവിതം. (യിരെമ്യ 29:11) ഈ സത്യം മനസ്സി​ലാ​ക്കു​ന്നതു ജീവി​ക്കു​ന്ന​തിൽ അർഥമു​ണ്ടെന്നു മനസ്സി​ലാ​ക്കാൻ നിങ്ങളെ സഹായി​ക്കു​ന്നി​ല്ലേ? ആദ്യ​ലേ​ഖ​ന​ത്തിൽ പരിച​യ​പ്പെട്ട സാലി പറയുന്നു: “ഭാവി​യിൽ ദൈവ​രാ​ജ്യം നമുക്കു​വേണ്ടി ചെയ്യാൻപോ​കുന്ന വലിയ കാര്യ​ങ്ങ​ളെ​ക്കു​റിച്ച്‌ ഓർത്തു​കൊ​ണ്ടി​രി​ക്കു​ന്നതു പഴയ കാര്യങ്ങൾ മറക്കാ​നും ഇപ്പോ​ഴുള്ള കാര്യ​ങ്ങ​ളിൽ ശ്രദ്ധി​ക്കാ​നും നിങ്ങളെ സഹായി​ക്കും.”

ദൈവ​രാ​ജ്യം പെട്ടെ​ന്നു​തന്നെ മനുഷ്യർക്കു​വേണ്ടി കൂടു​ത​ലാ​യി എന്തൊക്കെ ചെയ്യു​മെന്നു മനസ്സി​ലാ​ക്കാൻ ഒന്നു ശ്രമി​ച്ചു​കൂ​ടേ? അങ്ങനെ ചെയ്യു​മ്പോൾ, ജീവി​ക്കു​ന്ന​തിന്‌ അർഥമു​ണ്ടെന്ന നിങ്ങളു​ടെ ബോധ്യം ശക്തമാ​കും. കാരണം നിങ്ങൾ ദുരന്ത​ങ്ങ​ളൊ​ന്നു​മി​ല്ലാത്ത ഒരു ഭാവി​ക്കു​വേണ്ടി കാത്തി​രി​ക്കു​ക​യാ​ണ​ല്ലോ? എന്നാൽ അതുവരെ, ഇപ്പോ​ഴുള്ള വിഷമ​ങ്ങ​ളു​മാ​യി ഒത്തു​പോ​കാൻ ബൈബിൾ തരുന്ന നിർദേ​ശങ്ങൾ നിങ്ങളെ സഹായി​ക്കും. ചില ഉദാഹ​ര​ണങ്ങൾ നോക്കാം.